November 22, 2007

 

patay'ng lawas ni maan naabot na sa ilang balay

NAABOT na niadtong Huwebis, Nobyembre 15, 2007 ang patay nga lawas ni Maan Bustaliño dinhi sa dakbayan sa Dipolog gikan sa kaulohan sakay sa abyon nga iyaa sa Philippine Airlines ug mitugpa sa Dipolog City Airport mga alas 11:30 sa buntag. Kini ang gisugat sa iya mismong ginikanan nga sila si Rodolfo Bustaliño ug Adelina Bustaliño uban sa igsoon nga si Abegail, mga ig-agaw, mga uyoan ug ayaan ug ang mga higala ni Maan.

Wala nay hunong sa pagdangoy-ngoy ug iyak ang pamilyang Bustaliño sa dihang ila nang nakita ang lungon nga maoy gisudlan sa patay’ng lawas ni Maan. Kini ang gidaritso gilayon ngadto sa ilang pinuy-anan nga anaa nahimutang subay sa dalan Magsaysay, Miputak ning dakbayan.

Dead body of Maan Bustaliño, victim of bombing in Batasang Pambansa Bldg. arrive in Dipolog City airport. (Photo courtesy of Freger Reyes)

Si Allan Khio nga brother in law sa biktima ug maoy nangunay pagkuha sa patay nga lawas didto sa kaulohan aron madala dinhi sa Dipolog ang misaysay nga iya nang naabtan si Maan sa funeraria ug iya gayud nakita kung unsa ka grabi ang naangkon niining pagkadaot sa tibook parte sa lawas tungod sa mga splinter sa miboto nga bomba.  Alang kaniya subo kaayo pamalandungon nga taas pa unta kaayo ang mahimo sa iyang ‘sister in law’ sa pangidaron nga 30 anyos apan tungod sa binuhatan sa mga terorista kalit ug sayo kaayo ang iyang pagpanaw. Dako na kaayo ug kausaban ang hitsura sa nawong sa biktima tungod sa kadaghan sa mga samad nga iyang naangkon ilabina sa iyang liog. Nasunog ang iyang tiil ug bukton.

Sa dihang gipahiluna na ang patay nga lawas ni Maan didto sa kaulohan dili siya makatuo nga ingon adto kadaghan sa mga tawo ang misud-ong sa iyang sister in law, “natandog ko sa akong nakita nga dili mga ordinaryong tawo ang mi-adto sa haya sa akong igsuon.” Sa maong abyon nga maoy gisakyan sa patay nga lawas sa biktima, sakay usab niini ang pipila ka mga kadagkuan sa Dipolog, Dapitan ug sa probinsiya sama nila ni Vice Mayor Senen Angeles, Mayor Jun Jalosjos ug Governor Rolando Yebes.

Si Governor Yebes ang midaritso gilayon kini ngadto sa buhatan sa Air Transportation Office nga didto ang ginikanan ug igsoon sa biktima. Gipaabot sa gobernador ang iyang mga pahasubo ngadto sa pamilyang Bustaliño. Mismo ang gobernador ang naanugnan sa nahitabo ni Maan. Sama sa pangutana sa uban mao usab ang pangutana ni Governor Yebes nga kung target si Congressman Akbar sa maong bomba sa Batasan Complex nganong naatul pa gayud nga tapad si Maan ni Congressman Akbar.

Gihulagway karon sa mga katawhan sa dakbayan sa Dipolog nga ang biktima nga si Maan usa unta ka instrumento sa mga Dipolognon nga nakaabot sa taas nga ang-ang tungod kay dili yanong empleyado sa kongreso ug mahimo pa unta kining koneksyon sa mga Dipolognon didto sa kongreso. Ang biktima usa ka regular employee sa kongreso nga anaa sa Budget and Planning Division. Sa nasayran, ang patay nga lawas sa biktima gikatakdang ilubong karon Nobyembre 24, 2007 apan sabutan pa sa pamilya sa biktima kun hain nga sementeryo ipahiluna ang patay’ng lawas. (The New Nandau, Vol. XVII No.19, with reports from Joel Ello and Popong Capin)

Credits: The New Nandau is a member of the Publishers Association of the Philippines (PAPI). Editorial office is located at 076 Quezon Avenue, Dipolog City with Tel. No. (065) 212-3794; Cell No. +639205201041. Email: freedom_nandau @yahoo.com

*

 

Patay’ng lawas nakabalik na sa Dipolog
dipolognon patay sa batasang pambansa bombing

NAABOT na niadtong Huwebes, Nobyembre 15, 2007 ang patay nga lawas ni Maan Gale Bustaliño dinhi sa dakbayan sa Dipolog gikan sa kaulohan. Alas 11:30 sa buntag mitugpa ang abyon nga iyaa sa Philippine Airlines sa Dipolog City Airport nga maoy gisakyan sa maong patay nga lawas ni Bustaliño. Kini ang gisugat sa iya mismong ginikanan nga sila si Rodolfo Bustaliño ug Adelina Bustaliño uban sa igsoon nga si Abegail, mga ig-agaw, mga uyoan ug ayaan ug ang mga higala ni Maan.

Wala nay hunong sa pagdangoy-ngoy ug iyak ang pamilyang  Bustaliño sa dihang ila nang nakita ang lungon nga maoy gisudlan sa patay nga lawas ni Maan. Kini ang gidaritso gilayon ngadto sa ilang pinuy-anan nga anaa nahimutang subay sa dalan Magsaysay, Miputak ning dakbayan.

Si Allan Khio nga brother in law sa biktima ug maoy nangunay pagkuha sa patay nga lawas didto sa kaulohan aron madala dinhi sa Dipolog, ang misaysay nga iya nang naabtan si Maan sa funeraria ug iya gayud nakita kung unsa ka grabi ang naangkon niining pagkadaot sa tibook parte sa lawas ni Maan tungod sa pagboto sa bomba. Alang kaniya subo kaayo pamalandungon nga taas pa unta kaayo ang mahimo sa iyang sister in law sa pangidaron nga 30 anyos apan tungod sa binuhatan sa mga terorista kalit ug sayo kaayo ang iyang pagpanaw. Dako na kaayo ug kausaban ang hitsura sa nawong sa biktima tungod sa kadaghan sa mga samad nga iyang naangkon ilabina sa iyang liog. Nasunog usab ang iyang tiil ug bukton. Gipadayag ni Allan nga niadtong mi-aging gabii sa dihang gipahiluna na ang patay nga lawas ni Maan didto sa kaulohan dili siya makatuo nga ingon adto kadaghan sa mga tawo ang misud-ong sa iyang sister in law, natandog siya sa iyang nakita, dili mga ordinaryong tawo ang mi-adto sa haya sa biktima.

Mao kini ang last text message ni Maas a iyang igsoon nga nangamusta sa ilang inahan nga nabalaka sa kahimtang human kini na-slide ug nakaangkon ug bun-og, Martes alas 3 ang takna sa kahapunon sa Nobyembre 13, pagkagabii sa maong adlawa nahitabo ang gikataho nga pag-buto sa bomba sa Batasan Pambansa, sa kauluhang Manila.

Sa maong abyon nga maoy gisakyan sa patay nga lawas sa biktima, sakay usab niini ang pipila ka mga kadagkuan sa Dipolog, Dapitan ug sa probinsiya sama nila ni Vice Mayor Senen Angeles, Mayor Jun Jalosjos ug Governor Rolando Yebes. Si Governor Yebes ang midaritso gilayon kini ngadto sa buhatan sa Air Transportation Office nga didto ang ginikanan ug igsoon sa biktima. Gipaabot sa gobernador ang iyang mga pahasubo ngadto sa pamilyang Bustaliño. Mismo ang gobernador ang naanugnan sa nahitabo ni Maan. Sama sa pangutana sa uban mao usab ang pangutana ni Governor Yebes nga kung target si Congressman Akbar sa maong bomba sa Batasan Complex nganong naatul pa gayud nga tapad si Maan ni Akbar.

Gihulagway karon sa mga katawhan sa dakbayan sa Dipolog nga ang biktima nga si Maan usa unta ka instrumento sa mga Dipolognon nga nakaabot sa taas nga ang-ang tungod kay dili yanong empleyado sa kongreso ug mahimo pa unta kining koneksyon sa mga Dipolognon didto sa kongreso. Ang biktima usa ka regular employee sa kongreso nga anaa sa Budget and Planning Division. Sa nasayran, ang patay nga lawas sa biktima gikatakdang ilubong karon Nobyembre 24, 2007 apan sabutan pa sa pamilya sa biktima kun hain nga sementeryo ipahiluna ang patay’ng lawas. (Mindanao Star, Vol.III No.42)

*

 

Adaza nakakuha ug TRO

Gitugotan sa korte nga mahiapil ang pangalan ni Aristela “ Daylinda “ Adaza diha sa listahan sa mga kandidato pagka Board of Director sa Zamboanga del Norte Electric Cooperative kon ZANECO sulod sa Distrito VII. Ang piniliay gipahigayon niadtung Sabado, Nobyembre 17 ning tuiga.

Mao kini ang unod sa giluwatan nga Temporary Restraining Order (TRO) nga gipagawas ni Honorable Judge Chandler O. Ruiz sa Regional Trial Court, 9th Judicial Region, Branch 10 ning dakbayan ug pinitsahan Nobyembre 16 ning tuiga sa dihang si Adaza ang miduso ug Certiorari and Injuction with Prayer for the Issuance of Temporary Restraining Order atubangan sa ‘findings’ sa mga membro screening committee nga nagpugong kaniya nga makasalmot sa piniliay pagka Board of Director. 

Hinoon gipaklaro ni Judge Ruiz nga ang TRO dili ‘final and executory’ tungod kay mahimo pa kining mabakwi sa National Electrification Administration. Matud sa hukmanan, ang issue ni Adaza kabahin sa iyang ‘qualification or disquali-fication’ ang naglambigit kini sa ‘question of law’ diin ang korte mao lamang ang makaresolbar niini. Ang Election Committee sa ZANECO nga gilangkoban nila ni Violeta L. Belotendos, Leonora I. Timtim, ug Eduardo B. Castor ang gimandoan sa hukmanan nga dili una ipatuman ang ‘findings’ sa screening committee pinitsahan ug Nobembre 10, 2007 nga nag-disqualify ug nagwagtang sa pangalan ni Adaza sa Official List of Candidates sa posisyon pagka Board of Director sa ZANECO District VII; ug pag-apil niini sa pangalan sa petitioner sa official list of candidates sa pagka Board of Director alang sa piniliay. Ang TRO mo-epekto lamang sulod sa byenti ka adlaw.

Gimando sa korte nga pagahimoon ang pagdungog sa application for injunction ni Adaza ug giktakda karong Nobembre 28, 2007 sa may alas dos sa hapon. Para sa nasangpit nga pagdungog, ang Election Committee sa ZANECO gimandoan sa hukmanan nga mopakita ug basehan ngano nga ang injunction sa petitioner dili tugotan. Sa interview, gipadayag ni Adaza ang iyang dakong kahibulong sa migawas nga ‘findings’ sa mga membro sa screening committee nga nag-disqualify sa iyang kandidatora nga unta ang trabaho sa maong komitiba igo lamang modawat ug Certificate Of Candidacy sa buot magpapili ug dili mopa-gawas ug desisyon kon wa-lay mopasaka sa protesta.

Matud ni Adaza walay mipasaka ug protesta batok sa iyang kandidatora busa dili mahimong diskumpiyado ang screening committee kay ang ilang trabaho igo raman modawat ug COC niadtung gusto molansar. “Nganong sila man (screening com-mittee) ang diskumpiyado nga dili man sila ang kan-didato?” maoy pangutana ni Adaza. Gikatingad-an usab ni Adaza nga sa una ug ikaduhang piniliay aduna ma’y Candidates Forum nga gihimo uban sa mga Election Screening Committee ingon man usab sa mga kadag-kuang opisyales sa naa-soy’ng electric company. Apan karon sa iyang kata-pusang termino nga magpa-pili sa mao gihapong posis-yon lahi na man ang pamaagi sa mga nasangpit nga komitiba ug matud pa niya daw murag “luto na daan.”

Sumala ni Adaza iya lamang gibalewala ang tanang pagbatikos tungod kay wala kini igong kapasi-karan.  Busa naningkamot nalang siya nga mapagawas sa korte ang Temporary Restraining Order (TRO) aron adunay kapilian ang mga konsumante sa ZANECO sulod sa Distrito VII nga gilangkuban sa mga lungsod sa Katipunan, Roxas, Manukan ug Jose Dalman nga siya ‘qualified’ pa gihapon nga makahupot sa maong posisyon.

Tumong ug tinguha lamang sa iyang pagpasubli sa maong posisyon mao lamang ang pagtunol sa mga maayong programa alang na sa kaayuhan sa tanang mga konsumante sa ZANECO sulod sa Distrito VII. Angay masayran nga si Incumbent Board of Direc-tor Arestela “Daylinda” Adaza ang gi-disqualify sa eleksiyon pagka Board of Director sa Zamboanga del Norte Elelectric Cooperative kon ZANECO tungod sa pagka konbikto sa iyang kasong giatubang.

Matud sa Member Information Services sa buhatan sa ZANECO ang ‘ground for disqualification’ sa kandidatora ni Adaza nga maoy gibasehan sa mga membro sa screening committee ang kasong “theft of minerals” nga nasang-at sa korte ug gihukman niadtung 1997. Base sa clearance gikan sa Provincial Prosecutors Office ug sa kopya sa desis-yon sa korte nga nahipos sa screening committee, si Adaza nakonbikto sa iyang giatubang kasong pagpangawat ug minerales.

Usa sa mga rekesitos nga isukip ug ipataban sa Certificate of Candidacy mao ang mga clearances gikan sa Provincial Prose-cutor, sa PNP, Finance Department sa ZANECO ug uban pa. Ang maong mga clearance nga gikinahanglan isip maoy pagpa-ila nga ang usa ka kandidato dunay “good standing” ug wala makonbikto sa kasong giatu-bang.  Apan gumikan kay si Adaza nakonbikto sa iyang kaso, kini maoy gibasehan nga dili siya mo-qualify nga magpapili sa umalabot nga eleksiyon. Sigon sa election guide-lines ug sa by laws sa ZANECO, lima ka adlaw sa dili pa ikapahigayon ang piniliay dawaton ang unsa man nga protesta apan si Adaza wala misubmiter sa iyang counter affidavit o kaha protesta kabahin sa iyang disqualification sa eleksiyon.

Si Belotendos, membro sa screening com-mittee ug maoy in-charge sa pagpahigayon sa piniliay ang mikonpermar sa findings nga si Adaza na-disqualify sa iyang kandidatora pagka Board of Director sa eleksiyon. Gikatahong mi-ihibit sa gipakanaog nga findings. Sigon sa talaan sa mga kandidato pagka Board of Director, bugtong si Antonio Liao nalang ang nakabutang sa final list of candidates.

Atol sa Board Meeting sa hunta directiba sa koope-ratiba sa elektrisidad, nawas-awasan ug gilabhan ug kasaba ni Mrs. Adaza si Mrs. Belotendos sa dihang gituki sa mga membro sa Board of Director ang migawas nga findings sa screening committee. Matud ni Belotendos, ang ilang findings nagabase lamang sa by laws and guidelines alang sa quali-fication ug disqualification sa usa ka kandidato diin sa clearance gikan sa Provincial Prosecutors Office ug sa nahipos nilang kopya sa desisyon sa korte, si Mrs. Adaza nakonbikto sa kasong “theft of minerals” niadtung 1997, ug kini maoy ground nga siya ma-disqualify.

Gipaklaro sa Information Services Manager nga ang hunta direktiba dili makabakwi ug makapa-usab sa findings sa screening committee gumikan kay ilawom sa by laws and election guidelines, ang makadeterminar sa usa ka kandidato kon kini mo-qualify ba o dili sa paglansar, ang gahum iya lamang sa maong komitiba. Ang Board of Director walay gahum nga maka revoke sa findings sa screening committee.

Hinoon gipahayag ni Mrs. Belotendos nga andam nilang tubagon ang order sa korte atubangan sa petition nga giduso ni Mrs. Adaza. Kagahapon ang ZANECO pinaagi sa mga membro sa screening com-mittee mipahibawo nga apil si Mrs. Aristela B. Adaza sa final list of qualified can-didates sa eleksiyon human giluwatan sa korte ang Tem-porary Restraining Order. (Press Freedom, Vol. XX No. 5)

*

 
Pamilyang Bustaliño dili pa makadawat
Gobiyerno gibasol sa kadangag

DILI pa makadawat hangtud karon ang pamilyang Bustaliño sa nahitabo ni Maan Gale Bustaliño nga apil sa namatay atul sa pagboto sa bomba sa Batasang Pambansa niadtong Martes sa gabii diin ang gobiyerno maoy gibasol ngano nga wala kini makasanta sa binuhatang terorismo nga nakaamong sa walay labot nga sibilyan. Mao kini ang dili kapugngan nga reaksiyon sa kabanay’ng Bustaliño nga gisayangan pag-ayo sa sayo nga pagpanaw ni Maan. Si Maan maoy Chief of Staff ni Congressman Henry Teves sa lone district sa probinsiya sa Orriental Negros diin ang kongresista apil usab sa mga nahimong biktima.

Si Abegail Bustaliño-Khio, igsuon ni Maan ang misaysay nga nianang martes sa gabii ila na lang nahibaw-an ang balita sa television nga adunay bomba ang miboto sa south wing sa Batasan Complex. Tungod niini natigaw na dayon ang ilang pamilya tungod kay ang opisina ni Maan ang anaa lamang tungod sa maong lugar diin miboto ang bomba. Diha-diha ila gilayong gitawagan si Maan aron pagklaro subay sa tumang nila nga kabalaka.  Mas misamot ang ilang gibating kabalisa sa dihang walay mitubag sa cellphone ni Maan nga ilang gitawagan.

Pipila ka mga gutlo nahibaw-an na lang sa pamilyang Bustaliño nga apil si Maan nga nabothan ug bomba sa dihang gipagawas na sa mga balita sa television ang pangalan sa mga nahimong biktima. Matod ni Abegail wala usab magdugay nakadawat sila ug tawag nga nagpahibalo kanila sa nahitabo ni Maan. Wala gililong ni Abegail ang iyang tumang kasuko ngadto sa mga tawo nga naghimo sa maong linoog nga binuhatan. Alang kaniya unsa may sala sa iyang igsoon, “kung si Congressman Akbar sa Basilan maoy target sa maong bomba nganong dili man kini maoy ilang diretsohon ug posil,” usa kini ka timailhan sa terorism”, kanayon pa si Abegail.

Gibasol usab sa pamilyang Bustaliño ang Philippine National Police ilabina ang mismong mga tinugynan alang sa seguridad palibot sa Batasan Complex nga wala makabantay sa mga tawong dunay dautang tuyo. Niadtong Martes sa may alas 3:30 sa kahaponon nadawat pa ni Abegial ang text message gikan kang Maan nga nagpahibalo nga anaa siya sa meeting. Wala niya damha nga mao na diay kadto ang katapusan nga text sa iyang igsuon.

Si Maan Bustaliño siyam na ka tuig nga nagtrabaho sa kongreso isip nagsilbing staff ni kanhi Congressman Herminio Teves ug karon maoy Chief of Staff ni Congressman Henry Teves apo sa maong kanhi kongresista. Ang asawa ni kanhi Congressman Herminio Teves maoy igsoon sa amahan ni Maan Bustaliño.

Bag-o lang usab nga gisaulog ni Maan ang iyang ika 30 ka tuig nga adlaw’ng natawhan niadtong Nobyembre 10, 2007. Sa maong adlaw gi-greet pa ni Abegail si Maan pinaagi sa text uban sa pagpadala niini ug mensahe nga ampingan niini ang iyang lawas. Si Maan maoy kina-manghuran sa duha ka mga anak nila ni Mr. and Mrs. Rodolfo Bustaliño. Matod pa ni Abegail katapusan nilang kita ni Maan niadto pang Septembre 20 didto sa Manila ug kini ang iyang makita karon nga patay na nga mahibalik sa ilang panimalay. (The New Nandau, Vol. XVII No.19)

*

 

RICELAND SA ZANORTE DILI KATUBAG SA GIKINAHANGLANG SUPPLY SA KATAWHAN

Giangkon sa Office of the Provincial Agriculturist sa Zamboanga del Norte nga dili gayud kapasigo ang production sa palay sa lalawigan atubangan sa demand nga pagkaun sa atong mga katawhan. Kini ang gibutyag ni Maybel Bustallino, Agriculture Specialist sa OPA sa pag-atubang niini sa Sangguniang Panlalawigan aron sa pagpanalipod sa ilang gipangayong budget para sa sunod tuig. Matud pa ni Bustallino sa tibook probinsiya mokabat lamang sa kapin sa walo ka libu ka ektarya ang gitamnan ug palay.

Kini midugang sa pagpahayag nga sa maong gidak-on sa riceland sa ZaNorte ang mamahimong production niini dili gayud kapasigu gikinahanglang pagkaun sa atong mga katawhan nga bugas humay. Apan sa production sa mais matud pa ni Bustallino, adunay surplus ang ZaNorte diin ang uban niini gi-export ngadto sa sikbit natong mga lalawigan diin mokabat sa kapin sa 35 mil ka ektaryas sa kamaisan ang gibatunan sa probinsiya. Samtang ang nakahulip sa supply sa bugas humay mao ang mga sikbit nga probinsiya sa ZaNorte nga nagbatun ug mas lapad nga mga basakan inubanan usab sa supply sa bugas gikan sa National Food Authority.

Matud pa niya ang dakung bahin sa atong agricultural land anaa sa coconut production. Kabahin sa subsidy, matud pa ni Bustallino ang gilugway karon sa probinsiya mao ang paghatag ug libreng organic fertilizer ngadto sa atong mga mag-uuma. Sa sayu pa si Governor Rolando Yebes mipahibawo nga ang probinsiya mopalit karon ug tae sa mga hayupan sa tag P15.00 ang kilo sa uga nga tae sa kabaw, kabayo, kanding ug uban pa kay maoy gigamit nila sa giproduce karong organic fertilizer.

Matud pa ni Bustallino gitudluan usab nila ang mga mag-uuma nga sakup sa Hi-Green Program sa pagbuhat ug organic fertilizer. Sumala pa niya ilang gidasig karon ang mga mag-uuma sa lalawigan bisan katunga lamang sa gikinahanglan nilang abono gamitan sa organic fertilizer makatabang na kini ug daku sa pagminus sa ilang galastuhan.

Sa samang bahin iyang gibutyag nga misaka karon ang demand sa planting materials para sa rubber tree diin daghan ang nagpangita gikan sa Rizal hangtud na sa lungsod sa Sibuco diin nakita nila nga nadasig karon ang mga nanag-iya ug kayutaan sa pagpananum sa guma ilabi na sa presyo niini nga anaa karon sa tag P43.00 ang kilo ug P96.00 ang kilo alang sa uga na nga guma. Gidasig usab niya ang mga katawhan nga mosubay sa nagkadaiyang nursery sa Hi-Green diha sa kabarangayan nga misagup sa programa sa probinsiya kay nagproduce kini sila karon ug mga planting materials para sa tanum nga guma. (Press Freedom, Vol. XX No. 5)

 
 

galas feeder port, proyektong wa'y gamit?

Gihinaway pag-ayo karon sa mga katawhan ning dakbayan sa Dipolog ang gihimo niining proyekto nga Galas Feeder Port.  Pipila ka mga lumulupyo ning siyudad ang misaksi karon bag-o pa lamang sa nahugno ug maayong pagkaguba nga feeder port nga anaa nahimutang dinha na sa barangay Galas.

Gibagulbolan pag-ayo sa mga magbubuwis ning dakbayan sa gitukod nga proyekto ni kanhi Mayor Roberto Y. Uy.  Suma pa nga gi-usik-usikan lang pag-ayo ang salapi ning siyudad nga gimugna og proyektong walay gamit ug karon gipasagdaan, wala mapahimusli ug maayo nang pagkaguba.

Nasayaran nga tungod sa dagkong balud nga mihapak sa maong gihimong pantalan sa Galas maoy hinungdan nga maayong pagka-hugno ang tumoy nga portion sa maong Galas Feeder Port. Nanghinaot nalang ang katawhan ning dakbayan sa Dipolog nga siguroon unta sa mga opisyales nga kon magmugna’g mga proyekto ang siyudad kinahanglan nga mapahimudsan ug dili gayod usik-usikan ang salapi kay gihagoan kini sa mga katawhan. (Mindanao Star, Vol.III No.42)

*

 

VG Olvis: 2nd district hinayhinay nang ma-solid sama sa Ist ug 3rd district
320 barangay Officials sa Roxas ug jOSEDalman nanumpa ni Gov. Yebes

Vice Governor Francis Olvis mipahayag nga ang segundo distrito gamay nalang kulang mapareha na sa una ug ikatulong distrito nga solidong nagsuporta sa APP sa dihang ang mosubra sa tresyentos ka mga opisyal sa barangay ug Sangguniang Kabataan nga midaug niadtung nakalabay’ng eleksiyon sa lungsod sa Roxas ug Jose Dalman ang nanumpa atubangan ni Governor Rolando Yebes nga gipahigayon sa Zamboanga del Norte Convention and Exhibition Center ning dakbayan sa Dipolog niadtung lunes.

Ang mass oathtaking ceremony gihimo sa mga barangay kapitan uban sa ilang mga kagawad ug Sanguniang Kabataan chairman uban usab sa ilang SK kagawad nga polos kaalyado sa bando sa gobernador dungan sa ilang pagpasilong sa Alliance of Parties for Progress kon APP. Sa lungsod sa Roxas, sa 31 niini ka mga barangay, 20 ka mga Kapitan uban sa modul-an dosyentos ka mga kagawad ug 19 ka mga SK Chairman uban sa SK councilor ug sa lungsod sa Jose Dalman, walo ka mga kapitan uban sa unsi ka mga SK chairman uban sa ilang konsehal ang nanumpa atubangan ni Governor Rolando Yebes ug Vice Governor Francis Olvis.

Ang mga opisyal sa barangay sa Roxas ug Jose Dalman nga nanumpa sa gobernador maoy timaan sa ilang pagpasilong sa APP alang sa pagsuporta sa mga programa ug proyekto lakip na sa umalabot lokal nga piniliay sa dos mil dyes. Ang gidaghanon sa nanumpa nga mga kapitanes uban sa SK chairman sa duha ka mga lungsod sa Roxas ug Jose Dalman sa ilang pagpasilong sa APP mao usab ang preparasyon alang sa umalabot nga bugno sa piniliay nga igo na kaayong makapadaug sa pagka ABC Federation President ug SK Federation president sa duha ka mga lungsod.

Matud ni Vice Governor Olvis, ang pagpasilong sa mayoriyang kapitanes, kagawad ug SK sa mga lungsod sa Jose Dalman ug Roxas dako na kaayo’g ikatabang alang sa umalabot nga bugno sa dos mil dyes nga piniliay. Matud pa sa bise gobernador, ang kadaugan sa mga opisyal sa barangay sa Roxas ug Jose Dalman nga polos kaalyado sa gobernador maoy tipik alang sa laing kadaugan sa mga kandidato sa APP sa umalabot nga eleksiyon.

Apan prangka ug walay lipod-lipod nga gipadayag ni Vice Governor Francis Olvis nga bisan pa ug ang ubang opisyal sa segundo distrito mobalingbing sa pikas bando sa umalabot nga eleksiyon, dili gayud sila mapokan gumikan kay mayoriya sa mga mayor ug opisyal sa barangay sa permero ug tersero distrito anaa na nagpasilong sa bando sa Alliance of Parties for Progress kon APP.

“Ang probinsya sa Zamboanga del Norte dunay tulo ka distrito. Sa dihang milusad kami sa politika niadtung 2004,  si Governor Yebes wala pa mailhi gawas nako nga nailhan na kay nahimo man akong mayor ug bise mayor sa lungsod sa Polanco. Si Governor Yebes mao pay pagpaila ninyo pero nganong midaug man mi? Tungod kay duna mi first district ug third district nga solid. Sa first district dunay pito ka lungsod ug usa ka siyudad  amo tanan ang mayor, hapit amo tanan ang sanguniang bayaan ug sa 208 kapitan, dosyentos ang amo nga solid. Sa third district solid gihapon mi kay sa dose ka lungsod, dose ka mayor nagpaluyo na sa APP,” butyag pa ni Olvis. “Bisan pag dili nami mokampanya dinhi sa second district modaug gihapon mi.”

Angay masayran nga niadtung nakalabay’ng Mayo 14 nga piniliay si Vice Governor Olvis napildi sa segundo distrito, apan gumikan sa makabungog nga boto nga iyang nakuha sa permero ug tersero distrito siya nagmadaugon gihapon sa miaging piniliay. Matud pa sa bise gobernador, atubangan sa maayong liderato ni Governor Rolando Yebes ang segundo distrito hapit na ma-solid pareha sa permero ug tersero distrito nga solidong nagpasilong sa ilang bando.

Pagkakaron ang mga lungsod sa segundo distrito nga kaalyado sa APP ug ni Governor Yebes mao ang mga lungsod sa Katipunan, Manukan, Sindangan ug Siayan samtang mayoriya na sa mga kapitan sa mga lungsod sa Roxas ug Jose Dalman ang anaa na nagpasilong sa bando sa administrasyon. Para ni Vice Governor Olvis mas bintaha kon ang mga opisyal sa lungsod ug barangay magpasilong sa gobernador kay anaa ang daghang mga kaayohan ug kalamboan nga mahatag para sa mga katawhan. Matud niya, mas maayo gayud nga magkahiusa ug magtinabangay para mapasutoy ang mga programa nga ipatuman sa probinsya.

“Mga opisyal sa barangay angay gayud magpahawid sa dakong kamot aron dili makabuhi ug maluwas sa dakong katalagman.” Kini nga pasumbingay ug mensahe maoy gipadayag ni 2nd District Board Member Cedric “Adre” Adratrico atubangan sa mga opisyal sa barangay sa mga lungsod sa Jose Dalman ug Roxas. Ang mensahi nga gipadayag ni Board Member Adriatico iyang gipasumbingay sa usa ka amahan ug anak nga nakahinagbo ug kalisod sa ilang pagtabok sa dakong bul-og sa tubig.

Matud niya, mas maayo gayud nga ang amahan maoy mohawed sa iyang anak kay sa anak nga maoy mohawed sa iyang amahan, kay ang amahan mas dako ug kamot nga dili mabuhian paghawed sa iyang anak. Alang kaniya, mas dakong bintaha kon ang amahan sa probinsya maoy mohawed sa iyang mga opisyal sa barangay kay diha ang daghang kaayohan ug kalamboan nga mahatag ngadto sa iyang mga anak nga katawhan. (The New Nandau, Vol. XVII No.19)

*

 

METROPOLIS CONSTRUCTION INCORPORATED
GILISUD-LISUD SA CITY HALL SA OCCUPANCY PERMIT

Gilisud-lisud karon sa Office of the City Building Official sa dakbayan sa Dipolog ang Metropolis Construction Incorporated diha sa gipangayong occupancy permit para sa Zamboanga del Norte Medical Center,  kay sumala pa wala masumitir sa kontraktor ang dokumento para sa Standard As Built Plan for the Sewage Treatment Plant nga usa sa mga gikinahanglan.

Kini ang unod sa suwat ni Engr. Gaudencio Bagolboc ang OIC-City Building Official nga gipadangat ngadto sa buhatan sa Provincial Attorney. Sa nasayran sa dihang nagka atubangan sila si Engr. Bagolboc sa buhatan sa ni Atty. Jes Gal Sarmiento, Jr. uban usab ni Vice Mayor Senen Angeles, kini mipasalig nga wala nay problema ang paglukat sa kontraktor sa occupancy permit okay na ang tanang gisumitir nga mga dokumento.

Apan kalit lang nausab ang hangin sa city hall, atubangan sa gipadangat karong suwat sa Office of the City Building Official nga naningil sa dokumento nga Standard As Built Plan for the Sewage Treatment Plan kay maoy gikinahanglan alang sa pag-isyu sa occupancy permit. Giklaro ni Atty. Sarmiento nga ang molukat sa occupancy permit mao ang kontraktor kay gikinahanglan kini para opisyal na nilang matugyan usab sa kagamhanang probinsiyal ang ilang gitrabaho nga proyekto.

Samtang si Mr. Alfredo Aquino, Vice President for Operations sa Metropolis Construction sa ilang gipadangat nga tubag ngadto kang Mayor Evelyn Uy, ilang giklaro nga dugay ra nilang gisumitir sa buhatan sa OBO ang Standard As-Built Plan sa Sewage Treatment Plant. Giklaro ni Mr. Aquino sa Metropolis Construction nga ang tanang aspeto sa architectural, structural and plumbing gibutang nila sa usa lamang ka pahinang papel.

Samtang ang gipangayo nga flow chart ni City Architect Realiza gisumitir na nila nga abante daan nga gipirmahan ug giselyohan sa ilang Chemical Engineer ug kini giprinta sa A3 size nga paper sheets. Nalakip na sa maong flow chart ang ilang operating manual nga ilang ihatag panahon sa ipahigayong seminar nga pagahimoon sa higayon ipagawas na ang Occupancy Permit. Sumala pa ang gibuhat sa city hall klaro lang gayud nga paglangay-langay sanglit ang tanang dokumento nga gipangayo niini dugay rang gisumitir ngadto sa OBO.

Sa nakita gusto ni Mayor Evelyn Uy nga dili gayud mabuksan ngadto sa publiko ang bag-ong ZaNorte Medical Center busa gipapugngan niini ang pagpagawas sa gipangayo sa kontraktor nga Occupancy Permit. Sumala pa kini nga aktuwasyon ni Mayor Uy sa Dipolog maoy naghikaw sa mga kabus nga katawhan sa ZaNorte nga makatilaw sa sirbisyo sa bag-ong tambalanan tungod lamang sa naghinobra niining pagpamolitika sa walay paglantaw sa mamahimong maangin sa ilang mga aksiyon. (Press Freedom, Vol. XX No. 5)

*

 

BARANGAY KAPITAN UG SK CHAIRMEN SA SALUG UG GUTALAC NANUMPA SA APP

DUNGAN nga nanumpa ang napili nga mga barangay kapitan ug sangguniang kabataan chairmen sa mga lungsod sa Salug ug Gutalac ning atong lalawigan sa Zamboanga del Norte kagahapong adlawa.

Unang nanumpa ang 23 ka mga kapitan uban sa SK chairmen sa lungsod sa Salug kagahapon sa buntag. Sa mensahe nga gipaabot ni District chairman sa Alliance of Parties for Progress kun APP Congressman Cesar Jalosjos ngadto sa maong mga barangay officials nga ang katuyuan nila karon uban ni Governor Rolando Yebes mao ang panaghugpong. Kung kinsa man gani ang nakadaog sa nakabalay nga election sa barangay kinahanglan nga andam nilang itunol ang ilang kamot ngadto sa ilang kaatbang nga napukan atul sa piniliay. Reconciliation maoy angayang himoon tungod kay ang maong 23 ka mga barangay kapitan uban sa Sangguniang kabataan chairmen mao nay gitahasan sa mga katawhan nga mo-serbisyo.

Subling gipaabot ni Jalosjos ngadto sa maong mga barangay officials ang gihimo niya karon nga pagpaningkamot uban kang Governor Yebes ug sa duha ka mga kongresista kabahin sa pagsiak sa tersero sa Zamboanga del Norte ngadto sa laing probinsiya.  Sa kabahin usab ni Governor Yebes, nga sa pagpili karon sa mga katawhan ngadto sa maong mga barangay officials kinahanglan nga bugtian gayud kini ug serbisyo. Sama sa iyang panultihon nga una sa tanan ang katawhan mao usab kini ang lantawon sa maong mga barangay officials nga unahon usab ang ilang mismong barangay.

Gusto sa gobernador nga ang Sangguniang Kabataan iya usab nga ipaambit ang programa sa probinsiya pinaagi sa YES. Ang SK ang dili kaayo kalihok diha sa barangay tungod sa kagamay sa ilang pahat. Apan pinaagi sa YES andam ang probinsiya nga motabang sa mga programa niini alang sa mga kabataan. Nianang alas 4 pasado ang takna sa hapon gisunod usab ang pagpanumpa sa 33 ka mga kapitan uban sa mga barangay kagawad ug sangguniang kabataan sa lungsod sa Gutalac nga gipahigayon sulod ilang Gym.

Sila si Governor yebes ug Congressman Jalosjos ang hini-usang mipadangat sa ilang hagit ngadto sa tanang mga barangay officials nga ipakita sa maong mga barangay officials nga usa sila ka leader ug ang mga katawhan maoy unang atimanon. Hikalimtan na ang nahitabo sa nakalabay nga barangay election. Gideklarar usab ni Jalosjos ang baruganan sa grupo diha na sa pagtuboy karon ug ABC president kini human mitumaw ang problema kung kinsa ang opisyal nga ituboy alang sa maong posisyon human mitumaw ang laing pangalan gikan mismo sa grupo usab ni Mayor Angel Carloto. (Sam Buddy, Mindanao Star, Vol.III No.42)

*

 
Gov. Yebes nag-usab sa iyang kinaiya Kuyog, Kauban pa gayud

Governor Rolando Yebes sulod sa tulo ka tuig nga pagdumala sa probinsiya iyang gipakita ang makiangayon nga pagbahinbahin sa mga proyekto nga walay pagpihig sa mga barangay pildi man o daug sa 2004 eleksiyon, apan sa unang higayon kini mipahinum-dom sa mga opisyal sa barangay nga sa iyang ikaduhang termino ang makatagamtam sa iyang matam-is nga pagpangga kadtong mga kapitan nga wala miloib kaniya sa nakalabay’ng eleksiyon.

Kini ang gipadayag sa gobernador atubangan sa mosubra tresyentos ka mga opisyal sa barangay sa Roxas ug Jose Dalman nga nanumpa kaniya aron magpasilong sa APP niadtung nakalabay’ng semana. Dili lang kay taman lang sa kuyog-kuyog, kon dili kauban na gayud sa panon sa tanang panahon, sa kalipay ug kasakit diha sa pagpanerbisyo alang sa mga katawhan sa barangay ug sa tibook probinsya. Matud ni Governor Yebes, ang presensiya sa mayoriyang opisyal sa barangay sa duha ka mga lungsod maoy pagpaila nga gipakita niini ang panaghiusa ug pagsuporta sa unsa mang mga programa ug proyekto nga ipatuman sa kagamhanang probinsyal.

“Atong gipakita nga nagkausa ta. Inyong gipakita (barangay opisyales) kuyog ug kauban ta. Dili nato wad-on nga magkuyog-kuyog lang pero dili kauban. Kay importante kaayo ang atong panaghugpong karon atong pagabuhaton nga usa ka balaanon nga panaghugpong sa atong mga lideres sa barangay sa Roxas ug Jose Dalman. So..Kuyog ta, kauban pa gyud ta. Dili lang ta kuyog-kuyog, dili lang ta kauban-kauban, duhaon nato na, kuyog ta, kauban pa gyud ta.” Matud ni Governor Yebes, kini iyang gibalikbalik kay siya usa ka tawo nga kon mahawed, “dili ko mobiya, dili gyud ko ninyo mobuhi labi na kon inyong ipakita kanako nga kinasingkasing ang inyong pagkuyog sa atong grupo.”

Si Governor Rolando Yebes nga bag-ohay palamang nakadawat ug mapasigarbohong pasidungog isip Presidential Lingkod Bayan Awardee ang miyag-yag sa mga programa ug proyekto nga iyang na-implementar sulod sa permero niyang termino sa pagdumala sa probinsya sa Zamboanga del Norte nga karon nahimo nang inila sa tibook pilipinas. Ang lungsod sa Roxas, gipahayag ni Governor Yebes nga nakapatuman na siya ug proyekto nga mokabat ug mosubra sa P36 milyones ka pesos samtang ang lungsod sa Jose Dalman nakahatag na usab siya ug proyekto nga mokabat ug mosubra P23 milyones ka pesos.

Matud ni Governor Yebes, sa maong gidak-on nga kantidad sa mga proyekto nga iyang nahatag sa maong duha ka lungsod, walay mayor sa lungsod ug uban pang opisyal sa probinsya nga tinud-anay nga serbisyo nga nakahatag ug mitabang para sa mga katawhan. Mapasigarbohong gibutyag ni Governor Yebes nga sa iyang tulo palang ka tuig nga pagserbisyo, moabot na sa singko mil ka mga proyekto ang iyang nahuman sa tibook probinsya sa Zanorte lakip na ang bag-ong state of the art nga modernong Zamboanga del Norte Medical Center nga iyang gihalad sa mga katawhan.

Sumala pa sa gobernador, sa miaging eleksiyon bisan kon dili iya ang mayor sa Roxas ug Jose Dalman, apan gumikan sa lig-on nga panaghiusa ug suporta sa mga lider sa barangay ilabi na sa mga kapitan nga wala mibudhi kaniya, siya nagmadaugon sa nakalabay’ng eleksiyon. Kini maoy iyang dakong pagpasalamat sa mga kapitan nga wala magpalingla ug magpadala sa tinagingting sa salapi.

“Sa miaging eleksiyon, ingon sila (oposisyon) dili kuno ko kadaug sa segundo distritro. Sa miaging eleksiyon, kanang mga mayor sa Roxas ug Jose Dalman dili akoa. Pero dahang daghan kaayong salamat kaninyo kamong taga Jose Dalman ug Roxas kay gipadaug gihapon ko ninyo bisan ug dili atong mayor.” Kini matud ni Governor Yebes tungod kay nagkahiusa ang mga lideres sa barangay nga misuporta kaniya. “Mga kapitanes wala gayud mibiya (pagsuporta kanako), pero ang ubang kapitan ang ilang panan-aw tinagingting sa salapi mao ray mibiya. Pero ang mga kapitanes nga nitan-aw ug unsay serbisyo nga iyang mahatag sa atong mga katawhan sa barangay wala gayud mibiya. Mipakita ug kaisog bisan pag gilisod-lisod sila sa mayor.”

Karong panahona, gipahayag ni Governor Yebes nga ang segundo distrito hapit nang ma-solid sa APP. Ang Sindangan ilawom sa liderato ni Mayor Bert Macias ug halos mayoriya sa mga kapitan kaalyado na sa APP, ang Siayan walay problema kay usa ra ka kapitan ang dili sa APP, ang Jose Dalman tunga sa mga kapitan, Roxas sa 31 ka mga barangay, 20 niini ka mga kapitan nagpasilong na sa bando sa gobernador ug Katipunan haros tanan nga iya sa APP.

Sa unang termino ni Governor Yebes uban sa iyang slogan, “Una sa Tanan, ang Katawhan” walay gipihig nga mga barangay ‘pildi siya ug midaug’ iyang gihatagan ug proyekto. Apan karon sa iyang ikaduhang termino, prangka nga gipadayag sa gobernador ngadto sa mga opisyal sa barangay nga ang makatagamtam sa iyang matam-is nga pagpangga kadtong mga kapitan ug konsehal nga nagpasilong karon sa iyang bando.

Shadow gov’t. mugnaon

Kadtong mga lungsod nga walay mayor sa mga kapitan nga nagpasilong sa APP dili angay mabalaka ug mahadlok kay mugnaon ang ‘shadow government’ aron katabangan ang mga barangay unsa ang panginahanglan niini. Matud ni Governor Yebes, andam siyang mosapopo ug mo-agak sa mga barangay sa lungsod sa Roxas ug Jose Dalman nga dili iya ang mayor aron tabangan unsa ang mga problema.

“Magbutang ko ug shadow government. Kung wala moy mayor sa inyong lungsod (kay) dili mo kaduol sa inyong mayor, naa ang inyong gobernador maoy mayor ninyo sa inyong lungsod,” nagkanayon si Governor Yebes. “Naa akong igsuon (Engr. Ed Yebes), uban ni Nick Carbonel (opposition leader sa Roxas ug anchorman DXFL Headline Balita, OIC-Editor New Nandau Today) uban na sa atong mga kauban sa CDAU ug Lando BIBO kami ang moako para sa katungdanan sa mayor nga dili ikahatag ninyo.” Gipadayag usab ni Governor Yebes ang iyang hugot nga suporta sa umalabot nga eleksiyon sa ABC Federation president ug SK Federation president sa mga lungsod sa Roxas ug Jose Dalman nga iyang tabangan. (The New Nandau, Vol. XVII No.19)

 
 

 HULAGWAY BALITA

 

*

 

PIDMB MIREKOMENDAR SI MACLANG KASOHAN

Girekomendar Provincial Investigation and Detective Management Branch sa Zamboanga del Norte Police Provincial Office ang pagpasaka ug kaso batok na sa gipalagpot nga hepe sa Dipolog Police tungod sa klarong kalapasan nga nabuhat niini sa gihimong pagbuhi sa duha ka mga suspek nga nagdala ug mga Granada.

Ang nasangpit nga rekomendasyon nahasulod sa gisumitir nga investigation report sa PIDMB ngadto na sa ilang regional director may kalabutan na sa dili otorisadong pagpa release ni Police Chief Inspector Reynaldo Maclang sa duha ka mga suspek nga unang naaresto tungod sa pagdala ug dili lesensiyadong armas ug duha ka Granada.

Kahinumduman niadtong Setyembre 17, 2007 mga sakup sa Dipolog Police nga gipanguluhan ni Police Inspector Norman Dela Rosa miaresto sa duha ka mga suspek nga sila si Wilson Dagpin, 42 anyos taga Barangay Sipaon, Rizal, Zamboanga del Norte ug Alexander Bondawog, 40 anyos taga Sta. Cruz, La Libertad duol sa Better Living Appliance Center subay sa dalan Echavez. Nakuha gikan sa posisyon ni Wilson Dagpin ang usa ka caliber .45 Colt pistol ug usa ka granda, samtang nakuhaan usab gikan sa paghupot ni Alexander Bondawog usa ka caliber .45 Colt pistol ug laing paltik nga Llama pistol caliber .380 ug usa ka Granada.

Satmang ang duha ka suspek gidala sa Dipolog Police Office para sa dugang imbestigasyon ang duruha mipresentar ug mission orders nga gipetsahan ug Hulyo 19, 2007 nga gipirmahan sa usa ka Col. Emmanuel Mendoza, Group Commander sa 9th Regional Community Defense Group, Army Reserve Command, Philippine Army sa Kuta Dao, Pagadian City nga naghatag kanila sa pagtugot sa pagdala sa ilang .45 caliber pistols gikan sa Hulyo 19, 2007 hangtud sa Oktobre 19, 2007. Apan wala malakip sa maong mission order ang paghatag kanila ug pagtugot nga makadala ug mga Granada ug paltik nga .380 caliber pistol.

Pinasikad sa maong mission orders si Police Chief Inspector Reynaldo Maclang mimandu sa pagbuhi sa duha ka mga suspek nga walay gipasakang tukmang kaso kabahin sa illegal possession of explosive batok kang Wilson Dagpin ug illegal possession sa dili lesensiyadong paltik nga Llama caliber .380 pistol ug explosives batok kang Alexander Bondawog sanglit ang maong mga armas wala malakip sa mission orders nga giisyu ni Col. Mendoza.

Ang pagbuhi ni Maclang sa duha ka mga suspek matud pa sa investigation report sa Provincial Investigation and Detective Management Branch ang nakaani ug pagsaway gikan ni Governor Rolando Yebes atubangan sa klarong kalapasan sa balaod kabahin sa illegal possession of firearms and explosives. Tungod niini gimanduan si Maclang sa pagsumitir sa iyang investigation report, apan tagad kining napalagpot pagka hepe sa Dipolog Police niadtong Setyembre 27, 2007 tungod sa pagsumbag niini kang Joseph Herrera usa ka komentarista sa radio sa RPN-DXKD.

Matud pa sa PIDMB nga sa Special Written Report nga gipetsahan ug Setyembre 21, 2007 mga upat ka adlaw human sa insidente nga gisumitir ni Maclang giangkon niini ilang giimbestigar ang duha ka suspek apan pinasikad sa ilang police files ang pangalan sa duruha wala malakip sa Wanted List/Order of Battle o kaha nalambigit sa mga illegal nga kalihukan sulod sa ilang area of responsibility ug ang paghupot nila ug armas gipasikad sa giisyu nga mission orders ni Col. Mendoza. Sumala pa ang duruha gigamit sa military isip covert agents subay sa pagbisita ni Presidente Arroyo sa Dipolog niadtong Setyembre 17, 2007.

Sa investigation report nga gipetsahan ug Oktobre 16, 2007 nga gisumitir ni Police Inspector Dela Rosa gisuportahan niini ang disisyon ni Maclang nga pabuhian ang duha ka suspek. Ang nasangpit nga rekomendasyon gidasonan usab ni Police Senior Inspector Isidro Sasuman ang kanhi deputy chief of police sa Dipolog ug karon kasamtangang officer-in charge.

Sa imbestigasyon sa Provincial Investigation and Detective Management Branch sa Camp Hamac, giklaro niini nga si Maclang napakyas gayud sa pagpahigayon ug usa ka higpit nga pagsubay dili lamang sa ilang gihuptang files o records apan gikan sa ubang mga police office sama sa Zamboanga del Norte Police Provincial Office lakip na sa korte kon ang duruha ka suspek wala bay mga criminal records.

Ang report naghisgut nga kon gibuhat pa lang unta ni Maclang ang usa ka higpit nga imbestigasyon sa duha ka suspek nga naaresto iyaha unta nga mahibaw-an nga si Alexander Bondawog gipangita diay sa balaod o wanted sa atong mga otoridad kay may warrant of arrest batok kaniya sa kasong criminal nga giatubang niini nga gipakanaug ni Judge Yolinda Bautista sa Regional Trial Court Branch 9 niadtong Agosto 15, 2007.

Sa gihimong verification didto sa korte nagpakita nga niadtong Abril 15, 2007 si Alex Bondawog uban sa laing 15 ka mga kauban ang gikasohan tungod sa gihimo nilang pag-atake sa headquarters sa KAMPI sa Poblacion La Libertad nga misangko sa pagka angol sa pipila ka mga sumosunod ni Mayor Noli Sulsit diin ang maong kaso anaa karon sa sala ni Judge Bautista diin si Bondawog uban sa iyang mga kauban pulos wanted tungod sa kapakyas nila sa pagbutang ug peyansa alang sa ilang temporaryong kagawasan.

Ang PIDMB mitataw nga dili nila madawat ang mga rason nga gigamit ni Maclang sa iyang pagdali-dali ug buhi sa duha ka mga suspek kinsa napakyas sa pagpakita ug mga legal documents nga naghatag kanila ug pagtugot sa pagdala ug mga Granada ug paltik nga pistola. Ang duha ka suspek gipagawas pinasikad lamang sa mission order para sa duha ka .45 caliber pistols. Ang duruha dili gayud angayang buhian kay wala silay mission orders para sa duha ka Granada ug paltik nga pistola.

Nahisgutan usab sa report ang pagka papha ni Maclang sa Dipolog Police nga kini nakaani ug nagkadaiyang reaksiyon gikan sa mga lungsuranon uban sa mga political ug church leaders sa Dipolog. Gihisgutan niini ang petisyon nga gipadangat sa Zamboanga del Norte United Correspondents ngadto ni Presidente Gloria Macapagal-Arroyo nga kusganong nanghimaraut sa gibuhat ni Maclang nga nanumbag ngadto kang Herrera. Human gipapahawa si Maclang sa Dipolog usa ka grupo sa mga Filipino-Chinese businessmen nga giilang kaalyado ni Mayor Evelyn U yang mipadangat usab ug suwat ngadto kang Presidente Arroyo nga nanawagan nga ibalik si Maclang sa Dipolog.

Bisan si Bishop Jose Manguiran ang miperma usab ug petisyon nga pabalikon si Maclang. Nakita usab sa PIDMB ang pipila ka mga inconsistencies sa police blotter sa Dipolog City Police kabahin sa maong insidente kay opisyal kini natala ang pagka aresto sa duha ka suspek pagka Setyembre 18, 2007 mga alas 12:10 sa kaadlawon ug dili Setyembre 17, 2007 ang adlaw diin ang duruha nadakpan. Ang report midugang ug hisgut nga pinasikad sa gihimong imbestigasyon milutaw nga ang pagparelease ni Maclang nila ni Dagpin ug Bondawog adunay political color.

Labaw nga gikatingalahan ang aktuwasyon ni Maclang nga iyang gibuhian ang duha ka suspek nga wala gani mokonsulta sa iyang labaw. Gihisgutan nga sayud ang tanan nga ang pagka distino ni Maclang sa Dipolog gipangayo gayud ni Mayor Evelyn Tang-Uy. Samtang sila si Wilson Dagpin ug Alex Bondawog mga followers ni Carlos Mamac, ang napilding kandidatu pagka mayor sa La Libertad sa partido sa Lakas sa grupo ni defeated gubernatorial candidate Mayor Roberto Uy ang bana sa mayor sa Dipolog.

Matud sa report klaro kaayo nga aduna gayuy mga influential personalities nga nagpaluyo sa pagpa release sa duha ka suspek. Pinasikad sa nahipos nilang mga ebedensiya ilang girekomendar sa ilang regional police director ang pagpasaka ug kaso batok kang Maclang. Girekomendar usab nila nga ilakip sa kasohan sila si Police Senior Inspector Sasuman ug Police Inspector Norman dela Rosa tungod sa ilang pagdason sa kwestyonabling aksiyon ni Maclang imbes ilaha kining pakgangon atubangan sa klarong paglapas sa mga gimbut-an sa balaod. (Press Freedom, Vol. XX No. 5)

*

 

Pulso Sa Katilingban
Cicer M. Binghay
Holduppers kakonsabo sa taga banko?

Gikan niining pitsaha 39 ka mga adlaw na lamang PASKO NA GYOD. Pasko sa paskohanong mga nagkadaiyang mga baligiya sa katindahanan. Pasko sa pabuto, christmas lights, awit ug huni, tinandianay sa mga paskohanong dayan-dayan ug pagsaludo sa giingong: “Labing bulahan ang manghatag kay sa pagdawat o bali-balit-ad, bulahan ang pagdawat kay sa paghatag.

Katingad-an ang gibalita national sa usa ka bataot babaye taga dakbayan sa Davao nagbigti “suicide” kay dili makaantos magtungha nga makadaghan walay kaon sa pamahaw, paniudto ug panihapon. Ang NFA Rice nga giprograma ni PGMAsa tibook nasod ipang apod-apod sa mga nagtungha sa public school gipahatagan tagsa ka bulsita kinilo bugas matag adlaw niadto pang bulan sa Septembre. Nag suicide ang bata ning bulan sa Novembre. Dili matuhoan nga sa dakbayan sa Davao walay NFA Rice programa ni PGMA to fight hinger gipang apod-apod sa taga DepEd nga maoy gisangonan sa maong programa.

Karong bag-o “top tune” gibaniog sa kahanginan mulo kabahin sa maong NFA rice programa sa presidenti nga wala magkaparihas ang mga paagi. Duna usab ing mga dapit nga wala pa hangtod karon mahatagi sa bugas. Unya huyang kaayo ang katarungan atong nadungog nga wala ikapanghatod ang mga bugas alang sa DepEd sa taga NFA kay walay kargahan. Dihay mulo nga nagkadaiya ang gihimong paagi sa pag apod-apod sa bugas sama sa kon mo absent pagtungha ang bata dili magahinan sa bugas. Kon pila ka buok sa pamilya ang nagtungha usa lamang ang makadawat. Gisapopo na usab dayon pag “idlomize” ang pag apod-apod bugas giprograma sa presidenti sa katawhan pagbatok sa kagutom?

Kini maoy tutukan sa atong katawhan uban sa mga hingtongdang otoridad aron malikayan ang pagbikil pinaagi sa ipang iyawat sa mga programa sa presidenti batok sa mga katawhan nga gisangonan. Why are these people not shunned and to prepare to remain devastator of society for being the corruptors of the good program of PGMA? Where is the public opinion?? Sa laing bahin, basin nahikalimot ang mga hingtongdang otoridad nga ang nahitabo nga nasunog ang Dipolog Public Market nagagumikan sa pagbulalat display sa nagkalain-laing matang sa pabuto sa katindahanan nga bukas sa masugniban. Pahimangnoan usab nato kitang tanan gyod nga ipadayon nato ang paghimog mga pag alayon hinabang ayuda sa atong mga kapolisan batok sa kahusay ug kagubot. Kon duna kitay namatikdan mga madudahang kalihokan sama sa pinutos, kinarton o sinakong inosenti nga bulto ibilin-bilin sa mga dapit nga tandaan sa daghang katawhan kinahanglan mag alerto kita o taman sa mahimo isumbong gilayon sa atong kapolisan. Hibaw-I nga atong kapolisan mga pila lamang katulo sa tubig sa usa ka baldi papulasyon sa dakbayan bisan sa kalungsoran. Gikinahanglan atong inadlaw nga pagtukaw ayuda sa atong magbalantay publiko.

Sunod bulan gipanghinaot sa katawhan sa atong mga hingtongdang otoridad nga masulbad ang nagpabiling wala masulbad mga tulis sa dakbayan sa Dipolog nga maoy nakapa ok-ok sa kadaghanan sa atong magpapatigayon pagpakunhod sa ilang paghimog nagkalain-laing business investment. Ilang gikalisangan pag-ayo ang nagpabiling katingad-ang hold-up gihimo adlaw’ng dako diin na toptune diha sa mga katawhan nga nag withdraw salapi o mag deposito nga maatol sa Metro Bank. Nga dunay dakong pagduda nga ang maong banko dunay konsabo, kon ngano nga mahibaloan sa mga hold-upper ang nag withdraw sa salapi.  Nganong wala man magpanghitabo sa ubang gipang withdraw nga mga banko sa mga nangaging hold-up udtong tutok diha pa gyod sa palibot haduol sa kwerpo sa kapolisan. Ato lamang ipanghinaot nga wala dinhi sa atoa nga dunay mga hingtongdang otoridad nga nag “poultry” niining mga balhiboon sa kamot nga dunay kumpleto mga koneksiyones hasta na sa komunikasyones sa ilang paghimog salaod. Dili baya malalis sa kadaghan mga hingtongdang otoridad nga dunay daghang kalambigitan sa gidili nga druga, tulis ug gun for hire. (Press Freedom, Vol. XX No. 5)

 
Credits: Press Freedom is published every Saturday and entered as 3rd class mail matter in Dipolog City. Printed by Young Printing Press with Editorial Office located at Upper Turno, Dipolog City. Tel. No. (065) 212-4343 or 212-6665

 

Mindanao Star Police Round-up

 

hold-upper nasikop

Nahulog sa mga kamot sa kapulisan ang usa sa tulo suspetsado sa paggold-up sa usa ka ginang, didto sa Brgy. Nangkan, lungsod sa Rizal. Ang elemento sa Rizal PNP malampusong misikop sa usa ka Piofe Cating, 29 anyos, ulitawo ug taga Brgy. Tuboran, lungsod sa Sergio Osmeña, ug temporaryong nagpuyo sa Sta. Isabel, ning dakbayan sa Dipolog.

Kahibaloan nga si Nurkata Mama, 40 anyos minyo ug taga lungsod sa Rizal, ang mitaho sa kapolisan nga ang ilang balay gisulod kini ug tulo ka suspetsado nga armado sa Caliber 357 revolver ug kutsilyo, ang mideklarar nga hold-up. Nakuha sa mga suspetsado ang duha ka 1600 ug usa ka 1112 Nokia celfone, relo de pulso, bracelet, 10 mil ka pesos nga salaping cash ug tulo ka tickets sa Negros Navigation gikan dinhi sa Dipolog padulong sa kauluhang Manila.

Sa pagresponde sa kapolisan padung sa pantalan sa Pulawan. dakbayan sa Dapitan, nasakpan sa akto ang suspetsado nga namaligya sa maong mga ticket. Samtang ang laing duha ka suspetsado nakahimo kini sa pag-ikyas sakay sa ilang motorsiklo. Ang tukmang kaso gipasaka na kini sa kapolisan ngadto sa Norte batok sa mga suspetsado. (Mindanao Star, Vol.III No.42)

 

Manok igtatari, gikamatyan sa mag-uuma

Gumikan lamang sa manok igtatari, usa ka ulitawo ang giluba-patay sa usa ka mag-uuma, didto sa Brgy. Dionum, lungsod sa Piñan. Ang biktima giila sa ngalan nga usa ka Mario Jurceda, hingkud ang panuigon ug molopyo sa Lower Gumay sa maong lungsod. Samtang ang suspetsado gitumbok nga usa ka Siridion Camacho, 35 anyos, usa ka mag-uuma ug molopyo sa Brgy. Dionum.

Sa pasiunang imbestigasyon nga gihimo sa Piñan PNP nasayran nga ang biktima uban sa iyang mga higala, ang niadto sa balay sa suspetsado ug nag-inum. Damtan ug pipila ka oras, nagsinukliay ug mga mahait nga pulong ang biktima ug suspetsado. Niini, gihapak sa biktima ang manok igtalari sa suspetsado ang biktima ginamit ang usa ka rambo type nga sundang nga adunay gitas-on nga 19 pulgadas.

Ang biktima nakaangkon kini ug tulo ka samad nilubaan sa iyang dughan nga maoy hinungdan sa iyang kamatayon. Sa pagresponde sa kapolisan nga gipanguluhan ni SPO4 Jimmy Galleposo, ang suspetsado boluntaryo ra usab kining mitahan sa iyang kaugalingon. (Mindanao Star, Vol.III No.42)

 

kanhi brgy. kapitan sa gulayon andam gihapon motabang, mosuporta ni Yebes

Bisan pa man sa kapildihan atol sa bugnong lugaynon sa barangay, andam gihapon nga motabang sa katawhan si Kanhi Barangay Gulayon Konsehal Magdaleno Galaura. Mao kini ang pamahayag ni Galaura nga nahinabi sa Zamboanga del Norte United Correspondents (ZNUC) human masaksihi nga daghanan gihapon sa katawhan sa maong barangay ang modulo kaniya bisan pa man sa kaparutan kaniadtong nakalabay’ng eleksiyon. 

Si Konsehal Galaura nga mikandidato pagka-kapitan sa barangay Gulayon namahayag nga gikaguol niya ang iyang kapildihan, pagkahiubos sa pipila ka mga katawhan sa barangay Gulayon nga midaot kaniya apil na ang iyang pamilya atol sa eleksiyon apan sa kaawahian andam gihapon siyang motabang ug mosuporta sa mga programa niini.

Gipasalig ni Galaura nga kon kinahanglan ang iyang presensya sa mga katawhan kon mga programa sa ilang barangay, andam siyang motabang ug mosuporta kay alang kaniya humana ang eleksiyon ug hikalimtan na ang tanan. Buot ipadangat ni Galaura sa katawhan sa barangay Gulayon nga maoy tinguha niini ang pagsuporta sa mga programa ni Gov. Rolando E. Yebes nga ang gihunahuna ang kaayohan sa tibuok lalawigan sa Zamboanga del Norte diin, kini nagsumikad sa iyang panultihon nga “Una sa tanan, ang katawhan.” (Mindanao Star, Vol.III No.42)

 
Credits: Mindanao Star is published once a week and is circulated to the 25 Municipalites and 2 Cities of the province of Zamboanga del Norte. Mindanao Star Editorial Office: #096 C.M. Montaño Building, Gen. Luna Street, Dipolog City; Phone/Fax No. (065) 212-2576; Email: mindanaostar@zamboangadelnorte.com
 
 

Handuraw ‘07 sa Dapitan andam na nga saulogon!

Andam na ang kalihukan alang sa Handuraw 2007 nga gikatakdang saulogon karong petsa 27 kutob 29 sulod sa bulan sa Disyembre didto sa dakbayan sa Dapitan. Kini maoy nasayran gikan sa mga kadagkuang opisyales sa dihang nahinabi. Nasayran gikan kang Konsehal Apple Marie Agolong dako ang ilang gihimong pagpangandam karong tuiga gani bulan pa lamang sa Oktubre kanunay na silang nagpahigayon ug mga panagtagbo tali sa komitiba s Handuraw aron mahan-ay ang tanang mga kalihukan sa ikaduhang selebrasyon pahinungod alang sa nasudnong bayani nga si Dr. Jose P. Rizal.

Andam na ang kalihukan alang sa Handuraw 2007 nga gikatakdang saulogon karong petsa 27 kutob 29 sulod sa bulan sa Disyembre didto sa dakbayan sa Dapitan.

Suma pa nga malampu-son ang paglusad sa maong kasaulogan sa nakalabay’ng tuig ug gitambongan pa kini sa tga-Czech Republic nga gipangulohan ni Ambasssador Jaroslav Ludva diin dako kining gikapasigarbo sa lokal nga pangangamhanan ubos sa administrasyon ni Mayor Dominador G. Jalosjos, Jr. Gidugang pa ni Konsehal nga ang siyudad lamang sa Dapitan maoy nakahimo sa talagsaong selebrasyon ngs nagpahinungod sa usa ka tawo nga dako ug naahimong papel sa kalambuan nga gitagana karon sa mga Dapitanon ug naila halos sa tibuok kalibutan nga Shrine City.

Sa kabahin usab ni Vice-Mayor patri Channga masaksihan sulod sa tulo ka adlaw ang nagkadaiyang kalihukan sama sa pagpahigayon ug semina/workshop on rizal’s life and works  nga pangatambungan sa mga magtutudlo ug kadagkuan sa Dep.Ed ingon man UP Diliman, parade of floats, pagbukas duha ka bahin sa mga booths alang sa ten anchor destinaitons ug display sa mga nagkalain-laing produkto gikan sa 50 ka mga barangay, Mutya sa Handuraw, Rizal in Dapitan, Fluvial Parade, Street Dancing & Showdown ug daghanan pa.

Asoy pa sa bise-mayor nga  lakip sa masaksihan sa mga dumuduong ug katawhan sa kasigpit nga dapit mao ang mga sapot sa kinaraang estilo o panahon sa kastila nga sulobon sa mga kawani sa siyudad sa pinangulohan sa mga kadagkuang opisyales. Kini tuyo aron mapabati sa katawhan ang kagahapon ug paghatag usab sa dugang bulok sa selebrasyon sa Handuraw 2007. (The New Nandau, Vol. XVII No.19)

 

Credits: The New Nandau is a member of the Publishers Association of the Philippines (PAPI). Editorial office is located at 076 Quezon Avenue, Dipolog City with Tel. No. (065) 212-3794; Cell No. +639205201041

*

MORE NEWS NGA BINISAYA

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON