February 17, 2009

 

Commercial land gibalhin ug residential aron gamay ra ang mabayran nga buhis
ANOMALOSONG TRANSAKSIYON SA CITY ASSESSOR NABULGAR SA BIR

Naboking karon ang anoma-losong transaksiyon sa pipila ka mga empleyado sa City Asse-ssor ning dakbayan sa Dipolog sa dihang nasubay sa BIR nga ang commercial land giusob ang record ug gibalhin sa residential aron gamay ra ang mabayad nga buhis sa hingtungdang tag-iya.

Gibutyag ni Jean Bitancor, City Assessor ning dakbayan sa Dipolog nga ang tanang dokumento nga dunay kalabotan sa gikaalegar nga anomalosong transaksyon nga gihimo sa iyang mga sakop nga nasakpan karong bag-o ni Cresencio Agad, pangulo sa Provincial Office Buro sa Rentas Internas kung BIR ang iya nang nasubmitir ngadto kang Mayor Evelyn Uy alang sa pagahimoong tukmang legal nga aksiyon.

Nahilakip sa maong doku-mento, matod pa ni Bitancor mao ang eksplikasyon sa duha ka mga ranking ug regular nga mga empleyado sa iyang buhatan nga adunay hustong access sa ilang mga records, tungod kay iya nang gipiyalan o gisaligan.

Gibutyag ni Jean Bitancor, City Assessor ning dakbayan sa Dipolog nga ang tanang dokumento nga dunay kalabotan sa gikaalegar nga anomalosong transaksyon nga gihimo sa iyang mga sakop nga nasakpan karong bag-o ni Cresencio Agad, pangulo sa Provincial Office Buro sa Rentas Internas kung BIR ang iya nang nasubmitir ngadto kang Mayor Evelyn Uy alang sa pagahimoong tukmang legal nga aksiyon.

Ang ngalan sa duha, wala pa usab hinoon ibutyag ni Bitancor samtang padayon pang pagahimoon ang imbestigasyon batok kanila sa mga sakop sa task force nga matod pa gimugna karong bag-o ni Mayor Evelyn Uy aron mopa-higayon sa nasangpit nga imbestigasyon.

Ang nasangpit nga task force, matod pa ni Mayor Uy, panguluhan ni Rose-marie Miranda, ang City Civil Registrar ug maoy chairman sa preliminary investigation committee.

Sa dihang gipangutana kung duna na siya’y gidusong rekomendasyon kung unsay angayan nga himoon sa duha, si Bitancor ang mitubag nga nag-dipende na kana kung unsay mahimong linogdangan sa ipahigayon nga im-bestigasyon.

Gipaniguro hinoon sa City Assessor Officer nga sa pagkakaron iya nang gihukasan ug katungod ang duha ka mga ranking employees sa iyang buhatan nga makahilabot o maka access sa ilang mga records aron nga dili na mahitabo ang maong susamang daotang kalihukan.

Nahibaw-an nga ang maong anomalosong transaksyon naglambigit sa pag usab sa mga entries sa tax declaration nga gikan sa pagka commercial ang hingtungdang luna sa yuta, gihimo na lamang residential aron tingali maminosan ang bayranan sa buhis.

Sa iyang kabahin, si Miranda ang chairman sa task force ang mipahayag nga iya pang gipaabot ang gikahisgutang mga doku-mento gikan sa buhatan sa mayor aron iyang kahimuan sa makuting pagtuon.

Si Miranda nga maoy pangulo sa Preliminary Investigating Committee, ang komitiba nga gitahasan sa pag-imbestigar sa mga anomalosong kalapasan o violations nga mahimo ni bisan kinsang empleyado sa city government ang mingtaho nga tapos niya maton-e ang gikahisgutang mga dokumento mahimo nga kini iyang iduso ngadto sa city legal officer kung duna siya’y makit-an nga prima facie evidence batok sa mga gipangtumbok nga suspetsado.

Hangtod niining pagba-lita wala pa hinoon mahi-baw-e kung unsay aksyon nga gihimo ni Mayor Uy sa mga dokumento nga anaa na sa iyang paghupot aron maresolbar ang gikaalegar nga anomalosong transaks-yones nga gihimo sa City Assessors Office ning dakbayan sa Dipolog. (Mar Uy) (The New Nandau, Vol. XVIII No.29)

*

 

Hudyaka ZaNorte Festival adto ipahigayon sa Dapitan

Dako ang posibilidad nga adto ipahigayon ang Hudyaka ZaNorte Festival sa dakbayan sa Dapitan. Kini ang gibutyag ni Atty. Ivan Patrick Ang, Provincial Tourism Officer sa ZaNorte sa interview ning pamantalaan atubangan sa unang gikahugon-hugon nga kini adto na usab sa Dapitan.

Matud ni Atty. Ang, duna nay verbal proposition tali ni Vice Mayor Patric Jing Chan nga adto sa dakbayan sa Dapitan pagahimoon ang Hudyaka Festival karong tuiga. Kini ilang unang nasabutan human sa usa ka panagtagbo nga gihimo sa mga membro sa Provincial Tourism Council.

Karong bag-o, ang provincial tourism council ang mipadala na ug resolution favorable endorsement ngadto kang Governor Rolando Yebes nga ang konseho mosuporta sa proposal sa Dapitan. Sumala pa ni Ang, formal request nalang ang gihulat gikan sa kagamhanang lokal sa Dapitan ug written recommendation gikan sa PTC ug iya na sa gobernador ang penal nga desisyon.

Dako ang posibilidad nga adto ipahigayon ang Hudyaka ZaNorte Festival sa dakbayan sa Dapitan.

Gipahayag sa provincial tourism officer nga nagka-estorya na sila sa gobernador ug duna na’y instruction nga kini ilang ma-incorporate sa proposal sa Dapitan.

“Commitment naman god na sa probinsya nga ang Hudyaka i-rotate sa mga munisipyo. Nakita nako sa gobernador nga he is also equaly enthusiastic and happy nga naay LGU nga nitindog aggresively nga mo host sa pinakadako nga festival dinhi sa probinsya,” nagkanayon pa si Atty. Ang.

Usa sa ilang gipangayo nga kondisyon ang ‘sharing’ sa gasto, lugar nga kapahimutangan sa Hudyaka area, hotel accomodation ug transportasyon.

Kon makapasalig ang Dapitan sa maong gihatag nilang kondisyon, mahinayon gayud nga adto sa maong siyudad ang Hudyaka karong tuiga.

Matud ni Ang iya nang nasubay ang Jose Rizal Memorial State College, “the area is good, in fact is bigger than our sport complex but ang ground gikinahanglan pa ug dakong preparasyon. Ug ilang mapatag ug mapalimpyo nga dili malapok I think it would be a perfect venue for Hudyaka. (Press Freedom, Vol. XXI No.16)

*

 

3 ambulansiya gidonar sa OISCA nadawat sa ZaNorte

LAING mga modernong ambulansiya ang nadawat na usab karon sa kagamhanang probinsyal sa Zamboanga del Norte.

Ning semanaha gihimo ang pormal nga turn-over sa tulo ka mga modernong ambulansiya nga gi-donar sa OISCA International nga sila si Hon. Kouhei Suzuki, Mayor of Toyota City, Mr. Yasuyuki Mitsuoka, OISCA Toyota Branch Chairman ug Mr. Takuo Mukainaka, Manager of Fire Department of Toyota City.

Kini ang gitugyan pinaagi sa OISCA Mindanao Director nga si Hiroshi Ikeda uban sa iyang kapikas ug malipayong gidawat sa mga kadagkuan sa probinsiya ug sa Zanorte Medical Center pinaagi ni Governor Rolando Yebes.

Ang tulo ka mga ambulansiya nagbaton kini ug mga modernong kahimanan nga mahimong maka-opera ug pasyente nga nagkinahanglan ug dinalian nga pagtagad.

Sa maong kalambuan, malipayon nga gipadayag ni Governor  Yebes ang iyang dakong pagpasalamat  sa OISCA-International pinaagi ni Mr. Ikeda ug sa iyang kapikas sa suporta nga gilugway niini alang sa kaayohan sa Zamboanga del Norte ilabina sa operasyon sa Zanorte Medical Center.


Gihimo ang pormal nga turn-over sa tulo ka mga modernong ambulansiya nga gi-donar sa OISCA International nga sila si Hon. Kouhei Suzuki, Mayor of Toyota City, Mr. Yasuyuki Mitsuoka, OISCA Toyota Branch Chairman ug Mr. Takuo Mukainaka, Manager of Fire Department of Toyota City.Kini ang gitugyan pinaagi sa OISCA Mindanao Director nga si Hiroshi Ikeda uban sa iyang kapikas ug malipayong gidawat sa mga kadagkuan sa probinsiya ug sa Zanorte Medical Center pinaagi ni Governor Rolando Yebes.

Nagpasabot lamang kini nga walay political boundary tali sa mga Japanese ug sa mga Zanortehanon nga diin taud-taud nang milugway dinhi sa ilang tabang ang grupo nila ni Ikeda.

Gipasabot  sa gobernador nga ang maong tulo ka ambulansiya anha kini ipahimutang sa mga lungsod sa Liloy, Sindangan ug Sergio Osmena. Iyang giklaro nga usa ka milyon ka pesos lang ang nagasto sa probinsiya sa maong tulo ka mga modernong ambu-lansiya nga naglangkub sa mga balayrunon pagdala niini gikan sa nasud sa Japan paingon dinhi sa atong lalawigan.

Gipahayag usab ni Mr. Ikeda nga magpabilin ang ilang pagtabang dinhi sa Zamboanga del Norte tungod sa iyang  gugma alang sa atong lalawigan. Gani nagpadayon karon ang ilang tree planting programa aron mahibalik ang mga kakahuyan sa atong kabukiran sama sa ilang gihimo sa barangay Diwan ning atong dakbayan sa Dipolog. Kini ang nana-wagan alang sa panaghi-usa para sa kaayohan sa atong probinsiya.

Malaumon si Governor Yebes sa dugang suporta nga ihatag sa OISCA sa operasyon sa Zanorte Medical Center  diha na sa pagbaton ug kahimanan ilabina ang kapundohan sa dugo nga i-abuno sa mga pasyente sa maong tambalanan.

 Plano usab karon sa gobernador nga ma tagsa-an ang tanang mga lungsod sa zanorte ug ambulansiya. Sa karon aduna nay pasi-unang lakang nga nahisgutan sila si Governor Yebes ug sa mga kadagkuan sa PCSO alang sa pag-donar ug 27 ka mga ambulansiya. Ang PCSO ang nagkinahanglan lamang kini ug counterpart nga 400 mil pesos sa matag unit sa ambulansiya nga diin kung kini ang paliton mokabat sa 1.2 milyon pesos ang matag usa.

Gawas sa ambulansiya nga gidonar sa OISCA, mihatag usab kini ug fire truck alang sa dakbayan sa Dapitan. (Joel Ello) (The New Nandau, Vol. XVIII No.29)

*

 
Milo marathon malamposon

Nahimong masadya ang pagpahigayon sa “33rd National Milo Marathon” dinhi sa dakbayan niadtong Pebrero 8, 2009.

Ang maong kalihokan gisugdan didto sa Dipolog Boulevard, diin didto usab kini gitapos ug sigun sa nahimong obserbasyon nga kapin sa kwatro mil ka mga partisipantes ang misalmot nga naga-suot sa T-shirt gikan sa MILO.

Dugang nasayran nga ang nasangpit nga kalihokan ang gisalmotan sa mga kabataan ug dagko gikan sa nagkalain-laing sector sa katilingban diin ang Saint Vincent’s College ang nagbaton sa mokabat 471 ka mga partisipantes, Andres Bonifacio College-307 ka mga partisipantes, ug Galas national High School nga nagbaton usab ug 220 ka partisipantes.

Nahimong masadya ang pagpahigayon sa “33rd National Milo Marathon” dinhi sa dakbayan niadtong Pebrero 8, 2009.

Ang mga nahimong mananaug sa maong lumba sa dagan ang gilangkoban nila ni Jerome Suelto (male group) ug Argie Jebone (female group) alang sa 3kilometers race diin ang mga kabataang misalmot ang nagpangidaron gikan sa 7 ngadto sa 12 anyos. Sam-tang sila si Joy Delos Santos (male group) ug Julie Ca-dion (female group) alang usab sa 5 kilometers race.

Samtang nahimo usab nga mga mananaug si;la si Mateo Jasma, nga mire-histro ug oras nga 4 minutos ug 26 segundos (male group) ug Cresabel Cadion, sa oras nga 4 minutos ug 26 segundos (female group) alang sa 10k race ug alang sa 21k race ang migulang mananaug mao sila si Raul Lamprea, nga nagbaton sa oras nga 3 minutos ug 35 segundos (male group) ug Grace delos Santos (female group) nga nakakuha sa oras nga 4 minutos ug 19 segundos.

Ang mga paghatag sa awards ang gitunol mismo ni City Mayor Evelyn T. Uy uban sa pag –abag sa mga personahe gikan sa MILO.

Matud pa ni Mr. Virgilio Yu ang race organizer dinhi sa dakbayan nga kining maong kalihokan ang tinuig nga ipahigayon sa MILO uban sa tumong nga gawas sa pag ehersisyo mag-dis-kobre usab kini sa talag-saong mga talento sa atong pipila ka mga kaigsoonan kinsa nagbaton ug hilig dinha sa natad sa sports. (CIO)

*

 

Balita pang-turismo angay isabwag sa publiko ug dili ang kanunay’ng kaguliyang
madungog sa mga katawhan –DOT reg’l director

Ang mga maayong balita sa pangkalamboan ilabi na sa turismo ilakip usab nga isabwag sa publiko ug dili lamang ang nahitabong kagubot ug kaguliyang maoy madungog sa mga katawhan. Kini maoy hangyo nga gipabate ni Regional Director Eldridge Adraincem sa Department of Tourism, regional office IX ngadto sa mga sakop sa media dinhi sa atong dapit atubangan sa iyang laraw nga mopahigayon ug responsible media on tourism summit nga paga-apilan sa mga active media practitioner dinhi sa rehiyon nuybe.

Matud pa ni Director Adraincem, ang media tourism summit iyang himoon aron hangyoon ang mga sakop sa prensa nga kon mahimo, ilangkob sa mga balita ang kabahin sa mga kalamboan sa usa ka lugar ilabi na ang mga tourism spot nga angayan mahibaw-an ug masayran sa mga katawnhan. Apan usa sa iyang concernd ang mahitungod sa mogawas nga balita nga maghisgot ug usa ka lugar bisan kon dili sa maong dapit nahitabo ang kagubot.

Iyang gihimong ehimplo ang Zamboanga City nga kanunay mabansiwag sa mga nasudnong pamantalaan ug mogawas sa mga balita sa telivision nga bisan kon ang nahitabo didto sa Jolo ug Basilan. Sama sa nahitabong pagpangdagit sa tulo ka mga membro sa International Community Red Cross ug sa mga magtutudlo nga nahitabo sa Basilan apan ang mabansiwag sa balita ang Zamboanga diin nakabase ang mga tigbalita.

Alang kang Regional Director Adraincem, maka-apektar kini sa tourism industry dinhi sa atong dapit ug lakip sa maapektahan ang mga probinsya sa rehiyon nuybe ilabi na ang Zamboanga del Norte.

Una nang gireklamo sa mga kadagkoan sa probinsya kabahin sa pag-ila sa taga ulohang Manila nga ang Zamboanga del Norte gubot kay daghang MILF ug Abu Sayyaf. Kini gumikan kay kanunay magamit ang pangalan nga Zamboanga.

Si Adraincem miawhag sa mga lokal media nga kon mahimo, kon mohatag kini ug balita ipaklaro kon asa dapit sa Zamboanga ang nahitabong kaguliyang ug dili kay i-general ang pagamit sa usa ka dapit aron dili maapektahan ang turism industry.

Maoy gilaraw karon sa batan-ong regional director sa Department of Tourism nga iyang pakusgan ug palamboon pag-ayo ang turismo dinhi sa rehiyon nuybe tungod kay sa iyang paghulip sa katungdanan, maoy iyang nakita nga nawala kita sa mapa kon sa turismo ang hisgutan gumikan kay nagkulang kini sa pag-promote bisan kon anaa dinhi sa atong dapit ang maanindot nga paraiso nga suroyan sa atong mga lokal ug langyaw’ng turista. (Press Freedom, Vol. XXI No.16)

 
 

“Nganong CDAU ra man maoy maka-rekomendar”
Mejorada ordinance gikuwestion

Gusto sa ubang membro sa Sangguniang Panlalawigan nga wad-on ang CDAU sa ordinansa nga gipangamahanan ni Board Member Uldarico “Ricky” Mejorada II.

Kini ang mainit nga diskusyon atol sa regular session sa hunta probinsyal kalabot sa ordinansa nga gipangamahanan ni Board Member Mejorada nga naghatag ug libreng pagpatambal sa mga kabus nga pasyenti diha sa gobiyernong tambalanan diin ang CDAU lamang maoy makarekomendar.

Gikuwestion sa ubang mga bokal kon ngano nga sa rekomendasyon para sa libreng hospitalisasyon sa kabus nga pasyenti, ang CDAU lamang ang gitugotan nga maka-rekomendar samtang walay labot ang mga mayor, board members ug uban pang opisyal sa probinsya.

Gusto nila ni Board Member Fernando “JUN” Cabigon, Anecito Darunday ug Edgar Baguio nga wad-on ang polong “CDAU” diha sa ordinansa ug ipaklaro kon si kinsa ang nagrekomendar nga opisyal. Gikuwestion nila ni Cabigon ug Darun-day, nganong CDAU raman ang maka-rekomendar, sila diay nga mga opisyal usab sa probinsya ug mga mayor?

Gumikan niini, ang ordinansa ni Board Member Mejorada ang gi-defer una ug balik sa iyang gipangulohan nga komitiba sa Laws, Rules and Ordinances samtang gikataho nga kini subli nga ipresentar sunod regular session sa sunod semana. (Rene Buaya) (The New Nandau, Vol. XVIII No.29)

*

 

Gibitsinan o gisakyan og politika!
DE midepensa ni Cong. Labadlabad sa pagpalagpot 60 kaswal sa DPWH

Mao kini ang wala kahimot-e ni District Engineer Flavia Merilles sa first engineering district sa Department of Public Works and Highways sa dihang gipangutana sa mga sakop sa media kung tinood ba nga si 2nd District Congressman Rosendo “Dodoy” Labad-labad maoy adunay dakong kala-butan sa pagkapapha karong bag-o sa kapin 60 ka mga plan-tilladong casual nga emple-yado sa nasangpit nga buhatan.

Matod pa ni Merilles nga way kalabotan si Congressman Labadlabad sa maong pagpang- libwas niya ug mga empleyado tungod kay ang hinungdan mao man gyud nga gikapos na sa kwarta ang iyang buhatan aron isweldo sa maong mga empleyado.

“Ang-ang man pod ug akong kuwarta maoy gami-ton aron isweldo kanila.”

Hinoon gidugang ni Engr. Merilles nga kung dunay bag-ong mga projects nga ipatuman ang iyang buhatan, mahimo na ang gikahis-gutang mga emple-yadong casual maoy iyang patrabahoon pag usab, isip nga job order employees.

Sa pagka karon nahibaw-an gikan kang Merilles nga iya pang gilihok ang matod pa nga leave banefits sa hingtungdang napalagpot nga mga empleyado aron nga kini ilang madawat sa umaabot nga mga adlaw.

Subay niini, giawhag ni District Engr. Merilles ang maong mga hingtungdang empleyado nga dili lamang magpogoso sa ilang huna-huna tungod kay iya raman gihapon nga gitun-an kung unsaon nga ang gikahisgutang mga empleyado makatrabaho ug balik sa iyang buhatan.

Nahabaw-an nga moka-bat sa onse sa maong mga empleyadong casual ang malaposong nakapahigayon ug ilang rally atubangan sa buhatan sa DPWH sa miaging semana ug sila gikatahong miundang ra usab dayon sa ilang kalihukan tapos mahinabi ni Merilles ug ni DPWH Asst. Regional Director Hashim.

Angayang kahinom-duman nga sa nakalabay nga semana mainitong gipa-hayag usab ni Congressman Labadlabad nga wala siya’y kalabotan sa pagpanglibwas ug mga casual nga emple-yado sa nasangpit  nga buhatan sa DPWH tungod kay kana maoy administra-tibong trabaho sa district engineer o sa pangulo sa nasangpit nga buhatan.

Iyang gipahayag usab nga kung nagtinguha pa siya ug pagpamapha ug emple-yado sa nasangpit nga buhatan iya na unta kining gihimo sa unang mga bulan tapos siya ming daog sa eleksyon sa miaging dos mil 7. (Mar Uy) (The New Nandau, Vol. XVIII No.29)

*

 

Biktima wala makaila kinsa nga membro sa HPG nagposil kaniya

Wala makatumbok ang usa ka matud pa, biktima sa pagpamosil sa usa ka membro sa Highway Patrol Group kon HPG sa dihang gipatawag kini ni P/SSupt. Crestito “Rey” Gonzalodo didto sa Camp Hamac, Sicayab ning dakbayan sa Dipolog.

Si SPO3 Joel Claret, membro sa TMG namahayag nga atol sa ilang panagtagbo uban sa biktima alang sa usa ka imbestigasyon, kini wala makatumbok kon si kinsang membro sa HPG maoy responsabli sa pagposil kaniya sa dihang gipatudlo kini sa probinsyal director.

Gihimakak usab ni Claret nga siya maoy nagposil sa biktima, sigon sa pagsaway, komentaryo ug pagdaut sa usa ka announcer sa radio sa pikas estasyon.

Alang kang Claret, nasubrahan ra kaayo ang komentaryo sa usa ka magsisibya sa Double A sa iyang programa maudto nga daw siya na gayud o kaha sa iyang mga kauban ang suspetsado sa maong hitabo.

Matud pa niya, kon tinuod nga patas ang maong magsisibya sa iyang programa, anaa man sila kanunay andam nga kuhaan sa ilang pamahayag ug dili kay magpataka nalang kini ug kiyaw-kiyaw sa iyang kaugalingong banabana nga walay igong gibasehan.

Gipaklaro ni Claret nga wala sila namosil atol sa ilang pag-checkpoint didto sa national highway sa Barcelona sakop sa dakbayan sa Dapitan sumala sa gika-alegar sa biktima. Mismo ang biktima atol sa ilang panagtagbo kini dili gayud makaila o kaha makatumbok si binsa kinsa sa iyang mga kauban maoy nagposil kaniya hinungdan sa pagka-igo sa iyang paa.

Gumikan kay walay moangkon sa taga HPG ug dili usab makatumbok ang biktima si kinsa ang nagposil kaniya, giserado ang maong imbestigasyon nga walay naani nga resulta.

Gihangyo lang sa Highway Patrol Group nga ang ilang gihimo diha sa pagpa-higayon ug checkpoint sa kadalanan maoy pag-imple-mentar sa balaod trapiko ilabi na nga daghan kaayong carnap nga nagpanghitabo dinhi sa atong dapit hinung-dan nga ilang estriktong gisubay ang rehistro sa mga sakyanan, lisensiya sa pagmaneho ug uban pa.

Sa pikas bahin, mahimo nga ang biktima direktang mo-file sa kasong criminal ngadto sa korte ug administratibo ngadto regional office sa Highway Patrol Group batok sa maong sakop HPG nga maoy mipaboto sa iyang armas nga mingresulta sa pagka igo sa biktima sa iyang bitiis didto sa junction sa highway Barangay San Nicolas og Barangay Aseniero, polos sakop sa dakbayan sa Dapitan sa nakalabay nga Pebrero 9.

Mao kini ang gipahayag ni Police Chief Inspector Glen Dulawan, information og operation officer sa Provincial Police Office sa Campo Hamac, Sicayab kabahin sa nahitabong pagpamosil sa biktima nga gihimo sa wala pa mailhing membro sa Highway Patrol.

Matud pa ni Dulawan, dakong kalapasan sa ilang operational procedure sa PNP ang gihimo sa maong sakop sa HPG.

Gipaklaro ni PCI Dula-wan nga ang HGP wala mahisakop sa hurisdiksiyon sa Zamboanga del Norte Police Office gumikan kay duna kiniy linain nga buha-tan, ug kini makig coordinar lamang sa ZNPPO sa panahon nga duna silay dinagkong operasyon.

Hinoon gipasalig ni Dulawan nga sila mopahigayon usab ug linain nga imbestigasyon sa maong hitabo, diin gikareport nga usa ka Flordeliza Monton-Balanay, 45 anyos, minyo og molopyo sa Sitio Mahayag sakop sa Barangay Asiniero sakop sa dakbayan sa Dapitan, og backrider sa honda motorcycle nga gimaneho sa usa ka Wilbert Arances, ang nakabaton ug samad sa iyang bitiis sa dihang ang maong sakop sa HPG ang mipaboto sa iyang armas sa yuta, tapos ang biktima og driver, naabtan didto sa junction sa Barangay Aseniero ug Barangay San Nicolas. (with report from Mar Uy) (The New Nandau, Vol. XVIII No.29)

*

 

PGMA moabot sa Dapitan, Febrero 20

Gikalated nga mahidangat na usab dinhi sa probinsya sa Zamboanga del Norte si Presidente Gloria Macapagal-Arroyo. Kini ang gibutyag ni Jay Adraincem, Executive Secretary sa gobernador pinaagi sa konpermasyon sa Presidential Management Staff nga nagpahibalo nga ang presidente sa nasud mobisita dinhi karong Pebreo 20 aron moduaw sa ‘roll-on roll-off’ sa Pulawan Port sa dakbayan sa Dapitan.

Unang gika-eskeduel ang presidente mahidangat dinhi sa Pebrero 13, apan kini nauktaba gumikan kay iyang giuna ug adto ang Sultan Party (Drilon wing) atubangan sa ilang panagtagbo karong bag-o ni Senator Mar Roxas ug kanhi Senator Franklin Drilon.

Kining pagsiak sa liderato sa Lakas dinhi sa probinsya dili layo ang posibilidad, nagkanayon ang usa sa mga political analyst tungod kay wala na silay kaloklokan pagka gobernador sa umalabot nga eleksiyon kon mosugot sila nga dunay ‘merger’ tali sa KAMPI. (Press Freedom, Vol. XXI No.16)

*

 
Sundalo nakaposil ug polis patay gibalhog na sa Liloy Police Station

Gibutyag ni Police Chief Inspector Glen Dulawan nga sakop sa 102nd Infantry Brigade nga maoy nakaposil patay ni P01 Regie Ybañez didto sa merkado sa lungsod sa Kalawit sa nakalabay nga semana ang gidetinir na sa detention cell didto sa Police Station sa lungsod sa Liloy ning lalawigan.

Giila ang suspetsado nga mao si PFC Elmar Jomarito. Si Jomarito ang padayong giditinir karon sa police station samtang nagpadayon pa ang imbestigasyon batok sa iyang kaso, preparasyon alang sa pagpasaka ug hustong sumbong sa korte batok kaniya.

Gibutyag usab ni Dulawan, nga si PNP Provincial Commander Crestito “Rey” Gonzalodo ug si Col. Abao, Commander 102nd Infantry Brigade ang nagka-estoryahanay na aron maresolbar ang panagbangi nga nahitabo sa ilang mga sakop.

Sa pagka karon, matod pa ni Dulawan, usa pa ang nasikop apan mahibaw-an ang tanan, kung pila gyud ang nahilambigit sa maong pagpatay sa polis sa mga sakop sa militar inig kahuman sa imbestigasyon.

Nahibaw-an usab nga sa maong hitabo, usa ka SPO1 Jumawan ang nabiktima sa pagpangulata sa mga sakop sa militar. (Mar Uy) (The New Nandau, Vol. XVIII No.29)

 
 

 HULAGWAY BALITA

 

 

*

 

Tayador sa Lotto mireklamo 10% gikeda sa makadaug

Daghanang tayador sa mga lotto outlet dinhi sa dakbayan sa Dipolog, ang wala makaangay sa gihimo sa mga operators o mga tag-iya sa maong mga lotto outlet sa pagkida og 10 porsyento sa ilang madag-an nga numero.

Matod pa sa gikahisgutang mga tayador nga wala sila makabati gikan mismo sa management sa Charity Sweepstakes Office kung PCSO nga ang gikahisgutang operators sa lotto gitugotan sa pagko-lekta ug direkta sa 10 porsyento sa panahon nga sila makadaog sa ilang gitay-an nga numero.

Ang 10 porsyento nga gikobra sa maong mga lottto outlet dinhi sa dakbayan sa Dipolog dako ra kaayo ug dili makatarunganon, kay sa panahon nga sila motaya wala man sila pahibaw-a nga kubrahan ug 10 porsyento ang ilang daog.

Sagad ialegar sa hing-tungdang mga operators sa lotto outlet dinhi sa dakba-yan sa Dipolog nga sila mokobra og 10 porsyento tungod kay kon ang hingtungdang ma-nanaog mokobra sa iyang daog didto sa ilang regional office sa Zamboanga City o dili Cagayan de Oro City mas makagasto pa kini ug dako.

Gitohoan sa mga tayador nga dakong illegal ang gihimo sa mga operators sa maong legal nga lotto outlet dinhi sa dakbayan hinungdan nga usa ka tayador ang mingbahad nga sa panahon nga siya  modaog ug kobrahan ug 10 porsyento, iyang pasakaan ug hustong sumbong sa korte ang maong operator sa lotto outlet, isip test case ug aron maklaro ang tanan mahitungod sa maong ponto. (Mar Uy) (The New Nandau, Vol. XVIII No.29)

*

 

Pulso Sa Katilingban
Cicer M. Binghay
Volunter Guards hatagan ug armas

691 mga kabarangayan sa Zamboanga del Norte hatagan tag P500,000 hinabang ayuda ni Gov. Rolando E. Yebes. Unsa katinuod mayor sa dakbayan sa Dipolog dili modawat sa maong ayuda. Wala tugoti ang barangay Biasong ipakongkreto ilang basketball court. Hinoon Brgy. Chairman Patangan sa Diwan midawat sa maong ayuda.

Dili ikatingala ang unod ug dugokan sa pamolitika super lahi sa inato kalihokan sa maayong pag-alagad sa katawhan ug kumonidad. Butang o serbisyo nga ihatag nga walay pabor-pabor alang sa kaayohan sa tanan balibaran pa. Dili madawat sa mga nag padayon sa ilang hunahuna ang pamolitika pagpasulabi sa ilang kaugalingong katungod dili na sa katilingban.

Ang 691 ka mga barangay mokantidad tanan sa P345,500, 000.00. Anugon ang P100,000,000.00 nga wala ipadawat sa mayor sa dakbayan sa 20 ka mga barangay, gawas sa barangay Diwan, sigon sa gibalita.

Dako pa ang panahon nga maghimog bansay-bansay atong military o kapolisan sa mga barangay tanod alang sa husto nga pag serbisyo alerto, unsaon paghimog medaling coordinasyon sa hingtungdang otoridad. Matod pa ni DILG Kalihim Puno imposibli atong mga opisyales sa barangay nga mao ang “frontliners” sa nasod dili magpakabana kon unsay mga kalihokan nahasupak sa balaod nga naglublob sa ilang dapit.

Aron, mahatagan hugot kadasig ang serbisyo sa mga barangay tanod, gikinahanglan nga hatagan sila dugang allowances o honorarium nga maka alebiyo sa ilang inadlaw’ng panginabuhi. Silbi nga ang mahimo sa usa ka barangay tanod tipik gahin sa livelihood programa sa kagamhanan.

Dinhi sa atong lalawigan, gikinahanglan kaayo karon ang paghimog makoti ug hiniusa nga pag alerto. Kanang mga nabaniog mga training camps nga gitukod sa MNLF ug MILF mga pinalispis lamang kana sa ilang dako nga plano katumanan pag-angkon sa Mindanao.

Husto ang daghang awhag sa mayoriyang katawhan karon sa lalawigan nga ipasaling-it usa ang grabing pamolitika tali sa atong mga politiko nga hangtod karon gibilin bililhon kay sa pag-alagad sa katawhan.

Dunay daghang awhag, nga sa madaling panahon, atong mga Barangay Tanod hatagan mga cellphone, armas o regular nga pagserbisyo sama sa kaniadtong mga Volunteer Guards panahon sa ikaduhang gubat diin giila ang nga nangapil sa talaan sa military as Civilian Volunteer Guards ubos sa pagdumala sa military ug civilian authorities.

Kanang giayuda nga P500,000 alang sa 691 ka mga barangay sa lalawigan nga hinabang ni Gov. Yebes kon ika pang apod-apod na dunay dakong purohan nga makapalit mga cellphone iapod –apod sa barangay tanod nga magamit matag emerhensiya o kon dunay mga katingad-ang kalihokan sa ilang mga dapit. Nga kadtong dunay kaugalingong armas hatagan sa hustong permiso sa military magamit pinaagi sa pagka voluntaryo sa barangay. (Press Freedom, Vol. XXI No.16)

 
Credits: Press Freedom is published every Saturday and entered as 3rd class mail matter in Dipolog City. Printed by Young Printing Press with Editorial Office located at Upper Turno, Dipolog City. Tel. No. (065) 212-4343 or 212-6665

 

BIR nakakuha sa target collection

 

Sa tibook rehiyon 9 bugtong ang Bureau of Internal Revenue District 91 sa Zanorte lamang ang nakakuha sa qouta sa target tax collection nga gisitar sa nasudnong pangagamhanan sa tuig 2008.

Kini ang gipahibalo ni revenue district officer Crisencio Almerol Agad sa BIR human nila makuha ang target tax collection sa lala-wigan diin sa tibook Zambo-anga Peninsula Region sila lamang dinhi sa Zanorte ang nakakuha sa quota.

Sumala pa niya nga ang maong kalampusan pinaagi sa hugot nga paningkamot ug panaghi-usa tali sa mga tinugyanan sa Bureau of Internal Revenue ug sa tanang mga magbubuhis dinhi sa probinsya, mga negosyante, lokal nga pangagamhanan ug mga katawhan kinsa misanong sa pagbayad sa ilang boluhisan, usa ka punto nga dako kaayo niyang gipasalamatan.

Wala usab gisalikway sa opisyal sa BIR nga naka-hatag usab ug tampo ang iyang mga radiom programs ug bukas ang iyang buhatan sa mga sakop sa media para motabang sa kompanya sa tax collection.

Sa maka-usa si Agad nagpasalamat sa tanang mga tax payers sa lalawigan ug sa iyang mga empleyado, mga local government units ngadto sa kabarangayan nga mihatag ug tampo pinaagi sa pagbayad ug buhis.

Iyang gi-angkon ang mao niyang pagpasalamat kinasing-kasing gitunol sa tanang nakatampo sa ilang kalamposan sa BIR uban sa panghinaot nga ang matag buhis nga atong gibayaran mobalik ra dinhi sa atong dapit pinaagi sa Internal Revenue Allotment kon IRA ug sa mga programa ug proyekto nga makahatag ug kaayuhan para kanatong tanan.

Angay kahibalo-an nga mokapin sa 503 milyones ka pesos ang quota nga gisitar sa nasudnong pangagam-hanan sa BIR ug kini nakuha dinhi sa district 91 sa probinsya diin mi-abot pa gani sa kapin 504 milyones ka pesos ang ilang nakolikta.

Samtang malaomon  si Revenue Dist. Officer Agad nga kung nakuha nato ang quota sa mi-aging tuig 2008 makuha usab kini niining tuig 2009. (Rene Buaya) (The New Nandau, Vol. XVIII No.29)

 
 

Zanorte makita na sa Youtube

Subay sa paningkamot sa kagamhanang probinsyal nga mapa-uswag pa ang industriya sa turismo sa Zanorte, ang probinsyal nga buhatan sa turismo ang mi-upload kini karon sa website nga youtube sa mga travel brochure nga nagpakita sa mga maanindot nga talan-awon sulod sa Zanorte.

Ang maong travel brochure mamahimo kining makita pinaagi sa pag-log-on sa www.youtube.com ug i-type ang Zanorte 1,2,3 ug 4 sa search engine niini ug hayan masud-ong gilayon kini.

Lakip sa makita sa maong travel brochure mao ang world-class Dakak Park and Beach Resort, Piñahon Island sa Sibutad, Libuton Cave sa Manukan, Situbo Falls sa Tampilisan, Dipolog Boulevard, Rizal Park, Gloria de Dapitan ug uban pang kan-anan, coffee shops uban usab ang mga pagkaon ug prutas nga abundang makuha dinhi sa lalawigan.

Matud pa ni Provincial Tourism Officer Atty. Ivan Patrick Ang nga ang gihimo karon sa iyang buhatan usa ka maayong paagi gumikan kay pinaagi unya sa maong website makakabig ug daghanang turista nga nagagikan sa nagkalain-laing nasud ang Zanorte agi kay ang youtube usa man kini sa mga sikat nga website karon nga nagdiskubre sa bisan unsang butang nga makita sa tagsa-tagsa ka lugar dinhi sa kalibutan.

Angayang kahinumduman nga sila si International Singing Star sensation Charice Pempengco ug bag-ong lead singer sa Journey band nga si Arnel Pineda ang pulos kini nadiskubre sa website nga youtube.

Dugang pa ni Atty. Ang nga dili imposible nga ang Zanorte dugukon kini sa daghang foreign visitors gumikan kay subsob usab ang gihimong paningkamot ni Governor Rolando E. Yebes nga mapalapdan ang pagsabwag sa pangturismong impormasyon sa Zanorte sa tuyo usab nga makakabig kini ug daghanang investors nga interesadong mobobo sa ilang puhunan dinhi sa lalawigan.

Ngani kanunay’ng gipasigarbo ni Governor Yebes nga ang Zanorte aduna kini taas nga kalidad sa eco-bound tourist destinations gumikan kay dili kini susama sa ubang probinsya nga ang mga rekursos naturales apektado sa pagtaas sa industralisasyon. (Press Freedom, Vol. XXI No.16)

*

MORE NEWS NGA BINISAYA

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON