January 1, 2008

 

mga opisyal sa dapitan nahugno gipugngan paggawas ni jalosjos

Mga opisyales sa kagam-hanang lokal sa dakbayan sa Dapitan nga gipangulohan ni Mayor Dominador Jalosjos, Jr., ang nahugno sa report nga gipugngan sa Justice Department ang pagawas sa ilang giilang lider ug idolo. Si Vice Mayor Patri Jing Chan sa interview sa mga membro sa Zamboanga del Norte United Corrrespodents namahayag nga na-hugno ang ilang paglaum sa dihang ilang nabate nga napakgang ang pagawas ni Jalosjos niadtung Dominggo.

Matud ni Vice Mayor Chan, niadtung Sabado sa gabii silang mga Dapitanon ang nagmaya ug nagsaulog sa ilang tumang kalipay hangtud na sa alas dose uno sa tungang gabii nianang pagka dominggo nga makagawas na si Nonong. Mga Dapitanon ilabi na ang mga supporters ug loyalist naglipay sa maong gabii. Gani daghang nagpre-parar sama sa mga pagkaon ang uban nag-andam ug manok, baboy, kabaw, kan-ding ug baka nga ilang ihawon inig abot ni Nonong nga gikatakda unta sa Dis-yembre 20. Apan ang ilang tumang kalipay ug pagpa-ngandam ang takulahaw kalit napalong ug nahugno sa dihang ang Justice Department ang mipugong sa pagawas ni Jalosjos. Matud ni Konsehal Apple Marie Agolong, wala nila damha niadtung sabado sa gabii nga nagtipok ang daghang tawo sa plaza nga miduyog sa ilang pagselebrar nga makapaule na si Nonong. Ang ilang fire works display milungtad ug hapit usa ka oras. Hangtud pa sa alas dose uno sa tungang gabii sila naghulat uban sa pagmaya diin maoy petsa (December 16) sa kagawasan ni Nononong. Apan ang mao nilang kalipay gibugtean sa makaluya nga balita human si Justice Secretary Raul Gonzales mibabag sa sayu nga paglaya ni Jalosjos.

Si Vice Mayor Patri Jing Chan sa interview sa mga membro sa Zamboanga del Norte United Corrrespodents namahayag nga na-hugno ang ilang paglaum sa dihang ilang nabate nga napakgang ang pagawas ni Jalosjos niadtung Dominggo.

Gipahayag ni Bise Mayor Chan nga sa pagkakaron, wala pa gayud sila maka-hunahuna ug unsay anga-yang buhaton kay hangtud niining bahina wala pa usab sila masayod kon unsay halawom nga hinungdan nga gibabagan man ang pagawas ni Nonong. Matud niya, sila sa Sanguniang Panlungsod ug mga opisyal sa Dapitan nga gipangulohan ni Mayor Jalosjos maniid pa unsay sunod nga mahitabo kay dili usab sila magpataka ug himog mga lakang nga makapasamot hinoon ug kabolabog sa maong issue.

Para ni Chang, dili klaro ang rason sa Department of Justice ngano nga gipugngan sa maong departamento ang pagawas ni Jalosjos. Alang kaniya, kon unsay angayan nga ipatuman para ni Nonong gikinahanglan kini pagahimoon. Matud ni Chan, si Jalosjos nakaserbisyo na sa iyang sentensiya ug kini gipaubsan gumikan sa ma-ayo niyang gawe. Tungod sa commutation nga gipamub-an ang iyang sentensiya, kon miabot na sa panahon nga siya pagawson, angayan lamang kini ipatuman. Si Chan nga kanunay nagbisita didto sa National Bilibid Prison sa Muntinlupa, mipamatuod sa maayong binuhatan ug gawe nga gipa-kita ni Jalosjos hinungdan nga nakapundo kini ug dako nga “good conduct time allowance” nga maoy giba-sehan sa commutation sa Bureau of Corrections nga maoy nakapasayo kaniya ug gawas.

Matud ni Chan, sulod sa mga katuigan nga si Jalosjos nagserbisyo sa iyang senten-siya, dako kaayo ang nahi-mong kausaban sa Bilibid, kini tungod sa gipakita nga maayong gawe ilabi na ang pagtabang sa mga kauban niyang inmates, pagpahimo ug basketball court, tennis court, pagpanindot sa sim-bahan, pagpa-aspalto sa da-lan ug pag-reporma sa mga binilanggo. Wala man kini nahibaw-e sa tawo nga mao ni ang nabuhat ni sir Nonong didto sa Bilibid,” nagkanayon si Vice Mayor Chan. Sa samang higayon si Konsehal Agolong isip usa ka babaye ug membro sa City Council sa dakbayan sa Dapitan namahayag nga dili makiangayon ug makatarunganon nga si Nonong pagatawgon ug “convicted rapist or child mullester” sigon sa mga balita nga mapatik sa nasud-nong pamantalaan ug maoy pag-ila sa ubang kritiko ug sektor tungod kay wala ma-establisar sa korte ang kaso nga kini manlologos ug bata.

Matud niya, dili angay tratahon ug ingon niini si Nonong gumikan kay kadag-hanan sa mga lalaki nga nakighilawas ug laing babaye, wala kini mangayo ug birth certificate aron sa pag-ila nga kini minor de edad ba og dili. Para ni Agolong, bisan tuod kon siya usa ka babaye apan iyang gisandigan ang realidad karong panahona. Pagkakaron ang mga Dapitanon wala pa mawad-e ug paglaum nga maka-paule ug sayo si kanhi Cong-ressman Romeo Jalosjos. Sa dihang gikuhaan unta ug iyang reaksiyon ang anak ni Nonong nga si Board Member Bullte Jalosjos, kini mibalibad kay maghulat nalang sila unsay mosunod nga mahitabo. Sa kabahin ni Mayor Jun Jalosjos, gipahayag nila ni Konsehal Agolong, Kon-sehal Arnold Cadano ug Vice Mayor Chan nga kini nagdaut gumikan sa maong hitabo. (The New Nandau, Vol. XVII No.25)

*

 

Lungkab sa Post Office “inside job?”

Mokabat sa 138 mil pesos ang balor sa mga money order o blank check ang apil sa gidala sa mga wala pa mailhing tawo nga mi-ransack sa Post Office dinhi sa Dipolog niadtong miaging gabii (Dec. 18, 2007.) Niadtung Miyerkules sa buntag, nadiskobrihan na lang sa mga kawani sa Post Office nga nangabungkag na ang mga butang sulod sa maong buhatan. Ang lawak nga anaa gibutang ang mga kinahon nga package nga nadawat sa Post Office-Dipolog gikan sa mga laing nasud giguba ang kandado niini.

Sa gihimong follow-up sa mga miyembro sa ZNUC, gibutyag ni Mrs. Lez Letran Bato, in-charge sa money order nga abri na ang iyang drawer sa pag-abot niya sa maong buhatan. Ang 139 ka mga blank checks ang nahurot na ug kawala nga mokantidad sa P138 mil pesos. Gituhuan nga suheto ang nagkuha sa maong mga money order tungod kay gi-apil usab niini pagkawat ang para tamla sa cheke nga maoy usa sa pinaka-importanti aron kini ang ma in cash. Tungod sa maong hitabo kasamtangan gihunong ang transaction pag-process ug money order. 

Nasayran gikan kang Justino Sorronda incharge sa mga package, nga adunay foreign ug domestic package ang gipugos pag-tabas ang carton ug gipanghiling ang sulod samtang adunay usa ka carton nga gikan sa Amerika gihurot ug kuha ang sulod niini. Iyang gibutyag nga aduna nay susama nga panghitabo kaniadto ang nasinati sa post office dinhi sa Dipolog apan kini ang nasulbad ra. Iyang gituhuan nga dili lang usa ka tawo ang naglungkab. Matod pa usab ni Rey Dela Cruz, Postal District Manager nga ila pa usab karon nga subayon kung aduna bay mga sulat nga apil sa gikawat. Nasayran nga adunay usa ka sulat ang gigisi sa pagtuo nga adunay gilukip niini nga kuwarta. Gawas pa, ila usab nga subayon kung naka-insured ba ang mga gipadala nga butang nga apil sa gikuha sa mga kawatan.

Tungod sa pagdaginot sa gasto ang Post office dinhi sa Dipolog ang taud-taud na nga wala mag-hire ug security guard hinungdan nga sayon ra kaayo sa mga kawatan ang pagsulod. Ang post office ang nagsalig lamang sa seguridad sa terminal nga anaa ra sa luyo. Sa maong sitwasyon gilantaw nga wala gayoy kasigurohan nga luwas ang gipadala nga mga butang nga gipaagi sa post office Dipolog. (Press Freedom, Vol. XX No. 10)

*

 

zanorte med. center angay nang buksan, mga dapitanon wala mahimoot sa paglangan sa pag-issue permit

DILI lamang mga Dipolognong, apil na ang mga Dapitanon ang wala karon mahimoot sa gihimong paglangan  sa mayor sa dakbayan sa Dipolog sa operasyon sa Zanorte Medical Center nga nagdumili sa pag-issue ug occupancy permit tungod sa nagpahipi nilang rason. Bisan si Vice Mayor Jing Chan sa dakbayan sa Dapitan, wala niya gitago ang iyang sentimento bahin sa maong isyu.

Atul sa interview sa mga miyembro sa ZNUC, gipahayag ni Chan nga dako kaayo ug ikatabang ang maong tambalanan sa mga katawhan dinhi sa Zamboanga del Norte, apan kini ang dili pa maka-operate tungod lang sa occupancy permit nga hangtud karon wala pa gihatag ni Mayor Evelyn Uy. Gidugang ni Vice Mayor Chan nga basi sa sa structure o porma sa hospital, kini usa ka moderno nga pasilidad nga makita lamang sa mga dagkong lugar, apan kini ang ania na dinhi sa atong probinsiya tungod sa pagpaningkamot ni Governor Yebes.

Iyang gihatagan ug gibug-aton nga kinahanglan maka-operate na ang maong bag-ong tambalanan pinaagi sa pag-isyu ug occupancy permit ni Mayor Uy ug dili na angayan pang langay-langayon. Alang kang Chan, isip mga politico ang huna-hunaon unta mao ang kaayohan sa kadaghanan. Ang hospital ang nagserbisyo kini alang sa panglawas sa mga katawhan. Pinaagi sa Zanorte Medical Center daghang mga pobre ang makapahimulos sa serbisyo niini. (Mindanao Star, Vol.III No.48)

*

 
SK eleksiyon sa Prov’l Federation officials uncontested!
Angelica Carreon bag-ong SK Prov’l Fed. President sa ZaNorte

Malamposong gihimo ang piniliay sa Sanguniang Kaba-taan Provincial Federation officials sa Zamboanga del Norte nga didto gipahigayon sa Convention Center ning dakbayan sa Dipolog. Tanang milansar sa nagkadaiyang posisyon polos ‘uncontested’ kay parehong walay mikontra gikan sa presidente ngadto na sa pinaka-ubos nga posis-yon sa maong pederasyon.

Si SK Federation President Angelica “Angel” Jalosjos-Carreon sa dakbayan sa Dapitan maoy napili nga SK Provincial Federation President sa Zamboanga del Norte. Sa iyang pakigpolong, nagpasalamat ug dako si Angelica sa tanan niyang mga kaubang SK federation chairman sa tanang kalungsoran ug duha ka dakbayan sa probinsya nga misalig ug miboto kaniya. Matud niya, ang iyang gipakita nga maayong batasan ug gawi sa tanan niyang mga kauban sa SK Federation President maoy nahimo niyang pohunan sa pagboto kaniya isip maoy mag-representar sa sektor sa mga kabataan sa probinsya sa Zamboanga del Norte.

Si SK Federation President Angelica “Angel” Jalosjos-Carreon sa dakbayan sa Dapitan maoy napili nga SK Provincial Federation President sa Zamboanga del Norte.

Sa interview ning pamantalaan, gipahayag ni Hon. Angelica Carreon nga ang pagsalig nga gitugyan kaniya sa iyang mga kauban iyang paningkamotan nga iyang bugtian ug maayong serbisyo. Si Angelica nga mamahimong ex-officio member sa Sanguniang Panlalawigan nagkanayon nga sa pagkakaron iya pang giplano unsay angayan niyang buhaton para sa sektor sa mga kabataan gumikan kay bag-ong pa siya sa maong posisyon, apan iyang gipasalig nga iyang paningkamotan nga makahimo siya ug mga maayong programa nga ikalipay sa sektor sa mga kabatan-onan. Si Governor Rolando Yebes maoy mipanumpa sa tanang SK Provincial Federation Officials tapos opisyal nga gideklarar sa DILG ang tanang winning candidates. Gipahayag ni Provincial DILG Officer Jaime Paler nga wala sila makahinagbo ug problema sa maong piniliay kay hapsay ang pagpahigayon niini kay bisan usa walay mikontra sa tanang mikandidato ilabi na ang pagka presidente.

Sumala ni Paler dali ra kaayo gihimo ang eleksiyon kay human sa pag-nominate sa usa ka kandidato, i-close man dayon ang nomination ayha sila moboto ug iphon ang tanang balota. Matud ni Paler, inig session sa Sanguniang Panlalawigan mahimo nang molingkod isip ex-officio member sa hunta probinsyal si Angelica Jalosjos-Carreon kay wala na kinahanglana ang konpermasyon gikan sa ilang national liga. Sa pikas bahin sa eleksiyon sa Provincial Federation sa Liga ng mga Barangay gikatakda karong Desyembre 29. Matud ni DILG Paler wala siya makadawat ug dunay kausbanan ang pagpa-higayon sa piniliay sa Liga ng mga Barangay gumikan kay ang maong eleksiyon pagahimoon nationwide, sama sa gihimo sa eleksiyon sa SK nga synchronise usab.

Gipasabot ni Paler nga lahi ang eleksiyon sa SK ug ABC kay sa Sanguniang Kabataan ipaagi ug nomination apan sa Liga ng mga Barangay kinahanglan moduso ug Certificate of Candidacy ang mokandidato. (The New Nandau, Vol. XVII No.25)

*

 

Sindangan napikas tungod sa politika

Wala itago sa gobernador sa Zamboanga del Norte ang gibati niyang kasubo sa gidangatan karon sa nag-unang lungsod sa lalawigan nga napikas o nabahin ang mga katawhan tungod lamang sa politika. Kini ang gipabati nga mensahe ni Governor Rolando Yebes kagahapon sa pagtimaan sa ika 71 anyos nga kasumaran sa pagkahimogso sa lungsod sa Sindangan. Ang gobernador nagkana-yon nga ang nakita karong pagka pikas sa Sindangan tungod sa politika maoy mamahimong babag sa tulin nga paglambo niini.

Wala itago ni Governor Rolando Yebes ang gibati niyang kasubo sa gidangatan karon sa nag-unang lungsod sa lalawigan nga nabahin ang mga katawhan tungod lamang sa politika. Kini ang gipabati niya sa pagtimaan sa ika 71 anyos nga kasumaran sa pagkahimogso sa lungsod sa Sindangan. Ang gobernador nagkana-yon nga ang nakita karong pagka pikas sa Sindangan tungod lamang sa politika maoy mamahimong babag sa tulin nga paglambo niini. Kini ang gipalanog ni Governor Yebes human mamatikdi niini nga wala magpakita ug motambong ang tanang mga kapitan sa pinaka mahi-nungdanong okasyon sa maong lungsod.

Kini gipalanog ni Governor Yebes human mamatikdi niini nga wala magpakita ug motambong ang tanang mga kapitan sa pinaka mahi-nungdanong okasyon sa maong lungsod. Ang gobernador miingon nga ang mga kapitan adunay mahinungdanong papel nga gihuptan kay sila ang giilang lideres sa ilang barangay nga maoy magdala sa kalambuan sa ilang tagsa-tagsa ka mga lugar. Matud pa niya karon angayan nang ihikling ang pamolitika kay nakalabay na ang eleksiyon ug mao na untay lihukon sa mga lideres sa barangay kon unsaon sa pagpalambo ang ilang mga lugar. Para niya kon magapabilin sa huna-huna sa mga lideres sa  barangay ang kabahin sa pamolitika hangtud karon ug dili moduyog sa usa sa pinaka mahinungdanong kalihukan sa lungsod dili gayud makapaabot ang taga Sindangan nga maka angkon sa gitinguhang kalambuan.

Kon aduna may makuha nga kalambuan kini ginagmay lamang tungod kay nagkatibulaag ang mga lideres wala magkahiusa sa ilang mga padulngan. Ang gobernador sa iyang pakigpulong miapilar sa mga lideres sa barangay sa Sindangan nga maoy ilang unahon karon sa paghuna-huna unsaon sa pagpalambo ang ilang lungsod. Sa samang bahin gidayeg sa gobernador ang mga local nga opisyales sa Sindangan nga nagkahiusa sa pagduyog sa ilang seleb-rasyon kagahapong adlawa nga gipakita nila ang paghikling sa politika. Samtang sa laing bahin, malamposong napili nga bag-ong representante sa tingog unya sa mga kabataan sa hawanan sa balay balaura-nan sa probinsiya sa Zamboanga del Norte si Angel Jalosjos-Carreon nga maoy napiling presidente nga walay mikontra. Dali ra nahuman ang eleksiyon sa SK Provincial Federation sanglit ang linya ni Angel Carreon walay miatbang bisan na sa ubang mga posisyon sa ilang pederasyon.

Si Angel nga maoy mahimong bag-o nga ex-officio member sa Sangguniang Panlalawigan sa hamubong interview nga gihimo human sa ilang eleksiyon nagkanayon nga iyang paningkamutan nga aduna gayud siyay mapadas-og nga lakang isip sakup sa balay balauranan sa probinsiya. Samtang si Congresswoman Cely Carreon, mitataw nga iyaha gayud nga suportahan iyang kaugalingong anak kay mosuporta man gani siya ug laing tawo. Ang kongresista sa primero distrito mipasalig usab sa pagtabang sa ubang mga SK chairman sa mga kalungsuran bisan wala sila mahimong opisyal iyaha gihapon kining tabangan. Matud pa nagsabot na usab sila ni Congressman Cesar Jalosjos nga ilaha gayud nga tabangan ang nagkadaiyang mga SK sa mga kalungsuran sa ilang mga proyekto. Ang kongresista midugang sa pagpahayag nga usa sa iyang itambag ngadto kang Angel nga kinahanglan patas gayud ang iyang paghatag ug pagtagad ngadto sa tanang mga SK ug suhitohon niini sa kanunay unsay ilang mga gikinahanglang proyekto. (Press Freedom, Vol. XX No. 10)

 
 

Mayor Uy midayeg sa proyekto ni Gov.Yebes sa Central brgy.

Mipalanog sa iyang pagdayeg si Mayor Evelyn Uy ngadto sa gipahimutang nga proyekto ni Gov. Lando Yebes sa Central Barangay ning dakbayan sa Dipolog nga ang gihatagan ug pagtagad mao ang kabahin sa edukasyon sa atong mga kabataan. Mao kini ang gipalanog  ang minsahe ni Mayor Uy sa pagtugyan ni Yebes sa tunga sa milyon ka pesos nga daycare center sa Central barangay nga gipahatan ug pundo gikan sa kagamhanang probinsiyal sa Zanorte.

Matud pa ni Mayor Uy ang gibuhat sa kagamhanang probinsiyal bisan usa lamang kini nga gamay nga tikang apan usa usab kini ka tukmang lakang paingon na sa hustong direksiyon. Gidayeg ug gipasalamatan ni Mayor Uy si Gov. Yebes ug mga sakop sa hunta probinsiyal sa gihatag nilang gasa para sa mga kabataan sa Central Barangay sa Dipolog. Ang minsahe ni Mayor Uy gibasa pinaagi ni atty. Alanixon Selda ang City Information Officer sa Dipolog.

Sa samang bahin nagpasalamat usab si Barangay Captain Rosana Diaz sa Central Barangay sa gihatag nga proyekto gikan sa probinsiya. Matud pa niya nga ang nasangpit nga daycare center makatabang gayud ug daku sa paglambo sa mga kabataan sa ilang barangay. Daku ang pagtoo ni Kapitan Diaz nga madasig gayud ang ilang mga kabataan sa pagtungha sa bag-ong daycare center kay sa iyang nakita nga kung maayo ang pasilidad ang usa ka eskuwelahan siguradong ganahan usab ang mga kabataan nga motungha aron daghan silag makat-onan.

Ang kapitan sa Central Barangay nagkanayon nga kung unsa man ang ilang matabang isip mga local officials sa barangay ngadto sa mga kabataan kinahanglang dili gayud magmakuli kay anaa sa mga kabataan ang paglaum sa atong katilingban. Mipalanog usab sa iyang pagpasalamat si Board member Adre Adriatico nga maoy mirepresentar sa Sanguni-ang panlalawigan sa Zanorte. Samtang si Gov. Lando Yebes sa iyang pakigpulong mitataw nga sa iyang panerbisyo karon sa katawhan sa probinsiya edukasyon maoy usa sa gihatagan niya ug dakung pagtagad kay sa mao ra nga paagi nga magkatupong ang pobre ug datu.

Matud pa sa gobernador nga sama sa gibuhat nila sa Central Barangay sa Dipolog ang ubang barangay sa lalalwigan nagkinahanglan usab ug susamang pasilidad kay hangtud karon mokabat pa sa 64.8 porsiento sa atong mga katawhan ang kabus kun sa atong populasyon nga usa ka milyon kini nagpasabot nga aduna pay 650 mil ka mga lungsuranon sa Zanorte ang kabus. Ang gobernador nagkanayon nga nalipay siya ug daku nga gihatagan siya ug higayon nga maksirbi sa mga katawhan sa Dipolog bisan sa gamay nga proyekto sama sa daycare center. (Mindanao Star, Vol.III No.48)

*

 

Misupak sa media ban interview sa DOJ
Nonong: “I am free”

Giangkon ni kanhi Congressman Romeo “Nonong” Jalosjos nga siya usa na ka gawasnon nga tawo ug mi-insister nga siya libre na sa tanan ug dunay siyay mga dokumento nga makapamatuod niini. Kini ang gipadayag sa kanhi kongresista samtang ang palasyo ug Justice Department miangkon nga ang panahon sa pagserbisyo sa prisohan dili pa kompleto ug midepensa sa desisyon sa presidente nga ihunong ang pag-release samtang misandig nga ‘procedural lapses and public interest’ maoy nag-unang rason.

Sa interview didto sa New Bilibid Prison compex, si Jalosjos ang mipakita sa mga membro sa media sa release order nga giluwatan sa Bureau of Corrections. Matud niya niadtung alas 4:30 sa hapon adlaw’ng Domingo, ang iyang pamilya ang mikuha kaniya sa iyang quarters sa National Bilibid Prison. Mitambong pa sila sa misa sa Ina ng Awa Parish nga anaa sulod sa compound sa Bilibid. Human sa misa nangule sila ug nanihapon. Igo lang siya nakapahulay gamay, kalit lamang siya gitawagan sa prison officials ug mihangyo nga siya pabalikon tungod kay ang Department of Justice gusto pa nga reviewhon ang iyang estadu sa pagawas.

Sumala pa ni Jalosjos wala siya nagmakule sa pagkooperar sa dihang nagpakita siya pag-usab sa National Bilibid Prison ug mihanyag sa hangyo sa DOJ nga reviewhon ang iyang sentensiya. Para sa kanhi kongresista dunay wala pagkasinabot ug misinterpretation kabahin sa computation sa iyang sentensiya nga iya nang giserbesyoan. Konpedente si Jalosjos kabahin sa computation sa iyang sentensiya nga gihimo ni kanhi Bureau of Correc-tions Director Vicente Vina-rao ug sa iyang successor nga si Director Ricardo Dapat. Para kang Jalosjos sa kabahin sa iyang kaso, dili na gikinahanglan ang reko-mendasyon gikan sa laing opesina o kaha sa DOJ. Si Director Dapat dugang niya kinahanglan mopatuman gayud kon unsa man ang gikinahanglan nga ipatuman kay ug dili kini buhaton hayan mag-atubang kini ug arbitrary detention.

Apan sa kabahin ni Justice Secretary Raul Gonzales ang pag-release ni Jalosjos usa ka premature tungod kay wala kini ma-aprov sa Department of Justice. Sa iyang kabahin andam si Nonong modangop ngadto sa hukmanan kon walay mahitabo sa iyang pag-release. Sumala pa niya andam niyang panalipdan ang iyang kaugalingon kabahin na sa computation nga gihimo sa Bureau of Corrections. Alang kaniya, kinahanglan respetoan ang Bureau of Corrections ug dili ibaliwala ang ilang desisyon.

Matud pa ni Director Dapat, ang pagawas ni Jalosjos wala na kinahang-lana nga duna pay documen-tation nga pagapermahan ni Presidente Arroyo. Para kang Dapat, kining matang sa pagawas maang-kon ni Jalosjos human sa pag-review sa records section mahitungod sa kaso ni Nonong ug nakita nga kini puwede na nga pagabuy-an gikan sa bilangguan. Giangkon pa sa director nga wala na kinahanglana nga mo-coordinate sila sa Board of Pardons and Parole o kaha ngadto sa Malakan-yang sukad nga ang kanhi kongresista igo na nga naka-serbe sa iyang sentensiya. Sumala sa “Certificate of Discharge from Prison”, pinitsahan ug Desyembre 16, kini gipermahan ni NBP Supt. Juanito Leopando.

Sa samang bahin si Cong-ressman Romeo “Nonong” Jalosjos wala misunod sa mando sa Department of Justice nga ang tanang binilanggo did-an nga magpa-interview ug media sa dihang ning semanaha nagpa-interview sa ABS-CBN TV Station miinsister nga dili siya apil sa pag “ban” atubangan sa iyang pag-angkon nga dili na siya usa ka piniriso. Angay masayran nga si Justice Secretary Raul Gonzales mipagawas ug kamandoan nga nag-ban ug media interview o kaha press conferece sa tanang binilanggo nga walay pagtugot gikan sa iyang buhatan. Matud ni Nonong Jalosjos, dili siya covered sa ‘ban interview’ gumikan kay usa na siya ka gawasanon nga tawo ug dili isip binilanggo. Sumala pa niya, hangtud nga dili ma-revoke ang iyang release order pabilin siyang gawasnon ug libre sa tanan unsa man nga angay niyang buhaton.

“Until now unless they revoke for all cause yong aking release order. Hindi ako priso. Akoy lumakad, nagtatrabaho, nakipag-usap sa mga pamilya ko at (akoy) free man, hindi na priso. Kaya nga, yong sinasabi nilang pinagbawalan ang priso (ma-interview sa media) hindi naman appli-cable sa akin kaya didto kinausap kita,” nagkanayon si Jalosjos sa dihang gi-interview sa ANC (ABS-CBN) Television Station.

Jalosjos miangkon nga siya usa na ka “free man” gawas kon i-revoke sa Jus-tice Department ang iyang release order nga gi-isyu ni Bureau of Corrections Director Ricardo Dapat.

Vice Chief Presidential Legal Councel Sergio Apostol namahayag nga base sa DOJ computation, si Jalosjos eligible nga ma-release karon pang Abril 2009. (The New Nandau, Vol. XVII No.25)

*

 

GOBERNADOR WALA MATAGBAW SA PAG-IMPLEMENTAR SA FOOD FOR SCHOOL PROGRAM

Wala itago sa gobernador sa Zamboanga del Norte ang iyang wala pagka tagbaw sa implementasyon sa Food for School Program para sa lalawigan nga gimandu sa Malacanang silbing kabahin sa Hunger Mitigition Program ni Presidente Gloria Macapagal-Arroyo.

Kini ang giklaro ni Governor Rolando Yebes, kinsa nagkanayon nga nasuko siya nga wala gani pahibaw-a ang iyang buhatan kabahin niini. Sa nasayran adunay 21 ka mga probinsiya nga gipa-ilawom sa Food for School Program ni Presidente Arroyo diin ang ZaNorte maoy nag-una.

Sumala pa sa gobernador nahibawo na lang siya niini sa dihang nagka istorya sila ni Dr. Sharif Adzhar Sarahadil sa iyang pagbisita sa miagi didto sa Barangay Pange sa Siayan.    Sa nasayran karon lang bag-o nahibaw-an sa buhatan sa gobernador nga nakahinagbo ug problema ang nasangpit nga programa kay naglisud sa pagtransportar sa bugas gikan sa National Food Authority paingon sa nagkadaiyang mga public schools sa probinsiya gikan sa Rizal paingon sa Sibuco sa dihang adunay gipatawag nga panagtagbo sa miaging semana kabahin na sa maong programa.

Matud pa ni Governor Yebes wala gayud pahibaw-a ang iyang buhatan kabahin na sa implementasyon sa maong programa busa wala usab dayon makalugway ang probinsiya sa iyang tabang para mapasutoy ang pag-implementar niini. Sa nahibaw-an gikomitir ni Governor Yebes ang mga pasilidad sa probinsiya particular na sa mga sakyanan niini nga maoy motabang sa paghakut sa mga bugas paingon sa nagkadaiyang mga munisipyo aron mahatud kini ug madawat gayud sa mga tinugyanan sa Department of Education uban sa ilang mga municipal mayors aron mao nay mohatag usab ug tabang sa pagtransportar niini paingon sa nagkadaiyang public schools sulod sa ilang hurisdiksiyon. (Press Freedom, Vol. XX No. 10)

*

 

mga outside market retailers sa nfa wagtangon na

SUBAY sa kamanduan sa labaw nga buhatan sa National Food Authority (NFA) e-phase out na sugod karong bulan sa Enero tuig 2008 ang mga outside market retailers. Kun ang mga tindahan nga nahatagan ug accreditation sa NFA alang sa ilang pagpamaligya ug bugas gikan sa gobyerno.

Dinhi sa Zamboanga del Norte adunay 700 kapin ka mga outside market retailers ang adunay accreditation sa NFA. Sa interview sa mga miyembro sa ZNUC, giklaro ni Omar Mohamad, NFA Provincial Manager dinhi sa Zanorte, nga ang accreditation lamang sa mga outside market retailers ang wagtangon, nagpasabot nga dili na sila mahimong maka-angkat ug bugas gikan sa NFA nga ilang mabaligya ngadto sa mga katawhan.

Mahimong ipabilin sa NFA ang accreditation ngadto sa mga tindahan kung kini ang anaa sa mga hilit nga barangay nga gi-certify sa Department of Social Welfare and Development. Dili na usab mopabaligya ug bugas ang NFA ngadto sa mga outside market retailers diha sa mga kabarangayan kung aduna nay Tindahan Natin. Gidugang ni NFA Provincial manager Mohamad nga kung adunay pag-ubos sa supply sa bugas dinhi sa atong probinsiya ihunong usab nila ang pagbaligya ug bugas ngadto sa tanang mga accredited retailers. Kini aron sa paghatag ug prayoridad sa Food for School program uban sa Pamaskong Handog. Sa karon igo-igo ra ang supply sa bugas sa NFA alang sa tibook lalawigan. Kini ang ilang gi-andam alang sa nahisgutang programa nga diin sa sunod tuig laing hugna na usab sa Food for School program ang ipatuman sulod sa 36 ka adlaw dinhi sa Zamboanga del Norte.

Ang mga accredited retailers ang gilangkuban kini sa mga tindahan nga anaa sulod ug gawas sa merkado ug Bigasang Bayan. I-apil usab sa NFA ang pagpahunong ug baligya ug bugas nga gipaagi sa PDAF sa mga kongresista. Samtang sa laing bahin, na-atubang kagahapon sa buntag ni Governor Rolando Yebes ang laing team nga gikan sa International Fund for Agricultural Development (IFAD) sulod mismo sa buhatan sa gobernador. Tuyo sa taga IFAD pinaagi nila ni Ashwani Muthoo ug Andrew Brubaker mao ang pag-evaluate sa nahimong agi sa pagpatuman sa mga proyekto nga gipaagi sa WMCIP uban sa suporta sa kagamhanang probinsiyal. Sila si Muthoo ug Brubaker ang nahimoot sa ilang nakita sa pagpatuman sa mga proyekto dinhi sa probinsiya nga direktang natunol ngadto sa mga katawhan. Posibli nga sa sunod tuig adunay ikaduhang hugna sa pagpatuman sa laing mga proyekto alang dinhi sa Zanorte. Apil sa mi-atubang kang Governor Yebes mao si DAR Regional Director Julita Ragandang. (Mindanao Star, Vol.III No.48)

*

 
sk president carreon dili did-an kon mo-eskwela sa laing lugar

DILI did-an ni Congresswoman Cely Jalosjos Carreon ang iyang anak nga si Angel Carreon nga maoy napili nga bag-ong SK provincial federation president human sa election sa milabay’ng semana nga mo-eskwela ngadto sa laing lugar o gawas sa atong probinsiya. Kini maoy gipahayag ni Congresswoman Carreon nga nahinabi  sa mga sakop sa ZNUC subay na sa naandan nga isyu sa kahimtang sa SK nga diin dili na kini makaatiman sa mga kabataan tungod kay atua kini nagtungha sa mga lagyong lugar.

Si SK Prov’l Federation President, Angel Carreon ang nag-una sa pagpanumpa atubangan ni Gov Yebes uban ang bag-ong napiling SK officials.

Matod pa sa kongresista nga kung makadesisyon ang iyang anak nga mo-eskwela ngadto sa laing lugar dili niya kini pugngan apan iyang paninguhaon nga maka-uli kini dinhi sa atong probinsiya ug makigkita sa mga Sk chairman. Iyang gihatagan ug gibug-aton nga sama kaniya isip kongresista nga atua kanunay sa kaulohan iya gayud nga gipaningkamutan nga maka-uli matag semana ug mao usab kini ang iyang gusto nga ipabuhat sa iyang anak. Sa nasayran gikan kang Adonis Carpio dela Cruz ang ilang PRO sa Sk provincial federation, ania kining ilang  bag-ong hut-ong sa mga opisyales, presidente Angelica Jalosjos Carreon, Vice president Erick neil dagumo, secretary glorife dayonot, treasurer jessa gallo, auditor  berictimar macias, p.r.o. Adonis carpio dela cruz ug sgt at arms abdul aziz esmali.

Christmas bonus

Sa laing bahin, mas bibo karon ang pagsaulog sa pasko sa mga empleyado sa kapitolyo, human nga ilang nadawat ang ilang chirstmas bonus niadtong mi-aging semana, karon madawat na usab nila ang ilang 14th month pay o 14 th month bunos. Makapalanog nga pakpak ang nabati kagabii gikan sa mga empleyado human nga gi-pahibalo ni governor yebes ang kabahin sa maong bunos atul sa Christmas party kagabii. Mas makabungog nga hugyaw ang nabati gikan sa mga job orders sa dihang gipahibalo usab sa goabernador nga makadawat usab kini ug tag dos mil pesos ang matag job order sa kapitolyo. Kini ang gihimo sa probinsiya isip pagpasalamat usab ngadto sa tanang mga empleyado sa gipakita niining suporta sa administrasyon ni governor Yebes. Ang madawat nga bunos sa mga empleyado timaan kini nga nagpabilin nga himsog ang panudlanan sa probinsiya.

 
 

 

Mahinayon ug wa’y kausaban sa Handuraw ‘07 –VM Chan
By:  ALFREDO “ PEDOY “ OGOC
 

Mahinayon gayud ug walay mga kausaban ang mga kalihukan subay sa pagsaulog sa Handuraw 2007 sa dakbayan sa Dapitan.  Mao kini ang gipalanog ni Bise Mayor Jing Chan sa dakbayan atul sa gipahigayong Press Conference sa mga sakop sa Zamboanga del Norte United Correspondents kon ZNUC didto na sa buhatan sa Bise Mayor, niadtong Martes, Disyembre 18 ning tuiga.

Mipaklaro si Bise Mayor Chan nga ang mga kalihukan sa naasoy’ng Handuraw 2007 sugdan kini karong umalabot Disyembre 27 ug hangtud kini sa Disyembre 29 ning tuiga. Nasayran nga sa unang adlaw kon Disyembre 27 nianang buntag ang mga kalihukan mao kining mosunod :  pagpahigayon sa usa ka Mesa, Seminar / Workshop may kabahin kini sa Re-affirming the Teaching of Rizal’s Virtues and Idealisms in Philippine Schools in the context of the New Millennium :  In search of Global Competitiveness and Excellence: Turn-over Ceremony sa buhatan sa Torismo – Region 9; Parade of Floats on the Legacies of Dr. Rizal in Dapitan;  Ug sundan gilayon kini sa opening program sa naasoy’ng Handuraw.  Ug pagka-hapon sa mao gihapong adlawa, pagahimuon nila ang Launching of the Book “ The Dapitan Correspondence of Dr. Jose Rizal and Dr. Ferdinand Blumentrit “ compiler : Former Congressman Romeo Jalosjos of the 1st District ning lalawigan; pagbukas usab sa mga booths sa Ten Anchor Destinations ingon man sa Visual Arts Exhibit.  Ug nianang pagkagabii himuon gilayon nila ang indigay sa kaanyag kon Mutya sa Handuraw 2007.

Sa ikaduhang adlaw kon Disyembre 28 adunay Fluvial Parade ug Chorale ug Rondalla Contest.  Ug sa katapusang adlaw kon Disyembre 29 nianang ala-una ang takna sa hapon mao ang pagpahigayon sa Street Dancing palibot sa dakbayan ug ang Showdown niini dinha ra usab sa Dapitan City Plaza.  Ug sa pagkagabii sa mao gihapong adlawa adunay Balak Contest; Initiation of New Members of the knights of Rizal ingon man usab ang Fireworks niini nga himuon didto sa may Sunset Boulevard. Pinasubay niini, si Bise Mayor Chan ang hugtanong nagadapit sa tanang mga Dapitanon ug dumuduong sa pagsaksi gayud sa mga kalihukan ug kalingawan sa naasoy’ng Handuraw 2007 sa dakbayan sa Dapitan. (Mindanao Star, Vol.III No.48)

*

 

zamoras bag-Ong znuc singing idol '07
By: Alfredo "Pedoy" Ogoc

Dakung garbo karon ang naangkon sa usa  ka 23 anyos nga dalaga nga taga – Barangay Olingan dakbayan sa Dipolog human nga iyang naangkon isip Grand Champion sa Singing Idol 2007 nga gipasiugdahan ubos sa Zamboanga del Norte United Correspondents kon ZNUC didto na sa may Capitol Plaza dakbayan sa Dipolog niadtong  Sabado sa gabii, Disyembre 15 ning tuiga

Bisan pa man nga nag-ulan-ulan niadtong higayuna, apan ang ZNUC Singing Idol 2007 ang kini hapsay ug nagmalinawon ra kini sa pagpahigayon ingon man gidugukan usab kini sa mabagang duot sa mga katawhan.
 

Ang Grand Champion sa ZNUC Singing Idol 2007 nga si Fritzel Zamoras, 23 anyos, dalaga ug nagpuyo sa Barangay Olingan dakbayan sa Dipolog ug siya usab nakadawat sa ganting cash mobalor sa 3 mil ka pesos.

Ang maong Grand Champion giila kini sa pangalang Fritzel Zamoras, 23 anyos, dalaga ug nagpuyo sa Barangay Olingan dakbayan sa Dipolog ug siya usab nagpakadawat sa ganting cash mobalor sa 3 mil ka pesos.  Samtang ang napiling first runner – up mao si Zenny Pontanar, 15 anyos, dalaga ug nagpuyo sa may Barangay Cogon dakbayan sa Dipolog ug iyang nadawat ang ganting cash nga 2 mil ka pesos ug ang nakaangkon sa second runner – up mao si Ma. Era Buntag, 15 anyos, dalaga nga nagpuyo sa may Barangay Poblacion sakop sa lungsod sa Mutia ning lalawigan ug siya usab nagpakadawat sa premyo nga mobalor sa usa ka libo ka pesos.  Wala usab magamahay ang unom ka mga contestant’s kinsa nga wala magpakadaug tungod kay nakadawat usab kinig consolation prize.

Nasayran nga ang naasoy’ng ZNUC Singing Idol 2007 gisalmutan kini sa siyam ka mga banggiitang mag–aawit nga nagagikan sa nagkalain-laing dapit dinhi sa lalawigan sa Zamboanga del Norte lakip na ang duha ka dakbayan. Ang mga Board of Judges nga nahimong mga miyembro mao sila si Miss Glen Dini-ay, ang Grand Champion sa 2005 Search for a Singing Star ; Miss Jenny Bantilan , ang Grand Champion sa 2006 Search for a Singing Star ; Mr. Joffer Esparcia , ang first runner – up sa 2006 Search for a Singing Star ug si Mr. Mark Tuazon.  Ug ang gihimong chairman mao si Mr. Archer Campoy samtang ang nahimong host mao si Mr. Gerson “ Buddy “ Cagbabanua. Mapasalamatong mipadayag si Mr. Leo Cimafranca , ang Outgoing ZNUC President ngadto sa tanang mga sponsoring agency ilabina ni Governor Rolando Yebes alang na sa iyang makanunayong pagsuporta sa naasoy’ng kalihukan sa ZNUC tungod kay nagatumong man usab kini alang na sa pagpalambo sa ilang kahanas sa mga kabatan-unan diha na sa natad sa pag – awit. (Mindanao Star, Vol.III No.48)

*

 

Pulso Sa Katilingban
Cicer M. Binghay
. . . nagkinahanglan gamay’ng pasakayli kay pasko karon.

Dili masabot ang gipasabot. Ang namunoan nagbalik-balik pag-ingon: “A start has been made to stop graft & corruption.” Tinuod a start had been made but unless this government can send some of this grafters to jail, people will not reform. To fight graft and corruption is to instill national discipline in our people and particularly to wake up the sound sleeper eyes and ears agency, the Commission on Audit (COA) who are strikingly purveyors and back grounders of illegal purchases and overpricing and etc. . . . in the national and local government.

Mao kini ang unahon prioridad prohekto when it came to power. Sundogon ang gihimo sa mga nasod sa Japan, Germany, Amerika, Taiwan, Korea, Singapore ug Switzerland. They are all the countries that are successful and prosperous with regid national discipline.

Pero hangtod karon ang fertilizer scam nga binilyon pesos, igo lang taman gihisgotan gibolabog, ang mga hingtongdan gitugotan mga wala dinhi sa nasod. Dayon nasundan sa daghang mga bikil sama sa napahungaw ni Joey de Venecia anak ni Speaker Joe De Venecia kabahin sa ZTE Broadband kaguliyang suborno, nasundan pa gyod sa mibuto Malakanyang sayo nga mga cash gift sa mga Kongresista ug gobernadores nga tingali maoy nakapa upaw kang kanhi Pres. Marcos pagka No. 1 nga korakot kay pagka karon si Marcos nahulog na lang sa pagka No. 2 gilabwan ni PGMA pagka No. 1 sa tanang mga presidenti sa Pilipinas nga nagtikaw-tikaw pa ning kalibotan. We are going nowhere????

Nakaingon sa kapalpakan sa atong pang gobiyerno gumikan gyod niining siging paburot sa national budget, foreign loans nga nagtipun-og nga walay urti. Sayang kaayo madungog Finance Secretary Margarito Teves nga mibandilyo sa makadaghan: “Tax collections nagdugang . . . has been improving steadily.  Pero lagi, naka anghit kay atong tax-collecting offices are the most graft ridden entities. Kon atong mapanas o eliminated kining graft, kon possibli himoon pagtinuod; ang income sa atong kagamhanan can be increased labaw pa sa 50%. Kon dili pa ipang bulsa niining mga karaho nga mga grafters ug corruptors there is considerable room for improvement like the countries mentioned above.

Kaha ulahi na ang tinud-on ni PGMA ang pag gubat batok graft ang corruption. It maybe late to start and complete a campaign for discipline. But it still has plenty of time to start come 2008 until his 2010 term . . . and the next administration whoever he or she they maybe, will inherit a well lighted avenue and not lose its way.

-oo0oo-

Headline pa gyod sa “Inquirer” ang pag perma ni PGMA sa release order on December 14, Friday ni Kanhi Kongresista Nonong Jalosjos. Dili maasi-asi ang tumang kalipay sa taga Dapitan ug tibook lalawigan sa usa ka Kongresista kansang mga prohekto nakahatag katumanan sa mga pangandoy sa mga ginikanan nga ang Zamboanga del Norte makatinirg tulonghaan national nga naa karon diha sa Dapitan City nga nakahatag dako katabang sa atong mga studyanti ug ginikanan. Usab dili malalis ni bisan kinsa nga ang pag-uswag sa Dapitan City nga matumbok sa mapa sa tibook nasod nga dili lamang usa ka “shrine city” kon usa na sa dunggoanan sa mga torista kalibotanon ug sa kadaghang kauswagan sa palibot.

Gumikan niini ang dakbayan sa Dapitan nangandam pagtagbo sa ilang gipangga nga Kongresista sukad nakatunob sa maong dapit nga diha-diha nakatukod sa Dakak Beach Resort nga usa ka international tourist spot.

Dili nato ikatingala nga ang 1st, 2nd ug 3rd district mga mayors ug ubang mga opisyales mahalangpong managbo kang kanhi Kongresista Nonong Jalosjos nga gitakda sigon sa gibalita sa Press Freedom ug The New Nandau Today nga umaabot karong December 20 adlaw’ng Hwebes. Gikan ning Lindog Pulso sa Katilingban, maayong pag-abot balik sa dapit nga nagpangga kanimo Kongresista Nonong Jalosjos and May God Bless you now and then. Nakabati ang Pulso sa Katilingban nga gisuspenso pag-ilog-ilog ni DOJ Raul Gonzales ang release order ni Jalosjos, pero permi dako akong pagtuo nga ang kang Gonzales pasiklab lamang. Hibaw-i si Gonzales bag-ong nakagastog minilyon pag-ilis sa iyang nadugta nga kidney . . . ug nagkinahanglan gamay’ng pasakayli kay pasko karon. (Press Freedom, Vol. XX No. 10)

 
Credits: Press Freedom is published every Saturday and entered as 3rd class mail matter in Dipolog City. Printed by Young Printing Press with Editorial Office located at Upper Turno, Dipolog City. Tel. No. (065) 212-4343 or 212-6665

 

MAYOR UY MIDAYEG SA GIBOBONG PUHUNAN NI LANDO SA EDUKASYON PARA CENTRAL BARANGAY

 

Mipalanog sa iyang pagdayeg si Mayor Evelyn Uy ngadto sa gipahimutang nga proyekto ni Governor Rolando Yebes sa Central Barangay ning dakbayan sa Dipolog nga ang gihatagan ug pagtagad mao ang kabahin sa edukasyon sa atong mga kabataan.

Kini ang gipalanog kagahapon nga mensahe ni Mayor Uy sa pagtugyan ni Governor Yebes sa tunga sa milyon ka pesos nga daycare center sa Central Barangay nga gipahatan ug pundo gikan sa kagamhanang probinsiyal sa ZaNorte. Matud pa ni Mayor Uy ang gibuhat sa kagamhanang probinsiyal bisan usa lamang kini ka gamay nga tikang apan usa usab kini ka tukmang lakang paingon na sa hustong direksiyon. Gidayeg ug gipasalamatan ni Mayor Uy si Governor Yebes ug mga meyembro sa Sangguniang Panlalawigan sa ZaNorte sa gihatag nilang gasa para sa mga kabataan sa Central Barangay sa Dipolog.

Ang mensahe ni Mayor Uy gibasa pinaagi na sa iyang representante nga si Atty. Alanixon Selda ang City Information Officer sa Dipolog. Sa samang bahin nagpasalamat usab si Barangay Captain Rosana Diaz sa gihatag nga proyekto sa probinsiya para sa ilang barangay. Matud pa ni Kapitan Diaz ang nasangpit nga daycare center makatabang gayud ug daku sa pagpalambo sa mga kabataan sa Central Barangay.

Si Gobernador Lando Yebes nagkanayon nga nalipay siya nga gihatagan siya ug higayon nga makasirbi sa mga katawhan sa Dipolog bisan sa gamay nga proyekto sama sa tunga sa milyon ka pesos nga Day Care Center sa Central Barangay.

Daku ang pagtuo ni Capitan Diaz nga madasig gayud ang ilang mga kabataan sa pagtungha sa bag-ong daycare center kay sa iyang nakita kon maayo ang pasilidad ang usa ka eskwelahan siguradong ganahan usab ang mga kabataan nga motungha aron daghan usab silang makat-on. Ang kapitan sa Central Barangay nagkanayon nga kon unsa may ilang matabang isip mga local officials ngadto sa mga kabataan kinahanglan dili gayud magmakuli kay anaa sa mga kabataan ang paglaum sa atong katilingban.

Mipalanog usab sa iyang pagpasalamat si Board Member Cedric Adriatico nga maoy mirepresentar sa Sangguniang Panlalawigan sa ZaNorte. Samtang si Governor Rolando Yebes sa iyang pakigpulong mitataw nga sa iyang pagpanirbisyo karon sa katawhan sa probinsiya edukasyon maoy usa sa gihatagan niya ug pagtagad kay sa mao ra nga paagi nga magkatupong ang mga datu ug pobre. Matud pa sa gobernador sama sa gibuhat nila sa Central Barangay sa Dipolog ang ubang barangay sa lalawigan nagkinahanglan usab ug susamang mga pasilidad kay hangtud karon mokabat pa sa 64.8 percent sa atong mga katawhan ang kabus kon sa atong populasyon nga usa ka milyon kini nagpasabot nga aduna pay 650 ka mga lungsuranon sa ZaNorte nga kabus.

Ang gobernador nagkanayon nga nalipay siya nga gihatagan siya ug higayon nga makasirbi sa mga katawhan sa Dipolog bisan sa gamay nga proyekto sama sa Day Care Center. (Press Freedom, Vol. XX No. 10)

 
 
 

Rep. Carreon todo suporta sa iyang anak

Todo suporta alang sa kaayohan sa mga kabataan, maoy gipadayag nga mensahe ni Congresswoman Cecelia Jalosjos-Carreon sa dihang napili ang iyang anak isip presidente sa Sangguniang Kabataan Provincial Federation sa Zamboanga del Norte.

Si Congresswoman Carreon kinsa nagpasalamat sa tanang SK president nga misuporta kang Angelica ang namahayag nga ang ilang pagsalig sa iyang anak iya usab bugtian sa hugot nga pagsuporta sa unsa man nga mga programa ug proyekto alang sa kaayohan sa mga kabatan-onan. “Dili magmahay ang ubang SK nga dili opisyal sa pederasyon kay ako gihapon silang tabangan.” Gipahayag ni Congress-woman Carreon nga sa iyang PIF, bisan kon siya nagrepresentar sa unang distrito apan iyang gahinan ug pundo ang tanang lungsod para sa Sangguniang Kaba-taan sa tibook probinsya ug kini ilang tambayayongan sa iyang igsuon nga si 3rd District Congressman Cesar Jalosjos. Alang ni Cong-resswoman Carreon wala masayop ang ta-nang SK president sa pagpili sa iyang anak isip maoy ilang presidente sa Sangguniang Kabataan sa Zam-boanga del Norte gumikan kay kini makahatag man ug kaayohan ug ka-lamboan para sa ilang tagsatagsa ka mga lungsod.

Todo suporta alang sa kaayohan sa mga kabataan, maoy gipadayag nga mensahe ni Congresswoman Cecelia Jalosjos-Carreon sa dihang napili ang iyang anak isip presidente sa Sangguniang Kabataan Provincial Federation sa Zamboanga del Norte.

“Wala gayud sila masip-yat sa pagpili sa akong anak kay motabang gyud ko nila.” Sa kabahin sa nahinagboang problema sa ubang mga lungsod sukad pa sa unang panahon nga ang SK federation president walay mahimong kalihukan para sa mga kabataan tungod kay talagsa lamang kini motungha sa ilang tigum ilabi na sa regular session sa Sanguniang gumikan kay atua kini nagtungha sa layong dapit, si Congress-woman Carreon mipahayag nga dili niya did-an ang mga SK federation chairman nga mo-eskuwela sa lagyong dapit tungod kay alang man usab kini sa ilang maayong edukasyon. Sama sa iyang anak kon ugaling motungha man kini sa layong dapit, iya gayud agdahon nga kanunay’ng mopauli aron makarepre-sentar kini sa mga kabataan alang sa mga programa ug proyekto nga ilang ipatuman.

Gihimong ehimplo ni Congresswoman Carreon ang iyang kaugalingon nga siya isip representante sa permero distrito, bisan kon duna silay session sa kaulo-han apan matag semana mopauli gayud siya aron makigkita sa iyang mga katawhan. Karon nga panahon sa pasko, si Congresswoman Cely Carreon mipabate sa iyang mensahe nga magka-hiusa ang tanang mga katawhan sa tibook Zamboanga del Norte. (The New Nandau, Vol. XVII No.25)

 

Credits: The New Nandau is a member of the Publishers Association of the Philippines (PAPI). Editorial office is located at 076 Quezon Avenue, Dipolog City with Tel. No. (065) 212-3794; Cell No. +639205201041

*

MORE NEWS NGA BINISAYA

 

 

NOTE: SEND US YOUR NEWS.  Tell us what's going on in your barangays, clubs, schools, businesses and non profit organization. You can also send notices and announcements.
          

 

    Email to webmaster@dipolognon.com

      
Google
WEB THE DAILY DIPOLOGNON