2

April 28,  2008

 

Star FM gi-sheriff

Gikompirmar ni Harriet Ybañez, manager sa Star FM sa Bombo Radyo dinhi sa Dipolog nga g-sheriff ning semanaha ang ilang opisina sa mga tinugyanan sa National Labor Relations Commission kung NLRC nga nagbasi sa dakbayan sa Cagayan de Oro,hinungdan nga nahunong makadyot ang ilang operasyon.

Matud ni Manager Ybañes sa miaging adlaw nahunong ang ilang operasyon tungod kay sa dihang gisilbi ang maong order sa sheriff, gikuha usab sa taga NLRC ang ilang mga kahimanan nga mobalor ug duha ka milyon ka pesos nga iyang gituhuan nga gidala sa mga taga NLRC sa ilang opisina sa Cagayan.

Apan maayo nalang, dugang ni Ybañez nga nahi-moan ug hustong lakang sa ilang mga technicians hinungdan nga nahulipan ang mga nakuhang mga kahima-nan ug karon mibalik na usab sila sa ilang operasyon.

Si Manager Ybañez bisan ug wala mahimoot sa gihimo sa taga NLRC, tungod kay dili man gyud angayan nga hunungon ang ilang radio operation sanglit nga wala man silay labot sa problema sa Bombo Radyo sa Cagayan de Oro ang mipahayag nga wala siya’y mahimo tungod kay gituman raman pod sa taga NLRC ang gimbohaton nga gisangon kanila. Nahibaw-an nga ang opisina sa Star Fm sa Bombo Radyo dinhi sa Dipolog ang gikatahong nahilakip sa sheriff order, tapos nga ang ilang sangay nga buhatan didto sa Cagayan de Oro wala makabayad sa suweldo ug uban pang mga benefits nga gireklamo niini sa iyang mga empleyado nga modol-an sa usa ka milyon ka pesos ngadto sa NLRC.

Tungod sa kapakyas sa management sa Bombo Radio sa Cagayan de Oro City sa pag-settle sa ilang mga obligasyon subay sa gimando sa National Labor Relation Commission nasirhan ug nahunong na sa iyang operasyon sa pagkakaron. (Mar Uy, The New Nandau, Vol. XVII No.41)

 

NFA rice sa merkado nihit –Retailers

Nagkulang sa supply sa bugas ang National Food Authority nga gibaligya sa mga rice dealers sa merkado publiko dinhi sa dakbayan sa Dipolog.

Kini ang gibutyag sa nga rice retailers diha sa merkado publiko ning dakbayan samtang maka-duha lamang sa usa ka semana sila hatagan ug supply sa bugas gikan sa NFA aron ibaligya sa mga katawhan. Matud pa nga sa matag usa ka semana, sila gitugotan lamang sa NFA nga makapalit ug singkuwenta ka sakong bugas ug kini ilang ibaligya sa matag lunes ug huwebes nga maoy adlaw nga gitugot ngadto kanila. Ang adlaw’ng Martes, Miyerkules, Biyernes, Sabado ug Dominggo dili na sila makabaligya ug bugas sa NFA kay gawas nga dali rang mahurot, wala nay dugang supply nga gihatag ngadto kanila.

Ang vietnam rice gikan sa NFA gibaligya sa Bigasan ni Gloria sa Palengke sa tag P18.25, apan ang tawo nga mopalit gitugotan lamang sa tag tulo ka kilo ug kini mapalit lamang sa matag lunes ug huwebes. Gipahayag sa mga retailers nga dili gayud paigo ang supply sa bugas nga gihatag kanila gikan sa NFA gumikan kay sa singkuwenta ka sako matag usa ka sema-na, kini dali rang mahurot nga dili gani maabtan ug hapon.

Ilang gihimakak nga ang NFA rice nga ilang gibaligya gisagol sa commercial rice ug gipatas-an ang presyo ngadto na sa tag byenti singko pesos matag kilo. Nasayran gikan sa NFA nga adunay umaabot nga 30 mil ka sakong vietnam rice ang gikatakdang mahidangat dinhi sa Zamboanga del Norte silbing dugang supply sa bugas aron ibaligya sa baratong presyo. (The New Nandau, Vol. XVII No.41)

 

OPA – Walay rice shortage ang ZaNorte gawas lang sa presyo sa bugas misaka

Kon para konsumo sa mga katawhan sa Zamboanga del Norte, bastante ra ang supply sa bugas gawas lamang sa presyo nga misutoy ug saka. Kini ang gipahayag ni Maybel Bustaliño, Super-vising Agriculturist sa Office of the Provincial Agriculture samtang mitiyabaw na karon ang mga katawhan sa ka-mahal sa gibaligyang bugas sa atong kamerkadohan.

Gipaklaro ni Ms. Bustaliño nga sa pagkakaron dinhi sa atong probinsya wala gayoy rice shortage base sa data nga nahipos sa Bureau of Agriculture Statistics o BAS sa ilang panagtagbo bag-ohay pa lamang. Gani karong panahona, misaka man ang produksiyon sa humay ngadto sa 166 metric tons kon anaa sa .19% ang tubo sa katapusang ani sa mga basakan. “Ug akoy pasultion, wala gyud tay rice shortage gawas lang sa price increase, apan there are a lot factors to be considered nganong na-ingon ini ni siya.”

Ang kinadak-an sa produksiyon sa bugas mao ang Lunday valey sa Sibuco ug Siocon apan ang ilang abot wala gibaligya dinhi sa Zamboanga del Norte kay adto nila gidala sa Zamboanga City nga maoy duol kanila sa merkado. Ang Titay, Zamboanga Sibugay ug Pagadian, Zamboanga del Sur mao lamang ang nagbaligya ug bugas dinhi sa atong probinsya. Ang produksiyon sa bugas dinhi sa Dipolog ug Polanco atubangan sa halapad nga kabasakan para ni Bustaliño bastante na kaayo nga konsumo sa mga katawhan kon dili lang ibaligya ngadto sa laing lugar. Sa kinatibuk-an ang Zamboanga del Norte adunay dese otso mil ektaryas nga kabasakan ug dos mil kuatro ektaryas nga kamaisan. Hinoon kini nga gidak-on sa umahan dili gayud ingon nga bastante na kaayo kon ikompara sa Pagadian, Zamboanga del Sur kay mas halapad sila ug kabasakan didtong dapita.

Apan matud pa sa supervising agriculturist officer kon ang rice production sa Siocon ug Sibuco anhe lang itumod sa atong merkado sa Zambo-anga del Norte supesyenti na kaayo nga konsumo sa mga katawhan ug manubra pa gani basta dili lang kini dal-on ug ibaligya ngadto sa laing probinsya. Gani kini nga data ila mang giapil sa production consumption statistics hinungdan sa ilang report, abunda ug pagkaon ang Zamboanga del Norte apan aminado siya nga sa akto nga kahimtang, igo-igo lamang gayud ang pagkaon tungod kay ang maaning bugas didto sa triple SB adto man nila dad-on sa Zamboanga City nga maoy pinakaduol nilang merkado.

Duda si Ms. Bustaliño sa kalit nga pagsaka sa presyo sa bugas dinhi sa atong dapit ilabi na nga kita dinhi sa probinsya wala man magkulang sa pagkaon kay aduna man kitay halapad nga kasabakan ug kamaisan ilabi na karong panahona nga ting-ane sa kahumayan ug ting-sanggi sa kamaisan. Matud niya, tungod kay daghang midula nga mga negosyante sa pagkaon ug gikonsederar usab ang production ug transportation cost maoy hinungdan ang posibilidad nga misaka usab ang presyo.

