April 14, 2008

 

GOV. YEBES UG VGOV. OLVIS MAOY UNANG PASYENTI PAGBUKAS SA ZMC

Si Governor Rolando Yebes ug Vice Governor Francis Olvis maoy pinakaunang pasyenti nga nagpa konsulta sa dispensaryo sa unang adlaw sa pagbukas ngadto sa publiko ang Zamboanga del Norte Medical Center niadtung Miyerkules.

Matud ni Provincial Planning Coordinator Rosevic Lacaya-Ocampo, gi-designate nga Hospital Administrator sa ZMC, sila si Governor Yebes ug Vice Governor Olvis maoy una nga nagpakonsulta sa doctor pinaagi sa pagpakuha niini ug blood preasure human gihimo ang seremonyas.

Modul-an sa 150 ka mga pasyenti ang midagsa sa bag-ong tambalanan aron magpa konsulta sa ilang balatian. Gipasabot ni Ocampo nga sa pagbukas sa bag-ong tambalanan, duha lamang ka departamento maoy kasam-tangan nga magserbisyo sa mga katawhan. Kini mao ang Out Patient Department kon OPD o giilang dispensaryo ug Dialysis Clinic. Ang ubang departamento sa tambalanan kasamtangan pa unang magapabilin sa karaang Provincial Hospital nga anaa mahimutang sa Barangay Biasong ning dakbayan sa Dipolog samtang hinay-hinayon pagbalhin ang mga pasilidad niini aron hingpit na sa iyang operasyon.

Gipasabot ni Ocampo nga dili pa sila modawat ug pasyenti nga ma-admit o ma-confined sa bag-ong hospital tungod kay anha lang una kini sa karaang tambalanan gumikan kay nagkulang pa sila ug manpower sama sa mga doctor ug nurses nga maoy moatiman niini. Ang serbisyo nga gitanyag karon sa ZaNorte Medical Center mao lamang una ang pagkonsulta sa dispensaryo ug dialysis clinic gikan sa alas otso sa buntag hangtud sa alas singko sa hapon gumikan kay pagka gabii wala nay mga kawani ang moatiman sa mga pasyenti.

Hinoon gipahayag ni Ocampo nga kon tapos na nilang mabalhin ang mga gikinahanglang aparatus ug uban pang pasilidad sama sa X-RAY nga nagkinahanglan ug hataas nga panahon gumikan sa kakote sa mga electrical connections, hayan mga duha ka bulan gikan karon hingpit nang makaserbisyo sa mga katawhan nga full operation ang Zamboanga del Norte Medical Center. Mga alas 7 pasado ang takna sa buntag, gihimo ang pagkayab sa nasudnong bandila sa Zanorte Medical Center, human niini gisunod ang pagputol sa mga ribbon sa Out Patient Department ug Dialysis Unit pinaagi mismo nila ni Governor Rolando Yebes ug Vice Governor Francis Olvis, timaan sa pagbukas sa maong tambalanan. Kini ang gisaksihan sa mga doctors, Nurses, mga hepe sa matag buhatan sa probinsiya ug mga private medical practitioners. Misaksi usab si Dr. Romeo Ong sa Zamboanga City Medical Center ug daghan pang mga personalidad.

Human sa cutting of ribbon, gihimo gilayon ang santos nga mesa pinaagi ni Fr. Beltran Patangan ug ang pag-blessing sa tibook building sa Zanorte Medical Center. Sa gihimong interview sa mga miyembro sa ZNUC, subling gipasabot ni Governor Yebes nga inisyal ang pagbukas sa maong tambalanan tungod kay dili madali ang pagbalhin sa ubang mga kahimanan gikan sa daang provincial hospital ngadto sa bag-ong Zanorte Medical Center mao nga gi-una ang Out Patient Department ug Dialysis. Plano karon ni Governor Yebes nga mokuha ug pribado nga janitorial services aron mamintinar ang kalimpiyo sa maong tambalanan. Gilantaw sa gobernador nga sa pag-operate karon sa Zanorte Medical center mo-usbong na unya ang mga nagkadaiyang negosyo nga anha ipahimutang sa mga lugar haduol sa maong tambalanan.

Mahinumduman sa State of the Province Address sa gobernador niadtong Lunes, Marso 31, iyang gipalanog ang kabahin sa planong rationalization sa mga tambalanan sa probinsiya diha sa mga lungsod. Matod pa ni Governor Yebes  nga iya na kining hinay-hinayon sa pagpatuman, apan sa karon iya una pang gihulat ang report ni Provincial Health Officer Dra. Carmencita Icao. Ang pagpatuman sa maong rationalization kini subay sa pagbukas sa Zanorte Medical center nga diin ang ubang mga tambalanan nga gidumala sa probinsiya ang i-downgrade. Apan dili angayang kabalaka-an sa mga maong mga tambalanan tungod kay adunay laing plano ang probinsiya. Usa niini mao ang pagbutang ug moder-nong ambulansiya diha sa mga lungsod. Sa nasayran adunay pito ka mga modernong ambulansiya ang gikatakdang mahidangat, duha niini ang hinatag gikan sa gobyerno sa Japan pinaagi sa tabang ni Mr. Ikeda ug ang lima ang gipalit sa probinsiya.

Sa pangutana kung mamahal ba ang balayrunon sa Zanorte Medical Center tungod sa ka moderno sa mga kahimanan niini?, gipasabot ni Governor Yebes nga expected na kini, nga diin alang sa mga kuwartahan nga pasyente kinahanglan gayud silang mobayad apan sa mga pobreng pasyente dili kini mag-problema tungod kay anaa ang Lando-BIBO pinaagi sa CDAU ug PhilHealth program sa pro-binsiya.

Laing plano karon sa gober-nador nga iyang pabu-tangan ug over pass ang nasud-nong dalan atubangan sa Zanorte Medical Center aron layo sa disgrasya sa mga tawo nga manabok sa maong lugar.   

Samtang nasayran usab gikan kang Ms. Rosevic Lacaya Ocampo, Administrator sa Zanorte Medical Center nga sa pagbalhin kagahapon sa OPD gikan sa daang hospital ngadto sa bag-ong hospital adunay sakyanan nga ipahimutang diha sa Provincial Hospital aron magamit niadtong mga pasyente nga wala pa masayod sa pagbalhin sa dispensaryo. Kini ang sulod lamang sa usa ka semana. Aduna usay laing sakyanan nga mahimong magamit libre sa mga pasyente pag-hatud niini ngadto sa Provincial Hospital gikan sa Zanorte Medical Center kung magkinahanglan na kini ug dinagko nga pag-atiman sa mga doctor. Kini ang molungtad hangtud nga mag-full operation na ang maong bag-ong tambalanan sa probinsiya.

Gipasalamatan sa hospital administrator nga si Rosevic Lacaya-Ocampo ang tanang mga opisyales sa probinsya, gikan ni Governor Lando Yebes, Vice Governor Francis Olvis ug mga membro sa Sanguniang Panlalawigan ilabi na ang mga kawani sa Provincial Engineering Office sa pagpangulo ni Provincial Engr. Ramon Ochotorena nga maoy kaabag diha sa dinalian nga pagtrabaho sa mga kakulangon sa bag-ong tambalanan. (The New Nandau, Vol. XVII No.39)

*

 

ZMC gibuksan na!

GIBUKSAN na ang Out Patient Department ug Dialysis Unit sa Zanorte Medical Center pinaagi sa kagamhanang probinsiyal sa Zamboanga del Norte kaniadtong Miyerkules, Abril 2.

Mga alas 7 pasado ang takna sa buntag, gihimo una ang pagkayab sa nasudnong bandila sa Zanorte Medical Center, human niini gisunod ang pagputol sa mga ribbon sa Out Patient Department ug Dialysis Unit pinaagi mismo nila ni Governor Rolando Yebes ug Vice Governor Francis Olvis, timaan sa pagbukas sa maong tambalanan. Kini ang gisaksihan sa mga doctors, Nurses, mga hepe sa matag buhatan sa probinsiya ug mga private medical practitioners. Misaksi usab si Dr. Romeo Ong sa Zamboanga City Medical Center ug daghan pang mga personalidad.

ZMC FINALLY OPENS. Governor Rolando E. Yebes with vice governor Francis Olvis tests Zamboanga del Norte Medical Center’s new hospital equipment and facilities assisted by a brand new set of doctors as they undergo a blood pressure examination during its opening on Tuesday, April 2, 2008.

Human sa cutting of ribbon, gihimo gilayon ang santos nga mesa pinaagi ni Fr. Beltran Patangan ug ang pag-blessing sa tibook building sa Zanorte Medical Center. Sa gihimong interview sa mga miyembro sa ZNUC, subling gipasabot ni Governor Yebes nga inisyal ang pagbukas sa maong tambalanan tungod kay dili madali ang pagbalhin sa ubang mga kahimanan gikan sa daang provincial hospital ngadto sa bag-ong Zanorte Medical Center mao nga gi-una ang Out Patient Department ug Dialysis. Plano karon ni Governor Yebes nga mokuha ug pribado nga janitorial services aron mamintinar ang kalimpiyo sa maong tambalanan. Gilantaw sa gobernador nga sa pag-operate karon sa Zanorte Medical center mo-usbong na unya ang mga nagkadaiyang negosyo nga anha ipahimutang sa mga lugar haduol sa maong tambalanan.

Mahinumduman sa State of the Province Address sa gobernador niadtong Lunes, Marso 31, iyang gipalanog ang kabahin sa planong rationalization sa mga tambalanan sa probinsiya diha sa mga lungsod. Matod pa ni Governor Yebes  nga iya na kining hinay-hinayon sa pagpatuman, apan sa karon iya una pang gihulat ang report ni Provincial Health Officer Dra. Carmencita Icao. Ang pagpatuman sa maong rationalization kini subay sa pagbukas sa Zanorte Medical center nga diin ang ubang mga tambalanan nga gidumala sa probinsiya ang i-downgrade. Apan dili angayang kabalaka-an sa mga maong mga tambalanan tungod kay adunay laing plano ang probinsiya. Usa niini mao ang pagbutang ug modernong ambulansiya diha sa mga lungsod. Sa nasayran adunay pito ka mga modernong ambulansiya ang gikatakdang mahidangat, duha niini ang hinatag gikan sa gobyerno sa Japan pinaagi sa tabang ni Mr. Ikeda ug ang lima ang gipalit sa probinsiya.

Sa pangutana kung mamahal ba ang balayrunon sa Zanorte Medical Center tungod sa ka moderno sa mga kahimanan niini, gipasabot ni Governor Yebes nga expected na kini, nga diin alang sa mga kuwartahan nga pasyente kinahanglan gayud silang mobayad apan sa mga pobreng pasyente dili kini mag-problema tungod kay anaa ang Lando-BIBO pinaagi sa CDAU ug PhilHealth program sa probinsiya. Laing plano karon sa gobernador nga iyang pabutangan ug over pass ang nasudnong dalan atubangan sa Zanorte Medical Center aron layo sa disgrasya sa mga tawo nga manabok sa maong lugar.   

Samtang nasayran usab gikan kang Ms. Rosevic Lacaya Ocampo, Administrator sa Zanorte Medical Center nga sa pagbalhin kagahapon sa OPD gikan sa daang hospital ngadto sa bag-ong hospital adunay sakyanan nga ipahimutang diha sa Provincial Hospital aron magamit niadtong mga pasyente nga wala pa masayod sa pagbalhin sa dispensaryo. Kini ang sulod lamang sa usa ka semana. Aduna usay laing sakyanan nga mahimong magamit libre sa mga pasyente pag-hatud niini ngadto sa Provincial Hospital gikan sa Zanorte Medical Center kung magkinahanglan na kini ug dinagko nga pag-atiman sa mga doctor. Kini ang molungtad hangtud nga mag-full operation na ang maong bag-ong tambalanan sa probinsiya. (Southpoint, Vol.1No.14)

*

 

NEGOSYANTI GIKIDNAP, GITULIS

Lahing estilo na usab sa tulis nga nahitabo dinhi sa Dipolog sa dihang duha ka mga biktima human maka-withdraw ug kwarta sa banko gidagit ug gidala sa layong  dapit ayha gitulis sa upat ka mga suspetsado lulan sa motorsiklo nga armado sa mugbong armas. Ang maong robbery hold-up nahitabo mga alas 9:20 sa buntag niadtung Huwebes, Abril 3, 2008 samtang gidagit ang mga biktima sa Magsaysay St. Miputak ug gidala didto sa Sitio Banicap, Barangay Galas ning dakbayan sa Dipolog.

Sa gihimong imbesti-gasyon ni Police Inspector Temothy Aniway Jr. giila ang biktima nga si Evelyn Car-cellar kauban sa iyang ig-agaw giilang si Wenifreda Allosada. Matud sa mga biktima, sila ang mi-with-draw ug kwarta sa banko nga mokabat sa P141,000 mil ka pesos didto sa safety de-posit box sa First Consoli-dated Bank nga anaa mahi-mutang sa Magsaysay St. Brgy. Miputak. Matud pa ni Evelyn, ang iyang kuwarta nga gi-withdraw sa bangko gisulod sa iyang shoulder bag  lakip sa usa ka Nokia cell phone ug usa ka PNB bankbook nga gipanagiyahan ni Victo-ria Carcellar ug laing cash nga salapi mokabat sa P900.00.

Sa dihang migawas na sila gikan sa sulod sa banko, yano lamang sila nga nag-lakaw sa junction sa Mag-saysay corner Malvar St. sa Brgy. Miputak samtang naghulat sa ilang personal driver nga si Pablito dela Peña, apan sa wala nila damha, wala mailhing suspetsadong lalaki, armado sa pistola nagsul-ob ug close typed crush helmet, nagsuot ug jacket kalit nga mibutho ug giti-unan sila, gimanduan nga pasakyon sa nag-istam-bay nga XRM motorsiklo color itom nga gisakyan sa wala mailhing driver. Ang kauban sa biktima nga si Allosada giti-unan usab ug pistola sa suspetsado ug gipasakay sa laing motorsiklo XRM color pula nga istambay usab nga gisakyan sa wala mailhing driver kauban sa laing babaye nga suspetsado.

Ang upat ka mga tulisan pulos nagsul-ob ug crush helmet ug gipa-angkas ang mga biktima sa tunga sa duha ka mga motorsiklo ug gidala sila sa Sitio Bagacayan sa Brgy. Galas. Pag-abot sa awa-aw nga dapit, ang shoulder bag nga gisudlan sa kwarta gi-kuha sa upat ka mga tulisan ayha nisibat sa wala masayreng direksiyon ug gipangbiyaan ang mga biktima. Ang robbery hold-up nga nahitabo mga alas 9:20 sa buntag dugay na respon-dehan sa kapulisan kay ang biktima mi-report sa Dipolog Police Station pasado na alas 12:20 sa udto. Ang kapulisan nga miresponde sa crime scene maoy nalay nahimo ang pagkuha sa makuting imbestigasyon aron pag-ila sa maong grupo ug pag-gukod sa mga responsible nga hangtod karon at large pa sa kamot sa balaod.

Budol-budol

Sa pikas bahin, naka-strike na usab ang nailado na kaayong hasler nga matang sa pagpangilad nga gitawag ug Budol-budol sa dihang nakahimolbol na usab ug laing biktima diin nakuha sa mga suspetsado ang linibong cash ug dolyares human mailad sa tulo ka mga ba-baye ug usa ka lalaki nga nagpatuong buyer ug yuta. Kini nahitabo niadtung Lunes sa may ala una ang takna sa hapon sa Ati-atihan restau-rant sa may Quezon Avenue ning dakbayan sa Dipolog.

Ang biktima nga dili magpaila, 63 anyos, mang-kay, retired employee sa City SP sa Dipolog, lomolopyo sa Barangay Barra ang misum-bong sa kapolisan nga samtang didto siya naniudto sa Ati-atihan restaurant, upat ka mga suspetsado ang nag-banos-banos ug duol kaniya aron magpakitabang nga toltolan sila sa ilang palitong yuta dinhi sa Dipolog. Sa ilang panag-estoryaha-nay, gipakita pa siya sa gikaingong minilyon nga binandol kuwarta nga gisulod sa bag nga maoy ilang ipalit ug yuta. Matud sa biktima, nakig-kauban pa niya ug kaon ang mga suspetsado.

Sa dihang nahaylo na ang biktima gumikan sa iyang nakitang kuwarta ug sa pasalig niini nga anha kaniya ibilin ang binandol nga ku-warta para sa maong tran-saksiyon, kini misugot nga mo-withdraw ug kuwarta sa bangko sa kahadlok kuno sa mga suspetsado nga mag-dala-dala sa ilang milyones nga salapi. Matud sa biktima siya mi-withdraw ug kuwarta sa bangko sa kantidad P22 Mil ka pesos ug maoy iyang gi-hatag sa mga suspetsado isip garantiya sa gibilin kaniyang binandol nga salapi.

Uban sa iyang cash nga byenti dos mil ka pesos, na-dala pa ang iyang 39 dolya-res ug pass book. Sa dihang nakasorikbot na ang mga suspetsado, wa-la siya makabantay nga nag-santa-iya kini ug sibat gibi-yaan ang biktima nga nag-laum sa matam-is nga pasalig. Sa dihang iyang gibuksan ang bag nga maoy gisudlan sa matud pa, binandol nga kuwarta, maoy misugat sa iyang mga mata ang ginun-ting papel.

Ang kapolisan mipagawas na karon ug cartographic skethc sa mga suspetsado nga maoy gihulagway sa biktima. (Popong Capin, The New Nandau, Vol. XVII No.39)

*

 
Vice-gov uyon sa biotech economic program

Andam mogamit ug mo-implementar ang lalawigan sa Zamboanga del Norte sa biotechnology economic program, mao kini ang pamahayag ni Vice-Governor Francis H. Olvis ning lalawigan atol sa gipahigayong 2-day seminar workshop sa Biotechnology Economic Opportunities for Zamboanga Peninsula sa Mibang Hotel, Dipolog City Abril 3-4 ning tuiga.

Si Vice-Governor Olvis namahayag sa gipahigayong ambush interview sa ZNUC nga andam mogamit ang probinsya sa biotech program apan tukion pa kini sa matag Agriculturist sa kalungsoran kon sagad sa mga mag-uuma ang buot bang mo-adaptar sa maong teknolohiya nga matud pa makaminos sa paggasto sa mga kinahanglanon sa mga tanom sa atong palibot.

Si Vice-Governor Francis H. Olvis ning lalawigan namahayag sa gipahigayong ambush interview sa ZNUC nga andam mogamit ang probinsya sa biotech program apan tukion pa kini sa matag Agriculturist sa kalungsoran kon sagad sa mga mag-uuma ang buot bang mo-adaptar sa maong teknolohiya nga matud pa makaminos sa paggasto sa mga kinahanglanon sa mga tanom sa atong palibot.

Suma pa sa Bise-Gobernador ning probinsya nga isip usa siya ka mag-uuma usab, para kaniya maayo ang maong pamaagi sa biotech partikular na ang pagkaminos na unya sa galastuhan sa abuno nga magamit sa mga pananom diin, halos 25% ang ma-reduced sa fertilizer nga magamit niini. Nahiuyon si Olvis sa maong biotech apan mag-alagad gayod ang probinsya sa mga mag-uuma nga  mosugot niini ayha pa kini aprobahan ug mapagamit ning probinsya nga tinguha niini nga dili malugi sa mga gihagoang mga gipangtanom nga sagad maoy gihimong panginabuhian karon sa atong mga kaigsuonan sa kabukiran.

Atol usab sa maong 2-day seminar workshop mao ang mga Municipal Agriculturist Officer gikan na sa mga nagkalain-laing kalungsoran, Maybel Bustalino sa Department of Agriculture ning lalawigan, Mr. James Montejar sa ZN-TLDC, Mr. Climaco Villanueva, mga gadagkoan sa Biotechnology Program Office pinanguluhan ni Dir. Alicia Ilaga ug daghanan pang uban. (Southpoint, Vol.1No.14)

*

 

DE Miñao: Walay bagolbol batok Cong. Labadlabad

Dili tinuod nga adunay mga opisyales ug mga empleyado sa Ist Engineering District sa Department of Public Works and Highways nga dunay kahisagmuyo ngadto kang 2nd District Congressman Rosendo “Dodoy” Labadlabad tungod sa siging paghulagway kanilang taga highways nga mga kurakot.

Matud pa ni District Arthuro Miñao sa interview ni Mar Uy sa Balita sa Tingpaniudto sa miaging adlaw nga aduna silay regular nga senimanang panagtigum sa iyang buhatan, apan wala siya makabati nga adunay mga empleyado o bisan kinsang trabahante sa DPWH nga mipabati sa ilang reklamo, bagolbol o kaha kahisagmuyo batok sa kongresista. Gidugang ni Miñao nga wala usab siya kahibalo kung tinuod ba ang maong taho. Iyang gituhoan nga kon duna may tawo nga nagpakatay sa maong taho, kini gusto lang modaut sa maayo nilang relasyon sa kongresista ug mga empleyado sa maong departa-mento.

Sa samang bahin, gipasabot ni District Engr. Miñao nga ang gipahimutang nga opesina ni Congressman Labadlabad maoy action center sa DPWH ug dili kay iya sa kongresista, tungod kay si Labadlabad atua man magpahigayon sa iyang regular nga buhatan sa lungsod sa Sindangan. Hinoon ang maong DPWH action center maoy moatiman aron nga kahatagan dayon ug pagtagad ang hangyo ug yangongo sa tanang mayores ug mga barangay kapitan sa ikaduhang distrito, ilabi na ang adunay kalabotan sa mga proyekto nga ilang matagad dayon.

Gituyo sa pagbutang ni Miñao ang action center aron matud pa niya, dili na sila mabalda nga taga DPWH sa ilang mga trabaho sa matag adlaw nga tanan, ilabi na sa pag-akomodar sa mga opisyales ug mga tawong adunay gustong ihangyo sa kongresista. Busa, matud sa district engineer, dili tinuod nga si Congressman Labadlabad mipahimutang sa iyang congressional office sulod sa DPWH compound aron matud pa, kabantayan silang mga kurakot. Gibutyag ni Miñao nga walay pangorakot nga nahi-tabo sa iyang buhatan tungod kay ang tanang proyekto ubos sa second congressional district kinasingkasing nilang gipatuman hinungdan nga walay mga reklamo nga mabati ang mga katawhan kalabot sa ilang performance didto sa ilang central office sa Manila. (Mar Uy, The New Nandau, Vol. XVII No.39)

 
 

Baliguian
Brgy. tanod nangluba, 29 anyos

Gumikan sa pag-una niini ug pagpanumbag, usa ka lalaki ang nalubaan sa usa ka brgy. tanod, didto sa Brgy. Alegria, Baliguian.

Ang biktima giila sa ngalan nga usa ka Rudy Vega, 29, minyo ug molopyo sa maong dapit. Samtang ang suspetsado giila sa ngalan nga usa ka Bienvenido Amistoso, 51 anyos, minyo. Sa pasiunang imbestigasyon nga gihimo sa Baliguian PNP nasayran nga samtang naglakaw ang suspetsado padung sa balay sa usa ka Bobby Montina aron magpatabang sa pag-ihaw sa iyang kanding, apan kalit lamang siyang gibabagan sa biktima ug sa walay daghang rason, gisumbang niya ang suspetsado, maoy hinungdan nga ang naulahi mibunot sa iyang unom ka pulgada nga kutsilyo ug giluba ang biktima sa ubos nga bahin sa iyang dughan.

Ang biktima dali kining gidala sa tambalanan sa maong lungsod, samtang ang maon brgy. tanod boluntaryong mitahan sa iyang kaugalingon ngadto sa kapolisan. (Southpoint, Vol.1No.14)

 

Roxas
14 anyos gi-rape, awtoridad wa’y aksyon

Dili makahatag ug pasaylo ang hingtungdang tagtungod ngadto sa suspetsado nga nag among-among ug nagpanamas-tamas sa usa ka katorse anyos nga dalagita bisan paman sa hugtanon nga pag-konsenti sa pipila ka mga barangay opisyales ilabi na ang kapitan sa Barangay Galukso tungod kay gusto gasyud nila nga mapasaka ang kaso ngadto sa korte ug mataral sa bilangguan ang suspetsado.

Kini ang gipadayag ni Metudio Magsayo, taga Setio Layasan, sakop sa Barangay Galukso sa lungsod sa Roxas samtang mipabati sa iyang mulo ug reklamo kay hangtud karon, bisan paman kon kining maong kasong pagpanglugos nga nahiaguman sa iyang pag-umangkon gitaho na nila sa buhatan sa kapolisan sa lungsod sa Roxas, apan hangtud niining pagbalita wala pa gihapoy nahitabo gumikan sa pagdupa-dupa sa ilang kapitan uban sa pipila ka mga barangay kagawad niini.

Matud ni Tudio Magsayo nga ang nahitabo sa iyang pag-umangkon ilan nang gireport sa kuwerpo sa kapolisan sa lungsod sa Roxas gumikan kay samtang ang maong kaso diha pa giimbestigar sa barangay, si Kapitan Alice Magsayo uban sa pipila ka mga kagawad ang maoy nagpatunga ug mihangyo nga dili na ipasaka ang kaso kay pareho ra silang mga sakop nga supportter ug ang suspetsado sa kapitan. Tungod kay mikonsenti man si Alis Magsayo sa ilang pagpasaka ug kaso, didto sila midangop sa kuwerpo sa kapolisan sa lungsod sa Roxas aron ipa-blotter ang maong hitabo, apan naglibog sila hangtud karon nga wala may hanitabong makuting imbstigasyon hangtud nalang hinoon nakalayas ang suspetsado.

Gikataho nga ang suspetsado oyoan sa pipila ka mga barangay kagawad ug igsuon usab ang asawa sa oyoan sa biktima. Ang biktima nga katorse anyos, adunay dili maayong pangisip gikatahong gikan sa Manila ug sa miagi pang tuig nagpuyo sa iyang uyoan sa Barangay Galukso. Tungod sa dili maayong physical nga kahimtang sa biktima kini gipanamas-tamasan sa makadaghan nga higayon. Matud pa sa reklamo sa tagtungod nga ang pagpanglugos nagsugod niadto pang bulan sa Disyembre ug kini gisagonsonan hangtud nga kini naburos.

Tungod sa ilang kahadlok nga adunay makita nga ebidensya, niadtung Marso 10, gikulata sa anak sa suspetsado ang biktima aron mamatay o kaha makuha ang bata nga gisabak niini. Nasaksihan mismo sa nag-imbestigar sa maong kaso nga ang biktima nagkadugo pa sa iyang bilahan resulta sa pagsumbag sa tiyan sa anak sa suspetsado, hinungdan nga kini gidala sa manukan District Hospital aron magpakuha ug medical certificate. Matud sa tagtungod, dili angayan mag-konsente ang ilang kapitan niining maong hitabo gumikan kay ang maong kaso usa ka linoog nga buhat ug mamahimong makalolooy angbiktima kon dili sila mohatag ug aksiyon.

Mga katawhan sa Barangay Galukso mipabati na sa ilang reklamo tungod ka naanad na ang ilang kapitan nga si Alis Magsayo sa iyang pagka konsentidor gumikan kay ang nahitabo karong bag-o sa katorse nayos nga biktima, mao nay ikatulo sa kasong pangpanglugos nga nahitabo sa ilang barangay diin ang tanan polos walay napasakang kaso tungod kay ang ilang kapitan mao may magdupa-dupa ug mo-negotiate ngadto sa hingtungdan pinaagi sa paghaylo ug kwarta o kaha kabaw bugti sa pagpahilom sa nagreklamo.

Apan niining maong nahitabo karon, hayan mag-atubang ug kasong administratibo ug Obstruction of Justice si Kapitan Alis Magsayo gumikan sa matud pa, pag-piki sa mga dokumento sa biktima nga anaa karon gihuptan sa usa ka magtutudlo sa Barangay Salisig nga maoy himoong ebidensiya diha sa pagduso sa maong asunto. (Southpoint, Vol.1No.14)

*

 

Dizon bag-ong mayor sa Sibutad

NANUMPA na niadtong Abril 3 ang bag-ong mayor sa lungsod sa Sibutad hulip sa  mitaliwan na nga elected mayor nga si anhing Mayor Benito Tolentino.

Si elected Vice Mayor Roger O. Dizon, ang maoy mihulip karon sa posisyon ni Tolentino. Kagahapon sa buntag si Dizon ang nanumpa kini atubangan kang Governor Rolando Yebes pagka-mayor sa lungsod sa Sibutad. Apil usab sa  nanumpa mao ang ika-duha nga konsehal nga misaka ngadto sa pagka first municipal councilor nga si Eufracio D. Caidic isip hulip sa elected number one nga konsehal sa maong lungsod nga misaka usab ngadto sa pagka-vice mayor.

Ang pagpanumpa nila ni Dizon ug Caidic ngadto kang Governor Yebes alang sa ilang bag-ong posisyon kini subay na sa balaod  pagbanos sa mga nabakanting posisyon o succession. Kini ang gisaksihan mismo nila ni 2nd District Board Member Cedric Adriatico uban sa duha ka mga konsehal sa maong lungsod. Angayang masayran si Mayor Tolentino ang mitaliwan sa laing kalibutan niadtong mi-aging semana gumikan sa sakit nga taud-taud na niyang gihambin, ug niadtong Abril 2 gilubong ang patay nga lawas ni Tolentino.

Mahinumduman nga si elected Vice Mayor Dizon ug karon mayor na sa Sibutad ang napili na usab kini pagka-mayor kaniadto sa maong lungsod. (The New Nandau, Vol. XVII No.39)

*

 

BM Baguio: Wala ko kakita sa proyekto ni Lando kay wala ko hatagi ug sakyanan

Daw mibati karon ug kasina ang bugtong minority floor leader sa Sangguniang Panlalawigan kay samtang ang tanan niyang mga kauban nagtagsa na ug sakyanan sa gobiyerno, siya nalang ang wala pa makabaton niini hinungdan nga siya miingon nga wala siya makakita sa ubang proyekto nga gipatuman sa Yebes administration.

Board Member Edgar Baguio mihatag sa iyang reaksiyon sa State of the Province Address ni Governor Rolando Yebes mahitungod sa gipang-mention niining proyekto. “Naa raman pod,” sumala sa nakita sa iyang duha ka mata, naa ra ang Dipolog Airport ug pantalan sa Pulawan nga polos nahisgutan sa gobernador nga palamboon.

Mibati karon ug kasina ang bugtong minority floor leader sa Sangguniang Panlalawigan nga si Board Member Edgar Baguio kay samtang ang tanan niyang mga kauban nagtagsa na ug sakyanan sa gobiyerno, siya nalang ang wala pa makabaton niini hinungdan nga siya miingon nga wala siya makakita sa ubang proyekto nga gipatuman sa Yebes administration.

Matud ni Baguio, sa ubang proyekto nga gihisgutan ni Governor Yebes, dili siya makahatag ug komentaryo tungod kay wala man siya makakita ug ang hinungdan kon ngano nga wala siya makakita, tungod kay wala man siya hatagi sa iyang gipangan-doy nga service vehicle gikan sa provincial government. Sumala pa ni Baguio bisan tuod kon dunay over-sight function ang mga provincial board members, apang ang kakulang sa iyang gikinahang-lang sakyanan maoy nahimong dakong babag, kung ngano nga wala siya makakita sa ubang mga pro-yekto nga gipatuman sa Yebes administration hi-nungdan nga dili pod siya makaestorya kon kini malam-poson ba, malamboon ba o dili.

Nahibaw-an nga ang tanang board members lakip na ang mga bag-o nahatagan na ug bag-ong service vehicles samtang si Baguio nga maoy bugtong minority floor leader sa hunta probinsyal nagapa-bilin nga nagamit sa iyang kaugalingong sakyanan ug iyang kagalingong gasolina. (The New Nandau, Vol. XVII No.39)

*

 

Food for school program sa ZaNorte gisubay national monitoring team

TUNGOD sa mga nahignagbo nga problema ug kaguliyang sa pagpatuman sa Food for School Program ania karon dinhi sa atong probinsiya ang National Monitoring Team aron sa pagsubay sa implementasyon sa maong programa.

Ang maong national monitoring team ang gilangkuban kini sa mga personahi gikan sa National Nutrition Council, National Food Authority-Central Office, DepEd ug DILG. Sa nasayran nga tuyo nila sa pag-anhi sa Zanorte kini aron personal nilang masubay ug mahibaw-an ang nahinagbo nga problema sa distribution sa bugas ngadto sa mga tinun-an sa pampublikong tulunghaan. Buot nila karon nga makorihian ang sayop nga sistema nga gisagop sa ubang mga tulunghaan diha na sa pag-apud-apud sa maong mga bugas.

Ang maong national monitoring team sa Food for School Program ang mihimo ug courtesy call kang Governor Rolando Yebes sulod mismo sa iyang buhatan kaniadtong niaging semana. Prangka nga gipadayag sa gobernador ang walay hustong koordinasyon sa mga ahensiya nga nagpatuman sa maong programa ngadto sa matag Local Government Unit. Mismo ang kagamhanang probinsiyal sa Zamboanga del Norte ang wala kaayo masayod kabahin sa maong programa. Gi-presentar ni Governor Yebes ang mga nahinagbo nga problema ug mga kalibog sa sistema sa distribution sa mga bugas ngadto sa mga tinun-an. Nasayod na lang ang kapitolyo sa dihang mihangyo na ang maong mga implementing agencies nga mogamit ug sakyanan sa probinsiya aron madali o maapas ang paghatud sa mga bugas ngadto sa mga lagyong barangay. Alang kang Governor Yebes nga kinahanglan unta ang proper coordination aron ma-maximize ang pagpatuman sa maong programa.

Sa nasayran nga ilalaom sa Food for School program, natapos na ang unang 19 ka adlaw nga pag-apud-apud ug bugas, samtang adunay laing 35 days nga maoy nakapalibog karon sa mga ginikanan. Giklaro sa maong monitoring team nga nahinabi kagahapon nga dinhi sa Zanorte adunay ubang mga lugar ang nasugdan ug natapos na ang 35 days apan adunay ubang mga lungsod ang wala pa masugdi tungod sa kaapeke na sa panahon. Wala usab nila gipasabot pag-ayo kung unsay mahitabo niadtong mga lugar nga wala pa masugdi pagpatuman sa 35 days nga tagad nang naabtan sa pagtak-op sa tuig tingtungha apan aduna nay allocation nga bugas. Ilang giklaro nga usa ka kilo lamang matag adlaw ang madawat sa matag pamilya. (Southpoint, Vol.1No.14)

*

 
Dipolog Bankers Club:
Misalig molagsik ang ekonomiya

Ang mga programa nga gihan-ay karon sa probinsya alang sa mosunod nga katuigan maoy nakahatag ug interes sa mga magpapa-tigayon nga mobobo ug pohunan dinhi sa dakbayan sa Dipolog ug Zamboanga del Norte.

Kini ang gipamahayag ni Eldridge Adraincem, Presidente sa Dipolog Bankers Club silbing reaksiyon sa State of the Province Address ni Governor Rolando Yebes diha sa gibatbat niining nabuhat ug sa mga panglantaw niining pagahimoon sa umalabot pa nga katuigan sulod sa iyang administrasyon. Si Governor Yebes sa iyang SOPA mipahayag nga karon sa iyang ikaduhang termino maoy pagatotokan ang turismo, trade and commerce ug livelihood. Matud ni Adraincem, ang gihimo sa gobernador maoy nakahatag ug interes sa ubang mga investor nga mobutang ug pohunan dinhi sa Zamboanga del Norte tungod kay nakita nila sa miaging mga bulan nga adunay potential ang atong probinsya apan nagkulang pa sa pagkultibar hinungdan nga gidoble niini ang mga paningkamot.

Para sa banking sector, ang gihatag nga idea ug pamaagi base sa mga programa nga gipadas-ug ni Governor Yebes magahatag ug dakong timailhan sa mga prospect investor nga dako ug paglaum sa negosyo. Matud sa presidente sa Dipolog Bankers Club nga ang economic aspect dinhi sa dakbayan ilang namatikan nga paspas nga milagsik gumikan kay ang mga katawhan dinhi aduna nay nagkadaiyang negosyo. Matud ni Adraincem ang pagpalambo sa Dipolog Airport ug Pulawan Port sa dakbayan sa Dapitan dako kaayo ug ikatabang sa dagan sa patigayon kay mao man kini ang mo-abli sa pultahan sa negosyo sa mindanao ilabi na sa mga magpapatigayon gikan sa kaulohang Manila ug sa gawas sa nasud.

Sa pikas bahin, kay usa man sa gitotokan karon sa probinsya ang pagpalambo sa tuirsmo, gipaninguha usab karon sa bag-ong gitudlo nga Provincial Tourism Officer sa Zamboanga del Norte ang mga aspeto nga mapalapdan pa ang mga programa nga makahatag kalagsik sa atong ekonomiya. Si Atty. Ivan Patrick Ang, Provincial Tourism Officer mipahayag nga ang gibuhat karon ni Governor Yebes diha sa paghatag ug dakong pagtagad sa turismo usa ka dakong oportunidad sa mga katawhan nga mouswag usab ang ilang panginabuhi gumikan kay ang mga programa nga ipadas-ug niini adunay kalambigitan sa pagnegosyo.

Matud ni Atty. Ang, kon masuportahan ang turismo sa atong probinsya, mamahimo na kining destinasyon sa mga maanindot nga talan-awon, agri based and culture tourism ug kini makahatag maayong panginabuhi sa mga katawhan. Usa sa gihimong ehimplo ni Atty. Ang ang pagpahigayon sa Hudyaka Festival sukad milingkod sa iyang katungdanan si Governor Lando Yebes ug nakita nga adunay maayong resulta sa paglagsik sa ekonomiya ug tungod niini ang promosyon sa mga kalihukan sa turismo dungagan pa ug kini gipalapdan hangtud na sa gawas sa nasud. (The New Nandau, Vol. XVII No.39)

 
 

 

Earth Month gisaulog; mga kalihokan pagahimoon Abril 21-25

Nagkalain-laing kalihokan ang gihan-ay isip tipik sa pagsaulog sa “Earth Month Celebration” nga kasamtangang gisaulog ning bulan sa Abril.

Mao kini ang kalamboan nga nasayran gikan kang Rey Hibaya, ang gidesignar nga Focal Person ning dakbayan alang ning maong kasaulogan. Sigun sa mga nakahan-ay nga kalihokan, sugdan kini sa pagpahigayon karong Abril 21 ug molungtad kini ngadto sa petsa 25. Sa unang adlaw ning maong kalihokan nga mao ang petsa 21, usa ka “Earth Day Forum” ang ipahigayon ilawom sa pagpasiugda sa kagamhanang lokal sa Dipolog ug sa  koordinasyon sa pipila ka mga ahensiya sa kagamhanan, diin ang mga mamumulong ang gilangkoban nila ni City Mayor Evelyn T. Uy, Elisea Gozun kinsa mao ang chairperson sa Earth Day Network Philippines ug Jaybee Garganera nga mao ang National Coordinator sa PhiDHRRA ug Josephine Leyson kinsa mao ang kasamtangang Executive Assistant sa Center for Social Concerns on Development (CESCOD).

Kini pagasalmotan sa 21 ka mga barangay chairmen, 21 nga mga committee chairmen usab sa committee on environment sa mga Sangguniang Bayan, mga opisyales ug miyembro sa Solid Waste Management Board, mga konsehales ning dakbayan mga pipila ka mga NGO’s ug ang sektor sa academe.

Sa pagka-Abril 22, usa ka “Coastal Clean-up Drive” ang ipahigayon sinalmotan sa mga opisyales sa 12 ka mga coastal barangays ning dakbayan, ilawom sa pagpanguna sa kagamhanang lokal ning dakbayan ug sa Bantay Dagat Project. Kining maong kalihokan pagalakipan sa “Water Sampling” pinaagi sa City Health Office ug hamubong lecture nga magatuki sa kamahinungdanon sa pag-preserbar sa Waterdhed. Dugang pa ni Hibaya nga sa pagka-petsa 23, usa ka Santos nga Misa ang ipahigayon dinha sa Plaza Magsaysay nga pangunahan ni Msgr. Jose R. Manguiran, Obispo sa Diocese sa Dipolog, sa may alas 3:00 sa hapon.

Pagasundan kini sa “Walk, Bike and Row for Mother Earth” ug dayon sa pagka-alas 5 sa hapon mao ang pormal nga pagbukas sa Pagsalabuk Trade and Food Fair diin magapasundayag kini sa mga Special Earth Day Art and Photo Exhibit ug mga Environmental Products, duyog usab sa paglusad sa inter-barangay/School Solid Waste Management Contest ug dayon usa ka film showing sa pagka alas 7:00 ang takna sa gabii didto sa Dipolog Boulevard, diin ang nahisgotang mga exhibits padayong ipasundayag sa pagka-Abril 24 ug 25. Kahibaloan nga ang kasamtangang pagsaulog sa Earth Day nagdala sa tema nga: “Tubig Ay Buhay; Ating Pagyamanin at Linisin.” (CIO-alb)

*

 

150 OPD gikonsulta pagbukas ZMC

Mokabat sa 150 ka mga pasyente ang nagpakonsulta Miyerkules, Abril 2 atul sa pagbukas sa Out Patient Department (OPD) sa Zanorte Medical Center.

Mao kini ang gipamahayag ni Dra Cherry Mata, usa sa mga doktor  sa OPD sa bag-ong tambalanan. Uban ni Dra Mata kagahapon mao sila Dr. Eduardo Luayon ug Dr. Philip Lacaya, ang EENT specialist kinsa milugway ug libreng konsulta sa nagpunsisok nga mga pasyente sa Zanorte.

The very first patient in ZaNorte to undergo a dialysis treatment.

Apan matud pa ni Dra Mata bisan pa man nagpunsisok ang mga pasyente, hapsay ra gihapon ang pagpahigayon sa ilang pagkonsulta gumikan sa haluag, moderno ug hamugaway nga tambalanan nga ikumparar sa OPD sa daan nga provincial hospital. Dugang pa sa maong doktor nga sa laboratory, ang  Complete Blood Count kon CBC ug dialysis maoy gisugdan sa pag-operate. Samtang sa urinalysis ug uban pang laboratory works gisugdan usab kaniadtong adlaw-a.

Ingon man, ang pasyente nga kinahanglan ipalawum sa X-ray, e-refer pa nila kini ngadto sa daang provincial hospital apan dili kabalak-an ilang pag ngadto-nganhi gumikan kay adunay sakyanan ang gitagana sa kagamhanang probinsyal aron sa pagpasakay sa mga pasyente. Ingon man, si Dra Mata ang namahayag nga bisan pa man sa bag-ong tambalanan na sila nagkonsulta, dili gihapon nila mabiyaan ang ilang mga pasyente sa daang provincial hospital, ug mag-rounds una ayha sila mo-duty sa OPD. Lakip usab sa gitahasan alang sa OPD mao si Dr. Regil Bael gikan sa Provincial Health Office.

Nasayran si Atty. Ivan Patrick Ang, hospital incharge ang nagkanayon sulod sa tulo ka bulan hingpit nang mag-operate ang Zanorte Medical Center. (Sheng, Southpoint, Vol.1No.14)

*

 

Buhatan sa Immigration mobukas ug laing field office dinhi sa Dipolog

Aron sa dugang pagpalapad paglugway ug serbisyo kalabot sa nagkalain-laing “immigration concerns” ilabi na ngadto sa mga langyaw nga mahidangat  o kaha naka-asawa ug taga dinhi, ang nasudnong buhatan sa Bureau of Immigration pinaagi sa buhatan niini sa dakbayan sa Ozamis gikatakdang mobukas sa usa ka Field Office dinhi sa atong dakbayan sa dili madugay.

Mao kini ang kalamboan nga nasayran sa City Information Office ning dakbayan gikan kang Roland C. Bautista, ang officer-in-charge-designate sa maong buhatan. Sumala pa nga kining maong plano nahimugso aron dugang pang mapalapdan ang serbisyo sa ilang buhatan, ilabi na ngadto sa mga langyaw kinsa nagkina- hanglan sa ilang serbisyo, ug sa samang bahin, mapahugtan usab niini ang pagkontrolar ug pagmonitor sa “dili dokumen- tadong mga langyaw” kon aliens kinsa nagpabiling ania sa atong nasud, partikular na dinhi sa Dipolog ug sa mga kasilinganang kalungsoran dinhi sa lalawigan.

Dugang pa ni Bautista nga ang ilang Field Office hayan pagabuksan karong sunod semana ug dinha ipahimutang sa Bagsakan ni Edad (Arcade II), subay sa dalan Tomas Claudio nga molugway sa mga nag-unang serbisyo sama sa extension sa pagpuyo dinhi sa nasud sa mga langyaw; pag-endorso sa mga aplikasyon sa resident visas ngadto sa ilang kaulohang buhatan alang sa mga langyaw kinsa nagtinguha nga mopahimulos sa Temporary Resident Visas; Residency Visas ug Investment Visas. Sumala pa nga sa pagbukas sa usa ka field office sa Bureau of Immigration dinhi sa dakbayan, kahatagan na sa alibyo ang mga  langyaw sa paghikay sa ilang mga dokumento nga dili na kinahanglan pang moadto sa dakbayan sa Ozamis.

Kahibaloan nga ang Buhatan sa Immigration taud-taod nang nagserbisyo dinhi sa dakbayan kansang buhatan gipahimutang dinha sulod sa City Hall sukad pa sa panahon sa administrasyon ni kanhi City Mayor Roberto Y. Uy, tungod sa tinguha usab sa naulahi nga kahatagan sa tukmang serbisyo ang mga katawhan dinhi sa atong dapit isip usa lamang ka “extension office” sa dakbayan sa Ozamis.(CIO-alb)

 
Credits: Press Freedom is published every Saturday and entered as 3rd class mail matter in Dipolog City. Printed by Young Printing Press with Editorial Office located at Upper Turno, Dipolog City. Tel. No. (065) 212-4343 or 212-6665

 

Kababayen-an gipasigarbo ni Gov. Yebes

 

GIKAPASIGARBO karon ni Governor Rolando Yebes ang hut-ong sa mga kababayen-an dinhi sa Zamboanga del Norte sa gipakita niining panaghi-usa ug ang pag-preserbar sa maayong kultura.

Sa mensahe sa gobernador nga iyang gipa-ambit kagahapon atol sa pagtak-op sa Women’s Month celebration sa bulan sa Marso nga diin ang programa gipahigayon sulod sa Zamboanga del Norte Covention Center, gikalipay niya ug dako ang panaghugpong  sa mga kababayen-an. Sa tibook asya usa ang nasud sa Pilipinas nga diin gihatagan ug patas nga pagtagad sa gobyerno ang sector sa kababayen-an. Ang kultura niini ang layo na kaayo ug naabtan kung itandi sa ubang mga nasud. Daghan sa mga babaye ang tag-as ug dagko na ug mga ranggo diha sa pagdumala sa gobyerno. Gihimong ehemplo ni Governor Yebes mao ang kagamhanang probinsiyal sa Zamboanga del Norte nga diin kadaghanan sa iyang katimbayayong pagdumala sa probinsiya mga babaye.

Ang hut-ong sa mga kababayen-an dinhi sa Zamboanga del Norte ang gipasigarbo karon ni Governor Rolando Yebes sa gipakita niining panaghi-usa ug ang pag-preserbar sa maayong kultura.

Alang sa gobernador nga tungod sa pag-ila ug pag-respito sa gobyerno pinaagi sa balaod dako na kaayo ang nahimong papel sa mga kababayen-an nga gihatagan ug patas nga pagtagad ang ilang katungod. Samtang gipahinumduman usab ni Board Member Luzviminda Torrino, chairwoman sa Committee on Women, Children and Family sa Sangguniang Panlalawigan ang mga partisipanti sa pag-baton sa lima ka mga butang aron anaa magpabilin ang hiyas sa pagka-babaye, kini mao ang pag-amping, pag-respito, pagdawat, pagpasaylo ug pagsalig.

Mihatag usab sa iyang mensahe si Provincial Budget Officer Mary Joy Abitona nga karong panahona gihatagan na ug dakong pagrespito ang kababayen-an. Giwagtang na ang diskriminasyon. Iyang gipasalamatan si Governor Yebes sa suporta sa mga programa nga iyang gihatag nga mag-empower sa mga kababayen-an. Sa pagsaulog sa Women’s Month Celebration nagdala kini sa tema :CEDAW ng Bayan: Yaman ng Kababaihan. Ang CEDAW usa ka acronym sa Convention and  Elimination of all forms of Discrimination Against Women. Ang maong kalihukan gipasiugdahan sa Provincial Social Welfare & Development Office (PSWDO) sa pagpangulo ni Ms. Grace Marylen B. Sabal inabagan sa Municipal KALIPI Organizations ug MSWDO palibot ning lalawigan sa Zamboanga del Norte diin nagsilbing guest speaker si Ms. Ma. Socorro Macaso sa rehiyonal nga buhatan sa Department of Social Welfare and Development nga mipasabot sa matag katungod sa mga kababayen-an. (Southpoint, Vol.1No.14)

 
 

Mga bag-ong kahimoan sa Civil Registrar gipagula

Mikunhod sa 4.6% ang nahimong kintibuk-ang rehistrasyon sa Buhatan sa City Civil Registrar sa Dipolog alang sa bulan sa Marso.

Sumala pa ni Rosemarie P. Miranda, ang kasamtangang City Civil Registrar ning dakbayan, nga ang pagkunhod sa gihimong registrations sa ilang buhatan nagsumikad usab sa pagkunhod  sa registration sa pagkatawo nga mikabat sa 477 ka rehistro kun itandi sa talaan sa pagakatawo sa bulan sa Pebrero nga mikabat sa 516 ka rehistro.  Dugang ni Miranda nga mikunhod usab ang rehistro sa kamatayon  nga mikabat sa 110 ka rehistro kun itandi sa 128 ka rehistro sa bulan sa Pebrero, samtang ang rehistro sa legitimation mikabat sa 19 kun itandi sa 31 ka rehistro sa bulan sa Pebrero.

Apan, dugang nasayran nga ang rehistro sa kaminyoon miusbaw usab ngadto sa 23% diin mitala kini ug 51 ka rehistro kun itandi sa rehistro sa Pebrero nga mitala ug 39 lamang. Gikan sa maong talaan, nalakip usab ang late registration  sa pagkatawo, kamatayon ug kaminyoon.

Sa rehistro sa correction of entries alang sa bulan sa Marso, mitala usab kini sa 12 ka rehistro;  Change of Name – 2 ka rehistro; Affidavit of Acknowledgment – usa ka rehistro; Pagamit sa Apelyido sa Amahan – usa ka rehistro ug Annulment of Marriage – usa ka rehistro. Sa kinatibuk-an, mitala ang mga rehistro sa Buhatan sa City Civil Registrar sa Dipolog ngadto sa 710 kun itandi sa kinatibuk-ang rehistro sa bulan sa Pebrero nga mikabat sa 745 ka rehistro. (cio-Pinky Rabino)

*

MORE NEWS NGA BINISAYA

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON