February 24, 2009

 

Leon Postigo, Sindangan duna pay NPA nga aktibo

Gideklarar ni Col. Roland Amarille nga malinawon na ang 1st ug 2nd district sa mga kalihukan sa rebelding New People’s Army gawas sa mga lungsod sa Sindangan ug Leon Postigo.

Matud pa ni Co. Amarille ang commanding officer sa 101st Infantry Brigade sa Philippine Army kon hingpit na nilang ma neutralize ang kontra sa kagamhanan sa nasangpit nga mga lugar hingpit na gayud nga motigbabaw ang kalinaw sa duha ka nahisgutang distrito sa ZaNorte.

Sumala pa ni Col. Amarille sa miaging tuig maoy gitutukan sa ilang puersa ang Misamis Occidental apan karong tuiga maoy ilang tutukan ang Siayan ug Sindangan diin anaa karon gipahiluna nila ang ilang mga puersa.

Kahinumduman niadtong Enero 31, 2009 usa ka panag-engkwentro ang nahitabo tali sa mga elemento sa 53rd Infantry Battalion batok sa 30 ka mga armadong NPA didto sa Barangay Guibo, Siayan nga misangpot sa pagka ilog sa training camp sa mga rebelde didto sa Barangay Pangi sa mao gihapong lungsod.

Sa samang bahin gipahibawo ni Col. Amarille nga migradwar na ang usa ka company sa mga Subanen CAFGU’s nga maoy gipangayo ni Governor Rolando Yebes ngadto kang AFP Chief of Staff General Alexander Yano.

Usa ka detachment ang ilang ipahimutang usab karon didto sa Barangay Pangi kay anaa sa maong lugar naglihok ang mga rebelding NPA ug laing detachment sa Barangay Midatag sa Leon Postigo.

Gipasabot ni Col. Amarille nga sila mangayo gayud ug tabang sa probinsiya ug munisipyo sa pagpahimutang sa maong mga detachment kay wala silay pundo para niini.

Nagbutang usab sila ug lima ka Special Operations Team nga gikatag sa Siayan, Sindangan ug Leon Postigo nga nagtinguha sa pagkabig ug balik sa pagsalig sa mga katawhan ngadto sa atong kagamhanan pinaagi sa pagpahigayon ug mga pulong-pulong ingon man medical ug dental mission lakip na sa pag-implementar ug mga ginagmay nga mga proyekto nga maong gikinahanglan sa mga katawhan.

Matud pa sa commanding officer sa 101st Infantry Brigade ang ilang operasyon batok sa NPA magapadayon sa walay paghunong kay maoy ilang tinguha nga mabungkag gayud ang maong grupo dinhi sa atong lugar karon nga nagka tibulaag na sila human mailog ang ilang training camp didto sa Pangi, Siayan.

Si Col. Amarille mitataw nga maoy gusto niya nga karong tuig 2009 ang ilang area of responsibility madeklarar nga hingpit nang mitigbabaw ang kalinaw para molagsik ug dugang ang industriya sa turismo sa ZaNorte.

Sa iyang kabahin si Mayor Wilfredo Siasico sa Siayan nagpasalamat sa military sa malamposon nilang operasyon batok na sa mga kaaway sa gobyerno nga anaa naglihok sulod sa ilang lungsod.

Gihulagway ni Mayor Siasico nga ang Barangay Pangi maoy usa sa kinalay-an nga barangay sa Siayan.

Sumala pa ni Mayor Siasico ang mga sitios sa Guibo ug Pangi diin nahitabo ang panag-engkwentro layu na kaayo sa sentro sa maong mga barangay ug wala na kaayo nagpuyo sa maong mga lugar busa walay nasinating pagpamakwet atubangan sa nahitabong gubat sa military ug NPA.

Giangkon usab sa mayor sa Siayan nga karon pa siya nakabati sa pangalan sa maong mga sitios ug wala pa usab siya makataak sa maong lugar tungod sa kalayo ug kalisud sa agi-anan.

Matud pa usab ni Mayor Siasico nga dili ra angayan nga ikabalaka kaayo nila ang situwasyon kay ang lugar diin nahitabo ang mga eng-kwentro talagtag ra ang namuyo.

Daku usab ug pagpasa-lamat si Mayor Siaico ngadto sa 101st Infantry Brigade sa gihimo nilang operasyon kay diha sa Pangi nabaniog kini nga anaay daghang mga tulisan ug kawatan sa mga hayupan hinungdan nga ang mga katawhan didto wala gayud magbatun na lang ug kabaw kay pangkawaton man.

Sa samang bahin gipahibawo ni Siasico nga paspas na karon nga gihatud nila ang kalambuan para sa Pangi diin ang ilang bulldozer atua na karon nagtrabaho sa dalan gikan sa Barangay Macasing paingon sa Barangay Pangi.

Sa iyang kabahin si Governor Yebes miapilar sa mga mayors sa ZaNorte nga kinahanglang ilang suportahan ang Army ug mga pulis nga anaa gipahimutang sa ilang tagsa-tagsa ka lugar.

Ilabi na gayud diha sa pagpatindog ug mga detachment sa military ug CAFGU kay ang presensiya sa military diha sa ilang lugar makatabang ug daku sa pagpatigbabaw sa kahusay ug kalinaw sa ilang lungsod diin ang makabenepisyo niini mao mismo ang ilang kaugalingong mga katawhan. (Press Freedom, Vol. XXI No.16)

 

PPPP ipatuman sa tibook ZaNorte

Gipahibawo ni Governor Rolando Yebes nga gipailawom na karon ang tanang 25 ka munisipyo ug duha ka siyudad nga gilangkuban sa 691 ka barangay sa ZaNorte sa Pantawid Pamilyang Pilipino Program.

Matud pa ni Governor Yebes kini ang unod sa komonikasyon nga iyang nadawat kagahapon gikan ni DSWD Regional Director Teodulo Romo, Jr. human gimanduan ni Social Welfare Secretary Esperanza Cabral palapdan ang implementasyon sa Pantawid sa ZaNorte diin ang nahibiling 12 ka lungsod uban sa duha ka siyudad lakip na karon sa gipailawom sa maong programa.

Angayang kasayran sa dihang giimplementar sa DSWD ang Pantawid Program 13 lamang sa 25 ka lungsod sa ZaNorte ang gipailawom niini nga naglangkub na sa mga lungsod sa Siayan, Baliguian, Jose Dalman, Gutalac, Godod, Sergio Osmena, Leon Postigo, Roxas, Kalawit, Manukan, Sibuco, Katipunan ug Sindangan.

Sa dihang nahibawo niini si Governor Yebes higpit niyang gipadas-og ang tanang lungsod gayud sa ZaNorte ang angayang ipailawom sa maong programa sa rason nga ang atong probinsiya sa tuig 2003 maoy nadeklarar nga pinaka pobre nga lalawigan sa tibook nasud.

Matud pa ni Governor Yebes kini maoy bonga sa iyang hangyo ngadto kang Presidente Arroyo sa dihang gipatawag siya sa usa ka tigum didto sa Malacanang of the South sa Cebu diin iyang gipangayo ang paglakip sa nahibiling 14 ka kagamhanang local sa ZaNorte sa Pantawid Program.

Sa maong tigum, gisaysay sa gobernador nga gidaso-nan ni Presidente Arroyo ang nahisgutang hangyo.

Sigun sa pahibawo nga gipadangat ni Social Welfare Regional Director Romo, nalakip na karon sa Pantawid Program ang siyudad sa Dapitan sa 1st District uban sa mga lungsod sa La Libertad, Mutia, Pinan, Polanco, Rizal ug Sibutad.

Matud pa ni Governor Yebes apil na usab sa Pantawid ang Dipolog ug mga lungsod sa Labason, Liloy, Salug, Siocon, Sirawai ug Tampilisan.

Ang Pantawid Pamilyang Pilipino Program maoy flagship project ni Presidente Arroyo nga nagtinguha sa pagpaminus sa nasinating kapobrihon nga giatubang sa atong mga katawhan.

Ilawom sa maong prog-rama ang usa ka pamilya nga beneficiary sa programa ang magpakadawat ug P1,400.00 nga nagbatun ug tulo ka mga bata nga naglangkub na sa P500 para sa nutrition ug health expenses kada buwan ug laing P300 kada bata para sa gastu sa pagtungha.

Ang mga pamilya nga beneficiary sa programa kinahanglang mosunod usab sa giimposar nga mga kondisyon diin usa niini kinahanglan nga siguruhon sa mga gininakanan nga ang ilang anak motungha gayud sa eskwelahan, mapa bakunahan ug magpakada-wat ug tukmang health care.

Para sa mga ginikanan kinahanglan usab nga motambong sila sa mga responsible parenthood seminars, mother’s classes ug parents effectiveness seminar.

Sa sayu pa miapilar si Governor Yebes sa rehi-yonal nga buhatan sa DSWD sa pagpa-kig koordinar sa mga kagam-hanang local sa implemen-tasyon sa maong programa atubangan sa nakitang problema nga nahinagbo sa mga beneficiaries sa matag panahon nga mokuha na sila sa ilang financial assistance diha sa Land Bank.

Wala itago sa gobernador ang iyang dakung pagka dismaya sa DSWD sa pag-implementar sa maong programa nga naperwesyo ug maayo ang mga kabus nga mga lungsuranon nga gipailawom sa programa kay kinahanglang mokanaug pa sa Sindangan ug Dipolog aron makuha ang ilang kuwarta.

Maoy gusto sa goberna-dor nga ihatud kini sa gob-yerno ngadto mismo sa mga hingtungdang barangay kay ang mga kagamhanang local andam motabang kanila sama sa pagpahuwam ug mga sakyanan lakip na sa siguridad.

Sa ilang panagtagbo karong hapon uban ni Presidente Arroyo didto sa Pulauan Port sa dakbayan sa Dapitan naglaraw si Governor Yebes nga iyang ipaabot sa presidente ang gidangatan sa imple-mentasyon sa nahisgutang programa. (Press Freedom, Vol. XXI No.16)

 

Professional fees sa mga Doctor sa ZMC giaprobahan sa SP-ZN

Giaprubahan na sa Sangguniang Panlalawigan ang pagtakda sa Professional Fees sa mga medical practioners sa ZaNorte Medical Center human kini nahikling sa miaging semana atubangan sa mga pangutana sa mga bokal.

Si Board Member Cedric Adriatico ang chairman sa committee on health sa Sanggunian mipadas-og sa usa ka amendatory ordinance human matataw asa mapaingon ang gisingil nga Professional Fees mga doctor.

Gipatin-aw ni Adriatico nga ang professional fees nga gihisgutan maoy taripa sa pagbisita sa mga doctor sa ilang pasiente kada adlaw.

Kini nga taripa para sa mga doctor nga organic employee sa kagamhanang probinsiyal.

Matud pa ni Adriatico kini nga professional fee gisingil gikan sa mga pasiente nga maadmit sa private rooms, semi-private ug paywards.

Apan ang mga doctor sa probinsiya walay madawat nga bahin sa maong professional fees kay mapunta kini derecho sa income sa hospital.

Samtang sa mga contractual o job order nga mga doctor gitugutan nga maka kolekta sa ilang tagsa-tagsa ka professional fee sa kada bisita nila sa ilang pasiente pinasikad sa gipatigbabaw nga taripa sa ilang specialization.

Kini nga professional fees adto ibayad sa cashier sa hospital diin 10 porciento niini ang mapunta sa panudlanan sa hospital ug ang 90 porciento makobra sa mga contractual o job orders nga mga doctor.

Sigun sa giaprubahang taripa ang professional fee sa mga medical specialist ug general practioner anaa sa tag P250.00 kada bisita sa pasiente kada adlaw.

Apan giklaro sa gipanday nga ordinansa nga walay professional fee nga isingil sa mga pasiente nga nahulog sa category pinasikad sa buhatan sa gobernador nga mga indigent o charity patients. (Press Freedom, Vol. XXI No.16)

 

AFP: Napatay ug nadakpang  sibilyan mga sakop sa CPP NPA

Propaganda lamang sa walhong grupo ang pag-ingon nga polos mga inosenting sibilyan ang napatay ug nadakpan atol sa panag-engkuwentro sa mga sundalo ug New Peoples Army kon NPA niadtung duha na ka semana ang nakalabay sa Barangay Guibo, sakop sa lungsod sa Siayan , Zamboanga del Norte.

Kini ang reaksiyon nga gipabati ni Major Benidicto Manquequis ug Lt. Vicky Catalon sa 10lst Infantry Brigade, Philipine Army nga nakabase sa Del Pilar, Piñan atol sa exclusive interview sa DXFL Headline Balita aron kahatagan ug katin-awan ang gipagawas nga press release gikan sa Karapatan, Western Mindanao nga ang duha ka mga dinakpan sa militar atol sa manhunt operation niadtung Pebrero 6, polos mga subano ug sibilyan.

Giangkon ni Major Manquequis, sumala sa report nga sibilyan ang namatay ug ang duha nga nadakpan, apan nagbaton ug armas ug subersibong mga dokumento nga nakuha gikan sa ilang posisyon. Sumala sa militar, ang pagbaton ug armas ilabi na sa nakuha niining mga dokumento maoy pagpa-matuod nga ang gikaingong mga sibilyan, mga membro sa CPP-NPA.

Angay kahibaloan nga niadtung Enero 31, 2009, mga membro sa 53rd IB, Philipine Army ang naka-engkuwentro ug gibanabana sa mokabat tryanta ka mga rebelding NPA didto sa Barangay Guibo sakop sa lungsod sa Siayan. Ang maong engkuwentro mi-lungtad ug byente minutos nga sinukliay ug mga balaya ug napatay ang usa ka kumander nga nailhang si Matias Gaquit alyas Permo/Larry/Eugine, sakop sa RSDG1, ROC, sa Western Mindanao Region Party Committee.

Pagka Pebrero 1, lain na usab nga panag-engku-wentro ang nahitabo didto sa Sitio Masamaya, Bara-ngay Pangi sakop gihapon sa Siayan. Sa nagapadayon nga operasyon sa militar, niadtung Pebrero 6, duha ang gidakop nga gitumbok mga membro sa CPP-NPA nga giilang sila si Ricky Antubo o nailhan sa iyang tinuod ngalan Ivan Rey Agbay Antubo ug Gissele Antubo o nailhan sa iyang tinuod ngalan Analyn Antic Antubo, parehong sakop sa RDSG1, ROC, Western Mindanao Region. Lakip sa gidala sa militrar ang tres anyos nga bata ni Gessele.

Nakuha sa ilang posisyon ang voluminous nga mga subersibong dokumento, medical paraphernalia, duha ka blasting cap, 1 Icom radio, 16 buhing bala ug personal nga butang. Ang duha ka dinakpan gipailawom sa costudial debriefing sa militar.

Sa gihimong masusing imbestigasyon sa Kara-patan, Western Mindanao, ang duha nga dinakpan nahibaw-ang mga subano ug sibilyan. Matud pa nga sila si Gessele ug Ricky Antubo ang gipangdakop sa militar samtang anaa lamang sa ilang barangay. Gani sa maong hitabo, ang balay sa managtiayong Antubo ang gipaulanan ug mga bala hinungdan sa kamatayon sa bana ni Gessele.

Kini nga taho ang kusganong gipanghimakak sa militar. Matud ni Major Manquequis, taktika lamang kini sa walhong pundok nga kon dunay mamatay sa ilang mga sakop ingnun gilayon ug mga sibilyan aron malooy ang mga katawhan ug makamugna ug rebolusyon.

Laing sakop sa CPP-NPA nga nadakpan sa militar atol sa nagapadayong operasyon nailhang si Rendo Tomas alyas Joe ang mibutyag nga siyam pa ka mga kauban niyang rebeldi ang napatay atol sa maong engkuwentro.

Subay niini, gihagit karon ni Major Manquequis ang Karapatan nga kon tinuod ang ilang alegasyon, kini mopasaka ug kaso batok sa militar. Dugang niyang hagit alang sa usa ka debate aron mahatagan ug husay ang mga isyu kabahin sa nahitabo sa Guibo sa lungsod sa Siayan.

Sa iyang kabahin, si Lt. Vicky Catalon, usa ka babayeng opisyal sa militar nga nakabase sa Del Pilar, Piñan nanawagan sa mga kababayen-an nga membro sa CPP-NPA nga mokanaug na sa ubos ug motahan sa ilang kaugalingon aron magbag-o sa ilang kinabuhi pinaagi sa pagtabang sa gobierno diha sa pagpalambo sa komunidad.

Matud pa ni Major Manquequis, dako kaayong benipisyo ang madawat sa mga rebeldi kon motahan kini sa ilang kaugalingon ngadto sa sabakan sa balaod gumikan kay dunay progra-ma karon ang gobierno nga ang mauli niining armas o posil dunay bugti nga salapi. (The New Nandau, Vol. XVIII No.30)

 

National Nutrition Council giprangakahan ni Gov. Yebes
“Kongkretong resulta sa programa”

Kinahanglan dunay kongkretong resulta ang programa sa nasudnong pangagamhanan dili kay mohimo kini’g programa nga walay mogawas nga maayong resulta. Kini ang prangkang gisulte ni Governor Rolando Yebes sa dihang ang usa ka team gikan sa National Nutrition Council  ang nahidangat dinhi sa Zamboanga del Norte aron pagsabwag sa programa kabahin sa pagsumpo sa kapobrehon ug kagutom sa mga katawhan diha sa kabukiran. Ang maong grupo  mihimo ug courtesy call kang Governor Rolando Yebes didto mismo sa iyang buhatan sa provincial capitol.

Gi-presentar sa gobernador ang kasamtangang kahimtang sa atong mga kaigsoonan nga anaa sa kabukiran nga nagkinahanglan gayud ug tabang gikan mismo sa nasudnong kagamhanan. Sama sa ilang mga pagkaon ug suporta sa ilang dugang kapanginabuhian.

Iyang gihimong ehemplo ang dakong kalainan sa kinabuhi sa  ubang mga nasud nga bisan ang ilang mga tawo anaa nagpuyo sa mga bukid nga lugar apan wala kini makasinati ug kagutom. Ang ilang mga pagkaon diha sa kabukiran bisan simple apan maayo pagkaluto. Dili sama dinhi sa ato nga kadaghanan kontinto na sa pagkaon nga direktang mahungit sa baba. Mao usab kini ang hinungdan nga nagpabilin pa gihapon ang problema sa malnutrition. Kadaghanan sa mga katawhan diha sa kabukiran makakaon ka-usa o kaduha sa usa ka adlaw. Ang ilang mga pagkaon  ang dili kini puno sa nutrisyon tungod usab sa walay igong impormasyon.

Gusto ni Governor Yebes nga kinahanglan adunay makat-unan ang mga katawhan sa kabukiran pinaagi sa tabang sa mga gipangtahasan sa nasudnong kagamhanan pagpatuman sa programa alang sa kaayohan sa mga pobreng katawhan.

Wala gililong sa gobernador ang iyang nakita nga kadaghanan sa mga programa sa nasudnong kagamhanan taman lamang sa advocacy ug wala midulot ngadto sa katawhan. Alang kaniya, kinahanglan ang konkretong programa ug konkretong resulta .

Mao kini ang pamaagi  nga gisagop sa Yebes administration hinungdan nga hinay-hinay kitang nahaw-as sa talaan sa pinaka-pobre nga lalawigan sa tibook nasud, gikan sa numero uno karon ang Zamboanga del Norte nahimo nang ika-upat sa pinaka-purdoy nga probinsiya sa Pilipinas.

Samtang sa pag-abot ni Presidente Arroyo karong Biyernes nasayran, apil sa ipresentar ni Governor Yebes mao ang mga programa nga gipatuman sa nasudnong kagamhanan alang dinhi sa atong probinsiya nga walay konkretong lakang ug walay konretong resulta, apil na niini ang nagkaguliyang nga implementasyon sa Panta-wid Pamilyang Pilipino Program. (Joel Ello) (The New Nandau, Vol. XVIII No.30)

  

Bayranan sa kuryenti mosaka

Mosaka ang bayrunon sa kur-yenti nga gikolekta sa ZANECO sugod karong bulana. Apan ang labing apektado sa pagsaka sa electricity rate mao ang industrial users nga adunay subra sa 75 porsyento ang usbaw.

Kini nga singil nga ipatuman sa ZANECO sugod karong bulana maoy gipangayo sa National Grid Corporation of the Philipines. Miusbaw usab ang singil sa Generation rate nga kolek-tahon sa National Power Corporation, Transmission rate nga gipatuman sa NGCP, System Loss ug System Loss Evat nga gisingil sa BIR.

Apan gipaklaro sa ZANECO nga ang pagsaka sa bayrunon sa kuryenti dili iyang pagboot sa electric cooperative sa Zamboanga del Norte kay kini iya nga gisingil sa NPC ug NGCP.

Si Leonora Timtim, Finance Manager sa Zambo-anga del Norte Electric Cooperative kon ZANECO namahayag nga ang koope-ratiba walay gitakda nga pag-usbaw sa bayrunon sa kuryenti.

Kini nga pag-usbaw sa bayrunon sa Generation ug Transmission rate nga gisingil sa NGCP subay sa pag-usab-usab sa foreign exchange adjustment nga mao usab ang gibasehan sa ilang gastuhon nga gihapak ngadtu sa mga end users.

Gipaklaro ni Mrs. Timtim nga ang ZANECO dili makaboot ug iya diha sa pagpasaka o kaha pagpa-ubos sa bayrunon kon dili hatagan ug otoredad nga aprubahan sa Energy Regulatory Commission ug sa pagpahigayon ug public hearing sa mga membro konsumante.

Ang mitubo ngadto sa 75 porsyento nga bayrunon sa kuryenti mao ang demand charge nga gisingil sa NGCP diin kini kolektahon sa mga industrial consumers.

Gipasabot usab sa Finance Manager nga misaka gamay ang bayrunon sa residential, commercial, public building ug street ligths sa transmission ug generation ang gisingil sa NPC ug NGCP. Apan sa kabahin sa ZANECO, nagapabilin ra ang rate niini ug wala misaka. (The New Nandau, Vol. XVIII No.30)

 

Diarrhea Outbreak sa Jose Dalman, usa patay

Wala makaagwanta sa suka kalibang, nakabsan sa iyang kinabuhi ang usa ka pasyenti sa nahitabong diarrhea outbreak sa lungsod sa Jose Dalman. Ang biktima didto namatay sa Manukan Medicare Hospital sa lungsod sa Manukan, lakip sa 43 ka mga pasyenti nga gidala sa hospital ug Zamboanga del Norte Medical Center ning dakbayan sa Dipolog.

Kasagaran nga naigo sa diarhea taga Baybay Poblacion, Jose Dalman ang nadala sa nagkalainlaing tambalanan gumikan sa mitakboy nilang sakit nga suka kalibang sukad pa niadtung miaging adlaw.

Gituhoan nga ang hinungdan sa maong balatian mao ang tubig nga ilang giinom nga dili luwas ang kalimpyo. Unang gidala sa Manukan Hospital niadtung miaging adlaw ang byenti ka mga pasyenti gumikan sa maong balatian ug nasundan kini sa lain pang biktima sa diarrhea.

Mga tinugyanan sa CDAU maoy mitabang sa mga pasyenti aron madala sa tambalanan ug mahatagan ug libreng tambal.

Matud ni Roni Pacilan, CDAU Unit Head, 20 ka mga pasyente nga mga LANDO-BIBO sakop lungsod sa Jose Dalman nga nahilandig sa tambalanan sa Manukan Medicare Hospital, tungod sa sakit nga diarrhea. Sila ang mapasalamaton sa mga personahe sa CDAU kon Community Development Assistance Unit nga gilangkoban nila ni Edgardo Hampac, Flor Suan ug Caloy Fuersaz nga pulos mga CDAU facilitators, human kini mipahigayon ug hinanaling pagtabang sa mga biktima sa diarrhea outbreak.

Si Edgardo Hampac nga maoy team leader sa maong grupo ang mibutyag nga sila misanong sa instruksiyon sa unit head sa ilang buhatan nga mao si CDAU head Rony Pacilan nga mo-aksiyon gilayon sa pag-assess, evaluate ug pagtabang sa mga BIBO members nga nahidangat sa maong tambalanan sukad pa niadton Lunes sa gabii.

Matod pa ni Hampac nga ang ilang mga kaoban lakip na sa mga facilitators sa Jose Dalman ang mipahigayon ug Program Monitoring System sa lungsod sa Sindangan hinungdan nga sila nga team gikan sa Dipolog mao ang miresponde sa maong emerhensiya.

Matod pa niya nga usa sa iyang kauban nga facilitator nga si Caloy Fuersaz mao ang mipahigayon ug tukmang assessment, mitabang sa pagdala sa mga biktima nga pasyente ug mao usab ang mitaho ngadto sa unit head sa maong panghitabo.

Si Hampac nagkanayon nga ang iyang team ang personal nga midunol sa mga tambal sama sa Metronidazone Tablets ug injectables dextrose nga DSLR nga gikinahanglang kaayo sa mga pasyente. Si Hampac nagkanayon usab nga gikalipay sa maong mga pasyente ang maong hinabang gikan sa CDAU. Ang maong buhatan sa probinsiya mao ang tinugyanan sa gobernador diha sa pagpahigayon ug poverty mapping ug pag-organisa sa mga katawhang kabos isip benepesaryo sa kagamhanan sa ilang healthcare aid program.

Kahinumdoman usab nga mokabat sa 40 ka mga pasyente ang nahilandig sa maong tambalanan samtang dugang tulo ang gipadala sa Zanorte Medical Center. Nahibaw-an usab nga ang hinungdan sa maong outbreak nagsumikad sa wala pag-ayo sa naguba nga water system sa maong lungsod ug hinungdan nga ang mga katawhan mikuha na lamang ug tubig diha sa dili luwas nga tinubdan. (The New Nandau, Vol. XVIII No.30)

 

Voluntary black out himoon

Usa ka suwat pag-awhag ang nadawat karon ni Mayor Evelyn T. Uy gikan sa Earth Day Network Philippines (EDNP) pinaagi sa chairman niini nga si Ms. Elisea G. Gozun, alang sa pagsalmot sa kagamhanang  lokal sa Dipolog ug sa kinatibuk-ang katawhan sa dakbyan sa usa ka oras nga “voluntary black out”nga magugod sa may alas 8:30 ang takna sa kagabhi-on karong umaabot nga Marso 28, 2009.

Sumala pa ni Gozun nga ang maong kalihukan nga voluntary black out, usa ka symbolic gesture alang sa pagtubag sa nagpanghitabong “global warming” ug pagpahibalo sa tanang katawhan sa kalibutan nga gikinahanglan ang usa ka hini-usang aksiyon aron sa pagkab-ot ug kausaban sa pagpanginabuhi ug sa pagkakunhod sa “greenhouse gas emissions” nga mao karoy na-obserbahan nga dakung hulga sa atong kina-iyahan.

Nasayran nga ang nasangpit nga voluntary black out hinganlan ug EARTH HOUR, usa ka single action sa mga kataw-han sa tibook kalibutan aron sa pagpadayag sa usa ka mensahe, isip global citizens aron sa pagkunhod sa carbon footprint sa atong inadlaw-adlaw nga pagpanginabuhi pinaagi sa pagsagop ug mga ginagmay nga stratihiya aron sa pagkab-ot sa katuyu-an sa pagproteher sa atong kina-iyahan. (CIO)

 

9 vehicles, 3 motor gitugyan sa mga police station sa Z.N

Adunay 9 ka PNP 4-wheel vehicles ug 3 ka mga motorsiklo ang gihatag sa mga police stations dinhi sa probinsya sa Zamboanga del Norte gikan sa PNP National Headquarters.

Giturn-over ang maong mga sakyanan ngadto sa lungsod sa Sibutad, Rizal, Manukan, Sindangan, Leon Postigo, Katipunan, Jose Dalman, Sergio Osmeña ug Baliguian atol sa flag raising ceremony sa Camp Hamac, Sicayab ning dakbayan.

Matud pa ni Police chief  Inspector Glenn Dulawan, hepe sa Provincial Operations and Plans Branch nga ang maong mga sakyanan tipik sa Integrated Transformation Program ni Police Director General Jesus Versoza, Jr.

Dugang pa ni Dulawan nga walo sa maong mga lungsod ang nakadawat  ug Toyota Hi-Lux samtang ang lungsod sa Sindangan nakadawat ug Toyota Inova.

Samtang ang mga motorsiklo gihatag ngadto sa lungsod sa Manukan, Jose Dalman ug Polanco.

Si PNP Provincial Director Police Senior Supt. Atty. Cristeto Rey Gonzalodo sa iyang mensahe midasig sa mga polis nga ipauswag ang performance diha na sa paggukod sa tanang illegal nga kalihukan tungod kay aduna nay mga sakyanan.

Giawhag usab niya nga ang local government units sa pagsuporta sa kapolisan ilabi na ang paghatag ug gasolina ug maintenance sa mga sakyanan.

Ang maong pagturn-over sa mga sakyanan gitambungan usab kini sa mga mayor sa siyam ka lungsod nga nakaangkon sa maong mga bag-ong PNP vehicles kinsa mipadayag usab sa ilang dakong pasalamat. (Mishel Bala-Montederamos) (The New Nandau, Vol. XVIII No.30)

 

Pres. Arroyo midonar ug 5M para sa Piñan District Hospital

SA tinguha nga mapa-lambo ug makahatag sa dugang maayong serbisyo ngadto sa mga katawhan, si Presidente Gloria Maca-pagal Arroyo ang mihatag kini ug 5 milyones pesos alang sa Piñan District Hospital.

Ang presidente ang mitunol sa tseke nga nag-kantidad ug 5 milyones pesos ngadto kang Governor Rolando Yebes uban ni 1st District Congresswoman Cely Jalosjos Carreon ug Dr. Adonis Valmoria hepe sa nahisgutang tambalanan pinaagi sa usa ka simple nga seremonyas nga gipahiga-yon sa pantalan sa dakbayan sa Dapitan.

Ang Pinan District Hospital giila nga primary type hospital ug gitinguha karon nga kini ang mapalambo aron mamahimong secondary type hospital nga mama-himo nang makapahigayon ug mga minor surgery.

Gipahayag ni Presidente Arroyo nga gumikan sa nakitang kalambuan sa Zanorte Medical Center nga adunay maayong serbisyo ngadto sa mga katawhan agi ug pagpaningkamot sa Yebes administration naka-desider kini nga adto na lang ihatag ang singko milyones pesos sa Pinan District Hospital. Isip pagpahingusog sa programa nga ma-koberter ang tanang mga tambalanan sa gobyerno gikan sa primary type hospital mahimo kining secondary samtang ang secondary type hospital mamahimo kining tertiary type hospital.

Gikalipay pag-ayo ni Governor Yebes ang maong gilugway nga tabang sa pre-sidente tungod kay sigura-dong makatabang kini ngadto sa mga katawhan ilabina niadtong mga pas-yente nga nagkinahanglan sa dinalian nga pagtagad nga dili na kinahanglan pang mo-anha sa Zanorte Medical Center.

Nag-bunga ang pagpa-ningkamot ni Governor Yebes uban nila ni 1st District Congressman Carreon ug 3rd District Cesar Jalosjos nga adunay ilugway nga tabang ang nasudnong kagamhanan alang na sa pag-atiman sa panglawas sa katawhan. Dili pa lamang dugay ang Sindangan District Hospital ang gihatagan usab kini ug pundo sa nasudnong kagamhanan ug 6.5 million pesos human nga gipaabot ni Governor Yebes ang iyang hangyo ngadto sa president ug sa Department of Health.

Ang panglataw sa presidente nga mapalambo ang mga tambalanan nga iyaa sa gobyerno mao usab kini ang panglantaw sa gobernador sa probinsiya hinungdan nga padayon karon niyang gipaning-kamutan nga makabaton ug mga modernong ambulan-siya ang matag lungsod sa Zamboanga del Norte.

Gihimo usab sa presiden-te ang pagtugyan ug mga nagkadaiyang tambal ngad-to kang Governor Yebes para magamit sa mga tam-balanan sa probinsiya. Gipa-ngunayan usab sa president ang pagtunol ug mga Phil-Health Card ngadto sa mga pobreng katawhan. Dinhi sa Zamboanga del Norte adu-nay 5 mil ka mga miyembro sa PGMA’s PhilHealth Program.

Uban ni Presidente Arroyo sa gihimong simple nga seremonyas kagahapon mao sila si 3rd District Congressman Jalosjos, Dapitan City Mayor Jun Jalosjos, DOH Sec. Doque, ug uban pang mga opisyal sa pro-binsiya ug sa nasudnong kagamhanan. (The New Nandau, Vol. XVIII No.30)

 

Sinaman, Sangkol nakadawat ug proyekto gikan sa ZaNorte

DUNGAN nga gitugyan ning semanaha sa kagamhanang probinsiyal sa Zamboanga del Norte ang mga proyekto nga nagkantidad sa subra sa usa ka milyon ka pesos ngadto sa mga barangay sa Sangkol ug Sinaman ning dakbayan sa Dipolog.

Kini naglangkub sa upat ka mga unit sa Malawe type deep well nga anaa gipahi-mutang sa nagkadaiyang purok sa barangay Sinaman sa kantidad nga 665 mil pesos ug ang construction sa open type Multi-Purpose Building sa kantidad nga tunga sa milyon ka pesos nga anaa gipabarog sa Sangkol Elem. School sa barangay Sangkol.

Ang pagtugyan sa maong proyekto gipangunayan mismo ni Governor Rolando Yebes uban ni Provincial Administrator Atty. Rafael Cabanlit, 2nd District Board Member Cedric Adriatico, OIC-Provincial Engineer Ramon Ochotorena ug Maybel Bustalino sa buhatan sa Provincial Agriculture.

Mipabati sa iyang dakong pagpasalamat si Macias Reganon, principal sa Sangkol Elem. School sa gitunol nga proyekto sa probinsiya. Kini ang dako kaayo ug ikatabang kanila ilabina sa mga tinun-an. Ang maong proyekto maoy dugay na usab nilang gipa-ngandoy uban sa mga gini-kanan nga ilang maangkon.

Ang pag-turn-over sa upat ka Malawe type deep well sa barangay Sinaman, atubangan sa pagbalibad sa pagdawat mismo ni Kapitan Dionesio Dangase kini  ang mainitong gidawat  nila ni kagawad Salvador Monte-deramos ug Kagawad Celso Enoy uban sa mga miyembro sa Lando-BIBO pinaagi sa ilang coordinator nga si Baby Romarate.

Samtang mapasalamaton usab ug dako si Filemon Suganob, Lando-BIBO Coordinator sa barangay Sangkol sa paghatag sa probinsiya sa maong proyekto nga siguradong mapahimuslan pag-ayo sa mga katawhan sa ilang barangay. (Joel Ello) (The New Nandau, Vol. XVIII No.30)

 

Kasalan ng Bayan sa Sindangan, libo ka magtiayon ang gitabangan

Dako ang nahimong impact sa gipahigayon nga pagkasal sa mga lumad nga magtiayon nga wala pay lehitimo nga dokumento isip minyo ang nakapahimulos sa programa sa probinsiya, human sila gihiusa sa kaminyoon sa pamaagi nga “Taltal” kung kasal sa Subano didto sa lungsod sa Sindangan, lakip na ang civil rites alang sa mga kristiano pinaagi ni Mayor Bert Macias.

Mao kini ang nahibaw-an sa Southpoint gikan sa buhatan sa Community Development Assistance Unit, pinaagi sa Sindangan team nga gipanguluhan ni Respecio Quitong, Jr. Matod pa niya nga kini giyayongan sa CDAU ug PIPCU kon Provincial Indigenous People’s Coordinating Unit nga ubos sa pagpangulo ni Miss Cristena Andos.

Matod pa ni Quitong nga liboan ka mga magtiayon ang gihiusa sa mga barangay sa Datu Tangkilan, La Conception, Domalogdog, Labakid ug Pangalalan karong semanaha nga gilangkoban sa mga silingan nga barangay sa nasampit nga mga dapit.

Lakip sa maong pagsalmot sa maong programa mao ang Local Civil Registrar sa Sindangan ingon man ang Local Government Unit  niini, uban sa pagtambayayong sa mga kapitanes sa maong nasampit nga mga dapit.

Gikalipay sa maong mga pamilya ang pg-angkon nila ug mga dokumentos tungod kay aduna nay dakong purohan nga mahilakip sila sa mga programa sa probinsiya ilabi na ang paghatag ug mga PHILHEALTH benefit pinaagi sa LANDO-BIBO sa umalabot buwan.

Si Miss Cristena Andus, sa PIPCU ang masaligon usab nga dakong suporta ang ihatag sa mga lumadnong pamilya diha sa mga programa sa gobyerno tungod kay nahimong lehitimo na usab ang ilang mga pamuyo.

Samtang sa pikas bahin si CDAU head Roney Pacilan ang malaomon usab nga mahilakip na gayud unya sa PHILHEALTH program ang maong bag-ong magtiayon diha sa ilang mga programa ilabi na sa PHCAP ug PHILHEALTH.

Daghang sa gihiusang magtiayon ang taod-taod na nga nag-ipon nga walay mga kasal samtang ang uban kanila, nag-ipon sa dugay na nga panahon. (The New Nandau, Vol. XVIII No.30)

 

Pacilan mipaklaro lehitimo nga papel sa iyang buhatan diha sa free hospitalization ordinance 

Gipklaro karon ni CDAU head Roney Pacilan ang lehitimo nga papel nga gihuptan sa iyang buhatan diha sa pag-ila sa mga indigent members sa LANDO-BIBO aron makabaton sa hinabang sa gobyerno diha sa tambalanan sa probinsiya, sukwahi sa mga politikanhong obserbasyon sa mga ‘pikas media’

Mao kini ang gipklaro sa maong opisyal nga maoy nag-ugmad sa Poverty Mapping Program ni Gobernador Rolando E. Yebes, nga miresulta sa katukuran sa LANDO-BIBO program dinhi sa atong lalawigan.

Matod pa niya nga ang iyang buhatan gimando sa Gobernador nga maoy mag-atiman sa pag-certify sa mga miyembro nga indigent family sa maong kapunungan ug dili magpasabot nga ang dili mamiembro sa LANDO-BIBO dili na mahatagan ug hinabang sa probinsiya.

“Diha nimo Makita nga sinsero ang gobernador sa iyang serbisyo ug tinuuray ang iyang tinguha kay bisan kadtong dili miembro sa iyang indigent program, basta kay nanginahangan hatagan gihapon ug hinabang, apan kini ipaagi na sa medical social welfare sa mga tambalanan,” matod pa niya.

“Natural nga ang CDAU maoy magdumala sa LANDO-BIBO beneficiaries, tungod kay ang among buhatan maoy nag-ugmad niini ug ang among pundok maoy nagpahugot ug nag-giya sa mga mieymbro diha sa pag-angkon sa benepisyo nga gilugway sa provincial government,” dugang pa sa maong opisyal.

Kabahin usab sa reserbasyon sa mga bokal diha sa pagdeliberate sa maong balaodnon, iyang gitataw nga polisiya kamandoan sa gobernador ug wala siyang igong katakos sa pagbalibad sa maong mando, tungod kay ang iyang buhatan, ubos sa kamandoan mismo sa gobernador.

“Nasulbad na man na nga isyo, natural ra sab nga adonay mga pangutana ang mga bokal, tungod kay ila man kining katungod isip mga magbabalaod,” dugang pa ni Pacilan.

Gipunting sa maong opisyal ang politikanhong motibo sa iyang giila nga ‘pikas media’ tungod kay giapil pa niini ang insinuasyon nga modagan siya sa usa ka posisyon sa 2010, butang nga iyang giila nga argumento aron nga katuuhan nga gipamolitaka sa iyang buhatan ang programa sa gobyerno.

“Layo pa kaayo ang 2010, busa dili angayan nga butangan kini ug pamolitika, kay tataw nga ang programa sa gobernador nga gisuportahan na karon sa halos siyento porsiento nga mga katawhan, usa ka lehitimo nga paglugway ug ayuda sa mga kabos, nga diin igo lamang usab siya nagtuman sa iyang prinsipyo nga ang katawhan maoy una sa iyang pangagamhanan,” Dugang pa niya. (The New Nandau, Vol. XVIII No.30)

 

CDAU mipahigayon subosob nga pagrehistro sa DOLE sa mga LANDO-BIBO sa 2nd district

Gihingusgan karon sa buhatan sa Community Development Assistance Unit kon CDAU ang pagpahigayon ug advocacy aron nga mahimong usa ka ‘functional organization’ ang  mga LANDO-BIBO chapters pinaagi sa paghatag kanila ug mga legal personality, importante nga component aron nga makaangkon kini ug mga livelihood programs gikan sa boyerno, sa probinsiya man o nasodnon.

Mao kini ang kusganon nga gibutyag, human gilibot ni CDAU head Roney Pacilan ang mg lungsod sa Sindangan, Siayan ug Jose Dalman pulos sulod sa second district ning lalawign sa Zamboanga del Norte.

Matod pa ni Pacilan, nga maoy gitumong karon sa iyang buhatan ang subsob nga kampanya ingon man paghatag ug assistance ngadto na sa mga BIBO beneficiaries nga buot magpailawom sa Rural Workers Program sa Department of Labor and Employment kon DOLE aron nga makakuha sila ug accreditation sa maong buhatan.

Si Pacilan nagkanayon nga mokabat na sa 65 ka mga barangay ang ilang napahigayonan sa meeting, gikan sa mga lungsod sa Jose Dalman Sindangan ug Siayan sulod sa nakalabay nga tulo ka semana.

Samtang karong semanaha gikalatid usab nga iyang sudlon ang mga lungsod sa Manukan, Roxas ug Katipunan ug ang dakbayan sa Dipolog.

Iyang gibuutyag nga sa nakalabay nga tuig aduna nay 40 ka mga barangay ang nahimong accredited na sa DOLE ug karong naghuwat na lamang aron nga ika-release na ang mga livelihood projects gikan sa probinsiya.

Gikalipay sa maong opisyal ang walay puas nga supporta nga gipakita sa mga barangay officials ingon man mga BIBO leaders sa ilang gipahigayon nga aktibidad sa maong naasyo nga dapit.

Lakip sa maong aktibidad nga gipahogayon sa ilang buhatan ang pagpahigayon sa renewal sa mga PHILHEALTH beneficiaries kansang mga ID cards ang mo-expire na karong Abril 30.

Matod pa ni Pacilan nga 27,000 ka mga pamilya gikan sa 15 ka mga lungsod ang ilang pagapahigayonan niini. Samtang palapdan pa gayod ang maong gidaghanon sigon sa mando sa gobernador.

“Hectic kaayo ang schedule sa among buhatan karong tuiga, in fact our facilitators are all tied up on our fiel works, mao nga among awhagan ang mga benepisaryo nga mag-andam sa ilang kaugalingon, aron dili gayod mabiyaan sa maong benipesyo gikan sa probinsiya,” matod pa ni Pacilan. (The New Nandau, Vol. XVIII No.30)

 

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON
 

THE DAILY DIPOLOGNON
DIPOLOG CITY, PROVINCE OF ZAMBOANGA DEL NORTE PHILIPPINES
www.dipolognon.com www.dipolognon.net  www.dipolognon.org  Keyword: dipolognon
www.dipologcity.com  www.dipologcity.net  www.dipologcity.org  www.dipolognon.com  www.dipolognon.net  www.dipolognon.org    www.dipolog.org  www.dapitan.com   www.eartajo.com  www.cagayandeoro.us 
www.artajo.us www.artajo.info www.eddie.artajo.name www.zamboangadelnorte.com  www.zambonorth.com  www.pagsalabuk.com  www.dipolog.biz www.artajo.biz  www.plasticextrusion.us www.cebu.org
www.davao.us  www.tagum.com  www.giscard.us  www.pagadiancity.com www.malaybalay.net  www.ozamis.com  www.tangub.com  www.oroquieta.net
 www.nabunturan.com www.znuc.org www.znch.ph
www.gingoog.com  www.ozamiz.us www.general-santos.com  www.surigao.net  www.kidapawan.com  www.iligan.us www.raelene.us  www.cagayan-de-oro.com   www.mutyasadipolog.com   www.twinzel.com
 
www.zamboanga.net   www.palmbeachgardens.us   www.islandgarden.net  www.cotabato.net  www.tacurong.com  www.butuan.us  www.pagadian.com  www.dipolog.us
www.zamnai.com
www.dipologhotels.com
   www.dipologpress.com  www.dipologsardines.com   www.extrusion.us www.ozamizcity.com  www.marawi.net www.dipologchamber.com   www.twinzeldipolog.com

Copyright©2008 by The Daily Dipolognon All Rights Reserved  PRIVACY POLICY & DISCLAIMER
Email : webmaster@dipolognon.com  Since October 18, 2000