Alang kang Bustaliño, kon duna may mapanic sa pagkaon dili kita dinhi sa atong probinsya kay aduna may halapad nga yuta nga katamnan kon ikompara sa Metro Manila. Matud niya, dili kadudahan ang pagkasaka sa presyo sa kinilong bugas didto sa kaulohan tungod kay igo raman sila nangompra ug pagkaon gikan sa probinsya. Apan kon ang pagsaka sa presyo sa pagkaon sa Metro Manila susama na usab ang presyo dinhi sa atong dapit abnormal na kini nga sitwasyon. Si Ms. Bustaliño nag-awhag sa mga katawhan nga niining maong kahimtang nasinati gayud ang pagsaka sa presyo sa pagkaon gumikan usab sa pagsaka sa gasolina, maningkamot nalang sa kaugalingon diha sa pagpananom ug dili magtinapolan. Alang kaniya, dinhi sa atong probinsya abunda sa pagkaon gumikan kay aduna kitay halapad nga yuta nga katamnan ug lagotmon. Kon misaka man ang presyo sa bugas, ang importante nga dili lang kita mahutdan ug supply sa pagkaon. Iyang giawhag ang katawhan nga dili lang mag-panic buying ug kalmado lang kay mao usab kini ang usa sa maka-apektar sa pagsaka sa presyo. Matud niya sila sa Provincial Agriculture naningkamot gayud nga mahatagan ug sulbad ang nasinati karong problema sa mga katawhan sa Zamboanga del Norte. (The New Nandau, Vol. XVII No.41)

 

HI-Green program maoy paglaum
makatabang pag-alibyo sa kalisud

Ang HI-Green program nga gipatuman karon sa Office of the Provincial Agriculturist ngadto sa mga kabarangayan daku’g ikatabang sa mga katawhan pag-alibio sa ilang kahimtang atubangan sa kalisod nga gisagubang karong panahona.

Si Maybel Bustaliño, Supervising Agriculturist sa Provincial Agriculture mipahayag nga ang HI-Green nga ilang gipatuman sa mga barangay maoy all-support nga gilugway sa gobiyerno aron matabangan ang mga katawhan nga makapananum ug maayong klase sa prutas ug lagotmon isip maoy ilang panginabuhe. Matud ni Bustaliño kini lamang bugtong programa nga gihatagan ug dakong pagtagad sa kagamhanang probinsyal nga maayudahan ang mga barangay ilabi na sa mga molopyo niini nga matabangan ang kalisud nilang kahimtang. Ang bugte lamang niining maong programa mao ang koor-dinasyon, kakugi ug kaabtik sa mga katawhan sa bara-ngay kay alang kaniya ang kalisud nagsumikad lamang sa katapulan sa tawo.

Karon matud ni Ms. Bustaliño, duna silay daghang programa nga gihan-ay para sa atong mga mag-uuma. Karong bag-o, human molabay ang napolo ka tuig, karon lang gi-aprubahan ang hangyo sa probinsya nga mahimong seed producer sa de kalidad nga upland rice ang Zamboanga del Norte nga diha gipahimutang sa Provincial Agri-Industrial Center kon PAIC, sa Irazan sa lungsod sa Roxas. Kini paliton sa mga mag-uuma sa barato lamang nga presyo. (The New Nandau, Vol. XVII No.41)

 

VM Eguia nanghinaw suweldo sa mga kawani

Dili sala sa kagamhanang lokal sa lungsod sa Katipunan kon dunay nagreklamo nga wala masuweldoe sukad pa sa tuig dos mil kuatro kay kini wala gayud tugote nga mahimoan ug job order gumikan sa ka-apiki sa panudlanan sa lungsod.

Mao kini ang reaksiyon ni Vice Mayor Pachi Eguia sa dihang may pipila karon sa mga katawhan sa lungsod sa Katipunan nga nagpailang sila mga kawani sa lungsod ang wala pa makadawat sa ilang suweldo sukad niadtung dos mil kuatro nga si Pachi Eguia pa ang naglingkod isip mayor sa lungsod sa Katipunan. Giangkon ni Vice Mayor Eguia sa dihang siya pa ang naglingkod nga mayor, daghang miduol kaniya nga mangayo ug trabaho apan kini iyang gibalibaran kay nahubas na ang pundo ug wala nay ikasuweldo ang lungsod. Apan namugos gayud nga motrabaho bisan paman nga kini iyang gipahimangnoan nga walay budget, kay matud pa, mag-volunter nalang sila ug magpaabot kanus-a makaginahawa ang panudlanan hangtud sila masuweldoan.

Matud ni Eguia, wala gayud niya tugote nga manarbaho ang mga nagreklamo nga wala niya mausweldoe sukad niadtung dos mil kuatro kon wala kini job order kay tapos na kini niyang gipahimangnoan nga walay budget. Sumala pa sa bise mayor mao usab kini ang problema nga gisagubang sa ubang mga lungsod sa probinsya ilabi na ang lungsod sa Roxas nga adunay daghang nagreklamo nga wala pa sila mausweldoe pila na ka bulan ang nakalabay, kay lage mamugos nga motrabaho bisan gipahibawo na nga walay kuwarta ang lungsod.

Hinoon gipahayag ni Vice Mayor Eguia Pachi nga iyang hangyuon ang iyang igsuon nga si Mayor Cris Eguia nga suweldohan ang mga kawani sa panahon nga aduna nay igo-igo nga pundo ang panudlanan sa lungsod. (The New Nandau, Vol. XVII No.41)

 

Nag-unang 20 Unibersidad sa kolehiyo sa Luzon, 2 sa Visayas, 7 sa Mindanao 

Aron magihayan ang mga tinun-an nga mosulod sa kolehiyo, gipahibalo sa Com-mission on Higher Education kon CHED ang mga nanag-unang beinte ka eskwelahan dinhi sa nasud.

Kini pinasikad sa perfor-mance sa mga graduwado sa maong mga eskwelahan sa board examinations sa tanang kurso nga ilang gi-offer. Sumala sa listahan, ang mga eskwelahan nga naapil sa top 20 mao ang mosunod: University of the Philippines sa Diliman, Quezon Cty; University of the Philippines sa Los Baños, Laguna; University of the Philippines sa Manila; Silliman University sa Dumaguete City; Ateneo de Davao University sa Davao City; Ateneo de Manila sa Manila; University of Santo Tomas sa Manila; Mindanao State of University-Iligan Institute of Technology sa Iligan City; Pamantasan ng Lungsod ng Maynila sa Manila; Saint Louis University sa Baguio City; University of San Carlos sa Cebu City; Xavier University sa Cagayan de Oro City; Mindanao State University sa Marawi City; Urios College sa Butuan City; Polytechnic University of the Philippines sa Manila; De La Salle University sa Manila; Mapua Institute of Technology sa Manila; Adamson University sa Manila; Central Mindanao University sa Bukidnon; ug University of Southern Philippines sa Davao City.

Ning 20 ka mga nanag-unang eskwelahan sa tibook kapupud-an sa University of the Philippine system, tulo lamang ka campus ang nasulod sa top 20 nga mao ang UP Diliman, Los Baños ug Manila. Kabahin sa Mindanao State University system, duha lamang ang naapil sa top 20 nga mao ang MSU-Iligan Institute of Technology ug Mindanao State Univer-sity main campus sa Marawi City. Subay niini, makita na ang mga graduwado gikan ning maong mga tunghaan adunay ensaktong abilidad sumala sa ilang performance sa board examinations ug ubang government exams.

Kahinumduman nga ang mga graduwado sa mga inilang tunghaan adunay dakong kahigayunan sa pagpanarbaho kay adunay mga buhatan ug kompaniya nga mopili lamang niadtong mga aplikante nga nakatapos sa mga sikat nga tunghaan. Hinuon dili ikalimod nga aduna usa’y mga graduwado sa gagmay’ng tunghaan nga mas bangi-itan pa kaysa nakatapos sa mga inilang tunghaan. Apan dili usab malalis nga daghan gayong maayo gikan sa mga inilang kolehiyo o unibersidad. (PIA-ZN)

 

POMS Ventures mobutang ug planta sa mangga sa PAIC, Irazan

Ang POMS Ventures Corporation, usa ka domestic corporation nga gipanag-iyahan ni Danding Cojuangco ang dunay dakong interes nga mobobo ug pohunan pinaagi sa pagpahimutang sa ilang fruit processing plant para sa mangga nga ilang paliton dinhi sa Zamboanga del Norte. Ang maong planta ilang ipahimutang sa PAIC, Irazan sa lungsod sa Roxas.

Kini maoy ilang hangyo ngadto kang Governor Rolando Yebes sa ilang pag-atubang niini sa miaging adlaw nga mogamit sila ug usa ka ektaryang luna sa PAIC aron maoy tukoran sa ilang tropical fruit processing plant. Matud ni Governor Yebes, ang POMS Ventures maoy ikaduha nga kompaniya sa Coconut Fiver nga mihangyo kaniya nga mogamit ug luna sa PAIC, Irazan aron magbutang ug ilang planta.

Apan mas interesado ang gobernador nga tabangan ang POMS Ventures ilabi nga kini nga kompaniya iya kang Danding Cojuangco ug iyang nakita nga kini ipadayon gayud kay magbuhat kinig building para sa production sa hilaw ug hinog nga mangga nga ilang paliton sa mga mag-uuma dinhi sa atong probinsya. Matud pa nga ang nakapaikag sa maong kompaniya kay ang atong probinsya adunay daghang raw materials, dako ang produksiyon sa mangga ug ang maayong gihanyag nga pabor ilabi na ang insentibo sama sa tax holiday pinasubay sa balaod lokal.

Ilawom sa Provincial Investment Code, ang dagkong kompaniya nga mobutang ug negosyo dinhi sa atong dapit gihatagan ug lima ka tuig nga tax exemption, apan matud pa ni Governor Yebes naglaraw siya nga iyang ipausab sa Sanguniang Panlalawigan ngadto nalang sa duha o tulo ka tuig. Sa nasayran nga ang POMS Ventures nagsugod na sa ilang operasyon gamit ang Zamboanga del Norte food processing plant diha sa PAIC, Irazan apan tungod kay dili bastante sa kagamay ang maong planta kini mihangyo nga ila pang padak-an pinaagi sa pagtukod ug building.

Gihangyo lang ni Gover-nor Yebes ngadto sa corpo-rasyon nga kon mahimo ang ilang sales tax dinhi na ihatag sa Zamboanga del Norte aron mokita usab ang probinsya pinaagi sa buhis nga ilang ibayad. (The New Nandau, Vol. XVII No.41)

 

Gov. Yebes nagpasalamat sa Pro-Interplast Germany sa libreng pang-opera

GIPADANGAT ni Governor Rolando Yebes ang iyang dakong pagpa-salamat ngadto sa mga mi-yembro sa Pro-Interplast Germany sa gilugway niini nga tabang sa mga katawhan dinhi sa Zamboanga del Norte.

Ang maong mainiton nga pagpasalamat sa gobernador iyang gipa-abot atul sa gihi-mong salo-salo kagabii pahi-nungod sa maong humani-tarian team nga gipahigayon sa Alano Beach sa lungsod sa Katipunan.

Bisan lahi ang pinulongan ug gigikanan sa grupo wala kini maghatag ug babag sa mga katawhan ug diha sa maong grupo sa pagpakita niini sa ilang gugma pagta-bang sa atong probinsiya ug sa nasud. Sa lain na usab nga higayon, naka-uban ug balik sa taga Zanorte ang maong mga doctors ug espisyalista nga gikan sa mga nasud sa Germany ug Turkey aron sa paglugway ug serbisyo nga usa ka prebilihiyo sa taga Zanorte sa gihimo niining pagpang-opera nga libre.

Matod pa ni Governor Yebes nga naglisod siya kung unsa ang iyang himoon aron nga mabayran ang kaayo nga gihatag sa maong humanitarian team. Ang ginoo na lang ang magabalos nga gipanghinaot sa goberna-dor nga magpabilin ang kahimsog sa panglawas ug maayong kinabuhi aron magpabilin kini sa ilang mission alang sa mga katawhan sa probinsiya sa Zamboanga del Norte ilabina sa mga pobreng pasyente.

Gipasalamatan usab ug dako sa maong grupo sa pagpanguna ni Dr. Siegfred Jaenicke ang kagamhanang probinsiyal sa Zamboanga del Norte ilabina kang Governor Yebes sa pagsalig diha kanila sa ilang mission nga nakita niini ang dakong kalampusan. Apil sa gipa-salamatan ni Dr. Jaenicke ang mga staff sa Provincial Hospital sa ayuda nga gitunol usab niini sa ilang grupo. Iyang gipasabot nga nalangan ang ilang pag-anhi karon dinhi sa Zanorte nga unang gikatakda niadto pang bulan sa Nobyembre sa mi-aging tuig tungod kay gusto pa nila nga modako ang grupo. Apan sa ilang pag-paningkamot nahinayon gayud ang ilang pag-anhi dinhi sa probinsiya nga maoy ika-pito nilang hugna sa ilang pagpang-opera.

Angayang masayran nga naandan na sa Pro-Interplast Germany nga molugway sa ilang libreng serbisyo dinhi sa Zanorte pinaagi usab sa tabang ni Norma Eguia- Brzoska nga taga Katipunan nga nakabana ug usa ka German National nga maoy nagsilbing organizer sa maong German Mission Team. Pinaagi sa suporta sa kagamhanang probinsiyal wala gihikaw sa maong grupo ang ilang igong kahi-balo diha na sa pagtabang sa mga pobreng pasyente nga naghambin ug problema diha na sa ilang panglawas nga nagkinahanglan ug operasyon. (The New Nandau, Vol. XVII No.41)

 

Sy naghulat sa Comelec enbanc para sa recounting of votes sa Sindangan

Hangtod karon nag-paabot pa si mayoralty candidate Boy Sy sa lungsod sa Sindangan mahitungod sa tubag sa 3rd Division Commission on Elections sa Manila atubangan sa motion for reconsideration nga gisang-at usab ni Mayor Bert Macias tapos nga gidisidihan sa comelec ang ilang apelasyon alang sa recounting of  votes didto sa lungsod sa Sindangan.

Hinoon si kanhi Konsehal Sy miingon nga siya dakong sayod nga gipaningkamotan usab sa iyang kaparang nga si Mayor Macias nga malangan ug madugay ang pagdisidir sa Comelec sa maong motion for reconsideration aron nga dili dayon ikapahigayon ang maong recounting of votes.

Nahibaw-an nga sanglit ang naglingkod sa enbanc ang mga sakop sa Comelec, third division sa paghimo sa paborabling decision nga nadawat nila ni Sy, mo-lingkod usab enbanc ang mga mahistrado sa Comelec aron nga desisyonan ang maong motion for recon-sideration nga gisang-at ni Mator Macias ug iyang mga kauban.

Apan bisan pa niini, si kanhi Konsehal Sy ang mi-pahayag nga siya malaomon sa paborabling desisyon sa Comelec Manila nga isalik-way ang motion for reconsideration  nga gisang-at ni Mayor Macias ug sa di madugay masugdan na ang recounting of votes sa labing minus 231 ka mga voting precincts sa maong lungsod sa Sindangan nga iy gituhuan dunay halapad nga pagpang-limbong nga gihimo ang mingdaog nga Mayor sa miaging Mayo 11 nga elek-siyon nga maoy hinungdan nga siya naparot sa onse botos lamang. (Mar Uy, The New Nandau, Vol. XVII No.41)

 

ZN Handicapped nagpasalamat sa tabang ug abag sa gobiyerno

Kon naningkamot aron mabuhi ang mga tawo nga nagbaton ug kabilinggan sa panglawas, mao usab unta kini angayan buhaton niadtong himsog ang panglawas.

Cipriano “Sulping” M. Jasmin, Presidente sa Disabled Association ug Zamboanga del Norte Hanadicapped mipaabot sa iyang dakong pagpasalamat sa mga opisyales sa kagamhanang probinsyal sa pagpangulo ni Governor Rolando Yebes nga wala kawanga ang ilang hangyo nga matabangan ang tagsatagsa nilang kauban sa assosasyon nga manginabuhi nga dili na mag-yangongo pa sa laing tawo pinaagi sa pagpakilimos sa kadalanan human nila madawat ang kantidad nga mokabat ug P300 mil ka pesos para sila makapamuhi ug hayop.

Si Jasmin nga usa ka buta, uban sa iyang mga kaubang disable nga bakol, pongkol, pingkaw, libat ang nagkanayon nga sila nga adunay kabilinggan sa panglawas naningkamot gayud nga makabarug sa ilang kaugalingon aron ipakita sa mga katawhan nga himsog ang panglawas nga sila sa Dipolog ug Zamboanga del Norte dunay katakos nga mabuhi pinaagi sa ilang kaugalingong paningkamot. Pinaagi sa tabang sa gobiyerno, ubay-ubay na sa iyang mga kauban ang nahatagan ug baboy/baktin, kanding ug manok aron ilang buhion ug ibaligya. Kon mahalinan ang nahatagan sa hayop, bahinan ang assosasyon aron ihatag na usab kini sa lain nga wala pa makadawat. Maoy gusto ni Jasmin nga malukop tanang membro nga matabangan pinaagi sa pagpamuhi ug hayop aron duna ra usab silay panginabuhian.

Gipasalamatan usab ni Jasmin ang National Food Authority nga gi-aprubahan ang ilang rehistro ug linsensiya isip wholesaler/retailer sa Tindahan Natin diin ang ZN Handicapped Multi Purpose Cooperative usa na karon nga nagbaligya ug NFA Rice sa barato nga presyo. Matud niya nga ang kuwarta nga maoy gigamit sa pagpa-rehistro ug sa pohunan niini nagagikan sa pundo nga gihatag sa kagamhanang probinsyal. Gipaabot ni Jasmin ug sa mga membro sa Handicapped ang ilang dakong pagpasalamat sa tanang membro sa Sanguniang Panlalawigan sa pagpanguna ni Vice Governor Francis Olvis nga maoy mi-alokar sa pundo aron sila matabangan. (The New Nandau, Vol. XVII No.41)

 

Panaghiusa maoy solusyon aron maangkon ang tubig sa Labason: Gov. Yebes

“GASA nga hinatag gikan sa kahitas-an kinahanglan ampingan alang sa kaayohan sa katawhan. Gikinahanglan ang panaghi-usa aron maangkon ang taud-taud nang gipangandoy nga tubig mainom alang sa Labason.”

Kini maoy unod sa mensahe nga gipadangat ni Governor Rolando Yebes kagahapon atul sa gipahigayon nga ikatulong hugna nga public hearing alang sa pag-istablisar ug pinaka-importanting pasilidad aron mohatag sa limpiyong tubig nga mainom sa mga katawhan sa Labason.

Gipahayag sa gobernador nga sa iyang unang paglingkod sa katungdanan nag-unang problema sa lungsod ang tubig nga ilimnon sa mga katawhan nga usa ka problema nga nagbalik-balik. Nagpabilin kining nasinati tungod sa walay panaghi-usa sa mga opisyales ug mga katawhan. Managlahi ang panghuna-huna nga diin ang uban naglantaw lamang sa personal nilang kaayohan. Ang proyekto sa tubig sa Labason nag-pabilin nga nag-aginod ang pagpatuman niini. Hangyo ni Governor Yebes ngadto sa mga opisyales sa lungsod ug ngadto sa taga Local Water Utilities Administration (LWUA) nga ipadagayday karon ang tubig ngadto sa tibook Labason.

Sa kabahin sa provincial government, gipasalig ni Governor Yebes nga andam siyang mohatag ug singko milyones pesos nga counterpart alang sa maong proyekto. Susama usab ang ihatag nga counterpart ni 3rd District Congressman Cesar Jalosjos. Gikan pa kaniadto andam nga motabang si Governor Yebes ug Congressman Jalosjos sa maong proyekto apan tungod sa pamolitika nakahinagbo kini ug problema. Alang kang Governor Yebes nga sa karon ihiklin unta ang pamolitika sa lungsod sa Labason ug unahon niini ang katawhan. Gibati siya ug kahadlok nga kung maabot ang panahon nga lain na ang gobernador ug kongresista mawagtang ang maong proyekto tungod kay lahi na usab ang focus niini sa katawhan.

Gihatagan ug gibug-aton ni Governor Yebes nga ang panaghi-usa maoy yawe aron maangkon ang Tubig sa Labason, ipakita ang panagtinabangay ug walay bulok sa politika. Sa nasayran nga niadtong pang nanglabay nga mga katuigan gisugdan ang pagpatuman sa maong proyekto apan kini ang wala maghimpos tungod sa nahinagbo nga problema.

Masaligon usab si Mayor Wilfredo Balais sa Labason nga karong panahona maangkon na sa lungsod ang gipangandoy nga tubig ilimnon. Gipahayag ni mayor Balais nga pila na ka mga nangaging mayor sa lungsod ang nangandoy nga makatubig ang Labason nga 60 na ka tuig ang pangidaron apan kini ang taman lamang sa pangandoy. Iyang gihangyo ang mga katawhan sa suporta aron hingpit na nilang maangkon ang tubig ilimnon.

Basi sa bag-ong plano nga gi-presentar sa Local Water Utilites Administration adunay lima ka mga barangay maoy unang makabenipisyo sa maong proyekto. Kini ang mokostar sa dul-an 30 milyones pesos. (Southpoint, Vol.1No.16)

 

Katawhan sa Dipolog duyog sa pagsaulog sa Earth Day

Duyog sa pagsaulog sa Earth Day sa tibuok nasud sa miaging Martes, Abril 22, gipahigayon sa kagamhanang lokal sa Dipolog ang nagkalain-laing kalihokan nga gisugdan sa usa ka Clean-Up Drive o pagpanglimpiyo sa tanang kabaybayonan o coastal areas, kasuba-an ug mga agi-anan sa tubig sama sa creeks, inabagan sa Bantay Dagat Project.

Human niini, gipahigayon usab ang water sampling sa mga personahe sa Buhatan sa Maayong Panglawas (CHO) sa dakbayan, tree planting o pananum sa mga kahoy nga gipangunahan sa Bantay Dagat Project ug pagpasabot sa mga kabataan kalabot sa pagkamahinungdanon sa pagpanalipod ug pagpatunhay sa mga watershed ug ang ilang pagpakiglambigit sa proyekto sa kagamhanang lokal sa mahitungod sa Solid Waste Management.

Gawas niini, usa ka Earth Day Forum ang gipahigayon niadtong Lunes sa hapon, Abril 21 didto sa Women’s Center. Ang mga mamumulong atol ning maong forum mao sila si Elisea Gozun, ang chairman sa Earth Day Network-Philippines ug si Jaybee Garganera, ang national coordinator sa PhilDHRRA. Ang mga mitambong mao and 21 ka mga Barangay Chairmen lakip ang ilang tagsa-tagsa ka chairman sa Committee on Environment sa sanggunian, mga personahe sa DENR, Sanggu- niang Panlungsod members ug mga miyembro sa non-government organizations.

Dugang niini, aduna pay gipahigayon nga mga kalihokan alayon gihapon sa obserbasyon sa Earth Day, sama sa usa ka Misa niadtong Abril 23 sa Plaza Magsaysay sa may alas 3:00 ang takna sa hapon. Gisundan gilayon kini sa usa ka “Walk, Bike and Row for Mother Earth” sa alas 4:00 pagkahapon. Pagka-alas 5:00 gibuksan usab ang usa ka bulan nga P’gsalabuk Trade and Food Fair; Special Earth Day Art and Photo Exhibit and Environmental Advocacy Products ug launching sa Inter-Barangay/School Solid Waste Management Contest.

Sa gabi-i, usa ka environmental film showing ang gipahigayon aron makab-ot ang tumong nga makaylap ug makahatag ug dugang edukasyon sa mga katawhan.  Kini nga kalihokan nagapa- dayon  hangtud sa Abril 25, adlaw nga Biyernes sa Dipolog Boulevard. (cio-prr)

 

Belated Happy Birthday, Kumare!

Mao pa lay pag-abot ni Raymond gikang naligo sa dagat kauban sa iyang mga barkada dihang nakita niya ang iyang Lolo Islaw nga nagbakaang nga naglakaw-lakaw samtang matag karon ug unya magsige kini ug panghupaw.

“Ngano man kang nagbakaang ug lakaw, Lo?” pangutana ni Raymond kinsa gisahugan sa tumang katingala.

“Nagpakonsulta man god ko sa duktor kaganiha,” matod ni Lolo Islaw nga mibuhig dakong ginhawa.

“Unya unsa man diay sulti sa duktor nimo?” matod ni Raymond nga nanghingugmo.

“Ingon man god ang duktor nga maglikay-likay na ko sa itlog kay taas na kog cholesterol!”

Ha..Ha..Ha..ako baya ning gi-quote nga Joke of the week gikan ni Judge Perry Mah kinsa, naghinugilon nako nga ang iyang cholesterol nahurot nag kahilis tungod sa pagdinula niya ug lawn tennis!

#####

Nagsugod nag ka-alegre ang boulevard ning atong siyudad ubay sa pagbukas sa “Pagsalabuk” ning tinuig nga kasaulogan ning atong dakbayan. Matag gabii mabungog kang maglantaw sa nanaglaray nga mga manindahay sa nagkalain-laing matang sa pagkaon sama sa barbecue, paklay ug papait, kalderitas, sinugbang isda ug baboy, linat-ang baka, bas-oy ug uban pa nga susama sa advice sa duktor ni Lolo Islaw…mga pagkaon nga lamian apan sa mga daghan nag deposito sa cholesterol palikayan.

Yes, Inse Ines, malingaw kang magtan-aw sa mga tawong nagsaoy-saoy lang…ingog mga hulmigas…mga dalaga, mga “hubag”, mga bayot, mga batan-on ug mga “langtigols,” mga hubog ug mga bangag…basta, nagkadaiya lang lagi ang imong makitang mga dagway sa mga buhing kalag nga atua sa boulevard naglaag-laag!

#####

Of course samtang atua ka magpalagaylay sa boulevard, dili mo malikayan nga motumaw kining pangutana sa imong alimpatakan: What if kon wala pa panimkamoti ni kanhi Mayor Berto Uy nga matukod kining boulevard sa atong siyudad, makamtan kaha nato karon ang kaharuhay ug kaanindot natong bation didto sa kanhi mahugaw ug malang-og nga baybayon? Segurado nga kining dapita nagpabiling numero unong “eyesore” kay mao kining dapita niadto ang tinubdan sa kabaho ug kalang-og tungod sa daghang nanindog niadtong kabalayan nga walay mga pansayan! Morag wala gayod ing makatuo nga ang kanhing usa ka hagip-ot nga dapit, karon usa na ka maanindot nga boulevard nga nakahatag niini ug dugang kaharuhay, kahasway niadtong mga linalang nga sa dughan pagahadlaon usahay sa pagbating kamingaw ug kalaay!

Ngadto kang kanhi Mayor Berto Uy…salamat, Mayor! Peks pa, daghan gayog nga nagpasalamat nimo kay nila pa, sa inadlaw-adlaw nilang paglakaw-lakaw diha sa boulevard, nagkahilis ang ilang mga cholesterol!

#####

Tanang inadlaw-adlaw natong panginahanglan nga atong pamaliton sa mga tindahan o didto sa mga merkado tagaliog na ang mga presyo! Ang presyo sa commercial nga bugas mais ug humay miinat na pag-ayo ug hapit na katulo pil-a ang presyo. Ang nakaparat kay matag libkas sa semana, magsige sab ug taas ang presyo sa gasolina!

Apan ayaw ka, ha? Dili baya kay dinhi ra sa Pilipinas nga nagnihit sa bugas…hasta na sab diay didto sa mga nasod sa gawas! Diha sa mga television, imong malantaw ang mga tawo didto sa laing mga nasod nga mga niwang na kaayo kay lagi wala na silay gipangkaon didto! Ilang mga mata naglutok na lang ug gisakdap-sakdapan na lang sa mga lagong ug langaw kay lagi imbis gidulotan silag bisan linugaw, ang nagpalibot kanila mao na lang ang ilang kaugalingong “hugaw”.

#####

Ang consolation lang dinhi sa atua kay bisan man tuod kita nagpila na sa pagpalit sa NFA nga bugas, bisan tahop walay mapila sila didto sa mga nasod sa gawas! At least dinhi sa atua sa kagutom wala pa mamudlat ang atong mga mata! Apan ayaw ka, kon may mapalit pa kitang makaon dinhi sa atong nasod, kana dili dumalayon kay matod pa sa mga eksperto, dili molapas karon sa siglo, ang atong nasod mag-atubang na sa krisis sa gutom tungod sa pagnihit unya sa atong pagkaon tungod sa pagburot karon sa atong population! Gipanagna  na nga kon dili kutohan ang pagpabrika ug mga bata, hayan dili na makamtan ang kaharuhay sa atong katawhan sa umaabot pa nga katuigan.

Dinhi motumaw ang laing pangutana: Unsa na ba tuod ang atong ambisyon nga maibhan na ang atong population? Niadto, nanghinambog ang Population Commission nga nagkakubos na kuno ang gidaghanon sa katawhan sa atong nasod yet, bag-ohay pa lang nga gibalita sa mga pahayagan nga dili pa gani molibkas ang siglo, modoble na ang gidaghanon sa atong mga tawo!

Hinaot unta nga ang atong gobiyerno mag-seryoso na sa ilang tahas nga makunhod na ang pagtubo sa atong population kay kon dili kini mapugngan, hayan mag-atubang ug dakong katalagman ang atong katawhan!

#####

Simple apan mabulokon kaayo ang kasaulogan sa adlaw nga natawhan sa atong Halangdong Mayor ning atong dakbayan. Tinambongan sa iyang gipangdapit, nabuhong sila sa dili ra kaayo duot sa cholesterol nga mga pagkaon nga gidalit sa atong Birthday Girl atol sa maong okasyon.

Apan ang gikahimut-an gayod sa tanang nanambong mao kadtong Video presentation nga naghubit sa mabulokong kinabuhi ni Mayor Evelyn Uy. Daghan ang nakatuaw sa pag-ingon nga: “Haskang hubaga man pod diay kini si Mayor Evelyn Uy niadtong mga panahon pa sa iyang kabatan-onan!”

He..he..he..Belated Happy Birthday, Kumare! (Dipolog Chronicle, Vol.VII No.44)

 

 

Gatecrasher

By: Jun S. Cariño

Pagsalabuk Na Pud!

Atong nasayran nga sugod karong semanaha, gibuksan na sad sa dakbaayan sa Dipolog ang pagsaulog sa Pagsalabuk. Naglangkob kini sa mga gihan-ay nga mga pasundayag ug mga kalihokan diin nalambigit ang mga katawhan sa dakbayan ug lakip na ang mga dumuduong. Busa dili ikatingala karong mga adlawa kun nagkadaiyang nawong sa tawo ang mahinagbo sa dakbayan nga nagsuroy-suroy ilabi na sa panahon sa kagabhion.

*****

Usa sa gihugopan mao ang Dipolog Boulevard nga adunay mga pasundayag matag gabii nga tanan ug adunay mga Food Stalls ug ubang mga baligya diin ang mga katawhan mahimong makapanihapon sa daplin sa baybayon samtang preskong hangin ang masanggab.

Barato ra usab ang mga barbecue ug ubang mga putahe lakip na usab ang mga ilimnon aron malingaw ang mga barkada, pamilya ug mga managhigala. Nahimo na ang Boulevard nga usa ka dakip nga punduhanan, abtanan sa mga katawhan nga gusto magpalagaylay aron sa pagpawala sa kalaay sa banay.

*****

Mao nga daghang nakaingon nga kining Dipolog Boulevard usa sa mga pinakamaayong proyekto ni kanhi Mayor Roberto Y. Uy ug kini usab ang gisunod ni Mayora Evelyn kay iya na man sad nga gipatuman ang pagpadugang sa Phase II sa maong proyekto nga giatngan nga mahuman karong bulan sa Hunyo.

Daghan ang nagpaabot nga mahuman kini tungod kay mas taas na ang lakton sa mga katawhan nga tig-ehersisyo ug mas daghan na sad nga makapahimulos. Mao kini ang usa ka proyekto nga dili lamang makaayo sa ekonomiya sa dakbayan ug sa panudlanan kondili  makaayo usab sa  mga panglawas sa mga katawhan kinsa naanad na nga manglakaw sa daplin sa dagat.

Malipayon ang mga katawhan sa dakbayan sa Dipolog nga wala ra naapektuhi ang dakbayan sa gitawag nga krisis sa bugas. Gani, gitahasan man ang mga  ahensiya sa kagahamhanan sa pag-monitor ug pagsusi kun tinuod ba nga walay pagnihit sa bugas. Ug tuod man, nasayran ang pagnihit wala naabot dinhi sa ato.

Ang angay lang nga bantayan mao nga unta dili lang patas-an ang presyo sa mga tigpamaligya sa bugas aron dili masamot ug kalisud ang mga katawhan.

*****

Sa dili pa kita malimot, Belated Happy Birthday sa atong Inahan sa Dakbayan nga si MAYORA EVELYN UY kinsa nagsaulog sa iyang adlawng natawhan ag sa  Miyerkules, April 23.

Mao kini ang iyang unang pagsaulog sa iyang adlawng natawhan isip MAYORA sa dakbayan. Kanimo Mayor Evelyn, hinaut unta nga daghan pang mga katuigan ang moabot sa imong kinabuhi. Keep up the Good Work! (Dipolog Chronicle, Vol.VII No.44)

 

Mga coop officers gibansay Aron pagpatuman sa MORR

Atol unya sa implementasyon sa Manual of Rules and Regulations (MORR) for Cooperatives nga nagalugway sa  Savings and Credit Services sa ilang mga miyembro, usa ka bansay-bansay ang gipahigayon Biyernes, Abril 26 didto sa Marcian Garden, Governor Camins Avenue, Zamboanga City.

Ang tumong sa nasangpit nga bansay-bansay mao ang pagpasabot sa mga Board of Directors sa nagkalain-laing kooperatiba, mga management staff, committee members ug cooperative officers sa lokal nga kagamhanan  bahin sa salient features sa MORR ug aron maka-comply sila sa probisyon nga gisabutan sa MORR. Sa maong kalihokan, gibatbat ug gipasabot pag-ayo ang Code of Good Governance for Board of Directors and Management; Coping with MORR; Reponorial Requirement; Internal Control Execution; The Act of Decision-Making; ug uban pang angay masag-ulo may kalabot sa MORR ug sa kooperatiba.

Ang maong bansay-bansay gipangunahan sa Triple Sphere Resource Management and Consultancy Services Inc. nga nagabase sa Antipolo City ug  ang mga resource persons naglangkob kanila ni Director Nonie Hernandez sa CDA-Calamba Extension Office ug Fe Caingles, pangulo sa Regulatory Unit sa CDA Central Office. (cio-prr)   

 

City Vet nag-awhag sa mga tag-iya: Mga irong nadakpan lukaton na

Subli karong nanawagan ang buhatan sa City Veterinarian sa Dipolog sa mga tag-iya sa mga iro nga nadakpan sa ilang buhatan ug kasamtangan karong naka-impound dinha sa Dog Pound, sa paglukat na niini sa madaling panahon.

Sigun sa kasamtangang incharge sa City Dog Pound nga si Joseph Uy, adunay mokabat 36 ka mga iro nga dinakpan ang anaa karon nagpunsisok sa nasangpit nga dog pound, nga matud pa niini nga gumikan sa kagagmay sa mga tangkal alang kanila, ang uban niini dili na maka-agwanta sa kasiot ug mangamatay na lang. Dugang pa nga bisan pa man nga ang mga iro nga ilang nadakpan padayon nilang gipakaon, apan dunay manga- matay gihapon tungod sa kasiot nga ilang nasinati ug dili na sila hapit nga makalihok sulod sa ilang mga tangkal.

Alayon niini, hugtanon karong gi-awhagan ni Uy ang mga tag-iya ug iro nga nadakpan, sa pagsusi sa ilang mga buhi aron kini ilang malukat sa pinakamadaling panahon. Ang bayranan P100 sa matag iro, ug moadto sa ilang buhatan aron maasikaso ang pagbayad niini, dayon makuha ang ilang iro didto sa City Dog Pound nga nahimutang sa Motorpool Compound sa Barangay Minaog, ning dakbayan. (Dipolog Chronicle, Vol.VII No.44)

 

Badminton Summer Clinic ipahigayon tibuok Mayo

Gipahibalo ang tanang buot mopalambo sa ilang abilidad sa badminton o dili ba kaha buot motuon sa maong matang sa paugnat sa kusog nga adunay ipahigayon nga Badminton Summer Clinic sa tibuok bulan sa Mayo didto sa Dipolog Badminton Center, Highway Galas, Dipolog City.

Ang nasangpit nga Badminton Summer Clinic gimugna sa Dipolog Badminton Association inabagan sa Dipolog Youth Sports Development Council. Adunay registration fee nga P300 alang sa duha ka kategoriya: beginners ug sa advance players.

Si kinsa kadtong buot mopahimulos sa maong Badminton Summer Clinic giawhag nga makigkita lang o motawag sa mga mosunod: Dra. Rosalie Lacaya – 0920-924-7745; Ronaldo Salatan – 0918-295-2069; Ronald Enero – 0918-697-2905; ug Sorex Sorronda – 0918-3087-375.  (cio-prr)

  

MGA KALIHOKAN GIHAN-AY ARON PAGHATAG KASADYA

Daghanang mga kalihokan ang nakahan-ay isip paghatag ug dugang kasadya atol sa pormal nga pagbukas sa “10th Pagsalabuk Festival” sa dakbayan Abril 23. Gibuksan ang “Visual Art Exhibit,” usa sa mga nakahan-ay nang kalihokan.  

Ang cutting of ribbon gihimo nila ni Mayor Belen Uy ug Fiscal Meidardo Velasco, ang naulahi nagarepresentar sa grupo sa mga artist nga ZANFEVA dinhi sa lalawigan. Usa ka Santos nga Misa ang sunod nga gipahigayon sa Plaza Magsaysay, gisundan sa “Walk,Bike ang Row” padulong ngadto sa Dipolog Boulevard diin usa ka hamubong programa ang gipahigayon pagbukas sa Pagsalabuk Festival sugod Abril 23 ngadto sa Mayo 25.

Lakip sa gibuksan mao ang Agro-Trade Fair ug ang pag-apod-apod ug NFA rice ngadto sa mga katawhan pinaagi sa  mga miyembro gikan sa kahugpungan sa mga kababayen-an dinhi sa dakbayan. Alayon ning maong usa ka bulan nga kasaulogan nga tuyong gimugna sa kagamhanang lokal ning dakbayan, gidapit ang katawhan ingon ang mga dumuduong sa pagbisita sa boulevard ilabi na matag gabii aron sila makasaksi sa nagkalain-laing display nga gipahimutang didto gikan sa atong mga lokal nga exhibitors nga mahimo silang mopalit sa kubos lamang nga presyo. (CIO-alb)

 

SINGING IDOL CONTEST GIBUKSAN NA

Alayon sa padayong pagsaulog sa Dipolog P’gsalabuk Festival 2008, gidapit ang mga katawhan sa pagsaksi sa ginapahigayong kompetisyon sa P’gsalabuk Singing Idol 2008.

niadtong gabii sa Abril 25 gipahigayon ang  P’gsalabuk Singing Idol Teen Category didto sa Dipolog Boulevard. Mokabat sa 15 ka mga contestants ang nagtigi aron masulod isip finalist.  Human sa kompetisyon, dihay banda nga mitukar sa mao gihapong lugar alang sa entertainment sa mga katawhan nga anaa nagpalabay sa ilang oras sa lawom nga kagabhion. Samtang gabii sa Sabado, Abril 26 ipahigayon ang P’gsalabuk Singing Idol Kids Category sa mao gihapong venue ug oras. Mikabat usab sa siyam ka mga kabataan ang magtigi aron masulod isip finalist.

Ang singing contest ipahigayon matag Biyernes ug Sabado hangtud tulo na lang ang mahabilin gikan sa mga elimination rounds nga gipahigayon. Ang criteria alang sa pagpili sa kampiyonato ibase sa mosunod: voice quality - 50%; star quality - 25%; ug interpretation (diction, phrasing, style ug timing) - 25%. (Dipolog Chronicle, Vol.VII No.44)

 

Sidewalk sa nag-unang kadalanan hawan na

Daghanang mga katawhan ilabina kadtong gikan sa business sector sa katilingban ug mga dumuduong sa Dipolog ang mipabati sa ilang dakung kahimuot ug pagdayeg kang Mayor Evelyn T. Uy ug mga opisyales sa kagamhanang lokal ning dakbayan, tungod sa paghatag ug aksiyon nila aron malimpiyo ug mahan-ay ang sidewalks sa dakbayan.

Kahinumduman nga dugay na nga mga mulo ang gipabati sa katilingban, ilabi na ang mga pedestrians may kalabot sa mga extension display sa mga dagkung tindahan ning dakbayan nga nakabalda sa pagpahapsay sa mga sidewalk. Daghanan ang nakadayeg sa gipakitang determinasyon o kanang gitawag nga “political will” sa mayor uban sa mga opisyales nga malimpiyo ug mapahapsay ang mga kadaplinan sa mga nanag-unang kadalanan sa dakbayan, ilabi kadtong anaa sa sentro sa business section ning dakbayan nga maoy nakahatag ug kahayag ug kalapad sa maong mga main streets.

Nanghinaut ang mga katawhan nga magapadayon ang mga maayong buhat sa administrasyon ni Mayor Uy kinsa napagya na sa mga kasilingang mga dakbayan, munisipalidad ug dapit nga maoy nakapabag-o sa dagway sa Dipolog, gikan sa infrastructure, implementasyon sa mga bala-od nga makahatag ug kaayuhan sa mga katawhan, ug kinatibuk-ang kaayuhan sa komunidad ug kabarangayan. (cio-prr)

 

Dipolog Chronicle Editorial

No real rice shortage here but only created by traders

As it appears now, really there is no shortage in rice supply, especially here in our locality. But why is it that prices for the staple have gone up?

Looking at it, one can deduce that rice shortage is only the making of some unscrupulous people in the business sector. What else can one say?

Rice supply in the city, municipalities in the province and the immediate neighboring provinces is as healthy judging from recent situation reports. Dipolog, for one, is surrounded by high-yielding ricefields most if not all served by a functional irrigation system.

The neighboring provinces are equally known to have good rice productions, even in previous times when there was drought: Misamis Occidental, Zamboanga del Sur, Zamboanga Sibugay and even  Zamboanga City and farther Lanao provinces.

Let us be careful for these unscrupulous ma-nipulators are only after our necks, we poor ordinary consumers, that they can make big takes. Creating panic is one of their forte.

People, beware. (Dipolog Chronicle, Vol.VII No.44)

Credits: Dipolog Chronicle is published every Saturday and its Editorial Office is located at 059 Lacaya St., Dipolog and can be reached through the following Tel. No.: 212-2255

 

-30-

 

Critic’s Corner

By: Dilly Gl. Cuneta

Responsible Reporting

Though there maybe adequate supplies of rice in our province, it is the cheaper NFA rice which is the most sought after rather than the commercial ones.

Most of the people just can’t afford the higher priced commercial rice which in a space of only a few weeks jumped up from an affordable price of P20-plus per kilo to the formidable P30-plus up to P40-plus per kilo.

This change came about after the sensationalized story about rice shortage headlined in the national newspapers, on TV and local news. The funny thing as I’ve said before, was that there were no NFA rice to be seen selling at P18.25 per kilo in the market or in any NFA outlet stores.

The NFA rice I’ve seen sold for P22.00 per kilo and it was the long-grained white variety but which had no tag name as an NFA rice. It was only after the sensationalized rice crisis that NFA rice stocks priced at P18.25 per kilo began to show its face, maybe then, because the crackdown on hoarding began.

It is only now that we have started to see people queing up to buy NFA rice for as long as stocks last. Regrettably, in my opinion, the national government shouldn’t have allowed the rice crisis to be the top story in everyday’s news.

There is real world food crisis,  all right, but given the kind of attention that media have given to the rice crisis in our country is tantamountto creating panic! Out national government was already importing rice from other countries, but due to reasons of their own, these countries have to cut exportation of rice to other countries in expectation of food shortage as at present.

The national government should move fast now to direct all concerned government agencies to find solution and prepare for emergencies. It would help greatly if the government would encourage media to report sensitive issues in a better light, not in the hope of covering up anything. It must be with the hope that such move would avoid other problems such as social unrest, food riots and the emergence of all kinds of unforeseen crimes.

At the earliest possible time, the government should implement VISIBLE reforms in the hope of assuring the people that their futures are secured. Meanwhile, we must also avoid and cut any kind of useless expenses, as using people’s money to travel thousands of miles just to satisfy oneself in viewing a boxing bout which can also be seen on TV.

Just think of the expenses spend for the boxing jaunt alone, which could buy thousand bags of rice for the poor who live in the province classified as the no. 1 poorest in the country! (Dipolog Chronicle, Vol.VII No.44)

 

No politics in family access cards

Malacañang assured this week critics of the Arroyo administration that the Family Access Cards (FACs) are intended solely to meet an urgent need of the poor and not for any political purpose.

Executive Secretary Eduardo Ermita made the assurance at his weekly press briefing in Malacanang in reaction to opposition fears that the FACs might be distributed only to districts considered “friendly” to the administration of President Gloria Macapagal-Arroyo.

The Family Access Cards, which will be issued to families that earn a total income of less than P5,000 a month, will entitle the card-holder to buy National Food Authority (NFA) rice at P18.25 a kilo once the low-priced cereal is pulled out of the markets. Ermita said the FACs are for all families under the P5,000-a-month income bracket regardless of political preferences and affiliations.

Last April 15, President Gloria Macapagal-Arroyo directed the NFA to pull out NFA rice in two weeks from markets in the National Capital Region (NCR) and to “focus its sale to the poorest families in the regions.” “It is not the intention of the national leadership to engage in politics when we have a crisis like this,” Ermita said. “From the very beginning, there was no intention, and there is no intention, of the National Leadership (led by) President Gloria Macapagal-Arroyo to deprive those people staying in areas known to be bailiwicks of the political opposition,” he added.

“This is for everyone. Kaya nga may identification system na ginagawa ang DSWD in coordination with local government units as well as the church para ngayon ay hindi ma-politicize ‘tong issue na ‘to,” he said.  (PIA-ZN)

 

ACCESS CARDS FOR THE NEEDY, SAYS DSWD

Social Welfare and Development Secretary Esperanza I. Cabral said that close to “600,000 families considered as 30 percent of the population’s bottom poor families in the 17 cities and municipalities comprising the National Capital Region (NCR), stand to benefit from family access cards to entitle them as priority families who can purchase NFA rice at P18.25 per kilo.

Secretary Cabral said this is in compliance to President Gloria Macapagal-Arroyo’s directive to DSWD “to identify the poorest families in the country and make them priority recipients of rice subsidy.” According to Secretary Cabral, the local social welfare offices in coordination with the barangay councils, will identify the recipients of the family access cards based on the monthly income of their residents which should be less than P5,000 monthly for a family of five members, the food threshold income based on the latest assessment of the National Statistical Coordination Board (NSCB).

In line with the directions from the President, the DSWD set April 25 as the deadline for submission of the complete lists of barangays and families who have been identified by the local SWDOs and the Church to be given family access cards. The issuance of family access cards is being done to ensure that the poorest families will benefit from the NFA rice priced at P18.25 per kilo compared to commercial rice which is being sold at P35 to P40 a kilo.

The DSWD will monitor the allocation of family access cards to ensure that these are given to the intended beneficiaries. (PIA-ZN)

 

PALACE CONFIDENT CHEAPER MEDICINES BILL TO STAND IN COURT

Malacañang expressed full confidence that the Cheaper Medicines Bill would be upheld in case it is questioned before the courts for infringement of copyright laws.

Press Secretary and Presidential Spokesman Ignacio R. Bunye told a press briefing that the bill underwent a thorough study by legal luminaries and it has “good legal ground to stand on.” The measure has sparked strong opposition from some doctors and pharmaceutical and multinational companies for allegedly being violative of copyright laws.

The bill seeks to lower the price of medicine in the country by allowing the parallel importation of patented medicine and revising the Intellectual Property Code. The IPC provides protection for medicine patent-holders. Bunye said members of Congress who drafted the bill “have studied the legal aspects of this proposed law” and that “all the legal grounds have been covered.”

He added that most of the medicines that will be affected once the bill is signed into law are already “off-patent,” and therefore restrictions governing their production have already expired. He explained that “many of the commonly needed and available medicines are already off-patent kaya sa ibang bansa ito ay talagang mina-mass produce ng walang legal problems.”

“I am confident we have good legal ground to stand on when we pass this law,” Bunye said. (PIA-ZN)

 

Ex-Rep. Matoy: Urban barangays to help PNP

As crimes in Dipolog City seen to escalate, former congressman of the 2nd District Roseller Barinaga urged the urban barangays in Dipolog City to stand by the Dipolog PNP in its drive against crimes.

“They can strengthen its campaign against crimes since the city government already shouldered their road maintenance, construction or garbage collection,” the former congressman pointed out. He believed each barangay in the city could spend for any measures it could adopt in order to combat the various crimes now occurring in the city.

It could be remembered that the recent hold up victimized a Taiwanese who was identified as Anthony Cheng Lu, the robbers reportedly ran away P200T and some checks. (Press Freedom, Vol. XX No. 27)

 

BIR warns public against impostor 

The Revenue District Office of Dipolog recently warned all taxpayers of the province and the cities of Dipolog and Dapitan against fake collection agents.

Cris Agad, Rvenue District Officer of BIR Dipolog believed that there were still taxpayers who were not able to meet the deadline of filing their income tax returns last April 15. “The law is clear.  Those who were not able to make it, they should really file with us and suffer the penalty,” the revenue office said.

However, he urged the taxpayers to act even if the deadline had been set so that their penalty shall not be piling up. “The longer they delay the filing, the bigger penalty they shall pay”, he added.

As fake collection agents were heard to victimize taxpayers in the municipalities, the BIR office warned them to really make sure they are paying to the authorized collection agents. (Press Freedom, Vol. XX No. 27)

 

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON