|
LT. GEN.
YANO GITUDLONG COMMANDING GENERAL SA PHILIPPINE ARMY
Sa unang
higayon sa kasaysayan sa Zamboanga del Norte usa sa anak
niini nahimong commanding general sa 80,000 ka mga sundawo
ilawom sa Philippine Army. Si Presidente Gloria Macapagal-Arroyo
ang Commander-in Chief sa Armed Forces of the Philippines
mitudlo kang Lt. General Alexander Yano isip ika 49 nga
commanding general sa Philippine Army. Gikatakda kining
moasumir sa iyang puesto sa usa ka seremonyas sa Fort
Bonifacio karong Agosto 24 nga pagpangunahan ni Defense
Secretary Gilberto Teodoro. Si Yano maoy mopuli kang Lt.
General Romeo Tolentino nga misangko na sa iyang mandatory
retirement age.
Ang
paglingkud ni Yano sa pinakataas nga posisyon sa
Philippine Army natunong sa pinakamahinungdanong yugto sa
AFP particular na sa Philippine Army ug Philippine Marines
nga nag-atubang karon ug higpit nga pagpakigkumbati batok
sa Abu Sayyaf. Si Yano sa wala pa matudlo nga bag-ong
pangulo sa Army, maoy nagsilbing kumander sa Southern
Luzon Command kansang hurisdiksiyon naglangkub na sa
giilang national priority area sa counter-insurgency
operations sa kagamhanan nga gilangkuban sa Regions 4A ang
CALABARZON, 4B ug Bicon Region. Naka-alagad usab siya isip
Army Chief of Staff, Commanding General sa Civil Relations
Service, Assistant Division Commander sa 9th Infantry
Division sa Bicol, Commanding General sa 601st Infantry
Brigade sa SOCSARGEN ug Commanding Officer sa Task Force
Zamboanga.
Sa iyang
pagka distino sa Mindanao si General Yano nagmalamposon sa
pagpitol sa terorismo sa dihang nahimo siyang commander sa
Task Force Zamboanga sa tuig 2001 nga natunong sa
nahitabong Lamitan incident ug nasundan sa Dos Palmas
kidnapping. Kahinumduman ang Cabatangan crisis nahitabo sa
iyang panahon sa pagpangulo sa Task Force Zamboanga diin
mokapin sa 300 ka mga armadong meyembro sa MNLF Breakaway
Group mi-okopar sa kanhi kuta sa maong grupo ug gihimong
bihag ang kapin sa usa ka gatus ka mga sibilyan. Human sa
duha ka adlaw nga negosasyon malamposong naluwas ang mga
bihag ug napalayas ang mga sakup sa MNLF breakaway group
gikan sa Cabatangan ug tungod sa nahimo niyang papel sa
maong krisis giila si Yano ni kanhi Zamboanga City Mayor
Maria Clara Lobregat nga “Liberator of Cabatangan”.
Si General
Yano usa ka lumad nga taga Zamboanga del Norte sa lungsod
sa Sindangan diin ang iyang ginikanan mao sila si Inigo ug
Gloria Yano pulos mga public school teachers sa ilang
lungsod. Ang iyang amahan nahimong konsehal sa Sindangan
human kini miretiro pagka maestro ug naka-alagad sulod sa
tulo ka sunod nga termino samtang ang iyang igsoon nga si
Engr. Inigo Yano, Jr. kasamtangan karong konsehal sa ilang
lungsod ug ang lain niyang igsoon nga si Cesar usa ka
colonel sa Army nga migraduar usab sa PMA Class 1980. Si
Yano natapos sa iyang pagtungha sa elementary sa Sindangan
Central School ug migraduar nga salutatorian ug migraduar
sa high school sa St. Vincent’s College ning dakbayan sa
Dipolog sa tuig 1969. Ang iyang ambisyon nga mahimo siyang
usa ka engineer busa mitungha sa Cebu Institute of
Technology o CIT sa Cebu City diin mikuha sa kursong Civil
Engineering.
Samtang
nagtungha kini sa kolehiyo nalambigit siya sa student
activism sa sayung bahin sa 1970. Apan kini nausab sa
dihang midisidir kini nga mokuha ug PMA entrance exam sa
Cebu sa tuig 1971 ug nahimong usa sa top ten examinees. Si
General Yano nahimo usab nga Operations Officer sa 101st
Infantry Brigade sa Pinan sa tuig 1988 ilawom ni Col.
Cesar Fortuno isip brigade commander. Kabahin siya sa
orihinal nga meyembro sa Brigade nga gibalhin gikan sa
Sicayab paingon sa Pinan. Sa 1991 nahimo kining Operations
Officer sa 1st Infantry Division sa Pulacan, Labangan,
Zamboanga del Sur ug sa maong tuig natudlo nga commander
sa 44th Infantry Battalion nga nagbasi sa Oroquita City.
Si
General Yano nagpakadawat usab ug upat ka mga
Distinguished Service Stars, Philippine Legion of Honor,
upat ka Outstanding Achievement Medals, Gold Cross and
Bronze Cross Medals, 27 ka Military Merits Medals, Gawad
sa Kaunlaran ug Silver Wing Medal. Mipalanog usab sa iyang
pagpahalipay ang kagamhanang probinsiyal sa Zamboanga del
Norte sa pagpanguna ni Governor Yebes sa pag-asumir karon
ni Lt. General Yano sa pinaka taas posisyon sa Philippine
Army. Samtang si Provincial Attorney Jes Gal Sarmiento, Jr.
mipahayag usab nga dakung garbo usab sa St. Vincent’s
College ning dakbayan sa Dipolog ang naangkon karong
kalampusan ni Lt. General Yano kinsa mitapos sa iyang
segundarya sa maong tulunghaan.
(Press Freedom, Vol. XIX
No. 45)
VICE
MAYOR CHAN NAPILING PRESIDENTE SA ILANG LIGA
Si City
Vice Mayor Patri “Jing” Chan sa dakbayan sa Dapitan mao
karon ang bag-ong presidente sa Vice Mayors League of the
Philippines-Zamboanga del Norte Chapter.
Kini ang
nahimong resulta sa ilang eleksiyon kagahapong adlawa
didto sa dakbayan sa Dapitan. Nahimong kaatbang ni Chan
mao si Vice Mayor Senen Angeles ning dakbayan sa Dipolog
nga maoy presidente sa nakalabay nga termino. Sa maong
eleksiyon si Chan nakakuha ug 14 botos samtang si Angeles
pito ka botos lamang. Ang ubang mga opisyales sa liga sa
mga bisi mayor nga napili mao sila si Vice Mayor Tata
Monteclaro sa Sindangan mao nahimong bise presidente ug si
Vice Mayor Elias Baguio sa Salug maoy nahimong Secretary
General.
Samtang si Vice Mayor Rosita Dalogdog sa Gutalac maoy
napili nga treasurer ug si Vice Mayor Jarvy Catane sa
Rizal ang ilang auditor. Ang mga napiling board of
directors mao sila si Vice Mayors Lowel Zamora sa La
Libertad, Cristiflor Dulang sa Mutia, Bebe Chan sa Liloy,
Caboverde sa Godod ug Vice Mayor Winters sa Manukan. Sa
interview sa Radyo Ronda-DXKD si Vice Mayor Chan mipahayag
nga ilawom sa iyang termino iyang ipadayon ang nasugdan na
nilang mga programa nga gipadas-og ni Angeles sama sa
educational advancement alang sa mga bag-o ug karaan nga
mga meyembro ug ang paglugway ug tabang sa tanang mga vice
mayors. Uban na niini mao ang pagdasig sa ilang mga
kaubang vice mayors sa pagpraktis sa pagpakigsalu sa ilang
mga kahibawo, pagtambong ug mga seminars ug uban pa.
(Press Freedom, Vol. XIX
No. 45)
IMBESTIGASYON SA SP SA
TVI OFF LIMITS SA TAGA MEDIA
Gipahibawo
karon ang pipila ka meyembro sa media dinhi sa dakbayan sa
Dipolog nga off limits sa media ang pagahimoong
imbestigasyon sa Sangguniang Panlalawigan sa Canatuan Gold
Project sa TVI didto sa lungsod sa Siocon. Kini ang
nadawat nga advice sa Radyo Ronda-DXKD kagabii gikan sa
kawani mismo ni Board Member Cedric Adriatico, kinsa maoy
unang mipalanog sa panawagan alang na sa pagpahigayon ug
imbestigasyon sa report nga nabuswang ang dam sa TVI didto
sa Canatuan. Ang imbestigasyon pagapangunahan sa Committee
on Environment nga gipanguluhan ni Board Member Felixberto
Bolando ug gikatakdang ipahigayon ugmang adlawa diin
magpahigayon sila sa ilang committee hearing didto sa
Siocon ug ocular inspection sa mining site sa TVI.
Sumala pa
kini maoy sugyot sa secretary sa Sangguniang Panlalawigan
sa Zamboanga del Norte nga dili sila magpakuyog ug taga
media kay masunog daw sila. Kini karon nga nakapatingala
sa pipila ka sakup sa media nga sa unsa nga punto masunog
ang legislative inquiry sa Sanggunian kon adunay mga
tigbalita nga mokuyog. Kini maoy unang higayon nga daw
adunay gustong itago ang balay balauranan sa probinsiya
ngadto sa publiko busa dili magpakuyog ug taga media.
Nahulog karon nga ang taga media nahimong liability sa
legislative inquiry sa Sangguniang Panlalawigan. Samtang
si Board Member Cedric Adriatico mitataw nga dili kini
tinood nga off limits ang media sa imbestigasyon karong
Sabado didto sa Siocon kay masunog sila. Sa iyang pahayag
nga giluwatan si Adriatico nagkanayon nga bukas ang ilang
public hearing sa lungsod sa Siocon sa tanan.
Apan kabahin na sa ilang pagpahigayon ug ocular inspection
sa minahan sa TVI gipasabot sa bokal nga ang ilang
ipananghid para lamang sa meyembro sa Sanggunian ug walay
labut ang mga meyembro sa media. Si Adriatico misugyot nga
kon interesado usab ang media nga mohimo ug imbestigasyon
sa minahan sa TVI mamahimo nga mananghid usab sila ngadto
sa kompaniya aron pasudlon. Tataw nga walay tuyo nga
magpakuyog ang mga board members sa ilang imbestigasyon
sulod na sa minahan sa TVI sa mga meyembro sa media. Ang
bokal midugang pa sa pagpahayag nga naglisud ang ilang
secretariat sa pagpangita ug sakyanan paingon sa Siocon ug
TVI daw iyang gipasabot nga kon aduna may meyembro sa
media nga mokuyog dili gayud mahaluna ug sakyanan kay
nagkuwang.
(Press Freedom, Vol. XIX
No. 45)
GM LAPUT
MOPASAKA UG KASO
Laing kaso
ang giandam usab karon sa acting general manager sa
Zamboanga del Norte Electric Cooperative batok na sa
meyembro sa hunta direktiba sa ZANECO atubangan sa
gipalanog niining mga akusasyon diha sa kahanginan. Matud
pa ni Manager Adelmo Laput, kasamtangan nang giandam sa
iyang mga abogado ang kaso nga iyang pasaka batok sa tawo
o mga tawo nga maoy nagdaut kaniya ug sa iyang pamilya. Si
Laput sa iyang giluwatang pahayag sa miaging adlaw mitataw
nga ang tanang mga akusasyon nga gibatu batok kaniya pulos
walay katinuuran. Matud pa niya kon ang iyaha mang
performance maoy tuyo nga ikwestyon dili na lang unta
iapil ang iyang pamilya.
Sa iyang
statement gibutyag ni Manager Laput nga nagsugod kining
tanan sa transaksiyon sa Gigol’s Electrical nga giduphan
ug maayo sa mga board of directors sa ZANECO nga maoy
padag-on sa bidding sa pagpalit ug mga kwentador bisan ug
kini maoy ika duhang highest bidder. Gipakita ni Laput ang
mga resolusyon sa ZANECO uban sa tubag usab gikan sa
National Electrification Administration sa pagsalikway
ilang rekomendasyon ug gipangayo nga reconsideration. Sa
mga dokumento nga gipakita ni Laput milutaw nga ang mga
board of directors sa ZANECO adunay dakung utang kabubut-on
kay nangita gayud sila ug paagi nga ang Gigol’s makadaug
diha sa pagsupply ug mga kwentador diin ila nang gibuhat
ug gisugal ang wala pagsunod sa gipatigbabaw nga patakaran
diha sa pagpahigayon ug open bidding bisan pa ug
gimaymayan na sila sa National Electrification
Administration.
Ang
aktuwasyon sa board of directors sa ZANECO nakapatingkag
sa dawongan sa mga yanung member-consumers sa kooperatiba
kon unsay mas bug-at nga rason nga nagpaluyo sa lihok nga
gipakita sa mga director diha sa pagsiguro nga ang
baligyang kwentador sa Gigol’s mahalin gayud. Sa sayu pa
unang giakusar ni Director Adaza ang kapikas ni kanhi
Mayor Ludwig Adaza si ZANECO Manager Laput nga nagpadatu
sa iyang kaugalingon sulod sa kooperatiba. Pipila sa isyu
nga gibato ni Adaza batok kang Laput mao ang wala pagsunod
niini sa kagustuhan sa resolution sa board of directors
nga maoy hatagan sa kontrata ang usa ka supplier ang
Gigol’s Electrical diha sa pagpalit ug kwentador bisan ug
nakita nga kini maoy ika duhang highest bidder tali sa 11
ka mga suppliers nga miapil sa bidding ug ang ilang
resolusyon gibabagan na sa National Electrification
Administration ug gisalikway usab ang ilang gipangayo nga
reconsideration.
Laing isyu nga gipalanog ni Adaza mao ang balayronon sa
ZANECO ngadto sa Genco ug ang kategoriya sa kooperatiba
nga alang sa director walay katinuuran. Kini nagpalakaw
usab ug petisyon nga nanawagan alang na sa pagpalagpot
kang Laput gikan sa katungdanan pinasikad sa mga akusasyon
nga iyang gipalanog. Apan sa tanang mga akusasyon nga
gibato ni Adaza batok kang Laput wala gayuy ebedensiya nga
gisuporta niini gawas sa iyang istorya. Sa iyang kabahin
si Acting General Manager Laput, mipahayag nga padayong
gikompleto pa sa iyang mga abogado ang mga ebedensiya ug
dokumento sa kaso nga ilang ipasaka batok sa mga tawo nga
nagpakauwaw kaniya ug sa iyang pamilya.
(Press Freedom, Vol. XIX No. 45)
KASONG
LIBEL BATOK DIRECTOR ADAZA GIANDAM NA
Giandam na
sa abogado ni kanhi Congressman Romeo “Nonong” Jalosjos
ang pagpasaka ug kasong libel batok sa usa sa meyembro sa
hunta direktiba sa Zamboanga del Norte Electric
Cooperative tungod sa pagpasagad niini ug akusar sa mga
balay patigayon sa kanhi kongresista nga wala magbayad ug
koryente. Kini ang gikonpirmar ni kanhi Board Member
Uldarico Mejorada, ang legal counsel ni Nonong Jalosjos
human makadawat sa tawag nga kasohan ug libelo si Director
Aristela Adaza, atubangan sa gipalanog niining akusasyon
batok sa Dakak Park and Beach Resort ug sa Gloria de
Dapitan. Sa sayu pa giakusar ni Director Adaza ang duha ka
mga balay patigayon ni Nonong Jalosjos sa programa ni
Board Member Edionar Zamoras nga wala magbayad ug koryente
ngadto sa ZANECO.
Si ZANECO
Acting General Manager Adelmo Laput mipahayag nga andam
siyang mopagawas ug certification nga magpamatuod nga ang
Gloria de Dapitan, Dakak Park and Beach Resort ug ang city
government sa Dapitan nagbayad sa ilang binuwan nga
obligasyon sa elektrisidad ngadto sa kooperatiba. Si Atty.
Mejorada mipahayag nga ang iyang gipaabot mao na lamang
ang mga dokumento nga makompleto kay ipasaka na nila
atubangan sa hukmanan ang kaso. Si Director Adaza, mao ang
kapikas ni kanhi Mayor Ludwig Adaza sa Jose Dalman, unang
mipabuto sa iyang akusasyon batok kang ZANECO Acting
General Manager Adelmo Laput diin iyaha kining giakusar sa
nagkadaiyang mga anomaliya.
Sa
iyang pagbatu ug mga akusasyon batok kang Manager Laput
nalakbitan usab niya ug birada ang Dakak Park and Beach
Resort, Gloria de Dapitan ug ang city government sa
Dapitan lakip na ang pagka politico ni Nonong Jalosjos. Si
Manager Laput sa dihang gipangutana ngano nga gilambigit
ni Adaza si Nonong sa iyang mga pag-akusar batok kaniya,
mitubag nga wala gayud siya masayod niini gawas mismo ni
Daylin Adaza ug possible usab nga kini tungod sa kasuod
nila ni Nonong. Apan gibutyag ni Laput nga sa dihang
milansar si Adaza pagka director sa ZANECO si Nonong
mitabang alang sa kadaugan niini.
(Press Freedom, Vol. XIX No. 45)
DAKAK,
GLORIA de DAPITAN UG CITY HALL SA DAPITAN
NAGBAYAD SA KORYENTE
–GM LAPUT
Hingpit nga
gipanghimakak sa management sa Zamboanga del Norte
Electric Cooperative ang akusasyon ni Director Aristela
Adaza nga walay bayad-bayad sa gikonsomo nga koryente ang
Dakak Park and Beach Resort, Gloria de Dapitan ug ang city
government sa Dapitan. Si ZANECO Acting General Manager
Adelmo Laput mitataw nga andam siyang moisyu ug
certification nga magpamatuod nga ang Dakak, Gloria de
Dapitan ni kanhi Congressman Romeo “Nonong” Jalosjos
nagbayad sa kooperatiba sa ilang gikonsomo nga
elektrisidad lakip na sa city government sa Dapitan.
Kini ang
tubag nga giluwatan ni Manager Laput atubangan sa gihimong
pag-akusar ni Director Daylinda Adaza batok kang Nonong
Jalosjos. Sumala pa daw dili siya makatuo nga nabuhat kini
ni Adaza sanglit sa dihang milansar kini pagka meyembro sa
hunta direktiba sa ZANECO si Nonong mitabang sa
pagkampanya para sa iyang kadaugan. Angayang kasayran
giakusar karon ni Director Adaza si Manager Laput nga
nangurakot kini sa iyang pagdumala sa kooperatiba ug
nagpadatu sa iyang kaugalingon.
Sa
iyang kabahin si Manager Laput mipagawas kagahapon sa
iyang suwat pahayag para sa mga konsumante sa ZANECO para
malamdagan sa mga isyu nga gihisgutan. Sa iyang tubag
giklaro ni Laput nga ang tanang mga akusasyon ni Adaza
walay katinuuran ug wala siyay laraw nga tagsa-tagsaon
niya kini ug tubag pinaagi sa radio kay magkita ra unya
sila sa tukmang lugar para ipalutaw ang kamatuuran.
(Press Freedom, Vol. XIX
No. 45)
GEN.
YANO GITUDLONG ARMY CHIEF
Si General
Alexander Yano mao na karon ang bag-ong hepe sa Philippine
Army. Kini ang gibutyag ni Governor Rolando Yebes
kagahapon human mipahibawo kaniya si General Yano sa maong
kalambuan. Si General Yano nga usa ka lumad nga taga
Sindangan mibutyag nga kagahapon pa lang giaprubahan ni
Presidente Gloria Macapagal-Arroyo ang pagtudlo kaniya
isip bag-ong pangulo sa Philippines Army. Si General Yano
gikatakdang mosugod sa paglingkud sa bag-o niyang puesto
karong Agosto 24, 2007. Si Yano maoy kasamtangang
commanding general sa Southern Luzon Command sa Armadong
Kusog sa Nasud.
Sa samang
bahin nagpasalamat usab si General Yano ngadto kang
Governor Yebes sa gilugway niining pagsuporta para na sa
iyang pagsaka sa puesto. Sa sayu pa gitataw ni Governor
Yebes nga si bisan kinsa nga taga Zamboanga del Norte,
makaanib man sa politika o dili basta makita niya nga kini
mamahimong usa ka dakung lider sa atong nasud ug maghatag
ug dugang garbo sa probinsiya dili gayud siya magpanuko sa
pagtunol sa iyang pagsuporta kon gikinahanglan.
Gipasabot sa gobernador nga gusto niyang ipakita sa tanang
katawhan sa ZaNorte nga kinahanglang wagtangon na nato ang
batasan sa pagka sinahan kay kini maoy nahimong babag
alang na sa pag-uswag sa atong lalawigan paingon sa unahan.
(Press
Freedom, Vol. XIX
No. 45)
GIGOLS
NGANO NGA PABORITO NI DAYLINDA UG SA HUNTA
Gusto
karong masayran sa mga member-consumers sa Zamboanga del
Norte Electric Cooperative, Incorporated ngano nga
hugtanong giindorsar niini ang Gigols Electrical Supply
nga nagbasi dinhi sa dakbayan sa Dipolog bisan pa sa
kamahal sa presyo niini sa baligya niining kwentador. Kini
karon ang mitigbabaw atubangan sa gipalanog nga mga
akusasyon ni Director Aristela “Daylinda” Adaza batok na
ni Acting General Manager Adelmo Laput sa pipila ka
transaksiyon sa ZANECO diin ang pangalan sa Gigols
nalambigit. Sa nasayran ang Gigols Electrical Supply
gipanag-iyahan sa kanhi kawani sa ZANECO nga si Marlon
Amorado ug matud pa ni Manager Laput bisan wala pa siya sa
kooperatiba supplier na kini daan bisan ug empleyado pa
kini.
Sa dihang
gipangutana si Laput kon ngano nga giinsistir ug maayo ni
Daylinda Adaza diha sa iyang mga akusasyon batok kaniya
ang kabahin sa Gigols, si Laput mipahayag nga dili na siya
makatubag niini gawas kang Daylinda. Gisaysay ni Laput nga
nagsugod ang ilang panagbingkil sa dihang wala siya
mosunod sa kagustuhan sa Board of Directors nga ang padag-on
sa bidding sa pagpalit ug kwentador mao ang Gigols. Sa
open bidding nga gipahigayon niadtong Marso 21, 2006 alang
sa pagpalit ug 3,600 ka kwentador ang Gigols mitanyag sa
presyo nga tag P1,080 kada kwentador samtang ang lowest
bidder ang AMQ mitanyag sa presyo nga tag P648.00 kada
kwentador. Matud pa niya sigun sa gipatigbabaw nga
patakaran sa National Electrification Administration walay
brand nga ibutang kon dili specifications lamang sa klase
sa kwentador nga gikinahanglan.
Sa dihang
giduso na ang Abstract of Bids ngadto sa hunta ang mga
directors sa ZANECO mipanday ug Resolution No. 042
niadtong Abril 21, 2006 nga nag-award sa pagpalit sa 3,100
ka kwentador ngadto sa GIGOLS nga maoy ikaduha nga
pinakamahal nga presyo ug ang 500 gi-award ngadto sa Twin
Summit ang 4th lowest bidder. Sa dihang giduso ang
resolusyon ngadto sa NEA kini gi-deny sa rason nga dili
lowest bidder. Wala makontento ang hunta sa objection sa
NEA ang directors sa ZANECO mipanday na usab ug laing
Resolution No. 050 niadtong Mayo 26, 2006 nga naghangyo sa
NEA sa pagreconsider sa ilang objection ug naghangyo nga
ang mga kwentador adto i-award sa GIGOLS ang 3,100 ka
units ug ang 500 ka kwentador ngadto sa Twin Summit.
Niadtong
Hulyo 10, 2006 ang PBAC sa ZANECO mipagawas ug Notice of
Award ngadto sa AMQ alang sa 3,600 ka units sa kwentador
sa tag P648.00/unit. Tungod kay wala makalusot ang unang
transaksiyon ang hunta sa ZANECO mipanday na usab ug laing
resolusyon alang na sa pagpalit ug laing 3,600 ka
kwentador sa brand nga Metrix busa gipahigayon na usab ang
pagbidding. Ang GIGOLS nga sa unang transaksiyon miduso sa
presyo nga tag P1,080.00 kada kwentador sa ika duhang
bidding gipaubsan na niini ilang presyo sa tag P950.00
kada kwentador. Apan dili ang GIGOLS maoy migawas nga
lowest bidder kay laing bidder ang mihatag ug presyo nga
P895.00 kada kwentador sa supplier nga Rhenza. Karong
bag-o matud pa ni Manager Laput ang hunta sa ZANECO mihimo
na usab ug laing resolusyon alang sa pagpalit ug dugang
3,600 ka units sa kwentador ug ang bidding gipahigayon
niadtong Hunyo 26, 2007.
Sa
maong bidding ang GIGOLS miduso na sa presyo nga P738.00
alang sa kwentador nga Metrix brand. Sa nakita sulod sa
tulo ka higayon nga gipaubsan sa GIGOLS ang ilang presyo
sa susama ra nga brand sa kwentador nga sa unang bidding
ilang gipresyohan ug tag P1,080.00 kada unit. Kini nga
bidding wala pa girekomendar sa PBAC kay gisubay pa ang
kalibre sa kwentador apan pinaagi sa Abstract of Bids
nagpakita nga ang GIGOLS sa presyo nga tag P738.00 per
unit migawas nga ikaduha sa pinaka mahal sa pito ka mga
suppliers nga misalmot sa bidding. Matud pa ni Manager
Laput sa iyang nasayran nga ang GIGOLS nagpundo na daan sa
maong mga kwentador bisan wala pa ang bidding kay kini
naniguro nga maoy makadaug. Kon nahinayon ang pagpalit sa
ZANECO sa kwentador gikan sa GIGOLS ang kooperatiba
maalkansi ug balig P1,231,200.00 sa maong transaksiyon.
(Press
Freedom, Vol. XIX No. 45)
CONG.
LABADLABAD GITUDLONG
VICE CHAIRMAN COMMITTEE ON AGRICULTURE
Gitudlo
karong vice chairman sa House Committee on Agriculture si
2nd district Congressman Rosendo “Dodoy” Labadlabad
nagapadayon karong paglahugay sa nagkadaiyang komitiba sa
ubos balay balauranan sa nasud. Samtang si 3rd district
Congressman Cesar Jalosjos maoy nahimong chairman sa House
Committee on Youth and Sports.
Matud pa ni
Rex Dalman sa buhatan ni Congressman Labadlabad gipangayo
gayud niini ang vice chairmanship sa komitiba sa
agrikultura sa kongreso ilabi na nga maoy prayoridad karon
sa administrasyong Arroyo ang pagpalambo sa maong sector.
Sumala pa kini sibu usab sa programa nga gipadas-og ni
Congressman Labadlabad sulod sa iyang distrito ang
pagolagsik sa agrikultura para matabangan usab ang mga
katawhan mapalambo ang ilang panginabuhi. (Press Freedom, Vol. XIX
No. 45)
KAPITOLYO WALAY KALAMBIGITAN PAGTUGOT
SA TVI SA IYANG EXPLORATION SA JOSE DALMAN
Walay
kalambigitan ang buhatan sa gobernador sa paghatag ug
pagtugot sa langyaw nga kompaniya ang TVI nga
makapahigayon ug exploration sulod sa lungsod sa Jose
Dalman, Zamboanga del Norte. Kini ang giklaro ni Governor
Rolando Yebes human siya makadawat ug suwat gikan sa usa
ka lumad nga Subanen sa Jose Dalman nga nangutana sa
buhatan sa gobernador ngano nga gihatagan ug pagtugot ang
maong langyaw nga kompaniya nga makapahigayon ug
exploration sulod sa ilang lungsod. Si Governor Yebes
mihisgut nga dili pa lang dugay mipagawas siya ug
memorandum order alang sa tanang mga mayor sa tibook
ZaNorte nga sa dili pa sila mohatag ug pagtugot sa
application sa mga mining companies nga magmina sa ilang
lugar ikonsulta una kini sa kagamhanang probinsiyal ug sa
Sangguniang Panlalawigan.
Aminado ang
gobernador nga ilawom sa balaod karon sa pagmina mamahimo
nga ang pananghiran sa mga mining companies mao ra ang mga
mayor para magpahigayon sila sa ilang exploration. Sumala
pa niya kini maoy nahitabo sa Jose Dalman nga nahatagan
ang TVI ug pagtugot nga makapahigayon sa ilang exploration
tungod kay mihatag sa iyang pagtando ang mga opisyales sa
maong lungsod. Gibutyag sa gobernador nga ang suwat nga
iyang nadawat gikan sa mga Subanen sa Jose Dalman
nagpalanog sa ilang pagprotesta diin siya ang
napasanginlan nga maoy naghatag ug pagtugot sa TVI nga
makapahigayon ug exploration sa ilang lungsod. Ang
gobernador sa iyang kabahin nagkanayon nga karon pa siya
mahibawo nga ang TVI gihatagan na diay ug pagtugot nga
makapahigayon sa ilang exploration sa Jose Dalman sa
dihang nabasa niya ang suwat gikan sa mga Subanen.
Sumala pa niya kini karon ang ilang gikombati sa liga sa
mga gobernador nga mabalhin ang gahum sa paghatag ug
pagtugot sa mga mining companies nga magmina nga anaa ra
karon sa kamot sa nasudnong kagamhanang pinaagi sa DENR ug
walay labut ang probinsiya. Sa samang bahin gikatakdang
mopahigayon sa ilang imbestigasyon ang Sangguniang
Panlalawigan kabahin sa report nga nabuswang ang tailings
dam sa TVI sa Siocon karong Sabado, Agosto 18, 2007. Si
Board Member Cedric Adriatico nga maoy mipalanog sa
panawagan nga imbestigahon ang TVI mitataw nga ang ilang
lakang wala magtumong nga ipasirado ang operasyon sa TVI
kon dili mao ang pagtino kon nga ang nasangpit nga
kompaniya nagsubay ba sa gitawag nga responsible mining.
(Press
Freedom, Vol. XIX
No. 45)
KASABUTAN TALI SA GOBERNADOR UG MAYOR
WALA PA SUGDI SA PAGPA-EPEKTO
Wala pa
gayud mosugod sa pag-epekto ang kasabutan nga nakab-ot
nila ni Governor Lando Yebes ug Mayor Evelyn Uy didto sa
dakbayan sa Dapitan kabahin sa Layawan River tungod kay
daghang mga bersiyon ang nanggawas nga ang uban adunay mga
pakapin. Kini ang gikonpirmar ni Governor Yebes sa Kapihan
sa 1948 Cafeteria sa Ospital ng Kabataan ng Dipolog,
Incorporated, nga wala pa gayud mosugod sa pag-epekto ang
iyang gikasabutan sa Dapitan sa miaging semana. Matud pa
ni Governor Yebes kini gumikan sa rason nga adunay gibuhat
nga mga memorandum nga nagkalainlain ang bersiyon busa
wala pa siya mopirma niini.
Matud pa sa
gobernador sa memorandum nga gibuhat ni DILG Regional
Director Loreto Bhagwani, migawas nga daghang mga butang
nga gilakip niya nga wala malakip sa ilang gikasabutan ug
gihisgutan didto sa dakbayan sa Dapitan tali na ni Mayor
Uy busa wala siya mopirma niini.
Maoy iyang gipangayo karon ang basic nilang gikasabutan
didto sa Dapitan mao ray ibutang sa memorandum ug walay
daghang pakapin o kaha kuwangan. Si Governor Yebes
personal nga nanawagan ngadto sa DILG Regional Director
Bhagwani nga maoy nagbuhat sa iyang gihulagway nga taas
kaayong memorandum nga unta ang ilang gisabutan mao ray
ibutang ug walay laing pakapin. Subling gitataw sa
gobernador ang iyang baruganan kabahin sa nakab-ot nilang
kasabutan uban ni Mayor Uy sa Dipolog sa giluwatan niyang
press statement niadtong Sabado, Agosto 11, 2007 nga
gibasa ni Provincial Attorney Jes Gal Sarmiento, Jr.
(Press
Freedom, Vol. XIX
No. 45)
SANGGUNIANG PANLALAWIGAN SA ZANORTE
DILI TINOOD NGA MIKIAY SA IYANG BARUGANAN
Hingpit nga
gisalikway ni Board Member Cedric Adriatico nga ang pagtuo
nga mikiay sa iyang baruganan ang balay balauranan sa
Zamboanga del Norte may kalabutan na sa isyu sa Layawan
River. Matud pa ni Adriatico nagapabiling hugot sa iyang
baruganan ang Sangguniang Panlalawigan kabahin na sa
pagdeklarar sa Layawan River nga idili una ang pagkuha sa
balas ug graba sigun sa nahasulod sa hangyo ni Governor
Rolando Yebes. Gipatin-aw ni Adriatico nga kasamtangan
nilang giduso ang hangyo sa gobernador ngadto sa Committee
on Environment kay gusto nila nga maklaro ang gitas-on sa
panahon nga ipatigbabaw ang moratorium nga idili ang
pagkuha sa balas ug graba subay na sa maong suba.
Sumala pa
ni Adriatico sa suwat sa gobernador wala maklaro ang katas-on
sa panahon nga idili ang pagkuha sa balas ug graba sa
Layawan River para mahibalik ang normal nga kondisyon sa
suba ug sa palibot niini. Sa sayu pa si Board Member
Felixberto Bolando, chairman sa Committee on Environment,
mibutyag nga nga sa iyang nakita sa quarry site sa
Barangay Sangkol sa Dipolog ug sa sikbit nga barangay sa
Silawe ug Lapayang Baja sa lungsod sa Polanco ang kadaut
nga nasinati sa maong mga lugar bisan sulod sa 20 ka tuig
dili pa maulian sa iyang naandang kahimtang. Si Adriatico
mitataw nga nagapabilin ang ilang baruganan kabahin sa
pagprotiher sa atong environment ug wala kini mausab
tungod kay adunay mitawag kanila.
Sa samang
bahin si Governor Yebes mipagawas ug pahayag may kalabutan
na sa isyu sa Layawan River ug sa gikasabutan niya tali ni
Mayor Evelyn Uy. Si Governor Yebes mipahayag usab nga wala
ra siyay duda nga gibiyaan siya sa mga meyembro sa
Sangguniang Panlalawigan kabahin na sa isyu sa pagprotiher
sa atong environment ilabi na sa kontrobersiya sa Layawan
River. Iyang gituhuan nga gitun-an lang ug husto sa mga
magbabalaod sa probinsiya ang isyu sa dili pa kini sila
mopakanaug sa ilang aksiyon.
Sa
pahayag nga giluwatan sa gobernador gihisgutan niini ang
pagpatigbabaw sa moratorium gikan sa tulo ngadto na sa
unom ka buwan ayha itugot ug balik ang pagkuha sa balas ug
graba sa naandang quarry site sa Dipolog sa Barangay
Sangkol. Ang statement sa gobernador nga gibasa ni
Provincial Attorney Jes Gal Sarmiento, Jr. naghisgut nga
maoy tinguha sa amahan sa probinsiya nga kasamtangang
idili una ang pagkuha sa balas ug graba subay sa Layawan
River sa Barangay Sangkol sa Dipolog ug Barangay sa Silawe
ug Lapayang Baja sa Polanco diin milutaw ang dakung kadaut
agig resulta sa taas na nga panahon nga pagmina sa
nasangpit nga mga lugar sukad pa sa mga tuig sa 1970.
(Press
Freedom, Vol. XIX
No. 45)
TALANGKA
MENTALITY PABILING BABAG SA PAG-USWAG SA ZANORTE
Ang pagka
sinahan ug ang padayong pagpatigbabaw sa crab mentality
maoy nahimong babag sa Zamboanga del Norte sa gitinguha
niining pag-uswag sa unahan. Kini ang tubag nga giluwatan
ni Governor Rolando Yebes atubangan sa pipila ka lusok sa
atong katilingban sa ZaNorte nga mikwestyon ug misaway sa
pagtudlo ni Presidente Gloria Macapagal-Arroyo kaniya nga
mahimong chairman sa Regional Development Council sa
Region 9 gikan sa tuig 2004 hangtud 2007. Sa miaging
semana gipahigayon ang reorganization meeting sa RDC9 diin
tulo ka mga pangalan ang ginominar sa mga meyembro niini
para maoy pilian ni Presidente Gloria Macapagal-Arroyo nga
mamahimong chairman sugod karong 2007 hangtud sa tuig
2010.
Ilawom sa
balaod ang pagtudlo ug chairman sa RDC usa ka prerogative
sa presidente diin ang mga regional councils gidasig
lamang sa pagsumitir sa ilang nominasyon nga dili moubos
sa duha ka kapilian. Para sa RDC9 ang ginominar mao sila
si Governor Lando Yebes, Mayor Celso Lobregat sa Zamboanga
City ug Mayor Sammuel Co sa Pagadian City. Gihisgutan ni
Governor Yebes ang nahitabo sa RDC sa South Cotabato nga
ang unang naglingkud nga chairman mao si Governor Daisy
Avance-Fuentes apan tunga-tunga sa iyang termino giilisan
siya sa usa ka mayor gikan sa usa ka gamay nga lungsod.
Susama usab
ang nahitabo sa reheyon sa mga lalawigan sa Misamis diin
ang gituboy mao si Governor Moreno apan ang gitudlo sa
presidente mao si Governor Leon Campos. Gipatin-aw sa
gobernador nga ang mga chairman sa nagkadaiyang regional
development councils giilang kabahin sa economic team sa
presidente busa ang gikinahanglan nga ang mangulo niini
ikasabot gayud sa presidente diha na sa pagsunod sa iyang
mga programa pang gobyerno. Gituhuan sa mga meyembro sa
RDC9 nga pabiling si Governor Yebes mao gihapoy itudlo ni
Presidente Arroyo sa pagka chairman sa council para sa
mosunod nga tulo ka tuig.
Samtang
nakita usab ang mahiinitong pagsuporta sa mga regional
directors ug private sector representatives sa
chairmanship ni Governor Yebes nga giilang usa ka dakung
dungog ug garbo sa mga katawhan sa Zamboanga del Norte nga
nagagikan sa atong probinsiya ang nangulo sa regional
development council. Si Governor Yebes, mipahayag nga dili
niya ikauwaw ang tulo ka tuig niyang pagpangulo sa RDC9
kay ubay-ubay nga mga dagkung proyekto ang naangkon sa
reheyon particular na sa atong probinsiya tungod sa higpit
nga pag-indorsar sa maong council.
Samtang mayorya sa taga ZaNorte ang mapasigarbohon nga ang
nangulo sa RDC9 nagagikan sa atong lalawigan may pipila ka
lusok sa atong katilingban ang padayong mipalanog sa ilang
pagsaway sa paglingkud ni Governor Yebes pagka chairman ug
daw maoy gusto nila nga ang mangulo sa council ang mga
lideres gikan sa ubang siyudad. Sa iyang reaksiyon si
Governor Yebes mipalanog sa iyang kasubo nga hangtud karon
nagapasulabi pa gihapon sa atong lalawigan ang “Talangka
Mentality” o ang pagka sinahan nga si kinsa kadtong taga
ZaNorte nga makitang mosaka sa ang-ang sa panirbisyo sa
publiko adunay mga pipila ka lusok ang maningkamut usab
nga bitaron ug balik paingon sa ubos tungod sa kasinahan.
Matud pa sa gobernador kini maoy rason nga lupigon ang
taga Mindanao sa mga katawhan gikan sa Ilocos ug Bicol nga
nagkahiusa.
(Press Freedom, Vol. XIX
No. 45)
PHILHEALTH MAPAHIMUSLAN na sa
LANDO-BIBO beneficiaries
Minilyon
unya nga pahat ang itanyag sa kagamhanang probinsyal ngado
na sa mga benepisyaryo sa Lando BIBO kun Barangay Indigent
Beneficiaries Organization pinaagi sa PHILHEALTH PROGRAM.
Sa pagpaningkamot ni Gov. Rolando Yebes sa dili madugay
mohimo na kini ug usa ka Memorandum of Agreement (MOA)
tali na sa namunuan sa PhilHealth aron masugdan gilayon
ang himuong orientation ngadto sa mga lungsod ning
lalawigan partikular na sa segundo distrito nga maoy
naha-sentro karon sa maong programa. Gipamahayag ni Mr.
Roney Pacilan, CDAU Unit Head nga ang iyang buhatan
nangandam na karon alang sa maong programa aron matunol
kini sa mga kabus nga katawhan ilabi na panahon kon sila
mahilandig sa tambalanan.
Pinaagi
unya sa PhilHealth, wala nay bayran ang mga pasyente kun
magpatambal unya diha sa provincial hospitals kay ang
PhilHealth naman ang mo-abaga sa mga galastuhan sa mga
tambal, professional fee sa doktor ug uban pa nga mga
benipisyo apan kon ang pasyente didto sa mga private
hospitals magpatambal ang Philhealth pwedi gihapon magamit
apan ang kagamhanang probinsyal dili na mobayad sa
mamahimo unyang EXCESS sa balayrunon sa pasyente. Dugang
pa ni Pacilan nga nagplano usab karon ang kagamhanang
probinsya sa expansion sa Lando BIBO ngadto sa una ug
tersiro distrito aron maserbisyuhan usab ang mga kabus nga
katawhan sa maong mga dapit.
Sa
laing kalamboan, nagpadayon usab karon ang programang
Tabang ni Lando sa Comunidad sa mga kabaranggayan ngani
bag-uhay pa lamang duha na usab ka mga pilantropong lumad
nga taga ZaNorte ang mihatag kini ug mga medical supplies
ug equipment alang sa bag-ong ZaNorte Medical Center nga
niining tuiga mahimo na kini nga operational. Gitutokan
usab karon ni Gov. Yebes ang Youth Enhancement Support
(YES) ug Schoolarship Program nga naglantaw sa kaayuhan sa
mga kabataan diha na sa pagkab-ot sa ilang mga damgo.
Niini, kining tanan nga mga program damgo sa gobernador
ang kanunay nga gipaluyuhan sa CDAU, pinaagi ni Mr. Roney
Pacilan.
(Sam Buddy,
Mindanao Star,
Vol.III
No.29)
Mga empleyado sa CDAU dili
tinuod nga nag-welga
Gipaklaro
ni CDAU Unit Head Mr. Roney Pacilan nga dili tinoud nga
nag-welga ang mga empleado sa iyang buhatan kaniadtong
niaging adlaw. Sa pakighinabi sa mga miembro sa Zamboanga
del Norte United Correspondents kagahapon, dakong bakak
ang mitumaw nga isyu nga nahinawaing si Mr. Pacilan sa
gobernador ug sa mga local finance committee sa kapitolyo.
Hinuon subsob karon ang paghatod ug mga serbisyong medikal
ug sosyal sa mga nanginahanglan subay sa nagpadayong
programa ni Gov. Lando Yebes nga Tabang ni Lando sa
Comunidad ug Provincial Healthcare Program.
Ngani,
bisan pa man sa kakulangon sa budget para sa mga job
orders sa maong buhatan si Pacilan ang aduna gihapoy mga
nagpabiling mga empleado aron maoy mo-akomodar sa mga
mangayo ug mga tambal ug certification sa Lando BIBO.
Dugang pa sa Unit Head may kabahin sa mga plantilla
positions sa iyang mga empleado, siya nakasabot sa
gobernador ug sa local finance committee sa desisyon niini
nga dili ma-akomodar tanan ang gihangyo ni Mr. Pacilan.
Panapos pa ni Pacilan nga siya ug ang mga hepe sa mga
buhatan sa kapitolyo ang nagtambayayong kini sa mga
maayong programa ni Gov. Yebes subay sa iyang sumbanan nga
“Una sa Tanan ang Katawhan”
(Sam Buddy,
Mindanao Star,
Vol.III
No.29)
73 ka kaso sa dengue natala sa
Dipolog sa bulan sa Hulyo
Mokabat sa
73 ka mga kaso sa sakit nga dengue ang natala sa tibook
dakbayan sa Dipolog sulod lamang sa bulan sa Hulyo ning
tuiga. Ang buhatan sa maayong panglawas sa Dipolog pinaagi
ni Edgardito Baes ang Sanitary Inspector II nagkanayon nga
73 ka mga kaso sa Dengue ang natala sa ilang buhatan nga
nalandig sa tambalanang probinsiyal sa tibook bulan sa
Hulyo. Matud pa niya nga posibling moasaka pa kini ning
bulan sa Agusto kung itandi sa mi-aging tuig sa susamang
bulan kinsa mas mitaas ang pagsaka sa maong sakit. Hinoon
padayon ang maong buhatan sa pagsabwag sa mga impormasyon
kalabot sa pagsanta sa maong sakit ilabi na diha sa mga
tunghaan sa elementarya ug preparatory Schools diin ilang
gi-awhag ang mga kabataang lalaki nga mag-longpants
kanunay ug ang mga batang babaye tag-as nga saya ug medyas
tungod kay ang lamok nga nagdala sa dengue sagad sa batiis
mopaak.
Gipahayag
sa buhatan sa panglawas nga nagapadayon ang ilang fogging
operation sa mga kabarangayan ug tunghaan sa panghinaot
nga maminusan ang pagsaka pa sa gidaghanon sa mga
natakbuyan sa sakit nga dengue. Ang mga sintomas sa bata
nga posibling adunay dengue adunay kalit nga paghilanat
gikan sa duha ngadto sa pito ka adlaw, panakit sa lutahan
ug kaunoran, panakit sa luyo sa mata, pagkaluya ug labad
sa ulo, adunay mag-puntik-puntik nga pula sa panit,
pagka-sunggo ug uban pang mga sintomas nga kinahanglang
dal-on gilayon sa hospital aron kini katambalan gilayon
tungod kay dilikado ang sakit nga dengue nga mokotlo sa
kinabuhi.
Ang dengue gidala sa lamok nga AEDES AEGYPTI, nga adto
lamang mosanay sa limpiyong tubig sama sa flower base, mga
butangan ug tubig nga walay taklob ug mga botelya o lata
nga maponduhan ug tubig panahon sa ting-ulan. Ang
pagmintinar sa kalimpiyo sa palibot maoy usa sa mga butang
nga mahalikay kita sa sakit nga dengue.
(Mindanao
Star,
Vol.III
No.29)
Mindanao
Star Police Round-up
Regular employee sa Dapitan
City Hall arestado!
Padayon nga
gibungkag sa hiniusang pwersa sa Task Force Lupad ug
Dapitan PNP ang mga hiwing binuhatan sa pipila ka mga
Dapitanon kinsa nagmagahi guihapon sa paghunong sa
kalambigitan sa illegal nga druga bisan pa man sa padayong
panawagan sa kagamhanang lokal ubos sa administrasyon ni
Mayor Dominador G. Jalosjos Jr. Kaniadtong adlaw’ng Lunes
Agosto 13 ning tuiga sa may alas 8:20 ang takna sa buntag
giaresto didto sa Leonor Rivera Street sa dakbayan sa
Dapitan ang usa ka tigpayuhot sa illegal nga drogang shabu
pinaagi sa gihimong Drug Buy – Bust Operation nga nailhang
si Gilbert Quines Y Borbon, 38 ang pangidaron, residente
sa Lourdes Village, Potol sa nasangpit nga dakbayan, kinsa
nasayran nga usa ka regular employee sa kagamhanang lokal
sa Dapitan.
Nakumpiska
gikan sa iyang posisyon mao ang usa ka pakete sa white
crystalline granules nga gituhoang shabu ug duha ka
aluminum foil. Ang nasangpit nga pagpangsikop gilangkuban
ni SPO1 Judie Bahian ug uban sa mga Task Force Lupad.
Si
Quines ang temporaryong gi-release human sa 24 ka oras
tungod kay wala pa mapasaka ang kaso hinuon niining
pagbalita pormal na nga napasaka ang kaso batok kaniya.
Niini padayon gihapon nga nagpahimangno ang kagamhanang
lokal sa mga katawhang Dapitanon kinsa nahilambigit sa
guinadiling kalihukan sa droga nga mohunong na sa
pagpaulipon niini sa dili pa ulahi ang tanan.
(Mindanao Star,
Vol.III No.29)
70 anyos nga lolo nabanggaan
ug motorsiklo patay
Nakabsan
gayud sa iyang kinabuhi ang usa ka 70 anyos nga Lolo human
aksidenti kining nabanggaan sa usa ka motorsiklo didto na
sa may National Highway sa Barangay Talinga sakop sa
lungsod sa Leon Postigo ning lalawigan, karong bag-uhay pa
lang. Ang maong biktima giila sa pangalang Sergio Onde, 70
anyos, minyo ug nagpuyo sa naasoy’ng dapit. Samtang ang
suspetsadong drayber giila usab sa pangalang Roberto
Bermudo, 40 anyos ug lumolopyu sa lungsod sa Gutalac ning
lalawigan, kinsa nga nagmaneho sa usa ka motorsikong Honda
XRM, kolor itum nga nagdala sa plate number 2750. Sa
intial nga imberstigasyon nga gihimo sa Leon Postigo PNP,
nasayran nga ang maong gimanehong motorsiklo ni Bermudo
nagadagan kini gikan sa lungsod sa Sindangan padulong na
ngadto sa lungsod sa Gutalac ning lalawigan. Apan sa
dihang paghidangat na sa may National Highway sa Barangay
Talinga sa lungsod sa Leon Postigo diin ang biktimang si
Onde kalit kining milabay sa pikas dalan hinungdan nga
aksidenti kining nabanggaan sa motorsiklo.
Mga bun-og ug samad sa nagkalain-laing parti sa kalawasan
ang naangkon sa biktima ug gidali kini sa pagdala sa
Sindangan District Hospital aron kapatambalanan. Dangtag
pipila lamang ka minuto ang milabay, ang maong biktimang
si Lolo gideklarar kini sa attending physician nga
nakabsan kini sa iyang kinabuhi gumikan sa iyang
nahiaguman. Ang drayber nga si Bermudo angulan usab kini
ug anaa ra sa luwas nga kahimtang nga kasamtangan pa
kining nagpaalim usab sa iyang nahiaguman sulod sa
nasangpit nga tambalanan. Ang motorsiklo nga gigamit sa
maong drayber anaa pa karon gi-impound sa Leon Postigo
Municipal Police Station alang na sa tukmang disposasyon
ug dugang pang imbestigasyon ang padayon nilang ginahimo
sa naasoy’ng insidenti.
(Pedmark,
Mindanao Star,
Vol.III
No.29)
3RD Pasungko
Festival sa Piñan gibuksan!
Pormal nga
gibuksan ang 3rd Pasungko Festival sa lungsod sa Piñan sa
usa ka Grand Costume Parade. Sa pagpangulo ni Mayor
Ricardo Sabandal gihimo ang usa ka parada palibot sa
barangay Poblacion sa maong lungsod ang pinakaunang
Costume Parade Competition nga gisalmutan sa mga
nagkalain-laing mga buhatan, local agencies ug national
offices nga nagrepresentar sa mga nagkalain-laing tribo ug
nasud.
Ang buhatan
sa mayor pinanguluhan ni Mayor Sabandal ug Sangguniang
Bayan ang nagsuot kini ug Igorot Costume ug ang ubang mga
buhatan ang nagrepresentar kini sa tribong Subanen,
Muslim, Chinese, Arabian, Hawaiian, Spanish, Japanese,
Hindu Indian ug American Costumes nga nagdugang ug bulok
sa pagbukas sa ilang Festival.
Sa
mensahe ni Mayor Sabandal, nga kinahanglan gayud nga
maghiusa ang tanang katawhan sa maong lungsod aron hingpit
nila maangkon ang kalamboan nga gipaluyuhan usab sa mga
dagkong politiko sa probinsya sama ni Congresswoman
Cecilia Jalosjos-Carreon sa unang distrito ug Gov. Rolando
Yebes nga mibubo ug daghang mehoras sa maong lungsod.
Malampuson ug mabulukon usab ang gipahigayong Disco ng
Bayan didto sa ilang Municipal Plaza uban ang ZaNorte
Band. Atol unya sa ilang selebrasyon sa araw ug kapistahan
sa lungsod, aduna usab silay Agro Fair, LGU Olympics,
Minus One Singing Contest ug Streetdancing ug Showdown
karong Agusto 21. Ang Pasungko Festival niining tuiga ang
nagdala sa tema nga “KABIBO SA PIÑAN 2007”. (Mindanao Star,
Vol.III No.29)
Kagamhanang Probinsyal
ming-apod apod
school supplies sa mga magtutungha sa Buenas Suerte
Sama sa
tinguha sa pamilya sa Couple’s for Christ nga mao ang
paghatag ug saktong edukasyon sa mga kabatan-onan sa tagsa
tagsa ka komunidad sa katilingban gihimo sa buhatan sa
Social Welfare ning lalawigan ang pagpang-apod apod sa
nagkadaiyang school supplies sa mga estudyante sa
elementarya ug pre-schoolers sa barangay Buenas Suerte
lungsod sa Mutia ning lalawigan kaniadtong adlaw nga
Sabado. Mokabat sa 123 ka mga estudyante ang nakadawat sa
maong tabang nga gitunol sa kagamhanang probinsyal nga
dinuyugan usab sa Jose Rizal Memorial State College isip
maoy proponent sa maong programa.
Sa mensahe
nga gipaabot ni Mutia Mayor Melba Tenorio kini
nagpasalamat sa Couple’s for Christ pinaagi na sa programa
niining Gawad Kalinga gumikan sa mga nagkadaiyang
kalihukan niini nga maghatag ug tubag sa problema sa
edukasyon, kapanginabuhian, community development,
paghatag ug pinuy-anan ug usab ang programa niining
nagahatag ug bili sa matag usa. Dugang pa ni Tenorio nga
sayon makab-ot ang paghiusa sa usa ka katilingban kun
aduna lamay pagtinabangay sa matag usa, gipasalamatan usab
ni Tenorio ang mga kadagkuan sa Jose Rizal Memorial State
College gumikan kay nahimo man kining proponent sa
nasangpit nga kalihukan ug labaw sa tanan gipasalamatan ni
Tenorio si Governor Rolando Yebes tungod sa wala pagpihig
niini sa mga gikinahanglang mga school supplies sa mga
magtutungha sa nasangpit nga dapit.
Gipadayag
usab ni Engr. Vigilus Credo, Couple’s for Christ
Provincial Gawad Kalinga head nga padayon nilang ipatuman
ang mga programang maghatag ug kalambuan ilabi na sa mga
hilit nga parte dinhi sa lalawigan. Gipaabot usab ni
Assistant Provincial Social Welfare and Development
Officer Grace Marylen Sabal nga andam kanunay ang
kagamhanang probinsyal sa bisan unsang klaseng ayuda nga
itunol niini sa katawhan ilabi na nga si Governor Yebes
kanunay nagsuporta sa mga labawng nanginahanglan.
Gipasalamatan usab ni Sabal ang mga kadagkuan sa State
College ug mga myembro sa Couple’s for Christ gumikan sa
tabang nga gihatag niini atol sa maong kalihukan.
Angayang kahibaloan nga sugod sa paglingkod ni Gov. Yebes
isip amahan ning lalawigan sobra 20,000 ka mga estudyante
na ang nakabenepisyo sa nasangpit nga programa. Ngani
kagahapong adlawa didto sa barangay Meses lungsod sa
Manukan laing ayuda ang gitunol sa mga kawani sa
Provincial Social Welfare ngadto na sa mga magtutungha sa
grade V ug VI ingon usab mga magtutungha sa sekondarya.
Kini ming-apod apod sa dul-an usa ka gatos ka mga bags ug
school supplies sa mga estudyante sa nasangpit nga
tulunghaan.
(Mindanao Star,
Vol.III
No.29)
Hi-green program plano ni Gov.
Yebes nga ipaagi ug indigay,
WMCIP ug Gov. Yebes nagkatakdo sa ilang programa
PLANO karon
ni Governor Rolando Yebes nga ipaagi sa indigay ang
HI-GREEN program sa kagamhanang probinsiyal nga napatuman
karon diha sa mga kabarangayan ning atong lalawigan sa
Zamboanga del Norte. Kini sa tuyo aron nga modasig ang
barangay pag-atiman sa nahisgutang programa. Pinaagi sa
mga agricultural technicians ilang subayon ang mga
barangay nga anaa ang Hi-GREEN program ug kung makita nga
adunay maayong resulta kini ang makadawat ug premyo sama
sa usa ka proyekto diha sa barangay. Apan kung kini ang
napasagdan mamahimong ibalhin ang maong programa ngadto sa
laing barangay. Sa pagkakaron aduna nay usa ka gatos kapin
ka mga barangay ang nakapahimulos sa Hi-Green program.
Dugang
laraw sa gobernador nga ang mga nursery diha sa mga
kalungsuran kini ang undangon una sa probinsiya, apan
magbutang ug laing nursery diha sa mga kabarangayan nga
anaa ang Hi-Green program. Si Governor Yebes ang mitambong
kini sa gipahigayon nga meeting sa Provincial Implementing
Team pinaagi sa buhatan sa Provincial Agriculture nga
gipahigayon sulod sa Agricultural Training Institute sa
Irasan, Roxas. Sa maong tigum mitambong ang taga Western
Mindanao Community Initiative Project (WMCIP) pinaagi ni
Site Operation Unit Manager Lita Rosales uban sa
Department of Agrarian Reform pinaagi usab ni Rogelio
Balladares. Gipaabot sa gobernador ang iyang pagdayeg
ngadto sa WMCIP nga maoy katimbayayong sa provincial
government diha sa paghatud ug mga maayong programa alang
sa mga katawhan. Alang kaniya dako kaayo ug gikatabang ang
WMCIP ilabina sa gihingusgan sa probinsiya nga Hi-GREEN
program.
Mipadayag usab sa ilang pagdayeg ang WMCIP ngadto kang
Governor Yebes pag-implimintar sa mga program nga direkta
ngadto sa mga kabus sama sa Lando BIBO. Alang kang Rosales
nagkatakdo ang programa sa gobernador ug sa WMCIP nga diin
mibarog ang gobernador sa iyang panultihon nga “Una sa
Tanan ang Katawhan”. Sa nasayran ang WMCIP ang mobiya na
sa Zamboanga del Norte gumikan sa pagtapos na sa ilang mga
programa nga ilang gihatud diha sa mga kabarangayan
kansang pundo ang gikan kini sa gawas sa nasud.
(Mindanao Star,
Vol.III
No.29)
Duha ka Kumander sa MILF
napusilan, patay
Duha ka mga
dagkong opisyal sa Moro Islamic Liberation Front kon MILF
ang namatay atul sa usa ka engkwentro tali sa kapolisan ug
militar, didto sa lungsod sa Siocon. Sa taho nga nahipos
gikan sa maong lungsod nasayran nga ang elemento sa Siocon
PNP nga gipanguluhan sa ilang hepe nga si Police Inspector
Khisna Bagis Assali, uban sa Bravo Company, 44th Infantry
Batallion sa Philippine Army nga gipanguluhan ni 1st
Lieutenant Jose Roel Lomabao ug Delta Company, 18th
Infantry Batallion nga gipanguluhan ni 1st Lieutenant
Salip Hassan Hasim, sa dihang nagpatrolya sa Brgy.
Balagonan, gumikan sa taho nga adunay presensya sa mga
armadong grupo, ang nakahinagbo ug enkwentro tali sa MILF
Lost Command nga miresulta sa pagkamatay sa duha ka
komander nga maong pinangita sa tibuok rehiyon.
Ang mga
kumander giila sa ngalan nga usa ka Hamid Wahab alyas
Kumander Diablo Lantug, kinsa adunay nag-ong-ong nga 24 ka
warrant of arrest. Nasayran nga si Kumander Diablo ang
nahilambigit usab kini sa pag-atake sa lungsod sa Ipil,
Zamboanga Sibugay niadtong tuig 1995 ug sa lungsod sa
Siocon niadtong tuig 2003. Samtang ang laing kumander
giila sa ngalan nga ka Baddon Wahab alyas Kumander Black
Jack. Ang maong operation resulta kini sa usa ka bulan nga
surveillance sa kapolisan ug militar tali na sa mga
dautang elemento.
Dugang pa usab sa taho nga ang maong engkwentro gituhuang
may kalabutang na sa padayong gubat karon didto sa Basilan
ug Sulu nga mikalas naug daghanong kinabuhi. Nasayran nga
ang kagamhanan ang mopadayon sa peace negotiation uban sa
MILF, karong Agosto 22, bisan pa man sa all-out war batok
sa Abu Sayyaf ug militar. Ang peace process uban sa MILF
maoy nagbulok sa panagtigum sa National Security Council
sa miaging adlaw diin si Presidente Gloria Arroyo
mipatawag ug hamubong pagpakigpulong kalabot na sa
sitwasyon karon sa Basilan ug Sulu.
(Mindanao Star,
Vol.III
No.29)
Update sa kasong Mandamus!
City Hall nangayo’g extension
sa Omnibus Motion sa Capitol
Gipangayo
karon sa kagamhanang lokal sa Dipolog pinaagi sa ilang
abogado nga kahatagan sila ug logway o extensyon aron
ilang ihikylad ang ilang komento mahitungod sa omnibus
motion nga giduso sa kagamhanang probinsyal pagbasura sa
kasong man-damus nga gipasaka sa Dipolog batok sa mga
opisyal sa Zanorte. Ni-adtong lunes pormal nga gipangayo
sa korte sa Dipolog nga hatagan pa sila ug 15 ka adlaw nga
extensyon aron makahatag sila sa ilang argumento
mahitungod sa kontrober-siyang milotaw tali sa duha ka
lokal government units may kalabotan na sa moratorium sa
probinsya kabahin sa pagkuha sa graba ug balas sa Layawan
River.
Kahinumduman nga ni-adtong miaging semana sila si Governor
Lando Yebes ug Mayor Evelyn Uy nagtagbo didto sa Dapitan
City Resort Hotel aron husayon ang milutaw nga panagbangi
resulta sa pagpasaka sa managkalahi nga kaso sa matag
habig tungod sa pagdakop sa duha ka mga dumptruck sa
Dipolog nga naghakot sa balas ug graba gikan sa Layawan
river nga walay pagtugot o permit gikan sa probinsya.
Ang maong panagtagbo maoy gisandigan sa Dipolog diha sa
ilang pagpangayo sa nahisgutang extensyon aron makaduso na
sila sa ilang komento mahitungod sa gidusong omnibus
motion sa probinsya.
(The New Nandau,
Vol. XVII
No.7)
2 MILF official patay sa
nahitabong engkuwentro tali sa polis ug sundalo
Siocon,
Zamboanga del Norte- Duha ka mga mem-bro sa Moro Islamic
Libera-tion Front kon MILF ang nakabsan sa ilang kinabuhi
human matusaktusak ug mga bala sa nahitabong engku-wentro
tali sa kapolisan ug militar sa miaging adlaw didto sa
bukirang bahin sa lungsod sa Siocon, Zambo-anga del Norte.
Ang mga elemento sa Siocon PNP nga gipangu-luhan ni Police
Inspector Khisna Bagis Assali, uban sa Bravo Company, 44th
Infan-try Batallion sa Philippine Army nga gipanguluhan ni
1st Lieutenant Salip Hassan Hasim ang nagpahigayon ug
patrolya sa Brgy. Balagonan sa dihang nadawat ang taho nga
adunay presensya sa mga armadong grupo sa maong dapit ang
nakahi-nagbo ug engkwentro tali sa MILF lost Command nga
miresulta sa pagkamatay sa duha ka komander nga pinangita
sa tibuok rehiyon.
Ang mga
kumander giila sa ngalan nga usa ka Hamid Wahab alyas
Kumander Diablo Lantug kinsa adunay nag-ong-ong 24 ka
warrant of arrest sa nagkalainlaing kaso nga giatubang.
Sumala pa si Kumander Diablo ang nalambigit kini sa
nahitabong pag-atake sa lungsod sa Ipil, Zamboanga Sibugay
niadtong tuig 1995 ug sa lungsod sa Siocon niadtong tuig
2003. Ang laing kumander nga napatay sa kapolisan ug
militar giila sa ngalan nga Ka Baddon Wahab alyas Kumander
Black Jack kinsa nag-atubang usab ug daghanang mga kaso.
Ang maong operation resulta kini sa usa ka bulan nga
surveillance sa kapolisan ug militar tali na sa mga
dautang elemento nga gikatahong nagbahasbahas lamang
didtong dapita.
Ang maong engkwentro gituhuang may koneksiyon sa
nagapadayon nga gubat karon didto sa Basilan ug Sulu nga
mikalas na ug daghanang kinabuhi sa mga sundalo, rebeldi
ug lakip na ang sibilyan nga naamong sa kumbate. Nasayran
nga ang nasudnong kagamhanan ang mopadayon sa pagahimoon
nga peace negotiation tali sa MILF karong Agosto 22 bisan
pa man sa all-out war batok sa Abu Sayyaf ug walhong
pundok nga gihimo sa militar. Ang peace process uban sa
MILF maoy resulta sa gipatawag nga panagtigum sa National
Security Council sa miaging adlaw diin si Presidente
Gloria Arroyo mipatawag ug hamubong pakigpulong kalabot na
sa sitwasyon karon sa Basilan ug Sulu. (The New Nandau,
Vol. XVII No.7)
Managtiayon Morrison midonate
ug medical supplies sa probinsya
Mga medical
supplies ang nadawat sa kagamhanang probinsyal gi-donate
gikan sa managtiayong Morrison gikan sa nasud sa Scottland.
Pormal nga gidawat ni Governor Rolando Yebes, Atty. Ivan
Patrick Ang, Hospital Incharge, CDAU Unit Head Mr. Roney
Pacilan ug kanhi Board Member Uldarico Mejorada, tigpamaba
sa Capitol didto sa Provincial Governor’s Office ang mga
medical supplies sama sa paracetmol, mefenamictablets, ug
uban pang mga tambal lakip na niini ang mga walkers ug
crutches.
Gipasalamatan sa gobernador si Mrs. Josephine Morelos-Morrison
nga maoy personal nga mitunol sa maong mga medical
supplies nga makatabang kaayo sa mga kabus nga mga
kataw-han nga nanginahanglan ug tabang gikan sa
kagamha-nang probinsyal sa nagpa-dayon karong programa ni
Gov. Yebes nga TLC kun Tabang ni Lando sa Comunidad ug
PHCAP kun Provincial Health Care Program nga wala
nagma-kuli sa paghatod ug serbis-yong medical ug sosyal.
Angayang masayran nga ang managtiayong Morrison adunay usa
ka “Helping Hand Foundation” sa maong nasud nga kanunay
naghatag ug tabang sa mga nanginahanglan.
“Dili lang kay karon pami nakahatag ug medical supplies
kay sa una sa bag-o pa si Governor Yebes nakahatag na usab
kami, gawas pa sa uban namong kalihukan sa foundation sama
sa Carmelite Home nga ang mga bata among gidad-an ug
pagkaon, besti ug dulaan.” Ang pamilyang Morrison ang usa
lamang sa mga pilantropo nga mihatag ug ayuda sa lalawigan
sa Zamboanga del Norte nga diin liboan ka mga kabus ang
nanginahanglan ug ayuda sa gobierno. Gimando sa gobernador
ngadto ni Mr. Pacilan nga ang maong medical supplies ang
kinahanglan gilayon nga mahatag sa mga kabaranggayan
pinaagi sa iyang programa nga Tabang ni Lando sa Comunidad.
(Buddy
Cagbabanua, The New Nandau,
Vol. XVII
No.7)
Board Members mitago sa ilang
imbestigasyon batok TVI mining
Nakaani ug
negatibong reaksiyon sa mga aktibong sakop sa media dinhi
sa Zamboanga del Norte ang kalit nga pagpahibawo ni Board
Member Cedric Adriatico nga atol sa ilang legislative
inquiry sa TVI didto sa Siocon niadtung sabado dili sila
magpakuyog ug media kay matud pa, hadlok sila masunog.
Kini ang gibutyag ni Japhet Fernandez, membro sa Zamboanga
del Norte United Correspondents samtang gipahibawo siya ni
Board Member Cedric Adriatico nga si SP Secre-tary Joe
Bantila mihangyo sa mga board members nga dili magpakuyog
ug media sa ilang inbestigasyon sa Toronto Ventures Gold
Philipines nga atua nagabase sa lungsod sa Siocon kay
bason sila masunog sa ipagawas nga mga balita. Nahingangha
ang pipila ka mga membro sa ZNUC kon unsay dakong
nagpahipi niining pagdili sa mga sakop sa media nga
mo-cover sa ilang ipahigayon nga legislative inquiry didto
sa TVI Siocon. Sila nakapangu-tana kon bason dunay laing
agenda ang SP secretary kabahin sa mga butang nga gusto
nilang itago sa publiko.
Ang maong
legislative inquiry sa mga magbabalaod sa probinsya nga
gilangkoban sa mga membro sa Committee on Environ-ment nga
gipangulohan ni Board Member Felixberto Bolando maoy
kabahin sa privilege speech ni Board Member Cedric
Adriatico nga nagbutyag sa nahitabong pagka liki ug
pagkabuswang sa usa sa mga dam sa maong mining company nga
nakahatag ka peligro sa kinaiyahan ug sa dakong kadaut sa
kaumahan ug kasubaan. Matud ni Fernandez gila-raw sa
pipila ka mga kauba-nan sa ZNUC nga mokuyog sa maong
imbestigasyon aron personal nilang makita ang mining area
sa TVI didto sa Canatuan, Siocon ug ma-obserbahan ang
ipahigayon nga legislative inquiry. Si Fernandez nga usa
sa mga komentarista ning estasyon sa tulomanon Budyong sa
udtong edition mipahayag nga kon ang mga bokal mohimo ug
legislative inquiry sa TVI, mohimo usab siya ug inquiry sa
mga membro sa committee on evironment ug ilabi na sa SP
secretary nga maoy nag-suggest nga walay media pakuyogon
aron sutaon kon ngano nga mahadlok sila kon dunay mga
sakop sa media nga mo-cover sa ilang lakaw.
Gipahayag ni Fernandez nga mahimo sa mga sakop sa media
ang pagpahigayon ug linain nga inbestigasyon nga dili na
kinahanglan mokuyog sa panon sa mga bokal apan kini nga
kalihukan ugmang adlawa dili angayan tagoan sa publiko.
Mga pro-environment mipahayag ning paman-talaan nga
mamahimong walay maani nga positibo ang ipahigayon nga
legislative inquiry sa mga board members ug kini
nagkalaskalas lamang sa panalapi sa probinsya kay ang
mining operation sa TVI pinasikad sa ilang gihuptan nga
permit gi-isyu sa kaulohang manila gawas lamang kon dunay
inter-vention sa kongreso.
(The New Nandau,
Vol. XVII
No.7)
Pagpalambo sa lote sulod sa
Dipolog kinahanglan na ug clearance sa tag-iya
Usa ka
ordinansa ang gipadas-ug ni Konsehal Peter Y. Co nga
nagasitar sa pagkuha sa usa ka “clearance on natural
passageway” isip pre-requisite sa bisan unsang
construction, renovation works, fencing, quarrying,
extraction/excavation, filling, subdivision, conversion, o
bisan unsang kalihokan may kalabot na sa pagpalambo sa
kayuta-an sulod dinhi sa dakbayan sa Dipolog.
Ang
nasangpit nga ordinansa namugna ni Konsehal Co gumikan sa
mga reports nga iyang nadawat ug na-obserbahan nga ang mga
natural passageways sa tubig ang naka-angkon karon ug
pagkada-ut o nabarahan gumikan sa gidaghanon karon sa mga
excavations, diggings, fillings, conversions,
construction, renovations ug pagpapinsa ug uban pa. Dugang
rason sa pagkamugna sa maong ordinansa mao ang kina-hanglanon
sa pagproteher ug pagpreserbar sa maong mga natural
passageways aron dili mabalda ang natural nga dagan sa mga
katubigan padulong sa kadagatan.
Gipasabot usab ni Konsehal Co nga ang pagkadaut sa mga
natural passageways mao usay hinungdan sa pagbaha sa ubang
parte ning dakbayan gumikan kay wala nay malutsan ang
natural nga dagan sa tubig gumikan sa pagkabara sa
agi-anan niini. Lakip sa unod sa ordinansa nga gipadas-ug
ni Co mao ang seksiyon sa prohibition, penalties, pagmugna
sa Task Force,ang powers ug functions sa maong task force,
transitory ug effectivity.Ang nasangpit nga ordinansa ana-a
pa karon sa hingtungdang komitiba sa Sangguniang
Panlungsod alang sa dugang pagtu-on ug rekomendasyon.
(The New
Nandau,
Vol. XVII
No.7) |
2