Comelec, PNP magtambayayong

Alayon sa pagpangandam sa buhatan sa COMELEC  sa Dipolog sa ipahigayong eleksiyon karong umaabot Mayo 14, nakig-koordinar na kini sa lokal nga buhatan sa Kapolisan alang sa ayuda  niini sa pagmintinar sa usa ka honest, orderly ug peaceful eleksiyon ning dakbayan. Atol sa usa ka briefing sa lokal nga buhatan sa PNP nga gipahigayon kaniadtong Abril 18 sa hawanan sa Sangguniang Panlungsod sa Dipolog, gibatbat ni Police Chief Inspector Romeo J. Macapaz nga ila nang gihan-ay ang assignment sa mga kapolisan ning dakbayan nga maoy magmintinar sa kahapsay ug kalinaw sa 387 ka mga presinto sa Dipolog sa 21 ka mga barangay niini sa 29 ka mga polling centers.

Gawas niini, gitaho usab ni Chief Macapaz nga aduna usab sila’y gi-organisar nga reaction personnel nga naglangkob sa duha ka hut-ong nga adunay tag-walo ka miyembro ug maoy gitahasan nga mag-monitor sa kinatibuk-ang kalihokan sa umaabot nga eleksiyon.

Dugang gipasabot ni Macapaz nga ang ubang opisyales sa PNP sama nila ni PNP Provincial Director Police Senior Superintendent Mario Yanga ug ni PNP Regional Director Police Chief Superintendent Jaime Garcia Caringal nga ang pagmintinar sa kahapsay, kalinaw ug matinud-anong eleksiyon  usa ka hiniusang paningkamot sa tanang hingtungdan sa komunidad, ilabi na sa mga kandidato ug sa mga supporters niini ug sa kinatibuk-ang gibag-on sa mga botante. (Dipolog CIO Press Release, Dipolog Chronicle, Vol.VI No.43

‘Ang pagdaug dili sa mga poster kondilisa tinuod, maayong tumong’ –Belen Uy

“Wala sa kadaghan sa poster ang kadaugan kondili anaa sa tinuoray ug mga maayong tumong sa usa ka kandidato.”

Kini ang gipahayag sa mga lig-ong lideres sa Unang Ginang nga magpapili pagka-mayor sa Dipolog nga mao usab ang tinuod nga sumbanan ni mismo kandidato Belen Uy. Kini ang mga panglantaw ug programa nila ni Belen Uy alang sa Dipolog ug ni Mayor Roberto Yu Uy alang sa Zamboanga del Norte kon buligan pagka-gobernador sa lalawigan.

Kini mao usab ang panghupaw sa mga supporters sa LAKAS-CMD-NPC-LDP Coalition human ilang nakita ang gidangatan sa mga posters ug mga campaign materials sa bando nga gipa-namastamasan ug gipulbos sa mga Langkat Boys nga binuhi ni Yebes ug Matoy. Sa nasayran, ang mga Langkat Boys mao kini ang mga tawo-tawo ni Yebes ug Matoy nga ang trabaho mao lang ang pagpanglangkat sa mga posters sa nga kandidato nga ilang kontra.

Matud pa sa mga dumadapig, bisan ug dili na nila makita ang hulagway ni Belen Uy ug ni Mayor Roberto Yu Uy, ibubo gihapon nila ang ilang seyinto porseyinto nga suporta alang sa pagka-mayor ni Belen Uy sa Dipolog ug pagka-gobernador ni Roberto Yu Uy sa Zamboanga del Norte, lakip na ang tanang mga kandidato sa Lakas-CMD-NPC-LDP Coalition aalang sa maayo ug tinuonay nga pangagamhanan. (Dipolog Chronicle, Vol.VI No.43)

Sa pinusilay sa La Libertad
Balay ni Mamac klarong natusak sa bala sa polis

Bakak ang nahaunang gitaho sa mga binayrang medya sa kampo ni Yebes labot na sa tinuoray nga nahitabo didto sa lungsod sa La Libertad atol sa fiesta niadtong Mayo 15. Sa nasayran, ang mismong panimalay ni Carlos Mamac, kandidato pagka-mayor sa maong lungsod atbang kang incumbent mayor, ang natusak sa mga bala nga iya ni P/Sr. Insp. Alexis Manzano ug sa mga kauban niining mga pulis.

Dugang pa, dili makata- runganon ang gibuhat sa mga otoridad sa pagpangulo ni Police Chief Manzano nga naka-sibilyan ug armado sa mga tag-as nga kalibre sa mga armas nga basta na lamang rapidohon ang usa ka panimalay. Matud pa sa mga nakasaksi, daw popcorn nga mialibwag ang mga bisita ni Carlos Mamac human ilang nabati ang mga sunod-sunod nga buto sa armas diin didto miigo sa nagkadaiyang bahin sa residensiya ni Mamac ug nag iyahay na lamang ug pasalipud aron dili maigo sa mga saag nga bala gikan sa armas sa mga pulis.

Dili pa igo, matud pa gipangbuak pa sa mga pulis ang mga gamit ni Carlos Mamac kinsa pugoso nga misulod sa mga lawak bisan ug walay insaktong mga papeles nga gipakita ngadto sa mga hingtungdan. (Dipolog Chronicle, Vol.VI No.43)

DepEd seminar gipahigayon

Ang buhatan sa Departamento sa Edukasyon Dipolog City Division mipahigayon ug duha ka adlaw nga Division School Based Management Seninar Workshop karong adlawa hangtud ugma diha sa Top Plaza Hotel ning dakbayan.

Sumala pa nga ang naasoy nga seminar workshop pagasalmutan sa Division district supervisor, principal sa elementarya ug sekondarya, head teachers /teacher incharge ning dakbayan.

Tumong niini aron katudloan nga mapalambo pa sa mga magtutungha ang ilang performance diha sa klase, masinati sa mga magtutudlo ang konsepto sa pagdumala sa tulunghaan ug pagpreparar sa tulunghaan sa School Improvement Plan (SIP) ug Annual Investment Plan (AIP). (Dipolog CIO Press Release, Dipolog Chronicle, Vol.VI No.43)

Pangulo sa PTCA, IT miapil sa bansay-bansay sa computer

Malamposong gipahigayon ang Computer Literacy and Internet Connection Workshop (CLIC) phase II sa USAID program nga Growth with Equity in Mindanao (GEM) didto sa  Zamboanga del Norte Teacher’s Convention Center sa Dipolog kaniadtong nakalabay nga semana.

Ang maong bansay-bansay gisalmutan sa mga pangulo sa PTCA dinhi sa Dipolog ug tanang IT Coordinator sa pito ka mga pampublikong tulunghaan sa high school nga naglangkob sa Cogon National High School, Alberto Q. Ubay Memorial Agrotech Science High School, Dipolog National High School, Galas National High School, Punta National High School, Sicayab National High School ug Zamboanga.del Norte National High School.

Ang tumong niini mao aron ang maong mga eskwelahan maka-connect na sa internet aron mahimong masayon alang sa mga magtutungha sa pag-research sa ilang mga assignments ginamit ang internet connection. (Dipolog CIO Press Release, Dipolog Chronicle, Vol.VI No.43)

Bantay Dagat nang-apud-apodug kahayopan nga pasanayon

Ang buhatan Bantay Dagat sa Dipolog mipang-apod-apod karong semanaha sa mga kahayupan ngadto sa mga pamilya nga ilang mga beneficiary sa tulo ka mga barangay ning dakbayan.

Kahibaloan nga 20 ka mga beneficiaries ang gitumong sa maong buhatan nga mahatagan sa maong mga hayupan nga naglangkob sa mga kanding ug mga baka. Sumala pa, walo ka mga baka ug laing tulo ka mga kanding ang napang-apod-apod sa nasangpit nga buhatan ngadto sa mga beneficiaries sa mga barangay Minaog, Dicayas ug Sicayab.

Tumong niini aron mahatagan pa ug dugang kapaninguhaan ang mga Katawhan dinhil sa mga naasoy nga barangay nga nakaangkon sa maong mga hayop. Kining maong livelihood project usa ka proyekto sa Bantay Dagat inabagan sa Christian Children’s Fund kon CCF kinsa milugway sa tabang pinansyal aron magmalamposon ang nasangpit nga katuyoan. (Dipolog CIO Press Release, Dipolog Chronicle, Vol.VI No.43)

Screening sa Pagsalabuk Singing Idol padayon pa

Gipahibalo sa komitiba sa Search for P’gsalabuk Singing Idol 2007 pinaagi sa Buhatan sa Torismo ning dakbayan nga nagapadayon pa karon ang screening o pagpangita niadtong mahiligon nga mo-awit ug gustong mosalmot sa nasangpit nga kompetisyon.

Sumala ni OIC City Tourism Officer Cecil Bilog, nga sa gihapon ang screening himoon sa City Tourism Office nga magsugod gikan sa alas 9:00 ngadto sa 11:00 ang takna sa buntag ug ala 1:00 hangtud alas 5:00 sa hapon, Lunes hangtud Biyernes, Abril 16-20. Dugang ni Bilog nga gikinahanglang magdala sa ilang kaugalingnong tape o CD ang sumasalmutay sa panahon sa ilang screening.

Ang nasangpit nga search for P’gsalabuk Singing Idol 2007 adunay duha ka kategoriya: ang Kid’s Category nga nagpangidaron gikan 7-12 anyos ug ang Teen Category nga nagpangidaron gikan sa 13-19 anyos. (Dipolog CIO Press Release, Dipolog Chronicle, Vol.VI No.43)

Mga similya sa utanon, mais ipanghatag

Gikalatid nga mohimo sa pagpang-apod-apod sa mga vegetable seeds ug binhi sa yellow corn ug white corn ngadto sa mga mag-uuma dinha sa mga kabaranggayan sa Dipolog ang lokal nga buhatan sa agrikultura sugod karong semanaha.

Mao kini ang nasayran sa City Information Office gikan sa buhatan sa agrikultura dinhi sa dakbayan ilawom sa pagdumala ni OIC City Agriculturist Dionisio Mandawe.

Kining maong kalihokan tuyong gihimo sa kagamhanang lokal ning dakbayan pinaagi na sa naasoy’ng buhatan isip pagpatuman sa nasudnong programa sa Departamento sa Agrikultura nga mao ang “Hunger Mitigation Program” diin magalugway ug ayuda ngadto sa atong mga mag-uuma aron dugang mapalambo ang natad sa agrikultura, dinhi sa atong nasud. (Dipolog CIO Press Release, Dipolog Chronicle, Vol.VI No.43)

CIO nagpahibalo sa kahigayonan nga motrabaho sa gawas sa nasud

Ang buhatan sa Impormasyon sa Dipolog nagapahibalo niadtong tanang interesado ug ekperyensyadong katawhan nga nag-edad gikan 23 anyos hangtud 40 anyos, minyo o walay kabilinggan kinsa nagatinguha nga gustong motrabaho sa gawas sa nasud nga ang VERSATILE INTERNATIONAL SERVICES INC. modawat ug mga aplikante.

Ang gikinahanglan mao ang mga caregivers, assistant nurses, private tutors, mga magtutudlo ug cleaners alang sa nasud sa Kuwait. Ang maong kompaniya nagtanyag ug free medical, free passporting, free accommodation, free NBI ug NSO, processing ug visa stamping, TESDA training, free ticket padulong sa nasud sa ilang destinasyon, one month salary deduction.

Si kinsa kadtong buot nga mo-apply giawhag sa pagdala sa ilang rekisitos sama sa birth certificate, marriage contract, baptismal (Christian), OMA (Muslim), voters ID, school records ug passport sa pagdala niini karong umaabot Abril 30 gikan sa alas 9:00 sa buntag hangtud alas 12:00 ang takna sa udto diha sa Plaza Magsaysay ning dakbayan atol sa pagahimoong interview sa nasangpit nga ahensiya.

Alang sa dugang impormasyon, pagpakisayod lamang sa City Information Office ning dakbayan aron masayran ang mga butang may kalabot na niining maong hanyag. (Dipolog CIO Press Release, Dipolog Chronicle, Vol.VI No.43)

Gipanawagan ang mga aplikante sa summer job pag-adto sa PESO

Nanawagan karon si PESO Manager Lourdes E. Pabilona sa Dipolog sa tanang mga kabataang mi-apply sa summer job program sa pagsubmiter sa ilang mga gikinahanglang rekesitos karong adlawa, Abril 19 dinha sa iyang buhatan.

Matud pa, nga ang buhatan sa PESO nga nahimutang dinha sa buhatan sa Mayor ning dakbayan, maghulat sa tanang isubmiter nga mga requirements alang sa mga summer job applicants hangtud karong alas 5:00 ang takna sa hapon. Sigun sa nasayran, nga ning kasamtangan mokabat sa kapin sa 500 ka mga aplikanteng kabataan ang malamposong mi-apply alang sa gilugway nga summer job program dinhi sa dakbayan, diin hangtud ning pagbalita, mokabat pa lamang sa 400 ang malamposong naka-submiter sa mga papeles niini.

Kahibaloan nga kining maong summer job program ilawom sa SPES (Special Program for Employment of Students) hiniusang gilusad sa lokal nga kagamhanan ning dakbayan kinsa maoy mo-abaga sa 60% nga suholan sa mga trabahante niini samtang ang sobrang 40% ang paga-abagahon sa Departamento sa Pamuo o DOLE. (Dipolog CIO Press Release, Dipolog Chronicle, Vol.VI No.43)

DIPOLOG ELECTION OFFICER IGNORANTE SA BALAOD?

Milutaw karon nga taliwala sa iyang pagka abogado ang election sa dakbayan sa Dipolog arogante ug ingnorante sa balaod. Kini may kalabutan na sa giapasakng Petition for Disqualification batok nila Gov. Lando Yebes, Engr. Eduardo Yebes ug Joseph Herrera ni Atty. Jossil Macute ang election officer sa dakbayan sa Dipolog  pinasikad sa iyang alegasyon nga ang ilang mga posters wala makasunod sa gipatumag gimbut-an karon sa Commission on Elections kabahin sa gidak-on sa mga posters.

Ang nasanngpit nga sumbong sa city election officer sa Dipolog iyang giduso ngadto kang Atty. Jay Balisado ang Provincial Election Officer sa Zamboanga del Norte. Si Atty. Cresencio Palapagan Jr., ang legal counsel nila ni Governor Lando Yebes, Dipolog City Vice-Mayoralty candidate Engr. Ed Yebes ug Joseph Herrera kandidato pagka-konsehal sa Dipolog sa iyang manifestation nga gisumitir ngadto sa Provincial Election Supervisor sa Zanorte mitataw nga ang gisang-at nga petition ni Atty. Palpagan nngadto sa COMELEC milutaw nga ang abogado nga election ug daw wala kini’y kalibutan kabahin na sa balaod.

Giklaro ni Atty. Palpagan nga ilawom sa Section 3, paragraph b and c sa Rule 7 sa COMELEC Rules of Procedure nakabutang nga ang petition nagkinhanglan ug verification  “in affidavit form” sa tanang pleadings nga isang-at atubangan sa Commission on Elections. Sa nakita, ang petition nga giduso sa election officer sa Dipolog nga si Atty. Macute wala motukma sa maong gimbut-an sa balaod nga gipatuman sa buhatan nga iyahang gitrabahuan.

Gitataw ni Atty. Palpagan nga ang pleading kinahanglan nga ma-verified gayud pinaagi sa usa ka affidavit diin ibutang ang personalidad nga maoy nagverify nga nakabasa siya sa pleading ug ang mga alegasyon nga nahasulod niini mao gayuy matuod sigun sa iyang nahibaw-an. Matud pa ni Atty. Palpagan ang petition nga gipasaka sa election officer sa Dipolog nga usa ka abogado nagpakita nga kini nagkuwang sa nahisgutang verification, busa angayan lang nga kini otomatik nga isalibay pinasikad sa Section 5 sa COMELEC Rules of Procedure.

Kini midugang sa pagpahayag nga ang mga isyu sa petition ni Atty. Macute wala masuportahi ilawom sa Section 68 sa Omnibus Election Code. Sumala pa niya matataw pinasikad sa maong probisyon sa balaod sa eleksyon nga alang sa usa ka kaso sa disqualification aron kini mahatukma sa husto kinahanglan nga ang usa ka kandidato madeklarar una pinasikad sa usa ka final decision sa tukmang hukmanan nga siya sad-an o kaha nakita sa komisyon nga kini nakakomitir sa mga butang nga maoy kapasikaran para sa disqualification s ausa ka aktuwasyon o protesta nga ang hingtungdang kandidato ug adunay kalambigitan.

Ang abogado no Governor Yebes mipahayag nga napakyas ang election officer  sa Dipolog sa pagpakita sa bisan unsa nga final court judgement nga maoy  nagdeterminar sa kasal-anan sa respondents sa nagkadaiyang mga kalapasan nga gihisgutan ilawom sa unang parapo sa Section 68 sa balaod sa eleksyon.

Dugang pahayag ni Atty. Palpagan dili mamahimo nga maoy ipresentar sa election officer sa Dipolog ang iyang findings of violation pinasikad sa giluwatan niyang “Notices of Violation”nga kini iyang ipakasamao matandi na sa gihisgutang findings sa probisyon sa balod sanglit ang nakabutang mao man ang findings sa “Commission” ug labaw sa tanan sila si Governor Yebes, Engr. Ed Yebes ug Jospeh Herrera wala malambigit sa bisan unsa nga sumbong o protesta may kalabutan na sa mga aktuwasyo nga sila karon gipasanginlan ug gikwestyon sa petitioner.

Para ni Atty. Palpagan ang giingon ni Macute nga nakapas ang mga respondents sa gipatigbabaw karong balaod sa eleksyon personal lamang nga conclusions sa election officer sa Dipolog kay wala pa kini mapailawom sa judicial evaluation ug validation. Matud pa ni Atty. Palpagan wala pagpasabot nga gumikan lang kay ang election officer sa dakbayan tapos nang nakapagawas ug Notices of Violations ngadto nila Governor Yebes, Engr. Ed Yebes ug Joseph Herrera kon napakyas man sa pagtuman ang tulo ka hingtungdan sa iyang giluwatang notisya nga kini sigu nang kapasikaran sa paglangkat kanila gikan sa talaan sa mga pilionon karong umaabot nga eleksyon.

Gitataw sa abogado sa gobernador nga ang aktuwasyon nga gikwestyon sa election officer sa Dipolog wala man gani mahishuti ilawom sa Section 14 sa republic Act. 9006. Sa iyang manifestation nga gisumitir ngadto sa Provincial Election Supervisor sa Zanorte gitataw ni Atty. Palpagan nga ang gipadas-og sa election officer sa Dipolog nga takatakon sa talaan sa mga kandidato ang tulo ka mga respondents wala mabutang sa husto, dakong kaypanan ug wala lig-ong kapasikaran basi sa gipagtigbabaw nga mga probisyon sa balaod busa angayan lang nga kini derechong ibasura.

Sa maong manifestation gihulagway ni Atty. Palpagan nga si Macute nagpasagad lamang ug pasaka ug petisyon nga walam man siyay personalidad nga maoy moduso niini sigun sa Section 2 sa Rule 25 sa COMELEC Rules diin gihisgutansu kinsa kadtong mamahimong makapasaka ug petition for disqualification nga nagkanayon, “Any citizen of voting age, or duly registered political party, organization or coalition of political parties may file with the Law Department of the Commission a petition to disqualify a candidate on grounds provided by Law”.

Matud pa sa manlalaban klaro kaayo ang gipasabot sa maong balaod nga ang election officer sa Dipolog dili mao ang tukma nga partido nga maoy angayang mopasaka sa nasangpit nga petisyon. Napakyas usab si Macute sa paghatag ug basihan nga aduna siyay personalidad nga amoy makapasaka sa maong petisyon. Giila ni Atty. Palpagan nga ang gipasakang petisyon ni Macute maou usa ka klaro nga pagpakita sa iyang pagka-arogante nga maoy nagpatuo-tuo bisan ug wala kini magsubay sa gimbut-an sa balaod.

Pinasikad sa maong mga rason gipangayo ni Atty. Palpagan nga ibasura ang petisyon nga giduso sa abogadong election officer sa Dipolog kay wala kini makasunod sa mga probisyon sa balaod sa eleksiyon. Sa nasayran sa milabay’ng Sabado, Abril 14, Naghan-ay na ug plano ang election officer sa Dipolog uban sa usa ka NGO nga manglangkat sila sa mga campaign materials nga wala makatuman sa gidak-on sigun sa gihisgutan sa balaod sa eleksiyon. (Mindanao Star, Vol.III No.11)

ROBERTO YANG UY MIBALIK SA COMELEC

Abril 10 2007 sa may 11:45 sa buntag mitumaw ang kontrobersiyal nga RYU (Roberto Yang Uy) nga gituhoang “nuisance candidate” ang mitumaw sa COMELEC ug personal nga mikuha sa iyang ‘summons’. Matud pa ni Winfred Balisado ang Provincial Election Supervisor, iyang gipatubag si Roberto Yang Uy sa petisyon ni Roberto Yu Uy nga nagdeklarar kaniya nga usa ka ‘nuisance candidate’.

“Human madawat ni Roberto Yang Uy ang iyang “summons” milakaw lang usab kini dayon kauban ang iyang sekretarya” matud pa ni Balisado. Si Mayor Uy mipasaka sa maong petisyon sa rason nga ang gihimo ni Roberto Yang Uy usa lamang ka pagsamok-samok arun malugaw ang katawhan kon kinsa ang tinuod nga Roberto Uy, karong piniliay sa Mayo 14. Pinaagi sa iyang mga abogado, si Mayor Uy nagkanayon nga walay panimalay si Roberto Yang Uy didto mismo sa Barangay Mamad, lungsod sa Baliguian, nga maoy iyang gibutang sa iyang COC (Certificate of Candidacy) ang address sa iyang gipuy-an.

Si Senior Supt. Mario B. Yanga, Provincial Director nagkanayon nga nahibalik ang iyang mga polis nga naghatud unta sa ‘summons’ ni Roberto Yang Uy dala ang ‘certification’ sa Barangay Kapitan nga walay Roberto Yang Uy ang nagpuyo sa maong dapit. Apan ang COMELEC Baliguian mipagawas ug ‘certification’ nga nagkanayon nga adunay narehistro sa barangay Mamad nga RobertoUy Yang ug dili Roberto Yang Uy. Nakadawat usab si Yanga matud pa ug taho ang ang maong Roberto Uy Yang ang atua na nagpuyo sa Manila.

Si Kenneth Rosal ang abogado ni Mayor Uy sa iyang petisyon, nagkanayon nga klaro kaayo ang katuyoan sa pag-file ug COC ni Roberto Yang Uy arun lang pagguba sa kandidatora ni Mayor Uy sa pagpapili niini nga gobernador ning lalawigan. Kini gihimo ni Roberto Yang Uy arun malibog ang katawhan, ug makuhaan ang butos ni Mayor Uy sa umaabot nga piniliay. Kahinumdoman nga si Mayor Uy ang mikandidato pagka-gobernador batok ni Yebes, mipasaka ug petisyon pagdeklarar ni Roberto Yang Uy nga usa ka ‘nuisang cance’ nga nagsamok-samok lang arun paglugaw sa utok sa katawhan. Kini maoy intensyon ni Roberto Yang Uy pagkandidato kay pareho man sila ug ngalan sa Mayor.

Matud pa ni Rosal ang abogado ni Mayor Uy nga si Roberto Yang Uy, nawala lang usab dayon human kini makaduso sa iyang sertipiko de kandidatora. Gawas sa pagdeklarar kaniya nga ‘nuisance candidate’ didto sa COMELEC pasakaan pa ug laing kaso nga criminal-impersonification, falsification ug perjury kini si Roberto Yang Uy ngadto na sa korte, matud pa sai abogado ni Mayor Uy nga si Atty. Kenneth Rosal.

Sa pagduso ni Mayor Uy sa iyang petisyon, giaksyonan gilayon kini ni Atty. Jay Balisado ang Provincial Election Officer arun patubagon si Roberto Yang Uy. Nagpadala usab gilayon si Yanga sa iyang kapolisan nga maoy mohatag sa “summons” ngadto kang Roberto Yang Uy didto sa iyang gihisgutang address nga iyang gipuy-an.  Apan nalukop na lang sa mga polis ug suroy ang maong barangay apan walay Roberto Yang Uy nga nagpuyo sa maong dapit, maoy hinungdan nga namalik na lang mga polis nga gisugo ni Yanga paghatag unta sa ‘summons’ ni Roberto Yang Uy. (Press Freedom, Vol. XIX No. 28)

Mayor Uy strikes back!
Batok ‘Roberto Uy Yang’ ug uban pang gituhoang mga tawong nagpaluyo
KASONG DISQUALIFICATION, FALSIFICATION GIPASAKA NA

Tungod sa ilang kanunay lang pagpangitag bikil, ang ilang kanunay nga gipaghot karon mitindog ug misukol na. Si Dipolog City Mayor Roberto Y. Uy kinsa magpapili pagka-gobernador sa lalawigan batok kang Gob. Yebes, nga nagpakahilum lang unta karon mibalos ug pasaka sa sumbong nga “disqualification ug falsification” batok sa usa ka “Roberto Uy Yang” nga gigamit sa iyang mga kontra aron lang gayud malugaw ang politika dinhi. Gituhoan nga apil sa nagpaluyo niining modus mao si Gob. Yebes ug mga kauban ug sila gipasakaan ug sumbong tungod ning nakitang binuang nga paagi sa paglawgaw sa lokal nga politika.

Lain usab nga kaso ang gipasaka sa kampo ni Mayor Roberto Y. Uy mao ang “disqualification and removal or defacement of propaganda materials” tungod sa nahitabong pagpang- langkat sa posters ug ubang propaganda materials sa bando ni Mayor Uy. Sumala pa, kining si Roberto Uy Yang gipaubanan sa mga tawo ni Gob. Yebes diha sa iyang pagduso sa certificate of candidacy (COC) sa buhatang probinsiyal sa Comelec. Gani, ang iyang gigamit nga sakyanan pag-anhi mao man ang sa gobernador, sumala sa mga nakasaksi. Dugang pa nga ang mga tawo nga naggiya ning Roberto Uy Yang diha sa provincial Comelec mga tawo usab ni Yebes.

Nakita usab nga ang sedula nga gigamit ning maong tawong nagpaka-aron-ingnon sa iyang sworn statement nga ginotaryohan sa usa ka “Atty. Sabandal” .peke usab. Ang maong numero sa sedula dili tinuod o non-existent. Sa panginsusi, nakita nga kini si Roberto Uy Yang sa iyang pagkarehistro sa Baliguian isip botante nagdala sa maong ngalan apan sa iyang COC gihimo niya kining “Roberto Yang Uy.” Ang retratong iyang gigamit sa pagparehistro isip botante nagpakita nga dili siya mao sa retrato nga anaa sa iyang COC. Laing bikil sa maong tawo mao ang iyang occupation o panginabuhian. Sa iyang pagparehistro isip botante sa Baliguian siya usa ka fisherman (mangingisda) samtang sa iyang COC siya businessman (negosyante). Walay ngalan sa DTI sa iyang pagkanegosyante ug wala usay mga kayutaan ug kabtangan kini siya sumala sa Assessor’s Office.

Ang iyang adlaw nga natawhan sa rehistro isip botante Agosto 12, l957 samtang sa iyang COC Mayo 12, 1957. Usa ka summons ang gipagula sa Comelec aron sa pagtawag ning maong Roberto Uy Yang nga nagpalista sa iyang COC isip “Roberto Yang Uy” apan sa pagsulat ning balita nasayran gikan sa buhatan sa Police Provincial Director kinsa maoy gitahasan pagserbe ning maong summons ug gipaagi sa buhatan sa hepe sa PNP sa Baliguian, nga ang maong tawo wala igkita sa lugar nga iyang gibutang nga iyang pinuy-anan. Ug gani, hangtud ning mga gutloa, wala na igkita ang maong tawo.

Busa tungod niini, ang usa ka pundok sa mga magpapatigayon dinhi na-eskandalo ug napungot ning maong taktika sa pamolitika nga duna diay mga politiko nga ingon niana kahugaw. Sila nagtigum ug pundo nga karon mikabat na sa P100,000 aron himoong “payola” o “reward” alang niadtong tawo o mga tawo nga makatultol aron madala dinhi sa Comelec kining tawong gigamit paglawgaw sa lokal nga politika. (Dipolog Chronicle, Vol.VI No.42)

‘Team unity kinahanglan pagtabang panahon sa emerhensiya’ – Belen Uy

“Ang pinaka-importanteng punto sa pagpakgang sa sunog o sa bisan unsang matang panahon sa emerhensiya mao ang ‘team unity and cooperation’ ug ‘presence of mind’ sa mga firefighters o mga lumilihok aron mahatagan gilayon ug madaling kasulbaran ang giatubang nga problema o emerhensiya. 

Mao kini ang unod sa mensahe ni Unang Ginang Evelyn “Belen” Uy sa bag-ohay pa lamang nga gipahigayon nga labing unang Fire Olympics dinhi sa Dipolog ubos sa pagpasiugda sa City Fire Department may kalabot sa miaging pagsaulog sa Fire Prevention Month niadtong bulan sa Marso. Nag-unang feature ning fire olympics mao ang bangga pagpatay sa sunog nga gisalmotan sa unom ka mga fire brigades nga tag walo ka mga sakop matag usa gikan sa mga barangay ning dakbayan.

Migulang mananaog sa maong bangga nga nakapalong sa sunog ug sa pagpahigayon sa tanang stratehiya sa firefighting sulod sa siyam ka minutos ug 9.57 segundos sa mao ang fire brigade sa Barangay Biasong nga gipangunahan ni Garic Acoymo isip team leader. Ang nakakuha sa ikaduhang dapit mao ang fire brigade sa Barangay Dicayas nga gipangunahan sa ilang team leader nga si Genevie Ramos. Ug ang ikatulong dapit nakuha sa Barangay Central nga gipangunahan ni Santos Icalina. Ang mga nagpakada-ug nakadawat ug tropeo ug salaping cash nga P2,000 unang dapit, P1,500 sa ikaduhang dapit ug P1,000 sa ikatulong dapit.

Subay gihapon sa kalihokan, gipahigayon usab ang awarding sa mga mananaog sa Poster Making Contest nga mao sila si Ma. Kristina Lumantas nga nakakuha sa first place, Geofer Lopez sa ikadunhang dapit, Frellins Bantilan sa ikatulong dapit ug AJ Boy Labrador sa ika-upat nga dapit. Samtang ang mga manana-og sa Quiz Bee mao sila si Joseph Stalin Jatico – 1st place; Syra Yvonne Sybico – ikaduhang dapit; ug Ryan Cenas – iktulong dapit. 

Mismo sila si Unang Ginang sa Dipolog Evelyn T. Uy ug Fire Chief Inspector Medalla ang maoy nanghatag sa mga premyo sa mga nagpakadaug. Sa iyang mensahe, si City Fire Marshall Franklin C. Medalla mipasabot nga ang pagpahigayong sa mga mabulukong kalihokan atol  sa Fire Prevention Month usa lang sa mga pamaagi sa pagpasibot aron sa pagpakabana sa katawhan sa komunidad kun unsay angay nilang pagabuhaton panahon sa emerhensiya sama sa sunog. Atol sa maong gipahigayong pinaka-unang fire olympics, ang unom ka fire brigades nga naglangkob ug tag-walo ka miyembro nga misalmot mao ang gikan sa mga barangay sa Minaog, Central, Dicayas, Miputak, Olingan ug Biasong.

Sa maong kompetisyon, ang mga fire brigades mipakita sa ilang gilas sa pagpahigayon ug mga startehiya sa pagpakgang ug kalayo sulod sa hamobo lang nga panahon, gikan sa bucket firefighting, water hose throwing and rolling; hose connection ug disconnection; wearing of firefighting gear and suit; water hose laying, connection and replacement of busted water hose; firing of water hose to target fire on ground; ladder firefighting technique ug and wild hose recovery.  (Dipolog CIO Press Release, PRR)

Miraveles Vice-Mayor sa Gutalac

Gipakanaug na sa hukmanan kagahapon sa buntag ang hukom nga nagdeklarar ni Mr. Nonito “Nonoy” Miraveles nga maoy matuod nga mananaug sa pagka bise mayor sa lungsod sa Gutalac, Zamboanga del Norte sa eleksiyon sa 2004 batok ni Vice Mayor Teresita Dalogdog.

Kini ang gipakanaug nga disisyon ni Judge Oscar Tomarong sa Regional Trial Court sa lungsod sa Liloy kabahin na sa electoral protest nga gipasaka ni Miraveles susama sa kaso nga gipasaka ni Mayor Mariano Candelaria, Jr. Si Board Member Anecito Darunday, maoy mipahibawo sa iyang mga kauban sa Sangguniang Panlalawigan sa ZaNorte nga sa giluwatang disisyon ni Judge Tomarong nagpakita nga si Miravels milabaw ug 93 ka botos batok kang Dalogdog pagka bise mayor sa Gutalac sa eleksiyon sa 2004.

Matud pa ni Darunday wala pa hinoon mahibaw-i kon si Dalogdog moapilar ba sa disisyon nga gipakanaug ni Judge Tomarong ug mangayo kini ug temporary restraining order para dili makalingkud si Vice Mayor Miraveles sama sa nahitabo ni Mayor Nonoy Candelaria.

Alang ni Darunday ang pagdeklarar sa hukmanan sa kadaugan ni Miraveles nga maoy tinood nga mananaug sa pagka bise mayor sa Gutalac sa eleksiyon sa 2004 maoy nakapalig-on ug samot sa kaso nga aduna gayuy massive cheating sa eleksiyon sa maong lungsod nga gihimo ang administrasyon ni Carloto.

Apan kon dili mokanaug si Dalogdog nahulog na usab nga ang Gutalac gawas nga duha ka buok ang mayor karon duha na usab ka buok ang ilang bise mayor. Kahinumduman si Vice Mayor Dalogdog gipailawom kini sa preventive suspension nga gipakanug ni Governor Lando Yebes pinasikad sa rekomendasyon sa Sangguniang Panlalawigan may kalabutan na sa kasong administratiba nga giatubang niini sa balay balauranan sa probinsiya. (Press Freedom, Vol. XIX No. 28)

Katawhan sa Dipolog naglisud

Ang kalisud sa pangina-buhi sa mga katawhan maoy nagapatigbabaw karon sa nagkadaiyang hilit nga barangay sa dakbayan sa Dipolog atubangan sa gipanghinambog sa mayor nga napalambo niya ang siyudad sulod sa siyam ka tuig niyang paglingkud pagka mayor.

Mao kini ang gihulagway ni Engr. Ed Yebes nga maoy mitagbo sa ilang kampanya sa nagkadaiyang barangay sa siyudad sa Dipolog. Matud pa niya maklaro gayud nga ang mga kabarangayan gawas sa poblacion sa Dipolog walay nasinating kalambuan ilabi na para sa panginabuhi sa mga katawhan.

Matud pa ni Engr. Yebes kini tungod kay ang gisiguro ug maoy gitutukan kanunay sa kasamtangang administrasyon sa Dipolog mao ra ang pagkonstrak sa boulevard. Ang kalisud kabahin sa supply sa tubig maoy problema nga gisinati karon sa mga katawhan sa bukid sa Dipolog uban na sa mga mag-uuma nga walay mahimo karon tungod sa rason nga walay tukmang irigasyon nga gipahimutang ang kagamhanan.

Ang kagutom mao karoy nagpasulabi sa kabarangayan sa Dipolog tungod kay wala gayud hatagi sa tukmang suporta sa gobyerno ang pagpalambo sa sector sa agrikultura kay ang gipadas-og nga mga kalambuan naka concentrate lamang dinhi sa poblacion sa Dipolog ug wala sa bukid. Sumala pa ni Engr. Yebes kon itandi ang kahimtang sa katawhan sa kabarangayan sa Dipolog nga gawas sa poblacion aduna gayuy dakung kalainan atubangan sa mga pag-angkon nga nagmalamboon karon ang siyudad tungod kay kongkreto na ang mga kadalanan ug nagpasad ang daghang sodium lights sa mga karsada. (Press Freedom, Vol. XIX No. 28)

Gihikay na
Laing disqualification

Hayan pormal nga ikapasaka ang ika duhang disqualification case batok sa kandidatura sa mayor sa Dipolog alang na sa pagka gobernador human makita nga nagbatun ug daghanang depekto ang records niini isip usa ka rehistradong botante.

Kini ang gipahibawo ni Atty. Cresencio Palpagan, Jr. ang abogado ni Abbey Canturias nga maoy mipasaka sa unang disqualification case batok kang Mayor Roberto Yu Uy. Ang ika duhang kaso may kalabutan na sa pag-usab sa entry sa registration sa mayor particular na sa iyang middlename nga iyahang giilisan nga wala moagi ug hukmanan.

Sa nakita sa records sa COMELEC ang mayor sa Dipolog gikan sa iyang pagsugod ug botar nakabutang nga siya si Roberto Young Uy hangtud na sa iyang paglansar sa tuig 1998 ug 2001 alang na sa pagka mayor sa dakbayan. Apan niadtong Setyembre 2003 sa gipahigayong validation sa COMELEC sa talaan sa tanang mga rehistradong botante dinhi sa Dipolog nga giinato ug usab sa mayor ang usa ka entry sa iyang record diin ang middlename niya nga Young iyahang gipulihan ug Yu.

Matud pa ni Atty. Palpagan ilawom sa gipatigbabaw karong balaod sa eleksiyon ang pag-usab sa entry sa imong rehistrasyon pagka botante kinahanglan nga kini ipasikad sa usa ka mandu gikan sa korte ug dili mamahimo nga ipaagi lamang sa inato ang pag-usab niini. Kagahapon sa dihang giutingkay ang records sa mayor gipakita sa taga COMELEC ang ubang mga registered voters sa Dipolog nga adunay gipang-usab nga entry sa ilang registration nga aduna gayuy gipataban nga attachment nga mandu gikan sa korte.

Apan sa kabahin sa mayor sa Dipolog walay dokumento nga gipataban nga nagpakita nga ang pag-usab sa iyang middlename adunay mandu nga gipasikaran gikan sa hukmanan. Si Palpagan midugang sa pag-ingon nga kon walay mandu gikan sa korte nga usbon ang middlename sa usa ka botante nagpasabot nga ang karaan niining entry sa iyang middlename magapabilin nga maoy tukma nga gamiton. Sumala pa niya ang paggamit sa mayor sa bag-o niyang middlename illegal kay wala kiniy pagtugot gikan sa hukmanan.

Sa giduso karong Certificate of Candidacy ni Mayor Uy iyang gibutang nga ang iyang middlename mao na ang Yu ug dili ang Young. Sa listahan usab sa mga botante sa Dipolog nakita nga gikan sa una ang mayor uban sa iyang mga igsoon nagamit sa middlename nga Young gawas sa usa nila ka igsoon nga si Kimpu nga naggamit na sa middlename nga Yu.

Matud pa ni Palpagan kon ang gigamit karon ni Berto mao na ang middlename nga Yu, mahulog nga dili siya mamahimong makalansar kay ang rehistradong botante mao man si Roberto Young Uy ug dili si Roberto Yu Uy. Sa tuig 2001 sa dihang mikandidatu siya sa iyang ika duhang termino ang iyang gibutang sa iyang citizenship usa siya ka naturalized Filipino.

Kahinumduman ang Municipal Civil Registrar sa Rizal, Zamboanga del Norte sa iyang giluwatang affidavit mikonpirmar nga adunay pagsuway sa pag-usab sa entry sa birth records ni Berto pinaagi sa abogado niini nga si Atty. Kenneth Rosal sa dihang nagsugo kini ug tawo ug misuway sa pagpapirma nga certified true copy sa usa ka tampered document o gipalsipikar nga dokumento nga ang entry para sa citizenship nga Chinese gikarasan ug ballpen ug gisuwatan ug Filipino. Sigun sa records sa Bureau of Immigration and Deportation wala usab mogawas ang pangalan sa mayor nga usa sa mga naturalized Filipino citizen sa atong nasud. (Press Freedom, Vol. XIX No. 28)

15 ka taga ZaNorte ‘scholars’ sa DOST

Ang Department of Science and Technology (DOST) mibutyag karong bag-o nga ang ilang buhatan adunay 15 ka mga bag-ong scholars gikan sa nagkalain-laing dapit sa Zamboanga del Norte. Si Engr. Marcial Daho-nan, OIC-Zamboanga del Norte Provincial Science and TEchnology Center ubos sa DOST nagkanayon nga 15 ang mipasar sa 131 ka mga estudyante sa High School nga mikuha sa Science and Technology Scholarship Examination kaniadtong Disyembre 3, 2006 alang sa tuig 2007.

Ang mga bag-ong ‘scholars’ mao kini sila si: Cielo, Marck Jasper, ABC-Dipolog City; Go, Ralph Anto Chu, PSHS-Central Mindanao Campus, Polanco; Insag, Jurheen Almedialla, Galas National High School, Dipolog City; Jatico, Janino Gene Hidlao, Sulangon National High School, Dapitan City; Paculba, Haziel Marie Dagpin, Ilaya Nationahl High School, Dapitan City; Pantaleon, Mark Jeznel Jason, Rizal National High School, Rizal, ZN; Quintero, Jeazen Mae Bolo, Galas Nationahl High School, Dipolog City.

Tabiliran, Alcress Pactol, Dipolog Medical Science High School, Dipolog City; Tan, Feljore Recnetes, Katipunan National High School, Katipunan; Tomogon, Jeanne Warren Canoy, Katipunan National High School, Katipunan; Vidal, Imari Jell Montefalcon, Langatian National High School, Roxas; Villena, Borjette Jahn Angulo, Zamboanga del Norte National High School, Dipolog City, ug Omamalin, Manuel Vic, Zamboanga del Norte National High School, Dipolog City.

Si Dahonan nagakanayon nga ang mga bag-ong ‘scholars’ makigkita kaniya sa Camila Hotel 2 didto sa Turno ning dakbayan sa Dipolog, karong Abril 19, ala una sa hapon, kinuyogan sa ilang guardian, magdala ning mosunod: notarized affidavit of guardianship o special power of attorney alang sa guardians, alang sa mga bag-ong scholars, 2007 Community Tax Certificate sa guuadian; P100 alang sa pag-notarize sa Scholarship Agreement; P15 nga Documentary Stamp; ug duha ka kopya sa hulagway nga 2 x 2. Alang sa dugang kasayoran, padala lang ug text message ngadto kang Dahonan sa # 09194050155. (Press Freedom, Vol. XIX No. 28)

Kwarta sa ZN gipalit ug sakyanan sa Dplg 

Gisaway karon ang kagamhanang lokal sa Dipolog kay kapritso ra maoy giuna niini nga magpaharuhay samtang wala hatagi ug pagtagad ang kabahin na sa panginabuhi sa katawhan.

Kini ang reaksiyon nga gipalanog sa mga Dipolognon human masayod nga ang gihatag nga usa ka milyon ni Governor Lando Yebes para sa siyudad gipalit ra ug sakyanan samtang sa ubang mga kalungsuran kini gidapat alang na sa pagpalambo sa ilang mga karsada ug ubang pasilidad sa kagamhanan nga maoy gipangayo sa katawhan.

Matud pa ni Governor Yebes sila sa probinsiya dili na magbuot unsay gamitan sa kagamhanang lokal sama sa Dipolog sa nadawat niining usa ka milyon ka pesos nga financial assistance gikan sa probinsiya kay gihatagan nila ang mga mayors ug gahum sa pagpili sa mga proyekto nga gusto nilang gastuhan sa maong pundo.

Gipatin-aw sa gobernador nga kini maoy gisagup karon sa iyang administrasyon kay aduna siyay dakung pagsalig sa atong mga mayors nga tarungon niini sa paggamit ang pundo sa probinsiya. Kini sukwahi sa panahon ni Amatong diin gidiskorso mismo niini sa iyang katapusang state of the province address nga wala siyay kompeyansa sa mga mayors sa ZaNorte kay nagtuo siya nga sila mga kawatan.

Matud pa ni Governor Yebes kon kini gipalit sa Dipolog ug sakyanan kini disisyon na sa ilang mayor kay sa ubang mga kalungsuran kini gigamit sa pagtiwas sa nagkadaiya nilang mga proyekto o kaha gigamit sa pagkonstrak ug bag-ong karsada. Apan mao gayuy tuyo sa paghatag niya ug financial assistance sa mga kalungsuran ug duha ka siyudad nga kini gamiton sa mga proyekto nga para gayud sa katawhan susama sa gihimo niya karong mga proyekto sa tibook probinsiya. (Press Freedom, Vol. XIX No. 28)

Jalosjos wala mahadlok sa petisyon ni Carloto

Wala makapabalaka sa Alliance of Parties for Progress-Kabalikat ng Malayang Pilipino sa lungsod sa Tampilisan, Zamboanga del Norteang kasong disqualification nga gipasaka ni Carloto.

Gitataw ni Janjan Jalosjos nga wala mabalda o kaha naka distorbo sa iyang kandidatura ang petisyon nga gipasaka ni Mayor Angeles Carloto nga nagtinguha sa pagdisqualify kaniya.

Bugtong gitubag ni Janjan, ang kandidatu sa APP/KAMPI pagka mayor sa lungsod sa Tampilisan, nga tan-awon lang unya nila sa resulta sa eleksiyon karong Mayo 14, 2007 kon si kinsay suportahan sa katawhan ug hatagan sa ilang kompeyansa. Sa samang bahin mipa-lanog usab si Janjan Jalosjos sa iyang kabalaka sa namatikdang karong pag-butho sa mga tawo nga mag-suroy-suroy sa kaba-rangayan nga nakamaskara nga mga armado. Hinoon kini giaksiyonan na sa hepe sa kapulisan sa lungsod sa Tampilisan.

Kabahin sa lakat sa iyang kampanya sulod sa giingong Carloto country, matud pa ni Janjan bisan siya ang challenger apan abante karon ang grupo sa APP/KAMPI sa Tampilisan tungod sa maayong lederatu nila ni Governor Lando Yebes ug Congressman Cesar Jalosjos nga bisan napilde sila sa maong lugar sa nakalabay nga eleksiyon wala nila hikawi sa gipangayong proyekto ang mga katawhan sa barangay.

Sumala pa niya sa performance pa lang daan sa mga opisyales karon sa probinsiya ilawom sa APP/KAMPI nga naglangkub na sa bise gobernador ug mga board members, wala na gayuy lain pang pangitaon ang mga katawhan sa Tampilisan. Samtang mitimaan siya uban ni Mayor Carloto ug usa ka covenant nga likayan ug ilang isalikway ang kasamok karong panahon sa eleksiyon sa tuyo nga dili na masubli ang nahitabo sa miaging piniliay diin adunay dugoong insidente ang natala sa maong lungsod. (Press Freedom, Vol. XIX No. 28)

Ang pagbalik ni Diego Salvador

Sulod sa siyam ka mga tuig o sa tulo ka mga termino nga nagpadayon ang administrasyon ni City Mayor Berto Uy, nakaamgo ang katawhan sa unod ug gambalay sa kamatuoran, nga ang pagbaligya sa atong butos, tudo tanan natong mga katungod pagka lungsoranon gihiyoran pagka inutil.

Bisan dunay mga bikil ang namunoan, ang mayoriyang katawhan nga napalit panahon sa piniliay ingon sa gipang tuok.  Dili makahimo paghimog bisan gamay pagsaway sa mga trampas nga bistado publiko.  Dili makapaloyo pagbarog sa mga kawani nga gihigpitan paglisod-lisod sa ilang pagserbisyo pagka empliyado sa kagamhanan.  Mayoriya misugot nga ang City Health Clinic gipamolitika.  Dili na klinika nga iya sa katawhan ug ang nagadumala nga mga health workers uban sa mga mananambal gipanguhaan sa ilang gahom, pagdumala sa kalihokan ilabe na sa pagpang apod-apod sa mga tambal, kay ang City Administrator mao na man ang naglihok sa makinarya sa halos tanang mga buhatan sa dakbayan…utos sa mayor o utos ni madame mayor.

Nahibalo ang katawhan sa palusot pagpamalit construction materials sa “pet project” sa namunoan nga mao ang pagpang semento sa kadalanan drainage ug uban pang prohekto nga ang halos tanang gigamit materyales semento, graba ug balas ug kabilya.  Walay nakabarog katawhan o ahensiya sa kagamhanan nga nagdumala sa ‘auditing rules and regulations’ paggamit sa salapi sa lungsod.  Nag sulot lang ang mga mata sa COA sa kanhiay ubos ni City Auditor Ruedas… kaha… nakasulirat sa tinaginting sa salapi.

Bisan pa niining panahon ni Mr. Manuel Urquiaga ang nahapoli ni Ruedas, duna siyay mga gihimong lakang, daghang mga gipadala nga mga ipatubag kalapasan sa mayor apan, nakaako pa ang mayor pagtubag lamang sa mga pangutana nga masayon ugomon.  Hinoon dako ang nahimo ni Urquiaga nga nakabarog iyang buhatan ubos sa iyang pagdumala nga wala mahadlok pagbuyag publiko sa mga kalapasan gibuhat sa administrasyon ni Uy sa paggamit sa salapi sa lungsod ug pagbisto sa upat ka mga pahoy dummy nga hardware nga magpulipoli maoy makatumar sa I-canvass ug I-bidding mga palitong construction materials sa kagamhanan sa dakbayan.

Mikabat pa gyod sa siyam ka tuig nga nagpa uraray pagpadayon si City Mayor Berto Uy sa pagpalambo sa iyang patigayon sa maong na bisto publiko sa COA ubos ni City Auditor Urquiaga.  Nakasalikwaot lamang dinhi, nga hangtod karon walay kalihokan ang COA gihimo resulta sa ilang nahibaloan nga mga kalapasan.  Ang dakong pangutana nagpabilin sa ilang nahibaloan nga mga kalapasan.  Ang dakong pangutana nagpabilin “hanging” nagbitay sa kahanginan hantod karon.  Makiha kaha ang naghimog salaod???  Dunay kahay tumoy nianang gibisto trampas kalapasan gihimo sa administrasyon ni Berto Uy??  Nga gumikan sa paglihok sa salapi permaninti nga makandadohan ang mga baba nga nakanganga?

Karon, nindot nga nakaamgo ang katawhan nga wala na, “passe” na, kanhiay pa, kanang gaba.  Nga gabaan ka kon mubohat kag hustong kasabotan unya misukwahi ka.  Naamgohan sa katawhan nga dili makagaba ang pag kopras sa pagdawat salapi ibaylo sa atong buto.  Namatud-an nila nga misumbalik dasdas ang giingong gaba.  Kon diha o naa ang gaba mas gabaan ang mga dagkong limbongan negosyanti sa kopras nga ang mga timbangan boriringon.  Mas gabaan na unta ang pagmuntar mga hardware nga piki sa namunoan sa dakbayan nga maoy nagsalo-salo paghigop sa tanang transaksiyones sa pagpamalit construction materials.

Karon pa sulod sa siyam ka mga tuig nga natugkad sa katawhan ang dautang resulta sa pagbaligya sa ilang butos.  Karon pa sila makahunahuna paghimog mga paagi nga makopras ang salapi sa kandidato nga ang kwalipikasyon, ilang salapi lamang.  Kaha makaingon kita nga ulahi tanan human ang siyam ka mga tuig nga giantos sa katawhan nga nagpasilong sa maitom tabil sa administrasyon sa dakbayan sa Dipolog, apan dako kaayo ang mga timailhan niining umaabot piniliay sa Mayor 14, 2007 nga mahugno ang gahom sa salapi nga maoy “determining factor” sa usa ka kandidato.  Kini ipiktibo dinhi sa mga botanti sa dakbayan sa Dipolog pagbalik ni Diego Salvador pagka mayor. (Press Freedom, Vol. XIX No. 28)

Programang Panginabuhian: Pagatutokan ni Engr. Ed Yebes
kung buligan pagka- Bise Mayor

Susama sa iyang igsoon nga si Gob. Lando Yebes nga gitutokan ang programang panginabuhian alang sa katawhan, mao usab ang pagasundon ni Engr. Ed Yebes ang piliunon pagka bise-mayor dinhi sa Dipolog.

Ang paghatag ug dugang panginabuhian sa kabus nga katawhan sa dakbayan sa Dipolog mao ang usa sa mga plataporma ni Engr. Yebes sa iyang pagsulod sa bugno sa politika. Matud pa sa batan-ong inheniero, nga iya gayud nga gikasubo ang kahimtang sa Dipolognon nga napagsagdan sa kasamtangang namunuan nga angayan untang sulbaron sa mga naglingkod sa ilang pwesto.

Dugang pa ni Yebes, nga sa iyang personal nga kasinatian isip usa ka Mechanical Engineer nga kanhi Most Outstanding Employee sa kompanyang National Power Corporation ( NAPOCOR) sa dakbayan sa Iligan, iya nga paninguhaon usab nga moserbisyo sa katawhan dinhi sa dakbayan.

Atol sa mga caucus nga gipahigayon sa mga barangay dinhi sa dakbayan, iyang nakita nga kulang gayod ang ayuda sa kagamhanang lokal sa Dipolog diha na sa pagpalambo sa mga panginabuhian ilabi na sa mga mag-uuma.

Didto sa barangay San Jose, misaad si Engr. Yebes kung buligan nga iyang paningkamutan nga mabuhatan ug usa ka irrigation project ang dako nga basakan sa maong barangay aron ang mga mag-uuma makapananom bisan pa man sa panahon sa ting-init. Si Engr. Yebes ang mipasilong kini sa bando nila ni Atty. Roseller “Matoy” Barinaga nga magpapili pagka mayor ilawom sa partidong APP/KAMPI. (The Buddz, Mindanao Star, Vol.III No.11)\

6 KA DISQUALIFICATION CASES DAD-ON NA SA COMELEC-MANILA

Unom ka mga disqualification cases nga nasang-at karon sa buhatan sa Provincial Commission on Elections ang pormal nang ipresentar sa Comelec Central Office Manila ugmang adlawa. Mao kini ang gikonfirmar ni Atty. Jay Balisado, Provincial Election Supervisor sa Zamboanga del Norte.

Gi-angkon ni Atty. Balisado nga sukad masukad sa kasaysayan sa election sa Zamboanga del Norte karon lang nahitabu sulod sa 14 ka tuig niyang pagserbisyo sa Comelec nakadawat ang ilang buhatan sa maong mga kaso nga nagtinguha sa pagdisqualify sa mga mikandidato para karong mayo 14, 2007 nga election.

Gibutyag ni Atty. Balisado ang maong mga kaso gilangkuban sa disquafilication case nga giduso sa usa ka Aniceto Abbey Canturias nga nagtinguha sa pagdisqualify sa kandidatura ni Roberto Yu Uy, mayor ning dakbayan sa Dipolog nga milansar sa pagkagobernador. Ang maong kaso natumbok sa pagquestion sa citizenship ni Uy kinsa sa iyang certificate of candidacy mibutyag sa iyang citizenship nga siya usa ka naturalized Filipino citizen. Apan kini hugot nga giquestion ni Canturias sanglit base sa records nga ilang nakuha gikan sa municipal civil registrar sa lungsod sa Rizal, milutaw nga si Roberto Yu Uy usa ka Chinese Citizen.

Nasayran ubos sa lagda sa balaod kun sa omnibus election code walay si bisan kinsang langyaw ang tugutang makalansar labaw na ang paghupot sa unsa mang mga posisyon sa gobierno. Laing disqualification case mao ang kaso nga gipasaka ni Lalibertad Mayor Engr. Noli Sulit batok ni Lakas CMD 1st congressional district candidate retired police general Rene Elumbaring.

Sumala pa ni Atty. Balisado, ang maong kasong nagtinguha sa pagdisqualify ni eleumbaring nagsumikad sa kasong iyang gi-atubang karon tungod sa paglapas sa Comelec gun ban human nga nakuhaan ug tulo ka mga armalite rifle ang iyang sakyanan didto sa lungsod sa  La libertad niadtong Marso 21, 2007.

Didto sa lungsod sa Katipunan, laing disqualification case ang gisang-at ni KAMPI Mayoralty candidate Crisostomo Cris Eguia Jr. batok sa usa ka Arsenio Cris Eguia Jr. kinsa miduso usab sa iyang kandidatura pagkamayor sa Katipunan ug nagdala sa susamang angga nga Cris Equia Jr. Samtang kaso usab nga disqualification ang gipasaka ni Jose Dalman Vice Mayoralty Candidate Oliveros Nonoy Dalman sa paritdo KAMPI batok sa usa ka mikandidato ug bise mayor nga susama niyang apilyedo nga dalman. 

Ang ika unom nga kasong disqualification didto nagsumikad sa lungsod sa Tampilisan tapos nga si incumbent mayor Angeles Bobong Carloto ang mipasaka kini ug reklamo nga nagtinguha sa pagdisqualify sa kandidatura ni Romeo ‘janjan’ Jalosjos Jr. anak ni kanhi 1st district congressm,an romeo nonong jalosjos. Reklamo ni Carloto wala makatuman sa 1 year residency status si Janjan Jalosjos hinungdan nga nawad-an siya sa katungod nga molansar karong eleksiyon. Apan nasayran nga depensa ni Jan Jan Jalosjos mao ang nahitabung pagdawat sa Comelec tampilisan sa dihang mibalhin kini sa iyang reshistrasyon ngadto sa lungsod sa Tampilisan. (Mindanao Star, Vol.III No.11)

Barangay mibalibad sa proyekto sa Probinsya  gibisita ni Gov. Yebes

Tungod kay ang atong lalawigan sa Zanorte nakabaton man ug usa ka gobernador nga sinsirio sa iyang pagpanerbisyo gibisita niya uban sa mga pili-onon sa APP Kampi ang barangay Pangologon sakop sa lungsod sa Roxas aron personal  nga gihinabi ang mga katawhan sa maong barangay ilabi na ang mga miyembro sa Lando-Bibo.

Kahinumduman nga ang maong barangay mibalibad sa proyektong mibalor ug 2.2 milyones ka pesos pinaagi sa ilang barangay kapitan diin ang maong salapi ipadapat unta alang sa pagla,bo sa ilang karsad lagbas na sa ubang barangay nga maabtan niini, apan ang kapitan sa maong barangay mibabag sa maong proyekto gikan sa kagamahanang probinsyal sa rason nga tua kinimipasilong kang Mayor Carloto Feras nga mibiya sa grupo ni Gov. Yebes nga mao ang APP. Atol sa pulong-pulong sa mga sakop sa Lando-Bibo sa maong barangay gipakita sa mga katawhan ang ilang dakong suporta ngadto sa mga pili-onon sa APP-Kampi gikan sa gobernador ngadto na sa pagkasakop sa Sangguniang Bayan sa rason nga dili na sila gusto nga supaka o babagan sa ilang kapitan ang mga kaayohuan nga ihatag unta sa gobernador sa ilang barangay.

Sa pagpangulo ni Gov. Lando Yebes, uban ni konsehal Nick Carbonel ang pili-onon sa pagkamayor sa lungsod sa Roxas,ug ang kandidato sa APP-Kampi alang sa pagka kongresista ang aktor nga si Matt Ranillo III ingon man ang mga kauban ni konsehal Nick Carbonel nga naglangkob nila ni incumbent councilor  Leonor Alberto, Edgar Seriales, kanhi konsehal Joro Bagaipo, Salisig Brgy. Captain Jowil Villaester, Cornelio Epo ug ang bag-ong mitapon sa ilang grupo nga si kanhi konsehal Bagtasos, ug ang ilang pili-onon pagka bise mayor nga si Titoy Aseniero.

Sa mensaheng gipabuto ni kanhi konsheal ug pili-onon pagakakonsehal Joro Bagaipo iyang gibutyag nga angayan nang mahigmata ang mga taga Roxas tungod kay bangkarota na ang ilang panudlanan ug pito ka bulan na nga valley sweldo ang ilang mga casual. Matud pa n niya nga kung wala pa hatagi ug mga proyekto ni Gov. Yebes ang ilang lungsod makalolooy kaayo ang Roxas nga sa dugay nang panahon wala na makaangkon ug mga proyekto ilabi na gayud ang mga lagyong kabaranggayan sa maong lungsod.

Sa iyang kabahin gibutyag ni Gov. Yebes nga bisan paman ug mibiya sa ilang grupo si Mayor Feras uban sa pipila ka mga kapitan sa maong lungsod apan nagpabilin ang iyang pagpangga sa lungsod sa Roxas hinungdan nga daghang proyekto ang iyang nahatag sa maong lungsod tungod kay alang kaniya ang iyang pagpanerbisyo nagsumikad man sa iyang pinulongan nga Una sa Tanan ang Katawhan, serbisyo para sa tanan ug walay presyo sa negosyong panalipdan. (Mindanao Star, Vol.III No.11)

Kandidatura ni Mayor Berto Uy nahugno
Mga lidires naluya tungod sa kasong disqualification

Nagsugod na pagbiya sa kampo ni Berto Uy ang mga lig-ong leaders sa Lakas-CMD nunot sa discouragement nnga nasinati sa ilang mga sakop human masang-at sa Commission on Elections and disqualification case.

Kalit nahugno ang kampanya ni Berto sa dihang gi-apod apod house-to-house ang mga photocopy sa birth certificate niini nga nagmatuod nga ang iyang pangalan ROBERTO YU  UY apan ang iyang amahan mao si CHUA GO, usa ka lunsay nga Chinise national. Lima ka barangay captains sa Dipolog ang gipa-abot nga mo-iktad sa hawla ni Berto Uy ug mokuyog kang Kongresista Roseller “Matoy” Barinaga, kansang kandidatura pagka mayor padayong nangharos sa 21 barangay ning dakbayan.

Giklaro sa legal team sa Kabalikat ng Malayang Pilippino kon KAMPI nga usa hingpit nga langyaw si Berto Uy sanglit ang birth certificate niini nagpakita nga dili ISAIAS UY ang amahan niini, taliwas ug sukwahi sa nahibaw-an ug gituhuan sa katawhang Dipolognon. Human namatud-an kagahapon sa bando ni Gobernador Rolando Yebes nga peke ug daghang bikil ang Filipino citizenship naturalization documents ni Mayor Roberto Uy , giandam karon ang laing kaso nga falsification of documents ingon usa ka kasong deportation kon pagpalagpot ni Berto UY gikan sa Pilipinas ngadto sa bansang Tsina.

Kon dasunan sa COMELEC ang nasangpit nga disqualification petition sulod sa reglamentary period nga 20 ka adlaw, kawad-an asa legalidad ang kandidatura ni Uy pagka gobernador ug dili na unya iphon ang iyang boto sa umaabot nga piniliay. Human unya kahatagi ug gibug-aton sa Bureau of Immigration and Deportation kon BID ang kasong deportation, hayan pabayron og multa ang mayor sa Dipolog, silotan pagkabilanggo sulod sa duha ka tuig ug papaulion sa yutang natawhan niini sa Sehchuan, Tsina.

Apil nga na-apektuhan sa disqualification petition mao ang mga kabtangan ni Uy nga mobalor ug P412 milyones, ingon man mga deposit accounts niini sa lain-laing bangko nga mobalor ug P54 milyones. Sanglit ipa-lawom man summary proceedings kining gipadas-og ni Anecito Canturias, gitataw nga ma desisyonan dayon ang kaso sa dili na motapos ang bulan sa Abril, matud pa ni manlalaban Cresencio Palpagan.

Kining kalambuan misunod sa unang huyad sa kampanya diin lima sa mga lig-ong barangay captains kinsa giisip nga lig-onng haligi sa administrasyon ni Mayor Roberto Uy ang mibiya na sa pundok sa Lakas-CMD ug mitapon sa bando ni Kongresista Roseller “Matoy” Barinaga. Ang original birth certificate ni UY sa tuig 1952 nagpamatuod nga iyang ngalan ROBERTO ug ang iyang inahan apelyido’g YU. Apan ang iyang amahan mao ang usa ka CHUA GO.

Mga dokumento gikan sa Bureau of Immigration and Deportation kon BID nagpakita nga iyang amahan mao si CHUA GO. Dunay mga dokumento nga nagpakita nga sa tuig 1975 ang iyang amahan si ISAIAS UY na. Walay nakitang dokumento ang giusab ni Chua Go ang iyang pangan nagdto sa pagka ISAIAS UY. Ubos sa Omnibus Election Code, ang mga langyaw “disqualified” nga mokandidato pagka opisyal sa kagamhanan ug mohupot ug katungdanan sa panerbisyo. (Mindanao Star, Vol.III No.11)

Mindanao Star Police Round-up
Brgy treasurer gipusil patay

Patay diha-diha dayon ang usa ka 42 anyos nga barangay treasurer human gipusil sa wa mailhing suspetsado didto sa barangay Candelaria, Liloy ning lalawigan sa may 7:00 ang takna sa kagabhion. Ang biktima nailhan nga si Genaro Elba, lumulupyo ug usa ka barangay treasurer sa La Libertad, Liloy, Zamboanga del Norte.

Sa pasiunang imbestigasyon sa Liloy Municipal Police Station nga samtang nag-inusarang sakay sa kaugalingong motorsiklo ang biktima padong na sa ilang barangay La Libertad, Liloy paghidangat niini sa barangay Candelaria gikataho nga kalit lang adunay mipusil sa biktima nga wa mailhing suspetsado o mga suspetsado. Ang biktima nakaangkon og napu ka pinusilan sa nagkadaiyang parte sa iyang kalawasan maoy hinungdan sa hinanaling kamatayon sa biktima diin, nakuha sa dapit nga nahitaboan ang mga basiyo sa mga balas a kalibre .45 nga gituohang maoy gigamit sa wa mailhing suspetsa o mga suspetsado.

Matud pa nga human sa maong hitabo, gikuha pa gayod sa suspetsado ang sakyanang itom nga Honda wave nga gipanag-iyahan sa biktima nga gikatahong wa mahibaw-i kon asa gida sa suspetsado ang maong sakyanan. Dugang pa niini nga usa ka Benjie Lozada ug Ramiro Paras, parehong habal-habal drivers nagkanayon nga samtang nagpaabot sila’g pasahero sa barangay Baybay,Liloy usa ka mailhi nilang tawo ang miduol kanila ug nga kini magpahatod sa barangay La Libertad apan gikataho nga gibalibaran kini sa duruha.

Matud pa nga human niadto nakita sa duruha ang biktimang si Elba ug nga maoy gitudlo sa duruha ka mga habal-habal drivers nga didto na lang sakay ang wa mailhing tawo ngadto sa biktimang si Elba nga siguradong mouli sa iyang barangay La Libertad nga maoy adtoan sa wa mailhing tawo. Hinoon pagkakaron, padayon pa ang sobsob nga imbestigasyon ug pagkonbinser sa duruha ka mga habal-habal drivers sa pagpaila niini sa suspetsado ug paghatag og cartographic sketch aron kini masikop. (Mindanao Star, Vol.III No.11)

KOOPERATIBA SA MGA MANGINGISDA TUKURON -ENGR. ED. EYEBES

Aron mahatagan ug sulbad ang nagkataas nga kakulangon ug problema sa mga mangingisda ning dakbayan sa Dipolog buot tukoron ni pili-onon pagka bise Mayor Engr. Ed Yebes ang kooperatiba nga maghatag ug dugang tabang sa mga mangingisda dinhi sa dakbayan.

Nakita ni Yebes nga dako kaayo ug kakulangon ang kagamhanang lokal karon gumikan kay nalimtan naman sa kasamtangang administrasyon ang paghatag ug pagtagad sa mga mangingisda.

Sa tukoron unya niining kooperatiba mas sayon ug gaan na sa mga mangingisda ang hasol nga matagamtaman niini gumikan kay aduna namay koperatiba nga maghatag ug tabang kanila.

Gipasupot ni Yebes nga ang mao unyang kooperatiba ang magpahulam kini ug kapital nga mobo lamang ang tubo ug labaw sa tanan ang pag-angkat sa gasolina panahon nga molawod na kini. Gitan-aw ni Engr. Ed Yebes nga maayo kaayo ang iyang laraw para sa mga mangingisda sa tinguha nga moharuhay ang tagsa-tagsa ka panginabuhi niini.

Gidugang sa pagpamahayag sa batan-ong enhinyero nga kung uhaw ang mga mangingisda karon sa kalambuan kun buligan kini sa kahitas-an nga mamahimong partner ni umaabot Mayor Matoy Barinaga buhongon unya niya ug benepisyo ang mga mangingisda sakop ning dakbayan. (Mindanao Star, Vol.III No.11)

Mga rural brgys sa Dipolog napasagdan sulod sa 9 ka tuig

NAGPABILIN pa gihapon nga nag-ilaid sa tumang kalisod ang mga lagyong barangay sa Dipolog sukwahi sa gipasi-atab sa Uy administration nga nahatagan kini sa igong pagtagad sulod sa siyam ka tuig. Kini maoy nakita ni Engr. Ed Yebes pili-unon pagka bise-mayor sa atong dakbayan subay na sa ilang pagduaw diha sa mga kabarangayan uban sa grupo ni pili-unon pagka mayor Matoy Barinaga.

Sama sa mga barangay sa Sangkol, San Jose, Cogon ug Diwan nabati ni Ed Yebes ang mga kawad-on sa kapanginabuhian sa mga katawhan sa maong barangay. Bisan mismo ang sector sa panguma ang napasagdan na kini sa gobyerno. Alang kang Ed Yebes nga ang gipanghatag sa gobyerno diha sa mga lagyong barangay kini ang kulang tungod kay ang administrasyong Uy ang anaa nagsentro lamang sa boulevard, samtang diha sa mga hilit nga barangay ang wala na hatagi sa igong pagtagad, mga katawhan walay klarong tinubdan alang sa ilang tubig nga mainom, minos kaayo ug kaon ang mga tawo tungod kay wala maabti ug irrigation ang mga kaumahan ug ubos usab ang presyo sa copra.

Mismo ang mga katawhan sa mga hilit nga barangay dinhi sa Dipolog ang mao nay misugilon nga lahi kaayo ang panagway sa ilang pagpuyo kung itandi sa poblacion subay sa gipasi-atab sa administrasyong Uy.

Tumong karon ni Ed Yebes uban sa ilang grupo ni Barinaga nga matabangan ang mga katawhan diha sa mga hilit nga barangay nga gipasagdan sa kasamtangan nga administrasyon sa siyudad sulod sa siyam ka tuig kun ugaling mopa-ambit sa ilang hugot nga suporta ang mga katawhan sa Dipolog sa ilang grupo nga mapabarog ug balik ang dakbayan. (Mindanao Star, Vol.III No.11)

LGU sa Jose Dalman, mapasalamaton kang Gov. Yebes
sa pagsuporta sa ilang 28th Founding Anniversary

Mapasalamaton ang Local Government Unit sa lungsod sa Jose Dalman sa pagpangulo ni Mayor Oliveros Dalman ngadto kang Governor Rolando Yebes sa pagsuporta niini sa ilang ika- 28 nga kasumaran sa pagkahimugso sa ilang lungsod kaniadtong Abril 11 ug 12. Tungod kay naatol sa semana santa ang ilang kasaulogan, duha na lamang ka adlaw ang nahimong preparasyon sa lokal nga pangagamhanan sa maong lungsod.

Kaniadtong Abril 11, ang LGU, DepEd ug mmga opisyales sa 18 ka mga barangay ang mipahigayon kini ug usa ka opening parade nga gitambungan usab kini ni Gob. Lando Yebes. Pagkagabii, gipahigayon usab ang Search for a Singing Idol nga gisalmutan na 15 ka mga mang-aawit gikan sa nagkalain-laing barangay sa maong lungsod.

Nahimong kampyon si Richard Sy nga nakakuha sa P 5,000 mil ka pesos, 1st Runner si Robert Bait-it nga nakakuha sa sa P3,000 mil ka pesos ug si Rense Jumawan usab ang nakakuha sa P2,000 mil ka pesos isip 2nd runner up ug nakadawat usab ug tag P500 ang mga non-winning participants.

Aduna usay, gihimong inter barangay basketball ug volleyball tournaments nga gipaluyuhan sa Community Development Assistance Unit ug programang Lando BIBO diin dagko usab ang gipanghatag nga premyo sa mga nanahimong mananaog. Sa pagka gabii sa Abril 12, malampuson usab ang LGU ug DepEd night diin gisalmutan kini sa mga empleado ug mga magtutudlo sa gikan sa mga nagkalain-laing mga pang publikong tulunghaan. Gipasupot usab ang awarding of prizes sa mga mananaog sa mga sports activities sa pagpangulo ni Mayor Oliveros Dalman. (The Buddz, Mindanao Star, Vol.III No.11)

Peace Covenant gipermahan tali sa duha ka pili-onon
pagka mayor sa lungsod sa Tampilisan

Aron ipatigbabaw ang kahapsay, kalinaw ug han-ay nga pinili-ay gihimo karon usa ka kasabutang pangkalinaw o Peace Covenant tali na sa duha ka mga pili-onon pagka mayor sa lungsod sa Tampilisan ning lalawigan nga naglangkob nila ni re-electionist Mayor Angeles Carloto Jr. ug ang pili-onon sa pagkamayor sa maong lungsod nga si Romeo Jalojos Jr. nga naila na sa pangalang Janjan Jalosjos.

Atol sa interview nga gihimo sa Mindanao Star  kang Janjan Jalosjos iyang gibutyag nga misanong sila sa pagperma sa peace covenant nga gipasi-ugdahan sa buhatan sa Comelec sa maong lungsod ug hepe sa kapolisan aron ipatigbabaw ang kalinaw para sa nagsinabot nga pinili-ay karong Mayo 14 ning tuiga.

Matud pa ni Janjan Jalosjos nga mas makaayo alang sa mga katawhan sa ilang lungsod ang maong kasabutang pangkalinaw tungod kay kini nagtimaan lamang sa tinood nga demokrasya ug kahatagan ug kahigayunan ang mga pumipiling mga katawhan nga makaboto sa ilang tagsa-tagsa ka nga kandidato.

Ang duha ka mga kandidato alang sa pagkamayor sa lungsod sa Tampilisan nga magsangka karong pinili-ay sa Mayo ning Tuiga pulos mga anak sa mga karaang politiko dinhi sa Zanorte diin si re-electionist Angeles Carloto Jr. ang anak ni kanhi 3rd district Congressman Angel Carloto samtang si Janjan Jalosjos Jr. ang anak usab ni kanhi 1st district Congressman Romeo “Nonong” Jalosjos. (Mindanao Star, Vol.III No.11)

Disciples of Holy Infant Jesus Choir (DHIJC) magasaulog sa ilang silver anniversary
mga bonggang kalihukan nakahan-ay na

Ang Disciples of Holy Infant Jesus Choir (DHIJC) sa Barangay Minaog ning dakbayan sa Dipolog magsaulog sa ilang ika - 25 anyos sukad sa pagkahimugso sa ilang pagpanerbisyo sa katawhan.  Mao kini ang gibutyag ni Mr. Vivencio “Vince” Ogoc, ang kasamtangang Presidenti sa naasoy’ng kahugpungan.

Niya pa nga diha sa maong kalihukan, una nilang pagahimuon mao ang usa ka mesa nga magasugod sa may alas 5:00 ang takna sa hapon.  Ug human sa mesa, isunod gilayon ang panagsalo - salo.  Dugang pa niini, ila usab ipakita sa mga miyembro sa DHIJC ang ilang talagsa-ong gilas o talento diha na sa natad sa pag-arte, pag-awit, pagsayaw ug uban pa.  Kining mga naasoy’ng kalihukan, anha kini himuon sa panimalay ni Mrs. Vilma Bucad.

Gikahibaluan usab nga ang nasangpit nga choir nahimugso kini niadtong Marso tuig 1982 diin ang founder niini kinsa mitaliwan na sa laing kalibutan pinaagi ni Late Felipe Canoy.  Ug ang trainor usab mao si Mr. Angel “Dodong “Silva.  Busa gidapit gayud ni Vince Ogoc ang tanang mga miyembro sa maong choir sa dili gayud pagpakyas sa pagtambong sa naasoy’ng selebrasyon.

Ang Disciples of Holy Infant Jesus Choir (DHIJC ) usa kini sa kristohanong katilingbanon, mo-alagad sa komunidad dili lamang sa Barangay Minaog lakip na niini ang uban pang mga kabarangayan sulod ug gawas sa lalawigan sa Zamboanga del Norte ingon man sa duha ka dakbayan.( Doypedz & Yan-Yan, Mindanao Star, Vol.III No.11)

Mag-uuma buhong na unya panahon Barinaga ug Yebes
ang magdala sa renda sa Dakbayan sa Dipolog

Hayan mabuhong na unya ang dugay ng uhaw nga mga mag-uuma ning dakbayan sa Dipolog gumikan kay usa sa hatagan ug prayoridad nila ni pili-onon pagka Mayor Matoy Barinaga ug Bise Mayor Ed Yebes ang paghatag ug kaayohan sa mga mag-uuma, usa na niini mao ang programang patubig nga magsubay sa mga dagkong kanal ug kasapaan sulod ning dakbayan.

Angayang kahibaloan nga karong panahona wala na nahatagi ug pagtagad ang mga programang pang-Agrikultura sa dakbayan gumikan kay programa lamang pang-inprastraktura ang gilantaw ug gihatagan ug dakong pagtagad sa kasamtangang namunuan ning syudad. Gumikan sa maong hitabo nag-nga-nga na karon ang kadaghanan sa mga mag-uuma ning dakbayan tungod kay gamay na lamang ang abot niini panahon sa ting-ani agi sa hulaw nga natagamtaman niini diha sa ilang tagsa tagsa ka umahan.

Gusto nila ni Barinaga ug Yebes nga abunda ang abot sa matag mag-uuma sa Dipolog tungod kay ang mga mag-uuma importante ug partner kini diha sa pagkab-ot sa kalambuan sa usa ka komunidad ug niini mga programang patubig, pahulam sa puhunan ug abono ang planong himoon sa mga farmer-friendly nga mga kandidato.

Gipahayag usab ni pili-onon pagka-bise Mayor Ed Yebes nga nabati niya ang kawad-on karon sa mga mag-uuma sa dakbayan gumikan kay usa man usab siya sa nahimong biktima niini. Kahibaloan nga si pili-onon pagka-Mayor Matoy Barinaga ang aduna na kini gipahat karon nga kapin 7 milyones ka pesos alang sa pagpatuman sa programang patubig dinhi sa dakbayan, ang maong kwarta ang nagagikan kini sa congressional fund ni Cong. Barinaga.

Sa pagbalik ni Matoy Barinaga natan-aw na karon sa katawhan nga adunay balanse ang pagpatuman unya sa matag proyekto niini. Dugang gipabati sa katawhan nga mobalik na usab ang karaang dagway sa hamugaway ug sadya nga Dipolog. (Mindanao Star, Vol.III No.11)

Supporters ni pili-onon pagka-bise Mayor Engr. Ed Yebes, nag-abiba!

Atol sa gihimong series campaign sa partidong KAMPI sa barangay Punta, Sinaman, Sicayab, Barra ug Miputak ning dakbayan walay puas ang pag-abiba sa mga supporters ni pili-onon pagka-bise Mayor Engr. Ed “Nonoy” Yebes dinhi sa Dipolog tungod sa gituki niini nga mga talagsaong kalambuan nga ipatuman unya sa dakbayan panahon nga mohupot na kini sa renda sa syudad.

Ang manghud sa performance-matchless Governor nga si Gov. Rolando Yebes mipadayag nga dili imposible nga mamaayo unya ang iyang pagdala isip katimbang ni Mayor Barinaga tungod kay usa man kini ka enhinyero kansang kasinatian diha sa pagdumala sa usa ka buhatan taas na kaayo.

Si Engr. Ed Yebes ang kanhi enhinyero sa National Power Corporation kun NAPOCOR ang aduna kini daghanang naagian nga mga management trainings ug matud pa niini nga pwede kini niyang ma-apply sa pagpadagan diha sa renda sa pangagamhanan. Ngani midugang pagsaysay ang batan-ong enhinyero nga sa history sa dakbayan adunay tulo lamang ka mga abogado ang nahimong bise-Mayor ug kadaghanan niini mga enhinyero sama nila ni Engr. Bebs Cheng, kanhi Engr. Okong Herrera ug Dario Lacaya.

Gipamahayag usab ni Engr. Yebes nga kun buligan kini sa kapalaran nga maoy mohupot sa ikaduhang pinakataas nga pwesto sa dakbayan, buhaton niini ang susamang gibuhat nga mga kalambuan sa iyang magulang nga si Gov. Yebes isip iyang sukli sa katawhan nga misalig kaniya sa paghupot sa renda sa dakbayan. (Mindanao Star, Vol.III No.11)

Piniling nasud nagpaluyo sa mga kaingin

Mga meyembro sa grupong Piniling Nasud nga gipanguluhan sa usa ka Paulino Agapay ug Danilo Agapay nga nagpuyo dinhi sa dakbayan sa Dipolog maoy responsable sa nagpanghitabong kaingin sa kalasangan sa Siocon ug Baliguian pulos sakup sa lalawigan sa Zamboanga del Norte.

Kini ang unod sa report nga giluwatan ni CENRO Salahudin Kaing sa lungsod sa Siocon may kalabutan na sa report nga gipalanog sa pipila ka mga nagpaka-banang lungsuranon sa ZaNorte uban sa REACT Space Group nga maoy nakamatikud nagpang-hitabong kaingin sa nagkadaiyang kabukiran sa lungsod sa Siocon ug Baliguian. Sa iyang report nga gisumitir ngadto sa ilang regional office gihisgutan ni CENRO Kaing nga ang iyang buhatan uban sa mga meyembro sa PNP nagmugna ug usa ka team ug nagpahigayon sa pagpatrolya subay sa Kilometer 8, Barangay Kilalaban aron sa pag-imbestigar sa nahitabong mga pagkaingin sa maong lugar.

Matud pa ni Kaing nasikup nila ang mga tawo nga maoy responsable sa pagkaingin sa maong lugar nga gilangkuban na niining mosunod nga mga suspek nga sila Elino Sumatra, Bobong Timas, Noli Timas ug Tata Timas nga maoy nasakpan nilang namutol ug mga kahoy ug nagkaingin sa modul-an sa sayis ektaryas subay sa Pisawak-Kilalaban provincial road. Ang nasangpit nga mga kaingineros, matud pa ni CENRO Kaing pulos sakup sa grupong Piniling Nasud nga gipanguluhan nila ni Paulino Agapay ug Danilo Agapay nga nagbasi dinhi sa dakbayan sa Dipolog.

Nalakip na sa gisunog sa mga nagkaingin ang mga kakahuyan nga sakup sa Integrated Forest Management Agreement ug CADT. Matud pa sa report ni Kaing tukmang kaso ang ila nang gihikay ug andam na kining ipasaka atubangan sa hukmanan. (Press Freedom, Vol. XIX No. 30)

Bombings sa ZN gipaimbestigar

Gipadas-og karon sa buhatan sa gobernador sa Zamboanga del Norte nga maimbestigar ang nahita-bong mga bombings karon sa Sibuco ug Liloy sa National Bureau of Investigation.

Matud pa sa buhatan ni Governor Lando Yebes maoy tinguha nila nga maila ang signature sa matang sa homemade bomb nga maoy gigamit sa duha ka manag-kabuwag nga insidente sa bombings sa lungsod sa Sibuco ug Liloy ning lalawigan. Sumala pa kinahanglang ma-imbistigar gayud kini sa mga bomb expert ang bomba nga maoy gigamit sa duha ka mga bombings aron sa pagsubay kon si kinsa ang posibling responsable niini.

Ang nagkadaiyang mga grupo ang matud adunay signature sa mga bomba nga ilang binuhat sama sa MILF, MNLF, Abu Sayyaf, NPA lakip na sa military ug kapulisan. Kini aron matino gayud kinsa ang posibling grupo nga maoy nagpaluyo sa nasina-ting bombings dinhi sa atong probinsiya. Sa sayu pa si Governor Lando Yebes mipalanog sa iyang kabalaka sa mga nagpanghitabo karon nga mga kasamok sulod sa atong lalawigan nga wala sukad masinati sa katawhan sulod na sa nanglabay’ng mga piniliay.

Matud pa ni Governor Yebes sa dihang milansar sila sa eleksiyon sa 2004 isip mga challenger sa administrasyon walay natalang bombings nga nahitabo. Karon nga ang mayor sa dakbayan sa Dipolog uban sa duha ka retiradong heneral maoy milansar nalahi ang situwasyon sa lalawigan diin maoy gipatigbabaw nila ang kultura sa kahadlok ug pagterorismo sa mga katawhan.

Wala isalikway ang posibilidad nga ang bomba nga miboto didto sa Sibuco gitagana aron sa pagkutlo sa kinabuhi sa gobernador nga gikatakdang magpahigayon ug proclamation rally sa maong lugar. (Press Freedom, Vol. XIX No. 30)

8T sakop sa PDMC mosuporta ni Yebes

Gideklarar sa master sa Philippine Divine Missionary Church 4K sa Zamboanga del Norte ang hingpit nga pagsuporta sa kapin sa walo ka libu ka mga botanting meyembro niini alang na sa kandidatura ni Governor Lando Yebes ug mga kaubang pilionon sa APP-KAMPI.

Kini ang gipalanog ni Monsignor Fulgencio Marinduque, Sr. ang giilang master sa grupong PDMC 4K nga nagbasi didto sa Barangay Manguilay, Siayan kagahapong adlawa sa dihang mibisita ang mga pilionon sa Alliance of Parties for Progress-Kabalikat ng Malayang Pilipino sa maong lugar. Sa nasayran mokabat sa kapin sa walo ka libu ka mga rehistradong botante nga sakup sa 4K ang nakatag sa nagkadaiyang kalungsuran sa ZaNorte.

Ang tingog ni Master Fulgencio Marinduque, Sr. maoy agdon sa tanang mga sakup niini kon si kinsa ang ilang suportahan karong umaabot eleksiyon sa Mayo 14. Ang pagsuporta ni Master Marinduque ngadto kang Governor Yebes gitunol niya sa una pang higayon nga milansar kini sa pagka gobernador sa eleksiyon sa 2004. Si Governor Yebes giila ni Master Marinduque nga kabahin sa ilang kaigsoon sa grupo tungod sa gihatag niining pagsuporta bisan wala pa kini makalingkud sa katungdanan.

Si Master Marinduque sa iyang pakigpulong atubangan sa iyang mga sakup sa PDMC 4K mipatulo sa iyang mga luha ug nakita usab nga pipila sa iyang mga meyembro ang nanghilak. Giklaro niini nga kinahanglan wala gayuy mopisik sa ilang meyembro nga mobotar sa laing kandidatu. Kini mipagawas usab sa iyang pasidaan nga kadtong mga meyembro sa 4K nga dili motuo ug motuman sa iyang hangyo dili na pagailhon nga sakup sa ilang simbahan. Gipahimangnuan usab niya ang tanang sakup sa 4K nga dili magpadala ug magpatintal sa mga kuwarta nga itanyag sa ubang mga kandidatu.

Uban sa gideklarar ni Master Pi nga suportahan sa ilang grupo karong eleksiyon mao sila si Vice Governor Francis Olvis uban sa upat ka mga pilionon sa pagka bokal nga sila si Board Member Cedric Adriatico, Atty. Alan Ranillo, Atty. Ricky Mejorada ug Board Member Edionar Zamoras uban na usab niini si Matt Ranillo III alang sa pagka kongresista sa 2nd district. Giklaro usab ni Master Pi nga ang 4K dili usab makatalikud sa pagsuporta sa kandidatura ni Mayor Wilfredo “Nonoy” Siasico pagka mayor sa Siayan tungod kay nakapanumpa ang ilang grupo nga ang tanang kaliwat ni Abun Siasico ang amahan sa mayor maoy nagtabang sa grupo ni Marinduque nga maka-establisar ug lugar sa ilang grupo sa Barangay Manguilay.

Ilawom sa komonidad sa PDMC 4K sa Manguilar higpit nga gipatigbabaw ang pagdisiplina diin gisalikway sa maong grupo ang tanang matang sa mga kahilayan ug bisyo. Sa nasayran alang sa mga babaye higpit nga gidili nga makasulod sa Manguilay kadtong mga babaye nga magkarsones kay maoy ilang dress code nga ang mga babaye kinahanglang magsayal. (Press Freedom, Vol. XIX No. 30)

Pagwaldas kwarta sa Dipolog gisaway ni Mejorada

Kusganong gisaway ni Atty. Ricky Mejorada ang padayong pagwaldas karon sa kasamtangang adminis-trasyon sa Dipolog sa pundo nga para sa katawhang Dipolog kay gigastu kini sa pagpangampanya sa ubang mga kalungsuran sa lalawigan sa Zamboanga del Norte.

Matud pa ni Mejorada, nga meyembro sa Sangguniang Panlungsod sa Dipolog ug karon milansar sa pagka board member sa 2nd district sa ZaNorte, nga ang nasinating pag-umento sa singil sa buhis sa dakbayan makatarunganon ra kay ang katuyuan niini mao man ang paghipos ug dugang pundo para magamit sa paghatud sa dugang sirbisyo ngadto sa mga katawhang Dipolognon. Ang nakangil-ad niini karon kay ang kuwarta sa siyudad sa Dipolog gigamit na man sa paggastu hangtud sa ubang kalungsuran sa lalawigan.

Matud pa ni Mejorada ang gihimong pagwaldas karon sa kasamtangang adminis-trasyon sa Dipolog matataw kaayo diha na sa paggamit nila sa sakyanan sa city government nga dalhon hangtud sa 3rd district uban sa pag-usik-usik sa gasoline. Nalakip na niini matud pa niya ang pagpagamit sa heavy equipment sa Dipolog ngadto sa ubang mga kalungsuran nga walay gisingil nga renta bisan pa man ug aduna silay ordinansa nga nagmandu nga kinahanglang maningil ug abangan ang siyudad kon gamiton kini sa ubang kagamhanang local o kaha sa barangay nga gawas na sa hurisdiksiyonsa dakbayan.

Tungod sa maong pagwaldas sa kuwarta sa Dipolog ang mga katawhang Dipolognon maoy naduot kay karon gipaninglan ug dugang buluhisan nga maoy ilang gigamit sa paggastu sa ubang kalungsuran. Matud pa ni Mejorada sa iyang nakita kini maoy hinungdan kon ngano nga nagpa-umento karon ang Dipolog sa gisingil niining bayad sa buhis sa mga magpapatigayon ug yanung katawhan kay ang ubang tinubdan sa salapi sa panudlanan sa siyudad giusik-usikan man sa administrasyon ilabi na sa rental sa heavy equipment. (Press Freedom, Vol. XIX No. 30)

APP-KAMPI nagpadas-og pamolitika nga makabusog

Ang politika sa tiyan o paghatag ug pagkaun o panginabuhi sa mga katawhan mao karoy tema sa kampanya sa Alliance of Parties for Progress-Kabalikat ng Malayang Pilipino o APP-KAMPI.

Kini ang dugukan sa mga isyu nga ilang gihisgutan sa nagkadaiya niining mga kampanya gikan sa Dipolog hangtud na sa mga kalungsuran sa Zamboanga del Norte. Si Governor Lando Yebes sa iyang mga pakigpulong sa nagkadaiya nilang mga political rallies maoy gipahibawo niini nga sa ika duha niyang termino maoy prayoridad ang kabahin na sa livelihood o panginabuhian sa mga katawhan.

Matud pa ni Governor Yebes kini maoy magsunod sa gilusad nilang Provincial Health Care Assistance Program ilawom sa Barangay Indigent Beneficiaries Organization o LANDO BIBO. Gipaklaro sa gobernador nga dili lamang kutob sa libreng pagpatambal sa nagkadaiyang hospital sa kagamhanan sa probinsiya ang madawat nga sirbisyo sa mga meyembro sa LANDO BIBO kon dili sila usab ang unang magpakadawat sa mga livelihood projects sa probinsiya.

Matud pa ni Governor Yebes sa budget karong 2007 dakung pundo ang gipahat nga gitagana para sa livelihood program nga mokabat ug pipila ka milyon ka pesos kay kini maoy tuyo sa kagamhanang probinsiyal nga ang mga katawhan sa ZaNorte mahaw-as sa kalisud aron ang lalawigan malaksi na sa pinaka pordoy nga probinsiya sa survey sa tuig 2003 panahon sa administrasyon ni kanhi Governor Isagani Amatong. Sa dihang gisuwayan ug komparar ang gigahing pundo sa Dipolog para livelihood karong tuiga nakita nga mokabat sa P500 mil pesos lamang ang gipahat sa mayor.

Ang politika sa tiyan gihisgutan usab kagahapon ni Mayor Wilfredo “Nonoy” Siasico sa Siayan nga mibalik karon sa pagkandidatu pagka mayor sa ilang lungsod karon nga motapos na usab ang termino sa iyang maguwang nga si Mayor Abundio “Gorbac” Siasico, Jr. Matud pa ni Mayor Nonoy Siasico sa unang termino niya sa miagi nga siyam ka tuig ang gibuhat niya mao ang pagbuslot sa dalan nga mokonektar sa tanang barangay sa Siayan. Karon nga aduna nay dalan mao na usay iyang ipadas-og ang para sa panginabuhian.

Dili siya gusto nga ang mga katawhan sa Siayan magsalig lamang sa abot sa mais ug lubi nga maoy nag-unang produkto sa ilang lungsod. Iyang gipahibawo daan nga nahan-ay na niya ang iyang plano nga molusad ang munisipyo sa Siayan ug dinaghang pagtanum sa rubber trees sulod sa 22 nila ka mga barangay. Gawas nga kini makaha-tag sa iyang katawhan ug dugang income sa ilang pamilya makatabang usab kini sa pagpalunhaw ug balik sa ilang kabukiran nga karon cogon na lang ang miturok kay wala nay kahoy.

Susamang panawagan ang gihisgutan usab sa APP-KAMPI sa Dipolog sa ilang mga kampanya. Si Engr. Ed Yebes, ang kandidatu sa KAMPI pagka bise mayor sa Dipolog nagkanayon nga ang livelihood maoy hatagan sa unang pagtagad nila ni Congressman Roseller Barinaga, kay wala kini hatagi ug bili sa kasamtangan karong administrasyon sa Dipolog.

Kini ang hinungdan nga ang mga katawhan sa kabarangayan sa Dipolog nagapabiling naglisud hangtud karon atubangan sa gipanghinambog nga mga kongkretong dalan ug boulevard dinhi sa poblacion. Pipila sa iyang gihisgutan mao ang pagtukod ug kooperatiba para sa mga mananagat sa Dipolog, pagtabang sa pagpalambo sa pasilidad sa irigasyon aron ang mga mag-uuma siguradong makatanum ug adunay pagkaun sa ilang pamilya. (Press Freedom, Vol. XIX No. 30)

ROSAL GIHUKASAN SA IYANG PAGKA ABOGADO NI BERTO

Gihukasan na sa iyang pagka abogado ni Mayor Roberto Young Uy si Atty. Kenneth Rosal human siya maoy gibasol sa mga kapalpakan diha sa paghupot sa mga kaso batok sa mayor sa dakbayan sa Dipolog.

Sumala pa si Atty. Kenneth Rosal maoy gibasol karon ni Atty. Paulino Gudmalin sa mga kapalpakan niini sa paghupot sa mga kaso sa Lakas-CMD. Kini gisundan sa pagkatap sa text messages nga gipadangat ngadto sa mga kandidatu sa Lakas nga mga abogado nga nag-awhag alang na sa pagpalagpot kang Atty. Rosal pagka abogado sa mayor sa Dipolog ug paghawid sa pipila ka mga kaso sa partido.

Sumala pa gibasol nila ni Atty. Peter Co ug Atty. Edgar Baguio si Rosal nga kini nagkuwang sa tukmang professional care ug wanton disregard sa pagpanalipod a iyang kleyente ilabi na ni Mayor Roberto Young Uy. Sa nasayran upat ka mga sensitibong kaso sa Lakas-CMD ang gilaksi gikan sa paghupot ni Atty. Rosal. Sumala pa gisaway ug maayo ni Gudmalin si Atty. Rosal nga usa ka abogado nga dili angayang kasaligan sa iyang mga kleyente.

Nakita usab sa mga abogado sa Lakas nga si Atty. Rosal nagdinanghag ug nakakomitir sa mga dagkung kasaypanan nga dili mapasaylo sama sa verification sa tubag ni Mayor Roberto Young Uy sa kasong disqualification nga gipetsahan ug Enero 18, 2007 ug didto mapahigayon sa lungsod sa Tampilisan, Zamboanga del Norte, samtang ang kasong disqualification napasaka batok kang Berto niadto pang April 2, 2007. Gawas niini misuway pa si Atty. Rosal sa pagpalsipikar sa birth certificate ni Mayor Roberto Young Uy pinaagi sa pagtamper sa declaration sa citizenship niini gikan sa Chinese ngadto sa Filipino nga sinuwat lamang sa mga kamot.

Imbes masulbad ang problema napun-an na hinoon kay laing kasong criminal nga falsification of public documents ang gipasaka karon batok kang Mayor Uy. Dugang pang sayup nga nabuhat ni Rosal mao ang pagbutang sa pangalan ni Mayor Roberto Young Uy sa gisumitir nilang memorandum sa kasong disqualification ngadto sa Roberto Yang Uy nga maoy nakapadugang sa kalibog kabahin na sa pangalan ug bansagon ingon man citizenship ni Mayor Roberto Young Uy. (Press Freedom, Vol. XIX No. 30)

PINPIN GIPLANOHAN KARON MOSUBSTITUTE NI BERTO

Atubangan sa pagkalusno karon sa kampanya ni Mayor Roberto Young Uy ning dakbayan sa Dipolog maoy giandam karon nila ang pagpalansar sa anak niini sa gawas nga nagbatun ra sa susama niya nga pangalan nga si Roberto “Pinpin” Uy, Jr. alang na sa pagka gobernador.

Sumala pa kini karon ang giandam nga plano sa mayor sa dakbayan sa Dipolog atubangan sa kasong disqualification nga gipasaka ni Anecito “Abbey” Canturias batok sa iyang kandidatura pagka gobernador. Kasaligang tinubdan mibutyag nga si Pinpin maoy himoong substitute ni Mayor Roberto Young Uy nga mokandidatu sa pagka gobernador sa tinguha nga salbahon ang kandidatura sa iyang nga si Evelyn sa pagka mayor sa dakbayan sa Dipolog nga nakita karong mikari-ring.

Sukad nga gipasaka atubangan sa COMELEC ang kasong disqualification batok ni Mayor Roberto Young Uy ug paglansar usab sa laing Roberto Yang Uy sa Baliguian alang na sa pagka gobernador, namatikdan nga naluya ang kampanya niini sa mga kalungsuran. Matud pa ni Canturias 90 porciento nga madisqualify ang kandidatura ni Mayor Uy sa pagka gobernador tungod kay klaro nga bikil ang iyang citizenship diin gipakita sa iyang birth records gikan sa Municipal Civil Registrar sa Rizal, Zamboanga del Norte nga hangtud karon nagapabilin siyang usa ka lunsay nga langyaw kay nagapabiling Chinese ang nakabutang sa declaration sa iyang citizenship.

Ang nasangpit nga kaso gikatakda nang paga disisyonan sa COMELEC Manila. Samtang ang gisaad niining minilyon ka pesos nga campaign funds nga gipasalig ngadto sa ilang mga kandidatu pagka mayor sa nagkadaiyang lungsod sa ZaNorte, pabiling wala ipagawas hangtud karon human migawas ang resulta sa gihimo nilang survey nga mapilde siya karong eleksiyon sa Mayo 14, 2007. Sa nakita aktibo karong nag-uban uban sa mga kampanya sa iyang asawa si Berto dinhi sa Dipolog ilawom sa gisunod nilang Oplan “Save the Queen”.

Atubangan sa kakuwang sa kahibawo ni Mayor Roberto Young Uy sa pagtubag sa nagkadaiyang mga isyu nga gipuntirya sa iyang kandidatura ilabi na sa mga nanggawas nga Audit Observation Memorandum gikan sa Commission on Audit, maoy gigamit karon sa ilang grupo ang pipila ka mga konsehal sa dakbayan sa Dipolog nga maoy mopaghut ug isyu batok kang Governor Lando Yebes. Kini pagpa-ila lamang nga si Mayor Roberto Young Uy uban sa iyang asawa dili maantigong motubag sa nagkadaiyang isyu may kalabutan na sa pagpadagan sa siyudad sa Dipolog atubangan sa nakita sa COA nga garapalang kurapsiyon sa kasamtangang administrasyon karon.

Nasayran nga halus tanang kandidatu ni Berto sa mga kalungsuran ang nagbagulbol kay wala kini motuman sa gipasalig nga minilyon ka pesos nga campaign funds. (Press Freedom, Vol. XIX No. 30)

IGSOON NI BERTO WALA PA GANI SA GAHUM MISUWAY NA UG PALUSOT

Wala pa gani makalingkud sa gahum pagka amahan sa probinsiya si Mayor Roberto Young Uy sa dakbayan sa Dipolog, nagpakita na sa ilang pag-abusar ang mga igsoon niini. Sa nasayran misuway na unta sa pagpalusot ang igsoon sa mayor sa Dipolog nga si Oligario “Kimpu” Uy pinaagi sa paghakut ug mga sand and gravel nga walay tukmang mga papeles o dokumento.

Kini gikonpirmar mismo ni Governor Lando Yebes, nga nadakpan ang mga dumptruck ni Kimpu nga naghakot ug mga balas kay walay gika presentar nga mga dokumento nga ang gihakut niining sand and gravel gikan sa usa ka lehitimong permitee nga nagbayad sa tukmang buhis ngadto sa kagamhanang probinsiyal. Tungod kay naanad na ang pamilya sa mayor ug mga palusot sa balaod, si Kimpu mitawag sa gobernador ug misuway sa paghangyo nga pabuhian ang iyang mga dump truck nga nadakpan sa probinsiya kay amigo ra man sila.

Apan giklaro ni Governor Yebes nga iyaha gayud nga gibalibaran si Kimpu sa iyang hangyo kay adunay may gipatigbabaw nga balaod ang kagamhanang probinsiyal nga gipatuman patas alang sa tanang katawhan sa ZaNorte masapian man ka o pobre o amigo man o dili sa gobernador. Gimanduan karon ni Governor Yebes ang Provincial Environment and Development Office nga andamon na ang kaso nga ipasaka batok kang Kimpu atubangan sa nahimo niining kalapasan sa balaod sa paghakut ug sand and gravel nga walay hustong dokumento gikan sa gobyerno. (Press Freedom, Vol. XIX No. 30)

SI BERTO YANG UY SA BALIGUIAN MAO NA LAY NABILING KONTRA NI YEBES

Usa na lang ka Roberto Yang Uy nga taga Baliguian ang nahibiling kontra karon pagka gobernador ni Governor Lando Yebes sa eleksiyon sa Mayo 14. Kini usab ang gipalanog ni Mayor Mariano Candelaria, Jr. sa lungsod sa Gutalac, Zamboanga del Norte sa gipahigayon nilang proclamation rally nga gitambongan sa modul-an sa walo ka libu ka mga katawhan.

Matud pa ni Mayor Candelaria, sa 3rd district sa ilang nasayran nga si Mayor Roberto Young Uy sa Dipolog disqualified na sa iyang kandidatura tungod kay napamatud-ang usa ka lunsay nga langyaw basi sa iyang birth records gikan sa Municipal Civil Registrar sa lungsod sa Rizal. Tungod niini matud pa ni Mayor Candelaria usa na lang ka Roberto Yang Uy ang nahibiling kaatbang ni Governor Yebes karong eleksiyon sa Mayo 14 nga taga Baliguian.

Sa samang bahin gibutyag ni Mayor Candelaria nga karon nga naklaro na gayud ang tanan nga siya ug si Vice Mayor Nonito Miraveles mao gayud ang matuod nga namunuan sa ilang lungsod mas misamot ug kadaghan ang ilang mga supporters diin ubay-ubay nga mga kapitan ang mipalandong karon sa ilang grupo. Kagahapon sa ilang proclamation rally ilang gibana-bana nga mokabat sa lima ka libu ka mga tawo ang motambong, apan matud pa ni Mayor Candelaria nasayup sila kay ang 20 ka sakung bugas nga iyang gipalung-ag para tsibug sa katawhan gikuwang man diin nagpadugang na usab siya ug pipila ka saku tungod kay misobra sa lima ka libu ka katawhan ang mitambong sa ilang kalihukan sa politika kagahapong adlawa.

Daku ang pagsalig ni Mayor Candelaria nga wala nay limbong sa eleksiyon nga mahitabo sa ilang lungsod dili sama sa eleksiyon sa 2004 nga giliminan gayud sa pagpanikas ug kini nadasonan mismo sa korte sa dihang napilde ang mga Carloto sa kaso sa eleksiyon. Sumala pa niya karon nga siya na ang mayor sa Gutalac mibalik ug tigbabaw ang kamalinawon sa ilang lungsod sukwahi sa panahon sa mga Carloto nga daghang kinabuhi sa tawo sa ilang lungsod ang nakalas nga hangtud karon wala mahatagi ug hustisya ug kanunay nga nagpanghadlok ang mga katawhan kay nagbuhi ug mga armadong tawo ang kanhi mayor sa ilang lungsod.

Si Mayor Candelaria masaligon nga landslide victory ang APP-KAMPI sa Gutalac kay daghang mga lideres ang mipasilong karon sa ilang grupo diin ang bugtong ug nagapabiling wala mibali ang iyaha na lamang nga kontra nga si kanhi Congressman Angel Carloto. (Press Freedom, Vol. XIX No. 30)

GUBAT UG DILI PINILIAY ANG TUYO NI NOBLE

Dili usa ka malinawong piniliay ang gipangita sa retiradong heneral sa kapulisan nga mikandidatu karon pagka representante sa 3rd congressional district sa Zamboanga del Norte atubangan sa padayon niining paghuro-huro sa mga katawhan sa distrito nga gipanghulga kon dili mobotar pabor kaniya adunay dautang mahitabo kanila. Kini ang gihimong paghulagway ni Congressman Cesar Jalosjos sa iyang kaatbang karong ni si retired Police General Prospero Noble sa Lakas-CMD, human giangkon niini atol sa ilang pagtimaan sa usa ka peace convenant didto sa Liloy nga ang ilang grupo maoy nagtanum sa bomba didto sa Barangay Compra kilid sa tindahan sa barangay kapitan kay kini kabahin lamang sa gilusad niyang psychological warfare o psywar.

Atol sa pagtimaan sa peace covenant niadtong Abril 23, si Congressman Jalosjos miapilar ngadto kang Noble nga undangan na niini ang pagpanghadlok sa katawhan sa 3rd district. Matud pa ni Congressman Jalosjos kini iyaha mismong gipalanog panahon sa ilang pagtimaan sa maong peace covenant didto sa Liloy tungod kay sa iyang nakita kanunay ang gihimong pagpanghadlok ni Noble sa mga katawhan sa distrito nga iyang gipangsultihan nga si kinsa kadtong dili mobotar pabor kaniya makita ra unya nila unsa nga klase nga heneral si Noble.

Human sa maong pakigpulong ni Congressman Jalosjos, pag-abot sa torno ni Noble sa pagdiskorso kini nagkanayon nga ang iyang gibuhat 85 porciento lamang nga psywar nga walay gipasakitang tawo. Kini midugang sa pagpahayag nga ang bomba nga miboto didto sa tindahan sa kapitan sa Barangay Compra sa Liloy dili usab damaging para sa mga katawhan kay wala may nakalas. Matud pa ni Congressman Jalosjos tataw nga giangkon ni Noble nga ang grupo sa Lakas-CMD nga gipanguluhan ni Mayor Roberto Young Uy sa dakbayan sa Dipolog maoy nagpaluyo sa maong mga bombings sa Liloy ug Sibuco.

Gibutyag usab ni Congressman Jalosjos nga besperas sa ilang pagtimaan sa peace covenant si Noble miadto sa Tampilisan sa headquarters ni Janjan Jalosjos kandidatu pagka mayor sa APP-KAMPI sa maong lungsod gitan-aw ang mga sakyanan ug ang opisina apan wala hinoon mosulod dungan sa pagbilin ug mga pulong ngadto sa mga supporters ni Janjan, “Makita ra nila unsa nga klase nga General Noble karong eleksiyon”. Lakip na sa gibauran ni Noble ang mga CAFGU’s nga si kinsa kadtong dili mobotar pabor kaniya taktakon sa sirbisyo.

Samtang didto sa Barangay Lintangan, Sibuco si Noble miluwat usab ug bahad sa mga katawhan nga aduna gayuy mahitabong patay kon dili mobotar pabor kaniya. Si Congressman Jalosjos, mipatin-aw nga gipatun-an na karon nila ni Governor Lando Yebes sa ilang mga abogado ang pagsagup ug legal nga lakang atubangan sa padayon karong pagpanghulga nga gilusad ni Noble ug ang gihimong pag-angkon niini nga ilang grupo sa Lakas maoy nagpaluyo sa mga kasamok karon sa distrito ilabi na sa pagtanum ug mga bomba.

Gitataw usab ni Congressman Jalosjos nga wala siya mahadlok sa gilusad nga psywar ni Noble, kay wala man gani siya mahadlok sa miagi nga usa pa siya ka challenger karon pa hinoon nga siya na maoy naglingkud sa gahum. Tungod usab sa istilo karon ni Noble matud pa sa kongresista mas daghang mga tigpaluyo niini ang mipahawa kay wala makauyon sa iyang mga pamaagi nga pagpanghadlok.         Sumala pa ni Congressman Jalosjos ang panglantaw ni Noble sa 3rd district nga anaa siya sa lugar sa panggubatan busa gigamitan niya ug pagterorismo ang mga katawhan.

Para kaniya ang gipakita ni Noble maka-uuwaw ilabi na nga usa siya ka retiradong heneral sa kapulisan nga maoy gihatagan sa gahum sa paghatag ug siguridad sa atong mga katawhan. (Press Freedom, Vol. XIX No. 30)

KAPITAN PERPER GIPLANOHANG IPALIKIDA NI FERAS

Ipalikida na unta kagabii ni Mayor Carling Feras sa lungsod sa Roxas, Zamboanga del Norte si Kapitan Perpetua “Perper” Montemayor sa Barangay Cape.           Kaganihang kaadlawon gisaysay ni Perper sa Zamboanga del Norte Provincial Police Office nga mga alas 5:30 kagahapon sa hapon nakadawat siya ug tip gikan sa usa ka higala nga si Inday Batocael nga nagmiting ang mga tawo ni Mayor Feras sa maong checkpoint uban nila ni Lito Mandas nga unang misuway sa pagpusil kaniya sa miaging adlaw uban na nila ni Buting Nano, Nestor Nano ug duha ka wala mailhing mga lalaki.

Matud pa ni Perper nabati mismo ni Inday ang ilang panagsabot ni Mandas ug mga kauban nga nagkanayon, “Part mosuba si Kapitan, suba pod ta kay ato nang likidahon sa Kape. Sumala pa si Buting Nano mitubag ug “Sige parts uli sat a sa balay atong preparahon atong armas”. Mga alas 10 kagabii gipahibawo na usab siya ni Inday pinaagi sa text message ug tawag nga, “Per padulong na diha si Bulusan ug Sir Tingcang ug nasunod silang Nestor Nanon, Buting Nano, Lito Mandas ug duha ka tawo nga wala mailhi.

Si Police Inspector Tingcang ang hepe sa Roxas Police miabot sa balay ni Perper ug misangpit ug, “Kap, naug sa kay mag-istorya ta” Matud pa sa kapitan iyaha kining gitubag nga, “Di lang ko sir ikaw lang saka dire. Busa ang hepe sa Roxas Police maoy misaka sa iyang panimalay ug milingkud sa bangko. Dugang asoy ni Perper iyang gipangutana ang hepe unsay tuyo niini ug gitubag siya nga mibisita lang sa ilang barangay kay nagmonitor sa iyang area. Matud pa ni Perper gipangutana niya ang hepe kinsa iyang mga kuyog nga didto ra sa ubos gitubag siya nga mga sibilyan, sa dihang gisundan niya ug pangutana kon si kinsa kaayo wala na kini motubag kaniya.

Human niya masukit-sukit ang hepe sa Roxas Police nananghid nga mopauli na sila ug sa iyang paglantaw sa ubos maoy iyang nakita nga anaay tulo ka mga motor nga nagsunod sa multicab nga gisakyan sa hepe sa kapulisan. Daku ang iyang pagduda nga ang nagsakay sa motorsiklo mao sila si Mandas ug mga kauban. Sa nasayran wala makalihok sila si Mandas uban sa hepe sa Roxas Police kay didto na sa panimalay ni Kapitan Perper ang mga meyembro sa Provincial Security Group nga maoy naghatag kaniya ug siguridad human makadawat sa tawag gikan ni Inday Batocael ug maoy naghatud kaniya hangtud na sa provincial police office diin ang kapitan misaysay sa iyang report. (Press Freedom, Vol. XIX No. 30)

RALLY SA APP-KAMPI KANUNAY’NG GISUWAYAN UG BULABOG SA MAYOR

Gisuwayan kanunay sa mayor ning dakbayan sa Dipolog nga mabulabog ang mga rallies sa mga pilionon sa Alliance of Parties for Progress-Kabalakit ng Malayang Pilipino o APP-KAMPI apan wala mosalir. Kini ang gikonpirmar ni Engr. Ed Yebes kandidatu pagka bise mayor sa Dipolog sa APP-KAMPI kinsa misaysay nga kini maoy ilang namatikdan sa mga rallies nga ilang gipahigayon diha sa mga purok.

Sumala pa niya didto sa Olingan samtang nagtapok-tapok sila uban sa ilang mga supporters sulod sa usa ka pribadong laguerta, pipila sa mga naminaw sa ilang rally ang gisulod sa mga tawo sa mayor ug gisuwayan sa pagbunlot nga dili maminaw. Gawas niini gigamit usab sa mayor sa Dipolog ang iyang mga operatiba sa Team DAVID nga magpahigayon ug checkpoint sa mga dalan paingon sa lugar diin magpahigayon ug rally ang grupo nila ni Congressman Roseller “Matoy” Barinaga ug Ed Yebes.

Sa ilang kabahin giklaro ni Ed Yebes nga wala sukad mahitabo nga sila manghilabot sa rally sa ilang kaatbang nga ang mga tawo nga maminaw kanila ilang panghulboton o kaha babagan aron dili makatambong. Wala usab mahitabo nga maghakut sila ug mga tawo para maminaw sa ilang mga rallies aron ipakita nga daghan ang nanambong nga gikuha pa gikan sa laing mga lugar, dugang sa pahayag ni Ed Yebes. Kini gidasonan usab ni Atty. Alan Ranillo pilionon pagka board member sa 2nd district sa APP-KAMPI kinsa nagkanayon nga sa iyang nakita ang ubang tawo nga naminaw sa rally sa ilang kaatbang daw katulgon kay gipul-an na ug paminaw sa diskorso sa ilang mga kandidatu nga nagbalik-balik na lamang.

Matud pa ni Atty. Ranillo kini maoy hinungdan nga daw dili kaayo dasig usab ang mga kandidatu sa pikas sa ilang mga rallies kay mao rang mga tawhana ang nagsige ug paminaw sa ilang istorya. (Press Freedom, Vol. XIX No. 30)

YEBES UG OLVIS NANGATAWA LAMANG SA
BALITA NGA NANGAMOTE SILA SA SURVEY

Gikataw-an lamang nila ni Governor Lando Yebes ug Vice Governor Francis Olvis ang balita nga nangamote sila sa survey. Kini ang nahimong reaksiyon nila ni Governor Yebes ug Vice Governor Olvis, kinsa nagkanayon nga gibali lang sa pikas ang pagbasa sa ilang kaugalingong survey diin ang mayor sa dakbayan sa Dipolog nagsirit paingon sa ubos.

Kini gikonpirmar ni Mayor Wilfredo “Nonoy” Siasico sa lungsod sa Siayan, kinsa nagkanayon nga sa ilang actual survey nga house-to-house sa ilang lungsod si Berto nanampot kon itandi sa nakuha nga suporta ni Governor Yebes. Gipakita ni Nonoy Siasico ang resulta sa ilang house-to-house survey sa 22 ka barangay sa lungsod sa Siayan gikan sa Abril 16-21, 2007 si Governor Yebes mitala ug 7,859 nga mipabor samtang ang mayor sa Dipolog mitala lamang ug 1,476 ang nahipos nga suporta.

Samtang alang sa pagka bise gobernador si Vice Governor Francis Olvis mitala ug 6,964 komparar sa iyang kaatbang nga nakakuha lamang ug 1,453. Ang lungsod sa Siayan matud pa ni Mayor Nonoy Siasico nagbatun ug 15,786 ka mga rehistradong botante para sa eleksiyon sa Mayo 14. (Press Freedom, Vol. XIX No. 30)

Local Civil Registrar Office sa Rizal
gibantayan sa hulgang sunogon

Dugang guwardiya ang gi-destino karon palibot sa municipal administration building sa lungsod sa Rizal, ning lalawigan sa Zamboanga del Norte, uban sa kahadlok nga sunugon ang buhatan sa Local Civil Registrar. Gipabantayan pag-ayo ni Mayor Roseller Manigsaca ang munisipyo karon sa iyang lungsod, ilabina ang opisina ni Civil Registrar Patricio Dompalis, diin gitipigan ang original birth certificate ni Mayor Roberto Uy.

Ang kagamhanang local nakadawat og taho nga dunay wa hiilhi mga tawo ang aligid-aligid sa munisipyo daw nanu-op kon nangispiya kon unsa kahugot ang bantay sa balay-lungsod. Padayong nagdahik ug nagluya ang depensa ni Mayor Uy sa election disqualification petition nga gisang-at ni investigative journalist Aniceto “Abbey” Canturias human mapalpak ang pagsulay sa pag-ilad kang Dompalis ngadto sa pagpirma sa usa ka bag-ong birth registry nga nagpakita nga si Uy usa ka Filipino.

Uban sa pagkapalpak sa iyang maniobra, napakyas usab si Mayor Uy pagsumitir sa CERTIFIED COPY sa iyang birth registry records, butang nga maoy nakalig-on sa petition ni Canturias. Si Civil Registrar Dompalis milagda og sworn statement nga nagsaysay sa pagsulay unta pagpapirma kaniya sa usa ka sinurikbot nga kopya sa birth certificate ni Uy, kinsa nagpapili karon pagka-gobernador. Nagkalisod pagpanalipod kang Mayor U yang abogado niini sanglit napakyas man ang mayor pagsumitir sa mga DULY CERTIFIED COPIES sa mga birth certificate niini gikan sa Local Registrar sa lungsod sa Rizal.

Dakong buslot usab ang pagkatawo ni Uy, sanglit iyang rehistro sa tuig 1998 mao man ang ROBERTO YOUNG UY apan iyang certificate of candidacy ROBERTO YU UY. Naglisod usab sila pagpahayag kon nganong YU UY ang milansar pagka-mayor sa 1998 ug 2001 apan ang rehistro isip botante nagdala sa bansagon YOUNG UY. Gitataw diha sa disqualification petition ni Canturias nga hingpit nga langyaw si Mayor Uy ug way katungod nga modagan pagka-gobernador. Gi-kwestiyon usab ni Canturias si kanhi chief editor sa mantalaang The Freeman, nga illegal ang paglansar ni Uy nga mayor sa Dipolog sulod sa tulo ka termino gikan sa tuig 1998. (Mindanao Star, Vol.III No.13)

Bidding bond gibawi sa supplier kay bisan
kausa wala kadaug sa mga bidding sa Dipolog

Gibawi na lamang sa usa sa dakong supplier ug negosyante dinhi sa dakbayan ang iyang bond gikan sa city General Services Office sa Dipolog tungod kay bisan sa usa ka higayon wala gayod kini makadaog sa mga bidding nga gipahigayon ubos sa administrasyon ni Mayor Berto Uy. “Nawad-an na ko sa paglaom nga makadaog sa bidding sa syudad busa ako na lamang gibawi ang akong bond sa kantidad nga 10 mil pesos kay nabutang nga wala na kini kapuslanan” mao kini ang pagtuaw sa maong dako ug inilang negosyante kinsa mihangyo nga dili lang magpa-ila dinhi sa kahanginan.

Matud pa sa maong negosyante tuig 2005 mibutang siya sa bond sa kantidad 10 mil pesos ngadto sa CGSO sa pamasin nga makasalmot ug makadaog sa bidding nga himoon sa kagamhanan sa Dipolog alang sa pag-supply sa mga gikinahanglan niining mga materyales alang sa padayong operasyon sa syudad. Apan subong palandungon matup pa sa maong negosyante sukad sa iyang pagbutang sa bond og hangtod karon, wala gayod ni bisan maka-usa nga higayon nga siya nakadaog sa bidding nga gipahigayon sa Bids and Awards Committee inabagan sa CGSO.

Alang kaniya eligible siya sa pag-apil sa bidding apan bisan kausa wala matawag ang iyang atensyon ug usahay iya na lamang madunggan nga aduna nay delivery sa mga materyales nga sa matang sa iyang negosyo kaya niyang ma-supply ngadto sa kagamhanan sa Dipolog. Dugang niyang gipahayag ang hinungdan nga dili gayod siya makadaog sa bidding nga himoon sa syudad tungod kay ang pamilya ni Mayor Berto Uy maoy kanunayng migulang modaug sa bidding nga unta sa iyang nasayran walay negosyo nga gibatunan sa pag-supply sama sa mga grocery items.

Ang maong pahayag sa naasoyng negosyante mao karon ang mikonpirmar sa una nang impormasyon mahitungod sa magic nga gihimo sa pamilya sa mayor nga maoy tuyu-on sa pagpadaog sa bidding ug mo-supply sa mga materyales nga gikinahanglan sa usa ka transaction pinaagi sa pagpangayo og blanko nga resibo gikan sa ilang mga higalang negosyante. Matud pa nga dugay nang gihimo kini sa pamilya ni Mayor Uy nga bisan wala silay negosyo nga magtugot kanilang mahimong legal nga supplier sa usa ka transaction apan katingalahan tungod kay sa gihapon sila maoy mo-supply niini.

Kini sama sa isyu mahitungod sa pag-supply sa mga ligid sa sakyanan nga branded diin, nasayrang usa lamang ang sole ug exclusive distributor dinhi sa Zamboanga del Norte apan katingalahan kay dili pa gayod ang mogulang winning bidder ka yang igsuon sa mayor mao pa ang nakadaog ug mo-supply niini. Alang sa maong negosyante dinhi sa Dipolog, dayag kaayo nga tanang mga transaction sa Dipolog gikontrolar na sa pamilya sa mayor ug silang mga sama kanilang negosyante gihikawan ug gipihig. Kini matud pa niya nga nagpakita lamang sa matuod gayod nga ang pamilya ni Mayor Uy mga hakog nga negosyante nga walay laing tuyo dinha sa paghupot sa gobyerno mao nga aron kontrolahon ang tanang transation sa negosyo sa ilang pamilya. (Mindanao Star, Vol.III No.13)

Nagkadaiyang hut-ong sa dakbayan
andam mosuporta ni Barinaga ug Yebes

Padayon ang mainitong pagdawat ug pag-abi abi karon sa katawhang Dipolognon sa grupo nila ni Matoy Barinaga ug pili-onon pagka-bise Mayor Engr. Ed Yebes tungod sa mga maayong plataporma nga gipadayag niini sa matag kampanya nga gihimo libot ning dakbayan.

Matud pa sa mga residente sa Laoy, Olingan ug usab mga residente sa barangay Barra kaniadtong miaging adlaw nga tinuod nagtan-aw gayud sa kaayohan sa bagang duot sa katawhan ning dakbayan ang mga panulti sa grupo nila ni Barinaga. Dako ang pagsalig sa katawhan sa Dipolog nga matilawan na gayud nila ang tinuoray nga grasya panahon Yebes ug Barinaga na ang mohupot unya sa renda sa pangagamhanan sa dakbayan.

Angayang kahibaloan nga kaniadtong nakalabay’ng adlaw adunay nagkadaiyang hut-ong sa mga mangingisda, mag-uuma ug mga drayber ning dakbayan ang miduol sa grupo nila ni Barinaga ug Yebes ug mipasalig nga andam silang mosuporta sa kandidatura niini. Mipadayag ang maong mga grupo nga ubanan nila si Matoy ug Ed Yebes sa kawsa sa pagpanday sa bag-ong Dipolog uban sa pagpanghinaut nga suportahan usab ang ilang tagsa-tagsa ka sector aron dungan kab-oton niini ang paglambo sa syudad sa Dipolog.

Tubag usab ni pili-onon pagka-bise Mayor Ed Yebes sa maong mga grupo nga andam siya mohatag sa ayuda niini panahon siya na unya ang mohupot sa ikaduhang pinakataas nga pwesto sa dakbayan, dili gayud niya kawangon ang hangyo niini gumikan kay matud pa niya nga ang maong mga grupo ang dugay dugay na kining wala nakatilaw sa benepisyo sa kasamtangang administrasyon gumikan kay inprastraktura man lamang ang kanunay’ng gitutukan niini. (Mindanao Star, Vol.III No.13)

Gov. Yebes milabaw gihapon sa survey
batok kang Berto Uy sa Siayan

Milabaw gihapon ang nakuhang botos ni Incumbent Governor Rolando Yebes batok kang Dipolog City Mayor Roberto Uy alang sa posisyon pagka-gobernador sa probinsiya subay sa gihimong Monitoring Survey Update karong umalabot May 14 Elections sa mga nagpakabanang pribadong kahugpungan didto sa lungsod sa Siayan ning lalawigan.

Sa nakuhang impormasyon ning inyong tigsulat basi sa usa ka Monitoring Survey Update nga pinitsahan Abril 16 hangtud na sa Abril 26 ning tuiga diin sulod sa 22 ka mga barangay sa lungsod sa Siayan nga adunay 15, 786 Registered Voters migawas sa naasoy’ng survey nga sa pagka-gobernador labaw gihapon ang nakuhang botos ni Incumbent Governor Rolando Yebes nga adunay 10, 048 votes batok kang Dipolog City Mayor Roberto Uy nga nakakuha lamang kinig 1,726 votes.  Sa pagka-bise gobernador migula nga milabaw si Incumbent Vice – Governor Francis Olvis nga adunay 8, 638 votes batok kang Ian Amatong nga mitala lamang kinig 1, 649 votes.

Sa pagka- Congressman sa ikaduhang distrito sa lalawigan milabaw ang nakuhang botos ni Matt Ranillo nga adunay 6, 272 votes batok kang Dodoy Labadlabad nga adunay 5, 122 votes.  Samtang sa pagka – Mayor sa naasoy’ng lungsod milabaw gihapon ang nakuhang botos ni Ex – Mayor Wilfredo “ Nonoy “ Siasico nga mitala sa 10, 098 votes batok kang ABC President Daisy Limbang nga mikuha lamang kini sa 1, 554 votes.  Sa pagka – Bise Mayor milabaw ang botos ni pilionon konsehal Oliver Romero nga mitala sa 7, 482 votes batok kang Konsehal Oliver Atay nga nakakuha lamang kini sa 1, 988 votes.

Gikahibaluan nga ang maong Monitoring Survey Update nagasentro lamang kini sa posisyon pagka – Gobernador, Bise – Gobernador, Congressman sa ikaduhang distrito, Mayor ug Bise – Mayor sa lungsod sa Siayan ug kini ginahimo sa matag adlaw. Dugang nasayran nga matud pa sa usa natong sinaligang tinubdan diin mihimo usab ug survey ang kampo ni Dipolog City Mayor Roberto Uy sa naasoy’ng lungsod apan migula gihapon nga nag – una o milabaw ang nakuhang botos ni Incumbent Governor Rolando Yebes sa ilang survey.

Pipila usab ka mga kapitanes sulod sa 22 ka barangay sa nasangpit nga lungsod ang kusganong mipadayag nga ila gayuy’ng paningkamutan nga siruhon gayud o wala gayu’y makuha nga botos sa ilang barangay si pilionon pagka – gobernador Dipolog City Mayor Roberto Uy sa lungsod sa Siayan, Zamboanga del Norte. (Pedmark, Mindanao Star, Vol.III No.13)

APP-KAMPI proclamation rally sa
kalungsoran padayong naghaguros

Sukwahi sa gipakatap sa mga kaatbang sa politika ni Gov. Rolando E. Yebes nga nagkatibulaag na ang ilang partido tungod kay niining nagkaduol na ang pililiay padayong naghaguros sa kakusog ang Alliance of Parties for Progress kon APP ilawom sa bando sa KAMPI kon Kabalikat ng Malayang Pilipino.

Bisan pa man sa pipila ka mga hulga nga pakgangon ang panagtago sa mga lideres sa probinsiya didto sa lungsod sa Sibuco, kini wala makapugong sa malampusong panagtapok sa mga kandidato sa probinsiya ug sa mga pili-onon sa maong lungsod kaniadtong Sabado nga gitambungan sa mokabat dos mil ka mga lideres lakip na sa mga kabarangayan nga solidong nagsuporta sa APP-KAMPI. Si Mayor Norbi Edding sa lungsod sa Sibuco nagkanayon nga usa ka adlaw sa wala pa nahidangat sa iyang lungsod ang grupo nila ni Gov. Yebes ug Cong. Cesar Jalosjos ang iyang mga kapulisan nakakonpiskar sa tulo ka mga bomba nga diin ang usa niini mibuto samtang ang duha ilang nadispatsar ug maayo na lang kay walay napagan dihang mibuto ang usa niini.

Sa panagtapok sa mga lideres sa maong lungsod gipakita ni Mayor Edding uban sa iyang anak nga si Board Member Bong Edding ang kakusog sa APP-KAMPI sa Sibuco ug kini andam na nga mosuporta kanila karong piniliay. Human sa lungsod sa Sibuco gisunod sa pagproklamar sa APP-KAMPI ang lungsod sa Serawai diin, misamot na usab kakusog ang grupo sa gobernador didto tungod kay nagkahiusa na man kanila si Mayor Romeo Carino kinsa sa miaging piniliay dili kapartido sa bando ni Gov. Yebes.

Gibisita usab kagahapon sa gobernador uban sa tibuok puwersa sa APP-KAMPI ang barangay Guban nga gisakupan sa Dacon nga kaniadto giilang balwarte sa kaatbang sa politika sa gobernador kinsa karon anaa na ang suporta sa APP-KAMPI ang mokapin singko mil ka mga botante sa maong barangay sakop sa lungsod sa Serawai. Atol sa panagtagbo sa mga lideres didto sa tersiro distrito kini gitambungan gayod sa tanang mga pili-onon sa probinsiya ug distrito sa pagpangulo ni Gov. Yebes. Cong. Jalosjos, Bise Gobernador Baby Olvis, upat ka mga bokal nga subling magpapili sa ilang posisyon nga nagalangkob nila ni Board Member Bong Edding, Jojo Ajero, Anecito Darunday ug Dodong Bolando.

Gisunod usab pagproklamar kagahapon ang mga pili-onon sa lungsod sa Siayan diin, gihugupan gayod sa liboan ka mga katawhan alang sa ilang suporta niini karong piniliay. Paghidangat kagahapon ni Gov. Yebes ug Vice Gov. Olvis sa maong lungsod kini gisugat sa usa ka parada kuyog sa mabagang duot sa katawhan sa pagpangulo ni Mayoralty Candidate Nonoy Siasico uban sa iyang bise mayor ug mga pili-onon sa sanguniang bayan ug ang presinsya ni pili-onon pagkakongresista ang actor nga si Mat Ranillo III u gang upat ka mga pili-onon pagkabokal nga nagalangkob nila ni Bokal Adriatico ug Zamoras nga magpasubli ug ang bag-ong magpapili nga sila si Atty. Allan Ranillo ug Atty. Ricky Mejorada.

Kahinumduman nga kaniadtong Sabado atol sa pagbiyahe sa gobernador padulong sa lungsod sa Sibuco usa ka homemade bomb ang nakaplagang gibutang sa tindahan sa barangay kapitan sa Compra Liloy nga si Kapitana Bienvenida Quirante nga mibuto nga alas 10 ang takna sa buntag nga miresulta sa pagkaguba sa maong tindahan sa barangay kapitan samtang, usa ka land mine usab ang nakompiskar sa mga sakop sa Philippine Army nga gitanom sa utlanan sa dalan sa Baliguian ug Siocon. (Mindanao Star, Vol.III No.13)

LANDO - BIBO Corner
Ginang nagpamatuod nga ang programang Lando-Bibo tinuod nga nagtabang sa mga kabus

“Tinuod gayud diay nga ang programa sa gobernador nagtabang sa mga labawng’ nanginahanglan,” mao kini ang gikonpirmar ni Florida Sugalam Lagura human kini midangop sa opisina sa Community Development Assistance Unit kaniadtong miaging adlaw kinsa nangayo ug ayudang medical sa nasangpit nga buhatan human ang amahan niini nga si Fernando Sugalam ang nalandig kini karon sa tambalanang probinsyal.

Gi-asoy sa anak sa pasyente nga wala sila naghandum nga adunay susama kadako nga tabang gihatag ang kagamhanang probinsyal ngadto kanila pinaagi sa programa niining Lando-Bibo. Dugang pa sa maong ginang nga duha na ka higayon nakabenepisyo ang iyang amahan sa maong programa diha sa tambalanan tungod kay kaniadtong miaging buwan na-admit ang amahan niini gumikan sa pagsuka/kalibang samtang karong panahona nalandig na usab kini gumikan sa renal failure nga gibati niini.

Gibutyag ni Florida nga dili lang diay sa usa ka higayon makabenepisyo sa libreng tambal ug libreng hospitalisasyon diha sa tambalanang probinsyal kung myembro ka sa Lando-Bibo apan pwede ka diayng’ makapahimulos niini sa makadaghan nga higayon. Gikalipay ug dako sa maong ginang uban na sa pamilya niini ang ayudang nadawat gikan sa kagamhanang probinsyal tungod kay dakong menus kini sa ilang galastohang medical.

Gi-awhagan usab ni Mrs. Lagura ang mga katawhan ning lalawigan ilabi na kadtong biktima sa kawad-on nga magpa-myembro na sa Lando-Bibo gumikan kay usa kini ka tinuod nga programa sa gobernador nga nagtan-aw sa panginahanglanong medical sa katawhan ning lalawigan. Sa laing bahin, bisan pa man hinugong ang kampanya sa eleksyon padayon gihapong gidugok ang opisina sa CDAU niadtong mga buot magpamyembro sa Lando-Bibo.

Sugod sa unang adlaw sa Abril ning kasamtangang tuig mitala na sa kinatibuk-ang 568 ka mga katawhan nga pulos nagagikan sa tulo ka mga distrito ning lalawigan ang nagpasakop karon sa programang Lando-Bibo. Matud pa ni Aquino Sumalpong, community worker sa maong buhatan ug maoy gitahasan sa pagpasabot sa programang Lando-Bibo nga nagpusot pusot karon ang katawhan nga gusto magpa-myembro sa programa sa gobernador ning lalawigan gumikan kay nasulayan ug napamatud-an na kini sa kadaghanan.

Gipasabot ni Sumalpong nga ang programang Lando-Bibo wala lamang kini nagsentro sa medical nga mga panginahanglanon sa katawhan apan labot usab niini ang mga programang panginabuhian, serbisyong sosyal ug agrikultura. Dugang saysay ni Sumalpong nga sagad nakuhang benepisyo sa mga myembro sa Lando-Bibo sa unang termino ni Gov. Lando Yebes mao ang mga programang pang-medikal ug serbisyong sosyal apan sa sunod nga termino siguradohon sa gobernador nga hingpit mahatag niini ang mga programang panginabuhian ug Agrikultura.

Kini maoy gi-isip sa gobernador nga usa sa mga pamaagi sa pagkumbati sa problema sa kawad-on ning lalawigan. (Mindanao Star, Vol.III No.13)

Brgy. tanod sa Cogon nanghasi ug leader sa APP-KAMPI

NAKATILAW na usab karon ug pagpang-harass ang dumadapig sa APP-KAMPI sa barangay Cogon ning dakbayan sa Dipolog.

Usa ka Amancio Amarille, barangay tanod sa nahisgutang barangay ang kusganong gireklamo gumikan sa gihimo niini niadtong Lunes. Mga alas 10 ang takna sa buntag si Amarille ang matod pa gadala kini ug sundang uban sa usa ka nagngalan ug Jimboy nga pugsanon nga misulod sa balay ni Rosemarie Empremiado sa purok 4, barangay Cogon ug leader sa grupo ni Matoy Barinaga. Ang barangay tanod nga si Amarille ang mi-atubang kini kang Empremiado ug misukna kabahin sa iyang partisipasyon sa kandidatura ni Barinaga ilabina ang iyang pag-apil sa gihimong seminaro o orientation sa mga watchers sa grupo ni Matoy niadtong Dominggo.

Si Amarille ang matod pa mipakita kini sa iyang pagka-arogante sulod mismo sa balay nga miresulta kanila sa mainit nga panaglantugi tali nila ni Empremiado. Sa kahadlok kung unsay dautan nga mahitabo, si Empremiado ang wala na lang kini magtubag-tubag sa barangay tanod gumikan kay niadtong higayuna natungnan usab nga wala diha ang iyang bana. Saksi sa maong hitabo mao ang tulo nila ka mga anak ni Empremiado uban sa iyang ugangan nga gibati usab ug kalisang.

Si Amarille ug ang usa ka nagngalan ug Jimboy ang maoy sinaligan ni Kapitan Paño sa Cogon. Posibling mag-atubang ug kaso ang nahisgutang barangay tanod gumikan sa iyang gihimong pagpang-harass sa usa sa mga dumadapig sa grupo ni Matoy Barinaga ug Ed Yebes. (Mindanao Star, Vol.III No.13)

Pagpangdaut ni Raul Barbaso sa
administrasyong Yebes, dakong mga bakak

Pulos dagkong bakak ang mga pagpabomba ni Atty. Raul Barbaso, piliunon pagka konsehal ning dagbayan batok sa administrasyong Yebes ug Olvis. Kini ang namatikdan karon sa mga supporters sa kasamtangang administrasyon human ilang napaminaw atol sa mga caucus sa partido LAKAS-CMD nga si Barbaso ang permi kining nangdaot sa mga opisyal sa probinsya nga matud pa gihurot kuno pag-gasto ni Gov. Yebes ang pundo nga 710 milyones ka pesos nga naa gi-deposito sa bangko ug nangutang kini ug 400 milyones ka pesos aron sa pagtukod sa bag-o nga ospital.

Nasayran, nga naglagot gayod ang mga beneficiaries sa programang Lando BIBO sa barangay Miputak nga nakadungog sa mga pagpangdaot ni Barbaso ngadto sa gobernador tungod kay matud pa sa mga BIBO beneficiaries kung nahurot pa ang kwarta sa probinsya dili unta sila ma-libre sa ilang pagpatambal diha sa provincial hospital. Dugang pa sa mga beneficiaries sa maong barangay, ngani ilang gikalipay ang pagpatukod karon ni Yebes sa bag-o ug modernong hospital diha sa barangay Sicayab kay mas duol ug mas sayon na kanila pagpatambal ug dili na kinahanglan pa nga molarga pa sila sa Dumaguete ug Cebu ug uban pang mga dagkong syudad aron matambalan ang ilang mga sakit.

Angayang masayran, nga nakapagawas na si Gov. Yebes ug sertipiko sa mga bangko nga intact o wala pa nahilabti ang pundo nga kwarta sa lalawigan sukwahi sa gipangbomba ni Atty. Barbaso nga nahurot na kuno ang savings sa lalawigan. Kahibaloan nga gihagit usab ni Yebes si Berto Uy nga mopagawas usab ug sertipiko kung unsa na ang account status sa kwarta sa dakbayan  sulod sa 9 ka tuig nga pagdala niini, apan hangtod karon wala kini ika-presentar, timaan nga ang syudad sa Dipolog bangkaruta na.