January 21, 2008

 

Kwarta sa katawhan gigamit sa nakalabay地g eleksiyon?
DIPOLOG P27M DEFICIT SA 2007

Minilyon nga salapi sa mga katawhang Dipolognon maoy nausik sa nakalabay地g tuig human mautingkay ang records sa pagsera sa book of accounts nagpakita nga imbes para sa pagpatuman sa nagkadaiya niining mga programa ug proyekto nagasto naman hinoon sa walay klarong padulngan kay nahulog sa personal nga katuyoan ang pagwaldas sa pundo nga gihimo sa nakalabay地g administrasyon. Sumala sa records sa City Hall, mitala karon ug P27 milyones ka pesos nga deficit ang dakbayan sa Dipolog sa iyang operasyon sa tuig 2007 bonga sa fiscal misma-nagement. 

Kini ang gibutyag sa kasaligang tinubdan gikan sa City Budget Office ning dakbayan sa Dipolog human madawat nila ang report kabahin na sa lakat sa panalapi sa siyudad sa nakalabay nga tuig. Sumala pa kini maoy unang higayon nga ang siyu-dad sa Dipolog nakasinati ug ingon niini kadako sa deficit nga nagpasabot nga nanobra ang gihimong paggasto sa kagamhanang lokal kay sa gibatunan niining pundo. Sa tuig 2006 ang siyudad sa Dipolog mitala na ug P5.8 milyones ka pesos nga budget deficit hinungdan nga si kanhi Mayor Roberto Uy wala gayud motubag sa hagit ni Governor Rolando Yebes nga ihiklad niini sa publiko kon pila ang nahibiling kuwarta sa iyang administrasyon nga anaa nakadeposito diha sa bangko.

Minilyon nga salapi sa mga katawhang Dipolognon maoy nausik sa nakalabay地g tuig human mautingkay ang records sa pagsera sa book of accounts nagpakita nga imbes para sa pagpatuman sa nagkadaiya niining mga programa ug proyekto nagasto naman hinoon sa walay klarong padulngan kay nahulog sa personal nga katuyoan ang pagwaldas sa pundo nga gihimo sa nakalabay地g administrasyon ni kanhi Mayor Roberto Uy.

Gituhuan  nga mikaon sa dakong gasto sa siyudad sa miaging  tuig mao ang nakalabay nga eleksiyon diin gituhuan nga ang pundo sa Dipolog nagamit alang  na sa pagpangampanya sa mikanaug nga mayor sa ambisyon niini nga mag gobernador sa Zamboanga  del Norte. Sigun sa records nagpakitra nga abnormal ang withdrawal sa gasoline nga gihimo sa city hall sa unang bahin sa tuig 2007 samtang nagka-init na ang kampanya alang sa eleksyon sa Mayo sa milabay地g tuig. Ang tinubdan midugang sa pagbutyag  nga ang maong gasoline allocation nagamit gayud sa gihimong pagpangampanya ni kanhi Mayor Roberto Uy sa nakalabay nga piniliay.

Sumala pa daghang mga galastuhan nga natala nga wala moagi sa tukmang proseso sama sa gihimong pagpamalit ug dugang mga tambal nga ang buhatan ra sa hepe ehekotibo maoy nagbuot-buot diin igo na lang papirmahan sa city health officer ang mga dokumento. Lakip na sa gi-charge sa panudlanan sa siyudad ang mga personal nga mga galastuhan sa kanhi administrasyon ug gituhuan nga nakaambit usab ug apil niini ang asawa nga maoy mipuli ug lingkod pagka mayor. (The New Nandau, Vol. XVII No.32)

*

 

P100M Pulauan expansion suportahan sa Gobernador

Hugot nga gisuportahan karon sa gobernador uban sa kongresista sa primero distrito ang pagpalapad ug dugang sa pasilidad sa Port of Pulauan sa dakbayan sa Dapitan.

Sa kabahin sa kagamhanang probinsiyal sa Zamboanga del Norte gipahibawo ni Governor Rolando Yebes nga mobutang siya ug P20 milyones ka pesos nga puhunan para sa expansion sa Pulauan Port sa dakbayan sa Dapitan bisan ug walay mabalik niini para sa panudlanan sa lalawigan. Matud pa niya ang pagpalapad sa nag-unang pantalan sa ZaNorte gikinahanglan na gayud atubangan sa nagtubong trapiko sa transportasyon sa dagat ilabi na nga ang Pulauan Port maoy kabahin sa Strong Republic Nautical Highway ni Presidente Gloria Macapagal-Arroyo.

Kini nga plano gipadas-og mismo sa gobernador sa pagbisita karong bag-o ni Agriculture Secretary Arthur Yap dinhi sa ZaNorte kinsa mikomitir nga ang mohatag ug P30 milyones para sa maong proyekto ug dugang P50 milyones ka pesos magagikan sa Development Bank of the Philippines. Matud pa sa gobernador kagahapon sa buntag nakigkita na kaniya ang regional manager sa DBP may kalabutan na sa sugo ni Secretary Yap nga sagubangon sa maong bangko ang dugang gikinahanglang pundo para na sa maong expansion sa Pulauan Port sa dakbayan sa Dapitan.

Sa iyang pakigpulong didto sa Sergio Osmena gipahibawo mismo ni Secretary Yap sa publiko nga iyaha nang gitawagan ang presidente sa DBP para na sa paglugway sa maong tabang para sa expansion sa pantalan sa Dapitan. Matud pa sa gobernador maoy gusto niyang maklaro kon ang P50 milyones nga pundo gikan sa DBP usa ka grant para mahingpit nga usa ka gatus ka milyon ka pesos ang pundo nga magamit sa nahisgutang proyekto.

Daku ang pagtuo ni Governor Yebes nga ang pundo gikan sa DBP usa ka grant ug dili utang kay ilawom sa Strong Republic Nautical Highway ni Presidente Arroyo ang nasangpit nga bangko maoy gitahasan sa pagpagawas ug pundo alang na sa pagpalambo sa pasilidad sa mga roll-on roll-off nga mga pantalan nga kabahin sa proyekto. Matud pa ni Governor Yebes sa pagkakaron ang kasamtangang pasilidad sa Pulauan Port dili na makatubag sa nagtubong gidaghanon sa mga barko nga modunggo niini ilabi na sa roll-on roll off nga kada adlaw aduna nay siyam ka biyahe sa barko gikan sa alas 4:00 sa kaadlawon hangtud na sa pagka gabii wala pay labut sa biyahe sa mga barko nga mobiyahe gikan sa Dapitan paingon sa Cebu ug mga tramper nga magdiskarga ug mga kargamento gikan sa bugas, semento ug uban pa.

Si Governor Yebes nagpasalamat nga wala siya balibari sa iyang hangyo para sa pagpalapad sa pasilidad sa Pulauan Port sa dakbayan sa Dapitan nga mipasalig sa paghatag usab ug pundo gikan sa Department of Agriculture para sa maong katuyuan. (Press Freedom, Vol. XX No. 18)

*

 

Babaye gihipo miresulta sa dakung engkwentro
Bloody Valentine

Nabungkag ang kalipay sa mga lovers nga nag-date sulod sa usa ka resto bar ning dakbayan, human magkabingkil ang duha ka grupo sulod sa establisamento tungod sa pagpangabubho human nanghikap ang laing grupo sa mga lalaki sa gika-date sa pikas grupo sa mga lalaki nga miresulta sa engkwentro ug sinumbagay sa duha ka habig sa nasayran ning pamantalaan alas 2:30 sa kadlawon kaniadtong Pebrero 15, 2008.

Ang mobile patrol naglangkob nila ni SPO1 Jarmin, PO3 Salonoy, PO3 Amalul nga nakadawat sa timbre sa nahitabong kaguliyang sa may Fatcat Resto Bar sa Central Brgy. ang daling naka responde didto sa crime scene. Dakpan sa akto ang tulo ka mga lalaki nga gikaaligar nga maoy nanghasi sa maong dapit. Gipang-ila sila si Gwyne Bagatua y Revera, 19; Juven Empeynado y Hesores, 21 nga pulos taga Brgy. Dicayo, Katipunan; ug Ricardo Revica y Selanova, 20 residenmte sa Sta. Felomina ning dakbayan.

Ang tulo ka mga lalaki gisikop sa otoridad base sa reklamo nila ni Delfin Capiso Jr. y Tahoy, 23 taga Magsaysay St. sa Miputak; Amber Heramis, 24 anyos taga Martinez; Levine Legados y Mutia taga Central Brgy ug Christian Heramis, 23. Sa pasi-unang imbistigasyon sa responding team sa awtoridad, nagsugod ang maong engkwentro sa dihang ang subject nga si Juven Empeynado ang mihikap sa prebadong parte sa lawas ug mi-aksyon ug halog sa usa ka kaubang babaye samtang nag-inom didto sulod sa Fatcat Resto bar.

Suma pa gumikan sa malaw-ay地g gibuhat ni Empeynado, mi-alma ang grupo ni Casipo ug kauban sa biktima nga maoy nakapasilaob sa ilang bikil. Matud pa sa police investigator Gesulda, human sa maong panagbikil unang mikanaog ang grupo nila ni Empeynado kauban sa duha ka kauban ug giatngan ang grupo nila ni Casipo didto sa pwertahan sa ground floor sa nahisgutang bar. Sa pag-naog sa mga biktima walay daghang langan gibunalan ug basiyo sa botelya ang agtang ni Amber Hermis ug maoy sinugdanan sa karambola. Apan tungod sa sobra sa impluwensya ug lango na sa bino sila si Empeynado,Bagatua, Revica, maoy nahimong bugbog sarado ug naka-angkon sa mga minor injuries.

Sa pagrespondi sa kapulisan, ang tulo gisikop human gika-alegar nga maoy gitudlo nga responsable sa nahitabong kasamok ug temporaryong gitener sa detention cell sa Dipolog PNP. Posibleng pasakaan sa kasong physical injuries ug alarm scandal. (Southpoint, Vol.1No.7)

Credits: The Southpoint is the latest weekly news publication circulated in the province of Zamboanga del Norte, Zamboanga Sibugay and Misamis Occidental. It is registered under DTI Permit No. 00282924. The Southpoint can be reached through the following contact info: Sindangan, ZN; Landline: 212 4019; Mobile No.: +63 921 458 3830. Email: southpoint8@yahoo.com

*

 
COMELEC MIMANDO: USBON UG IHAP RESULTA SA ELEKSIYON SA SINDANGAN

Dunay merito ang protesta nga gisang-at ni mayoralty candidate Nilo 釘oy Sy batok sa mingdaog nga mayor sa lungsod sa Sindangan, ning lalawigan nga si Bert Macias. Mao kini ang nakita karon sa mga sakop sa first division sa Commission on Elections kon COMELEC sa Manila  nga gipanguluhan ni Presiding Commissioner Resurrection Borra ug gisanongan nila ni Commissioners Romeo Brawner ug Moslemen Macarambon subay sa ilang gihimong makuting pagtoon sa apelasyon nga gipadas-og ni Sy alang sa recounting sa mga botos sulod sa 270 ka mga voting precints sa nasangpit nga lungsod.

Angayng kahibaw-an nga ang protesta ni Sy iyang gipadas-og sa miaging Mayo 23 sa miaging tuig atubangan sa Regional Trial Court sa lungsod sa Sindangan tapos niya mahibaw-e nga ang gikahisgotang eleksyon gilimingan ug 僧assive nga pagpanglimbong ug pagpamalit sa mga botos sa iyang kaparang.

Adunay liboan ka mga botos nga matod pa ni Sy nga alang unta niya apan wala basaha, wala ipha ug wala itally sa mga sakop sa Board of Election Inspectors hinungdan nga pagtapos sa gihimong iniphanay sa mga botos, si Sy nakakuha lamang ug 13, 964 botos nga nabiyaan lamang ug onse botos (11 votes) kung itande kang Macias nga nakakuha 13, 975 botos. Ang election protest nga gisang-at ni Sy gitaktak ni RTC Judge Arturo Paculanang sa miaging Hunyo 19 sa miaging tuig apan si Sy wala matagbaw sa maong aksyon sa korte hinungdan nga kini mipadas-og ug apelasyon ngadto sa Comelec sa Manila.

Ug tood man sa miaging Pebrero 1 gipromolgar sa maong division ang iyang desisyon nga nagmando sa Regional Trial Court Branch 11 sa lungsod sa Sindangan sa pagbukas og balik sa mga ballot boxes ug paghimo ug pag-ihap ug balik sa mga botos sa labing madaling paagi ug tapos maila kung kinsay mananaog, siya angayang iproklamar dayon dugang sa desisyon sa First Division sa Comelec sa Manila. Uban sa gipadad-an ug notice sa maong desisyon mao si Atty. James Verdoguez ang lead council ni mayoralty candidate Sy ug Atty. Cres Palpagan ang abogado ni Mayor Macias.

Atol sa interbyo sa tigbalita sa tingpaniudto sa DXFL, si Konsehal James Verdoguez ang counsel ni Sy, ang miingon nga wala pa kasugdi ang recounting of votes tungod kay gihatagan pa ug lima ka adlaw ang kampo ni Macias sa pagtubag o paghimo ug aksyon sa  maong desisyon sa first division sa Comelec. Hinoon gituhoan ni Verdoguez nga ang maong kaso maresolbar gayud sulod sa usa ka bulan sumala sa bag-ong ruling nga gipatuman sa korte alang sa mga election protests. (The New Nandau, Vol. XVII No.32)

*

 

Zamboanga del Norte himsog ang panudlanan karong tuiga, dugang 23M livelihood fund, 15M para sa maayong panglawas alang LANDO-BIBO

Gawas sa naandang mga gahin alang sa mga programa infrastruktura ug operasyon sa tanang mga programa sa kagamhanan alang sa tuig 2008, dugang nga usbaw nga wala mahisulod sa nakalabay nga tuig ang gitagana karon sa kagamhanan alang sa mga priority project sa administrasyon ni Gob. Rolando E. Yebes, mao kini ang gibutyag ni Mary Joy Abitona, provincial budget officer sa lalawigan.

Matud pa ni Abitona nga sa dihang ilang gi-andam ang budget niadtong tunga-tunga sa nakalabay nga tuig, nadawat na nila ang mando sa gobernador nga gahinan ug milyones nga pundo ang iyang pet program nga LANDO-BIBO.

展e set aside an additional P 23 Million worth of livelihood program for the indigent beneficiaries or the BIBO痴, this is apart from the regular livelihood programs under the OPA, PROVET, PSWDO and other implementing agencies of the provincial government, matud pa ni Ms. Abitona.

Sa wala mao si Mary Joy Abitona, provincial budget officer sa lalawigan mibutyag nga gawas sa naandang mga gahin alang sa mga programa infrastruktura ug operasyon sa tanang mga programa sa kagamhanan alang sa tuig 2008, dugang nga usbaw nga wala mahisulod sa nakalabay nga tuig ang gitagana karon sa kagamhanan alang sa mga priority project sa administrasyon ni Gob. Rolando E. Yebes. Sa pikas bahin si Ms. Rosevic L. Ocampo, provincial planning and development officer ning lalawigan ang mibutyag usab nga anaa na sa finalization phase ang implementing guidelines sa Zanorte Livelihood Assistance Fund (ZNLAP).

Dugang pa niya nga ang maong pundong salapi gikuha diha karon sa 20% Economic Development Fund sa provincial budget. Ang maong pundong ang gipangandaman karon nga ihatag ngadto sa mga qualified BIBO chapters sa lalawigan, alang sa dugang nilang panginabuhian. Dugang pa ni Abitona nga gawas sa Provincial Health Care Assistance Program nga mao ang free hospitalization scheme alang sa mga BIBO beneficiaries, ilang gitagan-an usab karon ug mokabat P 15 Milyones ka pesos salapi alang sa PHILHEALTH enrollment sa mga kwalipikado nga BIBO beneficiaries sa tibuok lalawigan. Matud pa niya nga ang salapi hayan maka pa-enroll na ug 30 mil ka kabos nga pamilya nga sakop sa LANDO-BIBO alang karong tuiga. Matod pa ni Abitona nga ang maong gidaghanon, maoy labing pinakadako nga hayan mapailawom sa maong programa.

鉄ukad- masukad wala pay ingon ani nga labing dako ug daghan nga nakapahimulos sa programa sa lalawigan, matud pa ni Abitona. Ang maong opisyal nagkanayon nga ang maong duha ka programa ang gitambayayongan karon sa tibuok mga buhatan sa lalawigan. Matod pa niya nga ang 23 Milyon anaa karon sa implementasyon sa Provincial Planning and Development Office ug CDAU samtang ang health care assistance anaa usab sa mga kamot sa CDAU ug IPHO. Sa pikas bahin si Ms. Rosevic L. Ocampo, provincial planning and development officer ning lalawigan ang mibutyag usab nga anaa na sa finalization phase ang implementing guidelines sa Zanorte Livelihood Assistance Fund (ZNLAP).

展e are on the process of consolidating the suggestions, recommendations sa atong draft ZNLAP guidelines gikan sa atong mga cooperators, so that we can present the final draft to the governor for final approval and considerations, matud pa ni Lacaya. Matud pa niya nga kung mahuman na unya kini, ila na dayong ipahibawo ngadto sa mga katawhan ang pamaagi sa pag-avail sa livelihood program alang sa mga katawhan ning lalawigan. 鄭ng atong gobernador mimando sa mga opisyal sa kapitolyo nga unahon ang panginaubhi alang karong tuiga, it is a shift definitely in the priorities of the provincial government, ug kini gikalipay sa atong mga katawhan, matod pa sa maong opisyal.

Sa pikas bahin ang PHILHealth enrollment ang nagpadayon karon diha sa kabarangayan ilabi na sa mga BIBO chapters, nga diin sa dili madugay mo-epekto na ang mga benefits niini. Matud pa ni Joseph Rommel P. Pacilan, program coordinator sa Lando-BIBO sulod sa buhatan sa CDAU nga anaa na sa 80% karon ang pagpangandam sa ilang buhatan diha sa enrollment process. Dugang pa niya nga hayan sa dili madugay mapahimudsan na kini sa mokabat 30 mil ka pamilya nga sakop sa LANDO-BIBO program. (Southpoint, Vol.1No.7) 

 
 

Prov値 Veterinary Outreach sustinidong gilusad sa PROVET

Sustinidong gilusad sa Office of the Provincial Veterinarian ang veterinary outreach program sa kagam-hanang probinsyal ubos sa liderato ni Gobernador Rolando E. Yebes. Kini ang nahipus nga kasayuran gikan ni Ms. Celsa S. Gaya-pa, Information Officer ug kasamtangang Planning Officer sa maong buhatan. Niadtong usang adlaw, si Mr. Vicente 天ic Sanchez, Jr Hepe sa maong Buhatan ang mipadala sa iyang Veterinary Team didto sa Barangay Silawe, Lungsud sa Polanco aron paghatag ug libring veterinary services sanong sa hangyo ni Kapitan Arsenio Ramayla ngadto sa gobernador. Didto sa maong veterinary outreach, adunay 153 ka mga baka ug 101 ka mga kabaw ang napurga ug nahatagan ug bitamina.

Si Kapitan Arsenio Ramayla sa Silawe, Polanco (naggunit ug drenching gun) ug si PROVET Vicente 天ic Sanchez, Jr. (nagtalikod ug naggunit sa pisi sa kabaw) atol sa pagpamurga sa mga kabaw ug baka  didtong dapita niadtong Pebrero 15, 2008. (Photo courtesy: Joseph I. Jatico)

Sa ngalan sa iyang mga mag-uuma, si Kapitan Ramayla ang mitunol sa iyang dakong pasamat ngadto ni Gobernador Yebes sa iyang paghatag ug dakong pagtagad sa ilang hangyo aron mapurga ug mahatagan ug libring bitamina ang ilang mga kahayupan didtong dapita. Sumpay pa sa kapitan, karon pa siya sukad makakita ug gobernador nga iyang gihulagway nga usa ka廃ro-active kung ang interes na sa iyang mga katawahan ang hisgutan.

 

Sa laing bahin, gipahibalo usab ni Sanchez ang Barangay Council sa Silawe bahin sa mga programa pang-agrikultura nga ipatuman karong tuig sa kagamhanang probinsyal. Mihatag si Sanchez ug hamubo nga orientasyon ngadto sa maong konseho may kalabutan na sa programang PUNO-BUKID kon Punong sa Bukid diin iyang giawhag ang tanang kabarangayan sa lalawigan nga adunay tuburan sa tab-ang nga tubig sa maghimo ug mga punong aron kini ang mabubuan ug isdang Tilapia o African Hito sa Special Project Unit sa gobernador nga gidumala ni Sanchez. Sumpay pa ni Sanchez, kining maong programaha ang makahatag ug dugang about sa Barangay, dugang baratong pagkaong isda para sa mga katawhan, ug dugang trabaho. (Naian Bagatua, The New Nandau, Vol. XVII No.32)

*

 

Bisyo sa rugby nakamugna kawat ug prostitusyon sa Dipolog

Tungod kaha karon sa kaluag sa pagbantay sa mga ginikanan ug pagkontrolar sa bisyo sa mga anak niini bisan linghod pa ang pangidaron sa mga babayi makita na sa mga kahilayan ug mga lugar sa syudad nga kuyog sa barkada panahon sa halawom nang kagabhion. Kini ang naobserbahan ning pamantalaan human sa sunod-sunod nga pagkasikop sa mga menor de edad nga mga babayi nga nakit-an sa kapulisan ug mga myembro sa Team David ingon man City Social Welfare Development (CSWDO) nga naglibodsuroy panahon sa kadlawon.

Base sa record sa pulis blotter sa Dipolog PNP kaniadtong kadlawon sa Martes Pebrero 12, 2008 tulo ka mga dalagita itago sa pangalang Irish,15 ; Ping, 15; Jhai, 17 pulos residente sa Brgy. Olingan, gipang pick-up sa nagpatrolyang kapulisan sa dihang madakpan sa Team David ug CSWDO personnel nga nagpot session sa pagsimhot ug rugby didto sa ngiob sa likod nga bahin sa may stage sa Dipolog Boulevard. Ang maong mga dalagita nakuhaan sa usa ka botelya nga dunay sulod ug rugby nga maoy gipuli-pulihan pagsimhot nga gitohoang na-adik niini.Ang tulo ka mga batan-on gidala sa Dipolog Police Station para sa safe keeping.

Nonot niini laing tulo usab ka mga babayi menor de edad ang nadakpan didto sa imnanan sa Bagsakan ni Edad sa Brgy. Miputak, mga ala 1:50 sa kadlawon kaniadtong Pebrero 13. Ang mga personnel sa Team David ug CSWDO midala sa kapulisan sa tulo ka mga dalagita itago sa ngalan nga Mary Rose, 17 taga Barra; Love Jane,17 taga North Curvada Galas, ug Heart Margie, 17 taga Manukan. Ang tulo ka mga dalagita nakitan mga ala una pasado sa kadlawon nga nagpalagaylay sa usa ka imnanan sa Bagsakan ni Edad sa may dalang Tomas Claudio sa Brgy. Miputak diin ang tulo gidala sa buhatan sa kapulisan para sa safe keeping gumikan usab sa paglapas sa City Ordinance 02-159 series of 2002 o paglapas sa balaod sa curfew nga gipatuman sa suidad.

Angayang masayran nga namatikdan karon dinhi sa suidad sa Dipolog nga pipila na sa mga batanong babayi nahimo nang mga pick-up girls ug kasagaran niini nalambigit na sa prostitution samtang ang pipila niini anaa na nanarbaho sa mga night spots ning suidad nga gituhoan sa kapulisan nga kasagaran niini naghambin na ug mga sakit pinaagi sa sexually transmitted disease kun STD. Naobserbahan usab karon nga pipila sa mga batan-ong mga lalaki nga nalambigit sa pagsimhot ug rugby nga naglibodsuroy dinhi sa suidad panahon sa lawom nga kagabhion nahimo nang mga suspetsado sa akyat bahay sa pagkakaron. Subay niini gihangyo ang mga hingtungdang ahensya sa gobyerno sa dakbayan sa Dipolog sa paghimo sa dinaliang aksyon kalambigit niini aron malikayan ang dili maayong talan-awon dinhi sa Dipolog nga gikinahanglan ug igong aksyon sa kadagkuan sa dakbayan. (Southpoint, Vol.1No.7)

*

 

Tunguia miabante ug 5 votes sa judicial recount

Imbes usa ra ka boto ang labaw ni Carmelito 摘pok Tunguia batok sa iyang higpit nga kaatbang nga si Zosimo Laranjo sa ilang panagsangka pagka Barangay Kapitan sa Barangay Biniray sakop sa lungsod sa Katipunan, kini mi-abante na hinoon ug lima ka boto human gihimo ang Judicial Recount atubangan sa giduso nga election protest sa korte.

填sa raman unta ka boto ang akong gipangayo kay para daug raman ning ako, reaksiyon ni Tunguia sa dihang iyang nadawat ang desisyon sa korte nga nag-apirmar sa iyang proklamasyon isip maoy tinuod nga nakadaug pagka Barangay Kapitan sa Barangay Biniray sakop sa lungsod sa Katipunan sa miaging eleksiyon.

Si Tunguia milabaw lamang ug usa ka boto batok kang Laranjo. Ang protesta giduso ni Zosimo Laranjo sa pagtuo nga gilimbongan siya ni Tunguia sa nakalabay地g eleksiyon. Atol sa pre-trial niadtung Enero 11, 2008, nasabutan sa masigka habig nga ang desisyon magabasi lamang sa gikuwestion nga balota sumala sa Revision Committee Report. Ang Precint No. 22-A si Laranjo nakakuha ug 65 botos samtang si Tunguia nakakuha ug 74 botos, Precint 23-A si Laranjo nakakuha ug 53 botos samtang si Tunguia nakakuha lamang ug 35 botos. Sumada total, Laranjo 118 votes samtang kang Tunguia 109 votes.

Sa duha ka mga presinto adunay 16 ka mga balota ang contested nagpakita nga nagkatu-iris ang pagkasulat sa ngalan kay dili mao ang speeling samtang ang uban wala mabutang ang ngalan sa posisyon pagka Punong Barangay kay kini nasulat sa ibabaw samtang ang uban nasulat sa posisyon pagka Barangay Kagawad. Kadaghanan nga gi-inbalido sa BEI sa pag-ihap sa mga boto mao ang kang Tunguia kay ang nakasulat niini mao ang 摘NUK, OFOK, EPOL, CAPITANEPOK, EPOC, EPOK, IPOK diin kalabanan sa maong ngalan wala masulat tungod sa pagka Punong Barangay kay dunay nabutang sa ibabaw sa balota samtang ang uban naa nasulat sa duol sa linya pagka Barangay Kagawad apan blangko ang pagka Kapitan.

Sumala sa ruling sa korte, ang tanang nahisgutang pangalan bisan wala matukma sa insaktong lugar ug sayop ang spelling adto mapunta ang ihap sa kang Tunguia. Sa 16 contested ballots, usa lamang napunta sa kang Laranjo diin ang iyang ngalan 纏OSIMO nakasulat sa permerong linya pagka Kagawad ug blangko ang pagka Punong Barangay. Sumala sa Section 211 sa Omnibus Election Code, dili mahimong ihiklin or 喪eject ang matag balota bisan kon dunay namatikdan nga sayop ang pagkasulat gawas kon dunay husto ug maayong rason para kini ideklarar nga inbalido.

Bisan kon ang apilyedo o angga sa kandidato ang nakasulat, ang boto sa maong kandidato balido, gawas kon dunay susamang angga o apilyedo nga milansar sa susamang posisyon. Bisan kon sayop ang spelling apan kon sa pagbasa, mao-mao ra sa pagdungog 都ound similar ang balota balido sa maong kandidato. Sumala sa pagtuon sa hukmanan sa sertipiko de kandidatura sa duruha ka mga kandidato nagpakita nga si ZOSIMO LARANJO ilado sa angga nga 哲ONOY samtang si CARMELITO TUNGUIA ilado sa angga nga 摘POK.

撤ursuant to the intent rule and the idem sonam rule all the writings which contain EPOK, epok, INUK all refer to the candidate CARMELITO TUNGUIA, hence must be appreciated in favor of the protestee. On the other hand the word ZOSIMO and Nonoy are also appreciated in favor of protestant.

Section 211, par. 7, which provides that:

    A name or surname incorrectly written which, when read, has a sound similar to the name or surname of a candidate when correctly written shall be counted in his favor.

Gipasabot sa hukmanan kon nalayo pa ang ngalan nga nakasulat sa posisyon nga iyang gilansaran, ang neighborhood rule dili mo-apply kay ang botante walay interes nga moboto sa maong kandidato, gawas kon ang ngalan sa kandidato nakabutang duol lamang sa posisyon nga iyang gilansaran. Tungod niini, sa desisyon nga gipakanaug ni Acting Presiding Judge Ric S. Bastasa, 5th MCTC, Katipunan-Sergio Osmea, Sr., kinsi ka boto pabor kang Tunguia samtang usa ka boto nakuha ni Laranjo. Ang maong labaw naangkon ni Tunguia nga dunay total votes (15 + 109 = 124) samtang kang Laranjo nakakuha ug total votes nga (118 + 1 = 119).

Sa maong computation sa resulta, si Tunguia midaug ug milabaw ug lima ka boto. Kabahin sa damages ug attorney痴 fees nga gipangayo ni Tunguia, ang korte wala mitugot niini kay walay ebidensiya nga makapamatuod nga ang masigka habig dunay dautang intensiyon. 典he victorious party in an election case cannot be indemnified for expenses which he has incurred in an election contest in the absence of a wrongful act or omission or breach of obligation clearly attributable to the losing party. If any damage had been suffered, the damage may be equivalent to damnum absque injuria, which is damage without injury, or damage or injury inflicted without injustice, or loss or damage without violation of a legal right, or a wrong done to a man for which the provides no remedy, panapos nga desisyon ni Judge Bastasa. (The New Nandau, Vol. XVII No.32)

*

 

Panagbangi sa politika sa Dipolog vs. probinsya angay ng maresolbar 砲heng

Tungod ug alang sa kaayuhan sa mga katawhan sa probinsiya ug sa dakbayan sa Dipolog angayang maresolbar na sa madaling panahon ang panagbangi tali sa mga kadagku-an sa Probinsiya ug sa dakbayan sa Dipolog.

Kini ang nahimong reaksiyon ni kanhi Vice mayor ug Mayor Engr. Edilburgo Bebs Cheng ning dakbayan sa Dipolog kalabot na sa wala pa gihapon pag-isyu sa dakbayan sa Dipolog kalabot na sa Occupancy Permit nga mao na lang ang gikinahanglan sa Contructor  sa  Zanorte Medical Center aron ikatugyan na kini sa pangagamhanan sa Zanorte para sa hingpit niining pag-operate.

Matud pa sa kanhi opisyal sa dakbayan sulod sa taas nga panahon nga ang pagresolbar lamang sa tagsa-tagsa ka baruganan tali sa Probinsiya ug dakbayan ang makasulbad sa bikil para sa maayong serbisyo sa katawhan.

典ungod ug alang sa kaayuhan sa mga katawhan sa probinsiya ug sa dakbayan sa Dipolog angayang maresolbar na sa madaling panahon ang panagbangi tali sa mga kadagku-an sa Probinsiya ug sa dakbayan sa Dipolog, reaksiyon ni kanhi Vice mayor, Engr. Edilburgo Bebs Cheng ning dakbayan sa Dipolog kalabot na sa wala pa gihapon pag-isyu sa dakbayan sa Dipolog kalabot na sa Occupancy Permit.

Iyang gipasabot nga kung unsa man ang angayang himoon para sa kaayuhan sa mga katawhan mas maayong resolbahon na lamang ang tanang butang nga nakabangi karon sa probinsiya ug dakbayan. Kahinumduman nga igo lamang sa pag-usik usik ug panahon ang gihimo sa siyudad nga nag-question kunohay sa istabilidad sa Sewerage Treatment Plant kay aduna pa silay gustong masayran kalabot niini. Apan sa dihang gitag-sa tagsa ug hagpat sa consultant sa STP aron ipasabot sa city inspectorate team ang  buot nilang masayran nahimong kawang lamang tungod kay wala man gihapon mohatag sa gikinahanglang occupancy permit ang dakbayan sa Dipolog.

Imbis nga mohatag na sa maong dokumento ang Dipolog human nila gi-angkon sa city inspectorate team nga nakontinto sila sa nahimong explanation sa consultant mahitungod sa STP apan mipatawag naman hinoon kini ug usa ka walay klarong press conference aron lamang daoton ug bi-ay bi-ayon ang STP sa Zanorte Medical Center. Sa maong kahimtang klaro kaayo nga buot ibarter sa siyudad ang occupancy permit para sa gratuetos permit para sa ilang paghakot sa graba ug balas human sila gidid-an na sa paghakot sa minerales sa Layawan River human usab kini gipailawom sa moratorium sa Probinisya ug sa DENR regional office sa rason nga nagusbat na pag-ayo ang parte sa suba nga gi-quarihan sa dakbayan.

Mihatag ug laing dapit ang probinsiya ngadto sa siyudad para maoy ilang  kuhaan sa balas ug graba kini mao ang duha ka irrigation dumps sa NIA Nation Irrigation administration apan ang Dipolog daw sa walay korsunada nga mohikay sa mga gikinahanglang dokumento para masuggdan na ang paghakot sa graba ug balas sa naasoy地g duha ka mga irrigation dumps sa NIA. Ning puntoha si kanhi Vice mayor ug kanhi mayor Cheng mibutyag nga angayang resolbahon na lamang ang maong problima para sa kaayuhan sa mga katawhan sa dakbayan ug lalawigan. (Southpoint, Vol.1No.7)

*

 
CONG. DODOY LABADLABAD, FFCCCII UG DPWH 1st ENGINEERING DISTRICT DINHI
MIPERMA KASABUTAN ALANG SA PAGTUKOD DUGANG MGA LAWAK TUNGHAAN

Aduna na karoy kasiguru-an nga bisan pa man sa kanihit sa pundo sa gobyerno, apan makabaton pa gihapon ug dugang mga lawak tunghaan ang ikaduhang distrito dinhi sa Zamboanga del Norte. Kini human miperma sa usa ka kasabutan si Cong. Rosendo 船odoy S. Labadlabad ug si Mr. John K. Tan president sa Federation of Filipino-Chinese Chambers of Commerce & Industries, Inc. ni-adtong Hwebes sa hapon didto sa kaulohan uban sa 1st Engineering District sa Department of Public Works & Highways.

Ang pagpirma sa kasa-butan gipahigayon ni-adtong Pebrero 13 sa Century Park. Ilawom sa maong kasabutan ang FFCCCII ilawom sa 徹peration Barrio Schools niini mopagawas ug pundo nga mobalor ug tag 450,000.00 pesos sa matag duha ka lawak saringan edipisyo. Samtang sa iyang kabahin, ang kauban sa kauswagan nga si Cong. Dodoy Labadlabad mobutang usab sa kinatibukang kantidad nga kwatro punto singko milyones ka pesos alang sa pagtukod sa dugang tunghaan. Ang maong kantidad nahisulod sa Special Allotment Release Order (SARO) No. A-07-09979 nga penitsahan ug Disyembre 28, 2007 gikan sa Department of Budget and Management. Kini isip abag nga salapi sa pagpatuman sa programa sa FFCCCII. Makapahimulos sa kasabutan mao ang napulo ka tunghaang elementary ug segundarya sud dinhi sa Segundo Distrito.

Samtang sa iyang kabahin ang DPWH 1st Engineering District, pinanguluhan ni District Engr. Arturo O. Miao gitahasan sa pagmugna sa usa ka project monitoring team nga maoy mosubay sa agi sa trabaho ug sa technical supervision sa pagpatuman sa maong mga proyekto nga ginganlan na karon ug 鼎ONG. ROSENDO 船ODOY S. LABADLABAD FFCCCII SCHOOL BUILDING PROJECT.

Angayang kahibaw-an nga usa sa mga suliran nga gitutukan ni Cong. Dodoy Labadlabad mao ang kakuwang sa mga lawak tunghaan ug mga magtutudlo sud sa iyang distrito. Kini tungod kay nagtuo man siya nga ang pagkab-ut sa edukasyon maoy usa sa mga paagi nga mahaw-as ang usa ka tawo gikan sa kalisud. Gawas niini mipatuman usab kini sa nagkada-iyang scholarship program aron kahatagan ug kahigayunan ang kabus apan lantip ug ka-isipan nga kabataan nga makakab-ut sa edukasyon aron mahimong tulay sa pagpanarbaho, ilabi na sa gawas sa nasud. (Ting Carreon, The New Nandau, Vol. XVII No.32)

 
 

 HULAGWAY BALITA

 

 
 
 

 

*

 

Sa Dapitan
52 gibasbasan sa Valentine痴 Day mass wedding ceremony

鉄a kapit-os inyong isil-sil sa inyong hunahuna nga ang kaminyuon dili tanan hudyaka ug kalipay, bagad sa kinabuhi nga luyo sa kalipay anaa ang kasakit sa atong mga katawa,  anaa usab ang luha sa kalinaw, anaa usab ang unos sa kinabuhi sa tawo .  Mao kini ang gipalanog nga mensahe ni Mayor Dominador Jalosjos Jr, atul sa gipahigayon nga Free Mass Wedding nga gipasiugdahan sa kagamhanang lokal sa dakbayan sa Dapitan didto sa  Multipurpose Cultural and Sports Center sa naasoy地g dakbayan, niadtong Miyerkules, Pebrero 14 kon atul sa 疎dlaw sa gugma.

Si Mayor Jun Jalosjos mipabati sa iyang mensahi ngadto sa 52 ka mga paresan sa nagkalain-laing barangay sa Dapitan ug libre lamang kini nga gitunol sa kagamahanan sa dakbayan nga nagatumong aron ang mga managtiayon mamahimong legal ang ilang panagtipon. Dugang pagbutyag sa mayor alang sa mga bag-ong kinasal nga i-andam ang tagsa tagsa ka mga kaugalingon nga kon moabot kining mga pagsulay sa kalig-on sa inyong kaminyuon, inyong masalikway pinaagi sa bug-os nga pagsinabtanay ug pagtuo nga ang kaminyuon lalang sa kahitas-an ug walay tawo nga makabungkag niini.  Labot pa nga kining tahas dili lang kay paningkamot sa bana kon dili paningkamot usab sa asawa tungod kay ang kaminyuon usa ka panumpa nga angay tamdam ug ampingan sa bana ug asawa nga dili mabangga sa kapakyasan.  Gawas ni Mayor Jun Jalosjos mipabati usab og mensahi si City Vice-Mayor Patri 笛ing Chan.

Si Mayor Jun Jalosjos maoy mihimo sa seremonyas ug gisaksihan usab kini ni Judge Jose Rene Dondoyano ug sa mga kadagkuang opisyales sa kagamhanang lokal sa dakbayan.  Human sa maong seremonyas adunay gihimong panagsalo-salo sa mga bag-ong kinasal ug nakadawat usab kini sila og mga souvenir items. Aligre gayud ang maong kalihukan gumikan kay adunay gihimong one minute kiss sa mga bag-ong managtiayon timaan sa ilang sensiro ug tiunay ang ilang panagtipon sa matag-usa.  Dugang pa niini, ang mga miyembro usab sa Shrine City Executive Band ug ang Shrine Seven Dance Crew mihatag usab kinig paglingaw ngadto sa mga bag-ong kinasal.

Gikahibaluan nga ang naasoy地g Free Mass Wedding ikatulo na kini gihimo sa dakbayan pinaagi na usab sa buhatan sa Torismo sa pagpangulo ni Konsehala Apple Marie Agolong. Sa panapos nga mensahi ni Mayor Jalosjos iyang gipanghinaut sa mga bag-ong kinasal nga sa matag luha nga mitulo kini makapalig-on sa inyong pagminahalay ug sa matag pagsulay kini makapahinumdum kaninyo sa inyong gipanumpaan sa seremonyas sa walay kinutuban nga paghigugma sa inyong kapikas luyo sa kasakit ug kalipay sa kalisud ug kaharuhay, sa kalinaw ug sa unos.  Kay walay gahum sa tawo nga makabungkag niadtong gihiusa sa Dios.

Subay usab niini mipabati ang mga bag-ong kinasal sa ilang dakung pagpasalamat ngadto sa kagamhanang lokal sa Dapitan ubos sa kasamtangang administrasyon ni Mayor Jun Jalosjos tungod kay legal na gayud ang ilang panagtipon.  (PEDMARC, Southpoint, Vol.1No.7)

Salug
Carnapper arestado!

Wala makaipsot sa mga kamot sa kapolisan sa lungsod sa Salug ning lalawigan ang usa ka 18 anyos nga lalaki kinsa nga nag-atubang sa kasong Carnapping, karong bag-uhay pa lang. Ang maong giaresto giila sa pangalang Gaudioso Impis, ulitawo nga nagpuyo sa may Barangay Dipolod sakop sa naasoy地g lungsod.

Si Impis nag-atubang kini sa kasong carnapping nga nagdala sa criminal case numero 3980 diin ang maong warrant of arrest, ang giisyu kini ni Honorable Judge Ruben Maraon sa RTC Branch 24, Ipil, Zamboanga Sibugay.

Ang misikop sa suspetsado mao ang mga elemento sa Salug PNP ubos sa pagpangulo ni Police Inspector Jonathan Yabo.  Dugang pa sa report, ang suspetsadong si Impis girekomendahan kini sa korte og piyansa nga nagkantidad sa 180 mil ka pesos alang na sa iyang temporaryong kagawasan.  Apan, napakyas kini sa pagbutang sa maong piyansa hinungdan nga kasamtangan pa kining gitanggong sa bilangguan ang maong suspetsado didto na sa Salug Municipal Police Station alang na sa tukmang disposasyon.  (PEDMARC, Southpoint, Vol.1No.7)

*

 

Pulso Sa Katilingban
Cicer M. Binghay
Mga pasunding ug pasundayag!!!

Ning tuig 2008 ang Senado 都tarring sa 菟utting tabil tal imbestigasyon.  Kargado sa mga aktor karon, ang mga bag-ong nahadugang bag-ong nangapili senadores, nga asgot sa 疎cting. Mga 壮tar actors nga nahimong kontrobersiya, mao si Engr. Rodolfo Lozada, Jr. ang 壮ilent protagonist sa kalihokan ni kanhi NEDA Sekretaryo Romulo Neri nga karon namunoan sa CHED,.  Ang ulohan sa dula sa entablado sa senado mao ang 纏TE Broadband Scam Deal, nga milambigit kang kanhi COMELEC Chairman Abalos, 1st gentleman Mike Arroyo, kapikas ni PGMA ug daghan pa uyamot.

Kining gihinganlan nakog 電ula putting tabil sa pulos imbestigasyon maoy nasodnon ug kalibotanong kontrobersiya.  Usa ka pasonding ug pasondayag nga gitapok-an paglantaw sa mayoriyang katawhan.  Laing 兎xplosibong dula sa entablado nga makahatag katagbawan. Sa duha ka sunod-sunod ka mga adlaw pagsukit-okit kang Engr. Lozada, nahadugang ang daghang mga kaha anomaliya nahisgotan sama sa pagtukod sa South Rails ug North Rails.  Mga binilyon pesos kantidad sa mga prohekto nga lapaw sa tuhod ang gituhoang naiyawat commission ug facilitating fees.  Mao gihapon ang 壮tar actor ang mipahayag niining tanan, ang adviser ni NEDA Secretary Romulo Neri.

Ingon sa dili kita niini makatuo paglambigit ni Neri, Abalos ug uban pa nabutyag ni Joey D. Venecia pagka 填nang star actor sa NBN scam maoy nakapasoko sa Malakanyang nga diha diha namugna ang kalihokan sa pagpalagpot kang JDV. Sa maong kalihokan pagpalagpot ni JDV milutaw ang labing tinuod unsa ka gamhanan ang Malakanyang nga diha-diha kapin pa sa 174 ka mga kongresista ang kaanib niya 妬nstantly nga matawag aron pabuhaton sa iyang gusto. Mga kongresista, bag-o ug mga karaang kansiyon, mga 壮ilent night mataral bisan asa ug sa bisan unsa kay ginawngan sa ilong.  Matod pa ni kanhi Pres. Corazon Aquino:  典he good we do in is never loss.  Some of it remains, if not in material goods, then in deeper experience, a more practiced hand, and a spirit made stronger by that which failed to break it-stronger to meet greater challenges ahead.  One trouble with the world is that so many people who stand up vigorously for their rights fall down miserable on their duties.  Matud pa ni Mother Teresa: 泥uty is a very personal thing.  It is what comes from knowing the need to take action and not just a need to urge others to do something.

Matod pa sa hisgot sa Malakanyang ang Senado nagpasanting na usab laing 堵randstanding pasonding ug pasondayag sa katawhan.  Sama sa naandang mga salida sa putting tabil  o sinehan, 兎ntertainment permaninti tanan.  Sama sa mga actor sa entablado si Atty. Joey De. Venecia ug Engr. Rodolfo Lozada Jr. gihimo lamang sa mag senadores mga kenkoy-kenkoy sa publiko.  Sila pulos mibulgar sa mga butang nga walay ikapakitang mga 租ocumentation papeles ebidensiya suportar sa ilang minugna nga 壮cript.

Mao baya, walay makalalis nga tanang mga 壮ensational napasundayag sa Senado sukad walay mga resulta.  Mao kini ang daghang reklamo sa katawhan.  Nga ang tanan igo lang gipakita ang pagka 僧agnificent, splended, superb, glorious, noble, sublime lofty, imperial, palatial, royal, luzurious, fancy ug uban pa nga natala sa Rogets Thesaurus pag pang 組randstanding.  Unya gikan kanhiay hantod karon igo lang ang tanan gipabuto nga hungaw, kay pagkatiod-tiod mahikalimtan ug mahanaw.  Mao lagi, husto ang gibaniog nga ang gihimo sa mga senadores niining entertaining blue ribbon committee paghimog 壮tar witness o star actor kang Lozada butyag sa ilang dakong tinguha nga mokandidato pagka presidenti 祖ome 2010 elections. (Press Freedom, Vol. XX No. 18)

 
Credits: Press Freedom is published every Saturday and entered as 3rd class mail matter in Dipolog City. Printed by Young Printing Press with Editorial Office located at Upper Turno, Dipolog City. Tel. No. (065) 212-4343 or 212-6665

*

MORE NEWS NGA BINISAYA

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON