2

May 20,  2008

 

Paghisgot bahin sa maayong panglawas, hustong pag-atiman sa basura himuon

Gisugdan ang “Philippine Health Promotion Program and Ecological Solid Waste Management Barangay Orientation and Planning Session” niadtong Miyerkoles, Mayo 14 didto sa Barangay Barra isip pagbukas ning maong kalihokan nga gitakdang ipahigayon sa tanang kabarangayan sa dakbayan sa Dipolog.

Sigun kang Rhodora Yrañela, ang kasamtangang PHPP coordinator sa City Health Office, nga kining maong kalihokan gihimo nga maglambigit sa 21 ka mga barangay ning dakbayan ug molungtad hangtud sa Hunyo 6 subay sa tinguha ni City Mayor Evelyn T. Uy nga ipatuman ang kampanya sa tukmang waste segregation ug ang pagpatunhay sa kalimpiyo sa matag Barangay. Kining maong kalihokan hiniusang gidumala sa PHPP Barangay Technical Working Group ug sa Solid Waste Management Committee, uban sa mga lokal nga mga opisyales sa hingtungdang Barangay.

Himoon ang serye sa orientation sa matag barangay ning dakbayan aron sa pagpukaw ug igong pagpakabana sa mga katawhan sa ilang mga kaakohan isip mga lomolopyo sa ilang dapit kabahin sa sanitasyon ug uban pang mga mahinungdanong ponto, isip maoy nag-unang mga elemento alang sa usa ka mahimsog nga barangay. Gipasabot ni Yrañela nga mao karoy tinguha sa kagamhanang lokal sa Dipolog nga inig ka human ning maong serye sa orientation sa matag barangay, ang atong mga lomolopyo mohimo sa ilang mga kaakohan nga magatotok ngadto sa kalimpiyo sa ilang dapit, lakip na ang paghimo sa tukmang waste segregation dili lamang sa hamubong panahon kon dili maoy ilang mahimong maandan isip responsableng mga lomolopyo sa ilang mga dapit.

Pagkahuman ning maong aktuwal nga mga orientation ug planning sessions, ang nasangpit nga grupo mohimo na usab sa pag-monitor o balik-susi aron pagtan-aw kon gihimo ba sa mga katawhan ang ilang nakat-onan gikan sa maong kalihokan. Lakip sa mihatag ug lectures atol ning maong kalihokan mao sila si City General Services Officer Alice U. Calagui, Alan Ladd Luna sa City Agriculture, City Engineer Nedilla Magdayao, City DILG Officer Winefreda Villanos ug PO3 Vicente Salaveria III sa Dipolog PNP kinsa mipasabot sa mga kaakohan sa ilang matag buhatan ngadto sa mga kabaranggayan. (CIO-alb)

 

Libreng sinugba, kinilaw
Gagmayng mga mananagat mopahigayon ‘Tuloy Festival’ karong Huwebes, Mayo 22

Usa ka pundok sa mga gagmay nga mangingisda sa Sicayab Bucana (duol sa Dipolog apan sakop na Dapitan) mopahigayon sa usa ka kalihokan nga gitawag ug “Tuloy Festival” karong umaabot Huwebes, Mayo 22 aron pagpukaw sa katawhan sa kamahinungdanon sa isdang “tuloy” nga pagkakaron season na o daghan sa kadagatan dinhi sa atong dapit.

Ang Bucana Small Fishermen Livelihood and Services, hugpong sa mga gagmay nga mananagat sa maong dapit mopasiugda ning maong tuloy festival pinaagi sa pagdalit sa katawhan sa libreng sinugbang tuloy, kinilaw, tinula ug uban pang pagluto sa maong isda diha sa kadalanan sa Barangay Sicayab Bucana.

Sumala pa ni Engr. Reuben Cordero, ang chairman sa organizing committee sa maong kahugpongan, ilang tuyo ang paghatag ug bili sa isdang tuloy nga ilang namatikdan nga sa panahon sa tingdaghan niini, dunay mga higayon nga kini giusikan na lang o ipanglabay tungod kay dili na kini mahalin tungod sa kadaghan nga unta duna may paagi nga kini mapahimudsan pag-ayo pinaagi kaha sa pagpresebar niini.

Kahinumduman nga ang tuloy usa sa mga matang sa isda nga sakop sa gitawag nga sardinella species nga sagad mahimo nga materyal sa lokal nga industriya sa paghimo ug Spanish style nga sardinas dinhi. Gani, ang Dipolog naila na man nga “Bottled Sardine of the Philippines” ug apil na sa tibuok kalibutan kay kini ginabaligya na man didto. (Dipolog Chronicle, Vol.VII No.47)

 

Stallholders sa merkado giawhag pagbag-o
sa ilang mga business permits, lease contracts

Giawhag karon ni OIC Market Supervisor Simon Fabian Gonzales ang tanang mga magpapatigayon sulod sa Dipolog Cenral Market kinsa wala pa nakabag-o sa ilang mga business permits ug mga lease contracts sa mga stalls, sa pagbag-o na niini sa madaling panahon aron malikayan ang kahasol ug kalangan unya.

Giawhag ni Gonzales kadtong mga stall owners nga wala pa maka-renew sa ilang mga lease contracts ug business permits hangtud karon sa pag-asikaso na niini basin unya mosangpot sa pagka-padlock sa ilang mga stalls nga gi-arkilahan. Mipasabot ang OIC Market Supervisor nga inig libkas sa Mayo 23, mapugos gayud ang iyang buhatan sa pagpa-padlock niini tungod kay dili lamang kini ang higayon nga sila gipahinumdoman kabahin sa ilang mga abangan sa stall nga ilang gitindahan.

Sa laing bahin, subli usab nga nagpahinumdom si Gonzales  sa mga mamalitay sulod sa central market nga kon sila dili kontento sa timbang sa ilang gipamalit partikular na ang isda, karne, utan ug uban, mahimo silang motimbang niini pag-usab didto sa mga public weighing scale (timbangan) nga gipahimutang sa Gate 2 ug 3 sa maong merkado. Nasayran nga ang iyang buhatan mipalit sa duha ka mga bag-ong timbangan aron magamit sa mga katawhan pumapalitay sulod sa merkado publiko aron ilang masiguro nga ensakto sa timbang ang ilang napalit. (CIO-alb)

 

Prangkisa sa motorcab giawhag nga bag-ohon

Subli karong nagapahinumdom si License Officer Lourdes E. Pabilona sa License Division sa buhatan sa Mayor ning dakbayan sa tanang mga motorcab operators sa dili gayud pagpakyas sa pag-renew sa prankisa sa ilang mga motorcabs inig expire niini aron malikayan ang kahasol unya nga ilang mahibagatan sa panahon nga sila masapnan nga padayong namasahero bisan kon expired na ang prankisa niini.

Kining subling pahinumdom gihimo tungod sa na-obserbahan nga pipila sa mga tag-iya ug motorcabs padayon gihapong namasahero bisan pa man nga mi-expired na ang mga prankisa sa ilang mga units nga maoy usa ka paglapas sa traffic ordinance sa dakbayan. Dugang pa ni Pabilona, nga ang padayong paghimo ning maong salawayong buhat nga nahasupak sa balaod sa dakbayan magkahulugan sa tukmang silot sigun sa gimando sa balaod, nga mosangpot sa pagpahamtang ug multa, ug kon milapas na sa usa ka tuig ang pagkapakyas sa pag-renew sa prankisa, magkahulugan sa rebokasyon niini pinaagi sa maong buhatan.

Subay niini, hugtanon karong giawhag ni Pabilona ang tanang mga motorcab operators dinhi sa dakbayan nga inig expire gayud sa prankisa sa ilang mga motorcab units basi sa bulan kini nga na-isyu, gikinahanglan gayud nga kini ipa-renew ug dili na magmagahi pa sa ilang mga ulo aron dili sila maperhuwisyo sa ilang pagpamasahero sa matag adlaw nga tanan. (CIO-alb)

 

City Veterinarian padayon sa kampanya batok rabies

Ang buhatan sa City Veterinarian sa Dipolog padayon sa ilang kampanya batok sa sakit sa iro nga rabies aron mapanalipdan ang katawhan sa maong sakit pinaagi sa padayon usab nga pagpanakop sa mga latagaw nga iro ug paghatag ug libreng bakuna sa mga iro.

Ang buhatan sa City Vet ning dakbayan, gawas nga nanakop sa layaw nga mga iro mipahigyon sa pagpangbakuna niini dinhi sa sentro sa siyudad ug sa mga kabarangayan. Niadtong tibuok adlaw nga Huwebes, Mayo 15 ang mga personahe gikan sa nasangpit nga buhatan ilawon sa pagpangulo ni City Veterinarian Dr. Russell T. Ganub mipahigayon ug libreng pagpamakuna sa mga iro sa Barangay Sta, Isabel, ning dakbayan.

Misugod sila sa alas 9:00 sa buntag hangtud sa pagka-alas 12:00 sa udto, dinha sa  Purok 4 (Outdoor stage); samtang sa pagka-ala 1:00 hangtud sa alas 4:00 sa hapon, didto na usab kini gipahigayon sa Purok 1 (Purok Center One Heart). Mipahigayon usab sila sa libreng anti-rabies vaccination didto sa Barangay Turno sa nakalabay nga semana.

Alayon niini, gidasig ang tanang mga katawhan kinsa buot magpabakuna sa ilang mga iro nga mobisita lang sa buhatan sa City Veterinarian, ning dakbayan dala ang ilang mga iro aron makapahimulos ning maong libreng kahigayonan nga gilugway karon. (CIO-alb)

 

Phivolcs mipaklaro sa mikatap nga messages!

Walay bisan kinsa nga makatagna kon dunay linog nga moabot ug mahitabo sa usa ka lugar. Kini ang gipaklaro sa Philipine Institute of Volcanology and Seismology o Phivolcs atubangan sa mikatap nga text messages nga adunay mahitabong dakung linog dinhi sa Pilipinas.

Ang maong mga text messages gipadala sa nagpatuong “US Geological Society” ang mikatap sa daghanang nagbaton ug cellphone nga gitagna mahitabo ang “magnitude 6.8 earthquake to hit Philip-pines Plates tonight” nga gipagawas sa “Hawaii State Emergency Preparedness Office” kini usa lamang ka botbot. Ang maong ‘hoax’ o bakak nga text messages nagsugod human mahitabo ang linog didto sa nasud sa China nga adunay Mag-nitude 7.9 niadtung Mayo 12, 2008.

Matud sa Phivolcs, wala pay organisasyon sa pag-kakaron sa tibook kalibutan nga adunay kapabilidad nga motagna nga adunay linog nga mahitabo ilabi na nga mohatag ug specific terms sa magnitude ug sa petsa. Sumala sa Phivolcs, walay “US Geological Society”, hinoon dunay US Geological Survey apan kini nga ahensiya wala mo-isyu ug hinanali nga predictions ilabi na sa dapit nga wala mahisakop sa Estados Unidos sa America. Sigun sa nanglabay’ng kasinatian nagpakita nga kining pag-uwat nga nagtagna nga adunay kusog nga linog bistado na kaayo kay kini usa ka ‘common’ nga pagpanghadlok ilabi na kon dunay mahitabong makusog nga linog sa silingan nga nasud.

Gipaklaro sa Phivolcs nga ang pilipinas dili makalikay nga adunay mahitabong makusog nga linog, apan kon ang insaktong petsa kon kanus-a, kini dili matag-an. Ang importante lamang mao ang padayon nga pagpangandam sa tanang panahon aron dili mahitumpawak sa dakong distroso. (Press Freedom, Vol. XX No. 31)

 

Kawat-kawat nga paghakot ug balas, graba nasakpan sa akto
MGB, DENR CENTRAL OFFICE, ZANEMO misubay sa Layawan river

MILUNGTAD halos usa ka adlaw nga gisubay sa taga Department of Environment and Natural Resources, (DENR), Mines and Geo-Sciences Bureau (MGB) ug Environmental Manage-ment Board (EMB) nga gikan sa ilang Central Office sa Manila ug sa ilang Rehi-yonal nga buhatan uban sa taga Zanorte Environmental Management Office (ZANEMO) ang Lawayan River nga nahisulod sa lungsod sa Polanco gikan sa barangay Dasullan paingon ngadto sa barangay Poblasyon South sa maong lungsod.

Sentro nga gisubay sa team mao ang mga area nga legal nga gipangkotkotan ug mga balas ug graba kaniadto sa dihang wala pa gipatuman ang moratorium sa kagamhanang probinsiyal ug sa kasamtangan niining kahimtang karon ilalom sa nagpabiling moratorium. Nakita nga adunay mga area ang inanay nang nahibalik ang deposito sa mga balas ug graba samtang adunay ubang mga area ang nagpabilin nga nagusbat tungod sa nagpasulabing pagpanguha ug balas ug graba. Apil sa gisubay sa taga DENR ug MGB mao ang quarry area nga iyaa sa kagamhanang local sa dak-bayan sa Dipolog. Nakita ang kalalom sa pangpang kilid sa suba tungod sa ilang operasyon kaniadto gamit ang mga ekipo.

Gihulagway nga molung-tad pa ug hataas nga pana-hon mahibalik ang ka-abunda sa deposito sa balas ug graba sa maong lugar. Personal usab nga nakita sa maong team ang quarry area nga anaa sa barangay Dansullan ang kinawat-kawat nga operasyon pag-panguha ug balas ug graba gamit pa ang dump truck ug pay loader. Aminado si Jessica Lucero, Regional Director sa MGB nga expired na ang Industrial Sand and Gravel (ISAG) permit sa concessioner sa maong area ug wala na nila gipa-renew tungod gipatig-babaw nga moratorium. Iyang gipasabot nga kung subra sa lima ka ektarya ang area nga aplayan alang sa pagpanguha ug sand ang gravel sila sa MGB ang mo-issue ug permit apan kung ubos sa lima ka ektarya ang probinsiya na ang mohatag ug permit.  Samtang aduna usay pipila ang nasakpan sa akto nga nanguha ug balas ug graba sa manual nga pamaagi.

Gipahayag ni Provincial Environment and Natural Resources Officer Tuballa nga ang ilang gihimong pagsubay sa Layawan River kagahapon mao ang inisyal nga pagkuha ug impormas-yon ug obserbasyon. Apan wala niya giklaro kung mao ba kini ang basihan sa unsa mang rekomindasyon alang na sa paglibkas sa mora-torium. Alang kaniya ang ilang gilantaw mao ang aspeto nga makaayo sa tanan. Kinahanglan pa una nila mahipos ang impor-masyon kabahin sa kahim-tang kaniadto sa maong suba ug sa kasamtangan niining kahimtang karon ayha sila makahatag ug konkretong obserbasyon tungod kay adunay area nga naguba bisan wala na kutkoti ug balas ug graba.          

Alang kang Tuballa nga kinahanglan tun-an pag-ayo kung angayan bang ilibkas ang moratorium o dili basi sa kahimtang sa gisaubay nga mga area nga nahisulod sa Layawan River. Nagmakuli usab sa pag-hatag ug pamahayag si Atty. Ricky Arzadon sa Legal Department sa DENR-Central Office kabahin na sa ilang nasak-pan sa akto nga nanguha ug balas ug graba sa Layawan River. (The New Nandau, Vol. XVII No.45)

 

Motorcab mopausbaw sa pletihan

Gilaraw karon sa mga kadagkoan sa Federation of Motorcab Operators and Drivers Association ang pagpatubo na usab ug plitihan nga ilang singlon ngadto sa mga pasahero.

Tukion karon sa Federation of Motorcab Operators and Drivers Association ang pagpatubo na usab ug plitihan ngadto na a syete pesos nga ilang singlon ngadto sa mga pasahero.

Matod pa ni Prudy Icalina, ang presidente sa maong federation ilang tukion ug maayo ang ilang gitinguhang pagpatubo ug peso alang sa ilang paninglon nga plitihan ngadto sa ilang mga pasahero. Gibutyag ni Icalina nga tapos sa ilang tigum iduso dayun ang hustong petisyon ngadto sa Sangguniang Panglungsod ning dakbayan sa Dipolog aron sila kato-gotan sa ilang pangayoon nga usbaw sa pletihan.

Kung maaprobahan ang ilang petisyon sa konseho, mahimong syete pesos na ang pletihan alang sa mga pasahero sa mga motorcabs dinhi sa dakbayan.

Gipasabot ni Icalina nga mangayo sila ug peso nga increase sa pletihan kay dili na nila maantos ang dakong pagsaka sa presyo sa gasolina sa pagka karon. Subay niini, pasiunang giawhag usab ni Icalina ang mga katawhan sumasakay nga mosabot sa ilang kahimtang aron nga magpadayon ang ilang serbisyo sa mga motorcabs dinhi sa dakbayan sa dipolog. Sa samang higayon subli nga gipahinumdoman ni License Officer IV Lourdes E. Pabilona sa Licensing Division ang tanang motorcab operators sa pag-renew sa prangkisa sa ilang motorcab inig expire niini aron malikayan ang kahasol nga ilang mahinagboan sa panahon nga masakpan sila sa traffic enforcers.

Kini maoy gipahinum-dom sa Licensing Division subay sa na-obserbahan nga adunay mga tag-iya ug motorcab padayon gihapon namasahero bisan nga expire na ang ilang prangkisa. (Mar Uy, The New Nandau, Vol. XVII No.45)

  

Mr. Balolong nominado sa National Gawad Saka

Piñan, Z.N- Lima ka evaluators gikan sa kaulohang Manila ang nahiabot dinhi sa lalawigan sa Zamboanga del Norte karong semanaha aron sa pagsubay sa umahan ni Nestor Intam Balolong nga lumulopyo sa barangay Tinaytayan , Piñan ning lalawigan.

Si Nestor Balolong kinsa usa ka yanong mag-uuma ang nominado karon sa National GAWAD SAKA Search for Outstanding Farmer Achiever (coconut category) human siya midaug isip regional winner niini. Pinangulohan ni Marvi Marasigan sa Philippine Coconut Authority kauban sila si Alfredo Masangcay ug Renato Ingles sa Department of Agriculture, Blen Durante sa Bureau of Plant Industry ug Cristy Perlado sa Bureau of Soils gisubay sa mga national evaluator ang umahan ni Nestor Balolong nga natuboy sa Coconut Category tungod sa daghanan nga mga kalamboan nga iyang gihimo sa iyang kaumahan ilabi na sa intercropping ug organic farming.

Nakadayeg ang mga national evaluator ngadto kang Balolong sa pag-implementar niini sa lain-laing teknolohiya nga iyang gihimo sama sa vermi-culture, pagpamuhi sa mga kahayupan, pagbaton ug kaugalingon nga plant nursery, pagpananum sa mga prutas nga durian, mangosteen, rambutan, pinya ug pagpananum sa mga utanon nga ampalaya, upo, kalabasa ug daghanan pa. Sa pakisusi usab nila nasayran nga si Nestor Balolong makahimo sa pagpabunga sa matam-is nga pinya sa tibuok tuig ug maoy gipasigarbo usab sa mga tinugyanan sa agrikultura sa probinsya.

Si Nestor Balolong nakapahimolos usab sa libre nga On-the-Job Training sa Young Filipino Farmers Training Program in Japan (YFFTPJ) sa tuig 2002 diin siya nagbansay-bansay sa pagpanguma diha mga klase-klase nga utanon sulod sa usa ka tuig nga gipaluyohan sa National Agricultural and Fishery Council kon NAFC. Kauban sa national eva-luators nga migiya paingon sa kaumahan ni Balolong sila si Bernadette Icao ug Merle Regencia sa Muni-cipal Agricuture Office sa lungsod sa Piñan, Teodoro Luayon ug Ralph Hamoy sa Philippine Coconut Autho-rity, Anna Aying sa DA-RFU-IX sa Pgadian City ug Vilma Malana sa Office of the Provincial Agriculturist. (The New Nandau, Vol. XVII No.45)

 

Biktima nanalaw!
PCI Aniway gi-usikan ug dili mapasaka ang kaso

Gisayangan si PCI Timothy Aniway, OIC-Chief of Police dinhi sa dakbayan sa Dipolog sa pagdumili sa tag-iya sa Glens Shoppers Center sa pagpasaka ug hustong sumbong ngadto sa korte batok sa usa ka suspetsado nga nasikop sa Dapitan City Police atol sa gipahigayon nga drug buy bust operation nga ilang positibo nga nailhan nga maoy nakapusil sa maong biktima sa dihang gisuwayan ug tulis pinaagi sa paglabni sa iyang gidalang bag. Matod pa ni Police Chief Aniway, siya gisayangan sa reaksiyon nga gipakita sa biktima nga dili gayud mopasaka ug kaso batok sa suspetsado bisan pa sa pagkombinsir nga iyang gihimo aron mapitol ug mahipos ang mga hold uppers dinh sa dakbayan sa Dipolog.

Gibutyag ni Aniway nga basi sa intelligence report sa iyang mga sakop, positibo nga ang maong suspect nga pabilin karon anaa gihuptan sa kapolisan sa dakbayan sa Dapitan ug nailhan sa ngalang Giovanni Tuble maoy usa sa mingsuway sa paglabni sa bag nga gidala sa magti-ayong tag-iya sa Glens Shoppers sa dihang kini misulod na unta sa ilang gisak-an nga panimay. Gikataho nga sa maong hitabo, usa ka polis dinhi sa Dipolog nga maoy nakaresponde ang mipa-salba sa mga suspetsado apan gikatahong mingbalos ug pusil sa polis maayo gani nga wala makaigo, apan ang bala sa posil sa suspetsado ang didto mipingis sa kilid sa lawas sa biktima hinungdan nga wala ra kini makaangkon ug seryoso ug grabeng samad.

Gitohoan ni Police Chief Aniway nga kun dili mopasaka ug hustong sumbong ang mga nanga biktimang tag-iya sa Glens Shoppers malagmit nga dali rang makabuhi ang suspetsado tapos unya kini makapahimutang ug piyansa sa kasong pagpahoyot sa drugas didto sa dakbayan sa Dapitan. (Mar Uy, The New Nandau, Vol. XVII No.45)

 

MNLF ug MILF aktibo nga naglihok sa triple SB –AFP

Ang Moro National Liberation Front kon MNLF ug Moro Islamic Liberation Front kon MILF aktibo karon nga naglihok didto sa tersero distrito sa lalawigan sa Zamboanga del Norte.

Mao kini ang gibutyag ni Col. Alexander Dicang, Commandong Officer sa 102nd Infantry Brigade nga nakabase sa Ipil, Zambo-anga Sibugay diin lakip sa iyang area of responsibility mao ang mga lungsod sa tersero distrito sa Zambo-anga del Norte. Matud pa ni Col. Dicang, ang MILF ug MNLF Misu-ary group aktibo pa gihapon nga nagpahigayon sa ilang mga kalihukan didto sa ha-bagatang bahin sa lalawigan. Kini nagbaton usab ug tag-as nga armas ug nag-pahimutang sa ilang kampo didto sa Sibuco ug Sirawai.

Sa nasayran ang MILF adunay tulo ka grupo sa ilang gipahimutang kampo sa Sipakit complex, Pulang Lupa ug Lokongan, ang tanan nahisakop sa lungsod sa Sirawai. Ang batallion com-mander didtong dapita dili makapasalig kon safety ba ang mga opisyal nga mobi-sita sa maong mga lugar gumikan sa presensiya sa maong grupo.

Hinoon gipahayag sa militar nga kon moadto ang mga opisyal sa probinsya didtong dapita andam sila mohatag ug seguredad. Angay masayran nga karong bulan sa Septembre, maoy gilaraw ni Governor Rolando Yebes nga adto siya magsaulog sa iyang ad-law’ng natawhan sa usa sa pinakalayo nga barangay sa lungsod sa Sibuco. (The New Nandau, Vol. XVII No.45)

 

Philhealth sa BIBO epektibo na bisan wala pay ID Card –Pacilan

Bisan pa kon wala pay gipanghatag nga philhealth card, epektibo niadtung Mayo uno ang philhealth program para sa mga bene-feciaries sa Lando BIBO dinhi sa segundo distrito.

Si Mr. Ronilo Pacilan, CDAU Unit Head nagka-nayon nga ang tanang lungsod sa second congressional district lakip na ang dak-bayan sa Dipolog ila nang napa-enroll sa philhealth ug mahimo na kining magamit sa panahon nga magpa-admit sila sa hospital. Epektibo niadtung Mayo 1, epektibo na ang mem-bership sa philhealth dinhi sa segundo distrito gikan dinhi sa Dipolog paingon sa lungsod sa Siayan. Maoy mando sa gobernador nga sa kasamtangan diri una mo-focus sa 2nd congressional district isip maoy pilot area ug mosunod na niini ang ubang lungsod sa permero ug tersero distrito.

Matud ni Pacilan, ang iyang ginsakpan sa CDAU lakip siya walay sabado ug domingo kay kada adlaw sila galakaw sa mga bara-ngay subay sa ilang gipatu-man nga information advo-cacy program aron mapa-sabot sa mga barangay coordinators ang ilang mga membro kabahin sa programa sa philhealth. Hinoon duna pay gamay nga problema ang Dipolog kay sa kuatro mil ka pamilya nga ma-enroll sa philhealth, dunay dos mil niini ang na-pending pa tungod kay nangasayop ang pag-fill up sa mga papel ug kini dili pa maapil sa effectivity sa maong programa, “napen-ding ang pagpasa sa ilang mga enrollment forms tungod sa nangasayop nga mga signatories.” Apan ang nahauna nga dos mil ka benefeciaries epektibo na ang ilang philhealth, pasabot pa ni Pacilan ug kini napahibalo na usab sa ilang mga coordinators ug mismo sa mga pamilya.Gawas sa dos mil ka pamilya nga napending pa sa Dipolog, ang ubang lungsod gikan sa Katipunan, Roxas, Manukan, Jose Dalman, Sindangan ug Siayan ang kompleto na.

Iyang gipaklaro nga bisan pa ug wala pay ID nga ilang gipanghatag sa mga bene-pesyaryo, apan ang effec-tivity niini nagsugod na niadtung Mayo 1. Anaa sa opesina sa CDAU ang gina-tawag ug ‘certification as to enrollment’ nga maoy pa-ngayoon sa philhealth aron ang matag pamilya isyuhan ug certification aron dawa-ton sila sa mga hospital. Aron mapahimudsan ang maong programa, gikina-hanglan ang mga rekesitos sa mga membro nga andamon daan sama sa birth certificate, mariage contract o kaha baptismal aron dili mo-untol ang pagproseso sa mga papeles. Mao kini ang gidasig nga paghangyo ni Pacilan ngadto sa tanang membro sa philhealth gumikan kay mao gayud kini ang gikinahanglan nga gipangayo sa philhealth aron dili maglisud ug kuha sa capitation fund ang hospital alang niadtung benefeciary nga magpatambal.

Niadtung mga membro nga walay mariage certificate o kaha birth certifi-cate, moanha lang sa ilang municipal o city registrar kay kini nga mga doku-mento gikinahanglan gayud kaayo sa matag pamilya. Naglaraw si Pacilan nga sunod tuig mopahigayon sila ug ‘mass weeding’ sa mga mansibado o kadtung nag-ipon nga wala pa makasal aron makabaton sila ug legal nga dokumento lakip na ang ilang mga anak nga maoy gikinahanglan sa maong programa. Ang lungsod sa Rizal sa permero distrito ug lungsod sa Gutalac sa tersero distrito nga naulahi sa pag-organizar ang dili pa makapahimus sa effectivity sa philhealth program.

Gipaklaro sa CDAU Unit head gumikan kay gawas nga nag-agad sila sa approval ni Governor Lando Yebes, naulahi sila sa pag-adto sa nahisgutang mga lungsod diha sa implemen-tasyon sa philhealth prog-ram kay ang ilang gi-una mao ang segundo distrito. (The New Nandau, Vol. XVII No.45)

 

Konsemante ug bugas kaadlawon pa galinya na sa NFA, Gulayon

Aron lamang makapalit sa baratong bugas gikina-hanglang magpila ug sayo ang mga konsumante didto sa buhatan sa National Food Authority sa barangay Gula-yon ning dakbayan sa Dipolog.

Sa namatikdan kada adlaw nagpunsisok ang mga katawhan sa NFA nga nag-antos ug linya aron lamang makapalit ug baratong bugas. Niini gikinahanglang magsayo ang mopila para sayo-sayo usab sila makapalit ug bugas.

Kini nga sitwasyon mitumaw human ang kalit nga pagsaka sa presyo sa mga commercial rice sa kamerkaduhan nga sa pagkakaron mi-abot na ug 42 pesos ang matag kilo. “mag-agwanta nalang mi ug linya basta makapalit lang mi sa barangatong bugas sa NFA kay maglisud na mi ug palit sa commercial rice sa merkado” pamahayag sa usa ka ginang nga apil sa naglinya sa buhatan sa NFA para lang makapalit ug baratong bugas. Sa nasayran gitugutan lamang sa NFA ang matag pamilya nga makapalit ug tag tulo ka kilong bugas sa presyo nga 18 pesos ug 25 sentavos. Kini nga kahimtang nakalangan pag-ayo sa katawhan sa paglinya apan tulo ra ka kilo ang ilang mapalit.

Tungod niini gisugyot karong bag-o atol sa tiguym sa mga sakop sa Provincial Peace and Order Council sa Zanorte pinangulohan ni Gov. Lando Yebes nga andam sila mohatag sa ilang ayuda sa NFA para i-distri-bute sa mga lagyong bara-ngay ang baratong bugas gikan sa maong buhatan. Dugang gisugyot sa mga meyembro sa POC nga gikan sa 3, himoong napulo o 20 ka kilo matag pamilya aron dili masayang ang ilang adlaw paglinya para lang makapalit ug baratong bugas.

Kung walay hustong paagi ang NFA ug mag-makuli sila sa pag-koordinar sa lokal nga pangagam-hanan sa Zanorte diha sa pag-distribute sa bugas magpabiling magkaguli-yang ang ang mga kataw-hang kabus nga makapalit sa baratong bugas gikan sa NFA. Daghang mga konsumante nagkanayon nga dili patas ang pag-distribute sa bugas sa NFA ilabi na sa mga lagyong kabarangayan sa Zanorte. (The New Nandau, Vol. XVII No.45)

 

LTO: Walay hot cars nakasulod

Hugtanong gipaklaro karon ni LTO Chief Yusoph Ismael nga walay hot cars nga nakasulod dinhi sa ZaNorte tungod kay on line na ang ilang computer sa tibook nasud. Kini ang nahimong reak-siyon ni Ismael atubangan sa migawas nga tahu nga dunay hot cars nga naka-sulod dinhi sa probinsiya.

Iyang gipasabot nga pulos na naka-computerised ang tanang papeles sa LTO busa walay rason nga dunay makasulod nga mga illegal nga sakyanan. Hinoon iyang gi-angkon nga gawas kung manual ang mga papeles sa usa ka sakyanan kini dunay posibilidad nga gipalusot nga illegal apan kung kini ipasubay sa LTO dali ra dayon masuta.

Gani matud pa niya nga bisan ug bag-o ang usa ka sakyanan dili gihapon makalusot kung walay CSR kon Certificate of Stock Report nga mag-agi pa sa ilang regional office sa dakbayan sa Zamboanga. Iyang gi-awhag ang mga katawhan nga kung dunay reklamo mahitungod sa illegal nga mga sakyanan modangop lamang sa ilang buhatan sa LTO aron mahimo-an gilayon nila ug aksiyon. (The New Nandau, Vol. XVII No.45)

 

Caroro: Walay pasaylo ug dili ma-renew ang business permit

Padlakan gyud ang mga stalls kung ang mga nag-occupy ug puwesto sulod sa merkado publiko dili makabayad sa ilang business permit uban sa ilang inadlaw nga abangan ngadto sa City Government tungod kay kini maoy gimbut-an o gimando sa balaod.

Mao kini ang gipahayag ni City Treasurer Sancen Caroro isip tubag ngadto sa matod pa bagolbol nga gipabati sa mga delengkwenting stall holders sa merkado publiko nga dili maantigong mobati sa ilang kalisod ang kagamhanang lokal pinaagi sa city treasurers office tungod kay gisiging-siging gayud sila ug paningil sa ilang bayranan sa business permit ug daily rentals sa ilang mga stalls.

Matud pa ni City Treasurer Caroro walay mahimo ang iyang buhatan kalabot na sa yangongo sa mga stall holders tungod kay lagi mao kini ang gimando sa balaod o sa market ordinance. Sa pikas bahin, gibutyag ni Caroro nga sa pagka karon wala pa makadawat ang iyang buhatan ug circular gikan sa DBM, kon Department of Budget and Management kabahin sa 10 porsyento nga increase sa suweldo sa mga personahe sa gobiyerno nga gimando ni Presidente Gloria Arroyo nga ihatag karong bag-o, basi usab sa pagpirma ni PGMA sa usa ka order ehekutibo.

Bisan ug ang maong 10 porsyento nga salary increase wala mahilakip sa budget sa syudad karong tuiga, apan gipasalig ni Treasurer Caroro nga kun kini itugot sa hepe ehekutibo nga ihatag ug ang mga sakop sa Sangguniang Panglungsod modason ug resolusyon, ang finance committee maningkamot gayud sa pagpangita ug pondong salapi aron ang maong kaayuhan mahatag gayud ngadto sa mga hingtungdang empleyado o personahe sa City Government sa Dipolog. (Mar Uy, The New Nandau, Vol. XVII No.45)

 

Gov. Yebes masaligon malinawon ang Mindanao ilabi na ang ZaNorte nga magsaulog sa Hudyaka Festival

Dili tinuod nga gubot kaayo ang isla sa Mindanao ilabi na ang Zamboanga del Norte nga nahisakop niini. Kini ang masaligon nga gipabate ni Governor Rolando Yebes sa dihang gi-interview kini sa ANC sa ABS-CBN samtang iyang gidapit ang mga katawhan sa Visayas ug Luzon nga dili mabalaka kon moanhe sa Mindanao ilabi na ang Zamboanga del Norte kay anaa ang pagkamalinawon.

Si Governor Yebes nga nagdapit sa mga katawhan nga mobisita sa Zamboanga del Norte atul sa pagsaulog sa Hudyaka Festival sugod karong Mayo 30 hangtud Hunyo 7 dungan ang selebrasyon sa ika 56th founding anniversary sa probinsya namahayag nga mabatnan sa mga katawhan ang kasadya ug kamaya atul sa kasaulogan.

Iyang gihimakak nga kahadlokan nga bisitaan ang Zamboanga del Norte ilabi na nga kini nahisakop sa isla sa Mindanao nga kanunay mabansiwag sa mga nasudnong pamantalaan ug mabalita sa telivision nga anaa ang kanunay’ng kagubot ug kasamok gumikan sa presensiya sa mga rebelding moro tungod kay kini layo lamang kaayo sa gikabalak-an nga lugar.

Matud ni Governor Yebes, ang Zamboanga del Norte maoy usa sa pinaka-malinawon nga lugar ug daghan ang maanindot nga talan-awon nga matawag pa nga virgin tourist destinations ug barato lamang kompara sa ubang probinsya. Ang nanggawas nga balita nakaapekto sa probinsya kay ang mga gobernador sa Luzon mahadlok motaak sa Zamboanga del Norte, Mindanao kay gubot ug kini iyang gihimakak nga dili tinuod.

Pagsaulog sa Hudyaka Festival sa Zamboanga del Norte mao pay ika-upat ka tuig nga pagselebrar sukad milingkod sa pagka gobernador si Lando Yebes. Matud niya, karong tuiga, ang pagsaulog sa festival maoy pinaka-bongga nga selebrasyon tungod kay ang mga maanindot nga tourism spots dinhi sa atong probinsya ipaila sa mga katawhan sa tibuok pilipinas ug sa gawas sa nasud. Gihisgutan usab ni Governor Yebes atul sa interview ang mga kalihukan sa Hudyaka Festival ug mapasigarbohon niyang gipadayag nga atul sa maong kasaulogan makita ang daghang agricultural products gikan sa mga mag-uuma sa mga kalungsoran.

Gidapit ni Governor Yebes ang mga katawhan sa tibuok pilipinas nga mobisita sa Zamboanga del Norte atul sa Hudyaka Festival aron ilang matagamtaman ang maanindot mga talan-awon ug makatilaw sa lamian nga mga pagkaon sa barato lamang nga presyo. (The New Nandau, Vol. XVII No.45)

 

Livelihood Assistance Program sa Zamboanga del Norte gihan-ay na

Gihan-ay na karon sa nagkadaiyang buhatan sa kagamhanang probinsyal ang Zamboanga del Norte Livelihood Assistance Program kon ZNLAP para sa mga katawhan nga makadawat ug ayuda sa ilang panginabuhian.

Ning semanaha nagtagbo ang tanang chief of office sa Kapitolyo probinsyal aron han-ayon pag-ayu ang guidelines diha sa implementasyon sa livelihood assistance program nga ihatag ngadto sa mga barangay. Sumala sa gisaad ni Governor Rolando Yebes nga sa iyang ikaduhang termino maoy ipatuman ang livelihood program ug aduna nay pundong kuwarta nga giandam para niini, apan kon unsaon sa pagpatuman, kini maoy gitun-an karon sa mga implementor ug ang kapabilidad sa mga BIBO organizations sa mga proyekto nga gusto nilang ipatuman.

Si Mr. Ronilo Pacilan mipahayag nga sukad pa niadtung bulan sa Marso ila nang gilihok ang mga barangay ug nagpahigayon sila ug meeting sa mga membro sa BIBO aron mapahibalo niini ang kabahin sa livelihood. Ang CDAU, kon Community Development Assistance Unit maoy nagpatuman sa information advocacy aron masayod ang mga katawhan unsay programa nga angay nilang pagadawaton ug gustong ipatuman sa ilang tagsatagsa ka pundok. Ang Zamboanga del Norte Livelihood Assistance Program kon ZNLAP maoy morekomendar sa gobernador para mogawas ang pundo nga gikinahanglan sa livelihood sa usa ka barangay, organisasyon ilabi na ang BIBO kon Barangay Indigent Benefeciaries Organizations kay mao man kini ang motabang sa paghan-ay sa feasibility study.

Matud ni Pacilan sutaon gayud ZNLAP kon kaya ba o duna bay kapabilidad ang usa ka pundok o barangay nga mopadagan sa ilang livelihood ayha aprubahan sa gobernador busa gikinahanglan ang gabayan nga ilang pagasundon.

Capitol assures employees 10% salary increase

Another round of 10% salary increase this July 2008 will be given to all provincial government employees as recently ordered by President Gloria M. Arroyo.

The Local Finance Committee recently assured employees that it is now preparing the funds for the cited increase. Provincial Budget Officer Mary Joy Abitona disclosed that the province has an estimated P91M Internal Revenue Allotment this year, P45M of which was appropriated already for Supplemental Budget No.1.

Ms. Abitona disclosed further that part of the P45M shall be used for the salary increase which will take effect on July this year. Just recently, PGMA ordered the release of P12.5Bn IRA for all local governments. (Press Freedom, Vol. XX No. 31)

 

DCSWD bats for BCPC creation

The Dipolog City Social Welfare and Development (DCSWD) through its Chief of Office Nelson Ladera recently urged barangay officials to create the Barangay Council for the Protection of Children (BCPC).

In a conference held at Barangay Sta. Filomena, Dipolog City, Officer Ladera outlined the responsibilities placed upon the council for protecting the interests of the children. He also disclosed that the composition of the body includes the Barangay Captain as Chairman, with the Barangay Nutrition Scholar, Day Care workers, Health Nurse/Midwife, Barangay Tanods, SK Chairman, a child representative, PTCA President and NGO as members.

The creation of the BCPC has been urgently asked from among all the barangays in Dipolog City in order to implement the child protection laws. (Press Freedom, Vol. XX No. 31)

 

SP to hold flying session at Sibuco

It could be the farthest end of the province but the Sangguniang Panlalawigan recently decided to h old its flying session at Sibuco on May 26 this year.

It can be recalled that the lawmakers of the province had already conducted similar sessions in municipalities but was called off two years ago. Board Member Cedric Adriatico disclosed that it was Mayor Norbi Edding who personally extended the invitation to conduct the session in his municipality.

Just recently Sibuco celebrated its mini Hudyaka festival which local officials considered as a successful one. (Press Freedom, Vol. XX No. 31)

 

SSS implements year-long amnesty for short-term loans

The Social Security System (SSS) implemented a year-long amnesty for short-term loans starting May 1 to help ease the burden on Filipino workers coping with rising prices, a senior official of the system said.

SSS President and Chief Executive Officer Corazon de la Paz-Bernardo said the pension fund would condone penalties on loans of members who would avail of the amnesty, which is part of the non-wage benefits package offered to workers to mark Labor Day. “This is an excellent opportunity for delinquent borrowers to settle their unpaid accounts at a huge discount,” she said. “Under the amnesty, they would only pay the principal and interest, with their penalties written off by the SSS.”

The SSS expects to collect P2.62-billion in principal and interest from about 620,000 delinquent short-term loan borrowers. The amnesty would end on April 30 next year. The amount of penalties to be condoned would be proportionate to the arrears, or the outstanding principal and interest, paid by the borrower. Payments may be partial or in full. “If only half of the arrears are paid during the amnesty, then only half of the penalties would be condoned, while the balance would continue to accumulate penalties,” De la Paz-Bernardo said. “This is why we urge borrowers to fully pay their delinquencies within the amnesty to enjoy 100 percent condonation of penalties.”

The SSS has been granting salary loans to actively-paying members with at least 36 contribution payments. Previous loans granted to members include calamity, emergency, educational study-now-pay-later, vocational/technical, Y2K, stock investment and privatization fund loans. De la Paz-Bernardo said 721 delinquent members from 19 cooperatives which borrowed under the SSS Members’ Assistance for the Development of Entrepreneurship (MADE) could also avail of the amnesty. The MADE program, which ended in 1994, had released over P140-million to cooperatives, which in turn lent the funds to its members for livelihood activities.

More than 540,000 delinquent borrowers benefited from five amnesty periods for SSS short-term loans, the last of which was from January to June 2007. The SSS also has an ongoing amnesty for housing loan borrowers. (PIA-ZN)

 

Dipolog Chronicle Editorial

Again, Dipolog’s brighter sides are starting to show

Lately, Dipolog’s bright stars are starting to shine with two local personalities making it big in the national scene.

We deserve a pat on our shoulders as they too deserve our congratulations that these two homegrown people made it to the top. Our contestant to the Miss Earth Philipines beauty-and-brain tilt got the third place title. And a son though not a tal Dipolognon but had his early moulding here and known in the military circle as a “soldiers’ soldier” is now the boss of the Armed Forces, Chief of Staff, that is.

This paper acknowledges with pride newly-crowned Miss Philippine Air Razel Eguia of the Miss Earth Philipines beauty tilt and salutes newly-installed Chief of Staff of the Armed Forces of the Philippines Gen. Alexander Yano. You made it good and you truly are our pride. (Dipolog Chronicle, Vol.VII No.47)

 

Bantay Bayan Dapitan-Dipolog
Zambonorte chapter organized

The Bantay Bayan Foundation, Inc. (BBFI) formally established its local chapter recently, the Dapitan-Dipolog-Zamboanga del Norte Chapter with its founder and national president Dr. Bienvenido S. Caralde personally inducting into office the officers and members of the local organization.

Imbued with the vision of a progressive democratic society with strong cultural values, sense of justice and moral ascendancy, the BBFI aims to help enhance community defense, security and development in close coordination with government agencies and other civic organizations. The organization of the local BBFI chapter was attended aside from BBFI National President Dr. Caralde, by Col. Jose Porras Carilla of the Philippine National Police (PNP), Vicente Sumalpong of the Department of Labor and Employment (DOLE) and the officers and members of the BBFI local chapter.

The local BBFI is headed by Norma G. Demetrio as provincial director and Mercedita S. Acopiado as city director for Dipolog. It might be recalled that the Bantay Bayan Foundation has been in existence for 24 years and it has been active in supporting the PNP and Armed Forces of the Philippines (AFP) in the campaign against criminality and insurgency. (PIA-ZN)

 

PGMA PRODS EMPLOYERS TO PROVIDE THE RICE RECRUITMENTS OF THEIR EMPLOYEES

“Making food affordable to employees brings about an empowered workplace,” thus stressed President Gloria Macapagal-Arroyo Thursday morning as she sounded anew her call on large corporations to provide the rice requirements of their employees by importing or producing the staple cereal.

“Because the world is flat, we encourage, the President said, alluding to Thomas Friedman’s “The World is Flat” international bestseller which views the world as flat or level in terms of competition, or where all competitors have an equal opportunity in the process of globalization.

On May 2, the President signed Executive Order 721 encouraging large corporations to provide the rice requirements of their workers.

“I ordered the National Food Authority to encourage large corporations to provide for the rice requirements of their employees either by engaging in the production of rice, or by importing rice to meet their employees’ requirements,” she said.

“We encourage those large corporations with existing landholdings determined to be suitable for rice production. Those without landholdings who decide to engage in rice production may lease public agricultural lands or, subject to mutual agreement with the land owner, idle agricultural lands,” she added.

The President also said that corporations that opt to import rice have to register with the NFA.

Corporations may also enter into agreements or other forms of combinations among themselves for the purpose of engaging in rice production and/or importation. (pia-zn)

 

300,000 to benefit from Ahon Pamilyang Pilipino program 

The Provincial Social Welfare and Development Office (PSWDO) recently identified the 13 municipalities in province as recipients of Ahon Pamilyang Pilipino (APP) program of President Gloria Macapagal-Arroyo.

PSWDO chief Marylen Grace Sabal disclosed that about 300,000 indigents from the municipalities of Siayan, Godod, Sindangan, Katipunan, Roxas, Jose Dalman, Gutalac, Baliguian, Kalawit, Sibuco, Sergio Osmeña, Leon Postigo and Manukan shall each receive a financial assistance pf P1,400 each month for a period of five years.

However, Sabal pointed out that the families who shall enjoy the said program shall follow the conditions set which include strict implementation of immunization program in the locality and the mandatory enrolment of the children in day care centers, elementary or secondary public high school.

It was also learned that the President is slated to visit the province to personally launch the program and hand over the hunger mitigation fund next early next month.

It could be recalled that the province ranked first among the poorest provinces in the country. (PF/PIA-ZN)

 

 

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON
 

THE DAILY DIPOLOGNON
DIPOLOG CITY, PROVINCE OF ZAMBOANGA DEL NORTE PHILIPPINES
www.dipolognon.com www.dipolognon.net  www.dipolognon.org  Keyword: dipolognon
www.dipologcity.com  www.dipologcity.net  www.dipologcity.org  www.dipolognon.com  www.dipolognon.net  www.dipolognon.org    www.dipolog.org  www.dapitan.com   www.eartajo.com  www.cagayandeoro.us 
www.artajo.us www.artajo.info www.eddie.artajo.name www.zamboangadelnorte.com  www.zambonorth.com  www.pagsalabuk.com  www.dipolog.biz www.artajo.biz  www.plasticextrusion.us www.cebu.org
www.davao.us  www.tagum.com  www.giscard.us  www.pagadiancity.com www.malaybalay.net  www.ozamis.com  www.tangub.com  www.oroquieta.net
 www.nabunturan.com www.znuc.org www.znch.ph
www.gingoog.com  www.ozamiz.us www.general-santos.com  www.surigao.net  www.kidapawan.com  www.iligan.us www.raelene.us  www.cagayan-de-oro.com   www.mutyasadipolog.com
 
www.zamboanga.net   www.palmbeachgardens.us   www.islandgarden.net  www.cotabato.net  www.tacurong.com  www.butuan.us  www.pagadian.com  www.dipolog.us
www.zamnai.com
www.dipologhotels.com
   www.dipologpress.com  www.dipologsardines.com   www.extrusion.us www.ozamizcity.com  www.marawi.net www.dipologchamber.com

Copyright©2008 by The Daily Dipolognon All Rights Reserved  PRIVACY POLICY & DISCLAIMER
Email : webmaster@dipolognon.com  Since October 18, 2000