January 7, 2008

 

Jalosjos: "Natapos na akong sentensiya"

“Dili ako maoy basolon kon ako usa na ka gawasnon tungod kay duna koy mga dokumento nga magpamatud nga dili na ako usa ka piniriso.” Kini ang gipamahayag ni kanhi Congressman Romeo “Nonong” Jalosjos sa exclusive interview ning pamantalaan ug pipila ka mga membro sa Zamboanga del Norte United Correspon-dents (ZNUC) sa dihang iyang gitugotan nga makahi-nabe didto sa Office of the City Mayor sa City Hall sa dakbayan sa Dapitan sam-tang iyang gidawat ang mga bisita nga gustong moabe-abe kaniya niadtung Sabado sa gabii (Desyembre 22, 2007).

Si Jalosjos nga gisugat sa mabagang duot nga kataw-han mihugpa sa City Plaza ang nagtukaw gikan pa sa kilomkilom hangtud sa kaadlawon aron lang ipakita ang ilang suporta, kalipay ug kamaya nga nakapaule na ang ilang giilang idolo ug niño bonito nga lider sa dakbayan sa Dapitan. Matud ni Jalosjos sukad giluwatan ang release order gipasagdahan na siya nga makasuroysuroy nga gawasnon. Gani, bisan pa kon dunay migawas nga mga pamahayag si Secretary Gonzales kabahin sa iyang pagawas apan wala siya did-e sa prison officials nga makasuroy-suroy nga libre. Niadtung Desyembre 22, sa iyang pagpaule sa dakbayan sa Dapitan gipahayag ni Jalosjos nga wala na kinahanglan nga mananghid siya sa Bureau of Correction gumikan sa iyang estadu nga siya libre na nga gawasnon. “I am a free man base on my document issued by the Bureau of Corrections,” nagkanayon si Nonong uban sa pagpresentar sa iyang gihuptan nga Discharge Certificate from Prison nga gipermahan ni BuCor Chief Supt. Juanito Leopando.

Matud ni Nonong daghan siyang kapareha nga susamang kaso nga konbiktado nga gibuhean tungod sa commutation apan walay mitumaw nga reklamo. Apan karon sa iyang kabahin gi-kuwestion sa Department of Justice. Para kaniya dili makataru-nganon alang sa iyang kaba-hin nga piiton sa gobiyerno atubangan sa pagserbisyo sa iyang sentensiya nga natapos na human sa commutation sa Bureau of Corrections.

Hangtud karon, samtang gikuwestion ang computation sa iyang sayo nga pagawas walay revocation nga gipagula ang Department of Justice atubangan sa Discharge Certificate from Prison nga gi-isyu sa National Bilibid Prison. “Ila untang kuwestionon kon fake or genuine kining perma sa dokumento.” Matud ni Jalosjos dili niya sala kon kinsay nasayop sa computation alang sa sayo niyang pagawas sa bilangguan tungod kay ang Bureau of Corrections nagabase lamang sa operations manual of prisoners as colonist ilawom sa Sec. 6 ug 7. Apan kon siya ang pangutan-on, insakto ang computation sa Bureau of Corrections gumikan kay gipaubsan ang iyang sentensiya tungod sa dako niyang natigum nga “good conduct time allo-wance’ nga kon maayo ang imong gawe sa pagserbisyo sulod sa bilangguan, makapa-himus ka sa maong balaod.

“ITAPON NA LANG BA NATIN ITO?”

Former Congressman Nonong Jalosjos showed his Discharge Certificate from Prison dated December 16, 2007 issued by the Bureau of Corrections.

Matud niya, sa iyang pag-apply ngadto sa classifi-cation board alang sa pag-commute sa iyang senten-siya diyutay lamang silang na-aprobahan. Iyang gipaklaro nga miagi ug hataas nga proseso ang iyang pag-apply ayha migula ang iyang release order.  Kon wala gituman sa Bureau of Corrections ang hustong computation sa iyang sentensiya alang sa iyang sayo nga pagawas hayan mopasaka siya ug arbitrary detention. “Nasayud ang Bureau of Corrections nga kon dili ko nila buhean magka-kaso sila ug arbitrary detention mao nang ila kong gi-release base sa akong commutation.”

Sa iyang giluwatang mensahe atubangan sa mga katawhan, iyang gipasala-matan si Presidente Gloria Macapagal-Arroyo nga mimando aron i-com-mute ang iyang senetensiya. Nagduda si Nonong nga dunay nagpaluyo niining politika atubangan sa pagbabag sa iyang release order. Wala hinoon hinganle ni Nonong kon si kinsa kining tawo o mga tawo nga gustong ipabilin siya sa bilangguan.

Verbal order

PNP Regional Director General Jaime Caringal uban ni PNP Provincial Director P/SSupt. Mario Yanga miabot sa dakbayan sa Dapitan niadtung Desyembre 22, Sabado pasado alas dose sa tungang gabii aron dakpon ug balik si Jalosjos.

Gipahigayon ang negosasyon didto sa Dapitan City Resort Hotel. Mga membro sa media lakip na ang pipila ka mga opisyal ang gidid-an nga makapaminaw sa maong negosasyon. Bugtong ang mga legal council ni Nonong nga sila si Atty. Cres Palpagan, Atty. Ruben Legorio, Atty. Allan Ranillo, Congressman Cesar Jalosjos, Mayor Jun Jalosjos maoy gitugutan nga makaapil sa maong negosasyon. Gikan pasado alas dose sa tungang gabii hangtud sa alas dos kaadlawon ayha nahuman ang negosasyon apan walay nahimo ang mga otoredad sa pagbitbit sa buhing lawas ni Nonong aron dakpon ug balik, gumikan kay nagsulo lawas lamang kining miabot sa Dapitan nga walay gidalang dokumento.

Matud ni General Caringal, verbal order gikan kang PNP Director General Avelino Razon nga dad-on si Jalosjos sa Zamboanga City alas dos sa kaadlawon ug ilupad sa Manila. Si Caringal nga walay arrest warrant o bisan unsang dokumento nga ipakita aron dakpon si Nonong ang gikuwestion sa legal panel ni Jalosjos kon unsay basehanan niini. Si Mayor Dominador Jalosjos nagkanayon nga dili gayud siya mosugot nga ihatag ang iyang igsuon nga walay court order. Matud niya, kinahanglan ipakita una ni General Caringal ang warrant of arrest o kaha revocation sa release order ayha sila mosunod sa balaod. Atty. Allan Ranillo, usa sa mga membro sa legal panel namahayag nga nagsulo lawas lamang si General Caringal sa iyang paghiabot sa dabayan sa Dapitan aron dakpon si Nonong.

Matud niya, walay igong kabasehan ang mga otore-dad nga dakpon ang usa ka tawo nga wala gani maka-pakita ug mga dokumento aron ipatuman ang balaod. Sumala ni Ranillo, ug siya pay si Jalosjos, iyang katungod nga dili mosugot nga magpadakop tungod kay duna siyay ipakakita nga mga dokumento nga libre na siyang nakagawas gikan sa bilangguan atubangan sa discharge order gikan sa Bureau of Corrections.

Matud sa kasaligan nga tinubdan atol sa negosasyon ilang nasabutan nga dili nalang dal-on si Nonong sa Zamboanga City aron didto manukad paingon sa Manila tungod kay nahisama na kini nga ilang gidakop. Si Caringal nga misugot sa hangyo ni Congressman Cesar Jalosjos ilang nasa-butan nga anha nalang kini manukad sa Dipolog City Aiport pabalik sa Manila. Ilang nasabutan nga adto sila mag-abot sa PNP Provincial Command sa Camp Hamac, Sicayab.

Apan pag-abot sa alas kuatro sa kaadlawon nga wala miabot si Jalosjos, si Caringal mibalik sa City Hall sa Dapitan aron kuhaon si Nonong. Gikatahong si Presidente Gloria Arroyo maoy mihang-yo kang Congresswoman Cely Carreon nga ipa-surrender si Nonong hinung-dan nga misanong usab kini sa malinawon nga pamaagi. Si Nonong atua karon kasamtangang gi-costudiya sa San Ramon Penal Colony sa Zamboanga City apan wala gisulod ug selda sa prisohan. (The New Nandau, Vol. XVII No.25)

*

 

ZANORTE MAYORS MIPADAYAG SA ILANG PAGSUPORTA KANG JALOSJOS

Gipakita sa mga mayors sa Zamboanga del Norte ang ilang mainitong pagsuporta kang kanhi Congressman Romeo “Nonong” Jalosjos dungan sa pagkondinar kang Justice Secretary Raul Gonzales sa pagmandu niini nga ibalhog ug balik sa prisohan ang kanhi kongresista taliwala sa gihuptan niining release order gikan sa New Bilibid Prison.

Kagahapon ang pagsuporta sa mga mayors sa ZaNorte ilang gipadayag pinaagi sa pagbisita kang Nonong Jalosjos didto sa San Ramon Prison and Penal Farm sa dakbayan sa Zamboanga diin kasamtangan siyang gipahiluna ug bitbit usab nila ang napanday nga dduha ka resolution sa League of Municipalities-Zamboanga del Norte Chapter nga nagakondinar kang Justice Secretary Gonzales ug pagpa-ubos sa nasudnong bandila sa half mast isip protesta uban sa pagbutang ug itom nga laso diha sa mga munisipyo.

Ang mga mayors sa ZaNorte sa pagpanguna ni Mayor Jesus Lim sa Salug ang Presidente sa League of Municipalities – Zamboanga del Norte Chapter ang mibotho didto sa San Ramon Penal Colony nga pulos nagsuot ug black arm bands isip pagprotesta sa illegal nga pagka aresto ni Nonong Jalosjos.

Ang mga mayors sa ZaNorte sa pagpanguna ni Mayor Jesus Lim sa Salug ang presidente sa ilang liga ang mibotho didto sa San Ramon Penal Colony nga pulos nagsuot ug black arm bands isip pagprotesta sa illegal nga pagka aresto ni Nonong Jalosjos. Samtang si Konsehal Apple Marie Agolong nagkanayon nga susamang resolution ang gipanday usab sa Sangguniang Panlungsod sa dakbayan sa Dapitan. Samtang nangisog ang mga municipal mayors sa pagpadayag sa ilang sentemiento batok kang Justice Gonzales sa dili maka tawhanon niining lakang nga gipatuman batok kang Nonong Jalosjos ang mga board members sa ZaNorte mipanday ug resolusyon nga igo rang nagpadayag sa ilang pagsuporta alang na sa sayung pagbuhi kang  Jalosjos gikan sa San Ramon Penal Colony.

Ang resolusyon sa Sangguniang Panlalawigan sa ZaNorte gipangamahanan ni Board Member Edgar Baguio ug gidasonan usab sa tanang meyembro niini sa gipahigayon nila nga special session kagahapong adlawa Desyembre 28, 2007. Sukwahi sa lakang nga gipanday sa mga mayor nga ang gihisgutan mao ang kabahin sa dili maki-angayon ug makatawhanon nga tratamento ni Gonzales ngadto kang kanhi Congressman Jalosjos ang gihisgutan sa mga board members mao ang ilang kagahapon ni Nonong nga sila suod nga higala ug naka-ila sa pagka tawo sa kanhi magbabalaod sa ZaNorte. Matud pa ni Board Member Fernando Cabigon, Jr. wala mangisog sa ilang resolusyon sama sa mga mayors kay dili sila gusto nga masuko unya ang kalihim sa hustisya. (Press Freedom, Vol. XX No. 11)

*

 

Tungod sa  pagpa-aresto ug balik kang Jalosjos nga walay court order
zanorte mayors mikondena kang sec. gonzales

Paglapas sa tawhanong katungod, illegal ug ‘double standard’ nga pag-implementar sa bala-od maoy nakapa-aghat sa Mayors League of the Philippines, Zamboanga del Norte Chapter sa ilang ‘official stand’ ang pagpasaka ug resolusyon aron i-kondena ang aksi-yon ni Justice Secretary Raul Gonzales dihang gimando nga dakpon ug balik si kanhi Congress-man Romeo “Nonong” Jalosjos bisan kon gilu-watan na sa Bureau of Corrections ang Dis-charge Certificate from Prison pinitsahan ug Disyembre 16, 2007 alang sa sayo niining paggawas gikan sa bilangguan.

Kini ang gipakanaug nga resolusyon sa mga mayores sa Zamboanga del Norte atol sa ilang year-end meeting niadtung Huwebes nga didto gipahigayon sa Kamayan ni Manay sa dakbayan sa Dapitan. Mayor Norbe Eding sa lungsod sa Sibuco maoy nangamahan sa resolusyon nga nagkondenar sa justice secretary walay lipod-lipod mipahayag nga gikomkom ni Gonzales ang balaod atubangan sa pagpa-aresto ug balik ni Jalosjos bisan kon kini usa na ka tawo nga ga-wasnon sa dihang giluwatan sa Bureau of Corrections ang discharge order alang sa sayo nga pagawas sa National Bilibid Prison. Matud ni Mayor Eding, gimando pa ni Gonzales nga si Nonong ibalik ug balhog sa National Bilibid Prison sa Muntinlupa bisan kon kini atua na gipahimutang sa San Ramon Penal Colony sa Zamboanga City atubangan sa iyang pagduda nga kini kuhaon sa iyang mga political leaders aron taguan dinhi sa Zamboanga del Norte.

Si Mayor Eding nga usa ka abugado sa iyang profession mipahayag nga para kaniya, si kanhi Congressman Jalosjos dili usa ka eskapo ug wala makalapas sa balaod sa iyang pag-ule sa dakbayan sa Dapitan niadtung Sabado (Desyembre 22) tungod kay sayud ang mga katawhan nga ang iyang sentensiya gi-commute na atubangan sa mando ni Presidente Gloria Macapagal-Arroyo nga maoy nakapa-sayo niya ug gawas gikan sa bilangguan. “I believe Nonong Jalosjos did not escape but rather he was exercising his right like any other Pilipino as a free man…but to our surprise the secretary of justice (Gonzales) has express a different view contrary to that of the Bureau of Prisons.” Matud ni Mayor Eding ilang gikatingad-an nga bisan kon si Nonong usa na ka gawasnon atubangan sa release order nga giluwatan sa Bureau of Corrections, gimando pa gihapon sa usa ka dakong opisyal nga dakpon ug balik bisan kon walay arrest warrant nga gi-isyu ang korte. Para ni Eding, walay katungod ni bisan kinsa nga modakop kang Nonong gumikan kay siya usa na ka tawo nga gawasnon.

“From the legal point of view, he could not be re-arrested because there is no warrant of arrest issue by the court. Neither could he be arrested by anybody because he is a free man”. Alang niya, dili lamang maka-tawhanon ug illegal, kon dili, nahasupak sa probisyon sa atong batakang balaod diha sa pagyatak sa kagawasan. “Continued detention of Congressman Nonong Jalosjos is not only inhuman, it is illegal, it is contrary to the provision of the consti-tution. The freedom, the liberty of Nonong has been cartel for several days now.” Nagtuo si Mayor Eding nga ang pagpa-aresto ug balik ni Nonong usa ka ‘politicaly motivated’ mando gikan sa pipila ka impluwensadong tawo didto sa kaulohan.

Double standard

Governor Rolando Yebes, usa sa mga adviser sa mayors league, Zamboanga del Norte Chapter mipagawas ug iyang opinion nga si Secretary Gonzales “double standard” diha sa pag-implementar ug balaod.

Matud niya ang gihimo ni Gonzales diha sa pagbabag sa sayo nga pagawas ni Jalosjos wala nagabase sa bisan unsang balaod kay kini iyang gihimo tungod lamang sa iyang kapritso. Para kang Governor Yebes, ang gihimo ni Gonzales dunay kalapasan sa ‘human rigths’ dili lamang kang Jalosjos kon dili ang katungod sa usa ka tawo pinasikad sa atong konstitusyon nga hatagan ug kagawasan ni bisan kinsa asa kini molakaw. Sa kaso ni Jalosjos dugang sa gobernador, kini gihatagan na ug kamandoan human moagi ug hataas nga proseso alang sa sayo niya nga pagawas sa prisohan ug dili na angayan dakpon.

“The act of the secretary (Gonzales) in stopping the release of Congressman Nonong Jalosjos was not based on any law. It was base on the whim and caprice of the secretary of justice…there is now a violation of the human rigths of the person, not of Nonong Jalosjos but of a person without justifiable cause. Because it is the right of every person in accordance with the constitution that he be given the liberty and the freedom.”

Alang ni Governor Yebes angayan ikondenar si Gonzales diha sa ‘double standard’ nga pag-imple-mentar sa balaod sa nasud.

Appointment babagan

Si Gonzales nga wala pa ma-aprubahe ang iyang appointment sa Commission on Appointment isip full-pledge Secretary of Justice gihingusgan sa mga mayor sa Zamboanga del Norte nga babagan ang iyang appointment tungod sa iyang “double standard” diha sa pagpatuman sa balaod.

Matud ni Mayor Eding, ang pagka ‘double standard’ ni Gonzales diha sa pag-implementar ug balaod maoy ilang basehanan nga hangyoon ang mga membro sa Commission on Appointment nga dili dawaton isip full-pledge secretary of justice si Gonzales. “The word double standard in the enforcement of law shall be the basis of this body (LMMP) to lobby against the confirmation of appointment of Secretary Gonzales whenever the same is presented before that august body to the Commission on Appointment.”

Ang maong resolusyon gi-address sa mga mayor ngadtu kang Presidente Gloria Macapagal-Arroyo, Senate President Manuel Villar, sa iyang kapasidad isip chairman sa Commission on Appointment ug kang House Speaker Jose De Venecia. (The New Nandau, Vol. XVII No.25)

*

 
BFAR MOLUSAD SA MARICULTURE PROJECT SA ZANORTE

Hayan kasugdan sa pag-implementar sa unang bahin sa tuig 2008 ang pagtukod sa mariculture zone project dinhi sa lalawigan sa Zamboanga del Norte. Mao kini ang gibutyag ni Regional Director Virgilio Alforque sa Bureau of Fisheries and Aquatic Resources dungan sa pagpahibawo nga kini ilang ipahimutang sa lungsod sa Rizal particular na sa Murcielagos Bay. Matud pa ni Director Alforque ang nasangpit nga proyekto nagtinguha sa pagdasig sa mga mananagat sa ZaNorte nga sila madasig sa pagbuhi ug mga isda pinaagi sa fish cages diha sa dagat.

Particular nga ilang idasig ang pagbuhi sa isda nga maoy pinangita sa mga dagkung merkado didto sa kauluhan ug sa gawas sa nasud. Matud pa ni Director Alforque sayun ra kaayo ang nasangpit nga teknolohiya apan gikinahanglan nga adunay panahon nga igahin ang mga mag-uuma sa dagat sa pag-atiman niini. Kini ilang sugdan sa pag-implementar sa lungsod sa Rizal ug ipakatap sa ubang bahin sa atong lalawigan sa ZaNorte.

Si BFAR Director Alforque midugang sa pagpahayag nga dili lamang limitado sa pagbuhi ug isda ang ilang ipahimutang nga mariculture zone project kay lakip na niini ang pagpasanay usab sa mga mahalong kinhason nga anaa sa Murcielagos Bay sama sa Sa-ang ug uban pa. (Press Freedom, Vol. XX No. 11)

*

 

Gov. Yebes wala ma-satisfy
Hunger Mitigation Program

Wala ma-satisfy si Governor Lando Yebes sa Hunger Mitigation Program nga gipatuman sa nasudnong pangagamhanan pinaagi sa National Food Authority ug Department of Education nga wala mo-coordinate sa kagamhanang probinsyal.

Kini ang gipamahayag sa gobernador samtang gilusad sa nasudnong pangagam-hanan ang pamaskong handog  sama sa mga pagkaon nga gipanghatag sa mga estudyanting kabataan sa mga pampublikong tulonghaan diin usa sa nakapahimulos niini mao ang probinsya sa Zamboanga del Norte. Matud ni Governor Yebes, sa duha ka nasudnong pamantalaan nga iyang gibasa, wala maapil ang probinsya sa Zamboanga del Norte sa maong programa. Sumala pa niya wala siya masayud nga apil ang probinsya sa Hunger Mitigation kay walay ahensiya sa gobiyerno nga mipahibawo kaniya sa wala pa gipatuman ang maong programa.

Sumala pa sa gobernador nakahibawo nalang siya nga dunay programa nga gipasigdahan ang gobiyerno sa dihang nagkalisod na ang implementing agency sa paghatud ug serbisyo ngadto sa mga barangay. “Wala gani ko pahibaw-a nga duna diay ingon ana nga programa. Nakahibawo lang ko sa dihang nangayo na sila ug tabang nako sa paghulam ug sakyanan. Matud sa gobernador wala siya masayud kon giunsa pag-implementar ang programa ug wala usab siya makahibawo unsay ikatabang sa probinsya aron gayud mahatud ang insaktong serbisyo para sa mga katawhan. (The New Nandau, Vol. XVII No.25)

 
 

Bag-ong selda sa ZCRCT, Manukan Mapahimudsan na sa mga binilanggu

ANG nakita nga kahimtang sa mga inmates sulod sa Provincial Jail kaniadto nga nahimutang subay sa nasudnong dalan sa barangay Sicayab ning dakbayan maoy nakapadasig kang Governor Rolando Yebes nga iya gayud hatagan ug maayong lugar nga kaplastaran sa mga binilanggo sa probinsiya.

Karong bag-o gihimo ang turn-over sa bag-ong selda sa Zanorte Correctional and Rehabilitation Center nga anaa nahimutang sa Don Jose Aguirre, Manukan. Ang maong selda kini usa ka konkreto nga anaa nahimutang sa ibabaw nga bahin sa maong lugar nga mosulod kini ug 140 ka mga piniriso. Sa gihimong programa gipaambit ni Governor Yebes ang iyang personal nga kasinatian kaniadto sa dihang ang Provincial Jail ang anaa pa sa Sicayab atbang sa ilang panimalay. Kanunay niyang mahimamat ug ma-istorya ang mga inmates, sa panahon sa pasko uban sa iyang amahan dili nila mahikalimtan ang paghatag ug pinaskohan ngadto sa mga piniriso. Panahon sa iyang kabatan-on tuyo ni Governor Yebes nga mosulod ngadto sa maong bilangguan aron makigdula ug basketball, tuyoon niya ug sulod ang mga selda aron personal usab niyang makita ang kahimtang sa matag inmates. Kadaghanan kanila ang aduna nay sakit sa panit tungod kay naghuot na sulod sa selda.

Ang turn-over sa bag-ong selda sa Zanorte Correctional and Rehabilitation Center nga gipanguluhan ni Governor Rolando Yebes. Ang ZCRC anaa nahimutang sa Don Jose Aguirre, Manukan. Mitambong atul sa turn-over sila si Board Member Cedric Adriatico, Provincial Engineer Ramon Ochoto-rena, Mr. Lorendo Legados nga nag-representar kang Vice Governor Francis Olvis ug Provincial Jail Warden Fortunato Regañon.

Ang maong kahimtang maoy nakadasig ni Governor Yebes nga hatagan ug insaktong lugar ang mga piniriso samtang nagpadayon pa ang ilang matag kaso nga gi-atubang. Gihatagan ug gibug-aton sa gobernador nga ang mga inmates kini ang tawo ra usab busa dili angayang ihikaw ngadto kanila ang katungod sama kanato. Kinahanglan nga makalihok-lihok sila bisan anaa sulod sa bilangguan sama sa pagpananom ug kahoy ug adunay kapanginabuhian luyo sa mabugnaw nga rehas ug labaw sa tanan adunay maayong pagkaon. Alang kang Governor Yebes nga dili siya gusto masayang ang oras sa mga inmates nga maghulat sa ilang kaso, busa kinahanglan nga aduna silay himoon aron panahon sa ilang paggawas aduna usab kini makat-onan ug ilang kapanginabuhian. Matod pa sa gobernador nga ang mga piniriso maoy hut-ong sa katilingban nga nakalimtan sa gobyerno ug apektado ang tibook pamilya. Sa karon ang paghimo ug mga hollow blocks maoy usa sa kapanginabuhian sa mga inmates.

Tinguha karon sa gobernador nga matukoran ug gymnasium sulod sa Zamboanga del Norte Rehabilitation Center aron maoy kadulaan ug basketball ug magamit sa mga inmates sa uban nilang kalihukan. Gipahayag usab ni Provincial Administrator Atty. Rafael Cabanlit nga tinguha karon sa provincial government nga ang Provincial Jail ang himoon kining tourist spot, ipalambo niini ang palibot aron ipaila sa mga katawhan nga dili lamang bilangguan ang anaa sa Don Jose Aguirre sakop sa lungsod sa Manukan. Sa karon 300 kapin ka mga binilanggo ang anaa sa provincial jail human gibalhin ang ubang mga inmates gikan sa Misok, Sindangan.  (The New Nandau, Vol. XVII No.25)

*

 

KORTE MIMANDU JALOSJOS MAGPABILIN SA ZAMBOANGA PENAL COLONY

Ang plano nga ibalhin si kanhi Congressman Romeo “Nonong” Jalosjos ibalik sa New Bilibid Prison ang na-awop human mimandu ang korte nga ipabilin ra siya sa San Ramon Penal Farm Colony samtang padayon pang wala maresolbar ang iyang petition para habeas corpus.

Ang mga abogado ni Jalosjos miduso ug writ of habeas corpus atubangan sa sala ni Judge Jesus Carbon sa Regional Trial Court Branch 16 sa dakbayan sa Zamboanga. Sa iyang order nga gipakanaug kagahapong adlawa gimanduan ni Judge Carbon si Superintendent Guillermo Ayala, director sa San Ramon Prison and Penal Farm nga mitambong sa hearing uban ni Assistant Solicitor General Karl Miranda ug Western Mindanao regional prosecutor Ricardo Cabaron nga dili ibalhin si Nonong sa bisan asa nga lugar hangtud nga dili pa mahuman ang pagpaminaw sa kaso ug mapakanaug ang final decision.

Sa gipahigayong hearing kagahapong adlawa ang mga abogado ni Nonong mitataw nga ang kanhi kongresista illegal nga giaresto sanglit usa na kini ka gawasnon nga lungsuranon. Gipresentar sa mga abogado ni Nonong Jalosjos ang ilang ebedensiya nga naglangkub na sa Certificate of Discharge gikan sa New Bilibid Prison nga giisyu niadtong Desyembre 16, 2007. Si Atty. Alfredo Jimenez ang lead counsel ni Nonong Jalosjos nagkanayon nga ang dokumento gipirmahan mismo ni Bureau of Corrections Chief Ricardo Dapat nga klarong nagpakita nga ang kanhi kongresista nakagawas na gikan sa prisohan.

Gipadas-og ni Atty. Jimenez nga kinahanglan mohatag ug katin-awan ang kagamhanan ngano nga hangtud karon padayong giditiner niini ang kanhi kongresista sa Zamboanga del Norte samtang nahingpit na kini sa pagsirbi sa iyang sentensiya. Apan sa kabahin sa gobyerno gipahayag ni Assistant Solicitor General Miranda nga si Jalosjos wala pa pagawsa sa prisohan apan sekreto kining mieskapo busa ang petition nga habeas corpus wala kinahanglana. Si Miranda midugang sa pag-ingon atubangan sa hukmanan nga wala pay valid certificate of discharge ug ang certificate nga giisyu ngadto kang Jalosjos revoked na sa kalihim sa hustisya.

Tungod sa maong pahayag si Judge Carbon nakapagawas ug komentaryo dalang pangutana nga kon wala pa makagawas si Nonong Jalosjos, ngano man nga gitugutan siya nga makapauli balik sa dakbayan sa Dapitan. Si Judge Carbon mitataw nga bugtong ang Bureau of Corrections lamang ug dili ang Department of Justice ang adunay gahum sa pag-isyu sa final evaluation for termination or discharge sa usa ka piniriso. Ang evaluation sa records for release o ang paglibkas sa usa ka sentensiya o silut nga hingpit nang nasirbihan usa ka normal function sa director sa Bureau of Correction ug wala na kinahanglana nga moagi pa kini ug approval gikan sa Department of Justice ka yang release order nahulog sa function sa director sa Bureau of Corrections, matud pa ni Judge Carbon.

Samtang ang gipalagpot nga director sa Bureau of Corrections nga si Ricardo Dapat mibutyag nga nahibawo ang Malacanang nga si kanhi Congressman Jalosjos ang makagawas na sa prisohan. Si Dapat sa interview sa mga television networks sa Manila mibutyag nga niadto pang Hunyo 12, 2007 gipahibawo na niya si Executive Secretary Eduardo Ermita nga molibkas na ang sentensiya ni Jalosjos ug na-istoryahan pa sa iyang mga sakup ang usa ka Atty. Erwin Enrile sulod sa buhatan ni Ermita. Matud pa ni Dapat iyang gisultihan si Ermita nga ang Bureau of Corrections wala nay mahimo gawas sa pagbuhi kang Jalosjos. Angayang kahinumduman nga si Dapat gipalagpot sa Malacanang sa iyang katungdanan niadtong Meyerkoles. Hingpit nga gisalikway ni Dapat ang mga alegasyon nga nagtamhang siya sa iyang katungdanan ug sa iyang lantaw gihimo lang siyang sacrificial lamb para makapanagang sa mga pagsaway. (Press Freedom, Vol. XX No. 11)

*

 

Tanang lungsod sa ZaNorte mag-half mask sa bandela kay namatay ang hustisya

Tanang lungsod nga nahisakop sa probinsya sa Zamboanga del Norte ang gikalated nga mag-half mask sa nasudnong bandela ug magbutang ug itom nga panapton palibot sa municipyo timaan sa kamatayon sa hustisya.

Kini ang gipahayag ni Salug Mayor Jesus Lim, Presidente sa League of Municipal Mayors of the Philipines, Zamboanga del Norte Chapter samtang ilang gikondenar si Justice Secretary Raul Gonzales nga maoy otok sa pagpa-aresto ug balik kang Jalosjos. Nahimong  ‘official stand’ sa tanang mayores sa probinsya sa Zamboanga del Norte nga ikondenar ang justice secretary tungod kay mipagawas kini ug kamandoan nga walay igong kapasikaran. Matud ni Mayor Lim ‘unanemous’ nga gidasonan sa tanang mayores sa Zamboanga del Norte ang resolusyon aron kondenahon ang kasamtangang justice secretary.

Si Mayor Lim nagkana-yon nga sila nga mga mayor sa Zamboanga del Norte mohimo ug half-mask sa nasudnong bandela sa ilang matag municipyo aron ipahi-bawo sa nasudnong panga-gamhanan nga wala sila makaangay sa gipahamtang hustisya para kang Nonong. Para sa presidente sa Mayors League, ilang katungod isip nagtamod sa usa ka prinsipyo diha sa pagsunod kon unsa ang anaa sa balaod, angayan nga ipatuman sa atong gobiyerno.

“Among katungod nga mopagawas ug sentemento nga ang usa ka balaod dili lang usa ka tawo maoy mohukom,” nagkanayon si Mayor Lim. Ang Capitolyo probinsyal nagsugod na ug butang ug itom nga ribon isip pagpaila nga namatay na ang hustisya sa mga katawhan. Sukad pa niadtung Miyerkules sa miaging semana ang atubangan sa plaza sa Capitol, gibutangan na ug itom nga ribon timailhan sa pagkondenar sa nahitabo kang Nonong. Matud pa kang Governor Lando Yebes, ang itom nga ribon nga ilang gibandela sa publiko maoy timailhan nga namatay na ang hustisya, dili lamang kang Jalosjos kon dili, hasta na ang katungod sa mga yanong katawhan.

“Is not just for Nonong Jalosjos, it is for the whole people of the philipines kay atong nakita the rights of a person can be trifled with, can be played by a mere secretary of justice to his whim and caprice iyang mabuhat nga usbon (niya) ang desis-yon.” Sumala pa ni Governor Yebes ang discharge order ni No-nong miaagi ug hataas nga prosseso ang mga papeles sa nagkada-iyang ope-sina. “Kon mao nay bu-haton wala natay rule of law. This will be the go-vernment of men but not of law.” “There are remedies provided for under our rules nga maoy angayan sundon ug buhaton sa atong mga secretaries. They should follow the rules and the law provided for.”

Matud sa gobernador kon himoon lang sa usa ka tawo ang iyang gusto ug kapritso nga dili motuo ug papeles, daghan kaayo mahitabo. “Pareha anang atong mga titulo sa yuta. Kon moingon ang Land Registration Authority nga dili ko motuo anang imong titulo kay ga-away tang duha personal, unsaon naman dayon na. Dili na diay ta motuo ug mga papeles?” Sama sa nahitabo kang Nonong. Ang iyang papeles miagi sa ussual processes, miagi sa mga hepe sa Bureau of Prisons ug miabot pa gayud sa secretary of justice..ang commutation gipermahan sa secretary of justice. Ang rules and regulation, standard operating procedures in the release of prisoners ang secretary of justice walay labot (kay) ang director of prisons lang.” “Ngano man nga by the whims ang caprice of one person without any basis at all, walay dokumento, walay balaod nga nagsulte usbon niya tanan.” Para ni Governor Yebes iya lamang maseguro nga si Nonong gihatagan na ug release order. “Kon nasayop man galing, ngano man nga imo mang hatagan ug silot ang tawo nga nag-antus nga dili siya ka-enjoy sa iyang rigths, iyang freedom of liberty under the constitution tungod lang sa usa ka tawo nga nagsulte nga sayop ang gibuhat.

“Today I have enclosed the whole capitol with black ribbons and streamers condeming the actions by the secretary of justice wherein he was trifling with the freedom of a person and not giving due course to the action of the National Bureau of Prisons people.” Si Mayor Eding nga maoy author sa tanang resolusyon nga nagkondenar kang Gonzales, lakip na ang panawagan sa pag ‘half-mask’ sa nasudnong bandela sa tanang lungsod sa probinsya sa Zamboanga del Norte namahayag nga isip mabuot nga lungsoranon ug molopyo sa pilipinas, atong katungod nga mopagawas sa atong baruganan. Alang kaniya, walay bisan usa ka tawo nga magbuot diha sa atong batakang balaod bisan pa ang presidente o kaha secretary of justice. Gikinahanglan sundon kon unsa ang anaa sa balaod ug dili himoon ang paglapas niini.

“Usa ka citizen sa Pilipinas we have that constitutional right of a person. Inherent…walay tawo nga puwede magbuot ana. Un-der the law, no man should be above the law. Bisag pre-sidente ka, bisag secretary of justice ka, you could not act beyond the law.” Sa kaso ni Nonong sumala pa ni Mayor Eding, gihatagan na ug release order ug gimarkahan na sa Bureau of Prison nga ‘free man’ na siya. “How come after he came to his home town in Dapitan gisakyan sa secretary of justice nga ipa-arest without any legal basis.” There is no order of arrest, no written order of arrest except that he just order the regional comman-der to come to Dapitan and take into costudy former Congressman Nonong Jalosjos.” Matud pa ni Eding isip usa ka abugado, dili siya gusto nga kining maong aksiyon ibutang sa jurisprudence “that the secretary of justice can just do his act and can just cripple with the freedom of every citizen in this country.

“Maayo gani nga ang naigo mao ang former congressman. What about Juan Dela Cruz? Kon si Juan Dela Cruz anaa sa kalye natulog i-aresto sa polis without warrant of arrest, without any case tungod kay gi-order sa secretary of justice, unsay mahitabo sa atong nasud?” “I sponsored that resolution in the name of justice, in the name of freedom, in the name of liberty. If in this situation former Congressman Nonong Jalosjos will benefit out that resolution then he will go down to history as a person who figths for his freedom, and the freedom of every Pilipino in this country,” nagkanayon si Mayor Eding.

SP resolution

Ang Sanguniang Panlalawigan sa Zamboanga del Norte mipakanaug ug resolusyon nga nagsuporta sa commutation sa Bureau of Corrections alang sa sayo nga pagawas ni Nonong Jalosjos. Ang maong resolusyon ilang gipasar atol sa ilang special session niadtung Biyernes sa dihang mipadala ug sulat-hangyo si Governor Lando Yebes nga mohimog lakang kabahin sa kahimtang sa kanhi kongresista.

Si Board Member Edgar Baguio maoy nangamahan sa resolusyon nagkanayon nga dili na angayan pugngan ug babagan sa justice department ang sayo nga pagawas ni Nonong tungod kay base sa computation sa Bureau of Corrections natapos na ang iyang serbisyo sa sentensiya. Matud pa ni Board Member Ricky Mejorada, usa ka “harrashment” ang gibuhat nga pag-emposar sa walay igong kapasikaran nga balaod batok kang Jalosjos tungod kay kini usa na ka gawasnon human giluwatan ang release order.

Ang maong resolusyon ‘unanimous’ nga gidasonan sa tanang membro sa hunta probinsyal gi-address ngadto kang Presidente Arroyo ug Justice Secretary Raul Gonzales. (The New Nandau, Vol. XVII No.25)

*

 

1ST YOUTH DEVELOPMENT SUMMIT GILUSAD SA ZANORTE

Sa unang higayon gilusad sa lalawigan sa Zamboanga del Norte ang Youth Development Summit nga nagtinguha sa paghatag ug tataw nga direksiyon sa padulngan sa sector sa mga kabataan aron mamahimo silang katimbang sa pagpalambo sa atong katilingban.

Si Mr. Ronilo Pacilan hepe sa Community Development Assistance Unit o CDAU mipahayag nga kini maoy rason nga gimandu gayud ni Governor Rolando Yebes ang pagmugna sa programang YES o Youth Enhancement Support Program sa tuyo nga ang sector sa mga kabataan mahatagan ug mahinungdanong papel diha na sa pagpalambo sa atong katilingban.

Sa unang higayon gilusad sa lalawigan sa Zamboanga del Norte ang Youth Development Summit nga nagtinguha sa paghatag ug tataw nga direksiyon sa padulngan sa sector sa mga kabataan aron mamahimo silang katimbang sa pagpalambo sa atong katilingban.

Ang ipahigayong Youth Development Summit dili lamang limitado ngadto sa mga meyembro ug opisyal sa Sangguniang Kabataan kay nakita ni Governor Yebes nga ang sector sa mga kabataan nagkalapad ug nabahin sa nagkadaiyang mga hugna diin adunay mga kabatan-onan nga nagbasi sa mga eskwelahan, kabataan nga nalambigit sa mga civic organizations, out of school youths nga nasakop sa nagkadaiyang mga kapunungan.

Matud pa ni Pacilan ang Youth Summit ugmang adlaw maoy magsilbing dugukan sa panaghiusa sa tanang mga kabatan-onan aron mahiusa sa ilang mga padulngan ug maklaro ang ilang mga direksiyon paingon sa gitinguhang kalambuan sa atong lalawigan. Nagkadaiyang mga kalihukan ang ilang gihan-ay alang na sa duha ka adlaw nga summit nga pagabuksan ugmang adlawa. Gibutyag usab ni Mr. Pacilan nga aktibo usab nga mopartisipar ugmang adlawa ang nagkadaiyang mga ahensiya sa nasudnong kagamhanan nga nagbatun ug mga programa para sa pagpalambo sa sector sa mga kabatan-onan sama sa Department of Labor and Employment ug Department of Agriculture.

Tinugyanan sa National Youth Commission ang gipaabot nilang motambong sa pagbukas sa Youth Development Summit uban na sa lederatu sa probinsiya nga gipanguluhan ni Governor Yebes. Matud pa ni Pacilan kini ang pinaka unang higayon nga nagkatapok ang mga youth leaders sa tibook probinsiya. (Press Freedom, Vol. XX No. 11)

*

 
Provincial Youth Summit gipahigayon

Gipahigayon ang Provincial Youth Summit sa Zamboanga del Norte Convention and Exhibition Center ning dakbayan sa Dipolog nga gitambongan sa subra dosyentos ka mga kabataan gikan sa nagkalain-laing lungsod sa probinsya.

Ang Youth Summit gihimo sulod sa tulo kaadlaw gitambongan sa sektor sa mga kabataan nga gilangko-ban sa Sangguniang Kaba-taan, Youth Enchancement Support kon YES ug uban pang kahugpongan nga nagrepresentar gikan sa mga tulonghaan, barangays ug lungsod. Matud pa ni Roney Pacilan, CDAU Unit Head, ang Youth Summit ilang gipahigayon niining naghi-napos nga tuig 2007 tungod kay mao kini ang pagsugod sa ilang comprehensive planning para sa 2008 program sa kagamhanang probinsyal.

Gipasabot ni Pacilan nga ang probinsya dunay in-house youth development initiative nga gani, gisugdan na pinaagi sa Youth Enhancement Support kon YES. Gipasabot ni Pacilan nga dili lamang ang Sanguniang Kabataan ang gihatagan ug pagtagad sa atong gobiyerno aron makahimo ug mga proyekto ug programa para sa sektor sa mga kabatan-onan kon dili, gihatagan usab ug dakong importansiya ang ubang kahugpongan sa mga kabataan nga aktibo sa nagkadaiyang kalihukan sa katilingban.

Sumala pa ni Governor Lando Yebes, ang youth sector karong panahona nagkadaghan gumikan sa nagkadaiyang sanga niini nga nagagikan sa tulonghaan sama sa student organiza-tion, civic youth, out of school youth, farmers youth nga mao ang 4-H Club ug uban pa.

Matud pa nga sa una, ang Sangguniang Kabataan moabot sa pangidaron nga 21 anyos, apan karon sa bag-ong balaod, ang SK diha na lamang kutob sa edad gikan sa 15 ngadto sa 17 anyos. Apan karon sa Youth Summit nga gipahigayon, gipahayag ni Pacilan nga walay gipili ang edad,. Matud niya kini himoon alang sa usa ka ‘uniting factor’ aron usahon ang tanang sektor sa mga kabataan nga nagrepre-sentar sa nagkadayang kahugpongan. (The New Nandau, Vol. XVII No.25)

 
 

Pulso Sa Katilingban
Cicer M. Binghay
With God nothing is impossible

Tulo ka adlaw gikan karon 2008. Laing bag-ong tuig gihimugso sa atong kalibotan. What would someone like me with simple wants and simple needs wish for? I am happy and satisfied with my life. God has been very generous with me and my family. But it would be selfish to wish for things only for myself. I wish that the government might have enough funds to take care of all the country’s indigent people. It is my fervent wish that all Filipinos will have faith and confidence in the leadership of the country. I personally believe that by doing so, we can move forward and start attaining the goals and objectives of the government. Si PGMA bisan naputos sa mga nagkadaiya nga pagsaway gumikan sa daghang mga bikil sa iyang pagdumala sa nasod sukad atong hatagan, paghingusog sa suporta sa iyang pagpaninguha nga mabakwi niya ang lungsodnong pagaway ug kasaypanan.

Gisugdan ni PGMA pagpang apod-apod mga bugas sa tanang mga nagtongha sa elementariya kabataan. Nakita nato, nadawat nato ang maong bugas. Iyang kamandoan nga matagaan matag pupil nagtungha nga walay gipihig ni pabor-pabor. Kahibulongan dinhi nga hangtod niining panahona wala kita makadungog nga mga hingtongdang otoridad sa DepEd ug NFA. Nowadays, material things are fast becoming the center of so many lives. Dili kini kanato malalis. Nga bisan unsay mga nadawat prohekto o serbisyo itongina-hatag sa atong kagamhanan gipakawala lamang nato sa buot. This is the primary source of the present problems we had not to appreciate the things most important things in the community. We are so busy running after material things, forgetting the most important person who gave us these things.

Nakita nato ang gihimong mga lakang kausaban ni PGMA. Giaway niya karon ang gaway sa kapobrehon. Naay krusada batok sa poverty. Giuna niya kining giapod-apod bugas, dobli nga gahin salapi alang sa edukasyon ug tripli ayuda alang sa pag modernize sa atong militar ug kapolisan paghatag tumang kalinaw sa nasod. Pagtuman sa mensahi sa paskohanong mithi, is that of peace, joy and love. Angay magpasalamat kita niining paskoha nga nadutlan atong Presidenti sa nasod sa singgit sa kagutom sa mayoriyang Pilipinhon. Let us not forget the most important person who gave us life. That we will all have the strength to face problems and sufferings encountered in the course of daily living. One thing we should remember is: with God nothing is impossible.

Niadtong Dec. 25 nahakatawa ko, pero nadutlan nga nahinoklog usad dihang nakit-an nako akong anak babaye nga usa ka magtutudlo sa elementariya nagtakos bugas humay gipanulod sa plastic bags matag duha ka kilo. Nakita nako sa matag plastic bag dihay mga pangalan sa mga nailhan nakong mga kadugo sa akong kapikas silingan sa among payag-payag sa sitio Malulang, East Poblacion, Manukan. Iyang gitaho nako ug sa akong kapikas nga kadto iyang ipang apod-apod. Nga hulaman niya among kagang-kagang multi-cab kargahan. Miingon ko nakaako ka pa Cling o Cleo iyang ngalan gani makadugang utang kay milapas na kaayo limit sa imong madawat binolan. Pero imbis ako napikal sa balit-ad sa akong pagtuo, nga manghatag siya nga naputos sa daghang utang sa lending…nangako pa gyod mohatag pa gyod tagurha ka kilo bugas. Nakit anako nga nakapalit siyag duha ka sako sa tag P1,300/50 kilos bag. Gibahin-bahin sa tagurha ka kilo nga maoy gidala ilayon kuyog sa usa ka Miss Verduguez nga iyang kauban magtutudlo nga dunay tuyo nilang duha mangadto pagbisita sa pagsaulog sa piyesta sa laing magtutudlo sa Piangon Elem. School. Gisulat nako kini kay nakaingon ako sa kaugalingon nga gikalipay nako ang gibuhat sa akong anak…nga nakapanghatag gamay’ng butang…bisan ubos sa iyang pagka gapos sa lending sa utang. Matod niya, malipay ko Pang makapanghatag sa nag kinahanglan akong gibahinan sila sa christams bonus ug laing benepisyo akong nadawat…iyawat malipay sila karong paskoha bisan sa kagamay sa butang. (Press Freedom, Vol. XX No. 11)

 
Credits: Press Freedom is published every Saturday and entered as 3rd class mail matter in Dipolog City. Printed by Young Printing Press with Editorial Office located at Upper Turno, Dipolog City. Tel. No. (065) 212-4343 or 212-6665

 

 
 

Auntie Sally: Nonong insperasyon sa KBP

WALA gililong ni kanhi presidente sa Kapisanan ng mga Broadkaster ng Pilipinas (KBP) dinhi sa Zamboanga del Norte nga si Auntie Sally Ella ang iyang kaguol ug kadismaya sa kahimtang karon ni kanhi Congressman Romeo “Nonong” Jalosjos.

Sa interview sa ZNUC, gipahayag ni Auntie Sally nga isip kauban kaniadto sa kapunungan sa mga magsisibya nga diin si kanhi Congressman Jalosjos ang nahimo usab kining former national president sa KBP dinhi sa Pilipinas ang dili unta kini tratahon sama sa iyang nahitabo karon nga gipaga-was gikan sa bilangguan apan gibakwi, buot na usab kining ibalik sa prisohan. Iyang gihatagan ug gibug-aton nga sa nakalabay nga mga semana gipahibalo nga makagawas na si Jalosjos sa New Bilibid Prison tungod kay aduna na kini released order. Gumikan niini nakita ni auntie sally nga confident na si Nonong nga maka-uli na sa Dapitan.

Gipahayag sa beteranang magsisibya nga dako ug nagpabilin gihapon hangtud karon ang iyang pag-respito kang Jalosjos nga nahimong national presidente sa KBP kaniadto. Alang kang Auntie Sally igo na kaayo ang gidugayon sa tuig nga giserbisyo ni Jalosjos sulod sa bilangguan. Sa maong mga panahon adunay maayong performance si Nonong nga iyang gipakita. Bisan si Atty. Katrina Legarda, abogado sa bata miklaro nga wala siyay pagsupak nga makagawas si Nonong gikan sa New Bilibid Prison.

Gitandi usab ni Auntie Sally ang kaso sa ubang mga tawo nga mas bug-at pa sa kang Nonong apan kini ang gipagawas sa gobyerno gikan sa bilangguan. Iyang giklaro nga ulahi na siya nasayod nga mi-uli si Nonong sa Dapitan niadtong Sabado. Kini ang iyang gikalipay tungod kay bisan sa kamubo sa panahon iyang nakauban ug balik ang mga Dapitanon ayha siya gidala ngadto sa dakbayan sa Zamboanga. Usa sa dili makalimtan ni Auntie Sally kang Nonong mao ang nadawat nilang pasidungog niadtong 1994 nga nahimong Most Outstanding KBP Awardee ang Zamboanga del Norte sa tibook Pilipinas nga dako kaayo ug gikatampo ang kanhi kongresista isip usa sa mga haligi sa kapunungan sa mga broadcaster sa atong probinsiya ug sa nasud. Si Nonong ang nagsilbi kining inspirasyon sa KBP. (The New Nandau, Vol. XVII No.25)

 

Credits: The New Nandau is a member of the Publishers Association of the Philippines (PAPI). Editorial office is located at 076 Quezon Avenue, Dipolog City with Tel. No. (065) 212-3794; Cell No. +639205201041

*

MORE NEWS NGA BINISAYA

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON