January 31, 2009

 

MNLF liason officer ngadto kang Gonzalodo: Badlonga imong sakop nga polis

Gihangyo karon ni Elena Malanday, liasong officer sa Moro National Liberation Front kung MNLF sa Upper Disakan sa lungsod sa Manukan si PNP Provincial Director P/SSupt. Atty. Crestito “Rey” Gonzaludo nga mandoan ang iyang mga sakop nga polis sa iyang lungsod nga dili horo-horohon, o hadlokon ang iyang mga sakop ilabi na ang atua sa kabukiran aron nga sila magpabiling motambong sa ilang simbahan.

Kining maong hangyo gipabati ni Malanday tapos niya ibutyag nga usa ka polis nga ginganlan ug Randy nga sakop sa Manukan PNP ang minghulga sa iyang mga kaubang subanen nga nagpuyo sa kabukiran sa Upper Disakan, Siparok, ug Diongan nga dili mosimba sa ilang simbahan alang kanilang mga balik muslim didto sa Siparok, tungod kay ang ilang pagsimba matod pa sa maong polis nagpasabot nga sila nagpondok pondok lang aron paghisgot ug mga lihok batok sa gobierno.

Matod pa ni Malanday nga ang gihimo sa maong polis maoy klarong paglapas sa ilang tawhanong katungod sa pagsimba, ug pagsanong sa ilang kagawasan sa ilang relihiyon sumala sa gimbut-an sa batakang balaod.

Kining maong  hangyo gipabati ni Malanday tungod kay wala na siya tagad makapadangat sa iyang sulat protesta ngadto sa PNP provincial director tungod sa kadaghan sa iyang mga trabaho isip pagpa-ngandam sa iyang pagbisita ni Professor Nur Misuari, ang nagapabiling chairman karon sa Moro National Liberation Front dinhi sa Mindanao. (Mar Uy) (The New Nandau, Vol. XVIII No.29)

 

Dipolog Polis gisaway:
Inutil pagresponde sa ginagmay panghitabo

NAGPABILIN hangtud karon nga inutil ang kapolisan ning dakbayan sa Dipolog pag-respondi sa mga nanghitabo palibot ning atong dakbayan kansang mga biktima ang nanginahanglan unta ug tabang sa atong kapolisan.

Bisan sa mga pagsaway nga gipabati sa kadaghanan nagpabilin gihapon nga wala kini panumbalinga sa atong kapolisan ilalom sa lederato sa bag-ong na-promote nga si Police Superintendent Reynaldo Maclang.

Niadtong Lunes sa gabii, usa ka batan-on ang napa-reglahan kini sa usa ka grupo sa mga lalaki  atbang sa tennis court nga anaa mahimutang sa Mibang, Sta. Filomena. Ang maong batan-on ang gipareglahan sa dihang naghandos kini sa iyang motorsiklo nga nahiyos ang ligid paingon na unta kini mopa-uli. Giduol kini sa usa sa tulo ka wala mailhing lalaki nga nag-standby daplin sa karsada nga nangayo ug sigarilyo ug sinsilyo apan tungod kay walay ikahatag ang biktima hinungdan nga kini ang gipaluparan ug kinumo. Maayo na lang gani nga nakadagan ang biktima sa dihang kini nakabakod human nalukapa, biniyaan ang iyang motosiklo.

Ang biktima ang mida-ngop gilayon kini ngadto sa atong kapolisan aron sa pagpangayo ug tabang, kini nagpa-blotter apan disma-yado ang biktima tungod kay matod pa ang police nga iyang na-atubang kini ang igo lamang mi-ingon nga “kalas-kalas lang sila ug gasolina kung ilang respondehan ang maong hitabo tungod kay gamay ra kini nga kaso”.

Sa gipakita nga kinaiya sa kapolisan sa  dakbayan sa Dipolog, daw sa nagpabilin nga gamantika kini sa pagrespondi sa mga nanghitabo sa atong palibot, wala kini gana morespondi sa mga gagmay nga kaso. Kini maoy nakita karon nga hinungdan nga mas labaw nga bugnaw nga mores-pondi ang kapolisan sa mga dagkong kaso tungod sa rason nga walay gasolina.

Nagpabilin usab karon ang dakong pagduda sa opersyon sa sindikato nga ania nag-operate dinhi sa Dipolog sama sa tulis, hold-up ug uban pa, tungod kay daw sa makapaduda usab karon ang kabugnaw sa pag-respondi sa atong kapolisan sa mga nanghitabo dinhi sa atong dapit tungod sa rason nga walay gasolina. (Joel Ello) (The New Nandau, Vol. XVIII No.29)

  

Militar milakag na sa MILF sa Godod

Gilakag na karon sa militar ang nasigpatang rebeldi nga gituhoang mga sakop sa Moro Islamic Liberation Front sa bukirang bahin sa lungsod sa Godod sa dihang namakwit ang mga residente sa maong dapit atubangan sa presensiya sa maong grupo nga gikatahong mipule sa pagpuyo sa ilang lugar.

Mao kini ang gibutyag ni Mayor Roly Te sa lungsod sa Godod samtang iyang gikonpermar nga adunay pipila ka mga residente sa Barangay Binuangan nga nahisakop sa iyang lungsod ang miabandonar sa ilang pinuy-anan gumikan sa ilang kahadlok sa paghiabot sa mga armadong grupo nga mi-okupar sa ilang dapit.

Matud ni Mayor Te, wala pa nila matino kon si kinsa kining maong grupo apan ilang gituhoan nga kini mga membro sa MILF nga nag-operate sa bukirang bahin sa Godod, Tampilisan, Kalawit, Liloy ug Salug.

Apan gipaklaro ni Mayor Te nga bisan tood kon dunay pagpamakwit sa pipila ka mga residente sa Barangay Binuangan, apan iyang gihimakak ang radyo bagon nga balita nga nag No Mans Land ang iyang lungsod. Sumala pa niya, nasinati sa mga katawhan sa poblasyon Godod  ang kahapsay ug pagka malinayon. Gani kagahapon palang sila natapos sa ilang usa ka semana nga selebrasyon sa pagsaulog sa ilang Araw ng Godod.

Gipaklaro sa batan-ong mayor nga walay kaguliyang ang nahitabo sa poblasyon Godod sukwahe sa kabalaka nga gibati sa ubang katawhan. Ang natandog nga kalinaw didto lamang nahitabo sa usa ka barangay sa Binuangan, layo pa kaayo sa poblasyon diin adto pa kini agion sa lungsod sa Tampilisan.

Gituhoan ni Mayor Te nga kining maong nasigpa-tang grupo mao ra kini ang tigpangilkil ug tigpanulis sa mga negosyante ug habalhabal driver nga nag-operate sa Kalawit, Salug ug Tampilisan. Sumala pa nga naglahos-lahos ra kining mga tawhana sa maong mga dapit nga kon manulis sa usa ka lugar, mobalhin dayon sa pikas dapit aron dili masakpan.

Duna usay nasagap nga report nga ang nasigpatan sa Barangay Binuangan, Godod mao ra ang grupo sa usa ka kumander nga nag-operate sa Kalawit nga napolisan karong bag-o nga gipapangita ni Mayor Baleleng.

Si Mayor Te naglaraw nga iyang hangyoon ang batallion commander sa militar nga butangan gayud ug permanenting army detachment ang boundary sa Tampilisan ug Godod aron dili na magpatuyang kining maong grupo sa ilang pagpanulis, pangilkil sa mga molopyo nga maoy gikahadlokan pag-ayo sa iyang mga katawhan.

Giawhag usab ug dugang ni Mayor Te ang mga katawhan nga dili lang dayon motoo sa mga estorya sa gawas kay kini pakapinan, hinonoa anha mangutana kaniya kay wala siya maghikatulog niining maong problema ug iya nang gihatagan ug aksiyon uban sa koordinasyon sa kapolisan ug 44th IB nga nakabase karon sa lungsod sa Godod. (The New Nandau, Vol. XVIII No.29)

 

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON
 

THE DAILY DIPOLOGNON
DIPOLOG CITY, PROVINCE OF ZAMBOANGA DEL NORTE PHILIPPINES
www.dipolognon.com www.dipolognon.net  www.dipolognon.org  Keyword: dipolognon
www.dipologcity.com  www.dipologcity.net  www.dipologcity.org  www.dipolognon.com  www.dipolognon.net  www.dipolognon.org    www.dipolog.org  www.dapitan.com   www.eartajo.com  www.cagayandeoro.us 
www.artajo.us www.artajo.info www.eddie.artajo.name www.zamboangadelnorte.com  www.zambonorth.com  www.pagsalabuk.com  www.dipolog.biz www.artajo.biz  www.plasticextrusion.us www.cebu.org
www.davao.us  www.tagum.com  www.giscard.us  www.pagadiancity.com www.malaybalay.net  www.ozamis.com  www.tangub.com  www.oroquieta.net
 www.nabunturan.com www.znuc.org www.znch.ph
www.gingoog.com  www.ozamiz.us www.general-santos.com  www.surigao.net  www.kidapawan.com  www.iligan.us www.raelene.us  www.cagayan-de-oro.com   www.mutyasadipolog.com   www.twinzel.com
 
www.zamboanga.net   www.palmbeachgardens.us   www.islandgarden.net  www.cotabato.net  www.tacurong.com  www.butuan.us  www.pagadian.com  www.dipolog.us
www.zamnai.com
www.dipologhotels.com
   www.dipologpress.com  www.dipologsardines.com   www.extrusion.us www.ozamizcity.com  www.marawi.net www.dipologchamber.com   www.twinzeldipolog.com

Copyright©2008 by The Daily Dipolognon All Rights Reserved  PRIVACY POLICY & DISCLAIMER
Email : webmaster@dipolognon.com  Since October 18, 2000