2

MARCH 4,  2008

 

BM Adriatico nanawagan pagsuporta
sa pastoral-letter sa mga kaobispohan

Taliwala karon sa krisis-plotical nga giatubang sa nasud, nanawagan si Board Member Cedric “Adre” Adriatico nga himoong giya ang pastoral letter nga bag-ohay pa lamang gipagawas sa mga kaobispohan sa Simba-hang Katoliko. Nanawagan ang mga Obispo sa hiniusang lihok sa pagpatumaw sa kamatuoran ug pagbatok sa kurapsyon o kahiwian tungod og alang sa tibuok nasud.

Nindot ang pagkahan-ay sa pastoral-letter, nagkanayon si Adre, Una, gipaklaro  sa mga Obispo nga namulong sila dili isip mga politiko kun dili isip mga pastor o magbalantay sa mga karnero sa Ginoo. Buot gipasabot nga ang ilang gihunahuna dili lang ang tinguha sa pipila  ka mga sektor o ambisyon sa pipila ka mga tawo kun dili ang tibuok kaayohan sa tibuok Pilipinas. Mao na nga naay mga sektor ug ambisyosong mga tawo nga dili kontento sa gipahayag sa mga Obispo.

Dugang ni Adre, “gilan-taw sa mga lideres sa simbahang katoliko ang tibuok hulagway sa problema. Dili na igo ang ang kanhi solusyon nga pulihan lang ang pangulo pinaagi sa people power. Mas dako pa ang problema kay naa na kini mismo sa sistema. Busa kusganong giawhag sa mga Obispo nga ang Pangulo mismo ang mangulo, ug ang nagkalain-laing sektor motabang, sa pagbag-o sa kahiwian sa sistema, kanayon pa ang kanhi aktibong pari sa Simbahan Katoliko. Busa, dili ikatingala ang gisuportahan usab ang pa-mahayag sa mga Obispong Katoliko sa uban pang mga simbahan nga dili katoliko. Angayan usab nato kining pamation ug himoong giya sa atong lihok sa pagsulbad sa nasudnong krisis nga giatubang karon, panapos nga pamahayag ni Board Member Adre Adriatico. (Southpoint, Vol.1No.9)

 

PIF sa mga bokal nagasentro sa panginabuhi sa katawhan

Ang Provincial Identifica-tion  FUND kon PIF sa mga board members nagasentro karon sa paglugway ug tabang para sa panginabuhi sa mga katawhan.

Gipahayag ni Board Member Cedric Adriatico nga maoy ilang sundon ang panglantaw sa gobernador nga niining tuiga, livelihood program maoy ilang totokan kay sa una nilang termino ang proyekto pang-imprastraktura maoy ilang gipanghatag sa kada barangay. Hinoon matud pa ni Board Member Adriatico nga nagproblema sila karon kay duna pay nakapending requist ang ubang barangay sukad pa sa miaging tuig nga wala pa nila mahatag tungod kay nahurot na ang ilang pundo. Gumikan kay maoy gusto sa gobernador nga karong tuiga maoy ilang hatagan ug prioredad ang livelihood project posibli nga dunay kalangan ang paghatag sa nakapending requist sa barangay sama sa computer, lamesa, bangko ug uban pa. Hinoon nagkasabot ang mga magbabalaod uban sa gober-nador nga bahinon ang pundo sa infra ug livelihood para kadtong nakapending hangyo sa barangay ang mahatag.

Matud ni Board Member Adriatico nga naghulat nalang sila sa Provincial Planning and Development Office unsang pamaagi ang paghatag ug livelihood sa mga katawhan nga mapatuman. (Southpoint, Vol.1No.9)

 

Dapitan butangan ug Casino

Gilaraw karon sa Philipine Amusement Gaming Corporation kon PAGCOR nga mobutang ug casino sa Dakak Park and Beach Resort sa dakbayan sa Dapitan.

Mismo si Presidente Gloria Macapagal-Arroyo maoy nag-agda sa mga opisyal sa probinsya sa Zamboanga del Norte nga dalion ang iyang gipanghatag nga mga proyekto ilabi na ang pagpalapad sa tugpahanan sa abyon ug pagbutang ug Instrumental Light System aron bisan ug gabii makatugpa ang eroplano. Kini ang gipahayag ni Governor Rolando Yebes sa dihang gisukna sila ni PGMA ug nangumosta sa iyang gihatag nga dalan ilabi na ang padulong sa Dakak kay maoy gusto sa presidente nga himoong ‘show window’ aron makakabig ug mga turista.

Uban ni Governor Yebes nga nakig-estorya sa presi-dente didto sa palasyo ang mga opisyales sa probinsya sama nila ni Ist District Congress-woman Cely Jalosjos-Carreon, 3rd District Congressman Cesar Jalosjos, Dapitan City Mayor Dominador Jalosjos, Salug Mayor Jesus Lim ug Board Member Bullet Jalosjos. Si PGMA nangutana sa mga Jalosjos kon andam naba ang Dakak para modawat sa PAGCOR kay butangan ug casino. Kini maoy tinguha sa presidente nga butangan ug casino ang Dakak para makakabig ug mga turista gikan sa nagkalainlaing nasud apan maoy unahon ang maanindot nga airport ug dalan gikan sa Dapitan paingon sa Dakak Park and Beach Resort.

Matud ni Governor Yebes uyon siya nga magbutang ug casino dinhi sa Zanorte kay dako kaayo kini ug ikatabang sa usa ka probinsya nga molagsik ang ekonomiya ilabi na sa mga katawhan nga mouswag ang panginabuhi agi sa mga turista nga moanhi dinhi sa atong dapit. Sumala pa sa gobernador, ang nagpadatu sa Cebu mao ang casino ug uban pang probinsya nga dunay casino nakita gayud nga milambo gumikan sa mga turista nga moanha.

Ang mga langyaw gikan sa Kuta Kinabalo, Sandakan, Malysia nga moadto lang sa Cebu aron mag-casino, dunay posibilidad nga mataligsikan kita dinhi sa sa panahon nga duna nay casino kay imbes nga moadtu sila sa Cebu ug uban pang lugar mohapit sila dinhi sa atong probinsya. Maoy hinungdan sumala pa sa gobernador nga dako kaayo ug ikatabang ang ihatag sa presidente nga Instrumental Light System aron nga bisan ug gabii makatugpa ang abyon diha sa Minaog Airport. Matud ni Governor Yebes bisan ug usa lang ka adlaw ang mga turista nga mohapit dinhi sa Dipolog ug Dapitan makasinati ug kahayahay ang atong probinsya kay labing seguro mopagawas kini ug kuwarta bisan ug labing minus usa ka gatos ngadto sa dosyentos dolyares dako na kaayo kini ug ikatabang sa pagpalagsik sa atong ekonomiya ug molambo ang panginabuhi sa atong mga katawhan kay mahalin naman ang mga produkto sa atong mga mag-uuma. (Southpoint, Vol.1No.9)

 

CHO wala kabadlong sa gireklamong kabaho nga poultry farm sa Gulayon

Kung dili na mo isyu ug barangay clearance ang barangay council sa Gulayon mahimong dili na pod mo isyu ug sanitary permit ang City Health Office nga gireklamong poultry farm nga gipanag iyahan sa pamilyang Ranillos.

Mao kini ang giklaro ni City Health Inspector Boy Baes sa dihang girefer ngadto sa iyang opisina ang molo og reklamo sa daghanang mga molopyo duol sa Ranillos Poultry Farm tungod sa matod pa kabaho ug kadaghan sa mga langaw nga magpondok sa ilang panimay.

Matod pa sa usa ka molopyo nga ngilngig na kaayo tan-awon ang liboan nga mga langaw nga sa matag adlaw magponsisok sa ilang mga panimay diin ang uban kanila nag gamit na lamang ug musketero ilabina sa ilang pagpangaon. Ang maong problema matod pa sa maong molopyo taod-taod nang gipadangat sa buhatan sa maayong panglawas ning dakbayan sa Dipolog apan ilang namatikdan nga walay lig-ong lakang nga gipatuman ang maong buhatan aron masulbad ang maong problema.

Hinoon si Baes miingon nga ila nang gihimoan ug aksiyon ang maong problema apan ang nakaparat mao nga sa matag tuig ang maong poultry farm makakuha man og barangay clearance nga maoy ilang hinungdan nga ilang gituhoan nga wala ray dakong problema sa maayong panglawas sa maong dapit ang giatubang sa mga katawhan. Gitohoan ni Boy Baes nga ang bag-ong barangay kapitan sa Gulayon nga si Jing-Jing Velasco Cuenca uban sa iyang mga miyembro sa konseho mao ray bugtong makasulbad sa maong gireklamong poultry farm sa Ranillos diha sa maong barangay sa Gulayon ning dakbayan sa Dipolog. (Mar Uy, Southpoint, Vol.1No.9)

 

Loyalty check gipahigayon sa military dinhi sa ZAMPEN

Ang wala damha nga paghidangat ni Philippine Army Chief General Alexander Yano dinhi sa lalawigan bag-ohay pa lamang, maoy lakang nga gihimo karon sa liderato sa military sa nasod aron nga susihon ang ‘loyalty’ sa mga brigade ug division commanders ingon man mga junior officers diha sa mga field fronts, aron nga pasidan-an nga dili gayod mobuak sa chain of command, lambigit na sa naghugong karon nga politikanhong krises batok pang-gobyerno ni Presidente  Gloria Macapagal Arroyo.

Ang tinubdan nga nahinabi ning tagsuwat didto sa Ipil, Zamboanga Sibugay, kinsa naglihok karon sa ‘Dos’ diha sa 102nd Brigade nagkanayon nga ang maong pagbisita ni General Yano, mao ang pagpahugot ug paghiusa sa tanang mga military aron nga pabilin nga mosuporta diha sa kagamhanan ug sa Batakang Balaod. Matod pa sa tinubdan nga tinguha usab sa heneral nga subayon ug hugtan ang pag-susi o extensive monitoring batok sa mga sundalong mahisalaag. Kahiumduman nga si Yano ang mibisita dinhi sa dakbayan ug lalawigan karong semanaha diin kini mideretso sa duha ka mga dagkong brigade sa Philippine Army sa 101st Infrantry Brigade sa Del Pilar, Pinan ug sa 102nd Infantry Brigade sa lungsod sa Ipil, Zamboanga Sibugay.

Bag-ohay lang si Lt. Col. Romeo Bambao, hepe sa 101st Inf Bgd ang mipasalig nga solido ug nagkahiusa ang iyang ginsakpang kasundalohan aron nga suportahan an chain of command. Dugang pa sa tinubdan nga wala ray kuyaw nga adonay mga sundalo nga nagpahigayon ug ilawom nga operasyon aron nga samokon ang gobyerno. “Dinhi sa ZAMPEN walay report nga adonay mga sundawong naglihok konta gobyerno,” matod pa sa tinubdan. (Southpoint, Vol.1No.9)

 

Siocon
Extortionist nasikop!

Nahulog na gayud sa mga kamot sa kapolisan ang pinaka notoryus nga extortionist nga naglihok sa lungsod sa Siocon, ning lalawigan.

Ang elemento sa Siocon PNP nga gipanguluhan ni Police Senior Inspector Khiana Asaali, ang misikop sa suspetsado nga si Jaime Madranca alyas Bobong, 40, minyo ug walay permanenteng pinuy-anan, ug inila nga miyembro sa extortion group nga gipanguluhan ni Commander Diablo. Dugang pas taho ang maong nasikop kini sa kapolisan gumikan sa report sa mga opisyales sa maong lungsod nga nasigpatan kini sa maong dapit.

Ug sa pagproseso sa kapolisan, nasakpan kini sa akto nga nangayo ug salapi sa mga bisita sa usa ka Pedro Amoran. Si Bobong ang gitanggong na kini sa buhatan sa kapolisan sa Siocon, u gang tukmang kaso gipasaka na kini ngadto sa korte. (Southpoint, Vol.1No.9)

 

Sibuco
Trak nabangga sa poste; 1 patay, 3 naagul

Usa ang patay ug tulo ang grabeng naangul nga sakay sa usa ka trak, human kini aksidenteng nabangga ngadto sa poste sa ZANECO, didto sa Sitio Lipuno, Brgy. Limpopa, lungsod sa Sibuco.

Ang namatay diha-diha dayon mao si Raymond Alejandro, samtang ang grabeng naangul mao sila si Roderick Escosio, driver, Jayboy Macaso, ug Joebert Isidro. Sa imbestigasyon nga gihimo sa Sibuco PNP nasayran  nga ang maong dapit, kalit nga adunay nabikil sa makina niini, maoy hinungdan nga aksidenteng nabangga sa poste, nga miresulta sa maong insidente.

Ang naangul dali nga gipadala sa tambalanan sa Zamboanga, samtang ang sakyanan gi-impound kini sa Sibuco Police Station.  (Southpoint, Vol.1No.9)

 

Dipolog
Lolo nanglugos 12 anyos

Hayan sa bilanggoan madugta ang usa ka Lolo human gitumbok nga nanglugos sa usa ka 12 anyos nga bata nga babaye sulod sa duha ka higayon didto sa panimalay mismo sa suspetsado sa barangay Dicayas ning dakbayan sa Dipolog diin, ang biktima gitionan ug kutsilyo og gihulgang patyon.

Sa nahipos nga taho ning pamantalaan nasayran, ang ginikanan sa biktima nangayo’g polis assistance sa Dipolog PNP sa dihang ang anak niini wala na makaantos sa pagtago sa nahitabong pagpanamas-tamas sa suspetsado tungod kay gihulgang patyon kon motug-an sa nahitabo.

Biktima nga gitago sa pangalang Jhay-Jhay 12 anyos taga Upper Dicayas, Dipolog  samtang suspetsado gitumbok nga alyas Bensyo Inding silingan ra usab sa biktima. Sa pasiunang pag-imbestigar ni Police Investigador Ruel Talaid sa Dipolog PNP nasayran nga nahitabo ang maong pagpanglugos sa dihang ang biktima nagpalit og tungog sa may tindahan sa nasangpit nga dapit mga alas-otso sa gabii kaniadtong Pebrero 9 ug kini gikatahong gitiunan sa kutsilyo ug gidala sa panimalay sa suspetsado . Suma pa nga human sa maong insedente ang biktima gibaharan nga dili motug-an ni bisan kinsa sa nahitabo ug kini gihulga nga patyon ang biktima.

Matud pa nga pagka-Pebrero 10 mga alas-otso na usab sa kagabhion ang biktima nausban na usab sa pagpanamas-tamas ang pagkababaye niini sa maong suspetsado didto lang gihapon sa panimalay niini ug kini gibaharan lang gihapon. Apan kaniadtong Pebrero 28, ang biktima wala na makaagwanta sa nahitabo naghilak kining misumbong sa iyang ginikanan sa nadangpan hinungdan nga gidala kini sa buhatan sa kapulisan. Base usab sa gihimong medico legal, nasuta nga ang pribadong party sa lawas sa biktima ang positibong nakuha sa suspetsado tungod sa mga gisi nga nakita sa gihimo sa attending Physician sa tambalang probinsyal.

Sa nasayran ang kasong rape ang gihikay na sa Dipolog PNP para sa pagtaral sa suspetsado sa hukmanan samtang gawasnon pa ang suspetsadong Lolo. (Southpoint, Vol.1No.9)

 

Farm to market roads usa sa gitutukan ni Mayor Eguia sa Katipunan

Usa sa gtitutukan karon ni Mayor Chrisostomo T. Eguia Jr. mao ang fram to market roads gikan sa mga lagyong barangay sa lungsod sa Katipunan ning lalawigan sa Zamboanga del Norte.

Sa iksklusibong interview niini sa mga sakop sa Zamboanga del Norte United Correspondents ZNUC iyang gibutyag nga ang pagbuslot ug pagrehabilitar sa mga kadalanan sa mga lagyong kabarangayan ang iyang gihimo sulod sa walo ka bulan nga sa iyang paglingkod isip mayor sa mahisgutang lungsod. Gawas niini gipahayag sa mayor nga iya usab nga gitiwas ang mga giimplimintar nga proyekto kani-adto sa iyang igsoon nga si kanhi mayor ug karon vice mayor Patsi Eguia sama sa pagpaseminto sa Municipal streets sa lungsod sa Katipunan.

Gi-angkon ni Mayor Chris Eguia nga katimbang niya ang mga sakop sa sangunian bayan sa Katipunan pinangulohan sa iyang manghod nga si kanhi mayor ug karon Vice Mayor Patsi Eguia kinsa misuporta sa iyang mga programa ug proyektong gipatuman sa ilang lungsod. Nagpasalamat usab ang mayor kang Governor Lando Yebes kinsa sa kanunay mihatag ayuda para sa paglambo sa lungsod sa Katipunan.

Sa samang bahin gipaklaro ni mayor Eguia nga nagpabilin ang ilang full support ngadto kang Presidente Gloria Macapagal Arroyo atubangan kaguliyang karon sa kaulohan ug sa panawagan nga palagputon kini sa posisyon tungod kay matud pa niya kung asa ang suporta ni Gov. Yebes siya nagpaluyo niini. Samtang si mayor Bert Macias sa lungsod sa Sindangan, Mayor Rolando Tablezo sa lungsod sa Leon B. Postigo, Mayor Janjan Jalosjos Jr. sa lungsod sa Tampilisan ang mipasibaw usab sa ilang todo-suporta para kang presidente Arroyo.

Kahinumduman nga sa mi-aging mga adlaw milutaw ang panawagan nga palagputon si Pangulong Gloria Macapagal Arroyo sa posisyon human gi-aligar nga nalambigit kini sa pagpangil-ngil sa gikanselar nga ZTE-Broad band Deal. (Southpoint, Vol.1No.9)

 

Alang sa pagpalapad sa Nabilid port
Roxas napuno na sa utang 

Naputos na karon ug utang ang lungsod sa Roxas aron lang sa pagpalapad sa pantalan sa Nabilid, karon nangutang na usab bisan kon bag-o pa kining nang-hulam sa bangko.

Niadtong Martes, milusot sa Sanguniang Bayan ang tinguha ni Mayor Calirot Feras nga mangutang sa Land Bank of the Philippines, Dipolog Branch nga mokabat ug P18 milyones ka pesos para sa pag-repair sa Nabilid Port. Sa wala pa nakalusot ang maong rsolusyon miagi pa kini ug mainit nga diskusyon sa mga miyembro sa Sanguniang Bayan tungod kay may pipila ka mga konsehal ang supak nga mangutang na usab ang kagamhanang lokal gumikan kay bag-o pa kining nakahulam sa bangko niadtong tuig 2006 nga mkabat ug P30 milyones ka pesos para sa expansion sa pantalan.

Sila si Sanguniang Bayan members Joel Villaester, Edgar Ceriales ug Terecita Aseniero maoy nanghingusog nga kababagan ang tinguha sa mayor gumikan kay makalolooy na kaayo ang lungsod sa Roxas nga naputos na ug minilyon nga utang samtang wala pa gani kabayre ang iyang obligasyon sa mga mag-uuma sa gatas ug sweldo sa mga casual employees. Para sa tulo ka mga konsehal, ang lungsod sa Roxas dili makabarug ug iyang kaugalingon kon dili mangutang nalang gayud aron lang makahimo ug iyang kaugalingong proyekto.

Ilang gi-rason nga ang lungsod bago pa nakahulam sa bangko nga mokabat ug P30 milyones ka pesos para sa paglapad sa pantalan sa Nabilid ug angayan lamang nga mangita kini ug pamaagi nga makapangayo ug ayuda gikan sa nasudnong pangagamhanan para dili magbagood ang mga katawhan sa pagbayad sa dakung interes sa giutangan niini sa bangko. Ang gihiklad nga rason nila ni konsehal Villaester, Ceriales, ug Aseniero wala maghimpos tungod kay mayoriya sa mga konsehal nga kaabin sa mayor ang pursigido gayud nga ipalusot ang maong resolusyon.

Ang dugang P18 milyones ka pesos nga utang sa LGU naglangkob na sa P8.4 milyon para sa pagpa-ayo sa pantalan, P2.4 milyon para sa Change Order, P3.8 milyones para sa pagpalit ug forklift ug P3 milyon para sa pagpalit sa yuta kilid sa pantalan. Ang miuyon nga mangutang na usab ang lungsod mao sila si Sanguniang Bayan Members Jhony Mondol, Emong Feras, Helen Laput-Bruce, Loyd Feras ug Roselyn Narzabal samtang ang misupak sila si Konsehal Edgar Ceriales, Jojo Villaester ug Terecita Aseniero. Ming-leave sila si konsehal Reden Pialago ug Leonor Alberto.

Matud pa ni Konsehal Emong Feras, angayan nga mangutang ang lungsod kay nabalaka ang iyang igsuon nga mayor nga basin makolapso ang pantalan kay gamay nalang kaayo ang gahawid nga pilote sa ilawom nga bahin niini. Ang gikatingad-an sa ubang konsehal ngano wala ayuha ang gikabalak-an sa mga Feras nga nangutang naman ang lungsod ug P30 milyones ka pesos para sa pantalan. Gipasabot ni Port Supervisor Engr. Luiz Calibo nga makaya ra sa lungsod ang pagbayad sa nahaunang utang niini nga P30 milyones ka pesos ka yang pantalan mokita man ug labing minos sayes seyentos mil ka pesos matag bulan. Apan kon mangutang na usab kini ug dugang, dili na kapasalig ang port supervisor kon makaya ba kini ug bayad sa iyang income. Gikataho nga hayan mapasubo niini ang 20 porsyento sa Economic Development Fund nga maoy unang gi-colateral sa lungsod sa iyang pagpangutang niini sa Land Bank.

Mga kawani sa lungsod sa Roxas ang hilom nga mipadayag sa ilang kabalaka nga hayan mosamot gayud ka sangkig ang lungsod tungod sa pagpunay’ng pangutang sa mayor nga duna pay daghang obligasyon niini nga wala mabayre. Gipangutana usab sa mga katawhan kon ang pagpunay’g larga ni Mayor Feras nga konuhay mag-follow-up ug proyekto sa Davao ug Manila, “unsa may nabitbit niini para sa lungsod nga mangutang raman diay gihapon sa bangko.” Niadtong Pebrero 8, giturn-over na sa contractor ngadto sa LGU-Roxas Port expansion nga mokantidad ug P30 milyones ka pesos nga maoy unang gi-utang sa kagamhanang lokal. (Southpoint, Vol.1No.9)

 

78 Natakbuyan ug dengue sa Enero ‘08

Mokabat sa 78 ka mga biktima sa kasong Dengue ang nahitala sa mga nagkadaiyang tambalanan ning dakbayan sa Dipolog sulod sa bulan sa Enero ning kasamtangang tuig.

Mao kini ang nakuhang impormasyon gikan na mismo sa mga nagkadaiyang tambalanan dinhi sa Dipolog sama sa Dipolog Medical Center adunay 9 niini, sa Zamboanga del Norte Cooperative Hospital adunay 23, sa Sta. Isabel General Hospital adunay 4, sa Ospital ng Kabataan ng Dipolog adunay 14 ug sa Zamboanga del Norte Provincial Hospital adunay 28. Sa kinatibuk-an mokabat kini sa 78 ka mga tawo ang natakboyan sa maong matang sa sakit nga dengue. 

Gibutyag ni Dra. Carmencita Icao, ang Provincial Health Officer nga himuon gayud ang mga mosunod nga 4  O’ CLOCK HABIT  sama sa sirad-an ang mga sudlanan sa tubig sama sa dram og timba nga pwede mapuy-an o itlogan sa mga lamok, ilisan ang tubig sa flower base o plorera kausa sa usa ka simana, limpyohi ug kuskuson ang mga kilid sa sudlanan sa tubig kay ang mga itlog sa mga lamok diha mutapot sa mga kilid sa sudlanan, limpyohi ang mga sandayong sa balay aron dili mapunduhon o mapuy-an sa lamok, ang mga daang ligid nga gigamit para pabug-at sa atop sa balay kinahanglan buslotan para dili mapunduhan ug tubig ug ingon man ilabay ang mga lata, botilya ug uban pang pwede maitlogan sa mga lamok kon mapunduhan ug tubig.  Ug labot pa niini gikinahanglan gilayon adto sa pinakaduol nga mga tambalanan o health center kon adunay hilanat nga masinati sa inyong panglawas.

Panapos pa ni Dra. Icao, iya gayuy’ng gihangyo ang tanang mga katawhan sa lalawigan sa Zamboanga del Norte lakip na usab sa Dipolog ug Dapitan sa makanunayong pagsunod sa maong 4 O’ Clock Habit aron malikayan ang pagtakboy sa makamatay nga sakit nga Dengue. (PEDMARC, Southpoint, Vol.1No.9)

 

SNHS over-all champion sa DIMFEST 3

Migulang over-all champion ang mga piniling magtutungha sa Salug National High School sa lungsod sa Salug ning lalawigan atul sa gipahigayong DIMFEST kon Dipolog Invitational Music Fest Provincial Edition – Season 3 didto sa Zamboanga del Norte Teachers Gym dakbayan sa Dipolog, karong bag-uhay pa lang.

Sa nasayran nga ang maong kalihukan gisalmutan kini sa 11 ka mga pribado ug pampublikong tulunghaan sa sekondarya nga nagagikan dinhi sa Dipolog ingon man sa mga kalungsuran sa Zamboanga del Norte.  Diin usab adunay walo ka mga kategoriya niini nga gilangkuban usab sama sa Cheerdance nga naangkon sa unang pwesto sa Salug National High School, ikaduhang pwesto mao ang Andres Bonifacio College-High School Department sa Dipolog u gang ikatulong pwesto mao ang Sibutad National High School.  Sa Vocal Solo unang pwesto mao ang Andres Bonifacio College-High School Department, ikaduhang pwesto mao ang Salug National High School ug ang ikatulong pwesto mao ang Saint Estanislao Kostka College sa lungsod sa Manukan.  Sa Duet naangkon gihapon kini sa Salug National High School ang first prize, Saint Estanislao Kostka College sa Manukan sa second prize ug ang Andres Bonifacio College-High School Department sa third prize.  Sa Folk Dance naangkon gihapon sa Salug National High School ang unang pwesto, ang Sindangan National High School sa ikaduhang pwesto ug ang Andres Bonifacio College- High School Department sa ikatulong pwesto.  Sa Modern Jass Dance ang Salug National High School ila gihapon naangkon ang first prize, ang Sicayab National High School sa second prize ug ang Saint Mary’s Academy sa third prize.

Samtang sa Interpretative Dance nakuha gihapon sa Salug National High School ang unang dapit, ang Galas National High School dakbayan sa Dipolog sa ikaduhang pwesto ug ang Andres Bonifacio College-High School Department sa ikatulong pwesto.  Sa Song Impersonation nakuha gihapon sa Salug National High School ang first prize, ang Dipolog Medical Center Science High School sa second prize ug ang Sibutad National High School sa third prize. Ug ang Rhythm Band naangkon kini ang unang pwesto sa Sicayab National High School dakbayan sa Dipolog, ikaduhang pwesto mao ang Sindangan National High School ug ang ikatulong pwesto naangkon kini sa Salug National High School.    

Dugang nasayran nga ang over-all champion naangkon kini sa Salug National High School sa lungsod sa Salug, first runner-up mao ang Andres Bonifacio College-High School Department dakbayan sa Dipolog ug ang second runner-up mao ang Sicayab National High School.  Si Mr. Joseph Erik Nardo nga nagagikan sa Salug National High School maoy napiling Trainer of the Year. Ang mga nagpakadaug nakadawat kini sa mga tropeyo, salaping cash ug uban pa.  Labot pa niini, ang nakaangkon sa over-all champion magpakadawat kini sa kantidad nga 50 mil ka pesos alang na sa proyekto nga ilang pagahimuon diin usab ang maong proyekto ang kini mapahimuslan sa tanang mga magtutudlo ug magtutungha sa ilang eskwelahan.  Ug kadto usab nga mga tulunghaan nga wala makaangkon sa naasoy’ng over-all champion ang kini magpakadawat sa kantidad nga 25 mil ka pesos alang usab sa proyekto ug susamang katuyoan sa nahisgutan sa unahan.  Ug kini gihatag ni 2nd District Board Member Ricky Mejorada II ubos sa iyang programang pang-edukasyon.

Ang Dipolog Invitational Music Fest kon DIMFEST Provicial Edition – Season 3 gipasiugdahan kini ubos sa Interact Club of Dipolog ug inabagan sa Rotary Club of Dipolog, Provincial Government of Zamboanga del Norte, Dipolog Youth For Progress, Department of Education ingon man sa Zamboanga del Norte United Correspondents kon ZNUC. Mapasalamaton mipadayag si 2nd District Board Member Ricky Mejorada, ang Club Coordinator ngadto sa tanang mga sponsoring agency, mga magtutudlo ug magtutungha sa nagkalain-laing tulunghaan ilabina sa tanang mga mingsalmot ug mingsaksi sa naasoy’ng kalihukan diin kini hapsay ug nagmalinawon ra usab ang pagpahigayon niini. (PEDMARK, Southpoint, Vol.1No.9)

 

Malaysian businessmen andam mo-invest sa ZaNorte

NAHIDANGAT kaniadtong Lunes, Pebrero 24 dinhi sa probinsiya sa Zamboanga del Norte ang usa ka grupo sa mga negosyante nga gikan sa nasud sa Malaysia nga adunay tinguha nga mobubu ug puhonan alang sa ilang negosyo dinhin sa atong lalawigan.

Bisan nga non-working holiday kaniadtong Lunes, mga alas dose pasado ang takna sa kaudtohon personal nga gihimamat sa mga opisyales sa kapitolyo sa pagpanguna ni Governor Rolando Yebes ang mga miyembro sa trade and investment delegates gikan sa nasud sa Malaysia, sulod mismo sa buhatan sa gobernador. Kini ang naglangkub nila ni Mahjirin Bin Harun nga nagtrabaho ilalom sa Chief Minister Deparment ug Liason Officer nga nag-representar sa business sector, Carlos Alabazo, Manager sa Truswira Corporation, James Chong usa ka dakong negosyante ug usa ka Mr. Santander nga taga Zamboanga Sibugay apan atua na kini nagbasi sa nasud sa Malaysia.

Gov. Yebes meets with Malayasian trade and investment delegates at the office of Governor Yebes at the provincial capitol to discuss possible business opportunities in Zamboanga del Norte.

Tagsa-tagsa nilang gipadayag ngadto kang Governor Yebes ang ilang interest dinhi sa Zanorte. Nasayran nga si Alabazo ang interesado kini alang sa plantasyon sa palm oil, Rubber ug toba-toba, samtang si Chong ang interesado usab kini sa mining. Sa dihang gi-presentar ang profile sa Zanorte, nakita sa mga Malaysians ang ka-potential sa atong dapit alang sa ilang tinguhang pagbubu ug puhonan alang sa ilang negosyo. Gikatakda nga adunay laing grupo na usab mga Malaysians ang mahidangat dinhi sa atong lalawigan alang gihapon sa susamang katuyuan.

Gi-atubang usab ni Provincial Administrator Atty. Rafael Cabanlit uban ni Vicente Vic Sanchez sa Provincial Agriculture ang grupo usab sa mga Koreano nga andam motukod ug processing plant sa cassava dinhi sa Zanorte. (Southpoint, Vol.1No.9)

 

Brgy. Bagsakan tukuron sa Sindangan

Kung kaniadto adunay pipila lang ka mag-uuma ang mopaligya sa ilang produkto diha sulod sa merkado tungud usab nga sa matag semana ka usa lang ka adlaw mahitabo ang tabutabu ug diin magkatapok ang mag-uuma ug konsumate nga mopaligya ug mopalit sa ilang produkto. Apan karon tungod sa mahimong bag-ong proyekto hayan mapahimuslan na karon sa mga katawhan ang natukod nga Barangay Bagsakan pinaagi sa program sa Presidente Gloria Macapagal Arroyo nga diin didto kini ipahimutang sa Brgy. Guleo sakop sa lungsod sa Sindangan.

Pinaagi sa buhatan sa Department of Agriculture kon DA sa pagpangulo ni kalihim Arthur Yap nga mahatagan ug igong prioridad ang mag-uuma lakip na ang mananagat dinhi sa Zanorte aron diha mamahimong mabaligya ang ilang produkto sulod sa Barangay Bagsakan matag adlaw. Si Ferdie Gamorot ang hepe sa Regional Agri-business Division nga adunay 3 ka mga lungsod ang makapahimulos sa proyekto ug pinaagi sa kamanduan ni Governor Rolando E. Yebes nga pagatukorun ang proyekto ug usa na niini ang Brgy. Guleo sa lungsod sa Sindangan, Roxas ug ang lungsod sa Katipunan.

Gipaklaro sa maong hepe nga suma pa adunay responsibilidad o kaakuhan sa maong barangay ug sa LGU nga sila ang mohatag ug building ug lugar ug sila usab mudumala sa Barangay Bagsakan sanglit ang buhatan sa DA ang mohatag kini sa libring facilities susama sa Cold Storage aron presko ang mga produkto, Chest Freezer alang sa karne ug isda, Chiller alang sa mga utanum, timbangan, plastic crates ug uban pa. Diha sa maong Brgy Bagsakan  mapalit ang nagkadaiyang produkto nga gikan sa  hilit-hilit nga barangay ug lakip na ang haduol nga mga lungsod susama sa Siayan, Leon Postigo, Salug ug uban pa nga diin didto gitumod sa mga mag-uuma ang ilang produkto.

Matud pa ni Gamorot nga ang modumala sa maong Barangay Bagsakan ang mopailawon kini ug tukmang  pagbansay-bansay aron masayran ang pamaagi  sa pagdumala sa maong program. Sanglit  ang naumol nga Memorandum of Agreement  kon MOA  tali sa Department of Agriculture kon DA ug sa Local Government Unit ug sa naasoy’ng barangay ang ipahigayonn karon bulan sa April ning tuiga. (Psalm, Southpoint, Vol.1No.9)

  

Yebes mitugyan 1,310 proyektong imprastraktura

Mokabat sa 1,310 ka mga proyektong pang-imprastraktura ang hingpit nang natugyan ni Gov. Lando Yebes ngadto sa mga kalungsuran ug kabarangayan ning lalawigan sa Zanorte sukad kini mlingkod isip maoy provincial governor sukad ni-adtong bulan sa hulyo  tuig 2004 hangtud sa bulan sa Enero ning tuiga.

Sigun sa records nga gipagawas sa buhatan sa Provincial Engineering ang maong gidaghanon sa proyekto naglangkob sa mga kadalanan o farm to market roads, concreting of roads, school building, pasuga, patubig, mga Pre-Fabricated barangay hall ug daghang pang mga proyekto nga maoy gikinahanglan sa mga kabarangayan. Kini resulta sa paningkamot nga gihimo sa gobernador atubangan sa iyang saad nga hatagan ug tag tunga sa milyon ka pesos nga balor sa proyektong imprastraktura ang tanang 691 ka mga barangay sa tibook probinsiya.

Ang maong gidaghanon sa proyekto gigahinan ug pundo nga mikapin sa tunga sa bilyon ka pesos samtang aduna pay daghang mga proyektong nga on-going u gang uban andam na ipatuman. Bisan pa man sa kadaghan sa mga proyektong imprastraktura ang panudlanan sa probinsiya ang nagbaton pa gihapon ug savings nga mobalor ug 98 milyones ka pesos nga maoy gamiton sa gobernador para sa pagpabarug ug balik sa bag-o ug modernong Cultural and Sports Center sa Zanorte.

Kahinumduman nga sukad sa paglingkod ni Gov. Yebes walay pu-as ang iyang mga paningkamot aron makahatag sa nagkadaiyang proyekto ug programa sa mga katawhan sa Zanorte tungod kay iyang gipaningkamutan nga mahaw-as kita sa talaan nga pinakapordoy nga probinsiya sa tibook nasud. Sa iyang ikaduhang termino karon ang gobernador sa Zanorte motutuk sa programang panginabuhi-an. (Southpoint, Vol.1No.9)

 

Yebes mitunol P81 miL ayuda biktima sa Bagyong Lando

Gikalipay sa mga taga-lungsod sa Sindangan human nakadawat og nilibong kantidad nga gihatag gikan na sa kagamhanang probinsyal sa pamunoan ni Gov. Rolando E. Yebes lakip na ang Local Government Unit sa maong lungsod nga gipahigayon didto na sa Rooftop Municipal Hall sa Sindangan kaniadtong Pebrero 28, 2008.

Ang mga katawhan gikan na sa 13 ka mga barangay sa naasoyng  lungsod kinsa nabiktima sa “Bagyong Lando” kaniadtong nakalabay’ng bulan sa Nobyembre 2007, mipasalamat ug midayeg sa administrasyon ni Gov. Yebes human malampusong napahigayon ang pagpang-apod-apod sa tag-tres mil ka pesos matag pamilyang na totally damaged ang mga panimalay diin, mokabat sa 81 mil ka pesos ang tanang nahatag niini ngadto na sa 27 ka mga pamilya nga ang mga balay gihapak sa Bagyong Lando.

Ang kagamhanang probinsyal pinaagi na sa Provincial Social Welfare and Development (PSWDO) pinanguluhan ni Ms. Grace Marylen B. Sabal, OIC sa maong buhatan ang mipahigayon sa maong pagpanghatag inubanan na sa LGU Sindangan. Gikahibaloan nga ang LGU Sindangan ang miayuda usab kini’g usa ka libo ka pesos matag pamilyang totally damaged ang panimalay samtang 500 ka pesos ang madawat sa partially damaged nga panimalay. Atol sa maong “Joint Distribution of Financial Assistance to the Victims of Typhoon “Lando” mao si Sindangan Vice-Mayor Aurelio J. Monteclaro nga mihatag sa iyang mensahe nga “maghiusa kita, magtinabangay ma-election o wala aron sa ingon niana malipay ang Diyos ug ang gobernador nga mag-akatar kaninyo diin, inyo usab nga tahuron ug inyong mahalon sama sa pagmahal sa inyong kaugalingon.”

Si Board Member Cedric “Adre” Adriatico nga maoy mi-representar ni Gov. Yebes ang mihatag usab sa iyang pasumbingay mahitungod na sa usa ka makinaadmanon nga tawo ug tanga kon scorpion nga makahilo kon  mopaak og tawo apan sa dihang adunay dakong baha og hapit maanod ang tanga nga nagkumpayot sa usa ka kahoy gitabangan kini sa makinaadmanong tawo pinaagi sa pag-tunol niini sa iyang kamot hinungdan nga nahubag ang kamot sa makinaadmanon kay sige man pud kining mapahitan sa maong tanga. Apan bisan pa niadto, padayon gihapon ang maong makinaadmanong tawo nga mitabang sa maong tanga hangtod naluwas kini sa iyang nahimutangan. Diin, iyang gipasabot nga ang makinaadmanong tawo mao si Gov. Yebes, pamilyang Macias ug si Pres. Gloria Macapagal-Arroyo ug ang tanga mao ang mga tawong kanunay’ng magdaot kanila apan ang mga makinaadmanong mga tawo padayon gihapong mitabang sa mga katawhan bisan pa man nga napuno sila og pagdaot sa uban. Panapos ni Adriatico nga unta padayon gihapon ang pagsuporta sa mga katawhan sa atong amahan ning probinsya aron sa ingon niana maangkon nato ang kauswagan ning lalawigan sa Zamboanga del Norte.

Gikahibaloan nga ang mga barangay nga naapektuhan ug nahatagan sa maong financial assistance sa kagamhanang probinsyal ug sa LGU Sindangan mao kining mosunod: Barangay Lawis, Bantayan, Siari, Lower Inuman, Binuangan, Talinga, La Concepcion, Upper Inuman, Disud, Motibot, La Roche, Poblacion ug Calatunan diin, mokabat sa usa ka gatos ka mga pamilya ang tanang nahatagan niini. (Southpoint, Vol.1No.9)

 

 

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON