November 8,  2008

 

Pagbantay sa mga utlanan batok Hog Cholera gihigpitan

Gimandu ni Governor Rolando Yebes sa quarantine officers sa Provincial Veterinarians Office sa ZaNorte ang paghigpit sa ilang pagbantay sa pagsulod sa mga buhing baboy ug karne gikan sa Misamis Oriental atubangan sa gikatahong hog cholera outbreak sa nasangpit nga probinsiya.

Kini ang giluwatang kamanduan ni Governor Yebes ngadto kang Mr. Vicente “Vic” Sanchez, Jr. ang hepe sa PROVET sa ZaNorte sa tuyo nga dili maapektuhan ang atong lalawigan sa nasinati karong hog cholera outbreak sa Cagayan de Oro ug mga kalungsuran sa Misamis Oriental.

Sa iyang kabahin si Mr. Sanchez nagkanayon nga sukad pa sa paglingkud ni Governor Yebes nagapabiling higpit ang ilang pagbantay sa utlanan pinaagi sa ilang mga quarantine officers.

Matud pa ni Sanchez kini maoy rason ngano nga ang lalawigan sa ZaNorte wala gayud makasinati ug mga susamang problema sama niini ug uban pang mga sakit sa hayupan.

Maoy gimandu sa gobernador nga kinahanglan higpitan ang pag spray ug disinfectant sa ligid sa tanang mga sakyanan nga mosulod sa lalawigan sa ZaNorte gikan sa Misamis Occidental lakip na ang pagsusi sa tanang mga hayupan ilabi na sa baboy nga itransportar pasulod sa atong probinsiya.

Sa sayu pa didto sa Cagayan de Oro City gi-mandu sa ilang mga opis-yales sa agrikultura ang hig-pit nga isolation sa tanang mga backyard piggeries. (The New Nandau, Vol. XVIII No.14)

 

Depende sa status classification ang tabang sa pasyenti –Pacilan

Giawhagan karon sa buhatan sa gobernador diha sa Community Development Assistance Unit kon CDAU pinaagi sa hepe niini nga si Mr. Rony Pacilan ang tanang mga miyembro sa LANDO-BIBO ilabi na kadtong gipailawom sa Provincial Health Care Assistance Program ingon man sa PHILHEALTH ang bag-ong gipatuman nga direktiba sa kagamhanang provincial ilawom sa Indigency Program niini nga mao ang status classification diha sa mga tambalanan nga gipanag-iyahan sa kagamhanang probinsyal lakip na ang Zanorte Medical Center.

Matod pa ni Pacilan, ilawom sa Status Classification, ang mga miyembro nga pasyenti sa tambalanan sa gobiyerno ang ipasulod diha sa classification. Kadtong mga miyembro nga ilhon nga C-1 kini makaangkon ug 25% nga diskwento sa total hospital bill, ang C-2 adunay 50% nga discount sa total hospital bill, samtang ang C-3 ipailawom sa 75% nga discount.

Lakip nga maangkon sa maong benepisyo mao ang mga LANDO-BIBO Philhealth, kinsa adunay mga excess nga balayronon human kuhaan ang ilang total hospital bill sa PHILHEALTH deductions. Matod pa ni Pacilan kini subay sa gi-adaptar karon nga bag-ong palisiya sa kagamhanang probinsyal.

Matod pa niya, mas klaro karon ug mas dako ang madawat nga benepisyo sa mga katawhan diha sa health care program ubos sa LANDO-BIBO initiative nga gipatuman sa provincial government sulod na sa upat ka tuig karon.

Ang PHCAP mao ang health care intervention program alang sa LANDO-BIBO beneficiaries nga gipalig-on na karon sa tibuok lalawigan.

Uban sa kausaban sa pagdawat sa PHCAP mao ang higayon nga pagahatagan ug validation forms ang mga miyembro nga malandig sa tambalanan sa panahon nga i-admit na kini. Busa iyang gi-awhag ang mga BIBO nga kinahanglan mohapit una sila sa BIBO center sulod sa mga tambalanan sa probinsiya ug mangayo ug validation form aron nga ilang maangkon ang maong benepisyo.

Dugang information advocacy ang gipahigayon karon sa iyang buhatan ngadto na sa mga BIBO barangays sa tibuok lalawigan aron nga mahibaw-an sa mga katawhan ang maong kausaban, nga iyang giila nga mas makahatag ug klaro ug mas dako nga benipesyo alang sa mga miyembro sa maong kapunungan.

Dungan sa pagpahigayon sa maong information advocacy mao ang expansion of membership nga dugay na kaayo nga gipaabot sa uban nga wala pa mahisulod sa maong programa.

Sumala pa sa CDAU Unit Head nga gisugdan karon sa iyang mga field facilitators ang registration and enrollment program diha sa mga kabarangayan aron ang wala pa mahisulod sa maong programa ang mahatagan usab ug kahigayonan nga makaangkon sa maong mga benepisyo.

Sa pikas bahin dako ang nahimong kalipay nga gibati sa mga kadagkoan sa pundok lumad sa lungsod sa Jose Dalman ning lalawigan diha sa programa sa maayong panglawas sa mga katawhan nga gipatuman sa kagamhanang probinsyal nga gipalig-on ug gikultibar sa Community Development Assistance Unit.

Si Dioleto ‘Joyboy” Tigon, ang Timoay Labi sa maong lungsod sa iyang suwat nga gipadangat sa buhatan sa CDAU ang malipayon kining mipahibawo sa dakong pagsalig ug kahimuot sa pundok lumad sa maong lungsod, human nila madawat ilang mga PHILHEALTH family cards gikan sa LANDO-BIBO program sa probinsiya.

Matod pa ni Tigon nga kapin sa libo ka mga pamilya gikan sa 18 ka mga barangay sa Jose Dalman ang nakadawat sa maong benepisyo nga kasagaran niini ilang mga kaubang subano.

Matod pa ni Tigon nga gi-agni siya sa iyang mga kauban nga mosulat gayud ngadto sa gobernador aron nga ipaabot ang ilang dako kaayo nga pasalamat ngadto sa amahan sa probinsya.

Dugang pa ni Tigon nga sa dihang iyang gitagik ang maong sulat, naatol usab nga nahiabot ang CDAU unit head nga si Mr. Rony Pacilan diha sa iyang karenderia sa poblacion Jose Dalman mao nga iya kining personal nga gipasalamatan sa maong programa nga gipatuman ilawom sa buhatan sa gobernador nga mao ang CDAU.

Sumala ni Tigon nga gidasig siya sa maong opisyal nga ipadangat diretso sa gobernador ang maong pasalamat tungod kay ang gobernador man ang mipatuman niining tanan.

Si Tigon malipayon usab nga mipahibawo sa CDAU nga daghan karong mga sakop sa lumad nga wala pa mahiabti sa maong programa ang miduol kaniya aron nga sila mapailawom usab sa maong serbisyo nga gilugway sa probinsiya dili lamang sa mga lumad kung dili sa tanang mga katawhang kabos ning lalawigan.

Kahinumduman nga ang maong programa nga BIBO ang usa sa mga nag-unang hinungdan nga nadawat ni Governor Lando Yebes ang pinakataas nga pasidungog nga Lingkod Bayan Award niadtong miaging tuig 2007 nga gihatag sa Civil Service Commission alang sa lider nga nakamugna ug talagsaong programa nga nakahatag ug dakong impact sa kinabuhi sa mga katawhan nga iyang nasakupan, nga hayan angayan sundogon sa ubang probinsya. (The New Nandau, Vol. XVIII No.14)

  

Zaneco moapela sa NPC condonation sa FCC/ICC

Gikatakda nga moduso sa ilang apelasyon ngadto sa National Power Corporation ang Zambo-anga del Norte Electric Cooperative kon ZANECO para sa penal nga pagpagawas ug desisyon sa condonation sa FCC/ICC nga wala mabayre sa kooperatiba sukad giduso ang petisyon sa panahon ni kanhi Governor Isagani Amatong.

Matud pa ni Zaneco General Manager Adelmo Laput tulo na ka higayon nga ang ZANECO mi-duso ug apelasyon para sa condonation sa interest sa FCC/ICC apan walay nahitabo maoy hi-nungdan nga iya kining paga-totokan karon.

Sa nasayran nga mokabat na sa P546 milyones ka pesos ang kinatibuk-ang interest sa P33 milyones ka pesos nga principal sa bayranan sa kooperatiba sa elektrisidad ngadto sa NPC.

Gipaneguro ni GM Laput nga hayan dili na makabayad sa interest ang Zaneco ngadto sa NPC gumikan kay duna nay ilang pasiunang kasabutan nga ang principal maoy bayaran sa kooperatiba ug walaon na ang interest. (The New Nandau, Vol. XVIII No.14)

 

Reyes wala maka liquidate sa iyang cash advance 7 na ka tuig nakalabay

Nagapabiling wala pa gihapon maka liquidate sa iyang cash advance si Romy Reyes ang budget officer sa Dipolog mga pito na ka tuig ang nakalabay.

Kini ang milutaw diha sa trial balance sa siyudad sa Dipolog nga nagpakita nga hangtud karon ang nasang-pit nga mga cash advances ni Reyes sa dihang city administrator pa kini nagapa-biling wala ma liquidate.

Kahinumduman ang nasangpit nga cash advances ni Reyes uban nila ni Dionisio Mandawe ug Glen Yu napunting sa usa ka reklamo nga gipasaka atubangan sa Ombudsman Mindanao ug giimbestigar sa Commission on Audit.

Sa gihimong imbestigasyon sa COA milutaw nga ang nasangpit nga mga cash advances gigamit para sa galastuhan sa Search for Mutya sa Dipolog City 2001 ingon man pagpalit ug peyesa para sa mga sakyanan ug ekipo sa siyudad.

Sa imbestigasyon sa COA nagpakita nga si Reyes mi-cash advance ug P250,000 niadtong Hunyo 20, 2001 apan iyang gideposito ang pundo ngadto sa Mertro-bank ning dakbayan sa Dipolog pagka Hunyo 25, 2001.

Walay gihatag nga rason si Reyes ngano nga iyang gideposito sa Metrobank ang gikuha niyang kuwarta gikan sa panudlanan sa Dipolog.

Matud pa sa report ni Leonilo Morales ang audit team leader nga maoy nag-imbestigar sa maong anomaliya, ang tseke nga gikuha ni Reyes angayang adto unta niya pasensilyuhan sa Land Bank of the Philippines kay mao kiniy depository bank sa siyudad sa Dipolog ug dili ang Metrobank.

Gitataw sa COA nga ang kuwarta nga pagahuptan sa mga accountable officer sa gobyerno kinahanglan nga isiparar sa mga personal niining pundo diin higpit nga gidili sa balaod nga ang maong mga opisyal sa gobyerno mokita ug ginansiya sa pundo sa publiko pinaagi sa pagdeposito niini sa ilang mga pribadong bank accounts.

Sa report sa COA gihisgutan nga sila si Mandawe ug Engr. Yu tapos nang naka liquidate sa ilang mga cash advances apan si Reyes wala gayud makahimo niini.

Ang gi cash advance ni Mandawe ug Yu gigamit sa pagpalit ug mga peyesa sa E.D Sales nga gipanag-iyahan ni Eddie Quimbo.

Sa cash advance ni Reyes wala gayud ma liquidate kay walay records nga nakita sa Accounting Office.

Sa nasayran ang resulta sa imbestigasyon sa COA hangtud karon wala pa masumitir ngadto sa Ombudsman Mindanao nga maoy gihuwat para mapadayon na sa paghusay ang kasong kurapsiyon nga gipasaka batok sa budget officer sa Dipolog. (The New Nandau, Vol. XVIII No.14)

 

OPAG nag-awhag mga Palay Farmers mag Synchronized Planting batok tungro

Higpit karong naga-awhag ang Office of the Provincial Agriculturist sa mga mag-uuma sa palay sa tibook ZaNorte nga kinahanglan sa kada lugar karong panahuna mosagup sila sa synchronized farming para malikay batok sa Tungro.

Kini ang gipalanog ni Maybel Bustalino, Supervising Agriculturist sa ZaNorte atubangan sa mga report nga giatake karon sa Tungro ang pipila ka mga kahumayan sa pipila ka mga lungsod sa atong lalawigan.

Si Bustalino miapilar sa mga barangay kapitan nga unta sila maoy motabang sa pagpasabot ngadto sa ilang mga mag-uuma sa palay nga kinahanglan magdungan sila ug tanum aron magdungan usab ug ani.

Gipasabot ni Bustalino nga sigun sa gihimong pagtuon ang sistima nga mag-ulhos-ulhos sa pagtanum sa mga mag-uuma sa palay samtang ang uban kamulo pang nag-ani maoy kasagarang atakihon sa Tungro.

Matud pa sa supervising agriculturist sa ZaNorte ang Tungro usa ka virus ug wala pay tambal nga nakita batok niini.

Gipasabot ni Bustalino nga kinahanglan ang tanan paghuman nila ug ani sa palay magtakda ug panahon para magdungan usab sila ug tanum apan kinahanglan nga molat-ang gayud sila gikan sa pag-ani hangtud sa pagtanum ug balik para dili makatabok ug mokuyanap ang virus sa Tungro.

Sumala pa niya kon ang usa ka basakan apektado sa Tungro ang virus niini motabok sa sikbit nga basakan nga magsugod na usab ug tanum.

Matud pa ni Bustalino gikinahanglan nga molat-ang gayud ug igong panahon gikan sa pag-ani hangtud sa pagtanum ug balik para dili makakaylap ang virus sa Tungro kay wala ra ba kiniy tambal.

Kon mahimo matud pa ni Bustalino makapanday ug ordinansa ang barangay aron maoy magtakda sa pagpahigayon sa synchronized planting.

Gikinahanglan gayud nga mosakripisyo ug gamay nga panahon ang atong mga mag-uuma sa palay para dili mausik ang ilang mga kahago ug puhunan nga ilang gibobo. (The New Nandau, Vol. XVIII No.14)

 

Intelligence fund ilawom gihapon pag-audit sa COA –BM Darunday

Dili mahimo nga maabu-sohan ang intelligence fund sa mga mayor ug goberna-dor kay kini ilawom giha-pon sa pag-audit sa Commission on Audit o COA.

Kini ang pagpaklaro ni Board Member Anecito Darunday atubangan sa pagsaway sa usa ka lokal nga pamantalaan nga ang minilyon nga intelligence fund ni Governor Lando Yebes naglimin ug dakong mesteryo kay dili na mapailawom ug audit.

Si Darunday sa wala pa mapali nga magbabalaod sa probinsya nga nagre-presentar sa tersero distrito, kanhi kini kawani sa Commission on Audit ang mipa-klaro nga adunay daghang mayor ug gobernador ang naka-refund tungod sa naghinubra ug pag-abuso sa pagamit sa ilang intelligence fund.

“Kining intelligence fund is subject to audit ug dunay maximum limit nga i-allow sa balaod kay ug molampas ka ana e-question ka”

Matud ni Darunday du-nay mga mayor ug gober-nador uban pang agency heads nga nagkupot ug intelligence fund nga pag-audit sa COA naka-refund. “So..dili sabton nga kanang ilang gipagarpar nga ang intelligince fund naglimin ug mesteryo kay walay audit…sayop gyud nang estoryaha.. dili tinuod na… there is an audit from COA.”

Kon si Governor Yebes dunay intelligence fund duna poy minilyon nga intelligence fund ang mayor sa Dipolog. “Nganong ang probinsya raman ilang gihilabtan independent media practitioner man kaha sila kay ang ilang agalon kaabin sa politika sa mayor sa Dipolog.”

Gipasabot ni Darunday nga ang mayor ug goberna-dor dunay ‘wide discretion’ unsaon paggamit ang intelligence fund.

Busa tungod niini, matud niya, dakong bakak ang pasangil nga ang intelligence fund gipadak-an kay mao kini ang tinubdan sa pangurakot sa mga opisyal sa probinsya kay duna kini limit nga gitugot sa balaod ang pagamit sa maong pundo nga ilawom sa pag-audit sa COA. (The New Nandau, Vol. XVIII No.14)

 

Rehabilitasyon sa 2 class room bldg. gastuhan sa pundo ni Labadlabad

Duha ka mga school building nga nagkina-hanglan na sa pag-ayo tungod sa delikado nang kahimtang niini sud sa taas nang panahon ang sa dili madugay sugdan na sa pagpa-ilawom sa reha-bilitasyon. Ang maong mga school buildings nahimu-tang sa lungsod sa Katipu-nan, partikular na sa Barangay Daanglungsod ug sa Barangay Nanginan.

Si Brgy. Kapitan, Hon. Antonio Humawak sa Daanglungsod mibutyag nga dugay rang nagkina-hanglan sa pag-ayo ang Gabaldon Building sa Taga Elementary School nga nahimutang sa iyang bara-ngay tungod sa peligroso na nga kahimtang niin. Busa dihang nakalingkod na siya isip bag-ong kapitan sa Daang-lungsod wala siya mag-usik sa pagdangat sa maong suliran ngadto kang Congressman Dodoy Labad-labad aron kahatagan ug kasulbaran ang dugay nang gihambin nga suliran. Gibutyag ni Kapitan Humawak nga misaad ang kongresista paggahin sa kantidad nga 300 mil ka pesos alang niini. Sigon pa kaniya nga sa dili madugay ikapatuman na ang maong repair sanglit ipahigayon naman ang rebidding niini.

Samtang ang laing ayuhunon nga school building tua mahimutang sa Nanginan Elementary School diin gibutyag ni Brgy. Capt. Hon. Virgilio Carlos nga nahuman na sa pagpailawom sa bidding ang maong repair nga gigahinan ni Congressman Dodoy Labadlabad sa kantidad nga syen mil ka pesos. Sa pagka karon sigon pa kaniya gipahigayon na ang mga pangandam alang niini.

Gipaklaro sa duha ka mga kapitan nga sila si Humawak ug Carlos nga pondo gayud sa kongresista ang pagamiton sa pag-ayo sa mga school building nga nahimutang sa ilang tagsa tagsa ka barangay ug dili sa lain pang tinubdan.

Sukwahi sa migawas nga balita nga si congressman Labadlabad nangangkon ug proyekto nga dili iya diha sa pagpaayo o pagtukod sa mga lawak tunghaan, ang maong repair nga ipatuman sa Taga ug Nanginan nahiapil sa 1st tranche sa PPDAF niini alang karong tuiga ilawom sa Special Allotment Release Order no. ROC-08-04431.

Samtang ang pagtukod usab sa bag-ong one unit, two classroom buildings nga gipaagi ni Cong. Labadlabad sa pagpa-kigdugtong sa FFCCCI nga mikabat lamang sa kantidad nga tag 450 mil ka pesos dunay tugbang nga ang maong SARO gikan gihapon sa iyang PDAF o Priority Development Assistance Fund. (Ting Carreon, The New Nandau, Vol. XVIII No.14)

 

P169 Milyones EDF walay mesteryo nga gitago!
BM Darunday: Dili ko kakunsabo ni Governor Yebes

Kusganong gihimakak ni Board Member Anecito Darunday ang nahipatik sa usa ka lokal nga pamantalaan nga siya kakunsabo ni Governor Lando Yebes maoy hinungdan nga nagsirit nga walay mipakgang ang pagpasar sa P169 milyones ka pesos sa 20 porsyento Economic Development Fund alang sa tuig dos mil nuybe.

Kini ang reaksiyon ni Board Member Darunday sa dihang siya giakusahan sa usa ka lokal nga pamantalaan gipanag-iyahan sa kanhi gobernador nga maoy kakunsabo sa gobernador diha sa pagpadas-ug sa maong appropriation ordinance nga wala na miagi sa hustong pagisa sa mga membro sa hunta probinsyal.

Matud pa sa taho nga ang P169 milyones ka pesos nga EDF dunay gilimin nga mesteryo sa budget para ang mga opisyal makapuyos ug dakong bahin sa maong kantidad.

Si Board Member Darunday sa interview mihimakak sa maong akusasyon nga dunay sulat ang gobernador maoy hinungdan nga natak-om ang baba sa mga bokal sa dihang giduso ang maong budget.

Matud ni Darunday, adesir migula ang 20 porsyento nga economic development fund dunay proseso nga giagian human magtagbo ang mga membro sa Provincial Development Council nga maoy mipadas-ug sa mga resolusyon.

“Atong kahibaloan nga ang mga membro sa PDC mga mayor, Department Heads, NGO’s sila maoy mipasar ug resolusyon para sa nagkadaiyang proyekto kay mandatory requirements ang income sa budget ilabi na sa IRA atomatik nga dunay igahin nga pundo para sa economic development fund.”

Gipaklaro ni Darunday nga gituki ang maong budget sa mga membro sa PDC sulod sa tunga sa adlaw, “so walay gitaguan adto polos to mga proyekto nga ikaayo sa atong probinsya sama sa social services, general services, infrastracture, agriculture nga porsyon sa atong total budget.”

Gipasabot sa chairman sa committee on finance and appropriation sa Sanguniang Panlalawigan nga unang aprubahan sa mga membro sa Provincial Development Council ang 20% EDF kay iapil man kini sa annual budget para sa sunod tuig.

“Kadtong letter ni governor standard letter rato nga nag-endorse nga naghangyo nga ipa-concur sa Sanguniang Panlalawigan ang allocation para sa 20% EDF lakip na sa P15 Billion Annual Investment Plan.”

Gipasabot ni Darunday nga ang Annual Investment Plan mandatory requirement gihapon. “Basin matingala ang tawo nga kinsi bilyones ka pesos samtang ang total budget sa probinsya anaa ra sa P1.2 Bilyon.” Ang tanang proyekto sa mga kalungsoran sa tibook lalawigan gi-consolidate gumikan kay dunay mga sources of funding gikan sa nasudnong kagmahanan ug ayuda gikan sa gawas sa nasud maoy gitipo-tipo maoy hinungdan nga miabot sa maong kantidad.

Usa na niini ang P3 Billion nga coastal road project sa triple SB (Sibuco, Siocon, Sirawai, Baliguian, Gutalac) ug duna pa gani umalabot nga P2 Billion nga hayan karong tuiga mogula ang budget. “All sources of funds gikan sa national, foreign gitapo na sa Annual Investment Plan…so walay mesteryoso nga galimin ana.”

Matud ni Darunday atol sa PDC meeting bukas sa tanang membro nga mituki sa maong budget.”

“Kun giingon nila nga tanang board members walay miukab nga baba sa dihang gidasunan ang 20% EDF apil diay ang minority floor leader nga kakunsabo sa gobernador?

Naglibog si Darunday ngano nga gihatagan ug maot nga ‘meaning’ ang pagdason sa 20% EDF nga kaayohan man kini sa mga katawhan. (The New Nandau, Vol. XVIII No.14)

 

Lando BIBO, Rizal Chapter unang makadawat ug livelihood project

Ang Barangay Indigent Benificiaries Organization sa lungsod sa Rizal maoy unang makadawat ug livelihood project gikan sa kagamhanang probinsyal. Kini tapos gidasunan sa Sanguniang Panlalawigan ang resolusyon nga gi-endorso ni Board Member Fernando “Jun” Cabigon nga gipangamahanan ni Board Member Set Frederick “Bullet” Jalosjos.

Human gipailawom sa pagtuon sa Commission on Audit, gidasunan ang resolusyon nga naghatag ug otoredad kang Governor Rolando Yebes sa ngalan sa kagamhanang probinsyal sa Zamboanga del Norte sa pagtimaan sa memorandum of agreement tali na sa Lando BIBO, West Poblacion sa lungsod sa Rizal sa paghatag ug financial assistance nga mokantidad ug singkuwenta mil ka pesos isip counterpart fund para sa livelihood project sa pagatukoron nilang sari-sari store.

Si Pacita Baidiango, presidente sa Lando BIBO, West Poblacion, Rizal Chapter ang mipabate sa iyang dakung kalipay nga gi-aprubahan ang ilang proposed livelihood project nga sari-sari store isip dugang panginabuhi sa ilang mga membro.

Paninguhaon sa mga opisyal ug membro sa BIBO, West Poblacion, Rizal Chapter nga molam-bo ang ilang pagatukoron nga negosyo arun mo-uswag ang kahimtang sa panginabuhi sa mga ka-tawhan pinaagi sa pag-bahinbahin sa kita o ginansiya alang sa ilang inadlaw nga pangina-hanglan.

 Angay hibaloan nga mokabat sa byenti milyo-nes ka pesos ang gigahin karong pundo sa kagam-hanang probinsyal para sa livelihood program sa nagkadaiyang Lando BIBO Chapters sa mga lungsod sa probinsya sa Zamboanga del Norte.

Dinhi sa segundo distrito, ang kagamhanang probin-syal nakigdugtong sa PIE-CODE, usa ka Non Government Organization arun mobansaybansay sa nagkadaiyang Lando BIBO Chapters ug motabang ug himo sa project proposals para sa livelihood projects arun mapadali ang pagpagawas sa gikinahanglang pundo.

Matud ni Roni Pacilan, CDAU Unit Head nga ang ZNLAP maoy naghimo sa guidelines para sa maong programa ang gipani-nguha ni Governor Rolando Yebes nga dili mapalpak ang pangina-buhi sa mga katawhan gumikan kay dili gusto ang gobernador nga mausik ang salapi nga ihatag ngadto kanila tungod kay sagad na nga nagpanghitabo nga dunay ayuda gihatag ang gobi-yerno apan daw gihuyop sa hangin nga nawala tu-ngod kay wala konsultaha ang mga katawhan unsang matang sa panginabuhi ang ilang gikinahanglan.

Karon nga pamaagi, lahi ang approach nga gipasunod sa gobernador kay dili ang gobierno maoy magbuot unsay livelihood nga ihatag, kay kini ipaagi gayud sa mga katawhan pinaagi sa pagkonsulta ug sila ang gihatagan ug higayon nga mohimo sa ilang project proposals pinaagi sa pagtuon ug pagsabotsabot sa matag membro niini.

Gipaningkamotan nga sa dili pa matapos ang tuig dos mil otso, mahatagan na ug financial assistance ang mga BIBO Chapters nga nakaagi ug pag-bansaybansay ug paghimo sa ilang project proposals kay maoy gusto ni Governor Yebes nga sa sunod tuig, ipabaha na ang livelihood project ngadto sa mga barangay sa Zamboanga del Norte. (The New Nandau, Vol. XVIII No.14)

 

Tanang pundo sa electrification project gikan sa DOE ug NEA –GM Laput

Tanang budget nga gipundohan sa electrification projects sa mga kaba-rangayan sa lalawigan nga gipatuman sa Zamboanga del Norte Electric Cooperative nagagikan sa nasudnong panga-gamhanan pinaagi sa National Electrification Administration kon NEA ug Department of Energy kon DOE.

Kini ang gipaklaro ni Zaneco General Manager Adelmo Laput samtang ilang gipatuman karon ang electrification projects sa 27 ka mga barangay sa tulo ka mga distrito sa lalawigan.

Dinhi sa segundo distrito, dunay unsi ka mga barangay ang kasamtangan karong gitrabaho sa mga personahe sa ZANECO.

Aminado si General Manager Laput nga ang maong pundo nga gigahin para niini, ang kongresista maoy nag-identify, apan kini nga budget gi-alokar sa panahon pa ni kanhi Congressman Roseller Barinaga, ug dili karon nga kasamtangang repre-sentante sa segundo distrito.

Kini maoy pagpaklaro sa ZANECO atubangan sa nadunggan niini nga ang maong electrification projects giangkon sa kongresista sa segundo distrito.

Matud ni GM Laput nga ang budget sa maong proyekto gikan sa nasyonal gipaagi sa DOE ug NEA samtang ang ZANECO maoy nag-implementar.

Paningkamotan sa koo-peratiba sa elektrisidad nga sa dili pa matapos ang tuig dos mil otso ila nang mahuman ang pag-energise sa byenti syeti ka mga barangays kay lain na pod nga budget ang ilang ipatuman sa sunod tuig kay maoy programa ni PGMA nga ang tanang barangay nga wala pay kuryenti ang makabaton ug sugang dagitabnon sa dili pa siya mokanaog sa puwesto karong dos mil dyes. (The New Nandau, Vol. XVIII No.14)

 

ASPHALT OVERLAY SA 3RD DISTRICT SUGDAN NA SA PAGTRABAHO

Andam na sa pagtrabaho ang mga kontraktor alang sa asphalt overlay subay sa nasudnong dalan sa 3rd congressional district sa ZaNorte gikan sa Leon Postigo hangtud sa Gatas, Kalawit.

Kini ang gipahibawo sa buhatan ni Congressman Cesar Jalosjos pinaagi ni Board Member Anecito Darunday atubangan sa gipalanog nga reklamo sa publiko sa kaguba karon sa nasudnong dalan nga sakup sa 3rd district.

Matud pa ni Darunday ang mga kontraktor andam na sa ilang pagsugod sa asphalt overlay apan napakgang karon ang ilang paglihok atubangan sa pagpunay ug uwan.

Kini maoy hinungdan nga gisugdan na ug bungkag ang dalan didto sa Gatas sa kontraktor apan naundang ang ilang trabaho gumikan sa uwan.

Ang nasangpit nga proyekto may pahat na nga mokabat sa P600 milyones ka pesos para sa paghingpit sa asphalt overlay.

Gihisgutan usab ni Darunday ang mga kontraktor nga maoy motrabaho sa nasangpit nga dalan nga nagsugod na sa ilang preparasyon sa pagtrabaho sa proyekto apan naapektuhan tungod sa panahon. (The New Nandau, Vol. XVIII No.14)

 

Gov. Yebes maningkamot paghuman sa termino malangkat ang ZaNorte sa pinaka pobre nga probinsya sa Pilipinas

“Akong paningka-mutan nga dili na maapil ang Zamboanga del Norte sa pinakapordoy nga probinsya sa Pilipinas hangtud mahuman ang akong termino isip Gober-nador’’. Kini ang tipik sa pamahayag ni Gov. Rolando E. Yebes subay sa iyang padayong paning-kamot nga molambo ang panginabuhi sa mga katawhan sa Zanorte para hingpit nang mawagtang ang probinsya sa listahan sa mga giilang pordoy nga lalawigan sa nasud.

Sa dihang dili pa si Gov. Rolando Yebes nag-alagad isip Gobernador sa Zanorte sa tuig 2003 diklarado nang daan nga numero unong pordoy ang Zanorte sa tanang lalawi-gan sa Pilipinas. Busa sa iyang paglingkod sa tuig 2004 iya na kining gipangandaman daan pinaagi sa pagmugna sa mga lihitimong programa nga klarong nagtabang sa mga kabus nga katawhan.

Usa sa gihimo sa gobernador nga nakatabang direkta sa mga tawo ang programang Lando- Bibo, ning maong programa gihimo ang maong paghatag sa libreng tambal ug hopitalisasyon ingon man ang pagpabarug sa usa ka modernong tambalanan, paghatag sa livelihood program sa makatabang sa panginabuhi sa mga katawhan pinaagi sa Higreen Progarm.

Gihatag ni Gov. Yebes ang tag-tunga sa milyon ka pesos nga proyektong imprastraktura sa tanang barangay sa Zanorte.

Kini ug daghanang pang mga programa ug proyekto nga gihimo ni Gov. Yebes ang hinung-dan nga sa paglabay sa mga katuigan miirog sa numero dos gikan sa numero unong pordoy ang probinsya ug sa pinakaulahing survey nga gihimo sa National Statistic Coordination Board NSCB anaa na sa ika upat nga pwesto ang Zanorte sa talaan nga pinakapordoy nga probinsya sa tibook Pilipinas.

Gi-angkon sa gobernador nga sa nahabilin pang katuigan sa iyang termino padayon ang iyang paningkamot nga hingpit nang mawagtang ang Zanorte sa mga giilang pobre nga lalawigan sa nasud.

Karon sa iyang ikaduhang termino iyang gihatagan ug dakong pahat ang sektor sa agrikultura kay maoy iyang gusto nga  molambo ang pagpanguma sa Zanorte nga maoy nag-unang panginabuhian sa mga katawhan ingon man ang pagpalambo sa sektor sa turismo tungod kay ang Zanorte nagbaton man ug daghanang manindot nga talan-awon nga dugukon sa mga turista.

Sa kanunay malaumon si Gov. Yebes nga unta buligan sa kahitas-an ang iyang mga paningkamot dungan ang suporta sa mga katawhan tungod kay sa panaghi-usa anaa ang kalamboan. (Rene Buaya, The New Nandau, Vol. XVIII No.14)

 

Kanhi nurse sa Sindangan hospital midonar medical supplies 

Gipasalamatan ug dako sa mga kadagkuan sa Sindangan District Hospital si Ms. Elma Valera-Canja human kini mi-donar karong bulana ug medical supplies ug uban pang kagamitan alang sa maong tambalanan.

Matud pa ni Arturo Abellanoasa, ang Administrative Officer sa maong tambalanan nga si Canja, kanhi nurse sa Sindangan District Hospital ug atua na naimuyo sa Abu Dhabi, ang pinakadatu nga nasud sa tibuok kalibutan, ug nakabaton na ug dakong negosyo didto.

Ang maong mga medical supplies ug ubang pang kagamitan nagkantidad kini ug 130 mil ka pesos, nga gilangkuban sa 30 ka ceiling fans, usa ka stand fan, 3 ka carrier airconditioners, usa ka washing machine, 6 ka medical oxygen regulator, 2 ka thermo check ug 4 ka compressor nebulizer.

Ang pag turn-over sa maong mga medical supplies dungan nga gihimo sa ika-83 nga adlaw’ng natawhan sa inahan ni Canja ug gitambungan ni Provincial Administrator Atty. Rafael Cabanlit kinsa mi-representar ni Governor Rolando Yebes.

Gawas sa gipang-donate ni Canja alang sa maong tambalanan, misanong usab kini sa programa sa gobernador nga Adopt-A-Ward, nga mo-ayum-ayum usab sa pedia ward sa Sindangan District Hospital.

Niini, ang kinatibuk-ang personahe sa Sindangan District Hospital nga gipanguluhan ni Dr. Marcelito Lacaya nagpasalamat ug dako sa gihimo ni Canja gumikan sa pagpa-ambit sa iyang mga grasya ug kalampusan ngadto kanila nga iyang naangkon karon didto sa Abu Dhabi. (Sheng, Southpoint, Vol.1No.43)

 

Administrative Order sa LTO angayang subayon unsa ang gibasihan pagpatuman sa dakung milta sa helmet –Barinaga

“Ang helmet kaayuhan para sa tanang mga motorista apan atong subayon unsa nga provision sa Administrative Code of 1987 para maka-imposar ug dakung multa ang Land Transportation Office LTO  sa mga motorista nga wala magbaton ug accessories sa pagmaniho ilabi na ang pagsoot ug helmet.” Kini ang reaksiyon sa kanhi kongrisista may kalabot na sa bag-ong kamandu-an nga gipatuman karon sa  LTO diin ang dakbayan sa Dipolog maoy nanghingusog sa operasyon para ipatuman ang sobra ra kadaku nga multa sa mga motorista nga walay saktong kahimanan sa pagmaniho.

Gipasabot sa kanhi magbabalaod sa hawanan sa kongreso nga tanang balaod nga ipatuman kini para sa kaayuhan apan angayang pod masubay ang probisyon sa nahisgutang Administrative Code asang dapita gibasihan sa LTO ang pagkolikta ug tag mil 500 pesos nga multa sa walay helmet ug usa ka libo ka pesos sa walay side mirror.

Matud pa ni kanhi Cong. Barinaga nga wala siya nagtulod ug dugang responsibilidad sa mga nagdumala karon apan angayan nga masubay usab kini para matin-awan ang mga katawhan nganong mi-abot ug dakung kantidad ang multa sa dili pagsoot ug helmet.

Gidugang sa pagpasabot ni Barinaga nga kung anaa gayud sa maong administrative code ang dakung multa nga gibasihan sa memorandum order sa LTO walay mahimo ang mga motorista gawas sa pagsunod niini. apan kung dunay punto nga mahimong maamindahan para magamyan ang multa mas labing makaayo pod nga kini mahimo para sa mga katawhang morotista tungod kay dili man ikalimod nga apiki karong panahuna pun-an pa sa dakung multa kung madakpan nga walay helmet.

Kahinumduman nga natay-ug ang mga motorista dinhi sa dakbayan human giimposar sa LTO ug traffic enforcers sa Dipolog ang multa nga 1500 pesos diin ang gibasihan mao ang administrative order sa Land Transportation Office pinermahan ni LTO Assistant Secretary  Alberto Suansing ug gi-apropbahan ni DOTC Sec. Leandro Mendoza.

Sigun sa maong order gibutang niini nga ang ilang gibasihan mao ang Administrative Code of 1987 ug ang United Nations Convention for Road Traffic of 1968.

Ning puntoha maoy pangutana ni kanhi Cong. Barinaga kung asa nga probisyon sa maong Administrative Code ang gibasihan para makolikta ang dakung multa ngadto sa mga motorista nga mapakyas sa pagsunod sa bala-od sa trapiko ilabi na ang helmet ug side mirror. (Southpoint, Vol.1No.43)

 

11 ka lungsod mipailawom sa Basic Farming Course sa probinsya

Gihatagan karon ug igong priyoridad pinaagi sa buhatan sa Provincial Agriculture ang programa sa Gobernador nga makaylap sa tibuok probinsya sa Hi-Green Program aron mapahimuslan sa mga mag-uuma ilabina sa mga katawhan sa Zanorte.

Ang Basic Farm Bussiness Planning Course ang gimugna sa buhatan sa Provincial Agriculture sa pagpanggulo ni Maybel C. Bustaliño ang Supervising Agriculturist  aron mabansay-bansay ang mga mag-uuma sulod sa 2 ka adlaw kansang gisugdan kaniadtong October 30-31 ning tuiga didto sa ATI, Irasan Roxas ning lalawigan.

Adunay 11 ka  mga lungsod ang napailawon kini sa maong pagbansay-bansay nilangkuban sa lungsod sa Piñan, Polanco, Sergio Osmeña, Mutia, Dipolog City, Katipunan, Roxas, Manukan, Sindangan, Siayan u gang Leon Postigo.

Ang nasangpit nga mga lungsod ang na-ila kini ug nakahatag sa ilang produkto pinaagi sa programa ug  nahalin ngadto sa merkadohan.

Sulod sa maong Bussiness Planning Course si Mr. Japhet Fernandez ang facilator ug kasamtangan Director sa PIE-CODE kon Peoples Institute for Empowerment and  Community Development diin iyang gisaysay ang kama hinongdanon sa maong programa sa goberno ug mahatagan kini sa dugan panginabuhian sa mga mag-uuma.

Nagkanayon si Fernandez nga tumong sa maong pagbansay-bansay aron madasig ang mga mag-uuma diha sa paglantaw sa ilang kaumahan ug ang kinabuhi sa kaumahan diin usa ka matang sa negosyo nga gikinahanglan nilang tikaron ug gikinahanlang hatagan sa tukmang kaalam diha sa pagpalambo sa ilang produkto diha sa merkado ug ang pagdumala sa maong negosyo.

Busa natukod  ang maong pagbansay-bansay dili lamang sa 11 ka  mga lungsod ang  makapahimulos niini lakip na tibouk Zanorte ang makabinibisyo sa maong programa ug mamahimong ang lalawigan sa Zanorte maoy magsilbi producer sa maong produkto alang ngadto sa lain lugar sulod sa Pilipinas. (Southpoint, Vol.1No.43)

 

Salug kampyon sa Reg’l Speech Choir

Lain na usab nga pasidungog ang naangkon karon sa Zanorte human nahimong kampyon ang Poblacion West Day Care Center Pre-School Children sa lungsod sa Salug atul sa Regional Speech Choir Competition didto sa dakbayan sa Zamboanga, niadtong Oktubre 29 niining tuiga.

Sa taho ni Mary June Sy-Abbas, ang Public Information Officer sa buhatan  saProvincial Social Welfare and Development, nagkanayon nga ang maong mga bata miparot kini sa ubang day care pupils sa tibuok rehiyon, isip pagtak-op sa Regional Children’s Congress sa Department of Social Welfare and Development niining bulana.

Ang maong grupo nakaangkon kini ug P10 mil nga ganti.

Kahibaloan nga ang Poblacion West Day Care Center sa maong lungsod nga gidumala ni Municipal Social Welfare and Development Officer Windelyn Rigodon maoy mananaug sa bag-o pa lamang gipahigayon nga Provincial Children’s Congress dinhi sa Zanorte ug maoy mi-representar sa lalawigan alang sa Regional Speech Choir Competition. (Southpoint, Vol.1No.43)

 

Pabuto hugot nga gidili sa merkado

Hugtanon karong nag-awhag si OIC Market Supervisor Melania Dharmdas ngadto sa pipila ka mga mamaligya-ay dinha sulod sa Dipolog Central Market nga dili gayud sila magpalusot sa pagpamaligya ug mga pabuto (firecrackers) aron malikayan nila ang posibleng silot nga ipahamtang unya kanila sa oras nga sila masapnan nga nagbuhat niini.

Kining maong pag-awhag ang gihimo ni Dharmdas human sila nakakuha ug mga taho nga  adunay pipila nga taga-gawas o dili mga lehitimong mamaligyaay ang namaligya ug mga pabuto sulod sa merkado publiko bisan pa nga hugtanon kining gidili sa kagamhanang lokal sa dakbayan.

Dugang usab nga gi-awhag ni Dharmdas ang mga negosyante sulod sa merkado publiko nga ila usab nga siguradohon nga ang ilang mga timbangan kanunayng nagbaton sa ensaktong timbang aron malikayan ang pagpanglimbong sa mga katawhang pumapalitay.

Kining maong pakabana gipasupot sa OIC Market Supervisor human ang iyang buhatan nakadawat usab sa mulo gikan sa pipila ka pumapalitay nga nagreklamo nga kulang sa timbang ang ilang pinalit.

Dugang ang mga mamaligya-ay sa pagpa-calibrate sa ilang mga timbangan o kaha sa pag-ilis na niini ug bag-o  sa oras nga makita kini nilang  depektoso na o kaha guba na, aron sa pagpreserbar sa ensaktong timbang sa kanunayng alang sa paghatag ug pinakamaayong pag-alagad sa katawhan.(CIO-alb)

Bahin sa estado sa Layawan River
Public hearing ipahigayon sa Polanco Nobiyembre 20

Usa ka Public Hearing ang gikatakdang ipahigayon sa mga tinugyanan sa Department of Environment and Natural Resources (DENR) didto sa gym sa lungsod sa Polanco karong umaabot Nobyembre 20 aron pagtuki sa estado o kahimtang sa Layawan River sugod sa 9:00 ang takna sa kabuntagon.

Kahinumduman nga ang maong suba nahimong kontrobersiyal tungod kay kini mao man ang tinubdan sa balas ug graba alang sa mga pampubliko ug pribadong mga proyektong pang-imprastraktura dinhing dapita.

Kining maong pahibalo ang nasayran sa City Information Office Dipolog pinaagi sa sulat gikan sa Environmental Management Bureau sa DENR sa dakbayan sa Zamboanga, gikan ni Alan B. De Gala, ang kasamtangang regional director niini.

Sumala pa nga kining maong public hearing tuyong ipahigayon didto sa katuyoan sa pagpahibalo sa katawhang publiko nga kining maong ahensiya mohimo ug lakang aron sa pagtan-aw sa Layawan River ug sa pagdeterminar sa kasamtangang estado niini ug sa tukmang kagamitan sa tubig ning naasoyng suba.

Lakip sa gilaoman nga pagadapiton ning maong public hearing mao ang mga kasikbit nga kabaranggayan ug kalungsoran nga naagian ning subaa, lakip na ang dakbayan sa Dipolog ilawom sa pagpanguna ni City Mayor Evelyn T. Uy.(CIO-alb)

 

week's guest
Ni: Custodio ‘Spartacus’ Aburido
Posasi Na Lang Ninyo Doc Kanang Pasyenteng Dili Kabayad!

T         ext:  Malas daw si GMA sa letrang “J”. . . Jose Miguel, Jose Pedal, Joseph Estrada, Joey de Venecia, Jr. Jose de Venecia III, Jun Lozada, di pa kasama ang hamburJER ni Abalos kaya nga takot siya kay Jesus.

Tubag sa mga loyalist ni GMA: Joke lang yan.

Na hala sige, Jocjoc (Bolante) na lang!

Kaniadtong adlawng Martes na-deported na si Jocjoc (Jocelyn) Bolante gikan sa Amerika padulong dinhi sa Pilipinas. Halos tanang Pilipino nagtutok kon unsa gayoy dangatan ni former undersecretary sa Agriculture dinhi sa Pilipinas nga si Jocjoc Bolante diha sa iyang pagkalambigit sa anomalosong  fertilizer scam nga naglambigit sa kantidad nga P728-milyones kaniadtong 2004. Dihang miboto ang maong taho, nakaipsot na si Jocjoc ngadto sa nasud sa Amerika hinungdan nga wala gyuy natug-an kon bakak o dili ang mga pasangil sa maong anomaliya.

Karon pa tingali nato siya madunggan.

Hinuon, matud pa sa mga anad sa pamolis nga ang punto nga siya wala manubag sa mga isyu nga gipasangil kaniya, milayas pa, mukhang guilty na siya.

Matud pa bitaw usab ni NBN-ZTE whistle blower nga si Jun Lozada nga kinahanglan motug-an gayud si Jocjoc unsay nahitabo sa kuwarta nga milyones ka pesos aron masayud ang mga katawhang Pilipino. Gawas niana, mas maayo usab nga maundang na ang mga madyek-madyek sa kuwarta sa kagamhanan aron ang katawhan mohatag na usab ug pagsalig diha sa atong kagamhanan.

Kaniadto gani, si Jun Lozada dihang mihana ug layas didto sa Hongkong, apan nakunsiyensiya ug mibalik dayon siya sa Pilipinas aron lang gyud motug-an sa tinuod bahin sa NBN-ZTE deal nga nagkantidad lamang ug P329- milyones, mas dako pa ang nahaplas sa nawong nga kantidad ni Jocjoc.

Sa pagkakaron wala pay epekto diha sa kagamhanan ni Presidente Arroyo ang pagsiyagit ni Jun Lozada, apan motuo mo ug sa dili, sakto si Jun Lozada nga mihatag sa iyang obligasyon sa katawhan nga mao ang pagtug-an sa tinuod. Kay sa maong pagtug-an, wala pa man kaha kadudti ang tig-a nga kasingkasing sa administrasyon karon, apan klaro na ang mensahe nga dili diay tanang tawo magawngan ug moabin sa ilang kabuang, diha nga parte basin maminus-minusan ang ilang planong pagpalusot pagpahimulos sa kuwarta gikan sa buhis sa katawhan.

Kining tanang mga kaguliyang sa palusot sa kuwarta sa Pilipinas, walay laing manubag niini kondili si Gloria Macapagal Arroyo tungod kay gawas nga siya maoy presidente o kana bang gitawag ug command responsibi-lity, apan lahi ang mga tinan-awan sa mga katawhan tungod kay labaw pa man sa command responsibility ang nahibaw-an.

-o0o-

Alang sa Malakanyang, ang paghiabot ni Jocjoc nianang alas 10:30 sa gabii dinhi sa Pilipinas dili usa ka dakung butang.

Ang dako kuno kaayong butang mao ang pag-abot ni PGMA gikan sa China karong semanaha tungod kay milampos kini sa pagdani sa mga Chinese investors nga mobobo ug pohunan dinhi sa Pilipinas.

Matud pa sa mga oposisyon nga natural man kanang balit-ad ug tinan-awan ang Arroyo administrasyon sa maong isyu tungod kay alang-alang man pod ug maoy ilang i-blow-up ang isyu ni Jocjoc Bolante nga ang presidente man maoy manghilam-os sa isyung pangurakot. Ila gyung i-play-up ang kalamposan nga nakuha (kuno) ni PGMA sa China tungod kay daghan man siyang nakumbinse kuno nga mga investors nga monahi sa Pilipinas.

Apan ang mga oposisyon nagkanayon nga ang kalamposan tingali nga nakuha sa presidente sa nasud sa China kadudahan pa. Lain na usab kahang NBN-ZTE deal kini? O kaha mga investors nga morag adunay sambog nga melamine?

-o0o-

Nagbagolbol ang mga hilaw nga sakop sa Bando Lobo tungod kay kaniadtong duha na ka semana ang nakalabay, adunay na-admit nga kauban nila. Dihang mogula na unta sa SaMunti Medical Extension, bisan ug unsaon ug hangyo kay sila Bando Bobo member, gipabayad gyud sila, hinuon discounted kaayo.

Apan naargabyo man god sila tungod kay nganong sila gipabayad pa nga gawas nga sila tinuod nga indigent, membro man sila sa Bando Lobo. Misamot ang ilang kaitok tungod kay kadtong sakop usab sa Bando Lobo nga dato pa unya gi-operahan pa kaniadtong milabay nga bulan, libre man tanan, samtang sila nga tinuod nga indigent gipabayad pa!

Apan ang nakapait kuno kaayo niini tungod kay dili ibton ang dextrose sa mga nurse bisan wala nay tubig ang nagbitay. Dugo na kuno ang nagsubay sa tubo.

Matud pa sa paryente nga maoy ni-rescue didto sa SaMunti Medical Extension nga maayo pay giposasan na lang nila ang pasyente nga dili nila papaulion ug dili kabayad kaysa dili tangtangan sa dextrose bisan wala nay unod ang sudlanan!

Dihang gisubay nila nganong sila gipabayad ug kadtong usa bisan naahan apan libre ang tanan, silang duha pulos membro sa Bando Lobo. Diay siya ‘hilaw’ nga pagkasakop, samtang kadtong usa ‘pure’ nga lumalaban, matud pa sa ilang kauban nga tabian!

Gibangas ka! (Dipolog Chronicle, Vol.VIII No.18)

 

Bag-ong opisyales sa hugpong sa DSF Alumni gipahalipayan

Gipahalipayan ni Director Nilda Espiritusanto sa lokal nga buhatan sa Technological Education Skills Development  Authority (TESDA) ang bag-ong napiling opisyales sa Dipolog School of Fisheries Alumni Association sa Olingan, ning dakbayan alang sa tuig 2008-2009.

Ang mga napiling mamunoan sa maong asosasiyon mao sila si Francisco Pactol, Jr. isip president, Quirino Tamayo isip bise president, Nicanor  Gamus isip kalihim. Lecinio Lañojan isip tesorero, Julieta Aliman isip auditor, Teresa Sañado isip public information officer, Cyril Patangan ug Baltazar Buot isip mga business & social manager ug          Major Devin Ceriales ug Antonio Escabarte isip mnga peace officers.

Dugang nasayran nga ang  nasangpit nga mga opisyales sa DSF Alumni Association  gipapanumpa sa ilang katungdanan ni TESDA Director Espiritu isip inducting officer.

Ang maong mga opisyales mao karoy magsilbing usa sa mga hingtungdang hut-ong nga makahatag sa ilang mga maayong plano ug paglantaw alang sa kaayuhan sa kalambuan sa Dipolog School of Fisheries nga nakatampo sa pagpalambo karon sa mga abilidad sa katawhang Dipolognon pinaagi sa ilang skills training courses sulod na karon  sa 47 ka tuig.

Nanghina-ut si Espiritusanto nga magapadayon unta ang kaasgut sa DSF Alumni Association sa paghatag usab ug kaayuhan ngadto sa tulunghaan pinaagi sa ilang oras, kahago ug hinabang pinansiyal. (cio-prr)      

 

Overlay sa 3rd District sugdan

Andam na sa pagtrabaho ang mga kontraktor alang sa asphalt overlay subay sa nasudnong dalan sa 3rd congressional district sa ZaNorte gikan sa Leon Postigo hangtud sa Gatas, Kalawit.

Kini ang gipahibawo sa buhatan ni Congressman Cesar Jalosjos pinaagi ni Board Member Anecito Darunday atubangan sa gipalanog nga reklamo sa publiko sa kaguba karon sa nasudnong dalan nga sakup sa 3rd district.

Matud pa ni Darunday ang mga kontraktor andam na sa ilang pagsugod sa asphalt overlay apan napakgang karon ang ilang paglihok atubangan sa pagpunay ug uwan.

Kini maoy hinungdan nga gisugdan na ug bungkag ang dalan didto sa Gatas sa kontraktor apan naundang ang ilang trabaho gumikan sa uwan.

Ang nasangpit nga proyekto may pahat na nga mokabat sa P600 milyones ka pesos para sa paghingpit sa asphalt overlay.

Gihisgutan usab ni Darunday ang mga kontraktor nga maoy motrabaho sa nasangpit nga dalan nga nagsugod na sa ilang preparasyon sa pagtrabaho sa proyekto apan naapektuhan tungod sa panahon. (Press Freedom, Vol. XXI No. 1)

Ayala Foundation lauds gov’t for hosting 2nd Global Forum on Migration and Development

Businessman Jaime Augusto de Ayala lauded on Monday the government for hosting the 2nd Global Forum on Migration and Development and for considering their two recommended important changes that would be beneficial both for the participating governments and non-state organizations in the four-day event being held at the Philippine International Convention Center in Manila.

“This openness of the Forum, and the governments represented, to the ideas, insights, experience, and best practices from all concerned sectors of society should be lauded,” Zobel, co-vice chairman of Ayala Foundation Inc. which the Philippine government picked to convene the Civil Society Days, said in his welcome address during the forum’s opening.

“It is only when we all work together in a spirit of collegiality that we can find long term, permanent solutions to the tough global issues that face all of us,” he added.

The two recommendations include the expansion of the civil society’s involvement from one to two days and the holding of a joint interface session between governments and non-government organizations (NGOs) on the afternoon of the second day.

Zobel opened the forum’s Civil Society Days which will be held until October 28 with the assistance of GFMD’s international advisory body and pool of experts and a Philippine organizing committee composed of business, NGO and religious leaders.

He also welcomed the more than 200 civil society participants from international civil society organizations even as he congratulated the United Nations for the formation of the GFMD which aims to address issues and concerns on migration and development.

“We thank each and every one of you for taking time to participate despite the global financial turmoil which threatens to reverse the development gains of the last few decades,” Zobel said.

“It is noteworthy that the governments have seen it fit to hold these Civil Society Days prior to the intergovernmental discussions in order to receive valuable inputs from civil society, business, religious groups, experts, academics, and the migrants themselves,” he added.

Zobel cited the importance of the forum to the Filipino people, considering that an estimated eight million Filipinos are working or living outside the country and have actually posted $ 15 billion remittance in 2007.

“We accepted the task of helping the Philippine government in convening this global forum because we know how critically important the issue of migration and development is to the future of our country,” he said.

Roundtable discussions cover a wide range of topics: protecting the rights of migrants; empowering migrants and diaspora to contribute to development; fostering more opportunities for legal migrations; managing migration and minimizing the negative impacts of irregular migration; strengthening data and research tools on migration and development; policy and institutional coherence; and regional consultative process at the interface of migration and development.

The GMFD’s civil society days will be followed by the government meeting on Oct. 29-30, which will be convened by the Department of Foreign Affairs and is expected to draw representatives from 162 countries.

UN Secretary-General Ban Ki-Moon will open the forum on Wednesday together with President Gloria Macapagal-Arroyo, who will deliver the keynote speech. Vice-President Noli de Castro will give the closing remarks on Oct. 30.

By choosing the GFMD II central theme, “Protecting and Empowering Migrants for Development”, the Philippines will highlight the country’s efforts in promoting the rights and well-being of Filipino overseas workers and their families.

GFMD is the result of a high-level dialogue of the UN General Assembly in New York in 2006.

The first GFMD was held in Brussels, Belgium last year. (PNA)

 

RP TO BREAK OUT OF CYCLE OF SENDING WORKERS ABROAD

President Gloria Macapagal-Arroyo this week said that she remains “stubbornly focused” on improving the economy so that the day will come when the Philippines will no longer lose its best workers to higher-paying jobs abroad.

She said that if ever Filipinos would still work abroad despite the availability of work here, then it would be a career choice already.

The President stressed this to some 462 representatives of governments participating in the two-day Second Global Forum on Migration and Development (GFMD2) at the Philippine International Convention Center (PICC) even as she welcomed Filipino migrant workers’ contribution to the economy through billions of dollars in annual remittances.

“But we long for the day when going abroad for a job is a career option, not the only choice, for a Filipino worker. Our economic plans are designed to allow the Philippines to break out of this cycle. That is why we remain so stubbornly focused on the economy. We need to spread the wealth and keep the people working here at home. We are creating appealing employment opportunities by focusing on the development of priority sectors, such as business process outsourcing,” the President said.

She said that for the past seven years, seven million jobs have been created and she intends to create more high-paying jobs for the Filipinos so “we will increasingly be keeping our best and brightest right here in the Philippines, closer to friends and families, helping to build our communities and provide the next generation of leadership.”

At the same time, the President stressed that the Philippines, with about eight million people working overseas, is committed to protecting the rights of migrants.

“The Philippines stands to champion the cause of migrants,” she said as she noted that there are some 250 million people who migrated or live outside their countries of birth, many of them working, and this number rises every year, keeping pace with the advance of globalization.

“Indeed, migration is one of the dynamic forces behind the globalization that draws our world ever closer together,” the President said.

However, she lamented that many countries are often less equipped to protect their people abroad in times of trouble.

But she stressed that the Philippines has established one of the best-regulated expatriate workers programs in the world.

“On the basis of their contribution and of the nation’s humanitarian responsibilities to its people wherever they are, our government works doubly hard to strengthen migrant workers’ protection—protection from the depredations of domestic recruiters as well as of overseas employers, agents and officials, and protection from physical harm.”

The President added that the Philippines’ comprehensive and multi-dimensional “life-cycle” strategy covers all facets of the overseas employment process, from pre-departure orientation to post-return reintegration and retraining. She proudly said that the effectiveness of this approach in terms of protecting workers has been repeatedly acknowledged by international bodies.

“However, the full protection and empowerment of migrants is a task that goes far beyond what individual countries of origin can do on their own,” she stressed.

Thus, in 2006, when the Philippines was the ASEAN chair, it led in formulating the ASEAN Declaration on the Protection and Promotion of the Rights of Migrant Workers and commencing the establishment of an implementing committee.

She also said that the Philippines has also hosted the International Conference on Gender, Migration and Development in Manila last month, where the delegates discussed the gender dimension of the social costs and benefits of migration, the upholding of the rights of women migrant workers, and seizing opportunities for enhanced gender equality and benefits of migration for women and their families.

“And now we are honored to be the first developing nation and the first Asian country to host the GFMD,” she said.

“For the Philippines, which is at the forefront of the global migration issue, hosting this meeting of GFMD represents a high point in our efforts to assist migrants through intensified global dialogue and networks for consultation and cooperation,” she added. (PIA-ZN)

 

Quality education for pupils, livelihood training for OSYs

ICC Cotabato City (29 October) – The United States Agency for Development (USAID) through its project, Education Quality and Access for Learning and Livelihood Skills (EQuALLS) offers a core set of interventions aimed at increasing access to quality education for elementary school  schoolchildren, and relevant learning and livelihood skills training for out-of-school youth in three (3) Mindanao regions.

EQuALLS2 project’s implementation period is from August, 2006 to July, 2011 under the auspices of the Educational Development Center (EDC), a US based non-profit organization, in partnership with DepEd and DepEd ARMM. 

By July 2011, EQuALLS2 project shall have accomplished its targets to include the construction of 600 classrooms, 400 community learning centers and assistance to 20 madaris. 

The project is also expected to have extended better learning opportunities to 25% of school-age population enrolled in elementary schools in ARMM, and 10% each in regions 9 and 12.

It is targeting 24,000 teachers/ educators to have been trained in English, Science and Math, with 9,000 trained in the English proficiency program.  Another target is for 70% of all administrators and officials from assisted schools shall been trained in school finance, management and governance.

The alternative learning programs and livelihood skills programs shall have generated participation of 100,000 out of school children and youth (SCY) while the livelihood school programs shall have yielded at least 400 OSCY participation.

EQuALLS2 has been reorganizing and revitalizing local educational organizational structures such as the school boards and for this it has set a target of 700 reactivated organizations.

As a complementary activity, EQuALLS2 is instrumental in the distribution of English Science Math books donated by the Brother’s Brother Foundation in Regions 9 and 12 and ARMM.  Lately 56,000 books were given to 84 elementary schools in Region 12 during a mentors training session at Notre Dame Marbel University. (PIA12/ZN)

 

56,000 books donated to 84 schools in R-12

ICC Cotabato City (29 October)  - Eighty four (84) elementary schools in Region 12 are the lucky recipients of 56,000 English, Math and Science books from Education Quality and Access for Learning and Livelihood Skills 2 (EQuALLS2) to accelerate learning among elementary pupils.

In a book fair held on October 27 to 28 at the library of Notre Dame Marbel University, Koronadal City, 300 teachers from Cotabato City, North Cotabato, Sarangani, South Cotabato and Sultan Kudarat who were attending English-Science-Math mentors training sessions in the university, it was made clear to them that the books are not for their personal use but must be shared with other teachers in their schools.

Aside from Region 12, other recipients of the books from EQuALLS2 donated by the Brother’s Brother Foundation are Region 9 and Autonomous Region in Muslim Mindanao.

In the same book fair, Tom Crehan, chief, Office of Education, USAID Philippines, declared:  “Our challenge is to get the right book into the right schools.” He continued:  “We all believe that thru education, there will be prosperity in Mindanao and thru prosperity, there will be stability in Mindanao and with this peace and happiness.”

“I want to thank you all for caring about the next generation. I want to thank all our partners who collectively made these all work,” Crehan uttered.

“I want to assure you that this is not the last book fair. This will keep on becoming better and more relevant. With all our efforts together, the Mindanao in 2025 will be a better Mindanao than 2008,” the USAID Philippines Office of Education chief concluded. (PIA 12/ZN)

 

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON
 

THE DAILY DIPOLOGNON
DIPOLOG CITY, PROVINCE OF ZAMBOANGA DEL NORTE PHILIPPINES
www.dipolognon.com www.dipolognon.net  www.dipolognon.org  Keyword: dipolognon
www.dipologcity.com  www.dipologcity.net  www.dipologcity.org  www.dipolognon.com  www.dipolognon.net  www.dipolognon.org    www.dipolog.org  www.dapitan.com   www.eartajo.com  www.cagayandeoro.us 
www.artajo.us www.artajo.info www.eddie.artajo.name www.zamboangadelnorte.com  www.zambonorth.com  www.pagsalabuk.com  www.dipolog.biz www.artajo.biz  www.plasticextrusion.us www.cebu.org
www.davao.us  www.tagum.com  www.giscard.us  www.pagadiancity.com www.malaybalay.net  www.ozamis.com  www.tangub.com  www.oroquieta.net
 www.nabunturan.com www.znuc.org www.znch.ph
www.gingoog.com  www.ozamiz.us www.general-santos.com  www.surigao.net  www.kidapawan.com  www.iligan.us www.raelene.us  www.cagayan-de-oro.com   www.mutyasadipolog.com   www.twinzel.com
 
www.zamboanga.net   www.palmbeachgardens.us   www.islandgarden.net  www.cotabato.net  www.tacurong.com  www.butuan.us  www.pagadian.com  www.dipolog.us
www.zamnai.com
www.dipologhotels.com
   www.dipologpress.com  www.dipologsardines.com   www.extrusion.us www.ozamizcity.com  www.marawi.net www.dipologchamber.com   www.twinzeldipolog.com

Copyright©2008 by The Daily Dipolognon All Rights Reserved  PRIVACY POLICY & DISCLAIMER
Email : webmaster@dipolognon.com  Since October 18, 2000