2

MARCH 20,  2008

 

P1.3 Billion kantidad sa mga proyekto giimplementar sa ZaNorte sa tuig 2007

Mosubra sa P1.3 Billiones ka pesos sa kantidad nga mga proyekto ang gipatuman sa kagamhanang probinsyal sa Zamboanga del Norte sa tuig dos mil siyete.

Kini ang report nga giduso ni Provincial Engineer Ramon Ochotorena sa Provincial Engineering Office ngadto sa buhatan sa gobernador subay na sa giimplementar nga mga Infrastructure projects sa tanang kalungsoran sa probinsya sa Zamboanga del Norte. Sa permero distrito, sa walo ka mga lungsod, dunay 639 total projects diin ang PEO nakatapos na ug 420 ka mga proyekto, 98 ka proyekto nga on-going pa ug 121 nga ipatuman pa nga mikabat ug P256.799 Milliones ka pesos.

Segundo distrito nga naglangkob sa unom ka mga lungsod ug usa ka siyudad, dunay 994 total projects, 667 niini kompleto na, 140 on-going pa samtang 187 ipatuman pa nga mikantidad ug P625.379 Milliones ka pesos. Sa nakita sa records, ang dakbayan sa Dipolog nagbaton ug 137 ka mga proyekto nga kompleto na nga mikantidad ug P331.279 Milliones ka pesos. Ang lungsod sa Sindangan maoy nag-una nga adunay 147 ka mga proyekto nga natapos na nga mikantidad ug P34.881 Milliones ka pesos; lungsod sa Katipunan adu-nay 120 ka proyekto nga mikabat ug P43.695 Million-es ka pesos, Roxas adunay 86 ka proyekto nga mikabat ug P20.944 Milliones ka pesos; Manukan- 80 ka proyekto nga mikabat ug P24.918 Milliones ka pesos; Jose Dalman- 61 ka proyekto nga mikantidad ug P13.232 Milliones ka pesos ug lungsod sa Siayan adunay 36 ka proyekto nga mikantidad ug P17.951 Milliones ka pesos. Wala pay labot niini ang on-going projects nga padayon pang gitrabaho nga mikantidad ug P67.679 Milliones ka pesos.

Sa tersero distrito nga adunay dose ka mga lungsod, ang kagamhanang probinsyal nakatapos na ug 631 ka mga proyekto samtang may on-going projects nga padayon pang gitrabaho ug kining tanan mikabat sa P418.875 Milliones ka pesos. Sumada total, sa tuig dos mil siyete, ang Provincial Engineering Office nakahuman ug 1,718 ka mga infrastructure projects samtang sa on-going nga kamulo pang gitrabaho anaa sa 359 ka mga proyekto.

Matud pa ni Provincial Attorney Jes Gal Sarmiento, ang maong records sa report nga gisubmiter sa Provincial Engineering Office maoy magpamatuod nga ang Yebes administration wala maghaguka diha sa pagtunol ug serbisyo pang-inprastraktura ngadto sa mga barangay ug lungsod sa tibook probinsya sukwahi sa kanunay’ng gisangyaw sa pipila ka mga kritiko nga wala kini nahimo sa iyang pamunoan. (The New Nandau, Vol. XVII No.35)

 

PROVET WALAY PUAS MIIMPLEMENTAR SA VETERINARY OUTREACH PROGRAM NI GOBERNADOR YEBES

Walay puas ang paninguha karon sa Office of the Provincial Veteri-narian sa paghatud sa serbisyo beterinario ngadto sa tanang ka-lungsuran sa lalawigan. Kini ang nasayran gikan ni Mr. Joseph Jatico, Chief of Operations sa maong buhatan, kinsa misaysay nga gikan pa sa bulan sa Enero, ning tuiga hangtud karon ang ilang opisina sa PROVET nakahatud na sa daghanang serbisyo beterinario ngadto sa 20 ka kalungsuran sakop sa lalawigan sa Zamboanga del Norte.

Matud pa ni Jatico, ang maong serbisyo naglang-kob sa mga pagpamurga, pagpanambal, pagpang-hatag ug bitamina ug pagpangbakuna sa gatusan na ka mga manok batok sa dungoy; kanding, karnero, baboy, baka, kabaw batok sa he-morrhagic septicemia; ug iro batok sa rabies.

Sa sayo pa niining bulana, ang ilang opisina mihatag gilayon ug hinanaling ayuda para sa lungsud sa Katipunan aron matabangan ang maong pagpakgang sa pagkuyanap unya sa gikahadlokan nga sakit sa rabies diin usa niini ka residenting magtutudlo ang namatay tungod sa pagpaak kaniya sa iyang iro nga gi-rabies nga gipatay-kaon usab sa 27 ka mga kumakaon ug iro didtong dapita.              Usab sugod niadtong Marso 12, 2008, milusad usab ang ilang buhatan sa PROVET ug serbisyo beterinario para sa lungsud sa Polanco diin gatusan usab ka mga baka, kanding ug kara-baw ang nabakunahan, natambalan, napurga ug nahatagan ug bitamina.

Sumpay pa ni Jatico, alinsunod sa hangyo ni Mr. Senen Ladera, en-kargado sa operation sa Capitol of the South nga nakabasi sa lungsud sa Siocon, ang ilang maong buhatan ang mupadala sunod bulan ug usa ka beterinaryo aron maoy permanenting mutotok sa mga paninganglanon sa mga magbuhi ug hayop didto sa mga Lungsod sa Sibuco, Sirawai, Siocon, Balaguian, ug Gutalac kon Triple SBG.

Si Vic Sanchez, Jr, kasamtangang Hepe sa PROVET ug Special Project Unit ubos sa buhatan sa gobernador, ang namahayag nga sa dili pa matapos ang bulan sa Mayo, ning tuig, ila nang mahatud ang susamang serbisyo sa tanang kalung-suran ug 100 ka mga kabarangay nga maoy ilang gi-set nga per-formance target. Misaad si Sanchez nga iyaha usab ipasupot sugod karong tuiga ang iyang gidesenyo nga usa ka agricultural development concept nga gitawag ug  PUNO BUKID, accronym sa Pu-nong sa Bukid, nga apro-bado na ni Gobernador Lando Yebes. Gituhoan ni Sanchez nga ang maong konsepto, kon maimple-mentar na kini, maoy makahabwa sa atong ka-tawhan gikan sa tumang kalisud ug maghatag pa kini ug ekonomikanhong pag-asenso sa atong mga kabarangayan. Alinsunod sa iyang maong konsepto, gihangyo ni Sanchez ang kapitanes sa mga bara-ngay nga adunay tuburan sa tab-ang nga tuig, ilabina kadtong naa sa kabukiran, sa pagma-kugihon sa paghimo ug mga punong aron kini ang ilang mahagbungan sa ilang buhatan ug mga semilya sa isdang African Hito ug Tilapia para mahatagan nila ug dugang abot ang ilang mga bara-ngay, barato nga sud-ang usad sa latad kan-anan sa ilang mga katawhan, ug dugang trabaho. Ang PROVET pueding makontak sa Telepono numero 212-7063 ug CellPhone Number 0918-9177-106.

 

SP-ZN migahin P600Mil para titulo sa mga yuta

Ubay-ubay karon nga mga kabtangan ug yuta nga gipanag-iyahan sa Zamboanga del Norte nasubay nga walay hustong mga doku-mento nga gibatonan ang probinsya kay gipasagdahan lamang sa nangaging namu-noan busa ang Sanguniang Panlalawigan nagahin ug pahat para maoy igasto sa paglihok sa mga papeles para magam-an ug titulo.

Kini ang nasayran sa hunta probinsyal sa dihang mipadala ug sulat ang buha-tan sa gobernador mahi-tungod sa estadu sa mga yuta nga gipanag-iyahan sa probinsya nga nagpahibalo nga walay hustong mga papeles. Minority Floor Leader Edgar Baguio mipahayag nga sigun sa gina-praktis ilawom sa balaod, ang mobaligya o donors sa yuta ngadto sa gobiyerno maoy mobayad sa mga bolohisan aron ma-isyuhan ug bag-ong titulo sa ngalan sa Zamboanga del Norte.

Apan ang hustong pro-sesso sa balaod wala ma-sunod sa nangaging ad-ministrasyon kay segon sa mga records ang mga yuta nga napalit kaniadto sa probinsya wala magam-e ug titulo gumikan kay wala mabayare ang bolohisan sa mga nagbaligya o sa nag-donar sa yuta. Ang Office of the Provincial Attorney maoy gitahasan ni Governor Lando Yebes sa paghimog aksiyon aron maangkon ang mga papeles legal para sa mga kabtangan sa yuta nga gipanag-iyahan sa probinsya.

Atol sa regular session sa Sanguniang Panlalawigan, gidasonan ang appropriation ordinance nga mokabat ug sayis syentos mil ka pesos aron igasto sa pagpabalhin sa pagpa-titulo sa mga yuta nga gipanag-iyahan sa pro-binsya. Si Board Member Edgar Baguio milakbit saysay kabahin sa pagpalit sa yuta ni kanhi Governor Gani Amatong sa Don Jose Aguire nga maoy karo’y gipahimutangan sa Provin-cial Jail diin wala bayare ang Capital Gain Tax sa nag-baligya ug maoy misagu-bang sa pagbayad ang kagamhanang probinsyal.

Matud ni Baguio, nasinati na nga dunay miangkon nga ila ang yuta nga gipanag-iyahan sa probinsya tungod kay wala man kini nagbaton ug hustong mga dokumento. Alang kaniya, ang Certi-ficate of Title maoy magpamatuod nga ikaw maoy nanag-iya niini. Pinasubay niini, gipadas-ug ang resolusyon nga naghatag ug otoredad sa Provincial Treasurer sa pag-disburse sa kantidad nga sayis syentos mil ka pesos para sa pagbayad sa tanang galastohan diha sa pagbalhin aron ma-isyuhan ug Certificate of Title ang probinsya sa Zamboanga del Norte sa gipanag-iyahan niining yuta. Si Provincial Atty. Ges Gal Sarmiento kinsa maoy gitahasan ni Governor Yebes sa paglihok sa mga papeles aron maangkon legal ang mga yuta nga gipanag-iyahan sa probinsya nama-hayag nga ang pundong salapi para gasto sa pag-kompleto sa mga dokumento gidasonan na sa hunta probinsyal atol sa budget hearing sa miaging tuig.

Matud niya, naubay sa iyang buhatan human giman-do sa gobernador nga lanta-won ang mga papeles sa yuta nga gipanag-iyahan sa probinsya nasuta nga ang ubang napalit ug donasyon sa mga yuta hangtud karon wala pay titutlo lakip na ang mga kabtangan sa nasud-nong pangagamhanan nga walay hustong mga dokumento. Usa lamang sa gihisgutan ni Atty. Sarmiento ang yuta nga maoy gitindogan karon sa karaang Provincial Hospital diha sa Barangay Biasong nga wala magbaton ug hustong dokumento tungod kay wala bayre ang bolohisan. Matud ni Atty. Sarmiento, ang palisiya sa gobiyerno diha sa pagpalit ug kabtangan gikinahanglan “dawat limpyo”, bayran tanang buhis sa nagbaligya ayha paliton. Apan kini wala masunod sa nangaging namunoan hinungdan nga ang nagsunod nga liderato maoy nagkaproblema.

Apan matud pa sa provincial attorney, kon kini nga palisiya maoy sundon hayan dili gayud maangkon legal ang mga kabtangan nga gipanag-iyahan sa probin-sya gumikan kay ang mga tag-iya kaniadto nga nagdonar o kaha nagbaligya sa ilang kabtangan wala nay interes pa nga bayran ang buhis kay napalit naman kini sa gobiyerno busa nangayo siya karon ug gahin nga pundo aron mabayran ang na-amuroso nga buhis aron ma-aplayan na kini para titulo sa ngalan sa Zamboanga del Norte. (The New Nandau, Vol. XVII No.35)

 

Governor Yebes miuktaba sa iyang SOPA karong Marso 31

Giuktaba ni Governor Rolando Yebes ang iyang pagdeliver sa State of the Province Address inay karong tapos sa semana santa giuswag ngadto sa katapusang bulan karong Marso 31.

Kini ang sulat nga gipadangat sa gobernador ngadto sa mga membro sa Hunta Provincial nga ilang gituki atol sa regular session. Gipasabot ni Governor Yebes nga gumikan kay ang Regional Athletic Meet sa rehiyon nuybe nga gika-takdang opisyal pagabuk-san karong Marso 24, 2008 dinhi sa dakbayan sa Dipolog, Zamboanga del Norte, iyang gi-uswag ang gika-eskedyul nga SOPA ngadto sa Marso 31.

Matud ni Governor Yebes nga ang iyang pag-uktaba sa nahaunang eskedyul sa iyang SOPA aron ang mga opisyales sa probinsya sa Zamboanga del Norte ilabi na ang elective ug appointive dunay panahon ug oportunidad nga makasalmot sa Regional Athletic event. Sumala pa ni Board Member Joseph Brendo Ajero, ang Sangguniang Panlalawigan nakapasar na ug resolusyon nga nagtakda sa petsa sa State of the Province Address ni Governor Yebes karong Marso 24, 2008 nga ipahigayon sa Zamboanga del Norte Convention Center, apan pinasubay sa hangyo sa gobernador nga nag-uktaba sa orihinal nga petsa sa iyang SOPA usa ka ‘meretorius request” ilabi na nga ang maong petsa dungan usab ang Regional Meet nga pagahimoon dinhi sa dakbayan sa Dipolog. (The New Nandau, Vol. XVII No.35)

 

Assignment ni PCI Maclang sa Pagadian gibabagan ni Herrera

Gibabagan karon ni kanhi Konsehal Joseph Herrera ang bag-ong assignment ni PCI Reynaldo Maclang isip hepe sa kapolisan sa dakba-yan sa Pagadian tungod kay kini nakalapas sa existing memorandum circular sa PNP nga ang usa ka police officer nga nag-atubang ug kaso dili mapatas-an sa iyang ranggo o kaha hatagan ug bag-ong assignment.

Kini maoy sulat ni Herrera ngadto kang Police Director General Avelino Razon, Jr. tapos niya ma-sayre nga si PCI Maclang giinstalar nga bag-ong hepe sa kapolisan sa Pagadian City. Matud ni Herrera, ang maong order violative kini sa existing memorandum circular nga mao ang “Uniform Rules of Procedure sa Republic Act 6975, DILG Act of 1990 nga nagdili sa reassignments sa PNP officials kinsa dunay pending administratibong kaso. Matud ni Herrera, isip siya netibong Dipolognon pabilin siya sa iyang posisyon nga ang dakbayan sa Dipolog dili butangan ug opisyal sama ni Maclang kinsa mipakita sa iyang pagka arogante.

Si Herrera, kanhi konsehal sa dakbayan sa Dipolog nakatilaw ug bun-og sa iyang nawong sa dihang gipaluparan kinig kinumo ni Maclang samtang mao pa kini ang hepe sa Dipolog Police Station. Gisaysay usab sa sulat ni Herrera ngadto kang Gene-ral Razon nga si Maclang hulga sa presidential security tungod kay atol nga dinhi sa Zamboanga del Norte si Presidente Gloria Arroyo, nakadakop ang kapolisan ug mga kriminal ug nakuhaan ug armas apan sa walay igong rason gibuhian sa maong opisyal. Tungod niini, gihangyo ni Herrera ang liderato sa PNP nga dili ipadayon ang pag-assign ni Maclang sa bisan asang PNP command, sa Pagadian o kaha dinhi sa Dipolog o sa bisan asang lugar dinhi sa pilipinas. (The New Nandau, Vol. XVII No.35)

 

Jalosjos miduso ug protesta pag-nullify sa election proceedings sa NMYL

Sa dakong pagtuo nga dunay nahitabong halapad nga pagpanikas ang gipahigayon nga election sa mga membro sa National Movement of Young Legislators kon NMYL, si Board Member Seth Frederick “Bullet” Jalosjos miduso ug protesta sa Department of Justice aron pag-nullify sa election proceedings kabahin sa bag-ohay palang gipahigayong piniliay niadtung Pebrero 28 didto sa Waterfront Hotel and Casino sa Cebu City.

Si Board Member Jalosjos kinsa kandidato sa pagka national president sa NMYL lakip na sa laing duha ka mga aspirante gikan sa Luzon ang napildi sa pag-ihap sa mga boto sa gamay lamang nga biya diin ang migulang mananaug mao si Board Member Cecilia Claire “Jing” Reyes sa Isabela province. Miduso usab ug protesta mao si Board Member Von Mark Mendoza sa probinsya sa Pangasinan kinsa aspirante usab sa pagka presidente.

Uban ni Reyes sa maong complaint mao ang mga membro sa COMELEC nga maoy nagserbe sa gipahigayong piniliay. Sa interview, si Jalosjos mipabate sa iyang dakong pagkadismaya sa nahimong resulta sa eleksiyon tapos nila masayre nga dunay daghang anomaliya nga nahitabo ilabi na ang computerization nga prosesso nga wala maaprobahe atol sa ilang general assembly sa liga. Nasayran ang eleksiyon sa NMYL niadtung miaging bulan sa Waterfront Cebu, maoy pinaka-una nga migamit ug computerization program. Inay nga computer na ang gigamit sa eleksiyon, nabuntagan pa hinoon ang pag-ihap sa mga boto kay nagsugod gikan sa alas sayes sa gabii nahuman ug alas tres sa kaadlawon nga wala sukad masukad mahitabo sa nangaging eleksiyon sa maong kahugpongan. Gawas pa niini, wala usab motakdo ang gidaghanon sa mibotar kon ikumpara sa migawas nga resulta.

Ang National Movement of Young Legislators kon NMYL gilangkoban sa mga piniling magbabalaod sama sa mga bise mayor, City or Municipal Councilors ug Board Members nga nagpangidaron ug dili molapas sa 35 anyos. (The New Nandau, Vol. XVII No.35)

 

SP misuporta sa House Bill pag-usbaw sa
monthly compensation sa Daycare Workers

Gisuportahan sa Sangguniang Panlalawigan sa Zamboanga del Norte ang gisugyot nga balaodnon sa kongreso nga nagtinguha sa pagpa-usbaw sa binulan nga suholan sa mga Daycare Workers sa tibook nasud.

Ang maong balaodnon nga gipasa sa kongreso maoy rekomendasyon sa Sanguniang Panlalawigan sa Aurora nga naghangyo ug kusganong suporta gikan sa nagkalainlaing probinsiya sa nasud diha sa pag-endorsar sa House Bill No. 111 nga mao ang pag-institutionalise sa pre-scholl education nga patas-an ang monthly compenzation sa mga DayCare Workers. Ang maong rekomendasyon pagsuporta sa maong balaodnon giduso ni Board Member Angelica Jalosjos-Carreon, SK Provincial Federation President atol sa regular session sa Sanguniang Panlalawigan.

Matud pa ni Board Member Carreon, ang maong gisugyot nga balaodnon sa kongreso diha sa pagpa-usbaw sa suholan sa mga DayCare Workers sa tibook nasud usa ka maayong lakang aron kahatagan usab ug maayong insentibo ang lumilihok sa barangay nga makatudlo ug maayong edukasyon ngadto sa mga kabataan. (The New Nandau, Vol. XVII No.35)

 

4 pakpakan panagatan nadakpan

Upat ka mga panagatang Pakpakan ang nadakpan sa mga meyembro sa 103rd Maritime Police sa gipahigayong seaborne patrol niini sa Sindangan Bay sa sayung bahin ning semanaha. Kini ang gibutyag ni SPO1 Alan Pestanas ang tigpamaba sa 103rd Maritime Police nga nakabasi sa San Vicente sa dakbayan sa Dapitan.

Ang upat ka mga Pakpakan nadakpan sa Maritime Police sulod sa Sindangan Bay nga nasakop sa municipal waters sa Sindangan. Gitataw ni SPO1 Pestanas nga ang upat ka mga Pakpakan ang nasakpan nilang nanagat sulod sa tulo ngadto sa upat ka kilometros gikan sa baybayon. Ang panagatan nga Pakpakan giila nga usa ka commercial fishing boat ug gidid-an nga makapanagat sulod sa mga municipal waters kon sulod sa kinse ka kilometros gikan sa baybayon.

Giila ni SPO1 Pestanas ang mga nadakpan nilang mga Pakpakan nga gipanag-iyahan nila ni Eriberto sa Leon Postigo, Beverly Pursuelo sa Bantayan, Sindangan, Ernesto Opawon sa Sinipay, Sibutad ug Aquilino Pasculado sa Turno ning dakbayan sa Dipolog. Sa upat ka Pakpakan nga ilang nadakpan sulod sa municipal waters sa Sindangan usa niini nagamit sa pikot ug mata nga pukot nga nahasupak sa balaod.

Matud pa ni SPO1 Pestanas, ang mga yanung mananagat sa Sindangan nagpadangat ug hangyo sa ilang reheyonal nga buhatan didto sa Cagayan de Oro City alang na sa pagsumpo sa illegal nga operasyon sa mga Pakpakan sulod sa ilang municipal waters. Gipasakaan na sa 103rd Maritime Police ug tukmang kaso ang upat ka mga tag-iya sa Pakpakan. (Press Freedom, Vol. XX No. 22)

 

Green and Livelihood program sa kahanginan
Universidad ni Lando sugdan

Pormal nga gibukasan sa mga tinugyanan sa Office of the Provincial Agriculturist sa Zamboanga del Norte ang Unibersidad ni Lando sa Kahanginan Hi-Green and Livelihood Program.

Ang nasangpit nga programa mabati gikan sa Lunes hangtud Byernes sa Radyo Ronda-DXKD ning dakbayan sa Dipolog gikan sa alas 5:00 sa buntag hangtud pagka alas 6:00 ilawom sa pagdumala ni Mr. Woody Danieles. Si Deputy Provincial Agriculturist Maybel Bustalino, nag-awhag sa mga mag-uuma diha sa mga kabarangayan sa ZaNorte nga magpalista o magpa-enroll sa maong programa nga molungtad ug duha ka buwan diin gikatakdang mopaso sila atol unya sa pagpahigayon Hudyaka Festival 2008 karong buwan sa Hunyo.

Ilawom sa maong programa itudlo sa mga tinugyanan sa agrikultura ang nagkadaiyang mga teknolohiya diha na sa pagpananum sa nagkadaiyang mga agricultural products. Ang nasangpit nga programa Unibersidad ni Lando sa Kahanginan gipaluyuhan usab sa Department of Agriculture kinsa nakadayeg nga ang kagamhanang probinsiyal sa ZaNorte nakamugna ug susamang programa para mapaabot gayud hangtud na sa hilit nga barangay ang tukmang mga inpormasyon ug kahibawo kabahin na sa pagpanguma.

Sa iyang kabahin si Kapitan Nathan Patangan sa Barangay Diwan ning dakbayan sa Dipolog nga maoy giplanohang himoong modelo nga barangay sa programa sa agrikultura sa probinsiya. Sa sayu pa gibutyag ni Kapitan Patangan nga ang programa sa probinsiya nga Hi-Green mao karon iyang gitutukan nga maimplementar gayud sa ilang barangay kay daghan sa iyang mga sakup nga mag-uuma ang interesadong mopameyembro niini taliwala sa kakuwang sa siyudad sa Dipolog sa pagpatuman ug kongkretong programa para sa agrikultura. Sumala pa sa kapitan sa Diwan gikan sa iyang paglingkud hangtud karon wala gayud siya makahinagbo ug agricultural technician gikan sa buhatan sa agrikultura sa Dipolog nga mibisita sa ilang barangay ug milugway ug tabang ngadto sa ilang mga mag-uuma.

Kini sukwahi sa gihimong pag-angkon sa mayor sa Dipolog sa iyang State of the City Address nga ilawom sa iyang administrasyon ang city government nagalugway ug incentives ngadto sa sector sa agrikultura. (Press Freedom, Vol. XX No. 22)

 

Eleksiyon sa NMYL anomaloso
Bullet Jalosjos mopasaka ug kaso

Usa ka administratibang kaso ang gipasaka karon atubangan sa DILG Manila para ideklarar nga pakyas ang eleksiyon sa 16th National Congress sa National Movement of Young Legislators nga gipahigayon didto sa dakbayan sa Sugbu sa nakalabay’ng Pebrero 27-29, 2008 sa Waterfront Hotel.

Ang mga complainant mao sila si Board Member Seth Frederick “Bullet” Jalosjos sa Sangguniang Panlalawigan sa Zamboanga del Norte ug Board Member Von Mark Mendoza sa Pangasinan nga pulos mikandidatu sa pagka national president sa NMYL.

Ang gikasohan nila mao si Cecilia Claire “Jeng” Reyes sa lalawigan sa Isabela nga maoy gideklarar nga mananaug sa gipahigayon eleksiyon sa NMYL uban sa mga meyembro sa COMELEC sa nasangpit nga piniliay nga gilangkuban na sa mga opisyales sa DILG. Si Board Member Jalosjos sa interview sa mga meyembro sa Zamboanga del Norte United Correspondents nagkanayon nga sa unang higayon gigamit sa piniliay sa NMYL ang computerized elections nga wala gani moagi sa pagdason sa mga meyembro niini.

Gisaysay usab niya ang klarong pagmaniobra sa ilang kaatbang nga si Jeng Reyes nga maoy ilang national auditor sa NMYL. Samtang si Board Member Joseph Brendo Ajero, nagkanayon nga wala usab siya mahinumdum nga giamendahan nila ang ilang constitution and by-laws may kalabutan na sa pagpahigayon ug eleksiyon nga pinaagi na sa computerized system. Matud pa ni Board Member Ajero klaro gayud nga adunay pagmaniobra para paboran ang kandidatura ni Jeng Reyes kay sa ilang pagbotar pinaagi sa pagtuplok sa screen sa computer diin nakabutang ang panagway sa mga kandidatu bisan ang gibotohan si Board Member Jalosjos apan paggawas sa computer printout laing pangalan sa kandidatu ang mabutang nga maoy nabotohan sa meyembro sa NMYL.

Sumala pa ni Ajero computerized na tuod ang ilang eleksiyon sa NMYL apan nagsugod sila ug alas 7:00 sa gabii nahuman pagka alas 3:00 na sa kaadlawon pagka sunod adlaw. Mas maayo pa ang ilang manual nga eleksiyon kaniadto kay sulod sa duha ka oras gikan sa pagpahigayon sa ilang eleksiyon mahibaw-an na si kinsa ang migawas nga mananaug, dugang pahayag ni Board Member Ajero. Samtang si Board Member Jalosjos mipaklaro nga ang ilang pagpasaka ug kaso karon dili kabahin na sa iyang kapildihon pagka national president sa NMYL kon dili kabahin sa garapalang anomaliya nga nagpaluyo sa pagpahigayon sa ilang piniliay sa national congress.

Tungod sa mga pagmaniobra daghang mga meyembro sa NMYL gikan sa Visayas ug Mindanao ang wala makabotar tungod sa panagkonsabo sa secretariat sa NMYL nga nahimong sakup sa ilang COMELEC ug ni Reyes nga maoy ilang national auditor. Matud pa ni Bullet bisan pa man ug ilang gikwestyon ang pipila ka mga punto sa pagpahigayon sa ilang eleksiyon nga nakita nila nga wala magsubay sa gimbut-an sa balaod ang ilang COMELEC wala gayud mohimo ug aksiyon. Samtang si Board Member Ajero midugang sa pagpahayag nga ang mga meyembro sa NMYL sa Visayas ug Mindanao nagkasabut na nga kon dili hatagan ug aksiyon sa DILG ang gipasaka karong kaso moboykot na sila sa tanang mga kalihukan niini ug magtukod sila ug usa gayud ka liga para sa mga batan-ong magbabalaod sa tibook nasud. (Press Freedom, Vol. XX No. 22)

 

Mga pobre sa ZN kuhaan –Rosevic

Daku ang pagsalig sa Provincial Planning and Coordinator sa Zamboanga del Norte nga mapa-ubsan pa niini ug dugang ang gidaghanon sa mga kabus nga katawhan sa lalawigan sa mosunod nga mga tuig para hingpit na gayud nga malaksi ang probinsiya sa talaan mga pinaka pobreng lalawigan sa tibook nasud.

Kini ang gipalanog ni Ms. Rosevic Lacaya-Ocampo, Provincial Planning Coordinator sa ZaNorte human migawas ang resulta sa gipahigayong survey sa National Statistics Coordination Board sa poverty incidence sa tibook nasud diin nagpakita nga gikan sa tuig 2003 hangtud sa 2006 miubos ug balig 1.5 porciento ang gidaghanon sa kabus nga katawhan sa lalawigan nga maoy naglaksi niini gikan sa pagka numero unong pordoy nga probinsiya sa tibook nasud.

Angayang kahinumduman sulod sa administrasyon ni kanhi Governor Isagani Amatong gikan sa tuig 1997 hangtud 2003 padayong nagkadaghan ang mga kabus nga katawhan sa lalawigan hangtud nga nadeklarar ang ZaNorte nga maoy pinaka pobre nga probinsiya sa tibook nasud sa tuig 2003. Gihisgutan sa provincial planning coordinator sa ZaNorte nga ang paghatag ni Governor Rolando Yebes ug prayoridad sa programa alang sa pagtubag sa kawad-on sa katawhan sa lalawigan nakatabang ug daku sa pagtubag sa maong problema.

Sa paglingkud sa administrasyong Yebes gilusad gilayon niini ang poverty mapping survey sa tibook lalawigan aron sa pagsuhito si kinsa ang mga lungsuranon sa ZaNorte nga maoy nagkinahanglan sa tabang gikan sa atong kagamhanan. Agig sangputanan sa poverty mapping nga gihimo sa Community Development Assistance Unit o CDAU sa buhatan sa gobernador nahimogso ang nag-unang programa sa probinsiya para sa mga kabus nga katawhan nga gitawag ug Barangay Indigent Beneficiaries Organization nga naila karon sa tibook ZaNorte nga LANDO BIBO program.

Ang maong programa nanganak sa Provincial Health Care Assistance Program o PHCAP diin ang mga meyembro niini gihatagan ug libreng hospitalization ug maoy nag-una sa pagdawat sa mga livelihood projects sa probinsiya. Karon ang mga meyembro sa LANDO BIBO gipa-enroll sa PHILHEALTH para dugang pang benepisyo ang ilang maangkon gikan sa kagamhanang probinsiyal sa tuyo nga sila mahaw-as gikan sa paglunang sa kawad-on nga maoy nagbitad sa lalawigan paingon sa ubos diin nahimo kining pinaka pordoy nga probinsiya sa tibook nasud niadtong tuig 2003. (Press Freedom, Vol. XX No. 22)

 

Regional Meet dry run

Ang pagpahigayon sa regional athletic meet sa katapusang bahin karong buwan sa Marso maoy magsilbing dry run para sa plano sa gobernador nga dalhon ug balik sa Zamboanga del Norte ang pagpahigayon sa Palarong Pambansa.

Mao kini ang gipahayag ni Atty. Ivan Patrick Ang, Provincial Tourism Officer nga maoy gitahasan karon ni Governor Rolando Yebes sa pagsiguro nga mahatagan sa tukmang pagtagad ug pag-atiman ang mga delegasyon gikan sa nagkadaiyang probinsiya ug siyudad nga sakup sa Zamboanga Peninsula Region nga mosalmot sa Regional Athletic Meet karong Marso 24-28, 2008.

Angayang kasayran nga sukad sa tuig 1991 karon pa nakabalik ang regional athletic meet gipahigayon sulod sa ZaNorte Sports Complex ning dakbayan sa Dipolog. Sa miaging tuig ang probinsiya sa ZaNorte maoy nagsilbing host sa regional athletic meet apan didto kini gipahigayon sa lungsod sa Siocon.

Sulod sa taas nga panahon nga ang pagpahigayon sa provincial ug regional athletic meet gihimo na sa ubang bahin sa probinsiya tungod sa hinungdan nga ang ZaNorte Sports Complex dili magamit atubangan sa problema niini kabahin sa kontrobersiya sa yuta nga anaa mahimutang sa oval nga wala maresolbar sa administrasyon ni kanhi Governor Isagani Amatong atubangan sa mga rekomendasyon sa presyo alang na sa pagpalit niini. Ang problema sa yuta sa Sports Complex nahitabo sulod sa administrasyon ni Amatong sa tuig 1992 diin ang mga kaliwat sa pamilyang Martinez nga maoy nanag-iya niini dugay rang nagpadayag nga andam nilang ibaligya ang maong yuta ngadto sa probinsiya.

Tuod man adunay mga negosasyon nga gipahigayon sa provincial attorney ni Amatong apan ang tanang mga rekomendasyon gilingkuran ra niini hangtud nga mikanaug siya sa gahum kay napilde sa eleksiyon sa 2004. Matud pa ni Atty. Ang sigurado nga modagsa gayud ang bagang duot sa katawhan dinhi sa Dipolog alang sa usa ka semanang regional meet.

Si Atty. Ang midugang sa pagpahayag nga ang pagpahigayon karon ug balik sa maong regional meet sulod sa ZaNorte Sports Complex maoy magsilbing dry run sa tinguha ni Governor Rolando Yebes nga dalhon ug balik dinhi sa Dipolog ang pagpahigayon sa Palarong Pambansa nga napahigayon niadtong tuig 1982. Samtang sa laing kalamboan hapit na mahing-pit ang gihimong pagkomponi ug pagpangandam sa kagamhanang probinsiyal sa Zamboanga del Norte Sports Complex ning dakbayan sa Dipolog alang na sa pagpahigayon sa Regional Athletic Meet sa katapusang semana sa Marso ning tuiga.

Kini ang gibutyag ni Atty. Rafael Cabanlit, Provincial Administrator sa ZaNorte may kalabutan na sa nagapadayong pagtrabaho ug pagkomponi karon sa nagkadaiyang mga pasilidad sa Sports Complex. Gihulagway ni Atty. Cabanlit nga massive ang gihimong pagpreparar sa Sports Complex aron makasingabot gayud sa adlaw sa pagbukas sa regional meet sanglit gipahatan kini ni Governor Rolando Yebes ug igong pundong salapi ingon man pagpakatap ug mga tawo nga maoy motrabaho niini para paspas ang agi.

Sa pagka karon matud pa ni Cabanlit migastu na ang probinsiya ug kapin sa dos milyones ka pesos ug modagan pa kini hangtud na sa P6 milyones ka pesos ang gastuhon. Matud pa niya ang daku nga gitrabaho nila karon mao ang pagkomponi sa oval nga gipabantok nila ug balik ug gitambakan human kini gilungagan panahon sa off-road competition sa Hudyaka Festival aron sa pagsiguro nga igsakto sa kabantok sa sports ground para dili madisgrasya ang mga magduduwa.

Sa sayu pa gibutyag ni Atty. Ivan Patrick Ang, Provincial Tourism Officer nga labing minus mokapin sa upat ka libu ka mga delegasyon gikan sa nagkadaiyang probinsiya ug siyudad nga sakup sa Zamboanga Peninsula Region ang modagsang dinhi sa dakbayan sa Dipolog panahon sa regional meet. Matud pa ni Atty. Ang ang regional meet maoy usa sa mga dagkung kalihukan nga masinati karon sa ZaNorte nga gilantaw nila nga makapalagsik ug dugang sa atong industriya sa turismo ingon man sa sector sa agrikultura ug sa atong ekonomiya. (Press Freedom, Vol. XX No. 22)

 

SOCA NI MAYOR UY WALA MOTAKDO SA ILANG BUDGET UG LIHOK NAPUTOS SA BURIT

Daghang mga inconsistencies nga nakita karon sa giluwatang State of the City Address ni Mayor Evelyn Uy komparar sa gibatunan nilang budget para karong tuig 2008. Sa iyang SOCA daghang gihisgutan ang mayor nga mga punto nga giangkon niyang nahimo ug maoy gihimo sa iyang administrasyon apan wala masinati sa mga katawhan ilabi na sector sa agrikultura.

 

Si Mayor Uy nagkanayon nga ang buhatan sa agrikultura sa siyudad milusad ug higpit nga kampanya para food production drive ug nagadasig sa mga mag-uuma sa pagsagup sa improved scientific and recommended farming methods and practices para mapa-umentohan ang productivity. Pipila sa mga stake holders sa sector sa agrikultura ning dakbayan sa Dipolog sa dihang gikuhaan sila ug reaksiyon sa pag-angkon sa mayor sa iyang SOCA igo lamang silang nangatawa.

Samtang si Kapitan Nathan Patangan sa Barangay Diwan mitataw nga wala gayud kini mahitabo sulod sa ilang barangay nga ang city hall adunay gipatuman nga kongkretong programa para sa agrikultura. Matud pa sa kapitan sa Diwan kay ang maong pag-angkon ni Mayor Uy nga nabuhat sa iyang administrasyon para sa agrikultura nakita unta kini niya sa ilang barangay nga anaa ang dakung potentials sa agrikultura ug ang pinakadaku nga barangay sa Dipolog nga nagbatun ug halapad nga kayutaan para sa agrikultura.

Sa budget sa Dipolog ilawom sa 20% Economic Development Fund mokabat lamang sa usa ka milyon ka pesos ang gipahat niini para sa Agricultural Development Program. Ilawom sa report sa city accountant nga mitala ug P27 milyones ka pesos nga deficit ang Dipolog sa tuig 2007 gideklarar ni Mayor Uy nga nagapabiling baskog ang panudlanan sa siyudad. Daghang gihisgutan ang mayor sa Dipolog sa iyang SOCA nga nahulog nga pulos burit lamang sama sa giangkon niini nga ang city government naglugway karon ug mas halapad nga pagtagad ingon man naghatag ug dugang incentives para sa agrikultura, komersiyo ug industriya. Bugtong gipanghinambog niini mao ang gisagup nilang One-Stop-Shop diha sa pag-isyu ug business permits matag unang bahin sa tuig.

Bahin sa incentives para sa sector sa mga magpapatigayon daghan sa mga negosyante sa Dipolog ang mibutyag nga wala gayud sila makatilaw ug kontrata gikan sa city hall kay gisolo ra sa mga dummy nga mga patigayon sa pamilya sa mayor ang nakapahimulos niini gikan sa pagpahigayon ug mga seminars hangtud na sa pagpamalit sa kabilya, semento ug spare parts. Samtang si gihisgutan ni Mayor Uy sa iyang SOCA nga walay hunong ang kampanya sa kapulisan batok sa illegal drugs, illegal gambling ug uban pang kriminalidad nagapabilin nga wala matandog hangtud karon ang operasyon sa illegal nga sugal sa swertres dinhi sa Dipolog. Si Mayor Uy naghisgut usab nga ang tanang lihok sa usa ka lider sa kagamhanang local kinahanglan nga kini transparent o sihag aron magmalamposon ang demokrasya.

Apan wala kini mohatag ug katin-awan kon ngano nga ang gibatunan niyang discretionary fund gikan sa intelligence, confidential ug peace and order expenses mokabat sa P32.5 milyones ka pesos ang gipahat. Ilawom sa budget sa buhatan sa mayor sa Dipolog ang gipahat nga pundo para sa Expenses Related to Peace and Order para karong tuiga mokabat sa P25 milyones ka pesos. Wala gayud niya ipatin-aw sa iyang SOCA ngano nga gipaumentuhan ug daku ang maong pahat nga sa tuig 2007 mokabat lamang sa P17 milyones ka pesos ang gipahat nga pundo para sa maong katuyuan samtang ang Dipolog nagbatun lamang ug 21 ka mga barangay mas daku pa ug budget nga gigahin para sa iyang intelligence fund. (Press Freedom, Vol. XX No. 22)

 

KANHI MAYOR SA DIPOLOG PADAYONG GIPAGAMIT
SA SAKYANAN SA SIYUDAD UG MAY DUHA KA POLICE ESCORT

Gisaway karon sa mga tarung nga kawani sa siyudad sa Dipolog ang ilang gitawag ug garapalang kurapsiyon sa kasamtangang administrasyon diha na sa pagpahimulos sa pagsupsup sa kuwarta sa katawhan para sa ilang personal nga mga interest. Usa na sa ilang gitumbok ug gikwestyon karon mao ang padayon nga paggamit ni kanhi Mayor Roberto Uy sa sakyanan sa city hall ang green nga Frontier sa nagkadaiyang mga lakaw niini dalang sayu nga pagpangampanya sa nagkadaiyang bahin sa lalawigan.

Sila nakapangutana kon ngano nga hangtud karon ang kanhi mayor nga dili na usa ka opisyal sa siyudad padayon gihapon nga mogamit sa maong sakyanan sa gobyerno, gasoline sa gobyerno, driver sinuhulan sa gobyerno ug aduna pay duha ka police escort. Alang kanila ang gibuhat karon ni Mayor Evelyn Uy maoy pagpakita atubangan sa mga kawani sa city government nga ang tanang resources sa gobyerno ilahang gamiton para sa ilang kaugalingong politikanhong interest.

Ang pinaka ulahing report naghisgut nga ang sakyanan sa city hall gidala sa kanhi mayor didto sa Barangay Compra sa Liloy kay nag-inugurar ug usa ka school building project nga hinatag sa Filipino-Chinese Chamber of Commerce and Industry. Sa samang bahin gikonpirmar sa pipila ka kawani sa motorpool sa city engineering sa Minaog nga nalakip na sa giabusohan karon sa pamilya sa mayor mao ang gibatunang mga ekipo sa siyudad. Sumala pa nila sigun sa records si kanhi Mayor Berto Uy miabang sa gamay nga payloader sa Dipolog alang sa usa ka adlaw nga paggamit niini.

Apan ang gipagawas nga ekipo mao ang daku nga payloader sa Dipolog ug mokabat na sa 14 ka adlaw gikan sa pag-abang niini wala pa mabalik ang ekipo nga unta kini giabangan para sa usa ka adlaw lamang. Sa susamang kalambuan gibutyag usab nila nga si Mr. Romy Reyes, City Budget Officer halos kada Sabado ug Domingo ilang mamatikdan nga maghakut ug mga kahoy gikan sa motorpool ug gituhuang gidala kini sa ilang kaugalingong balay.

Sumala pa ang mga kahoy nga gihakot ni Reyes mao kadtong mga dinakpan sa Dipolog CENRO nga gideposito karon sa motorpool area ug kadtong mga kahoy gikan sa giguba nga mga edipisyo sa siyudad nga maayo ug lig-on pa.     Matud pa nila kini ilang namatikdan sulod na sa pipila ka Sabado ug Domingo. (Press Freedom, Vol. XX No. 22)

 

BOARD MEMBER JALOSJOS-CARREON MISUPORTA SA
LAKANG PARA UMENTUHAN SUHOL SA DAY CARE WORKERS

Higpit nga gipadas-og sa batan-ong magbabalaod sa Zamboanga del Norte nga nagrepresentar sa sector sa mga kabataan ang balaodnon nga nagtinguha sa pag-institutionalize sa free education ug pagpa-umento sa binuwan nga suhol sa mga day care workers. Kini ang gipadas-og ni Board Member Angel Jalosjos-Carreon may kalabutan na sa gihikay karong balaodnon didto sa kongreso nga nagtinguha sa pagpalig-ong sa libreng edukasyon para sa tanan ug ang pagpa-umento sa binuwan nga suhol sa mga day care workers sa tibook nasud.

Ang nasangpit nga lakang gipadas-og ni Congressman Juan Edgardo Sony Angara nga nanawagan sa tanang mga Sangguniang Panlalawigan sa tibook nasud sa pagpaluyo sa giduso niyang balaodnon. Sa iyang kabahin si Board Member Angel Jalosjos-Carreon nagkanayon nga sa iyang nakita adunay bug-at nga merito ang gipadas-og nga lakang atubangan sa hawanan karon sa kongreso.

Busa gipadas-og usab sa representante sa sector sa mga kabatan-onan ang pagpanday ug resolusyon nga nagpadayag sa Sangguniang Panlalawigan sa ZaNorte sa pagpaluyo sa nasangpit nga lakang didto sa ubos balay balauranan sa atong nasud. (Press Freedom, Vol. XX No. 22)

 

P200M NABILIN SA PANUDLANAN SA ZANORTE PAGTAK-OP SA 2007 –ASST. TREAS. CONCEPCION

Mokapin sa P200 milyones ka pesos ang nahibiling pundo sa panudlanan sa kagamhanang probinsiyal sa Zamboanga del Norte sa pagtak-op sa tuig 2007. Mao kini ang gibutyag ni Assistant Provincial Treasurer Jessie Concepcion sa interview sa mga meyembro sa Zamboanga del Norte United Correspondents kagahapong adlawa.

Matud pa ni Assistant Provincial Treasurer Concepcion bisan ug wala pa niya mahiling ang ilang cash book apan daku ang iyang pagsalig nga mokapin sa P200 milyones ka pesos ang gibatunang kuwarta sa probinsiya. Sumala pa niya mao kini cash position sa kagamhanang probinsiyal sa ZaNorte nga naglangkub na sa ilang current account ug ang gitawag nila ug time deposit.

Sa sayu pa sa induction sa bag-ong opisyales sa ZNUC gipahibawo ni Governor Rolando Yebes nga karong tuiga sugdan niya sa pagpatindog ang bag-ong ZaNorte Cultural and Sports Center kay aduna siyay P100 milyones ka pesos nga savings nga maoy iyang gamiton sa pagpatindog sa maong proyekto. Gikonpirmar usab kini ni Concepcion nga aduna nay appropriation ang plano ni Governor Yebes nga magtukod ug bag-ong cultural and sports center.

Ang assistant provincial treasurer sa ZaNorte mitataw nga layu ra mahitabo nga motala ug deficit ang probinsiya kay sa ilang cash position karon mokapin sa P200 milyones ka pesos ang gibatunan nilang pundo.        Sa samang bahin gibutyag ni Assistant Provincial Treasurer Concepcion nga mokapin sa 80 porciento ang ilang tax collection efficiency sa nakalabay nga tuig 2007. Matud pa ni Concepcion bulto sa nakuha nilang koleksiyon nagagikan sa gipatuman nilang Contract Payment System sa mga proyekto nga ang probinsiya maoy miunay sa pagpatuman uban na sa real property taxes ug uban pang mga tinubdan lakip sa Internal Revenue Allotment.

Sa samang bahin nakadayeg ang buhatan sa mamahandi sa ZaNorte sa performance sa mga municipal treasurer diin adunay milabaw pa kay sa ilang target collection samtang ang uban mitala ug 80 porciento nga collection efficiency. Hinoon adunay mga lungsod nga misinati ug paghinay sa ilang koleksiyon sa pingkasan sa yuta ilabi na kadtong adunay mga kasamok nga nasinati sa pipila ka mga barangay niini diin pipila sa mga molopyo ang namakwit. (Press Freedom, Vol. XX No. 22)


PHILI’S ANGELS GIDEKLARAR NGA AMBASSADRESS
OF GOODWILL UG ADOPTED DAUGHTERS OF ZANORTE

Pormal nga gipasalamatan kagahapong adlawa ang Phili’s Angels of Scotland sa kagamhanang probinsiyal sa Zamboanga del Norte sa gilugway niining tabang para sa katawhan sa lalawigan ilabi na sa gidonar nilang mga kagamitan para sa ZaNorte Medical Center.

Sa usa ka yanung seremonyas gitunol ni Governor Rolando Yebes ang resolusyon nga bag-o rang giha-on gikan sa Sangguniang Panlalawigan sa ZaNorte nga nag-ila sa mga meyembro sa Phili’s Angels nga maoy ambassadress of goodwill sa ZaNorte para sa Scotland ug sa samang bahin nag-ila kanila nga adopted daughters of ZaNorte. Sa sayu pa gihangyo ni Governor Yebes ang Sangguniang Panlalawigan sa pagpanday ug usa ka resolusyon para paga-ilhong ambassadress of goodwill ang mga meyembro sa Phili’s Angels. Apan sa dihang gituki na kini sa hawanan sa balay balauranan sa ZaNorte gipadas-og sa mga meyembro niini nga gawas sa pagdeklarar kanila nga ambassadress of goodwill angayan nga pasalamatan sila sa ilang ayuda nga gihatag sa probinsiya para sa medical center ug sa samang bahin giila ang mga meyembro sa nasangpit nga charity organization nga adopted daughters of ZaNorte.

Ang unod sa resolusyon sa Sangguniang Panlalawigan gibasa mismo ni Board Member Cedric Adriatico ang chairman sa Committee on Health diin siya ang nangamahan uban nila ni Board Members Joseph Brendo Ajero ug Board Member Edgar Baguio nga gisuportahan usab sa tanang meyembro sa balay balauranan sa probinsiya. Si Jo Morellos Morrison, usa ka lumad nga taga ZaNorte naminyo ug Scottish national ug nakatrabaho sa lugar niini sa Orkney Island sa Scotland isip usa ka nurse sa usa sa hospital sa maong lugar. Matud pa niya sa iyang unang pagpa-uli nagdala lamang siya ug pipila ka mga kagamitan ug tambal gikan sa hospital nga iyang gitrabahuan nga mamahimo pang mapahimuslan sa mga katawhan sa ZaNorte apan wala na gamita sa ilang hospital.

Sumala pa ni Ms. Jo Morellos Morrison sa unang pagpahigayon nila ug medical outreach mission natandog siya sa response sa mga katawhan nga iyang nakita nga uhaw gayud sa maong matang sa sirbisyo. Hinungdan nga sa iyang pagbalik sa Scotland gisaysayan niya iyang mga kauban sa hospital sa situwasyon ug panginahanglan sa katawhan dinhi sa ZaNorte. Matud pa ni Ms. Morrison wala madugay nahimogso ang Phili’s Angels nga ilang gikuha gikan sa pangalan sa atong nasud nga Philippines. Gitataw usab sa mga meyembro sa Phili’s Angels nga ang ilang mga paningkamut nga gihimo karon aron lamang gayud sa paglugway ug tabang sa mga katawhan sa ZaNorte diin ang nahimong tulay mao si Ms. Jo Morellos Morrison.

Sa miaging semana gitugyan sa Phili’s Angels ngadto kang Governor Yebes ang dala nilang mga kagamitan para sa bag-ong ZaNorte Medical Center. Matud pa ni Atty. Ivan Patrick Ang ang bulto sa ilang ayuda para sa medical center gikarga sa usa ka 20 footer container van nga ila karong gihuwat nga mahidangat. Sa iyang kabahin si Governor Yebes nanghinaut nga kini maoy mamahimong sinugdanan sa dugang pang mga kalambuan nga madawat para sa katawhan sa ZaNorte gikan sa maong charity organization sa Scotland.

Gipasalamatan usab sa gobernador ang mga meyembro sa Sangguniang Panlalawigan sa ilang gihimong lakang. Agig reaksiyon sa gipakitang pagpasalamat sa ZaNorte ngadto sa Phili’s Angels usa sa meyembro niini nga si Sheena Moffat mipahayag nga ang ilang hamubo nga paglibut-libut sa nagkadaiyang bahin sa lalawigan dili gayud nila makalimtan. Bugtong gipangayo nila nga ang natural beauty sa ZaNorte unta dili na tandogon ug i-commercialize kay panalagsaon ang katahum nga gibatunan sa atong lalawigan. Gipahibawo usab ni Ms. Moffat nga mobalik sila dinhi sa ZaNorte alang sa pagdala pa ug dugang mga tabang para sa katawhan niini.

Sa nasayran nagpahigayon usab sila ug mga medical mission didto sa lungsod sa Sindangan ug Sibutad, mibisita sa Carmelite’s Home for Children Orphanage, misuroy sa Pinahon Island ug Aliguay Island ingon man sa Libuton Cave sa Manukan karong adlawa. (Press Freedom, Vol. XX No. 22)

 

TANANG MAGPAKONSULTA ADTO NA ATIMANON
SA ZANORTE MEDICAL CENTER KARONG ABRIL 2

Gipahibawo na ang tanang katawhan sa Zamboanga del Norte nga sugod sa Abril 2, 2008 adto na sa ZaNorte Medical Center sa Sicayab ning dakbayan sa Dipolog ang pagpangunsulta ipahigayon alang sa infirmary o out-patient department.

Mao kini ang gipahibawo nila ni Atty. Ivan Patrick Ang ug Ms. Rosevic Lacaya-Ocampo, ZaNorte Medical Center Administrator sa programang Kapihan sa 1948 Cafeteria.              Matud pa ni Atty. Ang ila nang isirado ang dispensaryo o Out-Patient Department sa karaang Provincial Hospital, hinoon adunay doctor nga ilang ibilin sa kasamtangan alang niadtong masaag nga wala mahibawo nga atua na sa ZaNorte Medical Center ang OPD.

Sa samang bahin magbutang usab sila ug satellite laboratory ug emergency room aron maoy motubag panahon sa mga emerhensiya kon ugaling adunay pasiente nga dalhon didto nga nagkinahanglan sa maong sirbisyo. Ang dispensaryo bukas aron sa pag-alagad sa katawhan panahon sa oras ting opisina sama ra sa mga takna sa OPD ilawom sa karaang provincial hospital.

Samtang ang Medical Center administrator nagkanayon nga ang mga kakuwangon nga padayon nila karong gipaningkamutan nga mapahiluna na mao ang mga ekipo para na sa paghimo sa maong tambalanan ngadto sa usa ka tertiary hospital para mas daku nga benepisyo ang malugway niini ngadto sa mga katawhan ilabi na sa mga meyembro sa PHILHEALTH. Sa kasamtangan matud pa ni Ms. Ocampo aduna karoy negosasyon tali na sa Dipolog Medical Society aron maoy motubag sa gikinahanglang mangulo sa mga nagkadaiyang departamento sa Medical Center. (Press Freedom, Vol. XX No. 22)

 

KANHI MAYOR UY SUGOD NA GAMIT SA PASILIDAD
SA DIPOLOG PARA SA IYANG KAMPANYA PAGKA GOBERNADOR

Gituhuan nga gituyo sa kasamtangan karong administrasyon sa dakbayan sa Dipolog ang pagpabutirik sa ilang intelligence fund nga mokabat sa P32.5 milyones ka pesos aron maoy himoong gatasan sa kampanya ug sugod sa ni kanhi Mayor Roberto Uy.

Kini karon ang nakita sa katawhan sa paggamit ni kanhi Mayor Uy sa Dipolog sa sakyanan nga iyaha sa siyudad nga nagdala sa plaka SHJ 164 sa gipahigayong pagtugyan sa usa ka school building project didto sa Barangay Compra, Liloy, Zamboanga del Norte nga gigastuhan sa Filipino-Chinese Chamber of Commerce and Industry sa nakalabay’ng Byernes, Marso 7, 2008. Susamang talan-awon ang nakita panahon sa nakalabay nga eleksiyon sa Mayo 2007 diin mga pasilidad ug pundo sa siyudad sa Dipolog ang gigamit sa pagpundo sa kampanya sa kanhi mayor nga mikandidatu pagka gobernador gikan sa sakyanan hangtud na sa gasoline.

Daghan ang nakasaway sa ilang gibuhat sa kanhi mayor sa Dipolog sanglit dili na kini usa ka opisyal sa siyudad apan padayong mipahimulos sa pasilidad sa gobyerno ug krudo sa gobyerno samtang padayong gibitin sa city hall ang Dipolog Police sa ilang alokasyon sa petrolyo sukad pa sa Nobyembre 2007 hangtud karon. Ilawom sa budget karon sa Dipolog ang alokasyon ilawom sa Non-Office sa buhatan sa mayor mokabat sa P5 milyones ka pesos gikan sa kapin sa P2 milyones ka pesos sa nakalabay’ng tuig.

Kahinumduman gilubong si kanhi Mayor Uy ug kapin sa 73 mil botos ni Governor Rolando Yebes sa nakalabay nga eleksiyon sa 2007. (Press Freedom, Vol. XX No. 22)

 

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON